شان هنانا ,, وشان منانا ,, وشان عيون أطفالنا ما تضوق الهزيمة [الأرشيف]

مشاهدة النسخة كاملة : شان هنانا ,, وشان منانا ,, وشان عيون أطفالنا ما تضوق الهزيمة

العاقب مصباح

13-05-2010, 01:42 AM

جيت دااااااااااااافرنى الشوق ولذانى الحنين وفاقد القعاد بيناتكم

الناس الجميلة هنا

كان لابد من انه نواصل

رغم الحزن الساكن فينا

شان الخير بيكم بيكون

وحتى الخير بيكم يهنينا

اجمل ناس الله يخليكم

سكنتو أكيد فى بحور عينينا

وجينا ليكم

بى تكسى الغرام

وبى بص الشوق

وبى قطر السعادة والبهجة وابقرجة والخرباش ومايسة بت مارنجان وود المطامير وناس علونى واحمد علقم والناس الجميلة جداً

اها قلنا نسلم

كان الله هون مافى احلى منكم ,و ربنا يهون قواسينا قولو آمين

شان هنانا وشان منانا وشان عيون أطفالنا ما تضوق الهزيمة

دى جابت عثمان جلالة أكيد

النويرى كيفنك ياخ وعساك فى فرح ممتد

اتصلت عليك كم مرة شان ابارك المولود وما دخل معاى

اها كلمت ليك ابو حمزة لما عرفت انه ماشى عليك

وبيكون ما قصر

كيفنكم يا احلى ناس

الفخيييم

13-05-2010, 01:52 AM

العاقب يا جميل منور منتداك
ومرحب بيك بين اهلك وحبايبك...

تخريمة: الديك العذبوهو المريخاب
ده ذنبو شنو افيدونا؟؟؟؟؟

العاقب مصباح

13-05-2010, 01:57 AM

العاقب يا جميل منور منتداك
ومرحب بيك بين اهلك وحبايبك...

تخريمة: الديك العذبوهو المريخاب
ده ذنبو شنو افيدونا؟؟؟؟؟

سلامات يا الفخيم

ومرحب بيك فى بيتك

ومنور بى وجودك يا غالى

يا زول ديك شنو

اسكت اسكت الناس دى معانا فى مركب واحد

يعنى نحن ما بناكل الجداد

لكن التلاتة أخدناها دغش

اخوك اعتزل الرياضة يا فخيم

وبقى ثقافى ساااااااااااااااااااااى;);)

ابوالنور

13-05-2010, 02:05 AM

مايسة

13-05-2010, 02:10 AM

العاقب المصباح

شكرا ليك

ونورته المنتدي

بت مارنجان

13-05-2010, 02:24 AM

النويرى كيفنك ياخ وعساك فى فرح ممتد

اتصلت عليك كم مرة شان ابارك المولود وما دخل معاى

اها كلمت ليك ابو حمزة لما عرفت انه ماشى عليك

وبيكون ما قصر

ماكلمو ياعقبة :(

والزول دة ملومك شديد هسي :mad:

سواااح

13-05-2010, 03:17 AM

نحنا اهل الفرحة جينا ...

ومهما تطول بينا مسافة ...

اكيد ح نتلاقي ..

فى احلامنا ..

فى غنانا ..

الانيق العاقب .. طلتك تساوي افراح تزغرد

ahmed algam

13-05-2010, 03:32 AM

نور بيتنا شارع بيتنا

يعلم ربي نورتنا ياغالي

محمد الجزولى

13-05-2010, 04:41 AM

يا ربى انا فى حلم ولا فى علم
العاقب ود المصباح شخصيا
ياخى والله منور
واليوم السعيد الليله جابك
وياهو الليله يوم هنانا ويوم منانا
مشتاقين يا عم

