المساعد الشخصي الرقمي

مشاهدة النسخة كاملة : العريس عصمت ... غسيل عدة و لا شنو الحصل


عبدالله محمد العقاد
12-04-2010, 08:45 AM
حبيبنا الغالي العريس عصمت

اليومين ديل ما ظاهر نقول شنو غسيل العدة كتر و لا شنو الغياب

قصة حقيقية واحد اخونا مرته جات جديدة
و في شهر العسل كل الاكل من بره كنتاكي و هرفي و ماكدونالز و كودود و بتزا هت
المهم العروسة مبسوطة بسطة شديدة
تقوم من النوم تلقى العريس جاب الاكل ياكله و يرموا الصناديق في الزبالة
بعد شهر العسل يوم العريس جاء داخل برجلة وبامية و خضرا
العروس شهقت و قالت ليه سجمي سجمي ديل هنا في و الله انا قايلهم في السودان بس

العريس قال ليها اي في و شدي حليك عشان تطبخي لينا
قالت ليه لكن يا ( حمودي ) انا لسه حنتي جديدة لازم انت تغسل العدة
اخونا بقى يغسل العدة في اليوم مرتين تلاتة

فهسع انت يا ( عصومي) شكلك كدا غسيل عدة و هدوم اربع وعشرين ساعة

كن انت والاسرة الكريمة كما نحب و ندعوا لكما بالعافية والسعادة و التوفيق
مدناوية
12-04-2010, 08:57 PM
الحياة شراكة يا ود العقاد ....


ولا رأيك شنو يا إسمت العريس ؟؟؟
الجندي المجهول
12-04-2010, 09:45 PM
الحياة شراكة يا ود العقاد ....


ولا رأيك شنو يا إسمت العريس ؟؟؟

بعد اذنك ،،

هل هذا الكلام صحيح يا ...
1/ معتز الريح
2/ استاذ رضا
3/ ...........

وشكراً
عبدالله محمد العقاد
14-04-2010, 11:21 PM
[quote=مدناوية;487171]
الحياة شراكة يا ود العقاد ....


ولا رأيك شنو يا إسمت العريس ؟؟؟




الحياة شراكة ذكرتني شريط الكاسيت بابا بيغسل العدة

الاب قال لولده يا ولدي الحياة شراكة

الولد قال ليه شراكة و لا هراشة

اختنا مدناوية طبعا دا كله هزار لكن الحياة و بالذات بتصبح اكثر من شراكة
و بالذات حياة الشقق فسبحان الله بتلقى في خوف و قلق كل من الزوجين
على الاخر
و لو اتاخرت دقيقة عن مواعيد الجية للبيت تلقى التلفون ضرب مليون مرة
اما لو المراة ما رفعت التلفون في البيت دا الخوف والقلق الاكبر و ياالله توصلني البيت
و الاحساس دا بيستمر معانا حتى لو مشينا السودان اجازات

مرة خليت المراة في مدني و مشيت الشمالية و التلفون البطارية فضت
و الحلة ما بيجي فيها التلفون بالساهل
المراة فضحتني فضيحة في مدني
لكن الحمد لله الناس اللي حولنا كلهم متفهمين لحياة الشقق و المشاعر
التي يمكن ان تنشا من العيش مع بعض دون اصطحاب الاخرين في عالم محدد اسمه الشقة
esmat
14-04-2010, 11:54 PM
حبيبنا العقاد
والله مشتاقين
تعرف الايام دي مع شغلة الانتخابات دي غسيل العدة زااتو خليناهو
غايتو خليتها مردومة كدا لما نشوف ليها حل

ووالله ياعقاد شاهد الله العدة غسلتها ما فيها حاجة حياة شراكة وكدا
لكن الخضرة دي وقفت فيها حطب عديييل كدا
قلت ليها ياغالية العدة عرفناها جابت ليها خضرة
بعد بكرة بتجيب ليها حاجة تانية اعفيني

اها اخبارك انت شنو يا (مؤسس)
واخبار الاهل والاولاد
esmat
15-04-2010, 12:00 AM
الحياة شراكة يا ود العقاد ....

ولا رأيك شنو يا إسمت العريس ؟؟؟

يامدناوية يابت بلدي
هو في احلى من الشراكة
تحس بي طعمها زااتو
خاصة كمان لما تعملها بدون ما تطلب
بدر الدين احمد الطائف
15-04-2010, 10:32 PM
بعض الاصدقاء من ابناء ودمدنى يطلقون على الشخص الذى يساعد زوجته فى اعمالها المنزليه (بالعضوء)فلان ده عضوء.
دحين غير اخوانا الذكرهم الجندى فوق ديل ممكن نضيف منو تانى لقائمه الاعضاء الفخريه دى.

