جمهور هلال مريخ..لسانك معاي مسيخ!!!!!

[بنت الرفاعي]

يا اللاعب معاي ضاغط!!!!!!!!

[بنت الرفاعي]

أمسى من أهم الأغنيات في الحفلات الأغاني الخاصة بفريقي الهلال والمريخ، وأغلب الأغنيات بقت إذا ما دخَّلوا فيها هلال مريخ، ما بيرتاحوا!!!
هابطة راقية كلو بقى واااااااحد!!!!
(التقول بقوا...............!!!!!):rolleyes:

[بنت الرفاعي]

المشكلة أنو في أغاني تُغنى خُصيصاً للمريخ والهلال،
ومهما كان الفريقين أداءهم أرضي أو في السماء، ما مفروض يكونوا في الأغاني الهابطة وبالمستوى ده!!!
في الآخر هم بيمثلوا الكورة السودانيّة، وحتى ولو كان الناس مُعجبين بالفريقين للدرجة دي، ما عندهم حق في كل شيء يدخلوهم وبالذات في ما لا يليق!!!!:(

[بنت الرفاعي]

عندي مثالين بسيطين لأغنيتين للفريقين، الواحد أول ما يسمع الموسيقى يقول دي شنو الأغنية الهابطة دي، وأول ما الفنان أو الفنانة تبدأ تغني، يتفاجأ بما يسمعه من كلمات، أحيانا الأغنية بتكون عادية للفريقين، لكن الخلفية الموسيقية كما ذكرت بتخليهو زي الهابط!!!!:eek::(

[بنت الرفاعي]

نبدأ بالأولى:

[بنت الرفاعي]

الخمسة ستة سبعة فِرَد
......... يا أسياد البلد
..................
ووب عليّ من كورتو كفى
ووب عليّ من شوفتو كفى
هي كر عليّ من كورتو كفى
ووب عليّ من شوفتو كفى
دستور يا ود مصطفى!!!

خمسة ستة سبعة فِرَد
هلالاب يا أسياد البلد
أنا ريتشارد ما بتخلّى
العُقدو ما بتتحلّى
ودائماً بشحد في الله
يجينا في أمبدة مرّة!!!
خمسة ستة سبعة فِرَد
عبدالمنعم سيد البلد

كر عليَّ أنا ما أبيت
أجرو لي أنا ما شكيت
دستور يا خالد جولييت!!!!
خمسة ستة سبعة فِرَد
هلالاب أسياد البلد

كر عليّ عيايّا منو
ووب عليّ أذايّا منو
بمشي مدني لي كُرُمبُكو
خمسة ستة سبعة فِرَد
علاء الدين يا سيد البلد

ووب عليّ ده شكلو رزين
نادو لي سيد ..........
دستور يا صلاح إدريس
هلالاب يا أسياد البلد.
.............
............
...........
............
..........
............
.............
...............
...............
..............
...............
...............
إيداهور يا سيد البلد
..................
مريخاب يا أسياد البلد!!!

[بنت الرفاعي]

الأغنية الثانية:

[عبدالرحمن مدثر]

الموضوع يامرام يعتمد فى الاساس على الحماس

واغانى الحفلات اصبحت تعمل موازنة بين العرضة شمال وجنوب

لانو فى النهاية كل رواد الحفلة ينتمون لاحد الاثنين

ينتشون لسباعية الاردن

ويمرحون مع خماسية ماذنبى

انا بينى وبين نفسى بستنكر هذه الظاهرة

لكن جوووووووه الحفلة فحدثى ولا حرج

تحياتى

[بنت الرفاعي]

كل النجوم يا
في كوبر عموم يا
شفتوا العجب يا عيني
ملك الهجوم يا عيني
المريخاب يا
سبب العذاب يا عيني

قلق باليمين يا
وجنبو علاء الدين يا
عنتر وراه يا عيني
والسعودي وين يا
المريخاب يا
ال........ عذاب ياعينيَ !!!!

