البعد الإجتماعي المفقود في منتديات ودمدني [الأرشيف]

عاطف عولي

01-05-2010, 01:19 AM

الي كل الذين أحبهم هنا
الي كل الذين فتحوا لي القلوب قبل الأبواب
الي كل الذين أسهم في تشكل ذاتي
الي كل الذين لونوا دواخلي بكل ألوان الود والمحبة
الي الذين بيني وبينهم مساحات الترحاب والحباب
الي الذين كان لهم الفضل في الأرتقاء بذاتي ومفرداتي وكلماتي
الي الذين أسهم في تطوير وعي المعرفي والثقافي.
اليكم جميعآ كل كلمات الشوق ومفردات الحب وكلمات الثناء.
ما اود أن اطرحه هنا ليس أمر شخصي ولا بدافع ذاتي ولكن بكل موضوعية وتجرد وبأعلي درجات الشفافية المتجردة من كل ما هو ذاتي والمتوثبة الي كل ما هو موضوعي.

عاطف عولي

01-05-2010, 01:20 AM

2020

تم الأتصال بي هاتفيآ من قبل أخوة أعزاء في مجلس إدارة المنتدي وتم النقاش معي حول تكليفي بأعباء الأشراف بالمنتدي العام لهذه الدورة ورغم تحفظي أستجبت لرغبة الأخوة الذين وضعوا في الثقة ومارست دوري كأحد المشرفين بالمنتدي العام.
وحاولت قدر الأمكان أن أكون جهدي أن أودي دوري المناط بي علي أكمل وجه من أجل الأرتقاء بالمنتدي وخدمة لأخوتي الأعضاء الذين لهم في صميم الفواد مكانة.
ورغم ضغوط الحياة والعمل هنا في أرض المهجر حاولت أن أكون متواجدآ بالمنتدي لساعات وساعات في فترة عصيبة مر بها المنتدي والكل يعلم بالأحداث الساخنة التي مرت خلال هذه الدورة والتي أستدعت تواجد مكثف مني وزملائي بالمنتدي العام.
وكان أن مرت بي ظروف خاصة جدآ تمثلت في توقفي عن العمل سعيآ نحو الأفضل والبحث عن البديل الذي يحقق بعض الطموح والتطلعات في مستقبل ننشده جميعآ.

مدنيّة

01-05-2010, 01:22 AM

عاطف عولي

01-05-2010, 01:22 AM

وكان أن مرت بي ظروف خاصة جدآ تمثلت في توقفي عن العمل سعيآ نحو الأفضل والبحث عن البديل الذي يحقق بعض الطموح والتطلعات في مستقبل ننشده جميعآ.
وفي ذات الوقت كان زملائي الأثنين يمران بظروف خاصة.
وقد قمت بالأتصال هاتفيآ بالأخ نزار أبو سفروق نائب المشرف العام بدولة الأمارات العربية وأخبرته بعدم تمكني من الدخول خلال الفترة القادمة لظروفي الخاصة وظروف زملائي الاخرين وعليه ترتيب الامر وسد الثغرة لحين عودتنا مرة أخري. كما شرحت له ظروف توقفي عن العمل في الشركة التي أعمل بها.
وذلك بعد أن عجزت في الوصول الي أخونا المشرف العام بكري كسلا. ثم أنتقلت من مدينة الرياض الي مدينة الدمام مقر عملي الجديد.
وقد حاولت الدخول الي المنتدي وفشلت من خلال العديد من النت كافي وأتصلت بالأخ بكري كسلا وأخبرته بعدم مقدرتي علي دخول المنتدي وعليه أن يبحث هل هناك مانع فني يحول دون دخولي وأتصل علي بعد ان قام بتغير كلمة مروري ولم أتمكن أيضآ من الدخول ودار في ذهني هل تم حظر حسابي؟
وبعد فترة ليست بالطويلة يتصل بي أخي وزميلي بالأشراف محمد المميز ليخبرني بأنه تم أعفائيمن أعباء الأشراف بالمنتدي العام مع زميلي الآخر محمد النور وتكليف أخوين عزيزين بمهام الأشرأف.

عاطف عولي

01-05-2010, 01:24 AM

وهنا السؤال هل قامت إدارة المنتدي بتفقد أحوالنا وموانع الدخول والقيام بالمهام الموكلة الينا؟
هل تم الأتصال بنا تلفونيآ لمعرفة ظروفنا وأحوالنا؟
مع العلم ان أغلب أعضاءمجلس الإدارة علي علم بالظروف المحيطة من المشرف العام ونائبه والسكرتير التنفيذي لمجلس الأدارة الذي حول له احد الأخوان سيرتي الذاتية لمساعدتي في إيجاد عمل بمدينة جدة أو غيرها.
لماذا لم يتم الاتصال بنا عند غيابنا كما تم الأتصال بنا عند تكليفنا؟
هل تم الأعفاء بأعتبار أننا مقصرين في ما أوكل الينا من تكاليف؟
وان كانت الأجابة نعم فهي لعمري الطامة الكبري!!!

وان كات العلاقة هنا علي أساس التكليف والعمل بالمنتدي فقط فتلك كارثة اكبر!!!!!!!!!!!!

كنت أظن ان العلاقة أكبر من ذلك وان يتفقد كل منا الأخر فهل حدث هذا في مثل ظروفنا؟
ام انه يحدث للبعض دون الآخرين؟

أجابات وتساؤلات واستفسارات مطروحة الي من يهمهم الـأمر

مدنيّة

01-05-2010, 01:33 AM

اخونا عاطف
الادارة فقط قدرت الظروف التي تمرون بها
ونحن متابعون من علي البعد كل اخباركم
سواء هنا في المنتدي العام ام في منتدي المشرفين

-------------------

يشهد الله ومن ثم انا علي انكم لم تقصروا في ما اوكل لكم من مهام طيلة فترة تواجدكم واشرافكم علي المنتدي العام
ولكن هي مشاغل الحياة وظروفها التي تتغير من حيت لاخر
وياتي تقدير الادارة لهذه الظروف

-------------------

وسوف اضرب ليك مثل بنزار حسن زاته
كان مشرف المنتدي العام
ومن ثم اصبح مشرفا عاما
واتي دورة واصبح فيها فخري المنتدي
وها هو الان نائبا للمشرف العام

----------------
امر الاشراف ياعاطف يااخي هو باختصار
من يكون متواجد يسد
ومعها طبعا تقدير ظروف كل من لم يستيطع التواجد لتغير ظروفه

احتراااماتي عاطف

معتز الريح

01-05-2010, 02:00 AM

والسكرتير التنفيذي لمجلس الأدارة
الذي حول له احد الأخوان سيرتي الذاتية
لمساعدتي في إيجاد عمل بمدينة جدة أو غيرها.

