الكونفدرالية نفـــــر

[روبش]

حقيقة فصاحة ساي ونستاهل ونستاهل اكثر من كده ... والكونفدرالية كتيرة علينا .. وانشاء الله نرجع زي ما كنا إن كان هذا هو حالنا ومستوانا الكروي الردي ..

[الريح الشريف]

ربك يصلح الحال

[روبش]

اخي الريح ... لك التحية

والله نتمنى ان ينصلح الحال .. لكن البشوف فيهو ده الله اعلم

[مرتضى التوم]

الاخ روبش الهلال لا يستحق التأهل الى دور المجموعات فى ظل المعطيات الموجودة الآن من لاعبين وادارة تدريب وحتى الكونفدرالية او الممتاز لا يحق لنا ان نحلم بهما فى ظل ما يحدث وحال الهلال هو حال باقى الاندية فى بلادنا الحبيبة رغم تفاوت وتباين المعطيات .

[مدنيّة]

ياروبش ياخ ماتزعل ، اعصابك
الهلال اولاده قلبهم حار
وصدقني هدف واااااااحد ما مشكلة

بتتعوض هنااااك


همسة : هاك الحمص دا :cool:

[مرتضى التوم]

مدنية انا ما قلت ليك انتى كج الهلال قبل كده بس اليوم البتقولى فيهو شئ كويس عن الهلال بتجسم ويترمد وكفاية وقفتك بتاعت ما ذنبى اسى ليك كم يوم شابكانا قلبهم حار والله امس اخوات مهيرة ارجل منهم ..
وش نحس يا........

[عبودى 0511]

يامدنية شفتى ناس برشلونة هى ناس الهلال ديل قبل كم يوم احنا اسياد البلد تعالو اتعلمو تعالو ندرسكم كورة الخ الخ الخ كلهم قلبو مشاكل الكورة السودانية شنو يا جماعة دة سنبك واحد هدو اعصابكم ابو صلاح وهليفة دة براحة عليهم شوية ماكدة لسة لسة لمن تمشو هناك واكلوهم السمسمية الا كمان الدراويش ديل هناك كلامم برااااااااااااااااااااهو من هسى جهزو ليكم حنك غير مشاكل وحلول الكرة السودانية

[مدنيّة]

مدنية انا ما قلت ليك انتى كج الهلال قبل كده بس اليوم البتقولى فيهو شئ كويس عن الهلال بتجسم ويترمد وكفاية وقفتك بتاعت ما ذنبى اسى ليك كم يوم شابكانا قلبهم حار والله امس اخوات مهيرة ارجل منهم ..
وش نحس يا........

وحاة اله يامرتضي قريت مداخلتك دي وضحكت لما عيوني دمعوا
هههههههههههههههههههههه

امبارح بعد الهدف سبحان الله
طواااااااااااالي اتذكرت موضوع القلب الحار دا
قلت الحمد لله جاب حقه




لكن لسة مصرة انه قلبهم حار "لزوم الشوط الباقي هناك وكدا"

[ايمن عبد الله]

روبش ماتزعل ياخيد

كلنا في الهواء سواء

والله كنت داير الهلال يغلب عشان على الاقل يدي الامل للمريخ .. انت عارف كل ما يحصل للمريخ بحصل للهلال

غايتو صعب انه الهلال يتأهل للمجموعات

واصعب للمريخ

وللامل

لكن يجب ان تعي القاعدة الجماهيرية ان صلاح ادريس وادارة الهلال وراء الشي هذا وما خفي اعظم

[مدنيّة]

يامدنية شفتى ناس برشلونة هى ناس الهلال ديل قبل كم يوم احنا اسياد البلد تعالو اتعلمو تعالو ندرسكم كورة الخ الخ الخ

انت ح توريني ليهم ياعبودي ؟!!

غايتو الله يصبرنا عليهم بث

[ايمن عبد الله]

ياروبش ياخ ماتزعل ، اعصابك
الهلال اولاده قلبهم حار
وصدقني هدف واااااااحد ما مشكلة

بتتعوض هنااااك


همسة : هاك الحمص دا :cool:



مدنية حقارة .. هسة في داعي لي حلاوة مولد سمسمية وحمص كمان هسة روبش ده ماعنده الضغط والسكري دايرة تودي وين


ههههههههههههههههههه


ناقصاك ياهيثم عبد العال

الزول ده وين يا ناس

[مرتضى التوم]

مدنية كدى بالله ارجعى لاصلك و نبزى الهلال وطلعى كل عيوب الدنيا فيهو بس مدة اسبوعين واقيفى مع الاسماعيلى بقلب قوى وقفة زى حقت ما ذنبى ..
قال ناكل السمسمية قال والله ديل خلونا السمسم بحته والسكر بحته والله يستر من الجاى ..
ايمن القصة ما صلاح براهو القصة مفهوم غدارة الكورة فى السودان لسه بعيد من العمل المنظم العلمى وربنا يكون فى عون الجمهور البقطع من قوت عياله عشان يتفرج .

