( بشري سارة ) سما للطيران تنافس سودانير

[أبوريلان]

اطلاق أول رحلة في 3 مايو بسعر مخفض و موحد لجميع المقاعد



أعلنت شركة سما للطيران عن فتح باب الحجوزات الى الخرطوم والتي تنطلق من جدة، حيث تسير أولى رحلاتها في يوم الأثنين 19 جمادي الأولى الموافق 3 مايو 2010 وذلك بمعدل ثلاث رحلات اسبوعياً خلال أيام الأثنين، الأربعاء و الجمعة.
وكبادرة جديدة في العروض الخاصة لأفتتاح وجهات أضافية، تم تحديد سعر 150 ريال للمقعد كسعر موحد لجميع مقاعد الطائرة في أول رحلة من رحلات سما الى الخرطوم، يضاف على ذلك الرسوم و ضرائب المطار. مما يتيح للمسافر على أول رحلة فرصة الحصول على مقعد بسعر رمزي. كما يبدأ السعر الترويجي للرحلات اللاحقة من 390 ريال.
و يساهم تشيغل سما لرحلاتها الجوية بين السعودية و السودان في توفير خيار جديد للسفر و خصوصاً للجالية السودانية الشقيقة و المقيمة في المملكة من خلال تسهيل وتشجيع زيارة الأهل و الأصدقاء بشكل مستمر، وذلك بالأستفادة من الأسعار المخفضة التي تقدمها سما للطيران.
والجدير بالذكر أن سما قد حققت نجاحاً و تقدماً كبيراً فيما يخص بأنضباطية اقلاع رحلاتها الداخلية و الدولية في موعدها المحدد، كما لاقى عرض الأثنين والذي تم تطبيقة مؤخراً ترحيباً كبيراً من قبل المسافرين، حيث تعرض سما عبر موقعها الألكتروني عدد من الوجهات الداخلية و الدولية بأسعار مشجعة للسفر وذلك كل يوم أثنين.
وتقوم سما بتسيير رحلات داخلية الى كل من: الدمام، الرياض ، جدة ورحلات دولية الى كل من: الشارقة، الإسكندرية، أسيوط، عمان، دمشق، حلب، الخرطوم و بيروت. كما توفر طرق متعددة ***** عبرالموقع الإلكتروني www.flysama.com بأتباع خطوات مبسطة لأتمام عملية الحجز والدفع ، مركز الإتصال الموحد 920005588، مراكز المبيعات (داخل المدن الرئيسية، والمطارات) ووكلاء السفر والسياحة المعتمدين داخل المملكة وخارجها.

[معتز الريح]

ياسر يا حبيب ..
المشكلة في الوزن ..
وأنت عارف وزننا لما ننزل إجازه ..

لكن سما اثبتت جدارتها على خط القاهرة ..
بالرغم من التأخر الطفيف في مواعيد رحلاتها ..
نتمنى لها التوفيق في هذا الخط الجديد ..
وربنا يزيد المنافسة لانها تصب في مصلحة الجميع ..

[abomazeen]

المنافسة الشريفة المستفيد منها اولاً وأخيراً هو المسافر السوداني... شيء جميل

[الزبير محمد عبدالفضيل]

سوف يكون تنافس كبير بين سودانير وسماء والخيار للراكب السوداني

[الجندي المجهول]

السعر عشان الناس ما تتغشى لاني اتصلت امس على خدمات العملاء

لانه في الاعلان مكتوب 150 ريال (ذهاب فقط) ويضاف اليها تقريباً مبلغ الضرائب وستصبح 345 ريال
يعن يبرضو رخيصة يعني ماشي جاي (690 ريال) مبلغ ولا في الاحلام
والوزن الزائد الكيلو = 25 ريال
وحتى الشنطة الشايلها في ايديك (صحبة راكب) لكها مقاسات معينة ...

