سجم خشم الما سوداني !! [الأرشيف]

شبارقة

12-05-2010, 10:50 PM

رجعت السودان!!
كل شيئ سمح و زين وتمام ...
مطار الخرطوم ، الضابطات ، أقصد الضباط في منتهى الأناقة والرقي و الابتسامة تشرق من أفواههم !!
المطار مطار الهنا و السرور !!
الإجراءات ما استغرقت عشرة دقائق ،،
مرقت برة ...
الليموزين ليموزين السرور ...
التعرفة ثابتة حسب الكيلوهات ،،
والسواقين في منتهى اللطافة والظرافة ، والأناقة باللبس الموحد ..
العربات مكيفة و أنيقة ،،،
مشيت بيتنا !!
الناس مبسوطة ورااااااااااايقة ..
الكهرباء بي رماد القروش ، و ما بتقطع نهاااااااااائي
الموية مجااااااااااااان ، النيل دا قاعد يسوي في شنو عاد؟؟؟
أمشي السوق بي مية جنيه أرجع بي 99 جنيه في جيبي !!
الناس لابسة نضيف، والشوارع نضيفة ..
شرطة المرور ، يا سلام ويا سلام ، ويا سلام منهم أنا آآآآآآآآآآآآآه يا سلام ...
أجمل وأحلى ناس !!
زول بيدخل يدو في جيبو زي أيام زمان (الله لا طراها) ما في ...
رشوة مااااافي ...
ما وقفت قدام موظف الا قام على حيلو وخدمني بكل نشاط واجتهاد ،،،
ما زي زمان !!
أبداً ما زي زمان!!
زمن تقيف قدام الموظف ويتمطى ويتثائب، ويتكلم مع موظفي المكتب عن عرس علوية بت الحاج وطهور حمودي ود الله جابو ، وانت واااااقف منشحط منتظر تنتهي معاملتك!!
أيام زمان !! الله لا طراها !!!
أها العجب لمن جيت راجع ...
مشيت المغتربين !!
يا سلام و يا سلام
ويا سلام أنا واااااااااااااي يا سلام ...
أو حاجة ما وقفت في صف على زحمة الناس ....
دخلت جوازي من شباك وأخذت رقم وانتظرت، بعد عشرة دقائق بس الرقم حقي في الشاشة الألكترونية ظهر...
مشيت للموظف
بكل هدوء ورقي ابتسم في وشي (على الرغم من الشنا التي أتمتع بها) ، وقال:
اتفضل سعادتك دا جوازك مؤشر وجاهز ، رافقتك السلامة وربنا يوصلك بالسلامة ...
سألتو :
ما في رسوم ولا ضرائب ولا ....
قاطعني:
دي أيام زمان (الله لا طراها) ...
قلت في نفسي طيب يا جماعة، أنا المغربني شنو؟؟
ما أرجع بلدي السمح دا !!
يا سلااااااااااااام يا جماعة ...
حقيقة:
سجم خشم الما سوداني!!

نزار حسن محمد

12-05-2010, 11:03 PM

هووووى شبارقه جنه وفقد المحنه:):o:(

zahid

12-05-2010, 11:08 PM

شبارقة ...شبارقة ...شبارقة يا خوي ...اصحى اصحى الدوام وقتو جا

ابوالنور

12-05-2010, 11:09 PM

يسلم قلمك وانا قلمي ديمة حداك (جمبك)
كترت الكلام والكورة فى مرماك
رفدناهم عشان تنظف ملاعبنا ونهز الشباك
دخل قونك القون فاضى وانا الهامباك
شبارقة
ويل كام باك

الفخيييم

12-05-2010, 11:18 PM

زول بيحلم بالعديلة وفرحة
الريد الطويلة.. وآه من نخلك
ساعة يطلع ...أصحي يا شبارقة
واتمني ان يتحقق حلمك الجميل!!!
أعمل حسابك ما يجي واحد من الجماعه
يقول ليك انت مستهدفنا ويبدو انك من الفئة
المندسة وكلام بالشكل ده !!!!!!!!