أخي الحبيب عاطف .. لم يحصل بتاتاً أن أخبرني أحد أنكم
تبحثون عن عمل .. ولم يخبرني أحد أو يرسل لي
أي سيرة ذاتية خاصة بكم .. وهذا الأمر لا أعرف عنه شيئاً
إلا من خلال ما اقتبسته أعلاه .. والله على ما أقول شهيد ..
ويسعدني ويشرفي خدمة أخواني في أي مكان وزمان ..
----------------------------------

أخي الحبيب ..
حمدلله على السلامة ونبارك لك الاستقرار الوظيفي ..

ايمن عبد الله

01-05-2010, 02:10 AM

حمداً لله على السلامة اخي عاطف واتمنى ان تعود اكثر حيوية ونشاطاً من ذي قبل .. وتقبل خالص تحياتي واحترامي .. وطالما جيت الدمام خلينا نشوفك ان شاء الله ..

ahmed algam

01-05-2010, 02:13 AM

الغالي استاذنا عاطف عولي

حمدلله علي السلامة

والعود احمد

وبركه الشفناك بخير وصحة وهنا

بت مارنجان

01-05-2010, 02:49 AM

وهنا السؤال

هل قامت إدارة المنتدي بتفقد أحوالنا وموانع الدخول والقيام بالمهام الموكلة الينا؟
هل تم الأتصال بنا تلفونيآ لمعرفة ظروفنا وأحوالنا؟

مع العلم ان أغلب أعضاءمجلس الإدارة علي علم بالظروف المحيطة من المشرف العام ونائبه والسكرتير التنفيذي لمجلس الأدارة

لماذا لم يتم الاتصال بنا عند غيابنا كما تم الأتصال بنا عند تكليفنا؟
هل تم الأعفاء بأعتبار أننا مقصرين في ما أوكل الينا من تكاليف؟

وان كات العلاقة هنا علي أساس التكليف والعمل بالمنتدي فقط فتلك كارثة اكبر!!!!!!!!!!!!

كنت أظن ان العلاقة أكبر من ذلك وان يتفقد كل منا الأخر فهل حدث هذا في مثل ظروفنا؟
ام انه يحدث للبعض دون الآخرين؟

أجابات وتساؤلات واستفسارات مطروحة الي من يهمهم الـأمر

والله اسئلتك دي تنفع مدخل لي بوست نهرو ....
لكن ننتظر معك الاجابة ونعرف !!!

بت مارنجان

01-05-2010, 02:51 AM

مبروك الشغل الجديد ويخلف عليك بالبركة والزيادة والرزق الحلال

بدر الدين محمد

01-05-2010, 03:11 AM

الاخ العزيز عاطف مجرد رؤية اسمك بين اخوانك يعني ان المنتدى بخير او يكاد

وربنا يتقبل اجر معاناتكم في الغربة

احيانا نغفل والتقصير يحصل بيننا

نعذر بعضنا

نغتنم كل دقيقة نسأل فيها عمن يخطر في البال قبل ان يغيب عن البال مرة اخرى

تحياتنا

الجندي المجهول

01-05-2010, 03:46 AM

حبيبنا عولي ...........
تحياتي ،،،،،
في بوست من البوستات تاخرت نتيجة نجم الشهر واعتقد انه مارس وانا من شرحت هذه الظروف ........ وبالتفصيل الممل ....

اعرف علاقتك بالناس كلها جميلة وبتفقد البيغيب ..
واذا لم يفقدك احد فهو مخطئ لانك تستحق السؤال وتستحق ان نركب ونكون عندك هناك يا عاطف عولي ....

اسال الله ان يعطيك حتى يرضيك ،،،

والماسنجر نفسه بقيت ما بتخش فيهو ،،

على العموم انت والله جوووووووووة القلب ،،، موجود ،،،
وتقبل تحياتي ،،،،

محمد الجزولى

01-05-2010, 04:06 AM

يا ود عولى ياخى حمدلله على السلامه
والف مبروك الشغل الجديد
بالمناسبه اتصلت عليك اكثر من مره لكن تلفونك ( مغلق )

nehroo

01-05-2010, 05:05 AM

وانا بين مصدق وما مصدق !!!

عثمان جلالة

01-05-2010, 05:10 AM

الحبيب عاطف .. تحياتي وأشواقي الحاره

بعدين يا حبيب القسا ... مسعول من الخير ... إنتا تعال هنا .. الرياض دي مالها ؟؟؟

المعنى يعني تحول في سيرتك لـ ناس جده والدمام .. ونحنا تتغابى فينا العرفه :)

أسي يا سيد الناس .. ما فاتت جاحه .. كلنا بنطمح للأفضل دائما .. ولينا كتير الشرف إنو تجينا في الرياض .. وليك علي ما تلقى غير الخير يا وش الخير ... إنت بس قول .. ووحاتك تلقانا قدامك ألف أحمر

كل شيء ولا زعلك يا سيد الناس ... بركه الشفناك .. طيب ومبسوط .. وبركة إلهي وجاهي دايما دلويا ملاااان :)

nehroo

01-05-2010, 07:33 AM

محمد حسين (المميز)

01-05-2010, 07:55 AM

استــــــــــاذنا عـــاطف

حمـداللـه عالسـلامه

وانشـاللـه كله في محلـه

ومااااااااتنقطـع تاني وخليـك معانا

مايسة

02-05-2010, 08:22 AM

ما اود أن اطرحه هنا ليس أمر شخصي ولا بدافع ذاتي ولكن بكل موضوعية وتجرد وبأعلي درجات الشفافية المتجردة من كل ما هو ذاتي والمتوثبة الي كل ما هو موضوعي.

خاالي عولي - سلالامات

يسلم فمك يااخ - دي ذااته العايزنها

اولا حمدلله على السلامة ومبارك الشغل النقلة والعمل الجديد - ان شاء الله تتهني فيهو وبيهو

اما موضوعك دا - غايتو الا ترفع تظلللم - ولا اقول ليك امسحها في وش ابوسفروووق - اصلو الايام دي اي حاجة بتتمسح في وشو بقت
- غايتو يا ابو سفروووق ملامحك اختفت من كترت المسح فيهو (بقيت قوس قزح بس) :o

المسافر

02-05-2010, 08:50 AM

تحياتي وأشواقي أستاذنا عاطف وحمدلله على السلامة

كنت دائماً أتحدث عن الإدارة والإشراف والقوانين وأعيب عليهم أمور كثيرة وكنت إنت مع بعض
المشرفين والزملاء في تلك الفترة تتصدوا لي وأظنني مسجل لديكم ( خطر ) أو ( مستهتر )
لمجرد حديثي عن الإدارة والإشراف والقوانين والأعضاء ، والمشكلة هنا لست في واحد فيهم
بل بعلاقتهم مع بعضهم بها كثير من التناقضات والسبب في ذلك الأمر الطريقة التي يدار بها ،
وممكن أبسط لك الوضع بأن إحساسي في منتديات ود مدني أصبح من شخص مساهم وجزء
من كيان إلى شخص ضيف ، لا رأي لي في أي أمر .

