رسالة الي إبنتي حبيبتي مايسة [الأرشيف]

مشاهدة النسخة كاملة : رسالة الي إبنتي حبيبتي مايسة

خالد أحمد الصول

29-04-2010, 02:12 AM

بت مارنجان

29-04-2010, 02:29 AM

<o></o>
لأنني أبو لبنات هبة و آلاء و لأنني أحبهم كثيرا ... فإنني أجد فاطمة كهبة بنتي فهي لا تغضب بسرعة و سرعان ما ترجع من غضبها لخاطري خواطر أخري و أراك حبيبتي كبنتي آلاء فهي حلوه لذيذه إلا أنها صعبة حبتين و صعب ترضيتها كلما زعلت لذا تجديني أستعمل معها سياسة الهدايا و البكش ...<o></o>

ههههههههههههههههههههههههه
يعني معترف يااستاذ خالد انك حنحكتني :o

عودي لنا و أجبري بخاطرنا<o></o>

ولك الانحناءة احتراما[/RIGHT]

اها ياميوسة مابتجبري بي خاطرو ؟؟؟

بت مارنجان

29-04-2010, 02:31 AM

والله فعلآ الكلمة الطيبة جواز سفر

التيمان

29-04-2010, 02:56 AM

ياود لصول الحريم ديل الا يهرشوهم

يابت يا ماااااايسه تعالى هنا خشى المنتدى يلا بلاش كلام فارغ

تخريمه" اها الهرشه دى كيف

محمد حسين (المميز)

29-04-2010, 09:59 AM

رسالة للابنة الحبيبة مايسة

وانا معـاك يا استـاذ خالد

اتمنى من الاخت مايسه وجميــع المتغيبين بسبب وبدون سبب

العـوده

ونيابة عن الجميـــــــــع

ادارة واعضـــــــأء

اتقـــــدم بالاعتـذار عن أي خطـأ بدر تجـاه اي عضـو

سواء من عضـو آخـر او خطـأ او سهو او سوء فهـم نتج عنا كمشرفيـن او اداريين تجـاه اي عضـو

واتمنى من جميــــــــع الأعضـاء المقـاطعيـن الصفح والعـوده الى المنتـدى الذي هو ملك للجميـع وانا متاكد انه الاستاذ ابوبكر المبارك يوافقني الراي

وتذكرو اخوتي ان جزء من حياتنا تغيرت في هذا المنتدى

فقد اصبح هناك علاقات اسريه وعلاقات صداقه عبر كثيـــر من الاعضـاء

واسمح لي استـاذنا خالد الصـول ان ابعث باقتـراح عبر هـذا البـوست

بأن تترأس الاخت مايسـه ومعهـا الاخت بت مارنجـان

حملــة عـودة الاعضـاء المنقطعيـن والممتنعيـن

وان نجعـل قلوبنا كلها صفـاء ونبدأصفحـه جديده مملوءه بالحب والصفـاء

اعتذر لكل من تحدثت او اعتذرت بلسانه ولكن كلي يقين بان الجميـع لن يعترض

بت مارنجان

29-04-2010, 10:52 AM

واسمح لي استـاذنا خالد الصـول ان ابعث باقتـراح عبر هـذا البـوست

بأن تترأس الاخت مايسـه ومعهـا الاخت بت مارنجـان

حملــة عـودة الاعضـاء المنقطعيـن والممتنعيـن

وان نجعـل قلوبنا كلها صفـاء ونبدأصفحـه جديده مملوءه بالحب والصفـاء

العزيز المميز
انا علي يقين تام بما تكنه من حب لهذا الصرح .. وخوف علي من تبقي فيه
لكن اسمح لي عزيزي نحن لم نكن سبب في تطفيش الاعضاء الذي فرو
وتركو هذا المكان ...
ونحن لمن نكن سبب في تركهم لمكان هم اساسه وهم عمادته وهم من بنوه
بوقتهم الذي ضيعوه علي اروقة المنتدي ...
وصراحة واقولها اذا لم تعطي الادارة حقها للاعضاء الذين تركو المنتدي فليحفظ
الاعضاء الذين تركوه كرامتهم ولايعودو ...
القلوب ستصفي ان شاء الله اذا تغير النظام الموجود ..

اعتذر لكل من تحدثت او اعتذرت بلسانه ولكن كلي يقين بان الجميـع لن يعترض

يمكن في واحد ماراضي يعتذر !

تخريمة : انت يالمميز بتخش في حتة ضيقة خلاس :p

الجندي المجهول

30-04-2010, 08:56 PM

الاستاذ الرايع ود الصول ،،،
لك كل التحايا كل التقدير وأنت محمل بهموم هذا الوطن (موقع ودمدني) ،،،،
وبت مارنجان تستحق
وماسية تستحق
وما كان توقفهم هذا إلا غيرةً على المنتدى ....
لك مني كل الاحترام والمحبة
ولهم مني كل التقدير ،،،
وعوداً حميداً للمطر (بت مارنجان)
وعوداً قريباً ماسية ( دعاش المطر)

ومعروف أن الدعاش يسبق المطر ،،،، ولكن هنا المطر سبق الدعاش وجانا بسرعة وجبر بخاطر ( الحنون العطوف) المحترم ابو البنات (هبة وفاطمة وآلا ومايسة ) كلهم بناتك وكلهم اخواتنا وهنيئاً لنا بهم
ودمت ،،، يا غالي الحروووووووووف (

مايسة

30-04-2010, 09:48 PM

السلام عليكم ورحمة الله

بسم الله ابدأ

عزيزي وابي بل ابانا جميعا – الرائع – الاستاذ خالد الصول
يا من تخجلنا دائما بالكلمات الرقيقة التي يكون منبعها قلبك مباشرة – فتعبر الينا دون اي استئذان – فتغسل ما بالنفس كما يغسل الثوب الابيض من الدنس .