سفاري براه ساكّيها ورا
شاحدة الله يا عيني يديهو مقدرة
المريخاب يا
ده وارقو عذاب يا عينيّ

جاي يتقدل
ماشي يتقدل يا عينيا
هيثم طمبل يا
المريخاب يا عيني
سبب العذاب يا عيني

الذوقو سليم يا
الزول الحنين يا
الزول الحنين يا عيني
أكرم سليم يا عيني
المريخاب يا
سبب العذاب يا عيني

إيكوسا دا.. إيداهو دا
ده وارقو جا
العجب ما جا
الوالي جا هي الغالي جا
هي الكاس شلنا
هي الوالي ده
الغالي ده
مريخابي ده البريدو ده
أبو نجمة دا
هي النجمة دا
هي مريخابي دا
هي العجب ما جا
عمار كتمة جا
..................
....................
...............
...............
................
................
..............
...............
................
................

[مدنيّة]

مرام دعي عنك هذا الطريق
فانه مسدود مسدود ياولدي

[بنت الرفاعي]

هل ياترى الأغاني التي يدخل فيها ذكر فريقي الهلال والمريخ تُعتبر أغاني هابطة؟؟؟!!!!
(مع الأخذ بالإعتبار الكلام السابق؟)

[بنت الرفاعي]

الموضوع يامرام يعتمد فى الاساس على الحماس

واغانى الحفلات اصبحت تعمل موازنة بين العرضة شمال وجنوب

لانو فى النهاية كل رواد الحفلة ينتمون لاحد الاثنين

ينتشون لسباعية الاردن

ويمرحون مع خماسية ماذنبى

انا بينى وبين نفسى بستنكر هذه الظاهرة

لكن جوووووووه الحفلة فحدثى ولا حرج

تحياتى

بالفعل يا أخوي:rolleyes:
جوة الحفلة أساساً الناس بتكون فرحانة وعايزة ترقص وبس،
وأول ما الفنان أو الفنانة يتغنوا للهلال والمريخ، ومع الإيقاع الصاخب والسريع، (إذا منتبهين للكلمات لحظتها طبعاً) بتكون كل مجموعة فيهم عاوزة تسمع الأغنية لفريقها، وبالتأكيد لا يخلو الأمر من مكاواة بين مشجعي الفريقين!!!!
(حفلة ولّا كورة؟؟؟!!!)!!:eek::confused::D:D
وبعد ما الناس تطلع، تحتج على الأغاني اللي اتغنت في الحفلة!!!!!:confused:

ولو كان الحماس بالمستوى ده ف.....................
الله يهون!!!!!

و

يا حليل كورتنا ووطنيتنا و .......................إلخ!


لك كل الود والتقدير أخي عبدالرحمن مدثر.:)

[مدنيّة]

تصدقي يامرام لو قلت ليك
اني اول مرة اسمع الاغاني دي ؟؟!!

[بنت الرفاعي]

مرام دعي عنك هذا الطريق
فانه مسدود مسدود ياولدي

عاجبك الهبوط للمريخ (ولّا برضو خليتيهم ومع اللعبة الحلوة:rolleyes:;))؟؟؟!!!:D:D

في بلدي مع الأسف أغلب المواضيع والقضايا والأشياء أصبح طريقها مسدود مسدود مسدود يا أمي:rolleyes:


خارج إطار الموضوع:
وبمناسبة مسدود يا أختي في موضوع الظاهر ركنتيهُ في أقصى ركن في آخر رف في المنتدى:rolleyes::(

لك أنقى التحايا والود أختي مدنيّة.:)

[بنت الرفاعي]

تصدقي يامرام لو قلت ليك
اني اول مرة اسمع الاغاني دي ؟؟!!

أحسن ليك ما تسمعيهم، لأنو بالموسيقى ..................!!!!:(.
بعد شوية إن شاءالله حأنزل كلمات أغنية
ماعرفتها هابطة ولّا هابطة ولّا هابطة!!!:eek:.
حدِّدوا أنتم، أصلو بقى الزمن ده من كثرة الهابط الهابط ذااااتو ما بيتعرف!!!!:confused:

[بنت الرفاعي]

نسيت أقول ليك الأغنية ما بتكون صافيّة هلال مريخ وبس!!!
بيكون فيها كلام تاني ماليهو علاقة، لكن أنا ما كتبتو،
وبتلاحظي محل النقط الكثيييييرة دي!!!

