انا والليل

[منى ليبيا]

سألت عنك اليل الهادي

قلت ليه لي حبيبا ضاوي نجمه زي نحيمك
زي القمر يوم يهل علينا
كل القلوب الهايمة تحن ليه وكل عاشق يضم وليفه
تفرح بيه القلوب التايهة
تسرح بنوره وتشكي ليه
من فراق الحبايب وكم في قليبها محنة ليهم
وكم زادها بعادم وله وشوق للمسة ايديهم
حبيبا طال بعاده
وعشنا بعده
ليلا طويلا بلا نجوما ولا قمرا يضوي لينا
شال معاه كل المعاني
وسابنا نسرح بالاماني
سابنا نتألم وراه
زادمن شوقنا ليه
وكم في سماك نجما
صغب عليه حال قليبي
تعب عيني وطول سهادي
رد الليل وقال
ليك حبيبا فاق في وصفو كل نجما مضوي لي
زاد في سحرو عن قمر ا ضو ظلام لياليه
قلت ليه
ده حبيبا في جماله
زي ربيعا باهي لونو
زي بدر في ليل سمائي فرح الليالي الوردية
زيزهرف فايحة تعطر كل لياليه
يعبق شذاه يعم الكون بحاله
حتى الزهور غارت من شذاه
رد الليل وقال
حتى النجوم غارت غابت عن سماية
وحتى القمر زعل قال
ده محال يكون حبيبها
ده وصف فوق الخيال
قلت ليه ليه بتزعل من زولا فاق جماله نورجمالك
من زولا فاق في سحره كل سحر طاف خيالك
ده حبيبي ونور عينية
حتى لو غبت ياقمر يبقى نوره مضوي ليا
حتى لو غبت يانجم يبقلى نجمو مضوي دربي ونور عينية

[ود سعدابى]

تسعدينا بحروفك المتوهجة


والماسكة بين ايديها النجوم الملونة والأقمار الصديق


شواهد الأحلام ولوحة الأيام


شكرا يا منى ليبيا

وليك المنى الطيب


ود سعدابى

[محمد الجزولى]

حتى لو غبت ياقمر يبقى نوره مضوي ليا
حتى لو غبت يانجم يبقلى نجمو مضوي دربي ونور عينية


شكرا اختى منى على هذه الكلمات الفرايحيه
واجمل ما فيها انها اتت متحلله من قيود القافيه
فاتت تحمل كل الجمال والصدق
تقبلى مرورى

[منى ليبيا]

ود سعدابي
الاخ محمد
وجودكما يسعدني دوما

[ودسمير]

ربنايخلى ليك حبيبك ويكون ديما قريبك
حتى لو ما اجمل من القمر ..
وضلو ما ذى ضل الشجر ..

[منى ليبيا]

شكر اخي ود سمير كلمات صغتها عند غياب ابو اولادي في الغربة
اطال الله في عمره فقد كانت اول مرة يبتعد فيعا عنا

[عبدالحفيظ]

اارائعة دوما منى
لكى كل الود والاحترام وانت تجملين هذا المنتدى بهذه التعابير الجميلة

تخريمة
الله ايدينا زى الحبيب ده

[ابو عبد الرحمن]

شكر اخي ود سمير كلمات صغتها عند غياب ابو اولادي في الغربة
اطال الله في عمره فقد كانت اول مرة يبتعد فيعا عنا

ما اجمل الوفاء لاهل الوفاء ، اختي مني
والله انها لمفخرة لك هذا الوفاء ,,,, ودمتي