ولك فائق ودي وتقديري

بنت الرفاعي

02-05-2010, 09:26 AM

ألف ألف حمدالله على السلامة أخونا الهميم عاطف عولي.:)

ود الجعلي

03-05-2010, 01:16 AM

حمد الله على السلامة ومبروك الشغل الجديد

وسايبك من ادارة المنتدى ان شالله بنغيرهم كلهم من رئيس مجلس الادارة لحدي اصغر واحد فيهم

وعاطف عولي انت ركيزة من ركائز هذا الصرح الشامخ منتديات ودمدني ونرحب بيك في الشرقية ونمني أنفسنا بمقابلتك واثراء العمل الاجتماعي العام بمنطقتي الخبر والدمام

التيمان

03-05-2010, 02:59 PM

مسجل لديكم ( خطر )

ياخ دى ريحتنى والله فى حنانى ده

امر الاشراف ياعاطف يااخي هو باختصار
من يكون متواجد يسد

\ونعم الاختصار والله
كده فهمت يا وديع
نظام تصحى بدري تقعد الاول
ولو ساهرت للصبا تمسك دورتين
تانى نصحى بدري يا جماعه

وسايبك من ادارة المنتدى ان شالله بنغيرهم كلهم من رئيس مجلس الادارة لحدي اصغر واحد فيهم

اشك فى ذلك من بديت لى بنجم الشهر وانت ماشي لى قدام تب بتبقى مشرف

أمانة في ذمتك لامن خصخصوك
نادوك في المكتب وبلغوك
ولا سمعتها في نشرة تلاتة ؟؟

شكلو كده مسج بس ..
لكن يوم الشلع ده الا يجبو ليك من بره

ولم يخبرني أحد أو يرسل لي
أي سيرة ذاتية خاصة بكم .. وهذا الأمر لا أعرف عنه شيئاً

وسقطت سهوا" .. الله يعينك يا مدير المشكله بقت فى سيرتك دى زاتها مافى
كدى خش فتشها فى المخرن لو مالقيتها امشي طلع اورنك 5 الف وتعال ..

وهنا السؤال هل قامت إدارة المنتدي بتفقد أحوالنا وموانع الدخول والقيام بالمهام الموكلة الينا؟

افصح اى وضح اى ادارة دى ؟؟
هو فى اداره ونحن مانى جايبنلها خبر

وان كات العلاقة هنا علي أساس التكليف والعمل بالمنتدي فقط فتلك كارثة اكبر!!!!!!!!!!!!

فى دى ما بقدر ارد ليك تب لكن كلك نظر

بلف وبجيك تانى تب

ايمن عبد الله

03-05-2010, 03:39 PM

إحساسي في منتديات ود مدني أصبح من شخص مساهم وجزء
من كيان إلى شخص ضيف ، لا رأي لي في أي أمر .

لا ياخ ما تقول كده يامسافر .. والله انت في قلوب الجميع ووجودك بسعدنا كلنا وما اظن فكرتك دي صحيحة انت زول صاحب مكان ياخي

( خطر ) أو ( مستهتر )
لمجرد حديثي عن الإدارة والإشراف والقوانين والأعضاء

لي كده يا مسافر نحن وين اصلو .. في حرب ..ما الاعضاء ديل كلهم بتكلموا ما أظن في زول نعتهم بخطر او مستهتر ..

مسافر شيل الكلام ده من رأسك . لانك لو حطيت الكلام ده في رأسك بسبب ليك صداع ساااي:cool:

اي شي معقول ما بزعل زول طالما مافيه تجريح او قذف او استهداف لشخص بعينه ..

عبدالله محمد العقاد

04-05-2010, 12:05 AM

الحبيب ابوروان

اولا ان شالله ربنا ييسر امرك و يوفقك في الوظيفة الجديدة
و قيل عن الدمام و الخبر من اجمل مدن المملكة رقيا و تعامل بين الناس
و ندعوا الله ان يوفقك فيها
اما عن منتديات ودمدني فاسمح لي اختلف معك شوية
منتديات ودمدني فيها مشكلة ادارية مع تقديرنا لكل الادارة العاملة
والمشكلة الادارية تتمثل في نظام انتخاب مجلس الادارة ثم الضباط الثلاث ثم المشرفين
و في الاخير نلقى مثل هذه القرارات الادارية التي تحيرنا كاعضاء قبل المعنونة له
في ادارة منتديات ودمدني تشعر كان هناك من يعمل على خللة انتماء الاعضاء للمنتديات
و اتمنى ان اكون غلطان في شعوري هذا

عاطف عولي

04-05-2010, 12:42 AM

العود احمد ياعاطف
وحمدا لله علي السلامة

لكن بيني وبينك كدا بالغت في البعد الاجتماعي "المفقود" دي في منتديات ودمدني "تبعا دا راي خاص بي انا وليس بالضرورة يمثل راي الادارة ، للضمان كدا:cool: "

أم جمال

تحياتي

هو نحن لسع قلنا حاجة يادوب دي التحيات

وأحتياطيآ كدي مشتاقييييييييييييييييييييييييييييييييييييييين

عاطف عولي

04-05-2010, 12:51 AM

اخونا عاطف
الادارة فقط قدرت الظروف التي تمرون بها

شكرآ للتقدير الظاهر من العنوان والدليل كترة السؤال عن الحال والأحوال

ونحن متابعون من علي البعد كل اخباركم

البعد من قول الشاعر داير قربك لكن محتار

والبعد يا بت أمي جفا!!!!!!!!!
سواء هنا في المنتدي العام ام في منتدي المشرفين

لكن كنت متوقع السعال المباشر ولا كتير علينا؟

-------------------

يشهد الله ومن ثم انا علي انكم لم تقصروا في ما اوكل لكم من مهام طيلة فترة تواجدكم واشرافكم علي المنتدي العام

الحمد لله الجات منك وعليها تشكرين.

طيب السبب شنو؟
ولكن هي مشاغل الحياة وظروفها التي تتغير من حيت لاخر
وياتي تقدير الادارة لهذه الظروف

ونعم التقدير

-------------------

وسوف اضرب ليك مثل بنزار حسن زاته
كان مشرف المنتدي العام
ومن ثم اصبح مشرفا عاما
واتي دورة واصبح فيها فخري المنتدي
وها هو الان نائبا للمشرف العام

----------------
امر الاشراف ياعاطف يااخي هو باختصار
من يكون متواجد يسد
ومعها طبعا تقدير ظروف كل من لم يستيطع التواجد لتغير ظروفه

احتراااماتي عاطف

وكنت عارف كدي وحكيت ليك في التلفون قبل الموافقة

وقت الشورة!!!!!!

عاطف عولي

04-05-2010, 12:54 AM

أخي الحبيب عاطف .. لم يحصل بتاتاً أن أخبرني أحد أنكم
تبحثون عن عمل .. ولم يخبرني أحد أو يرسل لي
أي سيرة ذاتية خاصة بكم .. وهذا الأمر لا أعرف عنه شيئاً
إلا من خلال ما اقتبسته أعلاه .. والله على ما أقول شهيد ..
ويسعدني ويشرفي خدمة أخواني في أي مكان وزمان ..