[الجندي المجهول]

اختنا مرام تحياتي ،،،
كثير من المرات اقع في حرج بسبب ( عدم دفن راسي في الرمال) ولكن ابدا لا احس بهذا الحرج طالما انها الحقيقة

اجيك من الاخر يا بتنا :

انحنا ماشين للهابط بسرعة الصاروخ
1/ الكورة هابطة
2/ الاغاني هابطة
3/ السياسة هابطة
4/ الثقافة هابطة
5/ الاخلاق هابطة
6/ الهبوط ( زاتو ) عندنا هابط

كل من ياتي لنكر لك عدم هذه ( الهبوطات ) اما ان يكون دافن راسه في الرمال ( او ان هذا ) الوضع ( مريحو واعاجبو جدا)

لكن هذا الوضع الذي فيه نحن الان والله والله لا يسر عدو ولا ( صديق)

وابشرك الهبوط دائماً بيكون مربوط مع بعض ( الصحة التعليم الامن)

وتابعي معاي كان الواحد ما مات ( والله طول في عمرنا ) عندي بوست جميل ( تابعي معاي العام ) وبتشوفي العجب باذن الله ( ومعاهو) هيثم مصطفى

[بنت الرفاعي]

من الأغنية التي اقتبست منها عنوان البوست:


من الحكم صفَّر
ترفع لي كرت أصفر..
معقولة في الدقيقة الأولى
خليتني أتوتر
يا اللاعب معاي..
لدفاعي ما تباغت
يا اللاعب معاي ضاغط..

جمهور هلال مريخ
يا اللاعب معاي ضاغط
لسانك معاي مسيخ!!!
يا اللاعب..
نصيحتي ليك سيبني
دي نصيحة للتاريخ..
يا اللاعب معاي
لدفاعي ما تباغت
يا اللاعب معاي ضاغط..

نص نص غزال الصيد
يا اللاعب
دائماً بتابى الريد..
ماتذيع خبر.......
يارشيد يا بدوي عبيد
يا اللاعب..
لدفاعي ما تباغت
يا اللاعب معاي ضاغط

الزمن البدل ضايع
أنا عارفك لي بائع..
ماظريفة.. مالطيفة
بشكيكَ للفيفا !!
إلخ!!

[سواااح]

مرام ..

والله الشكية لله بس !!!

لكن كدي النجيك من الاخر

طبعا طوالي مشيت لصاحبي قوقل

وجاب لي اللاعب معاي ضاغط بالمقاس

طبعا كمية من الهجيج الصاح

كدي اسمعها تاني .. وبجيك راجع.

[سواااح]

<object width="480" height="385"><param name="movie" value="http://www.youtube.com/v/L1HkdKr900U&amp;hl=en_US&amp;fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/L1HkdKr900U&amp;hl=en_US&amp;fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

يا اللاعب معاي ضاغط ...

[مايسة]

غايتو يا مرام فنانة لقيتك

معظم اغانينا مقتبسه من يومياتنا - من حياتنا -

من الاحداث التي تحدث -

اذا كورة ولا غيرو

- مرات او في الغالب بالذات الأغاني الفااضحة - نطلق عليها هااابطة - او لا ترقى للاستماع

في حين لو ركبتي ركشة ولا دخلتي ليك محل عصير - ولا مريتي بالقرب من محل كاسيت

اضانك ما تسمع الا

جاني ضاغط

غويشة - حلق

وحاجات تانية

ياخ الناس ذاته جاها هبوط في الصحة العااامة يا مرااام

عشان كدا بيرتاحو لما يسمعو اغاني هااابطة زيادة - يمكن ترفع الضغط شوية :(

[الفخيييم]

الود لبيس يا جكسا ده صلاح ادريس...
صعب صعب يا علي الهلال صعب يا علي...
سيد الاسم انت الاسم مع الهلال
نحن بننقسم هوي يا رسم !!!