تخريمة:يا اخوانا الديك الأكلوهو حي
ده ذنبو شنو نفسي اعرف يا مريخاب؟؟؟؟

مدناوية

12-05-2010, 11:29 PM

شبارقة ما قلنا ليك ما تاكل فسيخ بالليل ؟؟؟

:cool::cool::cool:

ahmed algam

12-05-2010, 11:34 PM

شبارقة ياخي انت

جيت السودان عام كم كده

5990م ولا شنو

بس ربنا يحقق الاماني

mutasim

13-05-2010, 12:16 AM

نسيت تقول كل الشوارع والازقه مسفلته ومبلطه وماشفت التراب ابدا ورجعت البيت وملابسك نظيفه

المسافر

13-05-2010, 12:34 AM

حبيب قساي
أصحى يا حبيبي من النوم
تاني ما تتعشى تقيل عشان ما تهلوس

Badri

13-05-2010, 12:41 AM

http://www.alburaq.net/ahlam/transform.cfm (http://www.alburaq.net/ahlam/transform.cfm)

وبس

محب

13-05-2010, 12:53 AM

شبارقة اخوي كان في برنامج في الازاعة اسموا حلم في حلم انت متابع البرنامج دا

الفخيييم

13-05-2010, 01:14 AM

شبارقة اخوي كان في برنامج في الازاعة اسموا حلم في حلم انت متابع البرنامج دا

محب يا قديم انت خليهو يا عديلة
النومة بتريحو ولا شنو ياولدنا؟؟؟

أبوريلان

13-05-2010, 01:24 AM

لو دعوة نسأل الله الإستجابة

رغم أنو لو بتفتح عمل الشيطان ، نقول لو إستجابت
أعرفونا كيف ، إلا نغير أسم السودان يا شبارقة .

نوم نومك وتم باقي حلمتك .

ريانية

13-05-2010, 04:26 AM

شبارقة.. شبارقة صح النوم مديرك دايرك شبارقة قوم ياخي.. في البداية صدقت بس
لما شفت لما شفت الردود قلت هذا الشخص ياربي بيحلم يكون ده كلو موجود حيرتنا.. بس إن شاءالله يكون كدة..
أنا :D:D:D:D:o:o:o:o:D:D:D:D

حسن سادة

13-05-2010, 04:27 AM

شبارقة يا الزول السمح
" إنت قاصد سكة عابرة؟
ولا جيت ساكت تزورنا؟؟؟

بابكر

13-05-2010, 06:07 AM

ياليت المسؤولين يشوفوا الكلام ده ويطبقوه على أرض الواقع .. عشان كلنا نرجع وكفايه غربه !!

مهيد ود السفاح

13-05-2010, 06:44 AM

والله انا عارف غير القرد حقي ده حاجه بتخارجني من المواضيع الزي دي مافي

http://store2.up-00.com/May10/PHp51242.gif

مهيد ود السفاح

13-05-2010, 06:48 AM

ياليت المسؤولين يشوفوا الكلام ده ويطبقوه على أرض الواقع .. عشان كلنا نرجع وكفايه غربه !!

تعرف يا استاذ بابكر لو المسؤولين شافوا الكلام ده واعدوا العدة عشان اطبقوه ما ح يلقوا ارض الواقع دي , وأسأل ارض مشروع الجزيره عن الواقع

حاتم مرزوق

13-05-2010, 07:10 AM

http://www.sudan.net/graphic/cartoons/images/digin.jpg

العاقب مصباح

13-05-2010, 07:28 AM

أمشي السوق بي مية جنيه أرجع بي 99 جنيه في جيبي !!

