المساعد الشخصي الرقمي

مشاهدة النسخة كاملة : سؤال عن الاخ - محمد عبد الله عبد القادر


ABUZAID
25-05-2010, 11:02 PM
الاخوة الكرام


السلام عليكم ورحمة الله وبركاته

الاخ الغالي - محمد عبد الله عبد القادر

سافر الى السودان في منتصف شهر مارس 2010م
في رحلة عمل قال وقتها انها قصيرة

فقدنا الاتصال به والتواصل معه منذ فترة

يا شباب ودمدني بالسودان . . .

اللي عارف عنه شئ يدينا خبر

أو يبلغو سلام كل اهل جده



تحيااااااااااااااتي
معتز الريح
25-05-2010, 11:34 PM
والله نثني السؤال ..
ونتمنى أن نسمع منه قريباً ..
وأن يكون بخير وعافية ..
------------------------------
وما يكون استثمر في سوق المواسير ..
ABUZAID
26-05-2010, 12:03 AM
والله نثني السؤال ..
ونتمنى أن نسمع منه قريباً ..
وأن يكون بخير وعافية ..
------------------------------
وما يكون استثمر في سوق المواسير ..




حبيبنا الغالي
معتز الريح

سوق المواسير ده ياخينا دقسو فيه ناس كده

اوعة من التعامل باليورو


اخونا ده شكلو . . .

( ن . ع )

(نكبو عنكبوت)


تحيااااااااااااااتي





مع الاعتزار لصاحب الاغنية
مدنيّة
26-05-2010, 02:01 AM
من مارس ولهسي مافي خبر منه وزيارة قصيرة ؟!!

هي القصيرة دي طولوها متين ؟؟

ندعو ربنا سبحانه وتعالي انه يكون بخير

لو ممكن نساعد ياابو زيد بحاجة افيدنا
محمد الواثق
29-05-2010, 10:12 PM
ربنا يطمنكم والجميع علي الاخ محمد عبد الله
عساه خير اخي العزيز
abomazeen
30-05-2010, 04:09 AM
من مارس ولهسي مافي خبر منه وزيارة قصيرة ؟!!

هي القصيرة دي طولوها متين ؟؟

ندعو ربنا سبحانه وتعالي انه يكون بخير

لو ممكن نساعد ياابو زيد بحاجة افيدنا



مدنية قاعدة في الخرطوم ...
اقترح بتعيينها مشرف بحث وتحري
والله يكون فيك الخير والبركة يا مدنية
محمد حسين (المميز)
30-05-2010, 05:33 AM
فعــــــلا غيـــــاب محيــّــــر:(


ياجمــاعه وين الكوماندوز حقونا

لازم يشوفو اخونا ده مشربك ليهو في ياتو خيط بتاع عنكبـوت

لازم يتحركو يحرروهو منه:p
ABUZAID
30-05-2010, 10:43 AM
من مارس ولهسي مافي خبر منه وزيارة قصيرة ؟!!

هي القصيرة دي طولوها متين ؟؟

ندعو ربنا سبحانه وتعالي انه يكون بخير

لو ممكن نساعد ياابو زيد بحاجة افيدنا



الاخت الكريمة - مدنيّة

مليون مراحب
الراجل ده موجود في الخرطوم بكثرة
اتصلنا كتير اما جوالو مقفول او خارج التغطية

ولو لزم نديكم رقمو شوفو الحاصل
وكن ما لقيتوهو قولو لينا . . .
ناس النيل الازرق بجيبوهو

تحيااااااااااااتي
ABUZAID
30-05-2010, 10:47 AM
ربنا يطمنكم والجميع علي الاخ محمد عبد الله
عساه خير اخي العزيز


حبيبنا الغالي - محمد الواثق

مشكور على المرور
غايتو كان مكانك السودان سجل في ( منظمة تفتيش بلا حدود )

وادينا اخر الراجل ده شنو
اشواااااااااقي
مدنيّة
30-05-2010, 09:09 PM
مدنية قاعدة في الخرطوم ...
اقترح بتعيينها مشرف بحث وتحري
والله يكون فيك الخير والبركة يا مدنية







الاخت الكريمة - مدنيّة

مليون مراحب
الراجل ده موجود في الخرطوم بكثرة
اتصلنا كتير اما جوالو مقفول او خارج التغطية