كده كيف يا مرام موش ياهو ده
بيصب في نفس الاطار ولا انا غلطان؟؟؟

تخريمة:ده ممكن يكون امتداد لمشاركاتنا
الاجتماعيه كشعب مجامل وبما ان الهلال
ووصيفه المريخ يمثلان قطبي الكرة في
السودان لابد من الزج بهما في هكذا اغاني
ليصل المغني الي من يستمعون اليه ويلفت
انظارهم ويلهب حماسهم ليآخذ الحفل طابع
الاثارة والروعة !!!

[التيمان]

واااااااااهههاي

قلبه قلبه قلبه


شديد يا وليد

دقني دقني

والله يا مرام لقيتك ملكه الكتمه والله

[بنت الرفاعي]

اختنا مرام تحياتي ،،،
كثير من المرات اقع في حرج بسبب ( عدم دفن راسي في الرمال) ولكن ابدا لا احس بهذا الحرج طالما انها الحقيقة
أحييك على كلامك وأثني.:)

اجيك من الاخر يا بتنا :

انحنا ماشين للهابط بسرعة الصاروخ
1/ الكورة هابطة
2/ الاغاني هابطة
3/ السياسة هابطة
4/ الثقافة هابطة
5/ الاخلاق هابطة
6/ الهبوط ( زاتو ) عندنا هابط
هبوط جماعي!!!
لاحول ولا قوة إلا بالله،
الله يعينك يا وطن.

كل من ياتي لنكر لك عدم هذه ( الهبوطات ) اما ان يكون دافن راسه في الرمال ( او ان هذا ) الوضع ( مريحو واعاجبو جدا)

لكن هذا الوضع الذي فيه نحن الان والله والله لا يسر عدو ولا ( صديق)

وابشرك الهبوط دائماً بيكون مربوط مع بعض ( الصحة التعليم الامن)

وتابعي معاي كان الواحد ما مات ( والله طول في عمرنا ) عندي بوست جميل ( تابعي معاي العام ) وبتشوفي العجب باذن الله ( ومعاهو) هيثم مصطفى


يعني ماعندنا مأساة، لأننا بقينا أصحاب المآسي وممكن نصدرها، بعد ما كانت بتجينا من الخارج!!!!:(


إن شاءالله نتابع معاك.

لك كل الود والتقدير أخي الجندي المجهول.:)

[بنت الرفاعي]

مرام ..

والله الشكية لله بس !!!

لكن كدي النجيك من الاخر

طبعا طوالي مشيت لصاحبي قوقل

وجاب لي اللاعب معاي ضاغط بالمقاس

طبعا كمية من الهجيج الصاح

كدي اسمعها تاني .. وبجيك راجع.

أهلاً بك أخي سواح.:)
شفت الهجيج حق الأغنية دي، بالنسبة للأغاني اللي ذكرتها فوق ما هجيج شديد!!!!:(
لو سمعتهم ما حتفهم الحاصل بالضبط!!!:d :d :d

لك عاطر التحايا وأنقاها أخي سواااح.:)

[النويري]

مرام لك كل التحايا

في الحقيقة المشكلة ما في البغنو من مزمراتية وإنما في من يسمع مشكلتنا بقت فينا كمستمعين وليس كمغنيين وكتاب للهبوط الفظيع والتردي المريع ياخي معقولة أسمع لوردي وأحمد المصطفى وعثمان حسين وأجي أوسخ إضنيني بالتفاهات دي السودان يامرام يا أختي محتاج لإعادة سايكلوجية في المفاهيم والتربية البلد بقت هايفة وما الهبوط الذي ترينه إلا نتاج مشاكل إجتماعية وسياسية ووووووووووووووووووووووووووو زمان حبوبتي الله يرحمها عندها مثل بتقولوا لينا بتقول ليك سجم الحلة الدليلها أعمى فالأن السودان ما عندو دليل وهايص في الهقايص أنا والله طه سليمان دا متمني ألقاهو في زقاق ضيق عشان أشرط ليه حلقوا وأريح الناس من شرو

تخريمة الفخيم والجندي : جمهور الفريقين في الهلال والمريخ هم الهبوط بعينه ولذلك كل من يذهب إلى فرنسا فهو كافر أو زنديق

[بنت الرفاعي]

لماذا فقدت أغلب الحفلات والإحتفالات في بلدنا هويتها؟؟
من بعيد تستمع لأغاني الحفلة فلا تفهم لم هي هذه الحفلة؟؟
والمؤسف جداً عندما تعلم أنها حفلة خاصة بأحد الأعراس (سواء حنة أو غيرها)!!!!!

