المساعد الشخصي الرقمي

مشاهدة النسخة كاملة : اللهم اشفنا منه



روبش
09-05-2010, 08:26 PM
مرض أصاب الجميع في كل المجالات في الفن وفي الكرة وفي السياسة وفي الصحافه وحتى في الوجاهة ... الكل ( فاكيها ) في نفسه أي زول فاكر نفسه ( فارس زمانه ) ما في زول بشبهو ... والعجب لمن يعاين لنفسه في المرايا الدنيا ما تسعه من الفرحه ... والعجب لمن يظهر في السطح .... بعد داك أنسى ما بشتغل بيك الشغله.. ولو مسكنا جانب الكرة ... تلقى أي حد في هلال مريخ كأنه في برشلونه أو ريال مدريد أو الانتر .. فاكيها في نفسه .. وتجده لاعب عادي جدا جدا لم يبلغ مرحلة المراهقة في كرة القدم ... يهتم بنفسه من ناحية الشكل فقط ... يركب عربيه كيف ... يلبس كيف ... يعمل الشعر كيف ... حتى ولو ما عنده شعر بعمل ( وصله ) ... يلاقيك في الشارع ما يسلم عليك ... تسكه لحدي ما قلبك ينقطع ما يعاين ليك ساي .. والعجب لو انتقدته إلا يمرقك منه الكريم .. يبهدلك ويسكك في الشارع والناس تعاين ليهو وتصفق ليهو ... ولمن تدخل تشاهده في إحدى المباريات يجيب ليك الضغط والسكري وفي لاعبين بجيبوا السكته القلبيه ... حرررررررررررررررررررررن يضرب ليك اللاعب في منطقه بتعادل مكان السكته القلبيه للمشاهد .. يروح فيها المشاهد الدافع دم قلبه.. وهو يأخذ الكرت .. علماً بأنه قابض فلوس بالهبل ... وكأنه لمن يفعل شيء تقول في حد اساء له أو لأسرته .. ده كله لانو العقل في الرجل .. حقيقة عقل اللاعب السوداني في رجله وده مصيبة وصعب علاجها عشان كده يا شباب ما نحلم انو يوما ما اللاعب السوداني يحقق طوحنا...
نؤكد ما دام أن اللاعب السوداني عقله في رجله لا يتطور أبدا ...
ونؤكد ايضاً ما دام الإعلام السوداني يفكر في مصلحته الشخصية اولاً ومصلحة جريدته ثانياً ولا يعمل على تلافي سلبيات هذا المجال بل يزيد منها .. وايضاً يزيد من حقد القارئ على اخيه ... وينزع الوطنية المتبقية عند المشاهد .... لا تتطور الكرة في البلاد ، والخاسر هو السودان .......

tito_santana
09-05-2010, 09:50 PM
و الله يا روبش اتمني ان الرياضة الجماهيرية ترجع تاني .. كورتنا قرف في قرف وبتجيب امراض العصر كلها .. توفو عليها

الفخيييم
09-05-2010, 10:36 PM
الاخ روبش لمست وتر حساس
وهذا ما نعاني منه لعيبة يتلاعبون
باعصابنا لا يقدرون ادني مسئولية
لانهم يفتقرون للفهم والاحساس
بالانتماء للنادي او الوطن لذا لا ننتظر
منهم شيئاً يفيدنا عقلية اللاعب السوداني
عقيمة وفطنته معدومة غباء متوارث وافرازات
سيئة نتمني ان يموتوا جميعا لانهم تسببوا
في جلب امراض الضغط والسكري وشلل الاطفال!!!
ما احزنني بالامس الدموع التي انهمرت من الطفل
السوداني الذي كان حضورا لمباراة الامس ووالدته
تزرف في الدموع كم اخجلونا وشرطوا عينا الله
يقلعهم كلهم واخ ياخ وكمان عاملين فيها مشاهير
والله دي سخرية القدر بعينها !!!!

روبش
09-05-2010, 11:16 PM
العزيز .. تيتو
اديك العافيه ...
انت المسؤولين في البلد ديل ما بشوفوا الحاصل ده ولا شنو ... الله يرحم نميري ... ولا الوطنية بس محصوره في السياسة

روبش
09-05-2010, 11:21 PM
اخوي الفخييييييييييييم .... اديك العافيه
ليس لدينا ما نقوله إلا حسبنا الله ونعم الوكيل فيهم جميعا.. وانشاء الله كل فلوس بياخذوها بدون عطاء ما تنفعهم وتدخل عليهم بالساحق والماحق

مرتضى التوم
09-05-2010, 11:23 PM
مع كل الاحترام لاراء الاخوه فوق لكن صدقونى اللاعب ما ليه زنب ما دام فى إدارات بالعقلية دى وجمهور بصفق ليهم فى التمارين واعلام مزرئ بالطريقه دى يبقى ليهم حق يتنفخو كده ويعملو فيها ملوك الكورة .
ياعالم الكورة محتاجه وقفة كبيرة فى السودان إدارة ولاعب وتدريب وبنيات تحتية ولو ما كان فى مراحل سنية وملاعب وامكانيات ماف كورة وده كله ما بجى الا يدير الكورة ناس بتاعين كورة ..

