المساعد الشخصي الرقمي

مشاهدة النسخة كاملة : كاريكا يبداء رحلة دربات الجزاء



الريح الشريف
18-04-2010, 01:38 AM
بسم الله الرحمن الرحيم

في السلك

مبروك كاريكا جاب قون

• اخيرا
• بعد طلوع روح
• بعد ضياع ضربات جزاء
• كاريكا
• جاب قون
• قال ينافس علي لقب الهداف
• ونس
• الديمقراطيه حلوه
• والشعب استمتع بها قبل ظهور نتائج الانتخابات
• لاقتكم ( كشة مرور ) في الايام الفاتت ؟
• شفتوا ليكم ( كشه في السوق ) ؟
• لاقتكم ست شاي جاريه وشايله منقدها في راسها ؟
• جاكم بتاع ضرائب ولا بتاع نفايات ؟
• في زول سألكم من رسوم ؟
• قلت ليكم الديمقراطيه حلوه حلا
• لكن الخوف ( الكشات الفاتت ) كلها تشتغل من الاسبوع القادم مرتين في اليوم تعويضا للخزانه عن ما فاتها اثناء الانتخابات
• حتي ولو عادت كل الحملات
• الا ان الديمقراطيه حلوه
• علي اقل تقدير تقدر تقول للبسألك بموجب قانون شنو ؟ وليه ؟ وارح القسم
• علي اقل تقدير مافي زول بقول ليك اوديك حته الشمس ما تشوفها
• بالمناسبه دي
• قالوا في زول حرامي
• حرامي كبييييييييييييير
• الشرطه عارفاهو
• قبل كل عيد او مناسبه تقوم الشرطه تتحفظ عليهو
• من حقها
• اها
• قال ليك يوم العيد قرب
• ناس الشرطه مشوا لي زولنا يجيبوهوا تحفظا
• هرشوهوا
• عاين ليهم فوق وعاين تحت
• عرفهم جداد لنج
• من احذيتهم عرفهم برالمه في الشرطه
• حاول يتقل عليهم شويه
• الحركات ماعجبتهم
• واحد قال ليهو قوم فوق , تقل ادبك والله نوديك محل عمرك مادخلتو
• زولنا ضحك وقال ليهم محل عمري ما دخلتو موديني الجامع ولا شنو !
• المهم
• قلت لي ناصر وارقو ده ميسي افريقيا
• قال لي ابدا
• ميسي ده وارقو الابيض
• اتبيضي
• الاتحاد الافريقي كل مره يجيب حكام هجين
• حقوا يوكل امر مباريات (2) و (12 ) للاتحاد الافريقي ويرتاح
• اهو الاتحاد الافريقي برضو هجين
• اتهجني
• الجماعه الاحتموا بمرتبة الجمباز كانوا لاعبين ضدنا ياربي ؟
• واحتموا بمرتبة الجمباز من المطر يا الله !
• والاتسكوا بالعكاز ديل جمهورنا يا الله !
• فكونا من الكلام الفارغ المابصدقوا حتي الجمهور زاتو
• المهم
• ديمبا آخر الشوط الاول طلع
• انشاء الله الوالده بعافيه يا كابتن !
• ضفاري زول لذيذ جدا
• قال سمع بان الصحيفه الجديده ( يعني الزعيم ) قد فشلت
• وقال اذا صدقت هذه الانباء فان علي (سلك ) تغيير مقولته ( البقعد مع الوالي ما بقوم ) الي مقوله جديده ( البقعد مع الوالي ما بتقوم ليهو قائمه )
• ياضفاري
• سمعت في يوم الوالي اشتري مشروع فاشل !
• شوف منو الارتبط بالمشاريع الفاشله
• وجيب ليك معاك صابونه فنيك الفيل انتاج بيطار
• الصابون الكان بصل الي الكاميرون
• قام الحكم بطرد لاعبين من هلال الساحل
• وقبل ان يشاهد ناس الرشيد المباراه حكموا علي الحكم بالانحياز
• وطرد الحكم الراحل ايداهو ووارقو
• وسارع ناس الرشيد في الاشاده بالحكم الطرد البعاعيت ده
• وسكتوا عن ضربة جزاء جزيرة الفيل الصحيحه في آخر مباراه ضدهم
• وسكتوا عن الكوره الضربت في (ضهر ) المدافع واحتسبها الحكم ضربة جزاء
• وسكتوا عن الكوره الطلع بيها امبيلي واحتسبوها كورنر جاء منها الهدف الوحيد والصدفه
• وشافوا الثعلب مطرود والتقرير جاء فيه ان المطرود هو هاشم تيه كرتون ( كندوره )
• تحكيم ايه الجاي تقول عليه
• هوس
• اتهجني
• اسيك العاجي المسكين ده موش اتغلب بهدف تسلل واضح !
• لكن للحكام بالمقبره يجدون العذر
• الاضاءه ضعيفه عشان كده ا بشوفوا كويس
• ده كلو ما الحدث
• الحدث كاريكا جاب قوووووووون
• عباره كتبها استاذنا الرائع اسماعيل حسن اعجبتي كثيرا
• يقول ابو السباع ( نصيحتنا للتلفزيون القومي ان يحرص في العهد الديمقراطي الجديد علي ان لا يكون حكوميا اكثر من الحكومه ويبالغ في اظهار ولائه للسلطه الحاكمه علي حساب مشاهديه )
• انشاء الله يا ابو السباع ناس التلفزيون يكونوا بقروا صحف عشان يقيفوا علي الملاحظات
• تتذكر يا ابو السباع زماااان لما كانت قناة الخرطوم الفضائيه جديده والناس اشتركوا فيها عشان تلفزيوننا هراهم هري !
• في الوقت داك كانت القناة تقطع في زمن نشرة الاخبار بتاعت التلفزيون القومي وتبث كل القنوات نشرة الاخبار
• في محاولة لفرض متابعتها علي الجمهور
• لكن الجمهور كان واعي
• اول ماتظهر النشره يوطوا الصوت ويختوا الرموت وكل زول يقوم علي غرضوا يقضاهو
• الداير يصلي العشا يصلي
• الداير يكوي غيار بكره يكوي
• الداير يمشي الدكان يمشي
• وبذلك كسب التلفزيون مقاطعه مسببه وواسعه
• المشاهد فطن ياناس التلفزيون
• روشا مابعت لي اسي مالك !
• شهادة البحث ما عندك ولا شنو ؟
• بيع ياراجل
• بي توكيل بنقبل

