والله جد

[ود المطامير]

( أول شئ عاوزكم تصدقونى بأنو اللى راح أحكيهو ليكم دا حقيقه بمعنى الكلمه )
قبل فتره بعيده شويتين كدا .. والساعه واحده ونص بالليل .. جريت بطانيتى وقلت أنوم
بعد شويه أسمع ليك صوت رادى .. طِفّرت طفرت على حيلى وولعت النور وقلت يكون دا البنغالى جارى
شغل رادى ولأ تلفزيون .. ( مُعسكر شركات ) مشيت لقيت ليك خلق الله كلهم نايمين
الله ؟ الصوت دا جاي من وين ؟ دخلت غرفتى والإزاعه شغاله .. لكن غير مفهومه

فجأه أسمع ليك .. أغنية مافى حتى رساله واحده .. بيها أتصبّر شويه
قلت هااا.. دا وهم منى ساااى ومتوهم دى ( أم عمرى ) بتغنى لى لأن وقتها كانت فى السودان
إنتهت الأغنيه .. أسمع ليك .. مظاهره حاااااشده .. أيها الجماهير ..وتوالت الأحداث
وطار النوم من عينى .. وإكتشفت إنو ((( أضانى اليمين ))) إنقلبت إزاعه ((( وحاااات الله جد )))

صوت واضح لدرجة بحمينى النوم .. ومرات كمان تجى أمى .. تمسكنى ليك ساااعه وأكتر كلمه كانت بترددها .. عروه دا .. عروه دا

[ود المطامير]

أهااا .. والإزاعه دى بتشتغل فترات فترات لكن بالليل أكتر ذى قناة النيل الأزرق

وبعدين برامجها متنوعه .. دينيه إجتماعيه ثقافيه رياضيه .. وصدقونى صوت وااااااضح ..
ولمّا إستمرت أكتر من إسبوع كلمت أصحابى وقالوا لى دا وهم .. وكتبت الكلام دا فى منتديات المطامير وقلبوها ضحك وونسه .. هعه هع هع

وتوقفت الإزاعه فتره وحمدت الله .. وبقيت أنوم تمام .. أكان تانى إشتغلت أتاريى فترة وقوفها التقول كانو بيصينوا فيها
لأنها رجعت وصوتها أكثر جوده .. وقبيل ود الباديه متّعنى بأغية ( كلمه .. اللى بموووت فيها )
هسى .. مسلسل تركى .. رغم إنى ماحصل شفت لا مهند ولا نور ..هع هع هع

يكون دا من شنو عليكم الله ؟ يكون أضانى فيها عِرق ولأ عصب عمل ماس وإلتقط بث مباشر من الهوا المليان أشعه
حمرا وخدرا وبنفسجيه ؟
ماتقولوا لى بتتوهم ذى ناس المطامير .. صوت واضح ديجتال .. سماعاتصاح فرده واحده لكن أحلى من الإستيريو

وحات الله مرات أقول أضرب رأسى بالحيطه .. ومرات بتوهمنى .. وحات الله قبيل راكب معاى هندى فى السياره

شافنى مديت يدى قلت أقفل الرادى والرادى أصلاً مقفول .. قال لى مالك ؟ قلت ليهو ماسامع ليك صوت موسيقى ؟

قال لى إنت مجنون ؟

[نزار حسن محمد]

شعرت جسمى وقفت الف احمر
انت ياود المطامير فى نفس الطريق بتاعكم ده مش فى منطقه اسمها ام الشواطين
اكيد البث الاذاعى جاى من هناك وهى ما بعيده منك
هنا اذاعة ريبه الشيطانيه
الفقره التاليه مع المذيع ابليس ابن شيطان الاحمر

[مايسة]

ود المطامير هوووي مالك عايز تخوفنا ياخ انت

قالو وقالو - واعوز بالله من الشيطان الرجيم وبسم الله الرحمن الرحيم

انو الامارات دي مسكووونة وكلها فيها بسم الله - غايتو اعمل حسابك - واتوضأ قبل النوم واقرأ آية الكرسي بالجد - وما بتجيك عووجة -

ولو ما اتحسنته ارحل من حتتك دي :cool:

[محمد علي شقدي]