العاقب مصباح

13-05-2010, 05:00 AM

صاحبة السمو (الحرفى) ....يا ود مصباح ...سلامات
انت عارف انا بيك وبشوفتك كلك مالينى الكلام...وحامينى الزحام من توقيع حضورى نص الدارة الفيها الجارة الطالة من السور بلمحة ومرات با شارة.....ولمن اصنقع للسما فى ليل بهيم الخاتيلو نجمة فى كتفو و لا معروف(يمين) وللا (يسار) اشعر عندها اننى اغنى زول فى العالم وحائز على جائزة نوبل للدم الغير(مجلط) والقلب الما (مبلط)....شفته كيييف!!! كلامك ده شامى لى من وراهو اقتراب موعد مخاض ذهنى من (اميرة) اما فى شكل مخلوق جديد قصة او سرد اوفكر اوخاطر مبلول او غزل (مغزول) او كلام مدلول او رواية او حكاية اجمل من حكاية (تانكر موية ) الخلت الحبيب فى زقاق الامانى وهرولت بين صفاءها ومرواءها......واااااشقاها!!!!الليلة انا والله جنيت عدييييييييل كده
ود مصباح يا غالي منور بيتك

ههههههههههههههااااااااااااااااى
والله يا ابو النور ضحكتنى وخليت شفع مصارينى يتطاقشو
انت من زمن التانكر يا ابو النور
الكفيل غير سكنه
وبقى بعيد
التانكر بقى يتشاف لينا رهاب رهاب
وبقينا نفتش فى باغات نملاها محنة
ونرسلها عبر الدى اتش ال
اها ما جاب لينا شئ
فكرنا نشوف وسائل اخرى اكثر حنيناً
لقيت السواق بتاهعم
لكنه كان بيحبها اكتر منى
لكن فى الغالب بيكون سفروها اهلها
حفاظاً على قلبى الرهيف جداً
سعيد بى جيتك ابو النور
وحبابك الف يا جميل

العاقب مصباح

13-05-2010, 05:05 AM

العاقب المصباح

شكرا ليك

ونورته المنتدي

أم البنات

ازيك ياخ

لا شكر على شئ

لا شكر أبداً

حين اعلن الجنوح نحوكم

شكراً لكى أنتى

العاقب مصباح

13-05-2010, 05:08 AM

ماكلمو ياعقبة :(

والزول دة ملومك شديد هسي :mad:

ياخ انتى على الطناق كان ما زعلان يزعل

الواحد يا بتو بيحنك فيهو عشان السماية وكدا

فاكرة موضوع السماية بتاعتك

اها ديل ناس سااااااااااااااالى

وما معزومة معانا :p:p:p

بت مارنجان

13-05-2010, 05:15 AM

ياخ انتى على الطناق كان ما زعلان يزعل

الواحد يا بتو بيحنك فيهو عشان السماية وكدا

فاكرة موضوع السماية بتاعتك

اها ديل ناس سااااااااااااااالى

وما معزومة معانا :p:p:p

ياخ عليك الله كما سلمت لي علي مصطفي :o

العاقب مصباح

13-05-2010, 05:16 AM

[quote=سواااح;495123]نحنا اهل الفرحة جينا ...

ومهما تطول بينا مسافة ...

اكيد ح نتلاقي ..

فى احلامنا ..

فى غنانا ..

الانيق العاقب .. طلتك تساوي افراح تزغرد[/quote

سواااح

على كؤوس الفرح نلتقى

نصب مزيداً من ألق اللقيا

وكل الجمال هنا

حيث تكون

إحتراماتى تسبقها أشواقى لحرفك ذاك

بت مارنجان

13-05-2010, 05:16 AM

ناس سالي ديل اكلهم بوفيه ولاحلو
انا ياخوي عايزة اخش في الكسرة بي ملاح امريقيقة والضلعة :o

العاقب مصباح

13-05-2010, 05:18 AM

نور بيتنا شارع بيتنا
يعلم ربي نورتنا ياغالي

والله يا ابو حميد ليك الشوق كله

والروعة كلها

جميل انت ياخ

والنور نورك يا راقى

العاقب مصباح

13-05-2010, 05:20 AM

يا ربى انا فى حلم ولا فى علم
العاقب ود المصباح شخصيا
ياخى والله منور
واليوم السعيد الليله جابك
وياهو الليله يوم هنانا ويوم منانا
مشتاقين يا عم

صديقى العزيز محمد الجزولى

كيفنك ياخ

والأشواق من هنا لى محل قاعد تنبسط ديمة

كيف حال الأبداع عندك

عساهو بخير

العاقب مصباح

13-05-2010, 05:22 AM

ياخ عليك الله كما سلمت لي علي مصطفي :o

مصطفى بقى مغترب ياخ

ابعدى بعيد كدا ولا كدا :p:p:p\

حااااااااضر يوصل والله يا بتو

العاقب مصباح

13-05-2010, 05:24 AM

ناس سالي ديل اكلهم بوفيه ولاحلو
انا ياخوي عايزة اخش في الكسرة بي ملاح امريقيقة والضلعة :o

