كلام الريد سووه عليّ

[حسن سادة]

كثيرة هي التعابير التي ترادف كلمة (أود أو أريد)
في اللهجات العامية العربية في الوطن العربي
ونبدأها بأم الدنيا مصر المحروسة حيث يقولون (عايز إيه وأنا عايز كدة) أما في سوداننا الحبيب يقولون
(داير شنو أو أنا داير كدة أو بدور) كما قال شاعر رائعة وردي أبو قطاطي (بدور أطوي المسافات طي)
أما في بلاد الشام وتحديداً في لبنان وسوريا يقولون (شو بدك وأنا بدي) وفي فلسطين والأردن يقولون
(إيش إتريد) أما في اليمن السعيد فيقولون " إيش تشتهي" غير أنهم في الخليج يقولون
(إيش تبغى) أو (إيش تبي) وهكذا غير أنني أجهل العامية المغاربية فلا أدري كيف يعبرون عن هذه اللفظة
أما ما ساقني إلى هذا المنعطف هو كلمة الريد السودانية وهي تعني الحب
ولا أدري أية درجة من درجات الحب تعني كلمة ريد التي طالما تردد ذكرها
وترديدها في الأغنيات السودانية على مر مراحل مسيرتها الطويلة
وقد إتخذت كلمات أغنية جمال فرفور الشهيرة عنواناً للمقال
لأن شاعرها يطلب من الناس كتمان كلام الريد عنه خشية أن يساهر الليل طويل
ولا يعرف النوم طريقاً إلى عينيه وإليكم كلماتها:
" كلام الريد
كلام الريد دِسوه عليّ
وما تدو السهر عينيّ
خلوا قليبي في حالو
مالي الريد أنا ومالو
وما تجيب ليّا موّالو
وما ترموني في حبالو
كلام الريد صعب قالو
كم عاشق شغل بالو
زمان العشقوا إيه نالوا
آتوه في دروبو وأهوالو
كلام الريد وأسرارو
كُتار الدخلو في نارو "

ولكن مطربنا الشاب مصطفى فرفور
يناقض نفسه بنفسه في أغنية أخرى
ويبدو أنها من كلمات القامة إسحق الحلنقي
حين يصر على أن الريدة لازم تستمر
في كل الأحوال والظروف...
حين يقول:
" لو حتي نبدا من الصفر الريدة لازم تستمر
ارجع تعال ما تنتظر حبيبي لازم ننتصر
لاقلبي لاقلبك قِدر لا قلبي لا قلبك قِدر
للُفرقة بعد الشوق كِتر الريدة لازم تستمر
بس تاني ما تبعد شبر انا قلبي من بعدك وِدر
حاذر تفكر تعتذر صدقني مافي الحب وزر
الريدة لازم تستمر
يا شاغل البال والفكر يا للمحاسن محتكر
البينا لو صفا او عكر انا اهوي غيرك تفتكر؟
الريدة لازم تستمر "

عجيب أمر فرفور وهو يتنقل في كلام الريد
من حالة إلى حالة أخرى زئبقية وها هو يردد:
" جيت تقول الريده خوة
بعد ما خلخلت قلبي وفيني ما خليت مُرُوَه
خوه ايه بتبكي سيدها وخوة بتسهر ليالي
الاّ دي الخوة الجديدة
بي دموع الشوق كتبتوا
و الكلام القلناه سوا
و الزمن شن فينا سوى ؟؟
انت ما زولي العرفتو و الوداد
ما بدورلو قوة
و البفوز بي هواك بختو
جيت تقول الريده خوة!!!! آه

وهنالك ضرب من الريد يفوت حده ويبقى مصير المحب في يده
كما وردت في رائعة ابراهيم حسين:
" لما الريد يفوت حده
يبقى مصيرنا في يدو
والبينا يذوب مع الهمسة
ويصبح ذي فرح أمسى
أفتش للحزن مرسى
أسيب الكان عشان أنسى"
وهو الذي ردد في رائعة أخرى للحلنقي يقول فيها:
" الريدة الكتيرة يا حنين شقاوة
كلما نزيد حنان إنت تزيد غلاوة إلخ الأغنية"

شاركوني أيها الأحبة في مواويل الريد
والبفوت ريدتنا يمشي برضو نفرح بي جديدو
هيا معي وتاني زيدو الريدة حبة

[نزار حسن محمد]

الحبيب المريود حسن ساده سكر زياده
ايها الفنان الحبيب
يشهد الله بريدك من جو قلبى
عشان انت الحنان وانت الفنان
ندخل فى كلام الريده
بريدك والريده ظاهر فى عينيى
بريدك والشوق غمر بى وطال بى
***
بريدك من زمن لسع
بريد عيونك اشوفونى
بى رزاز نقاره تتفقع
***
الريده الريده ياحبيب قلبى
الريده الريده ياحبيب عمرى
***
وبمشى وبجيك تانى

[حنونة.]

