القانون يحرمنا ويحرم غانا من التأهل (تنظير )

[مهيد ود السفاح]

بالامس خرجت غانا وحزنت كل افريقيه
ومنبع الحزن الكبير يعود الى ان الفرصة كانت مواتيه لبلوغ غانا لدور الاربعه قبل بداية المباراة
حيث ان المنافس ليس هو بالخصم القوي والعنيد الذي لا يهزم , فعشنا على امل الفوز ووجود ممثل لافريقيا في دور الاربعه كأنجاز لم يسبق تحقيقه , وزاد الامل ان انتهى الشوط الاول بهدف للنجوم السوداء , ووصل الامل قمتة بضربة جزاء في الدقيقه 121 من الشوط الرابع , فبأحراز جيان اسامواه لضربة الجزاء يكون الحلم حقيقه , ولكن خاب الامل , وضاعت ضربة الجزاء واضاعنا معها ضربتين لتخرج غانا وافريقيا وبشرف كبير جداً .

المقدمه كان لابد منها , عشان اقول وانظر , لان التنظير اليومين دي غير مكلف وما فيه فاتورة ابداً .
يعني انا عايز انظر شويه .
الحكم حسب ضربة جزاء لغانا لان لاعب الاورغواي اخرج الكره بيده وهي ماشه القون ماشه القون , والقانون يعاقب بضربة جزاء وطرد اللاعب المتسبب في فيها بالطريقه دي ( كورة ماشه القون 100% تطلعها بيدك ) , اها اسمحوا لي اقول انو القانون فيهو ثغره , فالعقاب ضربة جزاء وطرد وانتهى الامر , زي ما حصل امس مع غانا , لكن الفايده شنو لي للفريق انو يلعب ضربة جزاء ويطرد لاعب الخصم , من الممكن انو الضربة تضيع وبرضو زي ما حصل امس , وبكده يكون ضاع المجهود بألغاء الهدف المضمون بأخراج الكره باليد , ونظريتي هنا بتقول ( في حالة ان لاعب يستعمل ايدو لاخراج كره وهي في طريقها للشباك زي حالة امس يحسب الهدف ويطرد اللاعب المتسبب فيها , ويكون الامر تقديري للحكم ومساعديه في تحديد هل كانت الكره هدف لولا استعمال اليد ام لا , فأذا قدر الحكم ان الكره هدف مؤكد وتم ابعاده يطبقوا نظرية مهيد دي , ولو غير ذلك اطبقوا قانون بلاتر )

عارف نفسي بنظر نظريات زول حارقو الغلب ساي
لكن بالجد انتو رائكم شنو ؟؟؟

[ابو عبد الرحمن]

بالامس خرجت غانا وحزنت كل افريقيه
ومنبع الحزن الكبير يعود الى ان الفرصة كانت مواتيه لبلوغ غانا لدور الاربعه قبل بداية المباراة
حيث ان المنافس ليس هو بالخصم القوي والعنيد الذي لا يهزم , فعشنا على امل الفوز ووجود ممثل لافريقيا في دور الاربعه كأنجاز لم يسبق تحقيقه , وزاد الامل ان انتهى الشوط الاول بهدف للنجوم السوداء , ووصل الامل قمتة بضربة جزاء في الدقيقه 121 من الشوط الرابع , فبأحراز جيان اسامواه لضربة الجزاء يكون الحلم حقيقه , ولكن خاب الامل , وضاعت ضربة الجزاء واضاعنا معها ضربتين لتخرج غانا وافريقيا وبشرف كبير جداً .

المقدمه كان لابد منها , عشان اقول وانظر , لان التنظير اليومين دي غير مكلف وما فيه فاتورة ابداً .
يعني انا عايز انظر شويه .
الحكم حسب ضربة جزاء لغانا لان لاعب الاورغواي اخرج الكره بيده وهي ماشه القون ماشه القون , والقانون يعاقب بضربة جزاء وطرد اللاعب المتسبب في فيها بالطريقه دي ( كورة ماشه القون 100% تطلعها بيدك ) , اها اسمحوا لي اقول انو القانون فيهو ثغره , فالعقاب ضربة جزاء وطرد وانتهى الامر , زي ما حصل امس مع غانا , لكن الفايده شنو لي للفريق انو يلعب ضربة جزاء ويطرد لاعب الخصم , من الممكن انو الضربة تضيع وبرضو زي ما حصل امس , وبكده يكون ضاع المجهود بألغاء الهدف المضمون بأخراج الكره باليد , ونظريتي هنا بتقول ( في حالة ان لاعب يستعمل ايدو لاخراج كره وهي في طريقها للشباك زي حالة امس يحسب الهدف ويطرد اللاعب المتسبب فيها , ويكون الامر تقديري للحكم ومساعديه في تحديد هل كانت الكره هدف لولا استعمال اليد ام لا , فأذا قدر الحكم ان الكره هدف مؤكد وتم ابعاده يطبقوا نظرية مهيد دي , ولو غير ذلك اطبقوا قانون بلاتر )

عارف نفسي بنظر نظريات زول حارقو الغلب ساي
لكن بالجد انتو رائكم شنو ؟؟؟


والله يا اخ ايمن نعم نظرية لكنها واقعية ومفترض تنفذ ويكون قانون ساري
المفعول ،، لانو كل المعطيات تبين صدق كلامك ،، كما حصل بالامس الكورة هدف
مائة بالمائة ،، وحسب ظني كمان انها تعدت خط المرمي يعني هدف ،،
ففي هذه الحالة ،،، خرج فريق مستحق ودخل فريف في الاصل مهزوم ،،
فكيف تستقيم المعادلة ،،،،،،،،،،،، شكرا على النظرية الواقعية اخي ايمن