مصدقك بلا حليفة وكدي أنت أسعل الجندي المجهول

وفي ضميرك سر كتمتوا
----------------------------------

أخي الحبيب ..
حمدلله على السلامة ونبارك لك الاستقرار الوظيفي ..

الله يسلمك وعقبال الأستقرار البعفروا ليك داك!!!!!!

عاطف عولي

04-05-2010, 12:56 AM

والله اسئلتك دي تنفع مدخل لي بوست نهرو ....
لكن ننتظر معك الاجابة ونعرف !!!

وأنا معاك يا بت أختي منتظرين نهرو

عاطف عولي

04-05-2010, 01:01 AM

حبيبنا عولي ...........
تحياتي ،،،،،
في بوست من البوستات تاخرت نتيجة نجم الشهر واعتقد انه مارس وانا من شرحت هذه الظروف ........ وبالتفصيل الممل ....

ما بتقصر يا أبو السرة

ودي المحرية فيك من قبيل من زمن قومة الجهل

اعرف علاقتك بالناس كلها جميلة وبتفقد البيغيب ..
واذا لم يفقدك احد فهو مخطئ لانك تستحق السؤال وتستحق ان نركب ونكون عندك هناك يا عاطف عولي ....

تحدثت عن ظاهرة وطرحت ما حدث لي كنموذج فقط للتدلييل علي حديثي

اسال الله ان يعطيك حتى يرضيك ،،،

والماسنجر نفسه بقيت ما بتخش فيهو ،،

على العموم انت والله جوووووووووة القلب ،،، موجود ،،،
وتقبل تحياتي ،،،،

ويكفي منك كل الحروف التي لم تقال

عاطف عولي

04-05-2010, 01:04 AM

وانا بين مصدق وما مصدق !!!

لا عليك الله صدق!!!!!!!!!!!!!!!!!!!!!!!!!!!

عاطف عولي

04-05-2010, 01:09 AM

أخي العزيز عاطف عولي
دمت بخير وعافية

كدي مسعول من الخير
عشان نقعد الكلام
والبوست ياخد مجراه
وخليني من النقلية والسيرة الذاتية
وخليك أغبش ما تتمسح بالزيت وتجيني
عشان تتزلق بين اليدين
ورد علي عديل[/

SIZE]

ليك علي وهو وينو الزيت ؟

هو دحين فضل فيها زيت

التزلق تلقي عند غيرنا والكلام ما ليك يا الما منطط عينييك شفت كيف؟

أمانة في ذمتك لامن خصخصوك
نادوك في المكتب وبلغوك

[SIZE="7"]يعميني ويطرشني يا ود أمي!!!!!!!!!!!
ولا سمعتها في نشرة تلاتة ؟؟
( تعديلات نميري الوزارية )

أنت كنت معاهم لمن المميز كلمني في نشرة تلاتا ولا شنوا يا دا؟

مدنيّة

04-05-2010, 01:18 AM

اخونا الكبير فينا مقاما "سنا دي مابعرفها عشان ما نجيب لينا زعل ههههههههههههههه"

عاطف
سعيدة انا بوجودك معانا الايام دي
وسعيدة اكتر بالعتاب دا
لانه المثل بيقول المادارك ما لامك

اول النثبت ليك انه ماااااااااااااافي شئ كتير عليك نهااااااااااائي
واسفة جدا لتقصيري في حقك وفي حق اخوة كتار
في المنتدي وخارجه
وليك العتبي حتي ترضي
ولو مارضيت بجيك تاني اعتذر عن التقصير الي ان ترضي
مع اني عارفة وواثقة انك اخو بنات
وبتقدر
وعتابك دا دلالة كبيرة علي مكانة الجميع عندك

--------------------------
لكن تعال النشكي ليك روحي دي زاااااااااتها
حولت لشغل جديد خلاني ماقادرة اسال من نفسي دي ، بتصدق ؟!!
بتمني اقعد مع نفسي واسالها من اخبارها واحوالها والحاصل عليها
ياخ مالاقية طريقة "شفت المآسي دي كيف" (ساد فيس)

-------------------------

اخونا عاطف
ثق تماما انه غيابك لا يمكن ان يعوض
ونحن في امس الحوجة لمجهوداتك الجبارة معانا يدا بيد

عاطف عولي

04-05-2010, 02:18 AM

استــــــــــاذنا عـــاطف

حمـداللـه عالسـلامه

وانشـاللـه كله في محلـه

ومااااااااتنقطـع تاني وخليـك معانا

جيت أشكي ليكم يا مظاليم الهوي أصلي مجروح مرتين

وأكيد كتار الذي فيكم!!!!!!!!!!!

تحياتي اخوي المميز وكل الحروف تتقاصر أمام قامتكم.

نتمني أن تكون والأسرة والوالدة بألف خير.

عاطف عولي

04-05-2010, 02:25 AM

خاالي عولي - سلالامات

يسلم فمك يااخ - دي ذااته العايزنها

:o

كدي تعالي نقول مع بعض كبير الله وعالي الجمل وطويلة السكة حديد والبغلة في الأبريق.

لكن مع ناس الطبطبا والهدهدا الكلام ما بجيب حق مريسة الخادم.

نحن ما ناقصين مناصب ولا زايدين هموم بس بنقول في كيد وكيد وحقوا ما ندفن الراس في النعام ذي الرمال شفتي القلبا دي حلوة كيف؟

حقوا ناس البرج الفلاني شوية كدي يكونوا مع ناسم

ولو عاوزين يكونوا براهم بلقاهم!!!!!!!!!!!!!!!!!!!!!!1

والأعور ما أعور لكن هدي عورتوا.

عاطف عولي

04-05-2010, 02:29 AM

عاطف عولي

04-05-2010, 02:32 AM

عاطف عولي

04-05-2010, 02:36 AM

ياخ دى ريحتنى والله فى حنانى ده

\ونعم الاختصار والله
كده فهمت يا وديع
نظام تصحى بدري تقعد الاول
ولو ساهرت للصبا تمسك دورتين
تانى نصحى بدري يا جماعه

اشك فى ذلك من بديت لى بنجم الشهر وانت ماشي لى قدام تب بتبقى مشرف

شكلو كده مسج بس ..
لكن يوم الشلع ده الا يجبو ليك من بره

وسقطت سهوا" .. الله يعينك يا مدير المشكله بقت فى سيرتك دى زاتها مافى
كدى خش فتشها فى المخرن لو مالقيتها امشي طلع اورنك 5 الف وتعال ..

افصح اى وضح اى ادارة دى ؟؟
هو فى اداره ونحن مانى جايبنلها خبر

فى دى ما بقدر ارد ليك تب لكن كلك نظر

بلف وبجيك تانى تب

ومعاكم يا تيمان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أمشوا وتعالوا.

