تعال وريني رد فعلك تجاه الشايفو ده

[aborawan]

وانت حايم يوم براك في غابه قابلتك الحيوانات دي عايز اعرف رده فعلك تجاه البتشوف فيه قدامك ده كيف

http://www.latef.net/Picture/files/eman-1104007317.jpg

http://www.latef.net/Picture/files/eman-1104007445.jpg

http://www.latef.net/Picture/files/eman-1104007506.jpg

http://www.latef.net/Picture/files/eman-1104007555.jpg

http://www.latef.net/Picture/files/eman-1104007678.jpg

http://www.latef.net/Picture/files/eman-1104007802.jpg

http://www.latef.net/Picture/files/eman-1104007857.jpg

http://www.latef.net/Picture/files/eman-1104007899.jpg

[ابراهيم]

ههههههههههههه

تجهد بس .. تقراء المعوذتين ، وآية الكرسي، ويس .. وأية سورة حافظها من القرآن غير كدا ما ينفع تسوي اي حاجة يا ابو روان ...

[زيكو منيب]

و الله يا تجر باقصى سرعة عندك

و لو فقدت الامل استشهد وخلي يجي يسوي الدايره

[medo]

غايتو بقرا علي روحي الفاتحه والعفو والعافيه------------------------وباالمناسبه ديل شياطين ماحيوانات طبيعيه

[aborawan]

:D:D



والله يا برهوتا غير كده مافي حل لانو لو فتحتا حا يجيبوك




افاااااااااااااااااا يا ابو الزيك عايز تجر :D:D وينكم يا ناس دار جعل

زيكوانتا ما سمعتا بي نكته الزول الزراه النمر وعرف انو مافي مفر ماكلو ماكلو قال ليه تعال اكلني تاكل السم ):) ( تقريبا حكاها ابراهيم في المنتدى الثقافي لو ما خانتني الذاكره صح :) )

شنو الاستسلام ده يا ميدو


غايتو انا عن نفسي لو قابلوني منظري بكون كده ( اول شئ نعلاتي في يديني وطرف القميص بكون في اطراف سنوني وبكون كابي التيكة وانا شغال يا فكاك يا فكاك :D:D

[خطاب العبيد]

اكيد بصحى من النوم لأنو مهما حصل مابلقى هذه الاشكال فى الحقيقة
يابو روان
الزو ل الشين :rolleyes:

[aborawan]

يا خطاب قلنا فرضاً فرضاً


ومشكور على الطلة

[خطاب العبيد]

طيب يابو روان إذا قلت فرضا لية ماتفترض لينا شيء كويس يعنى الواحد لا يلم فى جنه ولا نار على العموم حبيت اشوف رسايلك لانو بحب التواصل معك
الزول الشين

[بابكر]

انا غايتو بكون جنيت عديل كده

[امير عبدالباقي]

بقول بسم الله وبتختفي لانو بنكون شياطيب
لقد خلق الله كل شي بنظام وهنا اختل النظام معناها دي شيطان في طور حيوانات

[aborawan]

خطاب يديك الف عافية وشكرا للتواصل المستمر

شنو يا بكور جاري تجن طوالي كده قول بسم الله الاول


يعني يا امير كان ظهر ليك شيطان ما بتقوم جاري والله ما اظن نشوفك تاني ما تتجوعل ساي

[عماد الصادق]

أبو روان ..
أول حاجة أنا ما مكن أحوم لي في غابة براي ..
لأني لا أعرف السباحة ؟؟
ممكن أكون رايح ...
لو فرضاً ده حصل .. حأعمل كده ...... شايف ؟
بعدين الأسد اللابس وش حصان ده بالذات .. حأكون مبسوط ..
إنو ما طللع أسد ..
والنمر الفي حسم طيره .. مقدور عليه .. مش أحسن ما يطلع نمر

يعني مرات أتمتم بالحمدالله .. ومرات أقعد أحاحي ..
مع التحية.. وتحياتي لروان

[marwa]

lw shofta al7a7'at dy ma azen tshofony tany

[aborawan]