صرااااحة اخجلتني واحرجتني جدا جدا جدا بما سطرته هنا )ولهذا تأخرت على الرد عليك) – قراته مثنى وثلاث ورباع – تأثرت كثيرا صرااحة –
لم يكن يجدر بك ان تفعل بنا هذا – فانت تعلم بأن الأب عندما يطلب من ابنته شئ لا يكون امامها الا الانصياع لما يقوله وان كان ليس بصيغة الامر – حتي اذا كانت لا ترضي ما قاله –
لك كل التقدير والاحترام والانحناءات المضاعفة – بل المربعة ثلاثيا – لما قلته وفعلته – فأنني والله خجلة من نفسي مما قلته في حقي – لي كل الشرف لكي اكون بمثاابة آلاء (ربنا يحفظهم لك) – في الدنيا والآخرة – ولا اراك فيهم أي مكروه –
لا ادري ماذا اقول - فقد الجمتني حقا – لك كل احتراماتي وتقديري لشخصكم الكريم

الرائع جدا – خالد الصول صراااحة لا يسعني ان اقول اكثر من ذلك – فالكلام بائن والكل يعلم به – حتي الاعمي يشير اليه بيديه – اعفي لي – لم تكن انت المقصود بكل هذا – واكررها لم يكن يجدر بك ان تفعل ما فعلته فانت بعيد عن هذه الساحة – والمساحة -
– ولك كل العتبي ايضا اذا اصابك أي شئ مما قلته سابقا – ولكن لي كل العذر – واستميحك من هنا - لست ضليعة في الكتابة ولا فيلسوفة في تفكيري – ولا احب المجاملات كثيرا
ولهذا سادخل لصلب الموضوع مباشرة . – بداية سأقوم بتجزئة كلامي الي اجزاء لعل وعسى
وارجو منك ان تستمتع الي كلامي بقلبك – تارة وتاره اخري بعقلك حتي لا نقوم بظلم أي منهم . (شكرا جزيلا لك وكل الاحترام لشخصك النبيل الكريم الحنين )(والعفو)(مكانتك عالية جدا عندي)

مايسة

30-04-2010, 09:53 PM

لا اريد ايضا سرد الاحداث السابقة فهي معلومة ومعروفة لدي الجميع بما فيهم الادارة – وهي ادري بما يحصل في كواليسها من نقاشات
-اساس كل بناء الساس – الساس اذا لم يكن جيدا وثابتا – تصدع المبني وانهار في فترة وجيزة – حتي وان كانت باقي المواد جيدة – ومتينة – وماركة كماااان .
-اجمع معظم الاعضاء على ان هنالك خلل في الادارة – لا ندري كنهه – ولكن هي بالتاكيد تعلم مواطن الضعف والخلل فيها –
-عندنا مثل سوداني – اتنين اذا قالو ليك راسك مافيشة اهبشها – (مثل غبي طبعا) بس صرااحة مرات بجي في محلو –

لم ادخل الي المنتدي لأثير المشاكل ولا النقاشات ولا الجدل البيزنطي – كما يفكر البعض – (والله اعلم) .
لكي يسير هذا الصرح في الاتجاه الصحيح والقويم – كان لا بد مما ليس له بد – لابد من الاشارة لما هو حاصل في الفترة السابقة – من مشاكل وعكننات عكرت صفوه . ولكن اتمني والله العظيم اتمني ان تزال كل هذه الاستفاهامات – وان تمطر تلك الغمامة .

مايسة

30-04-2010, 09:58 PM

كلامي القادم موجهه للادمن مباشرة –
-اولا احب ان اشكرك – جدا – لما قمتم به لهذا الصرح – فهذا شئ لا يختلف فيه اثنان ابدا – والكل يعلم ما تقومون به من مجهودات جبارة لاستمراره ولكي يكون في ابهه صوره وحلله - ولكن الانسان بطبعه طمااااع – ويميل دائما للكمال (مع انه لله وحده ) ولكن ماذا تقول في البني آدم – نحب ان تكمل جميلك هذا للآخر – وتحاول انت ومعك الاعضاء ان يصل ولو بدرجة الي شبه شبه الكمال

- هل ما حصل هنا في الفترة السابقة يعجبك يا استاذ ابوبكر – ارجو الاجابة بصدر رحب جدا وبدون تنميق للكلام واجاابات دبلوماسية – فمن الاعضاء من ليس له ادني فكرة عن ما حصل من نقاشات في البوستات السابقة كلها .
-هل يا آدمن حال المنتدي يسرك – هل هو كالسابق – نعم هنالك اعضاء جدد كثر ولهم كل الاحترام والتقدير طبعا بدون ادني شك – ولكن اين القدام – اين الساس – واين الراس – اين المؤسسين –
-لا ادري اذا كنت استطيع ان اسميه تعنت من جانبكم – في عدم وقوفكم في الوقت المناسب لحل أي مشكلة بدأت – او معضلة – وان كانت بسيطة – ولكن بنظرتكم الفوقية لها وعدم اهتمامكم بها فهي تكبر وتكبر وتنتشر – فيصعب بعد ذلك استئصالها – والتحكم فيها – انت المسئول ومعك الضباط الثلاث (على حد علمي)- فالمشرفين كما اتضح لنا لا تقع على كاهلهم اي مسئولية -
-الاعضاء انفسهم – ياخ انا شخص من الاعضاء – في كم بوست قمت بسؤالك مباشرة ولكن لم تعرنا أي اهتمام – ولم ترد حتي – نعلم بأن ظرفك لا يسمح وربما تكون مشغول كما حال الجميع – ولكن طالما انشأت هذا المكان – يتحتم عليك ان تتحمل كل عقباته وان تكون اهلا لهذه المكانة (كما معهود لك)و كما هو مشهود في شخصكم الكريم – وايضا كما هو معلوم لمعظم الاعضاء – من حسن ودماثة خلقك .

مايسة

30-04-2010, 10:03 PM

والله اتاسف كثيرا وانا اكتب هذا الكلام – وايضا خجلة من نفسي – ولكن كما اسلفت لا بد من الكلام – وما هي الا كلمات بغير نقاط – تنتظر من سعادتكم ان تقوم بتشكيلها ووضع النقاط عليها لتكتمل الصورة (مع كل احترامي وتقديري لشخصك الكريم)

•سؤال ايضا للآدمن – ولباقي الادارييين – هل هنالك ضير في ان تشاركو الاعضاء بوستاتهم وان تقومو بانفسكم بكتابته بوستات وتناقشوها مع الاعضاء – فهذا بتخيل يذيب كل ما عالق في الانفس من تساؤلات – ويجعل الطريق سالكا بين الطرفين –

•اذا كان هذا المنتدي لناس مدني فقط فارجو من الادارة ومشكورة جدا ان تضيف بند عند ملئ استمارة العضوية وهو القبيلة او المدينة – وان تقوم بالسؤال والتأكد من هذا العضو فعلا من المدينة . اواما غير ذلك فيجب ان لا يعترض كل عضو له عقد عنصرية وان يرمي كلاما جزافا على الناس . (فالسودان لنا جميعا) .

•فترة التداول والتشاور التي تتم بين الاداريين – دائما تأخذ وقتا طويلا جدا – جدا – (ناهيك عن المشاغل وفروقات الزمن بين الدول ) - تكون المشكلة بقت فسيخ عديل كدا – (اتذكرته بس في الحته دي الصقور والحمام) – ياخ دا منتدي مش مؤتمر ولا امبراطورية – يعني المواضيع ما مستاهلة النقاشات والتشاورات دي كلها .