تسلم ياخى وانت بتزرع الريد فى قلوبنا من الصباح ، طيب ممكن اشارك معاك اوع تقول لى الشاعر منو لانى ماعارفة ده غنوة شايقية والناس ديل مشهورين انهم بكايين
حُـــبي الـفـقـدتو بعد وَفا عَكَّر لي جَوِي بعد صِفا
وصِـبـحـــــــت ســعــــــــــــــــادتي مـــن المُحال
جَمري القديم ما كان كَفى موقِد يَلهـلِب وما انطفا
جَـــــــــات تــــــانـي هَـبــَتـــــو ريـــــــــــح منال
ريـــدنـا الزمان مالو اختفى مالا المودة بِقَت جَفا
ريــــدًا انـــت عــــارفــــــــــــــو حُـــلـــو وحَلال
الـبـِت دي وين كت شايفا أو مَرَّة واحده مَصَادِفا
يــا صــــــح تـــقـــــــــــــولـو سـمـعـنـــــــــا قال
رُوحي المـَشَـحتَفة عارِفا مالا السِّيرة بِقَت تَخَوِفا
شـــــــــــن دار يـــكــــــــون سـبــبـا غير الجمال
مـسـكــيـني فـاقِـدي عَـواطِـفـا عَشمِاني فيك تَوالفِا
راجــــــــــــاك تـَجُـــــــــــــــــــــودلها بالوِصَال
قلبي العليل كايس الشِّفا لو شِلـتو في حُضنَك دِفَا
كــان بـالــــســـعـــــــادة عِـــمـيــــــــــــري طال
قَدَمِي العليك سَاسَق حِفا هو بَراهو حَالتو يَوَصِفا
يـَغـــــــــــــنِي الـبـيــشـــوفــــــــــــو عن السؤال
غــالـبــــــني حــالتي أصنِّفا وِشِّي وقَفَايا بِقَن قَفَا
وبـقـى جِـــــســــمــــــي دايـــــــــــمــا في انتحال

[حسن سادة]

شكراً لصديقنا الشفيف نزار
بريدك وريدك انت زادنا الفي عمرنا
وقبلك ياما تهنا ياما
وكم سهرنا شايلين المحنه
همنا نبني جنه جنه تلمنا

إن شاء الله تلمنا جنة الرضوان
أنا وإنت والسامعين

اللهم آمين
[/color]

[حسن سادة]

المصونة العفيفة حنونة
الريد جوة قلبي بحضورك بدأ
يا قطر الندى
شكراً للإطلالة الزاهية

[مدناوية]

دنيا الريد غريبة سر ما بنفهموا ..

ناس أفراحها زايدة وناس إتألموا ...

كنا بشكي ليك .. وكان قلبك حنين

وإنت ظلمتا ريدنا .. عاد نشكيك لمين

دنيا الريد سعادة .. دنيا الريد عذاب

ناس تجني المحنة .. ناس تجني السراب

ناس من كلمة عابرة .. كل الريد يهون

ناس في الريد تضحي .. بالروح والعيون

دنيا الريد غريبة .. سر ما بنفهموا

ناس أفراحا زايدة وناس إتألموا ..

