نصوص شعريه

[أسماء الشريف]

أود أن أشير الي أن قصائدي تحمل تجاربي وتجارب آخرين بمعني أنني عندما أشعر بصدق شخص ما أتقمص شخصيته. وحاله التقمص الوجداني هذه تجعلني أكتب بلسانه فلاتندهشوا ان وجدتكم أن الكثير من القصائد بلسان رجل .

تحيه شوق نديه
انسانه أنا أردت لنفسي البقاء فاتخذت من المساء هدوءا ومن السماء رفعه ومن الشروق ضياء,استقيت من الطبيعه رونق ومن النساء رقه ومن الرجال وفاء,أصادق الحروف وأرفض الهجاء و...
وما أريده هنا أن تفتحوا دفاتري لتقرأوا خواطري وتلونوا مناظري وتعايشوا مشاعري فصدقها نداء وحرفها النقاء. اذن ناقشوا حروفي تبادلوا الآراء لأستفيد منكم بعد هذا اللقاء
تحيتي لكم أختكم أسماء


كنت حاسس
كنت حاسس اني مخدوع
بس كلامك جــد سحرنـي
وقلبي ذي ماتقولي مجدوع
لااحتواك لا عرف يصلني
والعـــوازل فيني شمتـــو
وآه عيـــونهــم جرحنــي
ايدو في ايديك يغـــــــازل
والجـــرح جـــــواي حرقني
وعشان أشوفك بي عيوني
وما أقول عـــــازل خدعني
ليك جيت يا أغلي زولـــــه
جيت أبـــارك ليك وأهني
قلــت يمكن بــــي عيونـــك
لي تقولي أبــوي جبرني
الا كل ما أقـــــول أقــرب
ألقي شـي يخيـــب لظني
وألمح الفرحه في ملامحك
ورقصــه القلب الهجرني
ورغم كــــل الشفتو منك
أبقي مجبـــور ليك أغني

[الجندي المجهول]

صبصراحة شعر جميل وهذه القصيدة يمكن ان تكون اغنية (ورغم كــــل الشفتو منك
أبقي مجبـــور ليك أغني) وبصراحة دا اكثر بيت عجبني
تسلمي على القصيدة ،،، الجميلة

[محمد الجزولى]

وما أريده هنا أن تفتحوا دفاتري لتقرأوا خواطري وتلونوا مناظري وتعايشوا مشاعري فصدقها نداء وحرفها النقاء. اذن ناقشوا حروفي تبادلوا الآراء لأستفيد منكم بعد هذا اللقاء
تحيتي لكم أختكم أسماء


[/SIZE][/FONT][/B]


ونحن حلوس اختى اسماء
فى معيتك نستنطق الحروف والمعانى
ونبحر عبر جمال كلماتك التى اعتدنا على مطالعتها هنا

وهى دعوه لكل متذوقى الجمال
وقارضى الشعر الجميل
ان يكونوا هنا لقراءات متعمقه فى نصوصك المنتقاه
ولى عوده اكيده باذن الله
مع تحياتى ومودتى

[تغريد]

[quote=أسماء محمد الشريف;488149]
ورغم كــــل الشفتو منك
أبقي مجبـــور ليك أغني[/center]


قمة الحب هو أن تتضاءل جراحاتنا الكبيرة أمام عشقنا

نقف منصوبي الكرامة اما جرح ينزف بوجع داخلنا

يدمي حروف أمانينا دوما بعودة حبيب طالت غربته داخلنا

ما أوجع الصمود أمام ريح الحب يا أسماء

تكسرنا ف اللحظة ألف مرة ونكتوي بنيران الشوق لحبيب حاضر فينا وغائب أمام ناظرينا دهورا

ورغم العناء نقف بعزة المحب ونتغني بهوانا وعشقنا من أجل ألا تزرف عيناه الدمع يوما

إنه الحب وكفي

منورة حروفك يا أسماء لكم أفتقدنا هذا البريق

تحياتي

[ودسمير]

اسماء..
حروفك تعانق السماء ..
روعة وكبرياء ..
بلسان رجال كانت او بنساء ..

