خسارة بالخمسة للمنتخب السوداني ..

[ايمن عبد الله]

الناس في شنو ونحن في شنو ؟

منتخبنا التعبان قال بحضر في نفسه بالمباريات الودية .. التي بدأت بالمنتخب الفلسطيني الضعيف والذي تعادل معه منتخبنا الأضعف بهدف مقابل هدف ..

ولكن عندما قابل المنتخب السوداني الضعيف فريقاً يعتبر عادياً جداً بالنسبة للناس العندهم منتخبات (ولكن بالنسبة لنا قوياً) المنتخب التونسي خسرنا بالخمسة رغم ان التونسي لعب ناقصاً وفاقداً لكثير من اعمدته الاساسة .. على الرغم من ان المنتخب السوداني عندما كان في قوته هزم التونسي بالثلاثة .. وخسر في تونس بهدف عكسي ..

خسر المنتخب السوداني بعد أن شلعه سيئ الذكر المدرب القبرصي قسطنطين وجعله مسخاً مشوهاً وطارداً للاعبين برعاية الاتحاد العام.


وأمس أطلعنا على خبر إبعاد علاء الدين يوسف عن المنتخب بحجة عدم مصافحة رئيس الاتحاد العام وإصراره على ركوب عربة الإداريين وترك البص المخصص للاعبين.. وهذا الاتهام شبيه بالاتهام السابق الذي وجه ضد اللاعب قلق الذي جهجهوه بالمحاسبة والعقاب والإيقاف، أما علاء الدين فلن يسأله أحد ولن يعاقبوه لأنه لاعب في الهلال، بل أراحوه لأن الإبعاد عن المنتخب يعتبر مكافأة للاعبي هذا الزمن!!


ومن قبل كافأوا أحد لاعبي الهلال بالإبعاد عن المنتخب بعد أن خدع إدارة المعسكر وخرج ليرتكب جريمة أخلاقية بضواحي بحري وتم ضبطه بواسطة الشرطة فبدلاً عن إيقاف اللاعب لعام أو عامين بعد أن كذب على مدير المعسكر وخرج ليرتكب فعلاً مشيناً أدخله مخافر الشرطة كافأوه بالإعفاء عن دخول المعسكر وتركوه ليلعب مع ناديه!!!!

[الفخيييم]

يا وصيفابي شكلو كده الحبتين
أثروا عليك شديد الكورة انتهت
6/2 للمنتخب التونسي وليست
خماسيه شكلك كده لسه متأثر
بكتابات اعلامكم السالب وتخاريف
ابو شيبة اعمل نايم يا مضروب
واركزوا لسه المشوار طويل
وانتبهوا لحال فريقكم خلونا
من محاباة واوهام لا تسمن ولا تغني!!!


تخريمه: نحن اسياد بلد نقعد نقوم
علي كيفنا ونكرم وصيفنا ..
حبتين كل سته شهور ولا كلمه ...

[روبش]

الحبيب ابو أسيل
اديك العافيه ...
كنت ماشي كويس في الكتابة شايفك عرجت وتحدثت عن الهلال مع العلم أنو الموضوع خاص بالفريق القومي، لكن معذور زي ما قال اخونا الفخيييم الظاهر الاثنين تأثيرها ومفعولها للان ملازمك ...
اذا كانت ده وطنيتنا يا ايمن المتمثلة في كتابة موضوعك . هل تعتقد انو يوما ما نقف ونردد النشيد الوطني حتى نزرف الدموع .. لا اعتقد اخي ايمن ..
إن لم تنصلح وطنيتنا ... لا نعشم في فريق وطني قوي

[tito_santana]

عايره وادووها 6 سيطان ... تهئ تهئ تهئ احب العنقريب المكسور

[الجندي المجهول]

في اغنية هابطة جداً قبل فترة كانوا شغالين ليها في الجرايد اسمها ( وراء وراء وراء ) بهديها لمنتخبنا القومي وشكلوا ماشي بالتعلميات ( للخلف سر )

تخريمة : كنت امس بحضر في كورة البرازيل وساحل العاج بصحبت الاخوان ( محمد ابو زيد - معتز الريح - المميز ) والله والله زول جاب سيرة الكورة دي مافي (ولا حتى في ليها اعلان ) وانا عرفت نتيجتها اليوم الصباح بالصدفة وعرفت انها ( 6) نصف دستة من الاهداف ،،،،،،

لحن الختام : كل ماشي غلط في السودان وعشان نمشي صاح لا بد من حاجتين

(1)نهتم بالادارة في كل شئ بدون محاباة (2) نبطل سرقة شوية ونختشي على دمنا ( دا لو اصلا فضل دم )

تلحيقة : زمن مازدا كنا بناخد (3)
هسع زمن التايوتا (الياباني) بقينا ناخد (6) ما قلت ليكم انحنا ماشين للاحسن بسرعة الف

معادلة صغيرة :
الياباني = مازدا * 2
أذا مازدا = الياباني ÷ 2
اها كيف بالله ،،،

[moh_alnour]

هل تعتقد انو يوما ما نقف ونردد النشيد الوطني حتى نزرف الدموع .. لا اعتقد اخي ايمن