انا الحتة دى ما عجبتنى يا قريبى

مفروض دخلت السوق بى 100 ما تجى بى 99

مفروض تجى بى 101 جنيه

لازم يا شبارقة

عشان الفرحة تتم ياخ

ابن المدينة

13-05-2010, 07:35 AM

قول بسم الله يا ولدي وما تباري الشيطان وخليك في غربتك

chocolat00

13-05-2010, 08:38 AM

رجعت السودان!!
كل شيئ سمح و زين وتمام ...
مطار الخرطوم ، الضابطات ، أقصد الضباط في منتهى الأناقة والرقي و الابتسامة تشرق من أفواههم !!
المطار مطار الهنا و السرور !!
الإجراءات ما استغرقت عشرة دقائق ،،
مرقت برة ...
الليموزين ليموزين السرور ...
التعرفة ثابتة حسب الكيلوهات ،،
والسواقين في منتهى اللطافة والظرافة ، والأناقة باللبس الموحد ..
العربات مكيفة و أنيقة ،،،
مشيت بيتنا !!
الناس مبسوطة ورااااااااااايقة ..
الكهرباء بي رماد القروش ، و ما بتقطع نهاااااااااائي
الموية مجااااااااااااان ، النيل دا قاعد يسوي في شنو عاد؟؟؟
أمشي السوق بي مية جنيه أرجع بي 99 جنيه في جيبي !!
الناس لابسة نضيف، والشوارع نضيفة ..
شرطة المرور ، يا سلام ويا سلام ، ويا سلام منهم أنا آآآآآآآآآآآآآه يا سلام ...
أجمل وأحلى ناس !!
زول بيدخل يدو في جيبو زي أيام زمان (الله لا طراها) ما في ...
رشوة مااااافي ...
ما وقفت قدام موظف الا قام على حيلو وخدمني بكل نشاط واجتهاد ،،،
ما زي زمان !!
أبداً ما زي زمان!!
زمن تقيف قدام الموظف ويتمطى ويتثائب، ويتكلم مع موظفي المكتب عن عرس علوية بت الحاج وطهور حمودي ود الله جابو ، وانت واااااقف منشحط منتظر تنتهي معاملتك!!
أيام زمان !! الله لا طراها !!!
أها العجب لمن جيت راجع ...
مشيت المغتربين !!
يا سلام و يا سلام
ويا سلام أنا واااااااااااااي يا سلام ...
أو حاجة ما وقفت في صف على زحمة الناس ....
دخلت جوازي من شباك وأخذت رقم وانتظرت، بعد عشرة دقائق بس الرقم حقي في الشاشة الألكترونية ظهر...
مشيت للموظف
بكل هدوء ورقي ابتسم في وشي (على الرغم من الشنا التي أتمتع بها) ، وقال:
اتفضل سعادتك دا جوازك مؤشر وجاهز ، رافقتك السلامة وربنا يوصلك بالسلامة ...
سألتو :
ما في رسوم ولا ضرائب ولا ....
قاطعني:
دي أيام زمان (الله لا طراها) ...
قلت في نفسي طيب يا جماعة، أنا المغربني شنو؟؟
ما أرجع بلدي السمح دا !!
يا سلااااااااااااام يا جماعة ...
حقيقة:
سجم خشم الما سوداني!!

يا رييييييييييييييييييييييت كل الكلام ده حاصل

صابرحسين

13-05-2010, 09:52 AM

تعرف يا استاذ بابكر لو المسؤولين شافوا الكلام ده واعدوا العدة عشان اطبقوه ما ح يلقوا ارض الواقع دي , وأسأل ارض مشروع الجزيره عن الواقع

المشكلة يصدقوا كلام أخونا شبارقة ويقولوا البلد بخير والأمن مستتب ، وشهد شاهد من أهلها ...........

بدر الدين محمد

13-05-2010, 11:19 AM

طبعا المثالية دي ولا في السودان ولا لاقتني في اي من الدول الزرتها

اما المجاز في الكلام بلدنا زي اي دولة في العالم الافريقي والعربي (الجرجرة في اي مكان)

ولكن صدقوني ذهبت لتجديد رخصة القيادة

في دقيقة واحدة سحبت الاستمارة وقامت بملئها الموظفة المسؤولة واعفتني من رسوم الاستمارة بسبب المهنة في الاوراق الثبوتية (فنان تشكيلي) زوق مش كدى؟
في قرابة الخمس دقائق انتهيت من فحص النظر
في حوالي العشرة دقائق اكملت تسديد الرسوم
الخطوة الرابعة والاخيرة في مكتب الكمبيوتر التحقق من البيانات وادخال البيانات الجديدة والتصوير الرقمي واستلام الرخصة استغرقت عشرة دقائق
جملة الزمن معاضافة زمن التسكع والونسة مع الآخرين كانت لا تزيد عن نصف الساعة

اها انا كنت مغترب ما بقدر على الصفوف والبهدلة وحاسي بي معاناة الاخوان
العايز يجدد رخصته في نصف ساعة يمشي مكتب ترخيص بحري
تجدونهم كما سردت ..
والتحية لكل هميم ومسؤول يخفف عن المواطنين اعباء الاجراءات

محمد حسين (المميز)

13-05-2010, 11:17 PM

إصحـــى يا نــــــــــــايم وحـّــــــد الداااااااااايم:p

ياشبروووووق دحين في زيارتك دي للسـودان الفي الكوكب الآخـر ده

مالاقاك عولاق من عولاقنا اللي اسمه هلال ولا مريخ

شايله دوري ابطال ولا مشاركله في كاس عالم بتاع انديه:p

شبارقة

14-05-2010, 09:20 PM

هووووى شبارقه جنه وفقد المحنه:):o:(

مالو الجن عيب؟
الجن ما عيب لكن كعبة الغباوة

شبارقة

14-05-2010, 09:21 PM

شبارقة ...شبارقة ...شبارقة يا خوي ...اصحى اصحى الدوام وقتو جا

الدوام لله ، أصبتني في مقتل يا صاحبي ... كرهتي في الدنيا الدوامات (بفتح الواو المهملة)

شبارقة

14-05-2010, 09:23 PM

يسلم قلمك وانا قلمي ديمة حداك (جمبك)
كترت الكلام والكورة فى مرماك
رفدناهم عشان تنظف ملاعبنا ونهز الشباك
دخل قونك القون فاضى وانا الهامباك
شبارقة
ويل كام باك

أبوالنور الهميم ،،،
بريدك يا الما بخبر حديثك ...
هع ...
عرضة و تبة و هزة إيد ...
أبشر بالخير

مهيد ود السفاح

14-05-2010, 09:24 PM

المشكلة يصدقوا كلام أخونا شبارقة ويقولوا البلد بخير والأمن مستتب ، وشهد شاهد من أهلها ...........