تخريمه ما ذى تخريمه الجندى لماذا نسبة الساده الاعضاءمرتفعه فى جده.
مدناوية
17-04-2010, 09:27 PM
يامدناوية يابت بلدي
هو في احلى من الشراكة
تحس بي طعمها زااتو
خاصة كمان لما تعملها بدون ما تطلب





إسمت يا عريسنا ...

الله يفتح عليك ...

لكن دا ما يكون كلام الجدة ... وبكرة تغير مبدأك ؟؟؟

:confused::confused::confused:
نزار حسن محمد
17-04-2010, 09:56 PM
مالا غسيل العده حلاته ومالو مسح البيت حلاتو ..ومالو شيل العيال حلاتو
ده كله هين علا النقه بقيف فيها الف احمر والمكضبنى اسعل مدنيه
عبدالله محمد العقاد
23-05-2010, 06:30 AM
العريس عصمت


اليوم باقرا في ايميلي لقيت الحبيب حمدتو مرسل لي النشرة الدوية المختصرة عن الجديد في مواضيع منتديات ودمدني و لقيتك البوست دا من ضمن النشرة و الظاهر غسيل العدة لقى رواج عبر الفضاء الاسفيري
RE: Wadmadani.com latest News‏
to :yaabdllah@hotmail.com
عبدالله محمد العقاد
15-05-2011, 09:03 AM
العريس عصمت انشاله انت والاسرة الكريمة كما نحب وندعوا لكم بالتوفيق والصحة والعافية
الجمعة الماضية تذكرتك وانا اغسل في العدة
ام محمد قالت يدها واجعها و ما بتقدر تغسل العدة
فقمت اغسل في العدة وانا اتذكر في هذا البوست
عصومي غيابك طال طمنا عليك
esmat
17-05-2011, 01:31 AM
العريس عصمت انشاله انت والاسرة الكريمة كما نحب وندعوا لكم بالتوفيق والصحة والعافية
الجمعة الماضية تذكرتك وانا اغسل في العدة
ام محمد قالت يدها واجعها و ما بتقدر تغسل العدة
فقمت اغسل في العدة وانا اتذكر في هذا البوست
عصومي غيابك طال طمنا عليك

حبينا العقاد سلام ورحمة الله وبركاته ان شاء الله بالف خير والاسرة الكريمة
اها.. دخلوك الشبكة وعملوا ليك حركات
ناس يدي وجعتني وتعبانة وكدا - دي شربنا منها كتتتتتير
تعرف احسن حاجة تعملها اوعى تخلي العدة تبيت ولو فترت خلالالاص بلها بي موية
عشان بعدين حكها صعب يا اخوي وصية معلم دي
مشتاقين كتير ياغالي
أحمد عمر ( MOODY )
17-05-2011, 01:46 AM
حبينا العقاد سلام ورحمة الله وبركاته ان شاء الله بالف خير والاسرة الكريمة
اها.. دخلوك الشبكة وعملوا ليك حركات
ناس يدي وجعتني وتعبانة وكدا - دي شربنا منها كتتتتتير
تعرف احسن حاجة تعملها اوعى تخلي العدة تبيت ولو فترت خلالالاص بلها بي موية
عشان بعدين حكها صعب يا اخوي وصية معلم دي
مشتاقين كتير ياغالي



الحبيب .. رفيق الدرب و السلاح
شوفتك .. شفا




حكمة العدد : الماعون اللّين .. غسيلو هيّن
:p:p:p:p:p
أها يا الحبيب ودعتك الله .. نتلاقى في الككر
ام رغد
17-05-2011, 07:14 AM
عصمت؟؟؟؟؟؟ حمدالله على سلامة الجية هملتنا لمودى وود المسامير وبحيرى يبيعو ويشترو فينا....
جيت والله جابك وبالكتير حبابك ..
المنتدى منور والله...
عبدالله محمد العقاد
28-05-2011, 10:38 PM
حبينا العقاد سلام ورحمة الله وبركاته ان شاء الله بالف خير والاسرة الكريمة
اها.. دخلوك الشبكة وعملوا ليك حركات
ناس يدي وجعتني وتعبانة وكدا - دي شربنا منها كتتتتتير
تعرف احسن حاجة تعملها اوعى تخلي العدة تبيت ولو فترت خلالالاص بلها بي موية
عشان بعدين حكها صعب يا اخوي وصية معلم دي
مشتاقين كتير ياغالي


العريس عصمت حمدلله على السلامة و انشالله امورك في الرياض ظبطت
اشوف ماشالله صايرخبرة في عمل البيت
تعرف اخوي عصمت حقو الواحدة بعد ما يتزوج يغير هواياته بدل الاطلاع و الاستماع للموسيقى إلى هوايات موضوعية مثلا غسيل الهدوم غسيل العدة وريق الخدرة يعني هوايات تلامس الواقع و تكون صادقة
حمدالله على السلامة