يا ود المطامير انا بحسدك عديل علي الاذاعة الرائعه دي البتجيب ليك احلي الاغاني وصوت الوالده والزوجه و هي غايبه وصوت الجماهير كمان ياخي دي نعمه

بقولوا يا ود المطامير الحسد بزيل النعمه

[ود المطامير]

شعرت جسمى وقفت الف احمر
انت ياود المطامير فى نفس الطريق بتاعكم ده مش فى منطقه اسمها ام الشواطين
اكيد البث الاذاعى جاى من هناك وهى ما بعيده منك
هنا اذاعة ريبه الشيطانيه
الفقره التاليه مع المذيع ابليس ابن شيطان الاحمر
هع هع هع
ومشهوره
تجى بالليل الله قال بقولتك

ناس المشاهدات ولا قولة إحم قايلنى بهظر
تلقاهم قالوا دا خرّف ولأ تأثير ضرب مؤخرات البنادق فى غوانتنامو
هع هع هع

[ahmed algam]

بسم الله


ود المطامير هوي اخير ليك تعال هنا سااااي


البلد دي علي راي مايسة


الامارات دي مسكونة سااااااكت

[ود المطامير]

ود المطامير هوووي مالك عايز تخوفنا ياخ انت

قالو وقالو - واعوز بالله من الشيطان الرجيم وبسم الله الرحمن الرحيم

انو الامارات دي مسكووونة وكلها فيها بسم الله - غايتو اعمل حسابك - واتوضأ قبل النوم واقرأ آية الكرسي بالجد - وما بتجيك عووجة -

ولو ما اتحسنته ارحل من حتتك دي :cool:
بت أخوى
اهع هع هع هع
الظاهر عليك من الإمارات
ماتقولى لى عرفتها كيف ؟ من قولك مالك عاوز تخوفنا

أقول ليك سِر .. الإمارات والله أجمل مُنى منتهى الرُقى والحضاره والأمن

لكن لو أختك فى السلع

بتعرفى السلع ؟ ما تمشى ليها .. نزار بجى السلع لكن بالنهار لو جا بالليل بشوف شوووووف هع هع

المهم بالليل فى منطقه معروفه ذكرها البرعى الله يرحمه وأنا مابذكرها عشان بكره مايسفّرونى
هع هع هع

هوووووووووى يا مايسه عندى شُفّع بربى فيهم

[ود المطامير]

يا ود المطامير انا بحسدك عديل علي الاذاعة الرائعه دي البتجيب ليك احلي الاغاني وصوت الوالده والزوجه و هي غايبه وصوت الجماهير كمان ياخي دي نعمه

بقولوا يا ود المطامير الحسد بزيل النعمه
أخوى الحبيب محمد
أمووووووووت ليك شيل أضانى وأدينى أضانك
هع هع

تسلم يا الحبيب
رد حلو وفى الصميم من زول ( يفهم المشاعر )

لكن برضو حاميانى النوم
ذى القصيده الحلمنتيشيه
القال بقع البحر
بالجد سرّنى ردك الجميل

[ود المطامير]

بسم الله


ود المطامير هوي اخير ليك تعال هنا سااااي


البلد دي علي راي مايسة


الامارات دي مسكونة سااااااكت
حبيب قلبى هنى أجيكم
وحات الله فى أيام المدرسه الثانويه مشينا
لعبنا مع فريق الشرفه الفوق
وغلبناهم وكان قون الغلب جبتو أنا هيد
لسه بتذكر كفر أبو موزه عمل لى صداع يومين
المهم بعد المباره مشيانا بيت ناس ( الحبيب كمبال ) وتعشينا

وجينا راجعين مُش فى المغيرب الساعه عشره بالليل

كدارى وسط البلدات .. بلدات المطامير أكان يجيك لينا ( أبو لمبّه ) وساقنا ليك
وقربّب يودينا التوج
هع هع هع

الحبيب .. جيتنا ليكم مُنى الروح والله

[صلاح ودالطاهر]

الجن يداوه كعب الاندراوه بسم الله الرحمن الرحيم محمد معنا ما تغشانا عليك باية الكرسي وسورة البقره

[محمد الواثق]

يازول هوي قول كلام غير دة
ممكن تكون الكاميرا الخفية
وجيرانك الهنود ديل بخففوا في دمهم انصاص الليالي
شكلك شاديهم وعايزين اطيروك من الحلة
زي ما بقولوا الحبوبات امانة ما وقع راجل
الهنود ديل ملوك السحر وبعدين لو بقيت ساكن في الحتة ديك الجم عمان بل راسك وابق مارق ساي
انا عندي زول جاي الامارات قريب اكلموا يجيب ليك معاو حجاب من ادم ود التوم العوجة ما بجيك تاني







سورة البقرة وآية الكرسي قالوا شنو !!!