[أسماء الشريف]

صبصراحة شعر جميل وهذه القصيدة يمكن ان تكون اغنية (ورغم كــــل الشفتو منك
أبقي مجبـــور ليك أغني) وبصراحة دا اكثر بيت عجبني
تسلمي على القصيدة ،،، الجميلة


الجندي المجهول إذيك
هي فعلا أغنية تم تلحينها ولم تظهر للنور بعد
مرحب بيك تاني وتالت

[أسماء الشريف]

ونحن حلوس اختى اسماء
فى معيتك نستنطق الحروف والمعانى
ونبحر عبر جمال كلماتك التى اعتدنا على مطالعتها هنا

وهى دعوه لكل متذوقى الجمال
وقارضى الشعر الجميل
ان يكونوا هنا لقراءات متعمقه فى نصوصك المنتقاه
ولى عوده اكيده باذن الله
مع تحياتى ومودتى

ود الجزولي شخصيا
زمن طولنا من جلسة حروفك ديك
سعدت بمرورك وأتمني أن أكون عند حسن ظن الجميع
مرحبا بك وبهم

[أسماء الشريف]

[quote=أسماء محمد الشريف;488149]
ورغم كــــل الشفتو منك
أبقي مجبـــور ليك أغني[/center]


قمة الحب هو أن تتضاءل جراحاتنا الكبيرة أمام عشقنا

نقف منصوبي الكرامة اما جرح ينزف بوجع داخلنا

يدمي حروف أمانينا دوما بعودة حبيب طالت غربته داخلنا

ما أوجع الصمود أمام ريح الحب يا أسماء

تكسرنا ف اللحظة ألف مرة ونكتوي بنيران الشوق لحبيب حاضر فينا وغائب أمام ناظرينا دهورا

ورغم العناء نقف بعزة المحب ونتغني بهوانا وعشقنا من أجل ألا تزرف عيناه الدمع يوما

إنه الحب وكفي

منورة حروفك يا أسماء لكم أفتقدنا هذا البريق

تحياتي

وأنا كذلك افتقدتكم كثيرا
وليك شوق خاص ياتغريد
حروفي تستمد البريق من نظراتكم دوما
الي اللقاء

[أسماء الشريف]

اسماء..
حروفك تعانق السماء ..
روعة وكبرياء ..
بلسان رجال كانت او بنساء ..

لك التحية ياودسمير
شكرا علي المرور والتعليق

[أسماء الشريف]

نفسي أقولها
بهـــواك ونفسـي أقولها لـيــك
لكني خـايف من جفـــــــــاك
خايف أقـــول بهــواك تغيـب
تحرمني من لحظه لقـــــاك
وخايف كمـــان كـل الهــــوي
الجواي مايصادف هــــواك
يامالي كل حواســـي بيـــــــك
ياربي جيت يـوم في رؤاك
ويــاربي قلبك حس بـــــــي
ولاذي ذي بــاقي الحــــداك
بهــــــــواك وعايز أقولها جد
وأصبح شريكك في دنـــــــاك
وتكون رفيقي مدي الحيـاه
وتمزج دمــــــاي مع دماك
ونشـــــــوف عيــالنا المننا
شايلين مناي وكل رجـــــــاك
بهــــــواك كان عجز اللسـان
بتلقي في الأحرف غنــــاك
ويوم تقرأ فــي العينين كــلام
أتمني قلبك يكون معـــــــاك
مايبقي فــات لي غيري راح
أنا أصلي مابعشق ســــــواك
بهــــــواك وبكتبها ليك هنــا
وح أنتظر ردك هنـــــــــــاك
وأنـــا راضي أهديـك العمـر
لـــو حتـي تدينـي الهــلاك

[أسماء الشريف]

خليك معاي

شان خاطر الذكري البيناتنا والوتر اللحن غنواتنــــــا
ماتذيدي أساي
وحيات أحلامنا العشنــاها والكلمه النحن كتبنـــــاها
ماتنسي هواي
وعشـان النــــاس الحبونا البفرحوا كـل مايلاقونـــــا
خليك معاي

خلينــــا نعيد تـــــاني البسمه في وش الدنيــــا البكايــــــه
ونخلّـد أروع قصـــــه حب تفضل في الدنيــــــا النسايه
ياالكل ماتبعدي طيفي معـــاك وفي غيــــابك طيفك وأيايا

كوني الروح لو كنت جســد ويوم تبقي حروف تلقيني نغم

وأنا ليك بتبعثر أكون نسمات وبي شهيقك طول اليوم أحلم

إتنهدي شـــان أدخل جواك ياالجوه عروقــي لقيتك دم

أنا كنت بغني قبل ألقــــــاك وماكنت بعيش في الغنوه براي

وبعد ماعاش قلبي في دنياك حسيت بي كل معاني غنــاي
وبمــوت فـي كــل تفاصيلك يااللونت رسم دنيــــــــــاي

[أسماء الشريف]

إنت الملهم
أهم من المهم انتي عشان انتي الاســـاس والكل
بدونك مافي شي بيظهر بلاك إبداعي ماح يطل
معاك أنا بلقي نفسي بجد معاك إلهامي بيصبح فل
كنت غطــاي يوم أبرد وفي عز الهجير الضل
كنــــت ضراي والفرحـــه وقت نهـر الحزن يهطـل