مشكور عماد اخوي بس كدي عيني في عينك ‌‌‌‌‌@@ / @@ :D:D

مروه يا ام الصراحة :):)

[أبوبكرحامد]

الموضوع ياأبوروان مامحتاج جرى ولاخوف ، فهذه الحيوانات فى أغلبها حيوانات أليفة وغير المألوف هو اختلاف شكلها ولذلك أرى أن يختلف شكلنا
نحن ايضاً ، ولو كنت فى هذا الموقف لمشيت على أربع وأجعل هذه الحيوانات فى حيرة من أمرها وبدل ماأنا أجرى بخليها هى تجرى وتطير ، وانا أضحك
وأموت من الضحك من الحيوانات الممسوخة وخوافة.

ود الماذون

[امير عبدالباقي]

والله فعلا يابوروان الحكايه مافيها جعلي ولاشي بسم الله الوقت داك بتكون طارت من الراس
بالمناسبه عملت برنت للصور ووريتها لريان وقعت من الضحك قالت ليك دي كيف عملوها اول مره تشوف حاجات زي دي

[أبوريلان]

تعرف يا أبو روان لو شفت هذه الحيوانات أكيد بكون أنا شخص ما طبيعى لأنى موجود معاهم فى مكان واحد ففى هذه الحالة أنا كمان بركب وش كرتون معاهم هههههههههههههه . :D :D :D

[صدقى]

بعد ما أفيق من الغيبوبه ....

بغيب تانى .... و تانى :confused: :confused:

يا أبو روان يآآآخ جبت الحاجات دى من وين باللاى ؟؟

[خطاب العبيد]

بحاول أقنعهم ونجلس مع بعض على طاولة حوار
واكيد خيكونو متفاهمين
الزول الشين
ابو الدهب 2

[aborawan]

والله يا شباب لكم شكري الجزيل على الاطلالة الحلوة والتعليقات الاجمل وجد مشكورين من الاعماق ودمتم اخونا ولا عدمتكم

[ضياء الدين احمد]

شنو ياشباب كلها جري ذكرتونا بالدفار بتاع الخدمه الوطنيه
انا غايتو ما بكضب الجري ما بقدر عليهو بعد الكرش الظهرت دي ياني القعدت في الواطه واستنيت الاجل

[aborawan]

والله الاستسلام خير وسيلة للنجاة لانو يمكن يحنو في حالك :):) هع هع هع هع

[عماد الصادق]

تعرف يا أبو روان ..
بعد ماعين وقعت في عينك .. أقول ليك بصراحة ..
دي التكنو لوجيا .. البخااااااف منها
الله يسترنا ..
وقبيل شن قلنا ..
قبل ما الطير ياكلنا ..

ولاّ شنو ..

[madaniboy]

سبحان الله شوف عظمة الله كيف انه ما خلقها كدا يعني اي حيوان ولا طاير ولا زاحف من الزواحف الله اداه شكله المناسب

عظمة سبحان الله

بس يا ابوروان موضووووووووووعك جميل جدا بس كان ينقصه شيء واحد

الا وهوووووو

صورة شارووون على شكل حمار وبوش على شكل قرد

[aborawan]