مشروع الجزيرة قصة خراب نموذجي
تعرف يا صابر سافرت السودان اجازه , وعندي اخوي الاصغر زول بحب الزراعة وعندوا كم فدان في مشروع الجزيره
يوم وانا قاعد معاهو قال لي يا مهيد انا عايزك في موضوع , قلت ليهو خير ؟؟
قال لي انا عيز اشترى ( بمبه )
قلت ليهو : والله اتطورنا شديد , حتى البمبه بشتروها ؟؟ يأخي انا هسي بديك بمبه , وبكره من الصباح زكرني اديك واحده تانيه .
قال لي : يازول انت ما واعي انا بقول ليك عايز اشترى بمبه , تقول لي هسي بديك واحده , البمبه يعني ( مضخة ) بتاعت المويه .
بالعربي كده طرمبه تشفط المويه عشان اسقي بيها الحواشه .
قلت ليهو يا زول انت جادي في كلامك ده ؟؟؟
قال : اي جادي وشنو ده كمان محل هظار ؟؟ انت يا مهيد لو مفلس قول ما فيها حاجه ؟؟

لقيت روحي مفلس فلس شديد خلاص
ولقيت روحي اخدت بمبه كبيره جنس كبره
ولقيت روحي اكبر داقس
ولقيت مشروع الجزيره بقول : الانجليز عيبهم شنو ؟؟
صدق او لا تصدق مشروع الجزيرة تسقى اراضيه بالبمبه

مشروع الجزيرة ده اكبر بمبه

شبارقة

14-05-2010, 09:24 PM

زول بيحلم بالعديلة وفرحة
الريد الطويلة.. وآه من نخلك
ساعة يطلع ...أصحي يا شبارقة
واتمني ان يتحقق حلمك الجميل!!!
أعمل حسابك ما يجي واحد من الجماعه
يقول ليك انت مستهدفنا ويبدو انك من الفئة
المندسة وكلام بالشكل ده !!!!!!!!

تخريمة:يا اخوانا الديك الأكلوهو حي
ده ذنبو شنو نفسي اعرف يا مريخاب؟؟؟؟

يقول شنووووووووووو؟؟
لا لا يا جماعة الرووووووووووووب من هسي ، كل حاجة ولا الاندساس والارهاب ....

شبارقة

14-05-2010, 09:26 PM

شبارقة ما قلنا ليك ما تاكل فسيخ بالليل ؟؟؟

:cool::cool::cool:

أسوي شنو يا مدناوية أختي ،،
أخوك أبوهو مراكبي ،، وبيتنا يا سمك يا فسيخ ....
الله يجيب الشربات ....

شبارقة

14-05-2010, 09:27 PM

شبارقة ياخي انت

جيت السودان عام كم كده

5990م ولا شنو

بس ربنا يحقق الاماني

أماني الجميع يا علقم ، ياااااااااااربنا يااااكريم ما لينا غيرك

شبارقة

14-05-2010, 09:28 PM

نسيت تقول كل الشوارع والازقه مسفلته ومبلطه وماشفت التراب ابدا ورجعت البيت وملابسك نظيفه

النضافة دي موال تاااني ، أسكت لمن أحكي ليك ،،
مش جابو عمال أجانب عشان ينضفو الشوارع !!
وين انت يا عشاي ؟؟

شبارقة

14-05-2010, 09:29 PM

http://www.alburaq.net/ahlam/transform.cfm (http://www.alburaq.net/ahlam/transform.cfm)

وبس

هههههههههههههههههههههههههههههههههههههههههه
وبس

شبارقة

14-05-2010, 09:30 PM

شبارقة اخوي كان في برنامج في الازاعة اسموا حلم في حلم انت متابع البرنامج دا
البرنامج دا أنا البقدمو يا محب !!

