المساعد الشخصي الرقمي

مشاهدة النسخة كاملة : فضلا لا تقرا هذا البوست


الجندي المجهول
20-06-2010, 09:57 PM
هل تصدق أن سعر كيلو الطماطم في طريقه ليصل سعره إلى ( 20 الف بالقديم ) 20 جنيه بالجديد ؟

بختها الطماطم بقت زيها زي التفاح ؟

سؤال مباشر : الخريف وصل ورمضان على الابواب هل تعتقد ؟
1/ سعر الطماطم سيصل إلى
(أ) 30 الف
(ب) 40 الف
(ج) 50 الف ( وإلا بواسطة) ؟

معقولة يا انقاذ ؟

حد يفتي لينا هذه الزيادة في سعر العروسة (الطماطم ) ؟

تخريمة : ولا زلت مصرا على قيام كاس العالم 2030 م في السودان ......

لحن الختام : لو دامت لغيرك لما آلت إليك

وتلك الايام نداولها بين الناس

الدهر يومان يوم لك ويوم عليك

صحي الايام بتدول

ويا يوم بكرة ما تسرع ( عليك الله تعال جاري جاري)

وفي بالي اضراب الاطباء ....

ودمتم ،،،
النويري
20-06-2010, 10:23 PM
جندينا صباحك طماطم

كن على يقين أنو رمضان شهر خير وبركة ومعاهو بتجي الخيرات كثيرة وبكرة الطماطم بتبقى بي جنية واحد إنشاء الله بس في مشكة اليومين ديل وأنت عارف نحن ما عندنا رقابة على السلع بجي المزارع وبتمنى لا في إدارة في السوق ولا جهاز رقابة وكل واحد شغال على كيفو بلد هايصة في الهقايص لكن أديك نصيحة في السودان في سلعتين أو تلاتة مهما غلا ثمنها فمصيرها إلى أرخص الأسعار المنقة والطماطم والموز سبحان الله

بدايات النهايات : بعد ما تم الإنتهاء من دمار مشروع الجزيرة كل شيء بقى في تولة
تخريمة : سمعت أنو قلق حا يحترف في فولسبورغ أكد صحة الخبر أو أنفيه هههههههه
ahmed algam
20-06-2010, 10:26 PM
اسعار الطماطم في زيادة مستمرة



ولسة زايدة اكتر واكتر


بس املنا انو رمضان شهر الخير والبركة
بنت الرفاعي
20-06-2010, 10:26 PM
:eek::eek::eek::eek:
!!!!!!!!!!!!!!!!!!!
الجندي المجهول
20-06-2010, 10:31 PM
جندينا صباحك طماطم

كن على يقين أنو رمضان شهر خير وبركة ومعاهو بتجي الخيرات كثيرة وبكرة الطماطم بتبقى بي جنية واحد إنشاء الله بس في مشكة اليومين ديل وأنت عارف نحن ما عندنا رقابة على السلع بجي المزارع وبتمنى لا في إدارة في السوق ولا جهاز رقابة وكل واحد شغال على كيفو بلد هايصة في الهقايص لكن أديك نصيحة في السودان في سلعتين أو تلاتة مهما غلا ثمنها فمصيرها إلى أرخص الأسعار المنقة والطماطم والموز سبحان الله

بدايات النهايات : بعد ما تم الإنتهاء من دمار مشروع الجزيرة كل شيء بقى في تولة
تخريمة : سمعت أنو قلق حا يحترف في فولسبورغ أكد صحة الخبر أو أنفيه هههههههه

النويري حبيبنا صباحك سلطة كاملة بالدكوة

نتعشم في رمضان خيرا كثيرا ( والله كريم ) وربنا يسهل

رد التخريمة : لا يوجد لاعب في السودان يستحق الاحتراف خلي قلق ( بتاع الشيشة دا ) خليك مع التانجو وقرض على كدا
الجندي المجهول
20-06-2010, 10:32 PM
اسعار الطماطم في زيادة مستمرة



ولسة زايدة اكتر واكتر


بس املنا انو رمضان شهر الخير والبركة

ود علقم صباحك خير وسعادة

نسال الله السلامة واكيد شهر الخير قريب ( لكن اها بس حا نقعد نحرس رمضان دا كدا والان ما هو الحل )
الجندي المجهول
20-06-2010, 10:34 PM
:eek::eek::eek::eek:
!!!!!!!!!!!!!!!!!!!

ان اكمان كمية من الوشوش
توزيعها كالاتي :
وش محتار
وش مندهش
وش محمر زي الطماطم
وش مبتسم وراضي بما اراد الله والحمد لله
الفخيييم
20-06-2010, 10:34 PM
كنت في اجازة قصيرة قبل
سته اشهر وارتفعت اسعار
الطماطم بصورة كبيرة اغلي
من الفاكهة شيئ يثير الدهشة!!!


تخريمه: سمعنا بيتعزز الليمون
لكن تتعزز الطماطم دي جديده!!
لو ملفك ده اتفعل يا جندينا
سوف ترتفع اسعار الطماطم والعرديب
بصورة اكبر خلينا كده احسن!!!
عايز لي ليمونة حامضة ابلع بيها
البوست ده يا جندينا !!
المواطن يعاني في جميع الجبهات
لله درك يا مواطن في زمن ارتفاع
اسعار الطماطم وانعدام الدهشة!!
الجندي المجهول
20-06-2010, 10:39 PM
كنت في اجازة قصيرة قبل
سته اشهر وارتفعت اسعار
الطماطم بصورة كبيرة اغلي
من الفاكهة شيئ يثير الدهشة!!!