•من منا لا يقضي الساعات الطوال امام المنتدي (اصبح البيت الثاني لكل منا) يتصفح - يا اما كعضو بائن او زائر او متخفي (اوف لاين) – اكاد اجزم حتي الذين تركو المنتتدي يتصفحون ويعاودهم الحنين ويتاورهم بين فينة واخري . لعلهم يجدو من يفقدهم او حزين لفراقهم او حتي ليرضي نفسه من شوق لهذا المكان – في لحظات عزمت ان لا ارجع نهائيا ولكن ابت نفسي وبدون وعي مني اجد نفسي اتصفح المنتدي واتنقل بين اقسامه – فهنا عرفت اناس بمعني هذه الكلمة – اناس احبهم في الله – بعضهم موجودين والبعض غااادر – ولكن ما زال عبقهم يلفح المكان بين لحظة واخري . هنا ايضا لدينا زكريات جميلة جدا –

•بالله عليك يا استاذ ابا بكر – كل هذا ليس له خاااطر لديك – فالاعضاء يبذلون كل ما في وسعهم لترقية المنتدي من كتابة مواضيع وغيرها – ابعد كل هذا يعاملون بمثل تلك المعاملة -

مايسة

30-04-2010, 10:05 PM

للجميع :-

•اوافق الرأي بأنه توجد حرية في التعبير هنا – نعم هو كذلك – فانا استطيع ان اكتب كل ما اريد في حدود اللباقة طبعا والادب – وان اعلق على الادارة واخرج محاسنها ومساوئها وعيوبها – ولكن بماذا ترد الادارة – بالصمت – فقط الصمت – الي ان يتم عمل بوستات ومنشات وصرف لغة عربية اكتر من اللزوم –

•احساس بعض الاعضاء بما تقوم به الادارة من تعنت وعدم رضوخها وانصياعها لهم – على الاقل مجاراتهم الي ان يفهموا ماذا يريدون (فهي المفروض همها الاول والاخير رااحة الاعضاء) – يخلق شعور غير جميل داخلهم – ويحسسهم بأن الادارة متعالية عليهم – ومستغنية عنهم – وكأنها مستصغراهم تقول لهم اذهبوا غير مأسوف عليكم فسيأتي غيركم– فحواء واااالدة - وهذه بدون ادني شك نظرية خاطئة مائة * المائة – فالعضو اذا حس بأنه لا قيمة له وانه يمكن ان يتم التنازل عنه بسهوله لا يستطيع الاستمرار ويكون في حالة شك مطوله .

مايسة

30-04-2010, 10:09 PM

موضوع الاستاذ رضا والفنان والاستاذ بدر الدين

الاستاذ رضا – صدر فيها حكم – والجميع اجمع بأن هذا الحكم فيه ظلم اتجاهه – وبدل ان يتم التعديل (لا) بل استمر الحال كما هو – والناس تلف وتدور في نفس الحته ونفس الكلام –
ولكي لا يتراجع من اصدر الحكم عن قراره فتصبح بذلك وسمه في جبينه ونقطة سوداء وليست جميله في حقه طبعا – ولكي لا تكون عليه هجمة مرتدة – ولكي لا تشوه صورته وتهتز مكانته بين الاعضاء - لم يتم ارجاع الامر

– ولكن الم يكن خااطر هذا العضو ومكانته الاسرية والاجتماعية خاااطر او اعتبار – (ياخ انا حاسة كاني في وكاله استخبارات ولا حاجة) (عزرا) – عشان ما تشوه صورتم ويتهمو بعدم المعرفة – يقومون بقتل العميل – (دا خيال واااسع طبعا يا جماااعة) . (ما تقولو لي جبتي الكلام دا من وين – باين وظاااهر للكل الا واحد يكون فاطي سطر حتي ما يفهم الحاااصل دا)

•اها نرجع لمووضوعنا اسوأ ما في الموضوع هو الاستمرار في الخطأ مع العلم بأنه خطأ – والاسوأ عدم الاعتراف بهذا الخطأ ومحاولة تصحيحه – فكسر الخاااطر شئ صعب جدا –

– اما موضوع الفنان بدر الدين دا – عاااد شينة شنه في حقكم يا ادارة وشوفو ليكم طريقة تانية غير الاعتزااار ليهو – لانو بالجد اجحفتم في حقه ايما اجحاف – ربنا يسامحكم بس – وبالجد المرة دي عملتوها ظااااهرة شديد .
ولكن اقول بانه لم يفت الآوان بعد – فان لله غفور رحيم فما بال البشر – (واري بأنه فعلا تمت مبادرات جميلة ارجو ان تأتي اكلها) .

مايسة

30-04-2010, 10:12 PM

ختاما للحديث الآنف ذكره :

أظن بأنه اذا لم تقم الادارة بخطوة ايجابية وان تقوم بتصحيح الوضع وتعديل الصورة بمسحها بشئ مما تراه مناسبا لها ولهم طبعا ايضا ( هؤلاء القامات) – لا اظن بأن الوضع سيتحسن بل سيزداد سوءا – والي ذلك الوقت نحن في الانتظار والترقب – واتمني من كل قلبي والله العظيم ان لا يطول هذا الانتظااار -
(لكم العتبي جميعا)

الجندي المجهول

30-04-2010, 10:16 PM

لا املك إلا أن اقل لك يا مايسة دا كلام زول فعلاً بيخاف على المنتدى وانه اصبح جزء من حياته ،،
حقيقةً كلامك الان اثبت انك تستحقين الحب الذي يكنه لك ابوك وابونا (الصول) وتستحقينه ومعه كاس الوفاء ايضا
ولولا حرصك على المنتدى لما كتبتي هذا الكلام الجميل والذي يريد للموقع التطور والازدهار ...
هنيئاً لنا بك ...... وكفى

nehroo

30-04-2010, 10:40 PM

مشكورة العزيزة مايسة

لي تساؤلات أكثر جرأة
في زوايا لم يتم تناولها
موجهه للإدارة وللأخ الأدمن خصيصاً
( المشرفون يمتنعون حتى أب سفروق برا )
ستكون في بوست منفصل
سيأتي في وقته إن شاء الله.