في السابق كانت حفلة العرس معروفة بأغانيها المميزة والجميلة والتي تُحسِسُك بالفعل أنك في حفلة عرس، أما الآن لولا وجود العروسين أمام الناس لنسوا سبب الحفل!!!!:eek::(

[بنت الرفاعي]

غايتو يا مرام فنانة لقيتك
:rolleyes:
:D:D:D:D
معظم اغانينا مقتبسه من يومياتنا - من حياتنا -

من الاحداث التي تحدث -

اذا كورة ولا غيرو

- مرات او في الغالب بالذات الأغاني الفااضحة - نطلق عليها هااابطة - او لا ترقى للاستماع

في حين لو ركبتي ركشة ولا دخلتي ليك محل عصير - ولا مريتي بالقرب من محل كاسيت

اضانك ما تسمع الا

جاني ضاغط

غويشة - حلق

وحاجات تانية

ياخ الناس ذاته جاها هبوط في الصحة العااامة يا مرااام

عشان كدا بيرتاحو لما يسمعو اغاني هااابطة زيادة - يمكن ترفع الضغط شوية :(

الناس لو عايزة تسمع طيب بحريتها تسمع ومالو؟!!
لكن تفرق بين الحفلات والغاية لها، يعني ما معقولة حفلة عرس أوحنة مليانة كلام فاضي ماليهو علاقة بالمناسبة!!!!
والحاجة الثانية الكورة بدل ما نرفعها عندنا نهبطها بالشكل ده؟؟
وكمان بيطلعوا برّة ووطنيّة وكلام زي ده معقولة بس؟؟؟!!!
الناس ديل ما بيسمعوا أغاني الدول الأخرى لفرقهم بتكون كيف؟ وراقية كيف؟؟
حتى الموسيقى فيها جماليات!!!!!

غايتو الله يعينك يا بلد، حتى أبسط الأشياء فيك ماشة بالغلط!!!!!:(

لك أرق التحايا مع كل الود أختي مايسة.:)

[بنت الرفاعي]

الود لبيس يا جكسا ده صلاح ادريس...
صعب صعب يا علي الهلال صعب يا علي...
سيد الاسم انت الاسم مع الهلال
نحن بننقسم هوي يا رسم !!!

كده كيف يا مرام موش ياهو ده
بيصب في نفس الاطار ولا انا غلطان؟؟؟

عجيييييييييييييب!!!!
ده أعجب من اللي أنا جبتو وبالذات اللي في السطرين الأخيرين!!:D
تخريمة:ده ممكن يكون امتداد لمشاركاتنا
الاجتماعيه كشعب مجامل وبما ان الهلال
ووصيفه المريخ يمثلان قطبي الكرة في
السودان لابد من الزج بهما في هكذا اغاني
ليصل المغني الي من يستمعون اليه ويلفت
انظارهم ويلهب حماسهم ليآخذ الحفل طابع
الاثارة والروعة !!!

برضو نشارك ونجامل لكن ما بالمستوى ده، كل الدول عندهم أغاني لفرقهم، وحتى الفنانين المشهورين علشان يجذبوا المستمعين إليهم زي ما قلت إنت، بيغنوا لفرقهم لكن بمستوى عالي من الذوق و الفهم والكلام الجميل ذا المعنى الهادف، والخلفيات الموسيقية المناسبة كما ذكرت سابقاً، لكن زي اللي عندنا ده!!!!! ولا حظ أنك ذكرت أنهم بيمثلوا قطبي الكرة في السودان!!!!
وغير كده ما معقولة في أي حفلة تتغنى الأغاني دي، لأنو برضو الحفلات عندها هوية ومعنى ومناسبة، ياربي يكونوا الفنانين مواضيعهم كملت؟؟؟ ولا الأغاني انعدمت؟؟؟!!!!