بدونك مافي قــــول بيكون ولا أفكـــار بتتفجر
بدونــك مابحس بالكــون وكــل أحلامي تتبعثر
إنــت الملهم الفنان ريدك فيني إتحكر
ولّـــد فيني إبداعــــات بدونــك مستحيــل تظهر
وكل ماتكــون سبب فنـي بحبك ياجميــل أكتر

[أسماء الشريف]

عشان خاطرك

تعبت أشيل هموم الناس وما ألقي البشيل همي
فترت أهدي في الشريـان أحس بوريد جرح دمي
بحنس في الفرح حنيس عشان يرتاح شويه البال
تجي الأحزان بلا ميعاد ويسيل دمع الأمل هطـــال
أنا المكتوب علي أكون بجيب للدنيا أفراحهـــا
ولكل جريح أكون بلسم وأنا البتنفس ا لآهــه
أنا البيقولوا عني دليل وعايش في الزمن ضهبان
وفي قلوب البشر موجود ومالاقي لفؤادي مكـــان
أنا البشرح قلوب الناس منو البمسح دموعي أنا
منو البقدر يشيل ناري عشان ماأهدي ليه الجنه
وعشان خاطر عيونك بس بدس كل الهموم جواي
وأضحك ديمه بين الناس ولمن أبعد أبكي براي
بحاول بس عشان خاطرك لأنك جد بتستــاهل
أصالح نفسي من تاني وأنا وأحلامي نتواصل
صحيح كل البضيع ممكن في لحظه تعوضوا الايام
الا العمـر لـو عــــدي بتصبح رجعتو أوهــــــــــام
وأنا المني ضــاعوا سنين عايز أتهني بالبـــاقي
وأشيل للآخره ذاد وافر وأكون رغم الرحيل باقي

[أسماء الشريف]

منتديات ودمدني
الفكرة أكبر من حكاية شمعه تنطفي أو تقيد
القصه قصة منتدي جمع قريبنا مع البعيد
لملم شتات الأمنيات ووضح الراي السديد
علمنا نجتاز الحدود ونطوع الظرف العنيد
نعكس ظلال الذكريات نتشارك العمر المديد
خلانا نحن نعيش سوا نخلط قديمنا مع الجديد
شان بكره يصبح حالنا زين وتبقي كل أيامنا عيد
القصه قصة ناس حنان وبحبو مدني كمان شديد
بتمنوا إنها تزدهر وإنسانا ديمه يعيش سعيد
ناسا قدر ماتنظلم ماببادروا أبدا بالوعيد
علي الله ديمه توكلهم والعزم أقوي من الحديد

في أي حته تقابلهم تلقي الكرم والإنسجام
تشوف تسامح في الوجوه ممزوج بعزه وإحترام
وتحس بشاشة اللقيا صادقه مع السلام
تلقي الثقافه مع العلم والدين يقين ماساي كلام
حتي الفنون إتربعت بي جرأه لكن بإحتشام
وتلقي الرياضه إتحررت ولسه السياسه مع اللجام
ويامدني حيرت الوصف بي فيض تنوع مستدام
أنا مهما طوعت الحروف وكتبت بي حبر الهيام
وطلعت نزلت القمر زينت بي نجوم الغمام
وشكلت بالطين قوس قزح نورت بي قلبي الضلام
ح يبقي كل القلتو ده قطره من بحر الغرام

[محمد الجزولى]

إنت الملهم
أهم من المهم انتي عشان انتي الاســـاس والكل
بدونك مافي شي بيظهر بلاك إبداعي ماح يطل
معاك أنا بلقي نفسي بجد معاك إلهامي بيصبح فل
كنت غطــاي يوم أبرد وفي عز الهجير الضل
كنــــت ضراي والفرحـــه وقت نهـر الحزن يهطـل


بدونك مافي قــــول بيكون ولا أفكـــار بتتفجر
بدونــك مابحس بالكــون وكــل أحلامي تتبعثر
إنــت الملهم الفنان ريدك فيني إتحكر
ولّـــد فيني إبداعــــات بدونــك مستحيــل تظهر
وكل ماتكــون سبب فنـي بحبك ياجميــل أكتر

انيقة الحرف اسماء محمد الشريف
ابداع لا يعرف الحواجز
يحلق بنا فى سماءات تضج بالاناقه ( والسماحه )
كلمات ذات جرس موسيقى يطرب القلوب قبل الآذان
قمة الروعه اختى اسماء
واصلى ونحن هنا مستمتعين بما تكتبى

[محمد الجزولى]

منتديات ودمدني
ويامدني حيرت الوصف بي فيض تنوع مستدام
أنا مهما طوعت الحروف وكتبت بي حبر الهيام
وطلعت نزلت القمر زينت بي نجوم الغمام
وشكلت بالطين قوس قزح نورت بي قلبي الضلام
ح يبقي كل القلتو ده قطره من بحر الغرام