عاطف عولي

04-05-2010, 02:41 AM

اما عن منتديات ودمدني فاسمح لي اختلف معك شوية
منتديات ودمدني فيها مشكلة ادارية مع تقديرنا لكل الادارة العاملة

لكن الإدارة معترفا بجنس كلامك دا يا عقاد؟

والمشكلة الادارية تتمثل في نظام انتخاب مجلس الادارة ثم الضباط الثلاث ثم المشرفين
و في الاخير نلقى مثل هذه القرارات الادارية التي تحيرنا كاعضاء قبل المعنونة له
في ادارة منتديات ودمدني تشعر كان هناك من يعمل على خللة انتماء الاعضاء للمنتديات
و اتمنى ان اكون غلطان في شعوري هذا

وياريت جنس الكلام الواضح دا يلقي ليه أذن صاغية وتقعد في الواطة وجنس الكلام دا تفتش ليه لانوا البقولوه ما كتار.

لكن الغلبه لاهل الطبطبا والهدهدا.

عاطف عولي

04-05-2010, 02:48 AM

اخونا الكبير فينا مقاما "و سنا دي مابعرفها عشان ما نجيب لينا زعل ههههههههههههههه"

أنشاء دايما البهجة وعلي طول نشوف سنونك برا

عاطف
سعيدة انا بوجودك معانا الايام دي
وسعيدة اكتر بالعتاب دا
لانه المثل بيقول المادارك ما لامك

لكن ذي ما قلت الما............... ما................

لكن لمن ما يلقي ..................... بيكون ما....................... في محلوا

وتصبح الهطرقا والجعجعة هي مسمي وظيفي جديد

لكن لمن يكون الرد بكل .................. ونسلم بمواطن الضعف والخلل والوهن ونعمل علي سد الثغرات بيكون شان البناء الكمال.

اول النثبت ليك انه ماااااااااااااافي شئ كتير عليك نهااااااااااائي
واسفة جدا لتقصيري في حقك وفي حق اخوة كتار
في المنتدي وخارجه
وليك العتبي حتي ترضي
ولو مارضيت بجيك تاني اعتذر عن التقصير الي ان ترضي
مع اني عارفة وواثقة انك اخو بنات
وبتقدر
وعتابك دا دلالة كبيرة علي مكانة الجميع عندك

--------------------------
لكن تعال النشكي ليك روحي دي زاااااااااتها
حولت لشغل جديد خلاني ماقادرة اسال من نفسي دي ، بتصدق ؟!!
بتمني اقعد مع نفسي واسالها من اخبارها واحوالها والحاصل عليها
ياخ مالاقية طريقة "شفت المآسي دي كيف" (ساد فيس)

-------------------------

اخونا عاطف
ثق تماما انه غيابك لا يمكن ان يعوض
ونحن في امس الحوجة لمجهوداتك الجبارة معانا يدا بيد

الموقف يا ست البنات ما من شخص بعينوا

لكن موقف من جهة أعتبارية أنتي جز منها.

مايسة

04-05-2010, 02:48 AM

كدي تعالي نقول مع بعض كبير الله وعالي الجمل وطويلة السكة حديد والبغلة في الأبريق.

لكن مع ناس الطبطبا والهدهدا الكلام ما بجيب حق مريسة الخادم.

نحن ما ناقصين مناصب ولا زايدين هموم بس بنقول في كيد وكيد وحقوا ما ندفن الراس في النعام ذي الرمال شفتي القلبا دي حلوة كيف؟

حقوا ناس البرج الفلاني شوية كدي يكونوا مع ناسم

ولو عاوزين يكونوا براهم بلقاهم!!!!!!!!!!!!!!!!!!!!!!1

والأعور ما أعور لكن هدي عورتوا.

عاطف عوولي مالك يا اخوي - معاااي - والله ما فهمته كلامك كلو كلو - كدي ممكن تشرح لي براااحة كدا

ابوالنور

04-05-2010, 02:49 AM

--------------------------
لكن تعال النشكي ليك روحي دي زاااااااااتها
حولت لشغل جديد خلاني ماقادرة اسال من نفسي دي ، بتصدق ؟!!
بتمني اقعد مع نفسي واسالها من اخبارها واحوالها والحاصل عليها
ياخ مالاقية طريقة "شفت المآسي دي كيف" (ساد فيس)

عايني عليك الله لو لقيتي فرصة اديني معاك خبر لانو عندي نفس الآلام دي
-------------------------

اخونا عاطف
ثق تماما انه غيابك لا يمكن ان يعوض
ونحن في امس الحوجة لمجهوداتك الجبارة معانا يدا بيد

يا ود عولي اخوي البركة الشفناك طيب

عاطف عولي

04-05-2010, 02:53 AM

عاطف عوولي مالك يا اخوي - معاااي - والله ما فهمته كلامك كلو كلو - كدي ممكن تشرح لي براااحة كدا

مايسة بت أختي يا قلم الحق الما بخاف لومة لائمة يا بت وزينة رجال وأكتر

وأنتي ست العارفين

ام مخنآ رصين.

لك كل حروف المحبة والتجلة والاحترام .

مدنيّة

04-05-2010, 02:54 AM

الاخ الكريم عاطف
اسفة جدا علي المشاركة اعلاه التي اصبحت "الهطرقا والجعجعة"

املي ان تتقبل اسفي

مع كامل احترامي لك

عاطف عولي

04-05-2010, 02:55 AM

يا ود عولي اخوي البركة الشفناك طيب

ومالك يا أبو النور مدنقر لي تحت ما عاوز الناس تشوف وشك ولا شنو؟

مايسة

04-05-2010, 03:03 AM

مايسة بت أختي يا قلم الحق الما بخاف لومة لائمة يا بت وزينة رجال وأكتر

وأنتي ست العارفين

ام مخنآ رصين.

لك كل حروف المحبة والتجلة والاحترام .

والله يا عولي - الحال ما عاجب اي زووول

انا ما عارفة الواحد يعمل شنو زااتو اكتر من العملو - :mad:- (مشكلة كبيرة انو الواحد ما يعبروهو ويكونو بعاينو ليك ويوقول في الكلام السمح - عشان يغطو - عاااد دي عيبة والله )

ما سمعته زيدان ابراهيم قال للفنان دااك شنو - قال انا ما عارف اعمل ليهو شنو - اشيل عكاااز يعني وامشي ليهو اربط ليهو :mad::confused:

عاطف عولي

04-05-2010, 03:25 AM

والله يا عولي - الحال ما عاجب اي زووول

لكن في ناس عاجبهم عدم عجب الناس والدليل انو لمن تقولي زي كلامك دا ولا زي كلامي داك ما يعبروك.

وتعالي نغني سوا ما عبرووك كيف يعبروكك والباقي من من غنية من غنية خضر بشير كيف يجهلوك.

انا ما عارفة الواحد يعمل شنو زااتو اكتر من العملو - :mad:-

تعملي نائمة وتريحي ضميرك وبالك.

وذي قصيدة أخونا داك الما تمها لسع!!!!!!