يعني بالواضح كدا سما دي عاوزة زول يكون ماشي براهو يقضا شغلة وجاي شغلة بتاعت خمسة ايام او اسبوع او حتى عشرة ايام

ويا اخوانا ما في داعي للاحراج زول ماشي بي سما ما تديهو شنطة يوصلها ليك السودان ( بتحرجوا عديل كدا )

تخريمة : برضو فكرة جميلة والمستفيد المسافر إلى السودان او اي شخص آخر

[محمد حسين (المميز)]

بتنفــع بررررضو

سفرات خفافي نظام الاعيــــــاد وكده

شنيطـه صغيروووونه

لاهدايا لا وصايا

ولاّ كيــــــف؟؟؟

[المكاشفى]

ارحكم انكربوا بالجيه سااااااااى
والله يا ابوريلان دى فرصه لكل طائر
مغرد فى المملكه انو ينزل السودان سنويا
سنويا دى بتلفق يالجندى اخوى

[الجندي المجهول]

بتنفــع بررررضو

سفرات خفافي نظام الاعيــــــاد وكده

شنيطـه صغيروووونه

لاهدايا لا وصايا

ولاّ كيــــــف؟؟؟

بالنسبة ليك الان ممكن لكن بعد تجيب الاولاد إلا تسافر بيها ......(الما بتحكي) قال كل عيد جيب الاولاد وقابلني ؟ في شارع باب مكة عمارة باعبود

[الجندي المجهول]

ارحكم انكربوا بالجيه سااااااااى
والله يا ابوريلان دى فرصه لكل طائر
مغرد فى المملكه انو ينزل السودان سنويا
سنويا دى بتلفق يالجندى اخوى



مكاشفي القوم حبيبنا ،، تحياتي
كل سنة ..... سنة يا انا

[أبوريلان]

ياسر يا حبيب ..
المشكلة في الوزن ..
وأنت عارف وزننا لما ننزل إجازه ..

لكن سما اثبتت جدارتها على خط القاهرة ..
بالرغم من التأخر الطفيف في مواعيد رحلاتها ..
نتمنى لها التوفيق في هذا الخط الجديد ..
وربنا يزيد المنافسة لانها تصب في مصلحة الجميع ..



الزول الجميل معتز
فعلاً أثبتت جدارتها علي خطوط كثيرة ومواعيدها مضوبطة
أكيد نزولها يصب في صالح المواطن السوداني لأنها سوف تخلق منافسة حرة
ربما أدت لتدني قيمة تذكرة السودانية في المستقبل القريب .

[أبوريلان]

المنافسة الشريفة المستفيد منها اولاً وأخيراً هو المسافر السوداني... شيء جميل





الرجل الطيب أبو مازن
مشتاقيييين
مهما كان سعرها فالمواطن السوداني مستفيد ، ناهيك عن السعر ، وجود منافس ووجود فرص سفر في أيام مغايره للسودانية وأشياء كثيرة ونتمني دخول طيران ناس للمنافسة .

[أبوريلان]

سفيرنا الزبير
المستفيد العاقل السوداني

ولسه يا ما نشوف من منافسة ، إلا بعد كده السودانية تبقي خطوط داخلية .

[أبوريلان]

السعر عشان الناس ما تتغشى لاني اتصلت امس على خدمات العملاء

لانه في الاعلان مكتوب 150 ريال (ذهاب فقط) ويضاف اليها تقريباً مبلغ الضرائب وستصبح 345 ريال
يعن يبرضو رخيصة يعني ماشي جاي (690 ريال) مبلغ ولا في الاحلام
والوزن الزائد الكيلو = 25 ريال
وحتى الشنطة الشايلها في ايديك (صحبة راكب) لكها مقاسات معينة ...

يعني بالواضح كدا سما دي عاوزة زول يكون ماشي براهو يقضا شغلة وجاي شغلة بتاعت خمسة ايام او اسبوع او حتى عشرة ايام

ويا اخوانا ما في داعي للاحراج زول ماشي بي سما ما تديهو شنطة يوصلها ليك السودان ( بتحرجوا عديل كدا )

تخريمة : برضو فكرة جميلة والمستفيد المسافر إلى السودان او اي شخص آخر




جندينا الهمام
معليش عندي مشكلة في الإقتباس
تعرف لو زدنا عليها تاني رسوم مستحدثة برضو بسيطة مقارنة مع 1800 ريال بتاعت السودانية إضافة لمهزلتها وتأخرها ، أهم ما في الموضوع أنو جوهم ناس منضبطين شديد وسوف يسحبوا البساط من تحت أرجلهم وبعد كده أشوفوا ليهم حداد ماهر يعملوها ( فرامات ) بتعرف الفرامة يا الجندي ولا جيل الثمانينات ؟ بس ما تخرم لي في الرد .