سلك كهربا
لن ننساااااااااااااااااااااااااااااااك
والي لقاء
سلك

الفخيييم
18-04-2010, 02:08 AM
كاريكا ده بيلعب في الترجي؟؟؟
وارغو جاب قون وين المشكلة تاني؟؟؟
وارغو بعد هدفه اليتيم في الشجرة!!!
5 مليون ضورار وهدف في الشجرة!!!!
وسادومبا كيف يا ناس وصيفتي راحت!!!

الريح الشريف
18-04-2010, 02:44 AM
كاريكا ده بيلعب في الترجي؟؟؟
وارغو جاب قون وين المشكلة تاني؟؟؟
وارغو بعد هدفه اليتيم في الشجرة!!!
5 مليون ضورار وهدف في الشجرة!!!!
وسادومبا كيف يا ناس وصيفتي راحت!!!يا اللخو انت زعلت ولا من الفراح بكيت

يا

الفخيييم
18-04-2010, 02:56 AM
يا اللخو انت زعلت ولا من الفراح بكيت

يا

انا من البرد شكيت وفي الاردن
اتهريت وبالسبعة انتهيت من فريق
زي اندية جبيت وسيد البلد غيرو ما هويت!!!

ايمن عبد الله
18-04-2010, 08:38 PM
الفخيم انت لسة بتفرفر .. ما تغرك الثلاثة دي .. الجاي اصعب .. ومبروك عليكم عودة كاريكا للاهداف ..ان شاء الله بس يسجل في الدروايش ما يكون كلام ساي

الريح الشريف
19-04-2010, 01:37 AM
انا من البرد شكيت وفي الاردن
اتهريت وبالسبعة انتهيت من فريق
زي اندية جبيت وسيد البلد غيرو ما هويت!!!

لو مشيت علي ودالحنوت موبوتو كان ادفيت ومن وفاق سطيف ما كان جريت

مدنيّة
19-04-2010, 01:46 AM
النصيحة ياسلك
وارغو شاف العافية قريب
الحق حق يااخوانا

قال ميسي افريقيا قال


هو ميسي في مباراة واحدة جاب الاهداف الجابها وارغو في سنتين



الريح الشريف مرحب بيك معانا

الريح الشريف
19-04-2010, 01:56 AM
الفخيم انت لسة بتفرفر .. ما تغرك الثلاثة دي .. الجاي اصعب .. ومبروك عليكم عودة كاريكا للاهداف ..ان شاء الله بس يسجل في الدروايش ما يكون كلام ساييااخ ايمن السلام عليكم يا صفوه اوع تكون ايمن اخو احمد قلوب اما صاحبك الفخيم ده يوم النلاقيهم بعرفوا وارغو ماسوره ولا مجنزره (عمك الريح عبدالله حي الدرجه ونسيبكم في حي ناصر)
يا

الريح الشريف
19-04-2010, 02:05 AM
النصيحة ياسلك
وارغو شاف العافية قريب
الحق حق يااخوانا

قال ميسي افريقيا قال


هو ميسي في مباراة واحدة جاب الاهداف الجابها وارغو في سنتين



الريح الشريف مرحب بيك معانا

مرحب بيك وتغمرني السعاده ان اكون من ضمن هذا العقد النضيد وكل ما يحمل عشقا للمريخ فهو حتما له في القلب عشقا

الفخيييم
19-04-2010, 03:07 AM
لو مشيت علي ودالحنوت موبوتو كان ادفيت ومن وفاق سطيف ما كان جريت

موبوتو في بلدو اخد المعلوم
وجينا ضربنا الوصيف في استاد
الخرطوم وطلعناه من الموسم
مكلوم وغير سادومبا منو الخلا
كرومي في النجيلة ينوم ومزمز
للاعارة يحوم !!!

ايمن عبد الله
19-04-2010, 03:30 AM
هوي امسكو الفخيم ده مننا بقى (قدال ) المنتدى .. هوي يا الفخيم ما تتشاعر ما خايلة فيك يا موتور ..

ايمن عبد الله
19-04-2010, 03:35 AM
يااخ ايمن السلام عليكم يا صفوه اوع تكون ايمن اخو احمد قلوب اما صاحبك الفخيم ده يوم النلاقيهم بعرفوا وارغو ماسوره ولا مجنزره (عمك الريح عبدالله حي الدرجه ونسيبكم في حي ناصر)
يا

سلام عمنا الريح الشريف .. كيف احوالك ان شاء الله تكون تمام

آي ياهو ايمن قلّوب .. (عرفتني كيف) :):):)

الف مرحب بيك ياعمنا الريح .. وان شاء الله ناس الفخيم وبقية الموتورات ديل قربوا ما تشفق عليهم الصبر بس