(مشكلة كبيرة انو الواحد ما يعبروهو ويكونو بعاينو ليك ويوقول في الكلام السمح - عشان يغطو - عاااد دي عيبة والله )

كدي شوفي عدد المشاهدات وععد الردود وكم منهم من الإدارة وكم من الم.................... وكم من المتفرجيين لكن لمتين؟

ما سمعته زيدان ابراهيم قال للفنان دااك شنو - قال انا ما عارف اعمل ليهو شنو - اشيل عكاااز يعني وامشي ليهو اربط ليهو :mad::confused:

ربط لا عكاز لا لسااااااااااااااااااااااااااااااااااااان بس

عثمان جلالة

04-05-2010, 03:38 AM

بت أم درمان

04-05-2010, 03:41 AM

أسي يا عاطف يا أخوي .. كونو .. تفط ردك على مشاركتي دي ما زيها زي البعد الإجتماعي المفقود ده بالله .. وإحتمال تكون أكتر .. لأنها تصب في خانة التهميش .. ما كان العشم والله :mad:

والله التهميش حار يا جلالة
والا ما كان عاطف كتب البوست دا
ولا شنو ؟

مايسة

04-05-2010, 03:44 AM

أسي يا عاطف يا أخوي .. كونو .. تفط ردك على مشاركتي دي ما زيها زي البعد الإجتماعي المفقود ده بالله .. وإحتمال تكون أكتر .. لأنها تصب في خانة التهميش .. ما كان العشم والله :mad:

غايتو يا عثمان جلالة بالغته

بركة الجمركة حرقتك - ياخ
طيب لو كنت زينا كان عملته شنو - كان وكان

عاطف عولي

04-05-2010, 03:45 AM

أسي يا عاطف يا أخوي .. كونو .. تفط ردك على مشاركتي دي ما زيها زي البعد الإجتماعي المفقود ده بالله .. وإحتمال تكون أكتر .. لأنها تصب في خانة التهميش .. ما كان العشم والله :mad:

الهمباتي الجميل

افط لا

اهمش لا

أرتب نعم

بديت بالذين ناقشوا أصل الموضوع

وياتي بعدهم من قاموا بالتواصل الأجتماعي

لاحظ هناك

أيمن

مرام

احمدعلقم

وغيرهم

لمأرد عليه

ولكن ليس تجاهل

قصدت

اتاحة الفرصة في البدء لمناقشة أصل البوست

وتوقعت منك أنت بالذات أن تناقش الفكرة.

عاطف عولي

04-05-2010, 03:51 AM

والله التهميش حار يا جلالة
والا ما كان عاطف كتب البوست دا
ولا شنو ؟

التحية ليك يا بت أم در

انا لم أهمش أحد

لكن رتبت الأمور

ورديت علي أصحاب المناقشة في أصل البوست البعد المفقود

وسوف أتواصل مع ردود التواصل الإجتماعي لاحقآ

الي الكل عاطر التحايا

ومن صميم الفواد محبة ومعزة

ولجلالة العتبي حتي يرضي

عاطف عولي

04-05-2010, 03:53 AM

غايتو يا عثمان جلالة بالغته

بركة الجمركة حرقتك - ياخ
طيب لو كنت زينا كان عملته شنو - كان وكان

مايسة وكان يا ما كان في قديم الزمان!!!!!!!!!!!!!!!!!!!!!!!!!!

ايمن عبد الله

04-05-2010, 03:58 AM

انا لم أهمش أحد

لكن رتبت الأمور

ورديت علي أصحاب المناقشة في أصل البوست البعد المفقود

كلامك جميل جدا يا عاطف عولي .. وانا شخصياً تفهمتك فكرتك تماماً .. وهذا هو الصحيح لكي لا يفقد البوست معناه الذي كتب من اجله والفكرة المراد توصيلها للكل .. وانا شخصياً متابع البوست من امس .. ودخلت فيه مرتين مرة رديت على المسافر كرد شخصي واخوة في الله لما لمسته في رده من حزن وقلت اخفف عليه شوية .. ومرة زي ما قلت انت تواصل اجتماعي مع اخ عزيز زيك غاب عننا فترة .. ولك العذر اخي وواصل مافي زعل ولا شي عادي جداً ياخي ..
لكن ماقلت لي وين في الدمام ؟ اصلي متعود اخرج برة الشبكة .. واشوط من خارج الخط زي لاسانا ..

عاطف عولي

04-05-2010, 04:07 AM

كلامك جميل جدا يا عاطف عولي .. وانا شخصياً تفهمتك فكرتك تماماً .. وهذا هو الصحيح لكي لا يفقد البوست معناه الذي كتب من اجله والفكرة المراد توصيلها للكل .. وانا شخصياً متابع البوست من امس .. ودخلت فيه مرتين مرة رديت على المسافر كرد شخصي واخوة في الله لما لمسته في رده من حزن وقلت اخفف عليه شوية .. ومرة زي ما قلت انت تواصل اجتماعي مع اخ عزيز زيك غاب عننا فترة .. ولك العذر اخي وواصل مافي زعل ولا شي عادي جداً ياخي ..
لكن ماقلت لي وين في الدمام ؟ اصلي متعود اخرج برة الشبكة .. واشوط من خارج الخط زي لاسانا ..

مشكور أيمن علي التواصل والتفهم

البوست ملك الجميع ومساحة لتبادل الراي والراي الآخر.

الدمام الخالدية العمل

للتواصل جوال 0508222438

تحياتي

مايسة

04-05-2010, 04:14 AM

مايسة وكان يا ما كان في قديم الزمان!!!!!!!!!!!!!!!!!!!!!!!!!!

كان في توم وجيري -
وكان في صيادين -
وكان في عقل مدبر -
وكان في علاقات شخصية -
وكان في استهانة بالناس -
وكان في نعاااام كتير مدخل راسو في الرمل
وكان في مجاملات

وكان في امير - جميل - عايز االاميرة الحلوة - بس جا امير تااني وخطفا :mad:

عاطف عولي

04-05-2010, 04:34 AM

كان في توم وجيري -
وكان في صيادين -
وكان في عقل مدبر -
وكان في علاقات شخصية -
وكان في استهانة بالناس -
وكان في نعاااام كتير مدخل راسو في الرمل
وكان في مجاملات

وكان في امير - جميل - عايز االاميرة الحلوة - بس جا امير تااني وخطفا :mad:

وكان في بوست بعنوان الحوار العميق منتديات ود مدني بين الركود والعزوف
وكان في بوست رد الإدارة على العضوية
وكان في بوست غريب الله
وكان في بوست فيه الضحية قالت انكسر القلم واندلق المداد
وراح أبو أسامة في شربة ميه
إنقرش صوت مايسه
بح صوت بت مارنجان
طفش صاحب الأصفار
ومازلنا في الإنتظار
انتظار ماذا ؟؟؟
الفرمان الذي يقول
توم صديق جيري

عاطف عولي

05-05-2010, 04:07 AM

يا جماعة الخير مسعولين من الخير وين الناس ديك؟

كلام الندورو نعمل ليه بليلة العيش وكلام الناباه نسوي دوميس

النويري

05-05-2010, 04:18 AM

يا عولي خلينا من الكلام بتاعك دا هس ما باركت لينا البنية البشوفك تتكلم عن الإجتماعيات يقول عولي دا أبو الإجتماعيات أتصلنا عليك مراراً وتكراً وأفتقدناك هنا وعملنا بوست لعاطف عولي الغائب الحاضر ولمن أشتريت العربية وسكنت ودا كله يا عاطف ولا تلفون لكن معذور في الدمام الناس من أكل السمك ما بتشوف إلا الكرنيش تحياتي وحمد الله على سلامتك وبركة الجيت المنتدى من غيرك ظلام داحس أقصد دامس