الاخت اسماء
لو الامر بيدى لثبت هذه القصيده فى جميع اقسام منتدى ود مدنى
روعه تحكى قصة احساس جميل بمنتدى ست المدائن
لا يسعنى الا ان اقول كل الروعه انتى

[أسماء الشريف]

انيقة الحرف اسماء محمد الشريف
ابداع لا يعرف الحواجز
يحلق بنا فى سماءات تضج بالاناقه ( والسماحه )
كلمات ذات جرس موسيقى يطرب القلوب قبل الآذان
قمة الروعه اختى اسماء
واصلى ونحن هنا مستمتعين بما تكتبى

لك التحية الرائع دوما ودالجزولي
وعام سعيد عليك أخي

[أسماء الشريف]

الاخت اسماء
لو الامر بيدى لثبت هذه القصيده فى جميع اقسام منتدى ود مدنى
روعه تحكى قصة احساس جميل بمنتدى ست المدائن
لا يسعنى الا ان اقول كل الروعه انتى


مادام ثابثه جوه الناس ماشرط تتثبت هنا !
أسعد الله أوقاتك بكل الخير وأنار دروب ودمدني الجميلة

[مصطفى هاتريك]

أسمــــــــــــاء في حياتنا

روعه و جمال في منتدانا

بس يا غالية ما عايزين غياب

[مايسة]

نفسي أقولها
بهـــواك ونفسـي أقولها لـيــك
لكني خـايف من جفـــــــــاك
خايف أقـــول بهــواك تغيـب
تحرمني من لحظه لقـــــاك
وخايف كمـــان كـل الهــــوي
الجواي مايصادف هــــواك
يامالي كل حواســـي بيـــــــك
ياربي جيت يـوم في رؤاك
ويــاربي قلبك حس بـــــــي
ولاذي ذي بــاقي الحــــداك



الحب من طرف واحد
او الخوف من البوح للمحبوب بتلك المشاعر
فتفقده الى الأبد - اذا كان لا يكن لك مثلها

اسماء شعرك يتسم بالبساطة ويدخل مباشرة الى القلب
لك التحية وانت تنثرين ما تحسيه بلسان الغير هنا
دمتِ بخير كثير

[مايسة]

عشان خاطرك

أصالح نفسي من تاني وأنا وأحلامي نتواصل
صحيح كل البضيع ممكن في لحظه تعوضوا الايام
الا العمـر لـو عــــدي بتصبح رجعتو أوهــــــــــام
وأنا المني ضــاعوا سنين عايز أتهني بالبـــاقي
وأشيل للآخره ذاد وافر وأكون رغم الرحيل باقي


قمة الإبداع والوصف

[سمسم]

كلمات اكثرمن روعه ونتمنى المزيد

[ياسر عمر الامين]

أختى أسماء
جميلة حروفك,,,سهلة الهضم,,,سريعة التذوق,,,

أتسال لماذا لا تعرضين ما تكتبين على المنشغلين بهم التلحين حتى تتسع دائرة انتشارها وتكفينا شر الكلمات الهابطة قبيحة الحروف,,,عسيرة الهضم,,,ثقيلة التذوق,,
ولك خالص التحايا وفى انتظار المذيد

[أسماء الشريف]

أسمــــــــــــاء في حياتنا

روعه و جمال في منتدانا

بس يا غالية ما عايزين غياب



لك التحية الغالي مصطفي
ومتواصلين بإذن الله

[أسماء الشريف]

أختى أسماء
جميلة حروفك,,,سهلة الهضم,,,سريعة التذوق,,,

أتسال لماذا لا تعرضين ما تكتبين على المنشغلين بهم التلحين حتى تتسع دائرة انتشارها وتكفينا شر الكلمات الهابطة قبيحة الحروف,,,عسيرة الهضم,,,ثقيلة التذوق,,
ولك خالص التحايا وفى انتظار المذيد

تسلم ياذوق
فعلا العديد من الأغنيات مع عدد من المطربين أتمني تري النور قريب وتكون بتستاهل الظهور

[أسماء الشريف]

كلمات اكثرمن روعه ونتمنى المزيد

شكرا سمسم ونتواصل

[أسماء الشريف]

قمة الإبداع والوصف

مشكورة مايسه علي المرور وربنا يبعد عنك الأحزان ويسعد أيامك

[أسماء الشريف]

الحب من طرف واحد
او الخوف من البوح للمحبوب بتلك المشاعر
فتفقده الى الأبد - اذا كان لا يكن لك مثلها

اسماء شعرك يتسم بالبساطة ويدخل مباشرة الى القلب
لك التحية وانت تنثرين ما تحسيه بلسان الغير هنا
دمتِ بخير كثير

الله يكرمك ياااااارب