بت مارنجان

01-05-2010, 12:37 AM

admin

01-05-2010, 07:02 AM

مرحبا بك من جديد مايسة

كلامي القادم موجهه للادمن مباشرة –
-اولا احب ان اشكرك – جدا – لما قمتم به لهذا الصرح – فهذا شئ لا يختلف فيه اثنان ابدا – والكل يعلم ما تقومون به من مجهودات جبارة لاستمراره ولكي يكون في ابهه صوره وحلله - ولكن الانسان بطبعه طمااااع – ويميل دائما للكمال (مع انه لله وحده ) ولكن ماذا تقول في البني آدم – نحب ان تكمل جميلك هذا للآخر – وتحاول انت ومعك الاعضاء ان يصل ولو بدرجة الي شبه شبه الكمال
تاكدي اننا نحاول يوميا من اجل الافضل والاحسن
- هل ما حصل هنا في الفترة السابقة يعجبك يا استاذ ابوبكر – ارجو الاجابة بصدر رحب جدا وبدون تنميق للكلام واجاابات دبلوماسية – فمن الاعضاء من ليس له ادني فكرة عن ما حصل من نقاشات في البوستات السابقة كلها .
-هل يا آدمن حال المنتدي يسرك – هل هو كالسابق – نعم هنالك اعضاء جدد كثر ولهم كل الاحترام والتقدير طبعا بدون ادني شك – ولكن اين القدام – اين الساس – واين الراس – اين المؤسسين –
ابدا لا يعجبني .. ولا يعجبني ايضا غياب اي عضو من المنتدي واتمني عودة الجميع
-لا ادري اذا كنت استطيع ان اسميه تعنت من جانبكم – في عدم وقوفكم في الوقت المناسب لحل أي مشكلة بدأت – او معضلة – وان كانت بسيطة – ولكن بنظرتكم الفوقية لها وعدم اهتمامكم بها فهي تكبر وتكبر وتنتشر – فيصعب بعد ذلك استئصالها – والتحكم فيها – انت المسئول ومعك الضباط الثلاث (على حد علمي)- فالمشرفين كما اتضح لنا لا تقع على كاهلهم اي مسئولية -
لقد سالتي واجبتي وحكمتي .. فلا ادري ان كان لاجابتي اي اهمية بعد
عموما للمنتدي قانون يحكمه ولا يتم اتخاذ اي قرارات فردية .. كل القرارات الادارية تتم بواسطة مجلس الادارة .. فالمسؤلية على المجلس كاملا .. يتم نقاش اي مشكلة ويتم اتخاذ القرار الذي يقوم الناطق الرسمي باصداره
الامور الاشرافية والتنفيذية ليست مهمة مجلس الادارة بل هي مهمة مجلس المشرفين .. فمثلا لايمكن لادمن رئيس مجلس الادارة بايقاف مايسة فليست لديه الصلاحيات لذلك سوى كانت صلاحيات ادارية او اشرافية ..وكذلك بالنسبة لكافة اعضاء المجلس ..

-الاعضاء انفسهم – ياخ انا شخص من الاعضاء – في كم بوست قمت بسؤالك مباشرة ولكن لم تعرنا أي اهتمام – ولم ترد حتي – نعلم بأن ظرفك لا يسمح وربما تكون مشغول كما حال الجميع – ولكن طالما انشأت هذا المكان – يتحتم عليك ان تتحمل كل عقباته وان تكون اهلا لهذه المكانة (كما معهود لك)و كما هو مشهود في شخصكم الكريم – وايضا كما هو معلوم لمعظم الاعضاء – من حسن ودماثة خلقك .
صدقني ان وجدت سؤال لي اقم باجابته لكن ليست باستطاعتي المرور على كل المواضيع

والله اتاسف كثيرا وانا اكتب هذا الكلام – وايضا خجلة من نفسي – ولكن كما اسلفت لا بد من الكلام – وما هي الا كلمات بغير نقاط – تنتظر من سعادتكم ان تقوم بتشكيلها ووضع النقاط عليها لتكتمل الصورة (مع كل احترامي وتقديري لشخصك الكريم)

•سؤال ايضا للآدمن – ولباقي الادارييين – هل هنالك ضير في ان تشاركو الاعضاء بوستاتهم وان تقومو بانفسكم بكتابته بوستات وتناقشوها مع الاعضاء – فهذا بتخيل يذيب كل ما عالق في الانفس من تساؤلات – ويجعل الطريق سالكا بين الطرفين –
والله مقصرين في هذه الناحية وتحدثت عنها كثيرا .. وانا والله راسي مليان مواضيع وبحاول اشارك .. لكن الزمن البتوفر خلال اليوم للمنتدي بضيع قي محاولة حل مشاكل المنتدي
•اذا كان هذا المنتدي لناس مدني فقط فارجو من الادارة ومشكورة جدا ان تضيف بند عند ملئ استمارة العضوية وهو القبيلة او المدينة – وان تقوم بالسؤال والتأكد من هذا العضو فعلا من المدينة . اواما غير ذلك فيجب ان لا يعترض كل عضو له عقد عنصرية وان يرمي كلاما جزافا على الناس . (فالسودان لنا جميعا) .
انا حالتي قايلك من مدني كان عارفك ما من مدني ماكان رديت عليك ههههههههههههه
•فترة التداول والتشاور التي تتم بين الاداريين – دائما تأخذ وقتا طويلا جدا – جدا – (ناهيك عن المشاغل وفروقات الزمن بين الدول ) - تكون المشكلة بقت فسيخ عديل كدا – (اتذكرته بس في الحته دي الصقور والحمام) – ياخ دا منتدي مش مؤتمر ولا امبراطورية – يعني المواضيع ما مستاهلة النقاشات والتشاورات دي كلها .
هذه ضريبة الديمقراطية .. القرارات الفردية سريعة .. لكن قرارات مجلس الادارة تاخذ وقتا حتى تجد حظها من النقاش
•من منا لا يقضي الساعات الطوال امام المنتدي (اصبح البيت الثاني لكل منا) يتصفح - يا اما كعضو بائن او زائر او متخفي (اوف لاين) – اكاد اجزم حتي الذين تركو المنتتدي يتصفحون ويعاودهم الحنين ويتاورهم بين فينة واخري . لعلهم يجدو من يفقدهم او حزين لفراقهم او حتي ليرضي نفسه من شوق لهذا المكان – في لحظات عزمت ان لا ارجع نهائيا ولكن ابت نفسي وبدون وعي مني اجد نفسي اتصفح المنتدي واتنقل بين اقسامه – فهنا عرفت اناس بمعني هذه الكلمة – اناس احبهم في الله – بعضهم موجودين والبعض غااادر – ولكن ما زال عبقهم يلفح المكان بين لحظة واخري . هنا ايضا لدينا زكريات جميلة جدا –

كما اسلفت لا اتمنى غياب وعزوف اي احد .. ولكن حتى نكون عادلين يجب ان نمشي حسب النص والقانون وهذا ما نحاول القيام به
•بالله عليك يا استاذ ابا بكر – كل هذا ليس له خاااطر لديك – فالاعضاء يبذلون كل ما في وسعهم لترقية المنتدي من كتابة مواضيع وغيرها – ابعد كل هذا يعاملون بمثل تلك المعاملة -
ونحن نفعل ما نفعل لمصلحة الاعضاء وتاكدي ان لكل فعل رد فعل مضاد له في الاتجاه .. فلو عاملنا اي من الاعضاء معاملة خاصة لتذمر بقية الاعضاء من ذلك .. يجب ان نحترم قانون المنتدي ونحاول تنفيذه على الجميع

محمد حسين (المميز)

01-05-2010, 07:14 AM

الأخت الجميلـه مايسـه

لك كل التحـايا

بت مارنجان

01-05-2010, 11:24 AM

الي الادمن ,,
تكملة لما كتبته الاخت مايسة ..