شبارقة

14-05-2010, 09:30 PM

محب يا قديم انت خليهو يا عديلة
النومة بتريحو ولا شنو ياولدنا؟؟؟

شنو ياولدنا

شبارقة

14-05-2010, 09:32 PM

لو دعوة نسأل الله الإستجابة

رغم أنو لو بتفتح عمل الشيطان ، نقول لو إستجابت
أعرفونا كيف ، إلا نغير أسم السودان يا شبارقة .

نوم نومك وتم باقي حلمتك .

النوم بيجيب اللوم !!
و زمنا دا كلللللللللللو نايمين ، حقو نصحى بعد دا ،
ولا شنو ؟؟؟

شبارقة

14-05-2010, 09:33 PM

حيرتنا.. .
:D:D:D:D:o:o:o:o:D:D:D:D

الله لا جاب الحيرة
سجلي زيارة بس وحتعرفي كل حاجة !!

شبارقة

14-05-2010, 09:34 PM

ياليت المسؤولين يشوفوا الكلام ده ويطبقوه على أرض الواقع .. عشان كلنا نرجع وكفايه غربه !!

يااااااااااااااااااااااااارب العالمين يشوفوا الكلام وما يفهموني غلط !!

شبارقة

14-05-2010, 09:35 PM

والله انا عارف غير القرد حقي ده حاجه بتخارجني من المواضيع الزي دي مافي

http://store2.up-00.com/May10/PHp51242.gif

أنا زااااااااااتي شكلي حأتخارج زي قردك دا ....
يحلنا الحل بله من القيد والذلة!!

شبارقة

14-05-2010, 09:36 PM

http://www.sudan.net/graphic/cartoons/images/digin.jpg

بدوووووووووون تعليق

شبارقة

14-05-2010, 09:37 PM

انا الحتة دى ما عجبتنى يا قريبى

مفروض دخلت السوق بى 100 ما تجى بى 99

مفروض تجى بى 101 جنيه

لازم يا شبارقة

عشان الفرحة تتم ياخ

العاقب ... العاقب ....
قوم يا يابا ... أصحى الدوام جا ....

شبارقة

14-05-2010, 09:38 PM

قول بسم الله يا ولدي وما تباري الشيطان وخليك في غربتك

صدقت والله ...
بسم الله الرحمن الرحيم ...
تف ... تف ... تف ...!.!.!.!.!

شبارقة

14-05-2010, 09:38 PM

يا رييييييييييييييييييييييت كل الكلام ده حاصل

يعني أنا بكضب ولا شنو؟؟؟
الله يسامحك!!

الجندي المجهول

14-05-2010, 09:40 PM

النوم بجيب اللوم
يالمدمدم بكرة تندم

نوم العوافي

تحى كتير ياما تشوف كتير

تخريمة : بشوف في شخصك احلامي

لحن الختام : بحلم بي قربك

بت الجزيرة

14-05-2010, 09:41 PM

[SIZE=ما أرجع بلدي السمح دا !!
يا سلااااااااااااام يا جماعة ...
حقيقة:
سجم خشم الما سوداني!![/SIZE]

سجم خشمك انت كان مصدق كلامك دا

شبارقة

14-05-2010, 09:43 PM

المشكلة يصدقوا كلام أخونا شبارقة ويقولوا البلد بخير والأمن مستتب ، وشهد شاهد من أهلها ...........

الله لا جاب المشاكل يا صابر يا خوي ..
والله يلزمنا الصبر لامن الله يشيل أمانتو ...
الله كريم !!

شبارقة

14-05-2010, 09:46 PM

طبعا المثالية دي ولا في السودان ولا لاقتني في اي من الدول الزرتها

اما المجاز في الكلام بلدنا زي اي دولة في العالم الافريقي والعربي (الجرجرة في اي مكان)

ولكن صدقوني ذهبت لتجديد رخصة القيادة

في دقيقة واحدة سحبت الاستمارة وقامت بملئها الموظفة المسؤولة واعفتني من رسوم الاستمارة بسبب المهنة في الاوراق الثبوتية (فنان تشكيلي) زوق مش كدى؟
في قرابة الخمس دقائق انتهيت من فحص النظر
في حوالي العشرة دقائق اكملت تسديد الرسوم
الخطوة الرابعة والاخيرة في مكتب الكمبيوتر التحقق من البيانات وادخال البيانات الجديدة والتصوير الرقمي واستلام الرخصة استغرقت عشرة دقائق
جملة الزمن معاضافة زمن التسكع والونسة مع الآخرين كانت لا تزيد عن نصف الساعة

اها انا كنت مغترب ما بقدر على الصفوف والبهدلة وحاسي بي معاناة الاخوان
العايز يجدد رخصته في نصف ساعة يمشي مكتب ترخيص بحري
تجدونهم كما سردت ..
والتحية لكل هميم ومسؤول يخفف عن المواطنين اعباء الاجراءات

