علاقتنا ... بالاشياء من حولنا !!!

[سواااح]

موضوع غريب .. بس جميل
علاقتنا بالاشياء من حولنا
والاهم من كده السبب شنو ؟
لانها اكيد ما ح تكون علاقة من فراغ
لازم ليها بداية كيف بدات وتطورت
واصبح ليها جوانا اساس متين
وما هي نظرتنا اليها ؟؟

[سواااح]

مثلا .. ايام السوان وقبل الاغتراب
كان مسيطر على حاجة اسمها صيد السمك
امشي النيل وادلدل رجلي وارمي سنارتي

[سواااح]

قعدة مافي اجمل منها
وما يهمني في كتير من الاحيان
هل في صيد ولا مافي
المهم مشيت وصلحت المزاااج
والصاريقيل لو اكلو السمك كلو
انشاء الله ليهو بالهنا والعافية

[سواااح]

ومن الحاجات الجميلة كان التجهيز
في الاول كنا شغالين صيد بمعدات بلدية
لكن مع الزمن اتطورنا وجبنا مكنة صيد بدل العصاية العادية
وبدل السنارة الواحدة ركبنا سنارتين
وطبعا كتير بيصدف انهم الاتنين بعلقوا

[سواااح]

من هنا ابدات علاقة بشئ اسمه صيد
واتطور كمان لي حاجات جانبية
مثلا مشيات صيد بري
لكن الاساس .. السمك

[سواااح]

سبب علاقتي بصيد السمك
فيها وجدت كل الراحة
والاحساس بالانتماء الي شئ ليس له نهاية
وفيها بنسي كل المشاكل وكل الهموم
وبالذات ................
الفهم مبروك ليهو والما فهم يتمها مويه
وعشان ما يزعل يمشي البحر ويجرب.

[بت مارنجان]

الايام دي الكلام كلو "بحر وسمك"
وماء
وجه حسن

شنو ياخوانا مافي خلاء نمور اسود :o

صيد السمك ياسواح بيعلمك الصبر وطولت البال وسياسة النفس الطويل اللي كتير بنحتاج ليها ..

[بت مارنجان]

سبب علاقتي بصيد السمك
فيها وجدت كل الراحة
والاحساس بالانتماء الي شئ ليس له نهاية
وفيها بنسي كل المشاكل وكل الهموم
وبالذات ................
الفهم مبروك ليهو والما فهم يتمها مويه
وعشان ما يزعل يمشي البحر ويجرب.

ماافي زعل ياسواح العفو لكن الفيك اتعرفت :p

[سواااح]

بت مارنجان ..
جايك ..
راجع ..

[سواااح]

اذا علاقتي بالاشياء من حولي ..
الاولي .. النيل والبحر.
وهنا تساؤل .. فكلاهما ماء ..
ومن الماء وبه .. كل شي حي.

[سواااح]

ما وجدته وشدني اليه
فيه عرفت الصمت غذاء للعقل
فيه السكون راحة للقلب
فيه الغموض ياخذ العقل
فيه الخير لمن يعرف طريقه
فيه كل احوال الدنيا واهمها وفاء وغدر