هو اقتراح بسيط ولما هو دائر هذه الايام بالمنتدي ويمكن يكون حل مؤقت او حل علاجي زي مابنقول
في الحسابات ...

حأبدأ بكلمة لو اللي الان ماعندها معني ولا حتحل شئ لكن يمكن ان نستفيد منها لي قدام

بالنسبة لي مشكلة الاستاذ بدر الدين :
يعني لو كان من الاول وقبل مايحصل هذا الموضوع وهو "الاستغناء" عن قسم الفنون الجميلة
وعن الاستاذ بدر الدين كمشرف للقسم ..
يمسك التلفون الاخ "حمدتو" ويتصل بالاستاذ بدر الدين :
الو يااستاذ كيفك احوالك ووليداتك وان شاء الله صحتك تمام وين مختفي ووووووو
والله يااستاذ في الحقيقة نحنا بعد مشاورات ومداولات في الادارة ققرنا نقفل قسم الفنون الجميلة
عشان "................" وبما انو حيتقفل جزاك الله كل خير عن ماقدمته لنا من خبرات ومن فنون ورسومات
جميلة خالدة ودة مامعناتو انو نحن حنستغني عن خدماتك كاستاذ للفنون ومصمم للوحات وهكذا
لانو حنكون محتاجين لي خبراتك وانت زول فنان وووووووو
وتاني يوم يتنزل بوست شكر جميل باسم الادارة للاستاذ الفنان عن مجهوداته الفذة في قسم الفنون
الجميلة وينال لقب فخر المنتديات ويكون بذلك استحق الاسم الجميل ويكون فخر وشرف للمنتدي ...

"كتيرة يعني كان يحصل كدة!!!!؟؟؟"

رضا حسن محمد
خلينا نتكلم عن الاساءة بعيدآ عن التوقيف عن هو مظلوم او لأ ...
حل علاجي سريع عشان الموقف مايتفاقم ويتأزم ...
ياخوانا دي اساءة في شرف قبل مايكون توقيف ظالم او او او او

بوست للادارة فيهو اعتذار باسم الادارة للاستاذ رضا عن ماحدث له وانه دة عيب يحصل بين الناس
والناس كبار وناس عاقلة ومثل هذه الافعال غير مسموح بيها ابدآ في مكان كهذا المنتدي لانو
الناس دي جاية من اماكن وبيوت ومجتمعات محترمة ...
ونعتذر ليك يارضا وامسحها في وش "اب سفروق :o

هل كان حيحصل زي ماحاصل الان ؟؟؟!!!

بالنسبة لي ولمايسة في موضوع العضو ابو ملاذ

يعني لو كان برضو جاء واحد مكلف من قبل الادارة بانو اعتذر في نفس اللحظة اللي اتعرضنا فيها للاساءة او
حتي فيما بعد في وقت لاحق في نفس اليوم
وانو يقول والله انحنا آسفين انو اتعرضتو لي اساءة زي دي وانتو اخوات عزيزات لينا ودة عيب الحصل دة
وانتو قدركم كبير والله وانتو وردات وزهرات وووو كلام كلو ورود وعطور
وكان نحن صدقنا الكلام السمح دة والمركب مشت ومشينا بعيد ...

اقتراح مع طلب للادمن بصفتك المسؤول الاول والاخير عن مايدور في المنتدي
هل ممكن من الان ولي قدام تحسبآ لأي مشكلة زي دي ومن هذا النوع تعين شخص من الادارة
ومن داخل الادارة تحديدآ ... يكون متصرفآ وموفوضآ وفي ايدو الحل العلاجي السريع للمشاكل
دي عشان مانقع فيها والناس زي مابتقول حبوبة الله يديها العافية
"بطونها ماتتقل من بعض وكل زول شايل من اخوه" ...

بت مارنجان

01-05-2010, 11:30 AM

الكلمة طيبة جواز سفر في اي مكان ...
وقمة المجد والقوة تعتذر لما تكون غلطان حق شخص ...
وماعيب نعتذر لي بعض لمن نغلط دة بيزيدنا قوة ومابيضعفنا ...
الأنسان حينما يجرح من قبل شخص يكون في حوجة لمن يطيب بخاطره ويخفف عنه حجم ألجرح أو الأساءة التي تعرض اليها ..
كما الطفل حينما يتعرض لأساءة من صديق له يركض الي والداه حتي يخففو عنه ويطبطو عليه..
‏ ‏

ممكن تعينو ناطق رسمي لفك الازمات الداخلية في المنتدي وتكون حلول علاجية لغاية ماتقعدو
ووتتداولو في منو الغلط ولا دة يستحق سنة سجن ولا سنتين ...

تخريمة : مع الاحتفاظ بمكانة ابو عفان كناطق رسمي طبعآ عشان هسي ماتجو تقولو
بت مارنجان قالت يشيلو ابو عفان ويجيبو ناطق رسمي تاني ...

شكرآ جزيلآ ,,,

admin

01-05-2010, 01:47 PM

الي الادمن ,,
تكملة لما كتبته الاخت مايسة ..
وعليكم السلام والرحمة لك ولها الف تحية واحترام
هو اقتراح بسيط ولما هو دائر هذه الايام بالمنتدي ويمكن يكون حل مؤقت او حل علاجي زي مابنقول
في الحسابات ...