اى اى عليك الله

الضلعة دى شيليها بى جنبة

ونحن اخوان فى الإنسانية ياخ

ممكن نفقسمها

او نجيب اتنين

او ممكن نصاحب الطباخ

ونجى نضربها ضربة رجل واحد

نخليها اكس راى

تغريد

13-05-2010, 06:35 AM

العاقب مصباح

الزول المافي زيو

كيفك وألف حمد لله علي سلامة الشوفة

منوووووووووور المنتدي

وزياااااااااااااااااااااادة

بنت الرفاعي

13-05-2010, 06:51 AM

معتز الريح

13-05-2010, 06:54 AM

حمدلله على السلامة بين
أخوانك وأحبابك .. مكانك شاغر ..

وعقبال باقي الأخوان والأخوات ..

zahid

13-05-2010, 07:21 AM

عوداً حميداً أخ العاقب ومرحباً بك في بيتك

خالد 000 ابقرجة

13-05-2010, 08:21 AM

العاقب المصباح

شكرا ليك

ونورته المنتدي

http://www.alm5zn.com/upfiles/Nga70380.jpg

ولحسن حظنا بالفعل أن مشاعرنا المتضاربة تجعلنا نشعر بالإنسانية 000

عقبة 000
يا فردة 000
كتب الجزولي يوماً في مكان هنا لا أدري أين ذهب 000 فيما معناه :-
أنه تابع العاقب في حوائط كثيرة عبر الفضاء 000
وفي كل مكان كان محطاً للروعة قبل الأنظار 000
لكنني (والكلام للجزولي ) لم أره يكتب كما يكتب هنا 000

اليوم دعني أوافق صديقنا الجزولي 000

يا زول هه 000

دقيقة ياخ 000
ن

سيتنا زاتو أنو البوست ده في النفاج 000
البملة قلوب الناس بالفرحة 000
والتفحيطات تملانا عجاج 000

أها دي يا عمك دردقة تفحيطة للخرباش 000

مع عجاج نانسي الجابت ليهو الهوا 000

عندي ليك أخبار نفاجية 000
1- عمدة النفاج دخل الفورمة بعد رحلة علاجية وعملية في رباط المزاج الضام 000
2- عروة ود المطامير جاء من قوانتانامو لي قوانتاصحوا 000
3- رضا ود حسن رجع بي رقصة جنابية 000
وهناي عرس هناية في حلتكم وما عزمك 000
وود علوني جهز البوكسي جنب الكنار 000
واب سفروق حايم بي جاي
وعييييييييييييييييييك

والبقية في العدد القادم 000

ابوالنور

14-05-2010, 08:15 AM

ههههههههههههههااااااااااااااااى
والله يا ابو النور ضحكتنى وخليت شفع مصارينى يتطاقشو
انت من زمن التانكر يا ابو النور
الكفيل غير سكنه
وبقى بعيد
التانكر بقى يتشاف لينا رهاب رهاب
وبقينا نفتش فى باغات نملاها محنة
ونرسلها عبر الدى اتش ال
اها ما جاب لينا شئ
فكرنا نشوف وسائل اخرى اكثر حنيناً
لقيت السواق بتاهعم
لكنه كان بيحبها اكتر منى
لكن فى الغالب بيكون سفروها اهلها
حفاظاً على قلبى الرهيف جداً
سعيد بى جيتك ابو النور
وحبابك الف يا جميل

هههههههههههههههههههههه
قلتها وأقولها
تستطيع (حُمرة عين... وزندية)..
تقلع الضحكة من الغالبية
الراقي جداااااا ودمصباح
تعرف الليله الصباح وانا بعاين لي نفسي في المرايا
اتبسمت برااااااااااااااى
هو مابراى جن.. لكن اتذكرت تعليق كتبتو انت هنا..
وقعدت اتبسم
وقلتا فى نفسي.
الحمد لله أنك طيب
بس امووووووووت واعرف سعيد دي منو

بت مارنجان

14-05-2010, 12:58 PM

مصطفى بقى مغترب ياخ

ابعدى بعيد كدا ولا كدا :p:p:p\

حااااااااضر يوصل والله يا بتو

يخسسسسسس عليه
قول ليه تدقسني :mad:

ياخ خليه يجينا زيارة ياهناي واهو العنوان عندكم :o

العاقب مصباح

14-05-2010, 10:09 PM

العاقب مصباح

الزول المافي زيو

كيفك وألف حمد لله علي سلامة الشوفة

منوووووووووور المنتدي

وزياااااااااااااااااااااادة

تغريد بت السلطان

كيف حالك يا بنيتى

والله مشتاقين شوق خليهو بالنية

عساك طيبة ياخ

والنور نورك أكيد

العاقب مصباح

14-05-2010, 10:17 PM

الشكل ده لاقاني ويييييييييييييين؟؟!!!
:confused::confused::confused::confused::confused:
آآآآآآآآآآآآآآآ إتذكرت، ده بيشبه واحد أخونا كان بيزورنا زمان،
وتاني حاربنا، ياربي معقولة يكون ده هو ذاتو؟؟؟؟ّّّّ!!!!:rolleyes::rolleyes::rolleyes:

وييييييييييييييين يا مرام

اخبارك يا طيبة القلب

وعساك بخير

الشكل دا يظهر لى والله اعلم كان مختوت فى صورة رمزية

حصل شفتى ليك صورة رمزية

اها دا انا زاتى

منور بيك يا مرام

وعساك بكامل الخير يا رب

العاقب مصباح

14-05-2010, 10:26 PM

حمدلله على السلامة بين
أخوانك وأحبابك .. مكانك شاغر ..

وعقبال باقي الأخوان والأخوات ..

حبابك يا أنيق

أخى معتز الريح

ليك كل إحترامى أيها الجميل

العاقب مصباح

14-05-2010, 10:32 PM

عوداً حميداً أخ العاقب ومرحباً بك في بيتك

الله يسلمك أخ زاهد ,,, وحبابك الف ,, فى دار تسع الجميع محبة ,, الف شكر لحرفك الراقى

صلاح ودالطاهر

14-05-2010, 11:51 PM

بس احببنا الا يفارقنا احبابنا وانتم احبابنا تعلمنا منكم معني الاخوة فلك التحية اخي العاقب ومرحب بيك ونرجو الا تنقطع

توقيع نسيبك

مدنيّة

15-05-2010, 12:34 AM

الزوووووووووووووووووول دا شفته وين انا ؟؟!!!

العاقب ، العاقب ، العاقب ؟!!

ياربي ياهووووووووووووووو هووووووووووو زاتووووووووووووووو ولا الاختساس اتلخبت
براه الاحساس الايام دي حمصية بث

عبدالرحمن مدثر

15-05-2010, 01:44 AM

صبحى الباااااير

حمدالله على السلامة

البركة فى الشوفة آآآجنا

اها افتح الشنط طواااااااالى

اوعى تكون غربتك دى كيس فاضى

محمد الواثق

15-05-2010, 01:56 AM

يا هجعة

مقيل الحروف

وكتين تنزل

رزاز فوق البيوت

ولما اللقيا تفرد

شعاع الانتظار..

نحسو نورك

دون خفوت..

الحلة

والفرقان هناك

وكل زول اهمس

بصوت..

راجين هطولك

يا مطر... تدى وتفوت

يانغم ..جمل صباحات

الناس البتحلم فى

المواسم الحلوة ..

العريس المرتقب
عدت وعادت الفرحة الي ربوعنا ياخي المنتدي افتقدك شديد
من امس واحنا قايلين العاقب عنوان للبوست وليس كاتباً
ياخي اهم شي الصور جبتها معاك ؟

انت قاعد تمش وين ياخي بتجيب معاك فرح ونور للمنتدي ولكل محبيك ورينا عشان نبقي لامعين زيك كدا
اوع تقولي لي قاعد امشي مانيلا :cool::cool:

خالد علونى

15-05-2010, 03:02 AM

علي الطلاق كان بعرف ازغرد كان زغردت

لكين جبت ليك دي من الجيران

حبابك يا الله جابك

مدنيّة

15-05-2010, 03:32 AM

مبالغة تبعا ياعلوني
هههههههههههههههههههه

------------------
مكاشفي شاف الصورة دي ؟!! هههههههههههههههه

النويري

15-05-2010, 04:19 AM

ماكلمو ياعقبة :(

والزول دة ملومك شديد هسي :mad:

ذي ما قالت ليك بت مارنجان ما كلموني وأبا حمزة ذاتوا ما جاء المهم أكلنا السماية برانا كان تطلبني على تلفون السيارة ياخي ما عندك ما أديتك ليه ولا بقيت تنسى المهم تبريكاتك إعتبرها وصلت وعقبالك في القريب العاجل كان هنا ولا هناك ماهي مشكلة

النويري

15-05-2010, 04:26 AM

العاقب يا جميل منور منتداك
ومرحب بيك بين اهلك وحبايبك...