[moh_alnour]

قرأت الخبر بالأمس و أستبشرت خيرا ً رغم أن الخطوة تأخرت كثيرا ً من قِبل شركة سما قياسا ً بالدول الأخرى
لكن رغم ذلك فهي خدمة جليلة للجالية السودانية في المملكة خاصة عندما يتعلق الأمر بسفر الزوجة أو زيارات الأقارب
( طبعا ً سفر الزوجة دي مقصود بيها ناس ود الريح و رضا حسن المهروشين ديل عشان كدا ود الريح من أوائل المشاركين ) :p
شكرا ً ياسر أبو ريلان على هذه البُشريات الطيبة
هبوط إضطراري : أها يا ياسر أنت زي ناس معتز الريح و رضا حسن ديل و لا مسيطر على الوضع تماما ً :p

[بت أم درمان]

الخبر الأحلا أن اقصى حد لسعر التذكرة
ما حيكون اكثر من 700 ريال ماشي جاي
بعد كدا البقول ما ماشي السودان اجازة
ومخلي امه وابوه متشحتفين على شوفته
بيكون بالغ

اكبر تحية لطيران سما

[المكاشفى]

هبوط إضطراري : أها يا ياسر أنت زي ناس معتز الريح و رضا حسن ديل و لا مسيطر على الوضع تماما ً :p


اها ياخوى السعال ده محول ليك
ديلك الفيهم اتعرفت الدور والباقى عليك
اها بتبيت العده لى الصباح ؟؟؟؟؟؟؟؟

[أبوريلان]

بتنفــع بررررضو

سفرات خفافي نظام الاعيــــــاد وكده

شنيطـه صغيروووونه

لاهدايا لا وصايا

ولاّ كيــــــف؟؟؟




المميز بعد كده خميس وجمعة
يعني يا ناس السودان مافي حاجة تاني بتفووووت علينا
كل شوية ناطين ، وكل المناسبات محضورة .

[أبوريلان]

ارحكم انكربوا بالجيه سااااااااى
والله يا ابوريلان دى فرصه لكل طائر
مغرد فى المملكه انو ينزل السودان سنويا
سنويا دى بتلفق يالجندى اخوى



حبيب الكل
ياخي مشتاااااااااااقين عديل كده
تعرف يا مكاشفي أصلاً ما قاعدين نفوت سنة ما ننزل فيها
لكن بعد كده لو حيطتنا وقعت الواحد بمشي أشوف الحاصل شنو
وخربانة أم بناية قش
وكية كده في ناس سودانير .

[أبوريلان]

قرأت الخبر بالأمس و أستبشرت خيرا ً رغم أن الخطوة تأخرت كثيرا ً من قِبل شركة سما قياسا ً بالدول الأخرى
لكن رغم ذلك فهي خدمة جليلة للجالية السودانية في المملكة خاصة عندما يتعلق الأمر بسفر الزوجة أو زيارات الأقارب
( طبعا ً سفر الزوجة دي مقصود بيها ناس ود الريح و رضا حسن المهروشين ديل عشان كدا ود الريح من أوائل المشاركين )
شكرا ً ياسر أبو ريلان على هذه البُشريات الطيبة
هبوط إضطراري : أها يا ياسر أنت زي ناس معتز الريح و رضا حسن ديل و لا مسيطر على الوضع تماما ً




العريس محمد نور
أشواقنا ومحبتنا

السؤال جاء متأخر يا عريس عشان ريلان قربت تتزوج يعني الرد تحصيل حاصل ، لكن رُد علي كشة حبيب الكل
ختاك في خانة اليك .