[الجندي المجهول]

حلاوة الريدة في الاخلاص (الخالدي)

الشوق والريد والحب البان في لمسة ايد (الكاشف)

تخريمة : انت تريد وانا اريد والله يفعل ما يريد (كله مقدر ومكتوووب)

[حسن سادة]

المصونة الغالية مدناوية
إختيار موفق لرائعة ثنائي العاصمة
هي من أفضل الأغاني التي أثرت وجدان
المستمع السوداني
وإليك رائعة القامة التيجاني حاج موسى
يا المخلوق بلون الطيف اوصف فيك
اوصف كيف
يا الحيرت اوصافي
يا السر العميق خافي
بحر ما طالتو مرافئ
وابلغ من وصف شاعر
عشان تتختي في قوافي
منك تبتدي الريده
وبعدك ريده جد مافي "

[حسن سادة]

عزيزي الشفيف الجندي المجهول
أتدري سر الفرح الخلى الجية
جابنا ليك الريد وجينا الحصل جابتنا إلفة
شكراً للإلفة التي كسيت بها دنيا الريد

تخريمة مماثلة
ونعم بالله
وما تشاءون إلا أن يشاء الله

[zukibush]

أخى حسن سادة يا رائع والروعة ما جديدة عليك
انا فى اعتقادى بان كلمة ( الريد أو الريدة ) أقوى واعمق واصدق من كلمة (حب )
هل لاننا سودانين وبنحب نعبر عن مكنوناتنا بألفاظنا ودارجيتنا
ومنك نستفيد يا مخضرم


تحياتى

[مدنيّة]

بوست جميل بجمال مدني ياسادة


---------------
متابعة لصيقة

[بت أم درمان]

الشوق والريد والحب البان في لمسة ايد!!؟؟؟
للكاشف



ماجارتنا بت حااارتنا بريده
محمد مرغني


لما الريد يفووت حده يبقي مصييييرنا في يده
الفنان ابراهيم حسين


بوست راقي ياسادة

[الفخيييم]

بوست جميل بجمال مدني ياسادة


---------------
متابعة لصيقة

كويس انو ما طلع بجمال الوالي!!!
متابعة لصيقة علي وزن رقابة لصيقة
عارفة لو دفاع المريخ عرف لصيقة دي
ما بتجيكم عوجة وامسكو العجب اقصد الخشب!!!
التوقيع / عيون في الغربة بكاية...

[الفخيييم]

لا زمني ابتسم ولا فارقت هم
اصلو الريد قسم مقسوم لي ألم..
وحاجة تانية كمان حقيقة الريدة
بتبكي ولا شنو يا سادة يا ذوق؟؟؟

[حسن سادة]

العزيز الهميم Zukibush
طلتك هنا أيها الحبيب
كان سببها الريد
والريدة يا حنين كدة

[حسن سادة]

صاحبة اليراع الرشيق مدنية
الريدة ريدتنا والمحبة حقتنا
شكراً لمواويل الريد الذي
أتحفنا بحضورك الأنيق أيتها الشفيفة
وتعيش مدني أرض المحنة وتعيشي إنتي

[حسن سادة]

ما أحلى اللقاء بشخصك الكريم
في عوالم دنيا الريد
أيتها العفيفة بنت أم در
جابنا لينك الريد وجينا الحصل جابتنا إلفة

[حسن سادة]

العزيز الفخم الفخييم
شكراً لتحليقك فوق دنيا الريد
ويا حمام شيل السلام ودي الريدة
تمشي للبلدو بعيدة
وذكروا الريدة وعيدها
ولا فات زمن الريدة؟؟؟

[zukibush]

استاذى الفاضل / حسن المبدع

والله يا ولدى انا عزيزة ما عزيز
والله انا ام حلمي ( نازك )والله نازك
وعلى الرحب والسعي

[حسن سادة]

اللي ما يعرفك يجهلك يا ست أم حلمي
ولك العتبى حتى ترضين
وربنا يخلي ليكي المحروس حلمي
وشكراً مجدداً للتحليق فوق سماء البوست
يا بنت ملوك العز
ويا الراقية ست الجيل
ويا بنت السودان

[حسن سادة]