روبش
10-05-2010, 01:01 AM
الحبيب .. مرتضى
اديك العافيه ...
طيب ليه اللاعب السوداني ما يطور نفسه في ظل الامكانيات المتاحة له

مرتضى التوم
10-05-2010, 06:52 AM
الحبيب .. مرتضى
اديك العافيه ...
طيب ليه اللاعب السوداني ما يطور نفسه في ظل الامكانيات المتاحة له


لان ببساطه يا اخ روبش الكورة اختلفت فى الزمن ده من زمان وحتى فى افضل دول العالم كروياً اللاعب ما بقدر يطور نفسه بشكل يخليه يكتسب كل مهارات الكرة وتطور العقلية على فكرة القصة بقت عملية علمية اكتر من انها موهبة يعنى التطور بجى على مراحل ياروبش وكل مرحلة عمرية فى مهارات معينه مفروض تكتسبها والله لو شفت اكادمية اسباير فى قطر ياروبش تتحسر على الشفع المالين الشوارع فى السودان بعملو اى شئ بالكورة بس ياخسارة بدون ادنى رعاية ،،، بعدين ياروبش فى ظل الفهم الإدارى الموجود اسى بيساعد على تدليل اللاعب وتصويره بانه ملك زمانه القصة معقدة وكبيرة والله يستر من الجاى وعلى فكرة برضه الكنفدرالية برضه ما حا نعمر فيها حد يراهن ؟؟؟

نجيب عبدالرحيم
10-05-2010, 07:30 AM
مرض أصاب الجميع في كل المجالات في الفن وفي الكرة وفي السياسة وفي الصحافه وحتى في الوجاهة ... الكل ( فاكيها ) في نفسه أي زول فاكر نفسه ( فارس زمانه ) ما في زول بشبهو ... والعجب لمن يعاين لنفسه في المرايا الدنيا ما تسعه من الفرحه ... والعجب لمن يظهر في السطح .... بعد داك أنسى ما بشتغل بيك الشغله.. ولو مسكنا جانب الكرة ... تلقى أي حد في هلال مريخ كأنه في برشلونه أو ريال مدريد أو الانتر .. فاكيها في نفسه .. وتجده لاعب عادي جدا جدا لم يبلغ مرحلة المراهقة في كرة القدم ... يهتم بنفسه من ناحية الشكل فقط ... يركب عربيه كيف ... يلبس كيف ... يعمل الشعر كيف ... حتى ولو ما عنده شعر بعمل ( وصله ) ... يلاقيك في الشارع ما يسلم عليك ... تسكه لحدي ما قلبك ينقطع ما يعاين ليك ساي .. والعجب لو انتقدته إلا يمرقك منه الكريم .. يبهدلك ويسكك في الشارع والناس تعاين ليهو وتصفق ليهو ... ولمن تدخل تشاهده في إحدى المباريات يجيب ليك الضغط والسكري وفي لاعبين بجيبوا السكته القلبيه ... حرررررررررررررررررررررن يضرب ليك اللاعب في منطقه بتعادل مكان السكته القلبيه للمشاهد .. يروح فيها المشاهد الدافع دم قلبه.. وهو يأخذ الكرت .. علماً بأنه قابض فلوس بالهبل ... وكأنه لمن يفعل شيء تقول في حد اساء له أو لأسرته .. ده كله لانو العقل في الرجل .. حقيقة عقل اللاعب السوداني في رجله وده مصيبة وصعب علاجها عشان كده يا شباب ما نحلم انو يوما ما اللاعب السوداني يحقق طوحنا...
نؤكد ما دام أن اللاعب السوداني عقله في رجله لا يتطور أبدا ...
ونؤكد ايضاً ما دام الإعلام السوداني يفكر في مصلحته الشخصية اولاً ومصلحة جريدته ثانياً ولا يعمل على تلافي سلبيات هذا المجال بل يزيد منها .. وايضاً يزيد من حقد القارئ على اخيه ... وينزع الوطنية المتبقية عند المشاهد .... لا تتطور الكرة في البلاد ، والخاسر هو السودان .......
يا أسامة
الهلال والمريخ والكرة السودانية لاعبين وإداريين وجماهير في ذمة الله