حأبدأ بكلمة لو اللي الان ماعندها معني ولا حتحل شئ لكن يمكن ان نستفيد منها لي قدام

بالنسبة لي مشكلة الاستاذ بدر الدين :
يعني لو كان من الاول وقبل مايحصل هذا الموضوع وهو "الاستغناء" عن قسم الفنون الجميلة
وعن الاستاذ بدر الدين كمشرف للقسم ..
يمسك التلفون الاخ "حمدتو" ويتصل بالاستاذ بدر الدين :
الو يااستاذ كيفك احوالك ووليداتك وان شاء الله صحتك تمام وين مختفي ووووووو
والله يااستاذ في الحقيقة نحنا بعد مشاورات ومداولات في الادارة ققرنا نقفل قسم الفنون الجميلة
عشان "................" وبما انو حيتقفل جزاك الله كل خير عن ماقدمته لنا من خبرات ومن فنون ورسومات
جميلة خالدة ودة مامعناتو انو نحن حنستغني عن خدماتك كاستاذ للفنون ومصمم للوحات وهكذا
لانو حنكون محتاجين لي خبراتك وانت زول فنان وووووووو
وتاني يوم يتنزل بوست شكر جميل باسم الادارة للاستاذ الفنان عن مجهوداته الفذة في قسم الفنون
الجميلة وينال لقب فخر المنتديات ويكون بذلك استحق الاسم الجميل ويكون فخر وشرف للمنتدي ...

"كتيرة يعني كان يحصل كدة!!!!؟؟؟"
ما كثيرة ابدا في حق الاستا1 بدرالدين .. عادة يتم مراسلة اي مشرف قبل قبوله التكليف وبعد رفع التكليف هذا يحصل مع الجميع .. ويتم نزول بوست بذلك بعد انتهاء توزيع التكليف .. يتم فيه شكر المشرفين القدام والترحيب بالجدد ويمكن ان تكوني قد مررت بموضوع بهذا المعني .. وفي حالة عدم وصول رسالة لبدرالدين فهذا خطأ لاشك في ذلك
رضا حسن محمد
خلينا نتكلم عن الاساءة بعيدآ عن التوقيف عن هو مظلوم او لأ ...
حل علاجي سريع عشان الموقف مايتفاقم ويتأزم ...
ياخوانا دي اساءة في شرف قبل مايكون توقيف ظالم او او او او

بوست للادارة فيهو اعتذار باسم الادارة للاستاذ رضا عن ماحدث له وانه دة عيب يحصل بين الناس
والناس كبار وناس عاقلة ومثل هذه الافعال غير مسموح بيها ابدآ في مكان كهذا المنتدي لانو
الناس دي جاية من اماكن وبيوت ومجتمعات محترمة ...
ونعتذر ليك يارضا وامسحها في وش "اب سفروق :o

هل كان حيحصل زي ماحاصل الان ؟؟؟!!!

بالنسبة لي ولمايسة في موضوع العضو ابو ملاذ

يعني لو كان برضو جاء واحد مكلف من قبل الادارة بانو اعتذر في نفس اللحظة اللي اتعرضنا فيها للاساءة او
حتي فيما بعد في وقت لاحق في نفس اليوم
وانو يقول والله انحنا آسفين انو اتعرضتو لي اساءة زي دي وانتو اخوات عزيزات لينا ودة عيب الحصل دة
وانتو قدركم كبير والله وانتو وردات وزهرات وووو كلام كلو ورود وعطور
وكان نحن صدقنا الكلام السمح دة والمركب مشت ومشينا بعيد ...

اقتراح مع طلب للادمن بصفتك المسؤول الاول والاخير عن مايدور في المنتدي
هل ممكن من الان ولي قدام تحسبآ لأي مشكلة زي دي ومن هذا النوع تعين شخص من الادارة
ومن داخل الادارة تحديدآ ... يكون متصرفآ وموفوضآ وفي ايدو الحل العلاجي السريع للمشاكل
دي عشان مانقع فيها والناس زي مابتقول حبوبة الله يديها العافية
"بطونها ماتتقل من بعض وكل زول شايل من اخوه" ...
هل في رايك ان الادارة مسؤلة عن ما يكتبه الاعضاء ؟ .. لذا وجب عليها الاعتذار نيابة عن العضو المخطئ .. ام عليها فقط تنفيذ العقوبة على من اخطأ؟

الكلمة طيبة جواز سفر في اي مكان ...
وقمة المجد والقوة تعتذر لما تكون غلطان حق شخص ...
وماعيب نعتذر لي بعض لمن نغلط دة بيزيدنا قوة ومابيضعفنا ...
الأنسان حينما يجرح من قبل شخص يكون في حوجة لمن يطيب بخاطره ويخفف عنه حجم ألجرح أو الأساءة التي تعرض اليها ..
كما الطفل حينما يتعرض لأساءة من صديق له يركض الي والداه حتي يخففو عنه ويطبطو عليه..
‏
ممكن تعينو ناطق رسمي لفك الازمات الداخلية في المنتدي وتكون حلول علاجية لغاية ماتقعدو
ووتتداولو في منو الغلط ولا دة يستحق سنة سجن ولا سنتين ...

تخريمة : مع الاحتفاظ بمكانة ابو عفان كناطق رسمي طبعآ عشان هسي ماتجو تقولو
بت مارنجان قالت يشيلو ابو عفان ويجيبو ناطق رسمي تاني ...

شكرآ جزيلآ ,,,
كلامك جميل جدا في هذه النقطة .. وقد حاولنا من قبل وجربنا هذه الطريقة وتم تكوين لجنة اسمها لجنة الجودية وهي لجنة كنا ننتظر منها ادارة الازمات الداخلية وكانت هذه احدي مهامها .. وتم اختيار مجموعة من الاعضاء الذين لديهم وزنهم عند الجميع فكلنا يقدرهم ويحترمهم .. ولكن لم تقم بمهامها حتى الان بالوجه المطلوب .. ولكن في النهاية اقتراحك مقبول وجدير بمزيد من النقاش حول الية التنفيذ

بت مارنجان

01-05-2010, 09:29 PM

هل في رايك ان الادارة مسؤلة عن ما يكتبه الاعضاء ؟ .. لذا وجب عليها الاعتذار نيابة عن العضو المخطئ .. ام عليها فقط تنفيذ العقوبة على من اخطأ؟

استاذي الادمن ..
اذا في يوم من الايام وانت جالس مع اخوتك وجاء احد اخوانك وهو معرض لأساءة بالغة من احد
اصدقائكم اول شئ حتقولو ليه شنو ...
انا رفعت التكلفة وشلت الحواجز الموضوعة مابين الادارة والاعضاء واتعاملت بفهم انو الادارة
ماهو الا كيان ليدير هذا المكان ,,, لكن العلاقة الشخصية هي علاقة اخوة وابوة مابين الاعضاء والادارة ..
ماهو تصرفك في نفس اللحظة التي يجئ اليها اخاك وهو معرض للاساءة دي !!!