أحبتي الغالين هيا نبحر مجدداً في دنيا الريد الغريبة
ذلك السر الذي لا نفهمه ونسبر أغواره السحيقة
هل سمعتم من قبل بنهر الريد الصافي؟
لا ادري أين منبعه ومصبه؟
هي أغنية قديمة لثنائي العاصمة تقول كلماتها:
" يا نهر الريد
نهر الريد الصافي
ما تبقى ضنين ومجافي
رسل من موجك حبة
تغمرني بكل محبة
يا نهر الريد يا عابر
وقف وأسقيني حنانك "
وهنالك الريد الذي يضيع زوله فأحذروا منه:
كما وردت في رائعة أمير الحسن وردي:
" شن بتقولوا
في الفرح المعذب سيدو
في الريد المضيع زولو
شن بتقولو؟؟؟
وهل تخيلتم من ينذر بالريد
كما فعل القامة الكابلي في رائعته
زينة وعاجباني:
" أنا بي ريدة ناذر إني أكون مغامر
بكل غالي عندي أضحي ولا أحاذر
بقلبي و الأحاسيس وأدق المشاعر
بالأيام وعمري وكل عزيز و نادر
لأنها لو عرفتو عفافها علي نادر
لما يزيد حنيني أقول زينة وعاجباني "
وليس شاعر الكابلي وحده من حلف ونذر بالريد
حيث قال أحدهم:
" حنان الدنيا ممزوج فى عيون الاِلفه والطيبين
مراسى الشوق تودينا و تجيبنا على هوى الحلوين
وهم ياهم وحات اللٌه وحات ريدتنا مسامحين
لا بعاتبونا لا يلومونا ولى غلطاتنا هم غافرين
نهار الغنى بيفيض أنهار تزغرد فى الهوى يا دوب
ومهما كان عمرنا الراح شتيل الريد نما يا دوب
ومهما كان زمان التيه ما محسوب
وكل الدنيا شن تسوى إذا غابت عيون محبوب "

ولكن أعجبني ذلك الذي هام ريدة وعشقاً بالبلد
حين يقول:
"بريدك إنتى يا بلدى وريدك أصلوا ما بتحاق
بريدك آهة فى قلبى
وريدك جوة في الأعماق
بريدك أحلى كلمة حب
وشلالات وداد دفاق
بريدك شان شموع الحب تنور دارنا بالإشراق
بريدك شان لهيب حبك سكن جوة ألفؤاد حراق
بريدك ذي شعاع الضوء برق وسط الظلام رقراق
بريدك شان طريق وجدك ما بشقوا الصبى ألعولاق
بريدك أغلى كنز ثمين نلملم فيهو كان يتحاق
بريدك درة للعارفين وزيك مافى فى ألأسواق
بريدك يا دهب خالص وبخت الكانوا ليكى رفاق
بريدك بسمة حنية بريدك أحلى ريد دفاق
بريدك يا حلاوة الريد بلاك ما شفنا ليهو مذاق
بريدك شان أمل دنيانا فى لمحة عينيك براق
بريدك ومانى خجلان تب أسجل ريدى فى الأوراق

ومن شعراء الأغاني من يخاف أن يسأل عن حبيبته خشية
أن يذاع سر الريدة التي بينهما ويضيع من إيدي حبيبته:
كما وردت في رائعة أبو عركي "بخاف" التي حازت على
جائزة أفضل أغنية عربية في مهرجان الأغنية العربية بالعراق
حين يقول شاعرها:
" بخاف أسأل عليك الناس
وسر الريدة بينا يذيع
وبخاف أكتر كمان يا غالي
من إيديا إنت تضيع
وأعيش بعدك حياتي جفاف
مواسم بينا ما في ربيع"
وهنالك من ناح بنفسه عن الريدة واستراح
وفضها سيرة وبدل الريد بالفيه كما قال أحدهم:
" أصلي قبلك ما بكيت على الغوالي المني راحو ..
عن ناس في الدنيا زينا .. لما من الريدة ناحو ..
بدلو الريد بالفيه .. من عذاباتو إستراحو ..
لو سألت عن إنتظارنا .. وصبرنا على لحظات حزينه ..
كان عشمنا تحس بينا .. مرة بالأفراح تجينا ..
تفرح الأوتار تغني .. تطلق الأغنية السجينة ..
إحنا ما بكمل صبرنا .. ما إنت مننا وإنت فينا ..
فداك أيامنا وسنينا .. فداك أيامنا وجريها ..
حتى لو تكمل سنينا .. ما بنتعب من سؤالك ..
مافي زول رادك متلنا .. ما بدل الصد في شعورنا "