[ود المطامير]

الجن يداوه كعب الاندراوه بسم الله الرحمن الرحيم محمد معنا ما تغشانا عليك باية الكرسي وسورة البقره

يافرده أدعو لي معاك

وبعمل بوصيتك

وهسى الإزاعه واقفه
التقول على الإرسال قطع

[ود المطامير]

يازول هوي قول كلام غير دة
ممكن تكون الكاميرا الخفية
وجيرانك الهنود ديل بخففوا في دمهم انصاص الليالي
شكلك شاديهم وعايزين اطيروك من الحلة
زي ما بقولوا الحبوبات امانة ما وقع راجل
الهنود ديل ملوك السحر وبعدين لو بقيت ساكن في الحتة ديك الجم عمان بل راسك وابق مارق ساي
انا عندي زول جاي الامارات قريب اكلموا يجيب ليك معاو حجاب من ادم ود التوم العوجة ما بجيك تاني







سورة البقرة وآية الكرسي قالوا شنو !!!
حبيبنا محمد
والله صدقت البنغاله دول بعملوها والله

لكن صدقنى الإزاعه دى أكبر من سحرهم

ياخى والله قبل كم يوم كانت فى مباره كرة قدم
الساعه المزيع يقول قوووووووووووووووووووون

أنا بمسك راسى
هع هع هع

[ام نوران]

الساعه المزيع يقول قوووووووووووووووووووون

أنا بمسك راسى
هع هع هع

ود المطامير :جدوالله خوفتا انا,,,لكن شغل اذاعه القران الكريم طول اليوم وسورة البقره وماتشيل هم

تحياتي

[محمد الواثق]

حبيبنا محمد
والله صدقت البنغاله دول بعملوها والله

لكن صدقنى الإزاعه دى أكبر من سحرهم

ياخى والله قبل كم يوم كانت فى مباره كرة قدم
الساعه المزيع يقول قوووووووووووووووووووون

أنا بمسك راسى
هع هع هع



لا لا المرة الجاية ما تمسك راسك انت كدا بتاكد الحدث
بس وريهم قوليهم ما عايز هظار معاكم وغير الكانون بتاع الباب
هع هع هع

[بت أم درمان]

بسم اللهالرحمن الرحيم
قل اعوذ برب الفلق من شر ما خلق


والله كان ما هع هع هع دي انا قرررررربت اصدق

[مدناوية]

غايتو يا كتال الكدايس محنك محن ..

دي تكون روح وحدة من الكدايس الكتلتهم ..

جاية تاخد حقها ...


:p:p:p:p

[ود المطامير]

ود المطامير :جدوالله خوفتا انا,,,لكن شغل اذاعه القران الكريم طول اليوم وسورة البقره وماتشيل هم

تحياتي
أختنا أم نوران .. تسلمى والله

ومشكوره على النصيحه الغاليه

تحياتى

[ود المطامير]

لا لا المرة الجاية ما تمسك راسك انت كدا بتاكد الحدث
بس وريهم قوليهم ما عايز هظار معاكم وغير الكانون بتاع الباب
هع هع هع
هع هع هع

الغريبه الإزاعه قاطعه ليها يومين

[ود المطامير]

بسم اللهالرحمن الرحيم
قل اعوذ برب الفلق من شر ما خلق


والله كان ما هع هع هع دي انا قرررررربت اصدق
أختنا عبير

والله مع هع هع دى صدقى
هع هع

[ود المطامير]

غايتو يا كتال الكدايس محنك محن ..

دي تكون روح وحدة من الكدايس الكتلتهم ..

جاية تاخد حقها ...