تخريمة: الديك العذبوهو المريخاب
ده ذنبو شنو افيدونا؟؟؟؟؟

والله يا الفخيم الديك دا أنت عزبتوا أكتر من ما عزبوها ناس الموج الأحمر والحمام حملوه رسالة يافخيم يعني دجاج وحمام والله مطعم مصري في البطحا ديل يافخيم أعداء للطبيعة والحياة الفطرية والبرية ( وما ذنب جلد الطار لو غنوا بيهو شتر)

الفخيييم

15-05-2010, 04:43 AM

والله يا الفخيم الديك دا أنت عزبتوا أكتر من ما عزبوها ناس الموج الأحمر والحمام حملوه رسالة يافخيم يعني دجاج وحمام والله مطعم مصري في البطحا ديل يافخيم أعداء للطبيعة والحياة الفطرية والبرية ( وما ذنب جلد الطار لو غنوا بيهو شتر)

النويري حبيبنا شنو ياخ
ما عارفني انا بتعاطف مع
الحياة البرية من ديوك وغزلان
وزرافتين ونعام وهلم جرا عشان
كده من المنطلق ده عايز اعرف
الطار ده اقصد الديك ده ذنبو شنو
مع الوضع في الاعتبار انو لمن تجي
ترهب عدوك بتعذب أصلة أو دبيب
بس الديك من الطيور الأليفة ما
اعتقد انو عندو ذنب خصوصاً بعد
الجماعه طلعوا من البرنامج ده كلو
بلا فائدة حمام وديك وحجار معقولة
نحن في حديقة الدندر والردوم؟؟؟

تخريمة:ما ذنب جلد الطار دي جدعه
مؤسسة في محلها والله ربنا يكفي
جلد الطار شرالشتر والديك شر الجماعه!!!!

الفخيييم

15-05-2010, 04:47 AM

ذي ما قالت ليك بت أم در ما كلموني وأبا حمزة ذاتوا ما جاء المهم أكلنا السماية برانا كان تطلبني على تلفون السيارة ياخي ما عندك ما أديتك ليه ولا بقيت تنسى المهم تبريكاتك إعتبرها وصلت وعقبالك في القريب العاجل كان هنا ولا هناك ماهي مشكلة

النويري سلامة نظرك هسي الله
يسألك دي بت ام در القالت كده؟؟؟
النويري ركز ياخ ما تجيب لينا مشاكل...
أول مرة أعرف انو مارنجان تابعه لام درمان!!!!!!

تخريمة: لمن تجيب المولود التاني ح تقول
ليهو أكلنا ابوحمزة والسماية ما جات صح؟؟؟

النويري

15-05-2010, 05:13 AM

النويري سلامة نظرك هسي الله
يسألك دي بت ام در القالت كده؟؟؟
النويري ركز ياخ ما تجيب لينا مشاكل...
أول مرة أعرف انو مارنجان تابعه لام درمان!!!!!!

تخريمة: لمن تجيب المولود التاني ح تقول
ليهو أكلنا ابوحمزة والسماية ما جات صح؟؟؟

يا فخيم ياخي أنا ما صلحتها قبل مداخلتك دي قلت ألحق سريع قبل ما يشوفها واحد شليق لكن ما لقيت أسرع منك وبعد دا كله عدلتها قبل مداخلتك دي وشوف التعديل وتاريخوا أنت العايز تجيب لي المشاكل أنت وراي وراي ما في حاجة إسمها غلطة مطبعية ولا شنو

نزار حسن محمد

15-05-2010, 10:28 PM

مرحبتين حبابك واليوم السعيد الليله جابك ..
ياود مصبـــــــــــــــــــــــاح

تورته نفسنا...
وصيه:
إنا تكتمنا الهوى زمنا*** والداء أقتله دفينه
وصيتى لكم هى وصيتى لكم كل ليلة
خذوا من الحياة كلما تستطيعون قبل أن يعود التراب إلى التراب
فنصبح بلاقينة ولا اغنية ولا غانية.
وصيتى لكم اضيفوا لها سطر منها وصية بالاعلام والثقافة والتوجيه..
عمك
ابوسفروووق