[أبوريلان]

الخبر الأحلا أن اقصى حد لسعر التذكرة
ما حيكون اكثر من 700 ريال ماشي جاي
بعد كدا البقول ما ماشي السودان اجازة
ومخلي امه وابوه متشحتفين على شوفته
بيكون بالغ

اكبر تحية لطيران سما




يا بت أمدرمان كلامك صاح الما بمشي أشوف أمه وأبوه بعد كده يكون مافيه بركة
ويارب تعمم علي كل مدن المملكة لأنها الان مقصورة علي ناس جدة فقط .

[moh_alnour]

أها ياخوى السعال ده محول ليك ، ديلك الفيهم اتعرفت الدور والباقى عليك ، أها بتبيت العده لى الصباح ؟؟؟؟؟؟؟؟


هييييييييييييييييييي يكا ، يا كشة يا دولي يا حبيب الكُل الكلام دا قولو لي زول ما إندو هديدة :p




ود الجاك أعمل حسابك عشان ( هم ) السابقون ( و أنتم ) اللاحقون :cool:


يا مدنية أنا و عصمت حيدر من حسي مسيطرين على الوضع تماما ً ، ما بنغسل العدا ولا حتى بالفيري
و لا بناكل باسطة سلا و لا بنركب رقشة ورا و لا بنورق الخُدرة :p

[المكاشفى]

حبيب الكل
ياخي مشتاااااااااااقين عديل كده
تعرف يا مكاشفي أصلاً ما قاعدين نفوت سنة ما ننزل فيها
لكن بعد كده لو حيطتنا وقعت الواحد بمشي أشوف الحاصل شنو
وخربانة أم بناية قش
وكية كده في ناس سودانير .

سنويا هيع بتعملوها من ورا مدنيه ولاشنو؟؟
يخربنا ماسمعنا بيهو الا منك اسى
اها وكان تبل الشوق ده على الاقل
اها بعد شويه ناس سودانير بفرشوها فى الواطه
رصيف جده ويكوركو
500 ريال ذهاب واياب وزياده 100 كيلو وزن
اها كدى كيف؟؟؟

ياخ انشاء الله تجونا فى كل شئ وكان
ناس البشير ديل سوو الكبرى ده خلاص
نحن زاتو نجيكم

[المكاشفى]

هييييييييييييييييييي يكا ، يا كشة يا دولي يا حبيب الكُل الكلام دا قولو لي زول ما إندو هديدة :p


:p

الفن مافى الحديد ده زاتو يافرده

[esmat]

هييييييييييييييييييي يكا ، يا كشة يا دولي يا حبيب الكُل الكلام دا قولو لي زول ما إندو هديدة :p




يا مدنية أنا و عصمت حيدر من حسي مسيطرين على الوضع تماما ً ، ما بنغسل العدا ولا حتى بالفيري
و لا بناكل باسطة سلا و لا بنركب رقشة ورا و لا بنورق الخُدرة :p

ياو د الجاك
نحن السابقون وانتم اللاحقون
غسيل العدة دخل في القائمة عقابلك ان شاء الله
صدقني بتغسلها وانت مبتسم وتمشي تنوم وانت راضي تماماً عن نفسك وعن الفيري
لكن الخدرة ما حصلنا لما نحصلها ما بنتكلم في الموضوع دا تاني
عشان كدا اعتذر ليك خليتك في راس الحربة - انت ما جديد يا اخوي
اما نحن فصرنا مع البقية

[esmat]

اها بالنسبة لي طيران سما
خطوة نتمنى لها التوفيق ان شاء الله للحد من جرجرة (الملكة سودانير)

بالرغم من اني ركبتها الاسبوع المضى للرياض وتذكرت بصات المزاد سابقاً
اتمنى أن تكون طائراتهم الدولية لا تشبه الداخلية

وبالرغم من انخفاض الاسعار نتحجج بمكاتب شئون المغتربين والضرائب

[أبوريلان]

اها بعد شويه ناس سودانير بفرشوها فى الواطه
رصيف جده ويكوركو
500 ريال ذهاب واياب وزياده 100 كيلو وزن
اها كدى كيف؟؟؟

ياخ انشاء الله تجونا فى كل شئ وكان
ناس البشير ديل سوو الكبرى ده خلاص
نحن زاتو نجيكم




يا كشة أسمع منك ربنا .