المساعد الشخصي الرقمي

مشاهدة النسخة كاملة : شمارات ..!!!حوار مثير..



الفخيييم
30-05-2010, 02:07 AM
فضيلة: ما سمعتى يا جابرة.. تيسير بت فاطمة جات حردانة بيت أهلها وما عدت يومين راجلا طوالي رسل ليها الورقة، ما صدَّق.
جابرة: اااى، سجمى، تيسير عروس أمبارح دي ،الله يعلم الرجال ديل بقوا متحيلين ،هي البنت رحيتها ما كملتا.
فضيله: إنتى قايلة عرس الزمن دا عرس.. ما بت حنان برضو طلقوها وسنة ما تمت.
جابرة: دا عرس شنو دا، الرجال ديل جنو وللا شنو، ما بخجلوا، الواحد ما يمسك مرتو، شنو أقل زعل يديها ورقتا.. هو قالوا العرس لعب.
فضيلة: الناس كلها بقت زهجانة واخلاقا في مناخيرا.. أسى دحين يا جابرة أخلى راجلى يطلقنى والله العظيم أبقى ليهو في رقبتو وما بقدر يتفكا وما يفرقنى منو إلا الموت.
جابرة: هن بنات الزمن دا بنات وللا بعرفن للعرس حاجة.. قايلاتنو حفلة ورقيص وأقل مشكلة مع الراجل تجر طوالي بيت أهلا وأهلها بدل مايوعوها ويفهِموها الصاح من الغلط يستلموا على حسابهم.
فضيله: عاد الأهل ما برضوا في بناتم.. أسى إنتى كان جاتك بتك تبكى وقالت ليك راجلى زعلني حاتعملى شنو؟
جابرة: أجى يا يُمة كدي اليزعلها والله إلا أمسحوا من الدنيا ولو جنَّ تانى ما بمسك إيدا ..هم رجال الزمن ديل رجال.. حارسين الضللة لا شغل ولا مشغلة.
فضيلة: عاد إتلومتى يا جابرة كيفنْ ما رجال..أسكتى عاد ما يجى واحد يسمعنا ويورينا الرجالة البي الجد.



تخريمة: منقووول للاستمتاع بالدهشة
الناس دي اغلبها زي جابرة دي!!!!

ahmed algam
30-05-2010, 03:57 AM
هههههههااااااااااااااااااي


والله لكن بالغة اديل كده يالفخيم ياخوي


جنس شمااااارات وحوارت درجه اولي

b.hofy
02-06-2010, 10:28 AM
شماااااااااااااااااااااااااارات .com

سودانية وافتخر
17-06-2010, 02:22 AM
صحي نسوان خخخخخخخخخ شمارات×شمارات

shaima omer
19-06-2010, 08:12 PM
اجى يايمة ياسيدى عارفينى شمارات النسوان كمان جاتنا شمارات الرجال والله لكن قصة واّخرة لسع