والله يا عمدة التكنولجيا دي اخوك زاتو خايف منها قبل فترة كده عزمنا احد معارف
( الوالد الله يطراه بالخير ) على وليمة عشاء كاربة المهم اخوك بعد شبع قام وبديهي كده من الصفرة على المغسلة مباشرة لقيت شقيقي الكبير وقد سبقني من القومة من حول المستديرة ( الصفرة ) لقيتو واقف في المغسلة وقال لي تعال غسل يدك استغربت طبعا في البداية لكن كشفت كده ما لقيت اى حتة عشان الواحد يفتح منها حنفية المويه ( الله طيب دي بفتحوها كيف ) اتذكرتا طوالي في نفس اللحظة كل امور اخوي الاجرامية الكان بعملا معاي قبلت ليك عليه طوالي ( ايوااااااااااا عايز تشرك بي ( تشرك دي من الشرك يعني الفخ :D ) المهم بدون ما اقصد قلت اطبز شوية في الحنفيه مجرد ما يدي وصلت الحنفية ( انتي يا المويه كبي وانبهلي بهل جد :D:D ) ازح يدي تقيف المويه اوديها على الحنفيه تاني تكب ( انعل ابو التكنولبيا زاتو :D:D ) طبعا قبلت على اخوي وقلت ليه يا اخوي هووووووي حسن عملك قال لي ليه يعني هسه بالذات وفي اللحظة دي قلت ليه انتا ما عارف انو من علامات الساعه وترى رعاة الماشية يتطالون في البنيان ( يا اخوي ده ما بنيان ده ده الماسورة بقت تكب براااااااااااااااااااااااها )

الله يستر من التكنولجيا دي :):)


اخوي فاقد انا ماشي تحت الحيطة مالي ومال بوش ومالي ومال شارون هم كلاب واى حاجة والله يازاهم دنيا واخرة :):)

[خالد حمد موسى]

تقراء المعوذتين ، وآية الكرسي، ويس اوتسلم امرك لله

لكن بيني اوبينك موش قلبك اقيف دي بتهزك من ظفرك لي شعرك

مشكووور ياحماااده اديك الف عااافيه...

[aborawan]

ومشكور على المرور الكريم اخوي

[عماد الصادق]

حلوة القصة .. وخلتني أضحك من جووووه .. شكراً على الصحكة

يعني موقفك ده لو حصل لي واحد قديم شوية .. طبعا الموقف
ما حيكون ظريف ....

بعدين طبعا الواحد كل ما يشوف برامج لكاميرا خفيه .. يستغرب
من برودة ها القوم .. وطوالي يقعد يقارن بحاله في السودان مع هذه
الكاميرا الخفية ..
أكيد ما في زول حيجازف ويعمل حاجات زي دي .. لأنو ردة الفعل
حتكون عينية ,, وليست معنوية ..!!!!!

يمكن صاح ما يكون في علاقة قوية .. بين قصتك والكاميرا الخفية
ولكن الكلام بجيب الكلام ..

ومن هذا المنبر أطالب فاقد حنان .. أن يحن علينا شوية .. ويصغّر .. صور الجميلات
الفنانات .. أو هكذا يراهم البعض .. ولا أراهم .. غير أشباح .. صراحة أنا بشوف الصورة حقت الفنانة دي إجباري ..

وأنا ما قلت ليك الكلام بجيب كلام ..

والله من وراء القصد

ولكم التحية

[aborawan]

مشكور اخوي الغالي على التواصل ويديك الف عافية حبيبي

[ruby]

والله لو حصل لي كده ياابو روان ولا بتعب نفسي واجري
خلاص الله كتبها علي كده كده خربانه

[aborawan]

ده استسلام لكن يا روبي !!
نصيحة مني ليك لو حصل ليك غمضي عيونك وهاك يا جريه احتمال تتخارجي من الموقف ده :):)

[المخلصة]

والله يا aborawan بالغت وابدعت ، والله أنا في الساعه ديك بتسمر في مكاني يا إتفاهمنا وإتفقنا ;) يا بقيت في خبر كان :eek:
بصراحه موضوعك الرائع أدخل الفرح والسرور في قلوبنا لغايت ما مصاريني اتقطعت من الضحك
دمت في رعاية الله

[aborawan]

مشكوره اختي المخلصه على هذه الكلمات وانشاء الله دائما غامراكم السعاده بس بقولليك قوله اوعااااااااااا تسمري في مكانك حكاية انكم تتفاهموا دي شيليها من راسك نهائي لانو زي ديل ماظن عندهم تفاهم :D:D

مشكوره مره تانية ودمتي اختاً