ولو لزم نديكم رقمو شوفو الحاصل
وكن ما لقيتوهو قولو لينا . . .
ناس النيل الازرق بجيبوهو

تحيااااااااااااتي

ادونا اي معلومة عنه ياجماعة الخير
عشان نقدر نساعد
الفخيييم
30-05-2010, 09:48 PM
ادونا اي معلومة عنه ياجماعة الخير
عشان نقدر نساعد

نتمني ان يكون محمد عبدالله عبدالقادر
بخير وصحة جيدة يا رب..وموفق في رحلته
العمليه داخل ارض الوطن العزيز....


تخريمة: شنو يا مدنية كده خوفتينا
ادونا معلومة لغة استخبارات وكده
ذكرتيني زمان ناس اوديك ورا الشمس...
الجندي المجهول
30-05-2010, 10:03 PM
والله فيك الخير يا ابو زيد دائما سبااق

محمد عبد الله عبد القادر

اظهر يا عنكبوووووت

اظهر قبل الماسورة تبلعك

تخريمة : بديك ليها بالتلفون - بس
مدنيّة
30-05-2010, 11:15 PM
تخريمة: شنو يا مدنية كده خوفتينا
ادونا معلومة لغة استخبارات وكده
ذكرتيني زمان ناس اوديك ورا الشمس...

هههههههههههههههه
ضحكتني والله من الصباح يافخيم

---------------
ياخ الزول عشان "تحركاته" تكون مؤسسة لازم تتبني علي معلومة ولا ماكدا ياسوكرتا :cool:
ABUZAID
31-05-2010, 12:08 AM
مدنية قاعدة في الخرطوم ...
اقترح بتعيينها مشرف بحث وتحري
والله يكون فيك الخير والبركة يا مدنية






الاخ الغالي - ابومازن بالانكليزي

اشرقت الانوار


والله احترنا نعمل معاه شنو
غايتو رسلنا رقمو في السودان لناس السودان
ولو لزم حنرسلو للانتربول

شكلو طاشي شبكة
تحيااااااااااااااااااتي
ABUZAID
31-05-2010, 12:16 AM
فعــــــلا غيـــــاب محيــّــــر:(


ياجمــاعه وين الكوماندوز حقونا

لازم يشوفو اخونا ده مشربك ليهو في ياتو خيط بتاع عنكبـوت

لازم يتحركو يحرروهو منه:p




حبيبنا الغالي - محمد حسين (المميز)

سعادة واشراق


فعلا والله


غيـــــاب محيــّــــر



بقينا مودِّرين


والموَدَّر بيعمل شنوووو ؟ ؟ ؟


اشواقي
مدنيّة
31-05-2010, 12:16 AM
يااخوانا القصة ومافيها
انه ابوزيد عايز قروش من محمد عبدالله

اها محمد عبدالله سمع بسوق مواسير الفاشر
قال يعمل واحد زيه × جدة "وقد كان"


-----------------------

الزول دا كوووويس وماعنده اي عوووجة الحمد لله
ABUZAID
31-05-2010, 12:33 AM
يااخوانا القصة ومافيها
انه ابوزيد عايز قروش من محمد عبدالله

اها محمد عبدالله سمع بسوق مواسير الفاشر
قال يعمل واحد زيه × جدة "وقد كان"


-----------------------

الزول دا كوووويس وماعنده اي عوووجة الحمد لله




ياخي حمدا لله على السلامة الظهر ليه خبر


مشكورة اختنا مدنية والله ما قصرتي



وصلة :

ابوزيد امرو ساهل

بس ياربي .! .! .!
المميز والجندي المجهول ديل . . .

برضو داخلين سوق المواسير - جده

وانا ما جايب خبر ! ! !


ما عندنا عندو الا السلام
الفخيييم
31-05-2010, 12:36 AM
هههههههههههههههه
ضحكتني والله من الصباح يافخيم

---------------
ياخ الزول عشان "تحركاته" تكون مؤسسة لازم تتبني علي معلومة ولا ماكدا ياسوكرتا :cool:

اطالب بنقل المشاركة الي السياسي
تحركات مؤسسة دي عجبتني والله...
ان شاء الله دايما نقدر نفرحكم
يا مريخاب ما قدرنا وكده انتو
وسعادتكم عن طريقنا شوفتي كيف!!!!!
مدنيّة
31-05-2010, 07:08 AM
ياخي حمدا لله على السلامة الظهر ليه خبر


مشكورة اختنا مدنية والله ما قصرتي



وصلة :

ابوزيد امرو ساهل

بس ياربي .! .! .!
المميز والجندي المجهول ديل . . .