اقل شئ واول كلمة حتتقال "معليش كدي هدئ نفسك ..."
وياخي بيكون في لحظة زعل ووووو تحاول تخفف عن نفسو الشئ الحصل ليه ..

كلامك جميل جدا في هذه النقطة .. وقد حاولنا من قبل وجربنا هذه الطريقة وتم تكوين لجنة اسمها لجنة الجودية وهي لجنة كنا ننتظر منها ادارة الازمات الداخلية وكانت هذه احدي مهامها .. وتم اختيار مجموعة من الاعضاء الذين لديهم وزنهم عند الجميع فكلنا يقدرهم ويحترمهم .. ولكن لم تقم بمهامها حتى الان بالوجه المطلوب .. ولكن في النهاية اقتراحك مقبول وجدير بمزيد من النقاش حول الية التنفيذ

ياريت ياريت ياريت وبتمني انو الاقتراح دة يتناقش ويتعمل علشان نطلع من حتتة المشاكل دي ...

بنت الرفاعي

01-05-2010, 11:21 PM

يديك العافية ويحفظ بناتك أخونا ود الصول، قدرت رجَّعت لينا أخواتنا بت مارنجان وبعدها مايسة، بس إن شاءالله تاني ما يعملن حركاتهم الما جميلة دي (بالرغم من ما يكمن خلفها (الحركات يعني) )، ولا بنفتح عليهم بلاغ عند ناس الحركة :mad: :p

بنت الرفاعي

02-05-2010, 12:17 AM

ما كثيرة ابدا في حق الاستا1 بدرالدين .. عادة يتم مراسلة اي مشرف قبل قبوله التكليف وبعد رفع التكليف هذا يحصل مع الجميع .. ويتم نزول بوست بذلك بعد انتهاء توزيع التكليف .. يتم فيه شكر المشرفين القدام والترحيب بالجدد ويمكن ان تكوني قد مررت بموضوع بهذا المعني .. وفي حالة عدم وصول رسالة لبدرالدين فهذا خطأ لاشك في ذلك

السلام عليكم أخي أبوبكر

طالما أنه خطأ ولا شك في ذلك كما ذكرت سابقاً، على من تقع مسؤولية هذا الخطأ؟؟
ولماذا إلى الآن لم يتقدم المسؤول عن ذلك على الأقل بالإعتذار؟؟؟
وفرضنا أن أياً من كان المسؤول لا يود الخوض في ذلك، لماذا لم نرى أي تصرف لتصحيح أو معالجة ذلك الخطأ؟؟؟!!!!

أخي الأدمن أود أن أسأل لماذا لا نرى أعضاء الإدارة هنا؟؟؟
لن أنكر وجود القلييييييل جداً منهم والذين لمست فيهم حبهم للمنتدى وحرصهم على تقدمه وبقائه، ولكن أين البقية؟
هل الإعتماد على المشرفين هو ما يجعل أغلب (لن أقول الجميع حتى لا أظلم أحداً) أعضاء الإدارة لا يتواجدون إلا ناااااادراً؟؟؟ ونحن كما نعلم أن المشرفين دورهم محدود في الإشراف على ما يشرفون عليه فقط؟؟
نعلم أن الناس لديها مشاغل ولكن لماذا يقبل من يعلم أن لديه مشاغل كثيييييرة في هذه الحياة المسؤولية دون أن يُراعيها؟؟ فالمرء قد ينشغل يوم أو يومان أو 3 أو حتى شهر, ولكن ليس السنة بكاملها!! ولنفترض أنهم لم يكونوا مشغولين وأتتهم تلك المشاغل فجأة لدرجة أنهم لن يستطيعوا أن يُكملوا لبقية السنة أبداً، لم لا يعتذرون وبكل شجاعة؟؟ من أجل الحفاظ على هذا المنتدى وتقدمه وبقاؤه في أجمل الصور؟؟
أخي الأدمن أخرجك من تلك الدائرة لأنك قبل أن تنتقل إلى هناك حقيقة لم تكن تُقصر مع الأعضاء أبداً، وكنت تشارك معهم بالكثير، والآن على الأقل ترد على أسئلة واستفسارات الأعضاء، ولكن أين البقية؟؟
نطالبهم فقط بساعة أو أقل على الأقل في اليوم ليكونوا مع الأعضاء.

أتمنى أن لا يغضب أحد مني أو بينكم البعض إدارة ومشرفين وأعضاء وأن يسود التسامح والصفاء ونقاء السريرة، فنحن هنا تحت شعار نلتقي لنرتقي لا نلتقي لنرجع للخلف ونفترق، ولا تنسوا بأننا أخوة وتلك فانية.:)

أشكر كل من يُحب هذا البيت ويتمنى ويُحاول أن يُبقيه أجمل وأنقى البيوت في هذا الفضاء الواسع.:):):)

المسافر

02-05-2010, 12:27 AM

لا اريد ايضا سرد الاحداث السابقة فهي معلومة ومعروفة لدي الجميع بما فيهم الادارة – وهي ادري بما يحصل في كواليسها من نقاشات
-وان تمطر تلك الغمامة .

علي بالطلاق نحنا ما عارفين أي حاجة
لكن الظاهر عليك زعلاااااااااااااااااااانة جد جد
إنت بس قالوا الحصل شنو وخلي الباقي علينا

