اللحم مقابل الاستيكرات

[هجاام]

ان الناس عندالانقاذ وخاصة في مدينتي الحبيبة ودمدني مفهومهم عنهم كالاتي.
جوعي عديمي الرأي وعديمي الفهم ويجب ان يكونوا كذلك ولا يخرجوا من هذه الدائرة دائرة الجهل
يجب ان يكونوا اهل عوذ ومضيومين ومحتاجين لكي لا يكون لهم استقلالية قرار اوفهم
والعري كذلك سيمنعهم من ملاحقة المسؤولين للمطالبة بحقوقهم فلذلك لابد ان يكونوا عراة
واشياء اخري سنذكرها في .
وبناء علي ذلك قام المؤتمر الوطني وقارونه جمال الوالي بالاتي
توزيع الفنايل والشالات وتعمد عدم توزيع السراويل والعراريق حتي يكونوا زي الخواجة اللابس برنيطة وعريان لحكمة .
وكما هناك توزيع للحم بدون خضار ورفع شعار اللحم مقابل الاستيكر يعني تسلم استيكرك ليضمنوا تسجيلك لهم وانتخابك لمرشحهم . تستلم كيلو لحم والا تقعد جيعان وفهمهم في ذلك رأيت الناس تلتحم علي من عنده اللحم..ورأيت الناس تنفك الي من عنده الفكه.
اخيرا اقول عيب ياحملة جمال الوالي ناس مدني ما كده ,اللحم البتوزعوا فيه ده عيب واصوات الناس ما بقايضوها باللحم وارجو ان تطرحوا رأيكم فنحن في مدني اهل فهم راقي واللحم دا اِلا تلايقو بي شجر النيم بتاعكم دا .
كتابتي لهذ الموضوع بعد ان قام جمال الوالي بتوزيع لحم علي الاحياء في مدني وقد استنكرت هذا الامر وتحدثت لاحد منسوبي المؤتمر الوطني في ذلك الا انه قال لي هذه زكاة جمال الوالي .فقلت له الله اكبر

[ودسمير]

لو جمال الوالى فاهم انو ح يشترى ناس مدنى باللحوم يبقى واهم
ودمدنى اكبر من ذلك
ولو عندو فهم تانى يوريناااااااااا
اما الناس الشالو من اللحم مساكين ما فاهمين شئ

[النويري]

هذا زمانك يا مهازل فأمرحي كلامك دا إلا في الأفلام المصرية حيث الفلاحين المقلوبين على أمرهم والله البلد وصلت مرحلة صعبة جداً وبالفهم دا كل شيء ممكن يحصل لك الله يا ودمدني بعد أن تشرد المزارع وتم تخصيص كل المشاريع التنموية في الجزيرة أصبحت الدعايات الإنتخابية باللحم طيب كان يخلوها فراخ وبيض عشان تكون راقية شوية الناس شبعانة في اللحم لكن الدجاج لسة الناس ما شبعت فيه

[مصطفى هاتريك]

يا جماعة جمال الوالي اكبر من كدا وممكن تكون دي اشاعة ساكت
وان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين

[مصطفى هاتريك]

ارجو ان لانبني على الاشاعات وما اكثرها وبالمناسبة الاشاعة ممكن تتصدق وتلقى كانها حقيقة تبنى عليها احكام وقرارات وربما استراتيجيات ,,,,,,,,,, فانتبهوا

[nehroo]

كلمنا ناس ود الصول قلنا ليهم اللحم ما عايزينه
بس رسلوا لينا من الكابات والتي شيرتات بتاعته
لبسوها براهم و ما إشتغلوا بينا الشغلة.

[أبو جودي]

هو يا نهرو يا أخوي جمال الوالي ده من ياتو حي في مدني
عليك الله أصلى ما عارفو عشان
نسوطه ليهو

[مصطفى هاتريك]

يا ابو جودي
الدائرة دي حقت الجزء الشمالي الغريي من محلية مدني الكبرى الممتدة حتى فداسي
وجمال الوالي من فداسي
يعني من داخل الدائرة
وفداسي جزء عزيز من وطننا الصغير مدني الكبرى
خلونا نبقى واسعين شوية
وعليكم الله ما تضيقوها

[nehroo]

هو يا نهرو يا أخوي جمال الوالي ده من ياتو حي في مدني
عليك الله أصلى ما عارفو عشان
نسوطه ليهو

الحبيب أبو جودي
الحي خليه ياخ
إنت ( سوط ) عشان اللحم والتي شيرتات والكابات ياخ
عاوز تفوت علينا المولد مالك
يمين تاني ما تشوفوا الا بعد اربعة سنة
عوك يا ود الصول رسلوا لينا حقنا.