برضو داخلين سوق المواسير - جده

وانا ما جايب خبر ! ! !


ما عندنا عندو الا السلام

ياابوزيد
الزول دا غايتو شكله كدا مقفول في واحد من سجون المواسير
وبكيون خجلان ياخ يقول الكلام دا
وهسي انت امسكه عندك وماتكلم بيه زول ، ثمح؟ :cool:




-------------------
في زول بيسافر اسبوعين ويقعد تلاتة شهور ولما مقفول في سجن مواسير ؟؟ :cool:
ABUZAID
31-05-2010, 08:48 AM
والله فيك الخير يا ابو زيد دائما سبااق

محمد عبد الله عبد القادر

اظهر يا عنكبوووووت

اظهر قبل الماسورة تبلعك

تخريمة : بديك ليها بالتلفون - بس




جندينا المجهول

الف مليوووووون وسهلا
الراجل ظهر وبان بحمد الله


بالله انت برضك مشقلب. . .
في سوق جده للمواسير ده ؟ ؟ ؟

بارك الله في مدنية الجابت اخركم

حبيبي فاكرك معاى
مدنيّة
31-05-2010, 09:05 AM
اطالب بنقل المشاركة الي السياسي
تحركات مؤسسة دي عجبتني والله...
ان شاء الله دايما نقدر نفرحكم
يا مريخاب ما قدرنا وكده انتو
وسعادتكم عن طريقنا شوفتي كيف!!!!!

يافخيم
البوست دا شكله كله ح يتنقل للسياسي

قالوا ليك ياخ محمد عبدالله دا متورط شديد خلا في موتوع المواسير دا

وحكموا عليه بتلتاشر سنة سجن
وهسي جارين ليه × الاستئناف ياخ :cool:

-------------------

ياسلام علي السوكرتا ياخ :rolleyes:
ABUZAID
31-05-2010, 11:31 AM
اطالب بنقل المشاركة الي السياسي
تحركات مؤسسة دي عجبتني والله...
ان شاء الله دايما نقدر نفرحكم
يا مريخاب ما قدرنا وكده انتو
وسعادتكم عن طريقنا شوفتي كيف!!!!!



الرجل القامة
السجل التجاري والعلامة

الفخيييم

ياخي اشواقنا بحورات

انا بقترح ينقلو البوست ده لي ( سوق المواسير )

ويخلوه مثبت اساسي اول

سوق مواسير جده . . .
مش بتاع الفاشر

اشواقي
محمد حسين (المميز)
31-05-2010, 12:15 PM
يااخوانا القصة ومافيها
انه ابوزيد عايز قروش من محمد عبدالله

اها محمد عبدالله سمع بسوق مواسير الفاشر
قال يعمل واحد زيه × جدة "وقد كان"


هاهاهاااااااااااي

لكن يا مدنيـّــه لقيتك حيييييييييكومه ماحكومه:p
-----------------------

الزول دا كوووويس وماعنده اي عوووجة الحمد لله



والله كتر خيرك طمنتينــا على الراجـل

انا ماعارف انت ليه مارشحتي نفسـك للرئاسه ليـه:confused::confused:
محمد حسين (المميز)
31-05-2010, 12:17 PM
ياخي حمدا لله على السلامة الظهر ليه خبر


مشكورة اختنا مدنية والله ما قصرتي



وصلة :

ابوزيد امرو ساهل

بس ياربي .! .! .!
المميز والجندي المجهول ديل . . .

برضو داخلين سوق المواسير - جده

وانا ما جايب خبر ! ! !