هلموا وشاهدوا معي من رفع راية الاستسلام أمام الريدة
حين قال:
" ياريده مين بقدر عليك
مين بلقى في دنياك امان
أخضعتي تيجان الملوك
وهزمتي فرسان الزمان
وانا الضعيف
ياريدة كيف أتحملك
بعد عزيز وبعد ملك
أصبحت بي أمرك ملك
مرات أقول وامر قساك
مرات أقول ما أجملك
ياريده شوقك خففي
وحلمك علي إتلطفي
عبر الزمن سرك خفي
ونارك تقيد ما بتنطفي
سايباني في درب الشقاء
ونادر علي تتعطفي
ياريدة يا سر الغُناء
لامتين أكون ضايع أنا
أديني يوم خاتم المنى
يسعدني بي أسعد منى
قسمتي للناس الهناء
وأنا لا هناك ولاهنا"

رحم الله الفنانة عائشة الفلاتية التي غنت لسمسم القضارف
حيث تقول كلماتها:
يا سمسم القضارف
الزول صغير ما عارف
يا قليب الريد
كل ما هديتك شارف
حبيب تعال نتقادم
نسير سوى ونتكالم
أطير حدي وأختفو من العالم
يايمة لا تدقنو
العقر ما بلدنو
ألفين جنيه من أمو ما بجيبنو
شديتو فوق الهولو
وندهت ليهو رسولو
حبيب الروح محل مايروح بنزورو
حبيب بريدك ريدة
ريدة الحمام لوليدا
حبيب تعال خلي النتم الريدة"

تعالوا إذن لنتم الريدة في الحلقات المقبلة

[تماضر]

أستاذ حسن

سلامات

تصدق أنا دخلت البورد ده بسبب ليل الكلاكلة





إحترامي

[حسن سادة]

لله درك يا صاحبة العفاف والصون تماضر
وأنت تكسين البوست ألقاً ونضاراً
وتتدفقين هنا كنهر الريد الصافي
كوني بعافية

[تماضر]

لله درك يا صاحبة العفاف والصون تماضر
وأنت تكسين البوست ألقاً ونضاراً
وتتدفقين هنا كنهر الريد الصافي
كوني بعافية



الله يخليك


أتمنى أن تسمح لي الأيام بالمزيد من التبادل معكم أستاذي




مودتي وأكثر

[حسن سادة]

شكراً يا غالية الحروف المبجلة تماضر
إن أتحفتيني بطلتك الساحرة
تلكم الطلة التي غمرتني
فوق جناح غيمة بشاير
وفوق عباب دفقة مشاعر
في غمار سبحة خواطر
بي فرح منساب وغامر
لا عدمناكي يا بنت الشرفاء في بلادي

[ود ابراهيم]

عمل جميل يا ستاذ

[سمل الحلفاوى]

رحمة الله عليك صاحب البوست حسن سادة

[النور محمد يوسف]

كثيرة هي التعابير التي ترادف كلمة (أود أو أريد)
في اللهجات العامية العربية في الوطن العربي
ونبدأها بأم الدنيا مصر المحروسة حيث يقولون (عايز إيه وأنا عايز كدة) أما في سوداننا الحبيب يقولون
(داير شنو أو أنا داير كدة أو بدور) كما قال شاعر رائعة وردي أبو قطاطي (بدور أطوي المسافات طي)
أما في بلاد الشام وتحديداً في لبنان وسوريا يقولون (شو بدك وأنا بدي) وفي فلسطين والأردن يقولون
(إيش إتريد) أما في اليمن السعيد فيقولون " إيش تشتهي" غير أنهم في الخليج يقولون
(إيش تبغى) أو (إيش تبي) وهكذا غير أنني أجهل العامية المغاربية فلا أدري كيف يعبرون عن هذه اللفظة
أما ما ساقني إلى هذا المنعطف هو كلمة الريد السودانية وهي تعني الحب
ولا أدري أية درجة من درجات الحب تعني كلمة ريد التي طالما تردد ذكرها
وترديدها في الأغنيات السودانية على مر مراحل مسيرتها الطويلة
وقد إتخذت كلمات أغنية جمال فرفور الشهيرة عنواناً للمقال
لأن شاعرها يطلب من الناس كتمان كلام الريد عنه خشية أن يساهر الليل طويل
ولا يعرف النوم طريقاً إلى عينيه وإليكم كلماتها:
" كلام الريد
كلام الريد دِسوه عليّ
وما تدو السهر عينيّ
خلوا قليبي في حالو
مالي الريد أنا ومالو
وما تجيب ليّا موّالو
وما ترموني في حبالو
كلام الريد صعب قالو
كم عاشق شغل بالو
زمان العشقوا إيه نالوا
آتوه في دروبو وأهوالو
كلام الريد وأسرارو
كُتار الدخلو في نارو "