:p:p:p:p
أختنا مدناويه

دنا غلبااااااااااان

[العاقب مصباح]

والله يا ود المطامير كان مشتهى لى اذاعة زى اذاعتك دى

يا اخوى ورينى التردد كم عشان افتش ليها وانا نائم

كان ظبتت بهدى ليك اغنية ولى طاقم البرنامج كمان

وبتصل على بت قناة زول ديك

وبقول ليها اهدى كلمة ,, وتعاتبنى بس فى شان كلمة قلتها ليك

[ود المطامير]

والله يا ود المطامير كان مشتهى لى اذاعة زى اذاعتك دى

يا اخوى ورينى التردد كم عشان افتش ليها وانا نائم

كان ظبتت بهدى ليك اغنية ولى طاقم البرنامج كمان

وبتصل على بت قناة زول ديك

وبقول ليها اهدى كلمة ,, وتعاتبنى بس فى شان كلمة قلتها ليك
الحبيب
برسّل ليك التردد فى الخاص

صدقنى كانت قاطعه يومين وهسى إشتغلت
فى اللحظه دى شغاله أغنية يوم فى يوم غريب
هع هعهع هع

[المسافر]

بس عايز اعرف جبت الكهرباء للرادي ده من وين ؟


والله أنا زاتي عندي حكاية الرادي دي ومرات كتير بجيني كمان صورة وصوت

[ود المطامير]

بس عايز اعرف جبت الكهرباء للرادي ده من وين ؟


والله أنا زاتي عندي حكاية الرادي دي ومرات كتير بجيني كمان صورة وصوت
مسافر مشاكل .. أبوالدقيق .. فردتى

يا الحبيب دى شغاله وير لست
بلتوث
هع هع هع

[wad alballal]

ود المطامير ...
دا الحبشي زااااااتو بي جلالتو وقدرو ... عليك باية الكرسي والقلق .. وانشاء الله ما بتجيك عوجة تاني

[ود المطامير]

ود المطامير ...
دا الحبشي زااااااتو بي جلالتو وقدرو ... عليك باية الكرسي والقلق .. وانشاء الله ما بتجيك عوجة تاني

هع هع
إن شاء الله بعمل بوصيتك
تسلم حبيب قلبى

[ابووضاح]

دستووووووووور ياود المطامير بقا بقا بقا بق ,,,,,,,,,,, بقا بقا بقا بق

[ود المطامير]

دستووووووووور ياود المطامير بقا بقا بقا بق ,,,,,,,,,,, بقا بقا بقا بق
الحبيب
وما تنسى البياض
هع هع هع

[انيس التوم]

حبيب قلبي ود المطامير

زمان اول ما جينا البلد دي

كنت ساكنت في عمارة اغلب سكانها

افارقة المهم عملته ليك معاهم

صحبة شديدة خلاص اولاد وبنات يبقوا لي
اهل في البلد البعيدة دي
يوم جاني وجع راس والزمن كان متاخر جداً
قلت امشي اجيب بندول ولا اي مسكن
لمن فين واحد من اولاد الخاله ديل سالني
مالك قلت ليه عندي وجع راس وماقادر انوم
مشى جاب لي حبه وطبعا انا زول علي نياتي
افتكرته حبة وجع راس سالته قال لي نعم
ما عليك ابلع الحبه دي وبعد خمسة عشر دقائق
كده بتبقى طبيعي المهم بلعته الحبة يا ود المطامير
وعينك ما تشوف الا النور اتاري الحبة من الحبوب اياها
انا بس حكمت معاي الا مدني امشي مدني
الجماعة قالوا جابوني من محطة القطر بالليل
وشايل معاي الشنط ،،،، استغربوا طبعاً
لانوا التصرف كان غريب والكلام غريب
المهم واحد فيهم قال ليهم يا جماعة ما تسرعوا
سوقوا الزول ده ولحدي الصباح نشوق الحاصل شنو
المهم انا نمت لي تاني يوم الشغل ما مشيت
ولمن صحيت لقيت نفسي في بيت اصحابي
يا جماعة الحاصل شنو والجاب شنطي هنا شنو
وقاموا حكو ا لي الحكاية طوالي مشيت فتحت
ليك بلاغ في الزول وعذبتوا ليك عذاب الجن
لكن طبعاً بتعرف طيبة اهلنا انسى الموضوع
وسب الزول في حاله،،،،
يعني كما لقوني الجماعة ديل كانا لي يوم الليلة
مودتي