ما عندنا عندو الا السلام



ياحبيـب انا عن نفسـي فرّيـــــج

لكن الجندي ده من المؤسسين للسوق

لدرجة انه شاكي في انه شريك في السـد:D:p:D
مدنيّة
10-06-2010, 12:11 AM
اها ياابو زيد

سيد السوق وصل
محمد عبد الله عبدالقادر
10-06-2010, 12:17 AM
السلااااااااااااااااااااااااااااام عليكم ورحمة الله
والله بشكر كتييييييير جدا الشباب وناس مدني دوت كوم في السعودية والخرطوم وباقي انحاء العالم اللي سألوا وبحثوا عن اخباري
انا والله تماااااااام التمام ما بين مدني والخرطوم ( والله الفاشر دي بعيني ما شفتها) من الاحد الى الخميس في الخرطوم والباقي في مدني
البلد رغم الحر الشديد جدا جدا لكن سمحه وانا اشيل وامط في الشغل لمن السعودي المعاي بدأ يتالقم الموضوع وجرجرة السودان بقت ليهو عادية وحلوة وبقى هو زاتيو خمسة يوم بجاي واسبوع بهناك.
طبعا حيكون في بوست ( فخيم ) جدا عن الرحلة الامتدت طيله الشهور دي فنتظرونا قريبا خصوصوا وانو شارفت الرحله على النهاية ولكن ستكون هناك سفريات متعددة الى السودان فانتظرونا

الشكر لمدنية لحسن استقبالها بمكاتبهم الفاخره ونصيحة لكل من يرغب في زيارة مدنية شيل معاك قارورة مويه صحة وعير معاك لانك حتقعد لمن ريقك ينشف من النضمي وما يناولوك جغمه مويه والزيارة دي عندها مشاكرة كاملة خاصة بيها

والله ووالله لا شبكته في خيط عنكبوت ولا قعدت جنب شباك حافله والسوق العربي بعيد بعيد
مدنيّة
10-06-2010, 12:24 AM
يامحمد عبدالله
انت عايزهم الاتنين
الفخامة والموية ؟؟!!


مابتجي كدا ياخ

-------------------------
همسة : استاهل انا الطلعتك من السجن بكفالة :mad:
محمد حسين (المميز)
10-06-2010, 01:07 AM
السلااااااااااااااااااااااااااااام عليكم ورحمة الله
والله بشكر كتييييييير جدا الشباب وناس مدني دوت كوم في السعودية والخرطوم وباقي انحاء العالم اللي سألوا وبحثوا عن اخباري
انا والله تماااااااام التمام ما بين مدني والخرطوم ( والله الفاشر دي بعيني ما شفتها) من الاحد الى الخميس في الخرطوم والباقي في مدني
البلد رغم الحر الشديد جدا جدا لكن سمحه وانا اشيل وامط في الشغل لمن السعودي المعاي بدأ يتالقم الموضوع وجرجرة السودان بقت ليهو عادية وحلوة وبقى هو زاتيو خمسة يوم بجاي واسبوع بهناك.
طبعا حيكون في بوست ( فخيم ) جدا عن الرحلة الامتدت طيله الشهور دي فنتظرونا قريبا خصوصوا وانو شارفت الرحله على النهاية ولكن ستكون هناك سفريات متعددة الى السودان فانتظرونا

الشكر لمدنية لحسن استقبالها بمكاتبهم الفاخره ونصيحة لكل من يرغب في زيارة مدنية شيل معاك قارورة مويه صحة وعير معاك لانك حتقعد لمن ريقك ينشف من النضمي وما يناولوك جغمه مويه والزيارة دي عندها مشاكرة كاملة خاصة بيها

والله ووالله لا شبكته في خيط عنكبوت ولا قعدت جنب شباك حافله والسوق العربي بعيد بعيد


حمــــــداللـه عالســلامه يازووول

معقوله بس:mad:

الحكايه شنو يااخ

والله مشتاقين جنس شوك:p

يعني لو ما ماما مدنيه دي ماكان شفناك ولا شنو:confused:


بعدين العنكبوت ده لم فيك وين شربكك ;)


تحيـــــــاتي لوالي القدنبليه:)
محمد حسين (المميز)
10-06-2010, 01:08 AM
الفخامة والموية ؟؟!!


مابتجي كدا ياخ

:mad:



يكونو صايمين تست لرمضــان ولا شنو:confused::confused:

:p:p

انشالله كان تقدمي ليهو شاي بلبن :D;):D



:p:p:p:p:p