لك أنقى التحايا أخي الفخييم مع كل التقدير.:)

[أشرف صلاح السعيد]

سلام يا مرام ..
بعصر "الفلوّزة - من إنفلونزا" أصيب الكثير من الأحياء بجراثيم معلومة و أخرى مجهولة .. إنفلونزا الإضنين إنفلونزا إختيارية من أهم أعراضا إنفصام الشخصية " شيزو فرينيا" و الحمد لله بتكون مؤقتة و تحت ظروف معينة وجماعية بالربات .. إنفلونزا الكرة قديمة جدا بس كانت بأعراض بسيطة هسع أعراضا فيها تغمر و تتطعن والشريف بحب فنى وووووو ..
إنفلونزا الهروب من الواقع ودى أخطر الأنواع بتخلى الواحد عايز يعيش بعيد ومفصول عن الواقع من شدة و صعوبة الواقع والغرق فى ملهيات أيا كانت ..

[بنت الرفاعي]

واااااااااهههاي

قلبه قلبه قلبه


شديد يا وليد

دقني دقني

والله يا مرام لقيتك ملكه الكتمه والله


:D:D:D:D
هلا بالتيمان.:)
لو تعرفوا الكلام ده جبتو من وين حيبطل العجب:rolleyes:
الكلام ده معاكم كيف؟؟
لكما أنقى التحايا:).

[بنت الرفاعي]

مرام لك كل التحايا

في الحقيقة المشكلة ما في البغنو من مزمراتية وإنما في من يسمع مشكلتنا بقت فينا كمستمعين وليس كمغنيين وكتاب للهبوط الفظيع والتردي المريع ياخي معقولة أسمع لوردي وأحمد المصطفى وعثمان حسين وأجي أوسخ إضنيني بالتفاهات دي السودان يامرام يا أختي محتاج لإعادة سايكلوجية في المفاهيم والتربية البلد بقت هايفة وما الهبوط الذي ترينه إلا نتاج مشاكل إجتماعية وسياسية ووووووووووووووووووووووووووو زمان حبوبتي الله يرحمها عندها مثل بتقولوا لينا بتقول ليك سجم الحلة الدليلها أعمى فالأن السودان ما عندو دليل وهايص في الهقايص أنا والله طه سليمان دا متمني ألقاهو في زقاق ضيق عشان أشرط ليه حلقوا وأريح الناس من شرو

تخريمة الفخيم والجندي : جمهور الفريقين في الهلال والمريخ هم الهبوط بعينه ولذلك كل من يذهب إلى فرنسا فهو كافر أو زنديق

ما هو لو الواحد بيختار يستمع للكلام ده أو لا ما مُشكلة، لكن في الحفلات الواحد ما بيختار بيستمع وبس!!! وما معقولة حتخلي المُجاملة علشان أُغنية ما نافعة!!!
حبوبتك الله يرحمها مثلها واقعي زي ماقلت أنت حالياً، وبغض النظر عن ما نتحدث عنه حالياً، (لأنه شيء بسيط بالنسبة للتردي والهبوط العام الحاصل)، ما مُمكن المُجتمع نفسه يحاول إصلاح ما فسد ويتلافى ما سيأتي ويحاول المحافطة ولو على القليل الذي تبقى من الأخلاقيات والدين(بالنسبة للأغلبية وليس الأقلية المُحافظة)؟!!
و بالتأكيد ما مُمكن شخص واحد حيجي ويصلح ما فسد، مالم يلقى المُساندة والمُساعدة من الآخرين، وحتى ولو كانوا قليلين، شيئاً فشيئاً ممكن كل شيء يكون تمام (أو على الأقل أغلبه)!!!

بالنسبة للفنان الذي ذكرته، هل تعلم أني في يوم من الأيام وبالصدفة استمعت لأغاني وأيقنت أنو اللي بيتغنى بيهو هو أفضل بكثير بالنسبة لما استمعت له!!!

ونرجع ونقول لماذا يُسمح بإنحدار مستوى فريقين مثلهما للدرجة دي؟؟!!!:(

لك كل التحايا والتقدير أخي النويري.:)