بين مدك وجزرك

[منى ليبيا]

رجع حنينك سكن فؤادي
رجع شوقك يقلق منامي
إفتكرت حبك هجر دياري
لحظة غضب غطت سمائي
كبرياء قلب مجروح ملك إحساسي
قلت ريدك محال من تاني يكون مساري
ونظرة عينيك مرفائي وملاذي
مستحيل تكون كل امالي
كيف إنتصرت ......غلبتني؟
رجعتني من تاني ليك
بعد ما افتكرت خلصت حكاية الريد
كيف ارجع احبك من جديد
كيف انسى الاهة وزفرات الانين
وكيف انسى شلالات دموع ذرفت العين
كيف غلبت قلب مليان جراح
خليتو يرسم طيفك في دواخلي
رغم هجرانك
رغم طغيانك ,,,القاك مالكني
سعيدة بيك انا؟
أكيد لا بس كيف اقدر انساه ريدك
اهجر بحر الجراح المغرقني
بين مدك وجزرك
تايهة كايسة ضفة امان تلملمني
من كل الهموم المحاصراني
حأحبك زي اول
حتبقي كل امالي
نجمة تضوي ظلام حياتي
فارس احلامي
لا أكيد لا
وهجرانك هاجس مكبلني
بس وحياتك أصحى في يوم
والقى انو حبك
كانو ما كان يوم مالكني

[كاظم]

تحياتي أختي منى

كتابة غاية في البساطة والصدق

كنص شعري ربما هنالك بعض الملاحظات في مسألة الموسيقى والقافية .. ولكن هذا لا ينقص من جماله الكثير.

شكراً أختي وكوني بعافية دوماً

[محمد الجزولى]

رجع حنينك سكن فؤادي
رجع شوقك يقلق منامي
إفتكرت حبك هجر دياري
لحظة غضب غطت سمائي
كبرياء قلب مجروح ملك إحساسي
قلت ريدك محال من تاني يكون مساري
ونظرة عينيك مرفائي وملاذي


كلمات صادقه تعبر عن مكنون دواخل شفيفه حساسه
وحروف تعكس لواعج الشوق الى المحبوب رغم هجره وبعده
وقلب رقيق تهزه نظره من عين الحبيب
همسه : اوافق الاستاذ كاظم فى ملاحظته
تحياتى اختى منى لكلماتك المعبره

[منى ليبيا]

اعزائي تواجدكما يسعدني

[b.hofy]

تقبلي مرور وعمل جميل..

[ودسمير]

الحب يمدنا بالقوة ويجعل الحياة كما تغنت سعاد حسنى لونها وطعمها بمبى ، ولكن لا والف لا اذا قادنا الحب للضعف امام من نحب فسيشعر الحب بغرور الانتصار وعندها سنعيش دوامة الا عودة !