ولكن مطربنا الشاب مصطفى فرفور
يناقض نفسه بنفسه في أغنية أخرى
ويبدو أنها من كلمات القامة إسحق الحلنقي
حين يصر على أن الريدة لازم تستمر
في كل الأحوال والظروف...
حين يقول:
" لو حتي نبدا من الصفر الريدة لازم تستمر
ارجع تعال ما تنتظر حبيبي لازم ننتصر
لاقلبي لاقلبك قِدر لا قلبي لا قلبك قِدر
للُفرقة بعد الشوق كِتر الريدة لازم تستمر
بس تاني ما تبعد شبر انا قلبي من بعدك وِدر
حاذر تفكر تعتذر صدقني مافي الحب وزر
الريدة لازم تستمر
يا شاغل البال والفكر يا للمحاسن محتكر
البينا لو صفا او عكر انا اهوي غيرك تفتكر؟
الريدة لازم تستمر "

عجيب أمر فرفور وهو يتنقل في كلام الريد
من حالة إلى حالة أخرى زئبقية وها هو يردد:
" جيت تقول الريده خوة
بعد ما خلخلت قلبي وفيني ما خليت مُرُوَه
خوه ايه بتبكي سيدها وخوة بتسهر ليالي
الاّ دي الخوة الجديدة
بي دموع الشوق كتبتوا
و الكلام القلناه سوا
و الزمن شن فينا سوى ؟؟
انت ما زولي العرفتو و الوداد
ما بدورلو قوة
و البفوز بي هواك بختو
جيت تقول الريده خوة!!!! آه

وهنالك ضرب من الريد يفوت حده ويبقى مصير المحب في يده
كما وردت في رائعة ابراهيم حسين:
" لما الريد يفوت حده
يبقى مصيرنا في يدو
والبينا يذوب مع الهمسة
ويصبح ذي فرح أمسى
أفتش للحزن مرسى
أسيب الكان عشان أنسى"
وهو الذي ردد في رائعة أخرى للحلنقي يقول فيها:
" الريدة الكتيرة يا حنين شقاوة
كلما نزيد حنان إنت تزيد غلاوة إلخ الأغنية"

شاركوني أيها الأحبة في مواويل الريد
والبفوت ريدتنا يمشي برضو نفرح بي جديدو
هيا معي وتاني زيدو الريدة حبة

البريدو
كلمات حسن الزبير

البريدو مالو أتاخر بريدو يا ناس
لا خبر لا بريدو باين
ونحن منتظرين نعاين
لا فراقو علينا هاين
ما بفرق بينا كائن
يبدو مشغول ولا ناسي
ونحن مشغولين عليهو
ما أظن للحد ده قاسي
وبي عتابنا كتبنا ليهو
ليه رسايلو ما بتجينا
اللوم عليه ام علينا
ما زمان حليفتو بينا
ما بفضل زول علينا
ربما كترت مشاغلو
ولما يمكن حد شاغلو
او يجوز اهمل بريدنا
وقلبو أصبح ما بريدنا
يانـــــــــــــاس

[سمل الحلفاوى]

له الرحمة والمغفرة

[سمل الحلفاوى]

دا الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي أسيبك مستحيل
تبقى سيرتك هي الكلام
وتبقى صورتك هى الرؤى الحلوة البعيشا
في صحوتي أو حتى في عز المنام
ويبقى إسمك هو الغنا
وتبقي سيرتك هي الكلام
هو البخفف لي عذابات الضنى
الشفتو منك يا منى الروح يا أنا
وصفو بصعب يا جميل
وبعدت عنك ولما طال بى النوى
بقى لي أسيبك مستحيل
بشكي ليكم يا مظاليم الهوى
أصلي مجروح مرتين
يمكن ألقى الزيي فيكم
ضاق جراح الحب ومتعذب سنين
ويمكن ألقى وصفة تنفع حاجه تشفع
ولا يمكن ألقى حاجة تخفف الجرح القديم ..
دا الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لى أسيبك مستحيل