تخريمه: سمعنا بيتعزز الليمون
لكن تتعزز الطماطم دي جديده!!
لو ملفك ده اتفعل يا جندينا
سوف ترتفع اسعار الطماطم والعرديب
بصورة اكبر خلينا كده احسن!!!
عايز لي ليمونة حامضة ابلع بيها
البوست ده يا جندينا !!
المواطن يعاني في جميع الجبهات
لله درك يا مواطن في زمن ارتفاع
اسعار الطماطم وانعدام الدهشة!!

حبيبنا الفخييييييييييييييم
بس ارفع معي يدك للسماء وندعوا الله بالرخاء لهذا الشعب الذي عانى ولا زال يعاني

تخريمة : انا في راي الشخص انك تاجل موضوع العرس دا شوية خلي سعر الطماطم ينزل وبعداك ( التلج علي انا بس انت شوف البكسرو منو)

لحن الختام : بالامس شاهدت مباراة البرازيل وساحل العاج بصحب الحلوين ( ابوزيد - معتز الريح - المميز) وزعلت لحركاتن الحكم الفرنسي ( الوضيع ) وكذلك المعلق التعبان ( الكعبي) ونمت زعلان جدا من هذه الهزيمة .
وبالصدفة وانا داخل إلى الشركة اخبرني بنتيجة مباراة السودان وتوس واحد سوادني في نفس المبني وبامانة (انحنا) والله كلنا ما عارفين السودان لاعب وقال لي النتيجة انتهت 6/2 لتونس والمبارة كانت بالخرطوم ( قلت في سري ناس تونس ديل ما عندهم شغلة ساكت ) ب
سؤال ماهي علاقة شداد بالطماطم ؟
تغريدا
21-06-2010, 01:41 AM
هل تصدق أن سعر كيلو الطماطم في طريقه ليصل سعره إلى ( 20 الف بالقديم ) 20 جنيه بالجديد ؟

بختها الطماطم بقت زيها زي التفاح ؟

سؤال مباشر : الخريف وصل ورمضان على الابواب هل تعتقد ؟
1/ سعر الطماطم سيصل إلى
(أ) 30 الف
(ب) 40 الف
(ج) 50 الف ( وإلا بواسطة) ؟

معقولة يا انقاذ ؟

حد يفتي لينا هذه الزيادة في سعر العروسة (الطماطم ) ؟

تخريمة : ولا زلت مصرا على قيام كاس العالم 2030 م في السودان ......

لحن الختام : لو دامت لغيرك لما آلت إليك

وتلك الايام نداولها بين الناس

الدهر يومان يوم لك ويوم عليك

صحي الايام بتدول

ويا يوم بكرة ما تسرع ( عليك الله تعال جاري جاري)

وفي بالي اضراب الاطباء ....

ودمتم ،،،

جندينا نهارك سعيد بزعل جداً لما أسمع الأخباردى يعنى الطماطم دى بالذات بتدخل فى جميع أنواع أكلاتنا؟
أسأل الله أن يتلطف بعباده وبتمنى العروسة دى تكتر لما تبور
حنونة.
21-06-2010, 03:00 AM
كرمبو تحياتى ياخى عادى بالزبادى ارتفاع الاسعار بشكل مبالغ بس اليومين ده نحن مخاصمين الطماطم بسبب انو اليومين دى فيها سماد وصفراء وبتسبب نزلات معوية والصلصة راقدة فى الدكان سبب وجيه، اما بخصوص رمضان اليومين دى النسوان ماخالن بصل فى السوق
الجندي المجهول
21-06-2010, 03:55 AM
جندينا نهارك سعيد بزعل جداً لما أسمع الأخباردى يعنى الطماطم دى بالذات بتدخل فى جميع أنواع أكلاتنا؟
أسأل الله أن يتلطف بعباده وبتمنى العروسة دى تكتر لما تبور

يعني نعمل شنو كل دول العالم بتدعم سلعها عشان ما تزيد انحنا لا بنعدم ولا نحافظ على السعر والضرائب التيب ندفعها لا توجد قصادها اي خدمات

سوري والله في خدمات

والخدمات هي زيادة الاسعار في كل شئ

نسال الله الرحمة ،،،،،،،،،


تخريمة : تسبب ارتفاع سعر الطماطم في تاجيل زواج اخونا الفخيييييييييييييم

لو كانت الطماطم رجلا لقتلتها

ولا عزاء للدكوة

بس وروني الدكوة تاني تفرد منو وتخلط منو وتتونس مع منو ( إلا تحت تحت كدا مع البصل ) في شكل سخينة وكدا
الجندي المجهول
21-06-2010, 04:03 AM
كرمبو تحياتى ياخى عادى بالزبادى ارتفاع الاسعار بشكل مبالغ بس اليومين ده نحن مخاصمين الطماطم بسبب انو اليومين دى فيها سماد وصفراء وبتسبب نزلات معوية والصلصة راقدة فى الدكان سبب وجيه، اما بخصوص رمضان اليومين دى النسوان ماخالن بصل فى السوق

هلا بتنا حنونة
بالله الصحة دي اهم شي طماطم واحدة ما تخش البيت وخاصة ان الاطباء الايام دي مضربين ما عاوزين تسمم وغسيل اموال ( اسف ) قصدي غسل معدة وكدا

البصل براهو وفي كمان الفتريتا والابري الاحمر + الابيض واشياء اخرى

تخريمة : اجمل ايام حياتي وانا صغير الايام التي تسبق شهر رمضان والتي يتم فيها تجهيز الابري واشياء اخري ( لو الزمن يرجع مرة ) كل الجيران والخالات ووالدتي ( اطال الله في عمرهم ) يكونوا مجتمعين للعواسة ( والكوجين) وانحنا مبسوطين ومشغولين باللهو البرئ ( وتحياتي القلبية للانقاذ وما جاورها)