حا تجي تحضر السماية ولا ما جايي سؤال فني

عاطف عولي

05-05-2010, 04:33 AM

يا عولي خلينا من الكلام بتاعك دا هس ما باركت لينا البنية

الف مبروك وربنا يجعلها من المستورات

البشوفك تتكلم عن الإجتماعيات يقول عولي دا أبو الإجتماعيات أتصلنا عليك مراراً وتكراً

يطرش تلفوني من مسكول منك

وأفتقدناك هنا وعملنا بوست لعاطف عولي الغائب الحاضر ولمن أشتريت العربية وسكنت ودا كله يا عاطف ولا تلفون لكن معذور في الدمام الناس من أكل السمك ما بتشوف إلا الكرنيش تحياتي وحمد الله على سلامتك وبركة الجيت المنتدى من غيرك ظلام داحس أقصد دامس

العربية أشتريتا وخردة بعيد عنك ولسع ما سكنت!!!!!!!!

ولو كنت بتسال كان عرفت الحاصل والما عارف يقول عدس
حا تجي تحضر السماية ولا ما جايي سؤال فني

ربنا يهون القواسي

عاطف عولي

05-05-2010, 04:36 AM

حمداً لله على السلامة اخي عاطف واتمنى ان تعود اكثر حيوية ونشاطاً من ذي قبل .. وتقبل خالص تحياتي واحترامي .. وطالما جيت الدمام خلينا نشوفك ان شاء الله ..

مرحب أخوي أيمن وبنتقابل بأذن الله

عاطف عولي

05-05-2010, 04:37 AM

الغالي استاذنا عاطف عولي

حمدلله علي السلامة

والعود احمد

وبركه الشفناك بخير وصحة وهنا

ومنك الخير يبتدي يا أبو حميد

تحياتي

عاطف عولي

05-05-2010, 04:40 AM

عاطف عولي

05-05-2010, 04:41 AM

يا ود عولى ياخى حمدلله على السلامه
والف مبروك الشغل الجديد
بالمناسبه اتصلت عليك اكثر من مره لكن تلفونك ( مغلق )

ولدنا يا موشح بالدهب خلي بالك من زوزو

عاطف عولي

05-05-2010, 04:42 AM

ألف ألف حمدالله على السلامة أخونا الهميم عاطف عولي.:)

هل بكل المرام وأنشاء الله تكوني تمام.

مايسة

05-05-2010, 04:46 AM

يا جماعة الخير مسعولين من الخير وين الناس ديك؟

كلام الندورو نعمل ليه بليلة العيش وكلام الناباه نسوي دوميس

والله يا عووولي

كلامك دا ضرب وتر حساس بشكل

بس ان شاء الله يفهمو

عاطف عولي

05-05-2010, 04:52 AM

والله يا عووولي

كلامك دا ضرب وتر حساس بشكل

بس ان شاء الله يفهمو

هو من ناحية الفهم آكيييييييييييييييييد

لكن من ناحية ال......................... أشك في ذلك

ويا بت أختي خائف عليك ورم الفشفاش

مايسة

05-05-2010, 04:59 AM

هو من ناحية الفهم آكيييييييييييييييييد

لكن من ناحية ال......................... أشك في ذلك

ويا بت أختي خائف عليك ورم الفشفاش

عاااد ورم الفشفاش دا هين - انا خايفة من حاجة كبيرة تانية كلو كلو يا خااالي

تخريمة : عمرك سمعت بطير يحب سجانه (حسين الجسمي)

عاطف عولي

05-05-2010, 05:05 AM

[FONT="Comic Sans MS"]عاااد ورم الفشفاش دا هين -

وفي سبيلك يهون عذابي

انا خايفة من حاجة كبيرة تانية كلو كلو يا خااالي

وخوفك في محلوا وياهوا ذاتو البحصل صدقيني!!!!!!!!

تخريمة : عمرك سمعت بطير يحب سجانه (حسين الجسمي)[/

FONT]

وزي ما قالت فلانة ديك عرفتيها مش؟ لا بنموت لا بنفوت!!!!!!!

مايسة

05-05-2010, 05:08 AM

وزي ما قالت فلانة ديك عرفتيها مش؟ لا بنموت لا بنفوت!!!!!!!

انت بتقول فيها - كيفن عااد ام بعرفها

ربنا يسهل قوول - ويجيب العواقب سليمة

عاطف عولي

05-05-2010, 05:12 AM

انت بتقول فيها - كيفن عااد ام بعرفها

ربنا يسهل قوول - ويجيب العواقب سليمة

آميييييييييييييييييييييييييييييين

وزمان الأزهري قال ...................... نور ونار فمن أراد نورها فليصطلي بنارها وضعي الكلمة المناسبة في المكان الفارغ

مايسة

05-05-2010, 05:17 AM

آميييييييييييييييييييييييييييييين

وزمان الأزهري قال ...................... نور ونار فمن أراد نورها فليصطلي بنارها وضعي الكلمة المناسبة في المكان الفارغ

الحريـــــــــــــــة

عاطف عولي

05-05-2010, 05:20 AM

الحريـــــــــــــــة

لا فض فوهك

حرية الكلمة

حرية الراي

حرية الأختلاف

وحرية الإئتلاف

بت أم درمان

05-05-2010, 06:21 AM

لا فض فوهك

حرية الكلمة

حرية الراي

حرية الأختلاف

وحرية الإئتلاف

يا عاطف عولي كل الذكرته فوق دا
ما ممنوعين عنه
ولا حد مسك اقلامكم
بدليل كثرة الهجوم والعداء تجاه الادارة
لازالت حرية الكلمة والرأي والكلمة والاختلاف
واذا دا كله ما كان موجود
كانت البوستات المنتشرة ومالية المنتدى العام
اتحذفت من زمان
وكان أي بوست ينشأ ويكون فيه هجوم ضد الادارة
كان اتحذف
بس لاحظ ان الادارة مخلياكم على راحتكم
تقولو العايزنه
اما ردها من عدمه دا ما اقدر افتي فيهو

بس حقيقة لازم تقال

ان كل ما تفعله الادارة لا يعجب البعض

والدليل ما وصل اليه بعض الاعضاء باقناع الادارة بفك حظر العضو ود المطامير
عندما وافقت الادارة و خضعت للطلب
جاء الرد بان الادارة لا تتوفر بها الثقة وغير مؤهلة
مع ان الطلب كان منذ سنين والكل يعلم ذلك
يطلبون من الادارة ويخضعونها للشيء عندما توافق انظر ماذا حصل