[nehroo]

ارجو ان لانبني على الاشاعات وما اكثرها وبالمناسبة الاشاعة ممكن تتصدق وتلقى كانها حقيقة تبنى عليها احكام وقرارات وربما استراتيجيات ,,,,,,,,,, فانتبهوا

الأخ مصطفى
حقيقة أنا مثلك كنت أعتقد أنها إشاعة وحتى مداخلاتي السابقة
كنت أعتقد أن الأمر مجرد مزحة , ولكن الآن بعد إتصال هاتفي لمدينة ودمدني
أكد لي أكثر من شخص ممن أثق جداً في حديثهم أن موضوع توزيع اللحمة حقيقة
وأنهم شاهدوا ذلك بأعينهم وحدثهم عن ذلك من إستلمها أيضاً
والآن في هذه اللحظة التي أسجل فيها هذه المشاركة توزع اللحمة في بعض المناطق ..

أخي هجام لك الشكر فقد حسبنا أن الموضوع مزحة ولكنك صدقت في معلومتك ..
يعني هم عارفين أن الناس جعانيييييييييييين لهذه الدرجة ؟
.. وجوع كلبك يتبعك ..

[هجاام]

الأخ مصطفى
حقيقة أنا مثلك كنت أعتقد أنها إشاعة وحتى مداخلاتي السابقة
كنت أعتقد أن الأمر مجرد مزحة , ولكن الآن بعد إتصال هاتفي لمدينة ودمدني
أكد لي أكثر من شخص ممن أثق جداً في حديثهم أن موضوع توزيع اللحمة حقيقة
وأنهم شاهدوا ذلك بأعينهم وحدثهم عن ذلك من إستلمها أيضاً
والآن في هذه اللحظة التي أسجل فيها هذه المشاركة توزع اللحمة في بعض المناطق ..

أخي هجام لك الشكر فقد حسبنا أن الموضوع مزحة ولكنك صدقت في معلومتك ..
يعني هم عارفين أن الناس جعانيييييييييييين لهذه الدرجة ؟
.. وجوع كلبك يتبعك ..

اخي الحبيب نهرو .كيفنك ياغالي يا غيور.طال بي الغياب ولكم احببت مداخلاتك فأعذرني علي التأخر في الرد عليك وعلي المتداخلين الاعزاء
الكلام الان يا اخوتي ان جمال الوالي جاء الي ودمدني باللحم ودا مثبت ومصور وجابتو جريدة التيار بالصورة ولم يأتي بالفهم ونحنا عايزين فهم وليس لحم وقد فاز هذا القارون الحديث بمقاعد لا حصر لها ولا عدد
اكثر من سبعة وعشرون الف نفر صوتو له عشان لحموا وشحمو .طيب يعني معناها مدني دي عبارة عن جياع ومحتاجين ولا شنو ياجماعة؟والمرشحين المعاه اكثرهم جاب الف صوت ودا سرقوا اصواتو عديييييل
في عقر دارو ؟وبعدين كلام مصطفي هترك دا شنو يااخي فداسي بتبعد من مدني حوالي خمسة وتلاتين كيلو وهي اصلا ما ممكن تكون حي من احياء مدني ولا الكنابي المصطنعة ولا حلة محجوب ولا رضوان بيشبهو مدني حتي لهجة اهلها وطريقة تفكيرهم لا تشبه مدني لذلك فوز جمال الوالي نكسة لمدني وعار كبير علي اهلها ولابد للايام القادمة ان تكشف لكم كلامي دا والله يكضب الشينة؟

[هجاام]

ارجو ان لانبني على الاشاعات وما اكثرها وبالمناسبة الاشاعة ممكن تتصدق وتلقى كانها حقيقة تبنى عليها احكام وقرارات وربما استراتيجيات ,,,,,,,,,, فانتبهوا
يا هاتريك اللحم وحااااتك مو اشاعة الناس دهست عظمو وشربت شوربتو.وكان داير الكراتين الفاضية عندنا رايك شنو؟

[عزام سنهورى]

جمال الوالى دا ماكفاهو اسم ابوه الوالى برضوا عايز ابقى والى مدنى مدنى دى قايله نادى المريخ لو كان وزع شرايط للفنان محمد شبارقه فيها غنيه مدنى كده كان احسن من اللحمه والفنايل و (الطواقى) الوزعه دى بعد ما الشمس غابت كان نقول ممكن تكون ليه نظره من قصاد الطاقه وحتى بصيص امل

[هجاام]