استاذنا بدر الدين ....
خلاص كان كده نمسك في الرخص ونقول بأعلى صوت :
بلدنا سمحة ... بلدنا سمحة ...
وسجم خشم المابطلع رخصة في بحري

شبارقة

14-05-2010, 09:48 PM

إصحـــى يا نــــــــــــايم وحـّــــــد الداااااااااايم:p

ياشبروووووق دحين في زيارتك دي للسـودان الفي الكوكب الآخـر ده

مالاقاك عولاق من عولاقنا اللي اسمه هلال ولا مريخ

شايله دوري ابطال ولا مشاركله في كاس عالم بتاع انديه:p

تصدق يا محمد نسيت الهلال والمريخ ...
ياااااااااااه انت من زمن الأيام السوداء ديك ...
الله لا طراها ياخي !!

شبارقة

14-05-2010, 09:51 PM

النوم بجيب اللوم
يالمدمدم بكرة تندم

نوم العوافي

تحى كتير ياما تشوف كتير

تخريمة : بشوف في شخصك احلامي

لحن الختام : بحلم بي قربك

الجنيدي حبيب قساي ....
أما أنا ...
بحلم بالسعادة ، والعيشة الرخية ...
ان شاء الله ما أموت قبال يتحقق حلمي ...
عليك الله قول (آمين) ...

شبارقة

14-05-2010, 09:52 PM

سجم خشمك انت كان مصدق كلامك دا

ما بسألك لكن يا بت الجزيرة ....
يعني خشمي ناقص سجم ...
لكن على أي حال، ما أكعب من سجم دوكة بت وداعة الله ...

الجندي المجهول

14-05-2010, 09:56 PM

الجنيدي حبيب قساي ....
أما أنا ...
بحلم بالسعادة ، والعيشة الرخية ...
ان شاء الله ما أموت قبال يتحقق حلمي ...
عليك الله قول (آمين) ...

آمييييييييييييييييييييين

بت الجزيرة

14-05-2010, 10:01 PM

ما بسألك لكن يا بت الجزيرة ....
يعني خشمي ناقص سجم ...
لكن على أي حال، ما أكعب من سجم دوكة بت وداعة الله ...
اخوي شبارقة رغم الحاصل في سودانا سجم خشمنا كان ماكنا سودانيين

الجندي المجهول

14-05-2010, 10:05 PM

اخوي شبارقة رغم الحاصل في سودانا سجم خشمنا كان ماكنا سودانيين

جدعة يا مهيرة
بلادي وان جارت على عزيزة واهلي وان ضنوا على كرام

مأخذينا كلها على المسؤولين فقط اماالسودان الوطن والكيان جوة جوة جوة جوة جوة القلب محفور ونفداهو الليلة قبل بكرة بالروح وبالدم وعزيز انت يا وطني برغم قساوة المحن ( والله ادينا الفي مرادنا)

بدر الدين محمد

14-05-2010, 11:55 PM

استاذنا بدر الدين ....
خلاص كان كده نمسك في الرخص ونقول بأعلى صوت :
بلدنا سمحة ... بلدنا سمحة ...
وسجم خشم المابطلع رخصة في بحري

والله انا مقدر .. ظروف المغتربين .. انا كنت مغترب من سنة 80 حتى 91 وكنت احمل نفس احساس ورهافة (المغتربين) وما كان في منتديات نكتب فيها عن صفوف جهاز المغتربين ولا الجري ورا بص بري ولا استهبال السماسرة

المشكلة في المغترب البقى ما بقدر على دا كلو

عشان كدى اخدتها من قصيرها ورجعت البلد ولبست ثياب الغبش

واقتنعت بانها دي الحياة والحياة في السودان منذ ان تفتحت عيوننا يا ها كدى

وشفت الجرجرة المزعلة الناس دي في مصر وفي الاردن وفي اثيوبيا وفي جدة

واكيد في حتات تانية ما شافتا عيني

انسى موضوع الرخص وبحري والله يجيبك بالسلامة لي بلد الغبش

بت مارنجان

15-05-2010, 01:04 AM

أتوضأ تاني ياشبارقة قبل ماتجي تنوم :o

مدنيّة

15-05-2010, 01:10 AM

شبارقة

انا كنت ماااافي في المنتدي
وهسي الدخلة لما لقيت اسمك
جيت اسلم عليك

الجية التانية بقرا البوست وبرجع للتعليق

مايسة

15-05-2010, 01:14 AM

شباارقة

كيفنك يا اخوي

عاد حلمك دا حلو حلا -

احلام سعيدة يا رب :cool:

- عجبتني شديد قعدتك على النيل - ديك - مع هناية الخلتك وقالت ليك العيااال يااخ - دمت

الزبير محمد عبدالفضيل

15-05-2010, 01:19 AM

ياشبارقه ما قلنا ليك ماتاكل كوارع اخر الليل وتقوم تهضرب بالسودان اصحي ياااااااااااااااااابريش

عزام سنهورى

15-05-2010, 04:33 PM

بمناسبه بتمشى السوق بى 100 جنيه ترجع بى 99جنيه طيب شوف مع الناس ديل بعد سنه حاتمشى الملجه شايل القروش فى القفه وتجى راجع شايل الخدار فى جيبك

شبارقة

21-11-2010, 08:45 AM

اخوي شبارقة رغم الحاصل في سودانا سجم خشمنا كان ماكنا سودانيين

على قولك ، سجم خشم الامريكان ، والأوربيين ، و ناس شرق آسيا ، والصينين، والرماد كااااااااااااااال قدومكم يا ناس البرازيل!!

شبارقة

21-11-2010, 08:49 AM

جدعة يا مهيرة
بلادي وان جارت على عزيزة واهلي وان ضنوا على كرام

مأخذينا كلها على المسؤولين فقط اماالسودان الوطن والكيان جوة جوة جوة جوة جوة القلب محفور ونفداهو الليلة قبل بكرة بالروح وبالدم وعزيز انت يا وطني برغم قساوة المحن ( والله ادينا الفي مرادنا)

ربنا عالم كم بنريدو ،
و مهما زعلنا ،
و مهما تعبنا ،
واتبشتنا،
واتغربنا،
حيفضل جوة الخاطر ريدو ...
و حيفضل دايماً تاج ورسينا ...
وبيتنا الواسع ..
و دار اجدادنا...وذخر
اولادنا ...
وجوة الجوة ممتن عشقوا ...

شبارقة

21-11-2010, 08:51 AM

عشان كدى اخدتها من قصيرها ورجعت البلد ولبست ثياب الغبش

واقتنعت بانها دي الحياة والحياة في السودان منذ ان تفتحت عيوننا يا ها كدى

انت اقتنعت يا استاذ بدر الدين ....
لكن الطريقة التقنع (الديك) شنو؟؟؟

شبارقة

21-11-2010, 08:53 AM

أتوضأ تاني ياشبارقة قبل ماتجي تنوم :o
سمح..................!

شبارقة

21-11-2010, 08:54 AM

شبارقة

انا كنت ماااافي في المنتدي
وهسي الدخلة لما لقيت اسمك
جيت اسلم عليك

الجية التانية بقرا البوست وبرجع للتعليق

و لسع واقف منتظر تعليقك يا مدون!!! كل سنة وانتي واسرتك طيبين وشداد

شبارقة

21-11-2010, 08:58 AM

شباارقة

كيفنك يا اخوي

عاد حلمك دا حلو حلا -

احلام سعيدة يا رب :cool:

- عجبتني شديد قعدتك على النيل - ديك - مع هناية الخلتك وقالت ليك العيااال يااخ - دمت

(علوية بت الحاج ) ....
شكراً مايسة ....

شبارقة

21-11-2010, 08:59 AM

ياشبارقه ما قلنا ليك ماتاكل كوارع اخر الليل وتقوم تهضرب بالسودان اصحي ياااااااااااااااااابريش
والله ما بريدا الكوارع دي ، بحب الشية !!!
لكن برضوا الهضربة حاصلة .....

شبارقة

21-11-2010, 09:00 AM

بمناسبه بتمشى السوق بى 100 جنيه ترجع بى 99جنيه طيب شوف مع الناس ديل بعد سنه حاتمشى الملجه شايل القروش فى القفه وتجى راجع شايل الخدار فى جيبك
ناس منو ياكافي البلا ؟؟
هوووووووووووووووي يا عزام!!! فتح عينك قدر الريال ...

ود المطامير

21-11-2010, 09:23 AM

شبارقه يا أحلى خبر

مشتاااااقين والله

يعنى لو مديرى رفع صوتو على

ألبّعو بقلب قوى ؟

شبارقة

21-11-2010, 09:36 AM

شبارقه يا أحلى خبر

مشتاااااقين والله

يعنى لو مديرى رفع صوتو على

ألبّعو بقلب قوى ؟

جنا حلة المطامير ...
كل سنة وانت وجنياتك طيبين ...
أمانة ما ليك وحشة ...
لوك الصبر آ زول ، خليني (اتاوق) ليك بي غادي ..كان قت ليك البع، البع..
وان قت ليك لا ، خليك في عصرة ضنبك الفوقا هسي دي ..