[ايمن عبد الله]

وانت لمن كنت بتلعب ونحن كنا بنخاف لمن نشوفك كنا عورا

[روبش]

اخي مرتضى ...
اديك العافيه على المداخله ..
اكيد كل المعطيات تشير للكونفدرالية وبعدها للدوري المحلي .. وده حال الكرة عموماً عندنا ...

[روبش]

عمتي ... اديك العافيه
طبعا مبسوطه لهذه الهزيمة بس اتمنى ان لا تكون قد انستك هزيمة الترجي ... يعني الحال من بعضو ...


ولا لسه انتو رافعين الشعارات ... لن ننساك يا ايداهور ...

[روبش]

ابو اسيل .. اديك العافيه ودائما سباق في كل شيء ...

زي ما قلت كلنا في الهواء سواء .. بس والله العظيم الشيء البزعل مستوى اللاعبين ... والمستحقات التي يتقاضونها والتي يطالبون بها ... حررررررررررررررررررررررررررررررن ما في لاعب في السودان سواء كان محترف أو لاعب محلي يستحق هذه المبالغ التي يدفعونها لهم بغض النظر عن قيمتها .. يعني مثلا اقل لاعب المبلغ الذي يقبضه كتير عليهو .. ناهيك عن ناس امبيلي وملاكي وغيرهم ..

تخريمه ::: اخوي ايمن زوجة المرحوم ما لقيتو ليها مخرج

[روبش]

عمتي والله انا ما زعلان إلا لحاجة واحدة شايف زوجة المرحوم بدون هويه ده المزعلني منكم .... واحد يدق سدره ساي من عشاق الاحمر مافي انشاء الله 6 شهور ... وحتى الوالي والله شكله لمن شال الطفل تقول مفصل عليهو .. ده المزعلني يا عمتي

أقول ::::: مباراتكم متلفزة ولا ننتظر جنب الاستاد

[روبش]

والمشكلة التانية يا مرتضى مشكلتنا نحن البنجاري الشارع الرياضي والاعلام السالب في كل شيء

[ايمن عبد الله]

والله ياروبش .. انت عجيب بس عيبك هلالابي ..


مرت المرحوم انت قايلا مرت ابراهيم شمس الدين ولاشنو

[روبش]

اها يا ايمن بقيت تتكلم في السياسة عايز تودينا وين بعد الكونفدرالية ده ...

[مدنيّة]

عارف ياروبش
يوم مباراة الحمص
دخلت سودانيزاونلاين وانا ماعارفة النتيجة كم
مشيت اشوفها

اها لقيت بوست بالعنوان دا
فوز موسى هلال فى الدائرة ( 11 ) شمال دارفور !!!!

قرررررررررررررررب يمسكني صداع
انا ماشفت حاجة الا فوز وهلال
اها افتكرت انه الهلال فائز بالمباراة هههههههههههههههههه

كل مااعمل ريفريش والقي البوست دا
الصداع يقرب يجيني تاني

همسة : الكلام دا سر ، ما تكلم بيه زول ، ثمح

[ودالشيخ22]

الهلال والمريخ غير مؤهلين للمضي قدما في هذه البطولة

[روبش]

اليوم الناقصة بتتم ... ويكتمل العقد الفريد .... اها هلال مريخ بنزلوا الكونفدرالية .... نحن البنهاتر ديل بنمشي وين ..

تخريمه : ابو اسيل اها تاني بقى لينا وش نقابل بيهو الناس

[روبش]

والله قالوا الكونفدرالية زاتها بقت صعبة .. اخير الدوري المحلي نرجع ساي لقواعدنا سالمين ونقبل بناس كادوقلي والامل

[ايمن عبد الله]

ان شاء الله واحد يلاقي انيمبا والثاني يلاقي الصفاقسي عشان نرتاح مرة واحدة يا روبشكووو

[روبش]

ابو اسيل .. اديك العافيه
والله احسن لانو ده كلام فارغ ووجع قلب ساي .. عليك الله نحن ما فارغين بنشجع في لعيبه بتاعين ( اورنيش ) ثقافتهم كلها في ( ارجلهم ) تقول حراميه ...
وانشاء الله وانشاء الله يا ايمن يلاقو فرق من اول مباراة يتخارجوا...