[الجندي المجهول]

حبيبنا مهيد تحياتي واشواقي يا حبيبنا ،،
انها المجنونة ،،،، وقرض على كدا


تخريمة : اظنك مخطئاً لو انت فاكر ان من هزم غانا هو الاورغوي لا يا باشا فامس غانا لبعت ضد ( ابو عبد الرحمن ومدنية وعلقم واخرون) وهولاء هم من هزم غانا هع هع هع كع كع كع

مع الصفارة : جيان لما جا يشوت ضربة الجزاء ( عمتك ركزت معاهو شديد ياخ ) معقولة (لامك ياخ )

[مدنيّة]

حبيبنا مهيد تحياتي واشواقي يا حبيبنا ،،
انها المجنونة ،،،، وقرض على كدا


تخريمة : اظنك مخطئاً لو انت فاكر ان من هزم غانا هو الاورغوي لا يا باشا فامس غانا لبعت ضد ( ابو عبد الرحمن ومدنية وعلقم واخرون) وهولاء هم من هزم غانا هع هع هع كع كع كع

مع الصفارة : جيان لما جا يشوت ضربة الجزاء ( عمتك ركزت معاهو شديد ياخ ) معقولة (لامك ياخ )

اها يالجندي
واحد زي السسسسسسسسسسسسسم "مولر"

انا هسي بشجع اللعبة الحلوة وبث

[نجيب عبدالرحيم]

يا مهيد القانون ظالم جداً
كنا نتناقش امس في هذا الموضوع واكد الجميع يجب إحتساب الهدف
لان الكرة في طريقها إلى المرمى واللاعب منع هدف مائة في المائة
لأن ضربة الجزاء في علم الغيب يمكن أن تصد من حارس المرمى أو يطيح بها اللاعب خارج المرمى
أو يتكفل القائم بصدها كما حصل مع جيان أسامواه وأضاع على غانا تحقيق إنجاز غير مسبوق
تحياتي

[ايمن عبد الله]

تحياتي للجميع ..

يا مهيد قبل كده سمعت في لقاء مع حكم سابق نسيت اسمه والله لكن حصل ليه موقف مشابه لحالة غانا .. وكان تصرف الحكم انه غير اتجاه يده بسرعة جدا من علامة الجزاء الى وسط الملعب ثم احتسب هدف وطرد اللاعب .. دي حالة حقيقية لكن الاختلاف ان اللاعب لم يخرج الكرة تماما بل غيرت اتجاهها الى داخل الشباك لعل الكرة كانت قوية بعض الشي ..

واليوم سمعت ان هنالك اتجاه في الاتحاد الدولي لتغيير القانون .. يعني قانونك ده ممكن يتعمل يا مهيد وفي حالة زي دي حقو تسجل براءة اختراع عشان حقك ما يضيع وكده يعني ..

[مهيد ود السفاح]

يا مهيد القانون ظالم جداً
كنا نتناقش امس في هذا الموضوع واكد الجميع يجب إحتساب الهدف
لان الكرة في طريقها إلى المرمى واللاعب منع هدف مائة في المائة
لأن ضربة الجزاء في علم الغيب يمكن أن تصد من حارس المرمى أو يطيح بها اللاعب خارج المرمى
أو يتكفل القائم بصدها كما حصل مع جيان أسامواه وأضاع على غانا تحقيق إنجاز غير مسبوق
تحياتي
استاذ نجيب
المشكلة في المجهود الضائع فعلاً , فلو كان الفيفا يريد الانصاف فاليعدل من قوانينه
القانون ده ضيع قارة في لقاء غانا
ولك احترامي

[مهيد ود السفاح]

تحياتي للجميع ..

يا مهيد قبل كده سمعت في لقاء مع حكم سابق نسيت اسمه والله لكن حصل ليه موقف مشابه لحالة غانا .. وكان تصرف الحكم انه غير اتجاه يده بسرعة جدا من علامة الجزاء الى وسط الملعب ثم احتسب هدف وطرد اللاعب .. دي حالة حقيقية لكن الاختلاف ان اللاعب لم يخرج الكرة تماما بل غيرت اتجاهها الى داخل الشباك لعل الكرة كانت قوية بعض الشي ..

واليوم سمعت ان هنالك اتجاه في الاتحاد الدولي لتغيير القانون .. يعني قانونك ده ممكن يتعمل يا مهيد وفي حالة زي دي حقو تسجل براءة اختراع عشان حقك ما يضيع وكده يعني ..
للانصاف لابد من تغيير القانون
يعني ان تمنع هدف اكيد بنسبة 100% وتعيد الاحتمالات لنسبة 50% ظلم كبير
وكل لاعب عاقل مفروض يطلع الكره بيده ويستغل القانون وبعدها ينتظر حارس مرماه , لانو في الاولى هدف اكيد والتانية نحن وحظنا .

تخريمة : يكون الحكم القاصدو انت ده ( سكابيسو )

[ايمن عبد الله]

تخريمة : يكون الحكم القاصدو انت ده ( سكابيسو

لا بطانية .. عرفتو ؟