صدقت يا روبش ، نزرف الدموع في الغربة عندما نسمع نشيدنا الوطني يُعزف في المحافل الرياضية و السياسية
و تخنقنا العبرة عندما نرى هبوطنا المدوى في رياضتنا و سياستنا و نكاد نزرف الدموع على ما آل عليه حالنا
لك الله يا وطن
يا أيمن يا أخوي أنت في شنو و الحسانية في شنو ؟
و الله لو كُنتا مسئول كان عملت زي رئيس ساحل العاج قبل أربع سنوات و رميت كل اللعيبة ديل في السجن و حليت المنتخب القومي نهائي :mad:

[الفخيييم]

يا جندينا لسة مصر لدعم
ملف كاس العالم ؟؟؟؟
كدي خلينا ندعم منتخبنا
بلعيبة قادرون علي مقارعة
الصومال وجيبوتي والفشقة
والقلابات بعداك نفكر في دعم
ملفات بطولات نحن بعيدون عنها
كل البعد ياخ شوفت لعيبتنا كيف
غباء مبالغه لا تغطيه جيده ولا
احساس بالانتماء ولا تقدير مسئولية
فاقدي لكل مقومات اللاعب المثالي!!!

[النويري]

والله أنا شايف دي قلت شغلة ياخي مصر ما قادرة تتأهل لي كأس العالم منتخبات كبيرة مثل ساحل العاج وجنوب أفريقيا ونجيريا بتطلع من الدور الأول وما قادرة تعمل حاجة غباء لرجل أفريقي المريض بتتكلموا عن السودان كأنو بلد دا حال كورة ممكن تمثل السودان ولو بعد مائة عام ياخي خليكم في البرازيل والأرجنتين أنسونا من الكورة السودانية دي كم مرة قلت ليكم مواضيعكم ما منها نفع هلال مريخ وسودان صحيح الإختشو ماتو

[الجندي المجهول]

والله أنا شايف دي قلت شغلة ياخي مصر ما قادرة تتأهل لي كأس العالم منتخبات كبيرة مثل ساحل العاج وجنوب أفريقيا ونجيريا بتطلع من الدور الأول وما قادرة تعمل حاجة غباء لرجل أفريقي المريض بتتكلموا عن السودان كأنو بلد دا حال كورة ممكن تمثل السودان ولو بعد مائة عام ياخي خليكم في البرازيل والأرجنتين أنسونا من الكورة السودانية دي كم مرة قلت ليكم مواضيعكم ما منها نفع هلال مريخ وسودان صحيح الإختشو ماتو

حبيبنا النويري عن نفسي انا اتحدث عنها بالنقد الهادف البناء ولن اتغزل فيهم ابدا لان ليس فيهم ما يدعوا للغزل وساظل انتقد وانتقد حتى نصل للاحسن

لاننا لو سكتنا سنجد ان احوالنا يديرها ( شداد ، مزمل ابو القاسم ، الرشيد على عمر، رمضان السجمان ، بالاضافة للدخلاء الوالي وصلاح الدريس) لازم نعمل كشة لهولاء القوم الذي لهم مصالحهم واجندتهم الخاصة ..

السودان وبس اي زول عندو بزنس يمشي محل البزنس ولا يلطخ اسم السودان بالعار الذي ابتلاه به رب العاليمن

السودان للسودانين وبس ؟

حرامية
مرتزقة
ماج1ورين
سدنة
لصوص
ابدا ما معانا
وحتما ستشرق اشمس يوما ما

وستذهب القاذورات إلى المذبلة

[روبش]

السودان للسودانين وبس ؟

مقوله حلوه اخي الجندي المجهول بس نسيت أهم حاجة ( لعبة الكراسي ) وده مصيبتنا

[مرتضى التوم]

لك الله يا وطنى

[ايمن عبد الله]

يا وصيفابي شكلو كده الحبتين
أثروا عليك شديد الكورة انتهت
6/2 للمنتخب التونسي وليست
خماسيه شكلك كده لسه متأثر
بكتابات اعلامكم السالب وتخاريف
ابو شيبة اعمل نايم يا مضروب
واركزوا لسه المشوار طويل
وانتبهوا لحال فريقكم خلونا
من محاباة واوهام لا تسمن ولا تغني!!!


تخريمه: نحن اسياد بلد نقعد نقوم
علي كيفنا ونكرم وصيفنا ..
حبتين كل سته شهور ولا كلمه ...

والله يا الفخيم .. طبعا بعد التحية .. انا ياخ قايلا انتهت على الخمسة .. لاني بعد الخامس ما قعدت تاني .. هي بالله وصلت ستة نص دستة .. لله درك ياوطن

ده كلام شنو ؟؟

لكن والله يا الفخيم سطرين ابوشيبة ديل جننك في راسك عديل كده ..

وبعدين حبتين شنو البعمل فيني حاجة ... هي الثلاثة ياحلاته ما عملن حاجة يجن الجوز ديل يسون شي باقيلك .. خسوسا انو واحد فيهم جايبو لاعب مهدد بالشطب .. والله لكن علم ..