خالد أحمد الصول

02-05-2010, 12:56 AM

طالما حرصنا علي أن يكون ديواننا نظيفا مرشوشا و مرتب فإنه سوف يستقبل ما هم أهلا للأدب و الذوق الاحترام ... و طالما عرفنا قدر أنفسنا و قدرناها فأن غيرنا سوق يقدرنا و يتعامل معنا قدر احترامنا لأنفسنا
أعلم جيدا أن هذا المنتدى قد جذب عليه خيرت الناس تعاملا و ذوقا و أدبا و فنا و جمال ... فقد تحكروا في دواخلنا كبيرهم و صغيرهم و حجزوا أماكنهم بارزه بثقافتهم و لطفهم احترامهم لبعضهم البعض حتى صاروا كالجسد الواحد يتداعي بالسهر و الحمى إذا أصاب أحدنا شيء ... تكون علاقة الناس في المنتديات علاقات يحددها الكي بورت و تنتهي بانتهاء ساعات البث و لكن أجد أن علاقة الناس في منتدى ودمدني متطورة و تكوم من لحما و دم ... فما تصادقه و تقرأ له كل يوم و تحفظ أسمه ... تجده غد قد أتصل بك بالتلفون و تجدك قد قابلته لحما و شحما و تكرر اللقاء و تعانق الإخوان في مودة و صفاء ... إن الاختلاف هنا أحبتي لا يفسد أبدا لهذا الود الصافي المتصافي قضية أبدا ... فاللقاءات و التلفونات تذوب ثلج العلاقات و تبدد وحشة الفراق و تجمع الاحباب أحباب ...
نيابة عنكم جميعا أشكر أبنتي العزيزة مايسة لاستجابتها لنداء أحبابها و معجبيها و إخوانها و أبائها فعودا حميدا ...
و أقول لها فقد ذهلت أيما ذهول من هذه المعلومات المرتبة و من هذا العقل الراجح و من هذه النظرة الفاحصة المتأملة للأشياء و المشاكل ...
أخوتي
فإن ما جاء في حديث الابنة مايسة نعتبره ورقة عمل يجب مناقشتها بندا بند حتي نقف علي الخلل في المنتدى لتقويمه
و من موجهاتها:
(1) الاعتراف بوجود خلل ما في المنتدى و العمل علي تلافيه
(2) مناقشة حال المنتدى و ما آل إليه هذه الأيام و إيجاد الحلول الناجعة الآراء المفيدة
(3) الإجابة علي السؤال هل منتي ودمدني منتدى جهوي؟ وهل هو خاص بأبناء مدينة ودمدني فقط؟
(4) تفعيل لجنة الجودية و تقنين صلاحياتها وتوسيع قاعدتها بإدخال أشخاص آخرين مؤثرين فيها
(5) تبني لجنة الجودية هذه الموجهات وفتح بوست بها و إدارة النقاش فيها
(6) إدارة الحوار في موضوع كيف يكون المنتدى جاذبا
(7) ما دور المنتدى في محاربة استقطاب أعضاؤه لمنتديات أخري

مايسة

02-05-2010, 01:26 AM

-الشكر لكل المتداخلين

-الشكر للادمن - بس سعادتك في اسئلة كدا اختصرتها شديد - شديد
وبعدين ما انا براي الاطلقته الاحكام دي - اغلب الاعضاء شايفين انو الادارة مقصرة في دورها كادارة - وتوجد بعض الاحكام التي تصدر وتكون يا اما متاخرة او تصدر ببعض الاجحاف -

يا آآآآآدمن الاعتزااار من جهتكم فيهو مشكلة ولا حاااااجة - بس سؤال بسيط شديد
لكن الاجابة عليهو بتريح الجميع وانتو زاااتكم بترتاحو ياخ (معليش تعبتك بالاسئلة استحمل شوية)
(سوري انا شلته التكليف لانو معتبرا الحالة بقت واااحدة)

مايسة

02-05-2010, 01:34 AM

- المساافر اخوي - انت ياخ والله انا عايزة رائك في الموضوع دا وبصراااااحة ياخ ممكن

- مرام اختي - يديك العافية وما قصرتي والله - يديكي محل ما تقبلي (قولي آآمين)

المميز اخوي - روحك حلوة - بس الاعتززااار دا لو جا منهم بيكون احلي شديد (يديك العافية)

الرائع الصول - اسئلتك مائة مائة بس لو يتم الرد عليها - ويعمل بها نكون خطونا خطوة ناحية التشبيه بالكمال (ولله الحمد)

بت أم درمان

02-05-2010, 02:16 AM

ممكن نقول صعب نعمل الشيء
بس لا يوجد مستحيل تحت الشمس

كل الاسئلة والطلبات الموجودة بالبوست دا
جد والله ما صعبة ولا مستحيلة
بس قولو خير

بختك يا مايسة عندك أبين

بت أم درمان

02-05-2010, 02:18 AM

إنت بس قالوا الحصل شنو وخلي الباقي علينا

ح تعمل شنو يا مسافر ديما ؟!
النبي ورينا

مايسة

02-05-2010, 02:32 AM

- التيمان - والله كتر خيركم وبارك الله فيكم 000 منو معاي بس هسه عشان ما اتلخبط وكدا - صراااحة انتو ناس عثل والله - ربنا يخليكم .

- الرائع الجندي - مشكور يا سيدي - بس قول ربنا يسهل ان شاء الله -

- الأخ والاستاذ نهرو - مشكور وفي الانتظاااار - والترقب

- بت ام درمان - النسمة - مبروك اسمك الجديد ياخ (عبير الورد) وانتي فعلا عبير والله - (ما تحسديني ياخ على الابوين ديل) (جيبي بخور تيمااان معاك) (من سوق امدرمان)

مايسة

02-05-2010, 02:58 AM

والله فعلآ الكلمة الطيبة جواز سفر

أكيد يا بتو ياخ - وبعدين مرات كدا - سااااي بس لو جبرته بخاااطر الواحد بتكسرو عديل كدا وبيعمل ليك اي حاجة انت عايزة - ولا شنو :cool::D

مايسة

02-05-2010, 08:07 PM

علي بالطلاق نحنا ما عارفين أي حاجة
لكن الظاهر عليك زعلاااااااااااااااااااانة جد جد
إنت بس قالوا الحصل شنو وخلي الباقي علينا

الحصل كتتتير يا المساااافر -

بس احنا عايزين نقلل من المخاااطر تبعو -

سيدي الرئيس (الآدمن) في الانتظاااار لتكملة الحواااار

المسافر

02-05-2010, 08:20 PM

الحصل كتتتير يا المساااافر -
بس احنا عايزين نقلل من المخاااطر تبعو -
سيدي الرئيس (الآدمن) في الانتظاااار لتكملة الحواااار

والله يا مايسة ما عايزين أي مخاطر ومجازفات بس نظام شمار
وبعدين ما برضى ليك الظلم يا أختي . . .

والأدمن هو جاء من صلاة الجمعة ولا لسه . . . أصلو قال ماشي
صلاة الجمعة قبل سنتين ولسه من رجع أنا خايف يكون منتظر
صلاة العصر !!!!!!!!

مايسة

02-05-2010, 08:27 PM

والله يا مايسة ما عايزين أي مخاطر ومجازفات بس نظام شمار
وبعدين ما برضى ليك الظلم يا أختي . . .

والأدمن هو جاء من صلاة الجمعة ولا لسه . . . أصلو قال ماشي
صلاة الجمعة قبل سنتين ولسه من رجع أنا خايف يكون منتظر
صلاة العصر !!!!!!!!

المساااافر انا موضوعي نسيتو - خلاص لاني عرفت الشخصية منو هي - عشان كدا ما هاميني كتتير

بس المشكلة في الحاجات التانية والاجحاف في حق الناس الحلوين ديل بس - وحال الادارة الما عاجب اغلب الاعضاء بمن فيهم جزء من الادارة نفسها .