فهل كان كل ذلك لإنشاء تلك الثغرة وتعريض الادارة للمزيد من الهجوم والعداء؟
هل نجح البعض في الوصول الى مبتغاهم ؟
هل تحسون بالرضى عما يحصل ؟

والله حيرتوني وافكاري اتلخبتت وجاطت
بقيت محتاجة افهم بصراحة

مايسة

05-05-2010, 08:17 AM

يا عاطف عولي كل الذكرته فوق دا
ما ممنوعين عنه
ولا حد مسك اقلامكم
بكثر الهجوم والعداء تجاه الادارة
لازالت حرية الكلمة والرأي والكلمة والاختلاف
واذا دا كله ما كان موجود
كانت البوستات المنتشرة ومالية المنتدى العام
اتحذفت من زمان
وكان أي بوست ينشأ ويكون فيه هجوم ضد الادارة
كان اتحذف

- هذه هي الحرية - وما الفائدة اذا كانت هذه الحرية مكبلة وما فيها اي تجاوب من الطرف الثاني -
ما فائدة الحرية
مع اني لا انظر اليها كحرية بل هي سياسة - (بل هي سياسة الجمل المثل السوداني الشهير )
اذا هذه ليس حرية يا بتو

بس لاحظ ان الادارة مخلياكم على راحتكم
تقولو العايزنه
اما ردها من عدمه دا ما اقدر افتي فيهو

بس حقيقة لازم تقال

ان كل ما تفعله الادارة لا يعجب البعض

والدليل ما وصل اليه بعض الاعضاء باقناع الادارة بفك حظر العضو ود المطامير
عندما وافقت الادارة و خضعت للطلب
جاء الرد بان الادارة لا تتوفر بها الثقة وغير مؤهلة
مع ان الطلب كان منذ سنين والكل يعلم ذلك
يطلبون من الادارة ويخضعونها للشيء عندما توافق انظر ماذا حصل

انتبهي يا بتو - الطلب لم يأتي من هؤلاء الاشخاااص
فهل كان كل ذلك لإنشاء تلك الثغرة وتعريض الادارة للمزيد من الهجوم والعداء؟
هل نجح البعض في الوصول الى مبتغاهم ؟
هل تحسون بالرضى عما يحصل ؟

لماذا لا توجهين سؤالك للادارة فهي ادري بالاجابة
والله حيرتوني وافكاري اتلخبتت وجاطت
بقيت محتاجة افهم بصراحة

النفهمك

ليس المقصود شخصية ود المطامير في نفسه -
اذا نظرتي للحال قبل فترة ليست ببعيدة - القوانين تطبق ولكن تطبيقها فيه شئ من المرونة -

الادارة والله اعلم -اخطأت في كونها لا تصدر بيانا رسميا توضح فيه ما تتوصل اليه في مجلس شورتها -

نظرة تانية - تطبق القوانين ولكن بطريقة غير منظمة - مثال لها الاخ رضا
ترجع في تطبيق القانون بطريقة ما - (تحت بند العفو ) - مثل ود المطامير -

بمعني آخر القوانين اصبحت تتشكل على حسب القالب والشكل - وعلى ذلك المفروض تطبق بالطريقة الصحيحة .

نرجع ونقول تااني انو يوجد سوء اداري وااضح بائن

تخريمة : معليش رديت ليك قبل عووولي - :)

بت أم درمان

05-05-2010, 08:38 AM

[COLOR="darkslateblue"]تخريمة : معليش رديت ليك قبل عووولي - :)
[SIZE="4"][FONT="Arial Black"]

ولا يهمك يا مايسة

وبما ان الرد مفترض يكون للادارة الى جانب السؤال الفوق اذا دايرين يردوا
عندي اسئلة اخر وضروري تجاوبوني بالله

بس قبل ما اسأل وتجاوب الادارة دايرة اقول ليك نعم نجح البعض في حدوث البلبلة
واحداث الفجوة والثغرة وهم الان سعيدين جدا بذلك
وانا كنت دايرة اكتب هل يحسون بالرضى جات معاي غلطة وكتبت هل تحسون
وكمان يا مايسة هم رضيانين تماما بما يفعلون يكون في علمك لان دا كل مبتغاهم

الاسئلة :
هل يجب على الادارة ان تعلم الاعضاء بكل تغيير يحصل ؟
هل يوجد بقوانين المنتدى هذا البند ؟
هل يجب اطلاع الاعضاء بكل ما تناقشه الادارة من مواضيع ؟
هل يجب على الادارة ان تأخذ رأي الاعضاء ببعض امور ؟مثل توقيف عضو او انذاره ؟
دي الحرية المطلوبة برأيك ؟ التدخل بشؤؤن الإدارة ؟

امنية : اتمن ان نرى رحابة صدر الادارة بالرد وعدم التهميش

يا مايسة انتي كمان انتبهي انا قلت بعض الاعضاء وما حددت

المكاشفى

05-05-2010, 02:16 PM

حمدا على السلامه اخى عولى
ومبارك العمل الجديد وعقبال الترقى
واياها ظروف الحياة يوم فى ويوم مافى
كن بالجوار

مايسة

05-05-2010, 07:01 PM

الاسئلة :
هل يجب على الادارة ان تعلم الاعضاء بكل تغيير يحصل ؟
هل يوجد بقوانين المنتدى هذا البند ؟
هل يجب اطلاع الاعضاء بكل ما تناقشه الادارة من مواضيع ؟
هل يجب على الادارة ان تأخذ رأي الاعضاء ببعض امور ؟مثل توقيف عضو او انذاره ؟
دي الحرية المطلوبة برأيك ؟ التدخل بشؤؤن الإدارة ؟

يا بت امدرمان – صباحك خير

كلالامي وااضح وقلته في كم بوست-

اجابتي لا – ليس على الادارة وليست ملزمة باتطلاع الاعضاء على قراراتها – ولكن قصدت ان ترد الادارة على التساؤلات التي تصدر من الاعضاء وان تقول وجهة نظرها في الوقت لمناسب فقط – وان يكون هناك نوع من النظام في اصدار القرارات – وان تعلم الاعضاء بكل ما هو جديد – اديك مثال بسيط لما قصدته
فخر المنتديات – تعيين المشرفيين الجدد – اتمني يكون ما قصدته وضح –

عاطف عولي

09-05-2010, 10:03 AM

يا بت امدرمان – صباحك خير

كلالامي وااضح وقلته في كم بوست-

اجابتي لا – ليس على الادارة وليست ملزمة باتطلاع الاعضاء على قراراتها – ولكن قصدت ان ترد الادارة على التساؤلات التي تصدر من الاعضاء وان تقول وجهة نظرها في الوقت لمناسب فقط – وان يكون هناك نوع من النظام في اصدار القرارات – وان تعلم الاعضاء بكل ما هو جديد – اديك مثال بسيط لما قصدته
فخر المنتديات – تعيين المشرفيين الجدد – اتمني يكون ما قصدته وضح –

وأزيدك يا بت أختيمن الشعر بيت
من أخطر الأمراض فيأي مجتمع أن تنفصل الادارة عن قاعدتها وتجد نفسها جزيرة معزولة