ساريه

21-11-2010, 10:18 AM

يا أخ شبارقه سمعتا بحلم الجعان عيش ... انت ما براك جعان كلنا جعانين .... ما تزعل الفال تحت اللسان ولا دا كلام حبوبات ؟؟؟؟؟؟؟

ودتابر

21-11-2010, 08:14 PM

بنحلم بيهو يوماتي

وطن شامخ .. .. وطن عاتي ..

وطن خير ديمقراطي

mahagoub

22-11-2010, 10:52 PM

حلم جميل
نتمنى أن نعيشه
ونتمنى أن يكون السودان احلى واحلى
بس يروق بعد الانتخابات الجايه ويصفى الحال
كما نحب
ونعيش الحلم بحبوحة العيش
قولوا آآآآمين

المكاشفى

23-11-2010, 05:20 AM

ما أرجع بلدي السمح دا !!!!

اوعى تدقس كلمتك يالحبيب
ولو فى طريقه اضم صوتى ولا اقوليك
مدنيه زاتها رطبت خليه ضم الصوت بسرق صوتها
وبطالب بى فيزا
قال سودانى قال
هوووووووووووووووووووى يا شبارقه اتصلح

ام رغد

23-11-2010, 08:27 AM

إصحـــى يا نــــــــــــايم وحـّــــــد الداااااااااايم:p

ياشبروووووق دحين في زيارتك دي للسـودان الفي الكوكب الآخـر ده

مالاقاك عولاق من عولاقنا اللي اسمه هلال ولا مريخ

شايله دوري ابطال ولا مشاركله في كاس عالم بتاع انديه:p
هههههههههههههه الزول ده كان مشغول بعولاق آخر....

ام رغد

23-11-2010, 08:38 AM

بالرغم من المحن والاحلام الجميلة دى كلها مافى واحد بقدر يتنفس وهو برة السودان .... بدليل بننتظر الفرص بفارغ الصبر عشان نرجع انشالله اسبوع....

سامية عباس

24-11-2010, 03:50 AM

شبارقة
نحلم معاك انو الحزن غيمة وخلاص رحلت بعيد وانو اللي باقي من الزمن كلو نعيشو عيد ويرجع الغائب والبعيد ويعيش في وطنو متهنئ وسعيد .. نحلم ياخ ان شالله ماحد حوش

الف حمدلله على السلامة والله المنتدى نور

محمد حسين (المميز)

24-11-2010, 04:42 AM

انشالله اسبوع....

أسبــــوع تمـــااام:cool:

همسات

24-11-2010, 08:21 AM

شبارقه اخوي تحياتي
يااخوانا برااااحه علي شبارقه ده
والله ده من الوجع والوجع في الجوف بيحرق
والوجع لما يذيد عن حدو ده الشي البحصل
يقول شنو بس ولا يعمل شنو
يندم ويتحسر ويرجع يتغرب
لا قادر يتغرب لا قادر يرجع
نص في السما ونص في الارض
وده حالنا كلنا واسالو المتغربين
يديك العافيه شبارقه
هذا مانتمناه دائما
ولكن يبدو ان غربتنا
ماشه لي سكه مامنها رجعه
الله يصلح حال بلدنا
عشان نرجع لاهلنا ولاارضنا
ونعيش فيها ............
من غير اهانه وزله

ام رغد

28-11-2010, 03:17 AM

أسبــــوع تمـــااام:cool:
انت بالذات عندك اسابيع تمام....

ام رغد

28-11-2010, 03:18 AM

شبارقه اخوي تحياتي
يااخوانا برااااحه علي شبارقه ده
والله ده من الوجع والوجع في الجوف بيحرق
والوجع لما يذيد عن حدو ده الشي البحصل
يقول شنو بس ولا يعمل شنو
يندم ويتحسر ويرجع يتغرب
لا قادر يتغرب لا قادر يرجع
نص في السما ونص في الارض
وده حالنا كلنا واسالو المتغربين
يديك العافيه شبارقه
هذا مانتمناه دائما
ولكن يبدو ان غربتنا
ماشه لي سكه مامنها رجعه
الله يصلح حال بلدنا
عشان نرجع لاهلنا ولاارضنا
ونعيش فيها ............
من غير اهانه وزله

دى اسمها سكة ما معروف مصيرة.... ودة سبب لاثراء عيادتك يا بت امى

بحيرى

28-11-2010, 07:59 AM

والله يا شبارقه
شوقتنا نشوف البلد البتتكلم عنها دى
قلت لى
اليوم ب جنيه واااااااااااااااااحد