بدر الدين احمد الطائف
10-05-2010, 08:01 AM
ياروبش سلامات
والله نحن بنستاهل اكتر من كده بكره نرجع ونهلل هلال مريخ هلال مريخ
المفروض اننا نقاطع الاستهتار وعدم المبالاه وعدم المسئوليه البيعملوا فيها دى
معقوله لاعب بيلعب فى نادى زى الهلال بجمهور ه العريض ده ابجديات كرة القدم ما بيعرفها
بالله عليك الله مساوى ولا مهند كم مره لعبوا الكره فى اجسام المدافعين
والله حاجه مخجله ومحتاجه اننا نعيد حساباتنا

ايمن عبد الله
10-05-2010, 01:20 PM
الله يرحم ايام كورتنا زمااان ..

ديل لعيبة ديل عليكم الله ..

ادنى مسئولية مافي .. لا وطني ولا محترف ..

والله مفروض كلهم يودوهم تجنيد اجباري .. ونبدأ من الصفر من الاشبال ان شاء الله نتغلب خمسة سنة لكن في النهاية بكون في فريق كويس ..

بالمناسبة هم الان ولا في بالهم جمهور ولا شي اتغلبو اتغلبو يعني شنو ... بروح فيها المشجع المسكين ساي ..

عشان كده قلنا احسن نبطل كورة ونعاين سي ..

بالمناسبة خروج المريخ الاخير .. ما هز فيني ولا شعرة لاني كنت متوقعه بنسبة كبيرة .. وان كان هنالك بصيص من الامل ..

ويارب من الكونفيدرالية يطيرو الاثنين النشوف تاني في شنو

روبش
10-05-2010, 08:47 PM
الحبيب .. البطل
اديك العافيه ....
والله يرحم الكرة السودانية .. ماتت منذ سنين

روبش
10-05-2010, 08:53 PM
العزيز .. بدر الدين
لك التحايا ...
برضو نحن معذورين يا بدرالدين ... ونقول ربنا يشفينا منها ... وانا مفكر ابقى انصار سنه بعد هذا الحال .. لكن المرض نعمل شنو .. بنشجع في لعيبه ونقيف وراء لعيبه ابسط ابدجيات اللعبة غائبة عنهم .. ثقافة الاحتراف في جانب وهم في جانب .. العولمة ما حركت فيهم شيء ... مشاهدة المباريات لم يستفيدوا منها ... الزيارات التي يقوموا بها خارجياً لمن تكسبهم ثقافه رياضية ... واكيد واجزم ليك يا بدرالدين ان معظمهم ( خريجي ابتدائي )

روبش
10-05-2010, 08:55 PM
من خشمك وللسماء يا ابو اسيل ... الله يمرضهم اذا مرضونا

مهيد ود السفاح
11-05-2010, 11:30 PM
الاخ / روبش والاخوه المتداخلون
دعوني اختلف معكم قليلاً , اولاً فاقد الشئ لا يعطيه
وان تحدثنا عن الاشياء المفقوده في اللاعب السوداني فهي كثيره ولا تحصى ولا تعد .
حتى الاجنبي يستمر كم شهر ويتحول للجماعه بنظام من عاشر قوماً .
ان طموح اي لاعب كره في السودان ولمختلف المراحل السنيه والدرجات ان يلعب في هلال مريخ
وقد تحقق لهولاء الهدف باللعب في الهلال والمريخ وانتهى الامر وتوقف الطموح
يعني بالعربي كده بعد هلال مريخ ح يعمل شنو ؟؟؟
اكتر حاجه احافظ على الخانه
ولو خدمته الظروف ولا يوجد له بديل في الميادين
هي اقدلي هي اقدلي

كلامكم زكرني قصة ود فريقنا
ود فريقنا ولا داعي لزكر الاسم
المهم الولد لاعاب في الدافوري والروابط , وكان بعد التمرين في ميدان دردق بنقعد نتونس ونشرب موية من الزير القدام بيتنا
فجأة كده الراجل اتسجل في الاتحاد مدني
وطبعاً بناطلين الجينز والتي شيرتات الجديده والقشره ....الخ
الشئ المحزن انو بقى اجئ بي جنب بيتنا وما يسلم
وبكون ماشي زي مايكل جاكسون وهو طالع المسرح
كتف طالع والتاني نازل
وموية الزير حقنا كعبه وما بتخليهو العب الباص صاح للزميل
ده نموذج لعقلية اللاعب في الحله
اها ده لو مشى هلال مريخ كان جاء طلعنا من الحله

اللهم ارحمنا

روبش
12-05-2010, 12:54 AM
حليل زمنا داك ....
زي ما قالت حرم النور .. ياحليلو نحن زمنا فات ...