ود المطامير

16-05-2010, 08:57 AM

عبر الأثير تسربت فى دواخلى رنّات وتر
من زولاً جميل زولاً سمح متوشح بضو القمر

وعاد القلم الجميل على صفحات المنتدى ينثر دُرر
دا العاقب أخوى وأخوكم نسيم خير ورزاز مطر

سروية

16-05-2010, 10:33 PM

يا مطر عز الحريق
يا مصابيح الطريق
يا المراكبية البتجبد
من فك الموج الغريق
جينا ليك والشوق دفرنا ..دفر يااخ;);)
يا نشوق روحنا ودمرنا
يا المحطات الحنينة
القصرت مشوار سفرنا

والله زمن

نورت بيتك والله

ااخر الغيااب يااازول

الزونية

17-05-2010, 08:02 PM

ود المصباح...
جيتك عيد والله..

ابوالنور

17-05-2010, 09:49 PM

يا ود مصباح وينك ؟

عثمان جلالة

17-05-2010, 10:36 PM

نحن اهل الفرحه جينا

لا المدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

بس ... والشرح يفسده يا العاقب أخوي :)

مدناوية

17-05-2010, 11:31 PM

العاقب حبابك ..

نورت المنتدى والنفاج والنيمة ...

تاني ما تكررها ياااااخ ...

بلاكم مسييييييخة ...

العاقب مصباح

18-05-2010, 05:27 AM

اييييييييييييييييك

والله يا جماعة ما عارف اكافيكم كيف زاتو

والطيبة الفيكم

والفرح النابع من قلوبكم

والمسرات الما بتكون إلا بيكم

أحب المكان البيشهد وجودكم

وبعشق حروفكم وين ما تودى

جميلين جمال

وحلوين حلاوه

خلونى أبدأ من الآخر

من مدناوية

الله يديك كل خير يا صاحبة القلب الكبير ,, ما عدمناك أبداً

عثمان جلالة ,, قدر ما أسمعها بتكون إنت ,, الغنية دى مكسراك انا عارف ,, حنيتها كتيرة صح ,,:rolleyes:

ابو النور ,,, سلامات يا رائع ,, بعض الوعكات التى نحرص على الحضور رغماً عنها ,,,

زونية ,, فقط واحدة ,, أنتى ,, فقط واحدة ,,,

سروية ,,, لينا زمن فاقدين طلاتك ,, تسعدى إنتى وحرفك الجميل ,, عساك طيبة يا بتى ,, طيبة شديد ,,,

ليك الأشواق والله

ود المطامير ,, أخوك كديسة دوبيتو زاغت ,, خلينى افتشها ونجى نتجادع فى السهلة دى ,, خليها تكون فى المطامير والقمر 14 ,, شكراً يا أروع الرائعين ,,,

نزار ود حسن ,, حبابك يا شيخ العرب ,,, وحباب المكان اليضمك سلام

محمد الواثق ,, يخسر الناس كثيراً حين يبتعدون عنك ,, دمت يا نقى

علونى ,, ,, سعيد والله إنك تكون موجود ,, سعيد جداً ,و الله لا يحرمنا منك يا جميل

خرباش ,,, ولا كلمة ,,,

مدنية ,,,, اتغابيتى العرفة خلاص ,,و دى تونس ولا حاجة تانية :p:p

صلاح ود الطاهر ,, يا زول ها مشتاقين ,,, وعساك بخير ياخ

ود المطامير

18-05-2010, 10:56 AM

ود المطامير ,, أخوك كديسة دوبيتو زاغت ,, خلينى افتشها ونجى نتجادع فى السهلة دى ,, خليها تكون فى المطامير والقمر 14 ,, شكراً يا أروع الرائعين ,,,

ما عليك يا حبيب الشعب
بسلّفك كديسة دوبيتى
هع هع هع

والله يا الحبيب لمّا أنا كنت ( فى غوانتنامو ) كنت بشعر بالسعاده والراحه مع مواضيعك الجميله وردودك الشيّقه

إنت فى القلب نبضه .. وفى الصدر نسمه .. إنت فلتة زمانك والله