جمال الوالى دا ماكفاهو اسم ابوه الوالى برضوا عايز ابقى والى مدنى مدنى دى قايله نادى المريخ لو كان وزع شرايط للفنان محمد شبارقه فيها غنيه مدنى كده كان احسن من اللحمه والفنايل و (الطواقى) الوزعه دى بعد ما الشمس غابت كان نقول ممكن تكون ليه نظره من قصاد الطاقه وحتى بصيص امل
ياسنهوري ياعزام ** جمال الوالي جاب لحمة تمام* طبعا ياسنهوري دا (هتاف) تخيل غير الهتاف دا ممكن جماعتو اقولو شنو
وبعدين مشيت حلة... وديل طبعا( ونن هوسا وفلاته )رمي ليهم بتاع اللحمة دا عواميد ومولد كهربا وقال ليهم بخطط ليكم الحلة وبسوي وبسوي .فكان الهتاف: ياجمال يا والي* جيب اللهمة توالي
(نهنا وراك ياجمال *جيب الفنايل والتواقي بالشوال.)وديل وحلة موبي عددهم حوالي عشرة الف نسمة يتزايدو كالدود تخيل مدني كيف اصبح حالها.
وبالمقارنة :كان ابناء مدني في ندواتهم السياسية يتبارون وعيونهم تزرف بعد الدمع دما في كيفية انقاذ مشروع الجزيرة واصلاح ماافسده الدهر وارجاع مدينة مدني رائدة كما كانت ولازال بكائنا وسيستمر مادام رئيس نادي المريخ المغلوب امس تلاتة سيجلس علي كرسي ودمدني لايدافع عنها ولا يدري ما مشاكلها .والله الطف

[هجاام]

يا ابو جودي
الدائرة دي حقت الجزء الشمالي الغريي من محلية مدني الكبرى الممتدة حتى فداسي
وجمال الوالي من فداسي
يعني من داخل الدائرة
وفداسي جزء عزيز من وطننا الصغير مدني الكبرى
خلونا نبقى واسعين شوية

وعليكم الله ما تضيقوها
نبقي واسعين شوية ؟تخيل يااخ هتريك انت جايي من خارج السودان ومعاك فكرة تطوير مدني وجا معاك مستثمر عشان اشوف مدني اسألك بالله حا تبدا ليه مدني من فداسي ؟وتجي بي الكنابي وقرية بيضا وتمرق في الكريبة وحلة مايو فلاتة وموبي الثورة وموبي كرنقو وحلة محجوب وحلة رضوان وماتخلي ليك كنبو .الزول البتجيبو دا غير اقوم جاري حا يعمل شنو؟

[هجاام]

هذا زمانك يا مهازل فأمرحي كلامك دا إلا في الأفلام المصرية حيث الفلاحين المقلوبين على أمرهم والله البلد وصلت مرحلة صعبة جداً وبالفهم دا كل شيء ممكن يحصل لك الله يا ودمدني بعد أن تشرد المزارع وتم تخصيص كل المشاريع التنموية في الجزيرة أصبحت الدعايات الإنتخابية باللحم طيب كان يخلوها فراخ وبيض عشان تكون راقية شوية الناس شبعانة في اللحم لكن الدجاج لسة الناس ما شبعت فيهالمصيبة الكبيرة اخي النويري اللحم كان بتوزع في احياء اساسية في مدني وكان الزول البجيبو بدق الباب وعندما يفتح الباب بقول الزول الشايل اللحمة دي من ولدكم جمال الوالي . سألت واحد من الجماعة الفي حملة الوالي الانتخابية دا شنو ؟؟ قال لي دي زكاة جمال واخلي ليك يانويري الرد عليه.
وحده قريبتنا من حي .شالت اللحمة وضربت بيها الموزعاتي في وشو وقالت ليهو امشي نحن اللحم بنجيبو في البيت بالخروف وانتو مابتشترونا بيهو هكذا والله حكي لي قريبي عنها

[محمد علي شقدي]

حقيقي بلاد كما حاولت ان تبتسم حط علي شفتيها الذباب
والان الذباب يحط ايضا علي ما يوزعه هؤلاء من لحوم انتزعت بسكين صدءه من اجسادنا
ليك التحيه هجاام ولكل الشباب
وحاله تقرف جد

[هجاام]

حقيقي بلاد كما حاولت ان تبتسم حط علي شفتيها الذباب
والان الذباب يحط ايضا علي ما يوزعه هؤلاء من لحوم انتزعت بسكين صدءه من اجسادنا
ليك التحيه هجاام ولكل الشباب
وحاله تقرف جد
التحية لك اخي شقدي .وفعلا اخي فقد اصابتنا هذه التصرفات بقرف وغم وهم علي مصير هذه البلد.لك شكري علي مرورك