المنتدي الرياضي حصريا لعاشقي الماكينات والهلالاب(سواح ــ معتز الريح ــ الفخييييم)!!!

[الفخيييم]

من هنا وانتو ماشين لحدي نهاية
المونديال لا تانجو ولا ديجانغو
ونحن عارفين اغلب الاعضاء
عشاق للارجنتين والبرازيل
لكن عاملين نايمين الا ابو عبدالرحمن
حبيبنا وشجاع واعترف انو برازيلي
يشمت في الارجنتين وده انتماء حقيقي
التحية للكابتن ابو عبد الرحمن ..
والهلالاب برضو انتو عارفين السبب
ولا اجيب ليكم كاريكا ومهند!!!

[معتز الريح]

فخيمنا ألف مبروك للمرسيدس ..
----------------------------------
شمار الجندي وعماليو كلها عندي
خلي يفوق من الصدمة وبعدين برشو ..
بس ما برشو أربعة عشان ما يطلع يخلي المنتدى ..

[مدنيّة]

غايتو مبروك عليكم
لكن لو علي انا كان الفريقين يطيروا بالحكم زاتووووووووووووووووووو

[همسة شوق]

والله انا من عشاق ومجانين السيليساو اسياد الكورة
ولا بدسها شمتان عدييييييييييييييييييل كدة فى اولاد ماردونا
وبعد الاربعة دى ما عارف اسمو منو زاتو مرضونا ولا مغصونا

[مدنيّة]

المنتدي الرياضي حصريا لعاشقي الماكينات والهلالاب(سواح ــ معتز الريح ــ الفخييييم)!!!



يا الفخيم ماتحسب معتز دا معاكم طوالي كدا
انا غايتو بضمنه ليك لمدة ثانيتين ، الثانية التالتة ما بجازف

[الجندي المجهول]

افخر وافتخر واحس بزهو واحس بنفسي كبير جدا جدا وانا اشجع الارجنتين واتنفس التانجو

مثلما كتب فضل الله محمد ولحن وغنى ابو اللمين بتتعلم من الايام مثلما يداعب ماردونا ورفاقه الكرة بكل الق وبكل اريحية يضع في باطن رجله او بكعب رجله مثلما يمرر محمدية ريشته على اوتار الكمنجة او تداعب انامل سعد الدين اصابع الاورغن يضعها ميسي بين رجليه تجري نحوه تحتضنه بلهفة وشوق !!!
النقول ليكم النصيحة ،،،،

الما شاهد ماردونا احسن امشي يشتري ليهو شريط لماردونا ويتفرج فيهو ( حتي يعرف ) نوعية من انواع ( السحر الحلال) وبس

تخريمة :

والله يا احمد علقم صوتك ازاح عني الهم ومكالمتك تعني لي الكثير يا راقي كم اتمنى ان التقيك على العموم ( وعد مني) اقرب زيارة للسودان انت معزوم (حفل لي ابو اللمين) اتمنى من الله ان يمد في عمره وعمرنا ونلتقي يا ( جدع) .....

[بنت الرفاعي]

الجندي يا أخوي إن شاءالله بقيت كويس؟؟؟:)

الحمدلله الكورة خلِّيناها زمااااااااااااااان من ما خلِّينا اللعب (آي كنا بنلعب;))
وكنا بنشجع أفضل فريق في العالم ( برضو زمان)، لكن تاني كلو طار وبقينا ما بنعرف ولا بنفقه شيئاً، (لكن لو لقينا لعبة حلوة بنحضرها وبنشجعها).
والحمدلله خليناها علشان ما يجينا ضغط وسكري وبالذات من ناس........... ولا أقول مافي داعي للمشاكل أحتفظ بالباقي لنفسي.;)
غايتو خلينا ليكم أختي مدنيّة تشجع معاكم:rolleyes::D:p.

بس مكاواتكم حلوة (ومرّات كدة غيّاظة;)).