مدنية تهزم المانيا بكل هدوء وتستاهل يا معتز الريح وعذراً يالفخييييييييييييم

[الجندي المجهول]

تمكنت امس الاول اختنا مدنية من هزيمة المانيا ( الماكينة) كما يقول اخونا الفخييييييييم والمرسيديس ( كما يقول ) معتز الريح ....
في جلسة خاصة ضمتنى وضمت الاخوان ابو زيد وابو مازن وعصمت بالانجليزي وتحديدا يوم مباراة هولندا والباروجواي وتحدثنا وقلنا نشوف مين بيشجع مين ( اسبانيا - المانيا) ولانني ( مكجن الالمان ) اعلنت صراحة وقوفي بجانب الاسبان وقال معتز الريح انه مع المانيا وذكر بالاسم ( ان العمة مدنية) مع المانيا ايضاً ( فضحكت في سري وعرفت ان اسبانيا ) فائزة باذن الله لا محالة في ذلك ( ما خلاص العمة شجعتها ) .... وابدا لم ينتابني شعور بان المانيا ستفوز ، كيف تفوز ومعينات الهزيمة موجودة ومتوفرة في اختنا ( مدنية )

هاردلك الفخييييييييييم ( صاحب الماكينات ) المخرخرة العاوزة عمرة وتوضيب ، اتصلت عليه امس بالليل ورد بكل اريحية ومن غير انزعاج بان اسبانيا لعبت كورة جميلة
ا(تصلت على معتز الريح بكل الطرق ( والله رفض يرد ) في الثابت حق البيت في الجوال وكذلك في الجوالات الاخرى ( هرب ولم يرد)

مبروووك اسبانيا هاردلك ( معتز + مدنية + الفخيييييييييم) + المتواطئ ( ابو عبد الرحمن ) والله اعلم بس دي للضمان وكدا

تخريمة : اعتقد ان جميع الاعضاء الان عرفوا سر الهزائم ولا عزاء للشمات ....

مع اللفة : تحياتي صاحب الصوت الدافئ ( احمد علقم )

[مدنيّة]

يعني يا الجندي عشان احمد علقم اتصل عليك يوم هزيمة مارضونا خلا طلعته برة الرصة "الكُج" ؟؟!!!! ههههههههههههههههههههههه

------------------
اها تعال النوريك
انا التشجيع خلييييييييييييييييييييييييته واعلنت الكلام دا صراااااااااااااحة وهنا في الرياضة للجميع

-----------------
الكج الالمان جد جد هو احمد علقم لانه علق العلم بتاع المانيا
يعني كج فااااااااااهم وبمزاج وباصرار وترصد

--------------------
والنزيدك من الشعر بيت يا الجندي
ورد الينا من مصادر "موثوقة" انه احمد دا الاول كان بشجع فرنسا & ايطاليا ولحقهم امات طه من بدري بدري
وبعدها قبل علي البقية الباقية الي ان اجهز علي المانيا
------------------
غايتو يااحمد العملتها في المانيا نجار في خشب ما يعملها

[ابو عبد الرحمن]

مبروووك اسبانيا هاردلك ( معتز + مدنية + الفخيييييييييم) + المتواطئ ( ابو عبد الرحمن ) والله اعلم بس دي للضمان وكدا


والله خلعتني انا قريتها ( الواطي ) ههههههههههههههههههههههه
على العموم ابشرك يا جندي انا من ما عرفت الكورة بكره الكورة
المبرمجة ،،، يعني زي كورة المانيا و انجلترا ،، احس فيها الرتابة
والملل ، بص خانة العب الكورة في الجهه الشمال اعكس هدف ،،،
معروفة وباينة ،،، ولذلك بالامس كان سهلاً على مدرب الاسبان
قرات المباراة من قبل بدايتها وحصل معه الفوز المستحق والمفروض
اكون خمسة اهداف وكذلك الكورة الانجليرية والايطالية ،، اما المتعة
والاثارة في البرازيل الارجنتين الاسبان ،، لانها الكورة الشاملة
الفاتحة الغير مبرمجة ،،، الممتعة ،،، هاردلك اخونا الفخيم ،،
لا تحزن اذكر مصابك في البرازيل فان خروجها اكبر مصيبة في عام
2010 م ،،،،،،،،،،،،،،،

[الفخيييم]

لعب الاسبان وعرف مدربهم من اين تؤكل
الكتف التحية للخبير الاسباني ديلبوسكي
الذي عرف يستغل عدم التركيز الذي لازم
الالمان واهو غلطة الشاطر بعشرة وبنقول
مبروك للاسبان دخولهم التأريخ لاول مرة
علي حساب جبابرة الكرة العالمية ...


تخريمه: تسلم جندينا ويسلموا الالمان
الذين زعلوك وافرحوك انها العظمة وخالص
الشكر لاخونا ابوعبدالرحمن ...

[مرتضى التوم]

مدينة ازيك
بسلم ساى اسى انا جبت سيرة كج ولا حاجة

[معتز الريح]

انا مما شفت العلم في بروفايل أحمد علقم
عرفت الموضوع بايظ ..
بعدين المانيا ديل العالم كلو كان متأكد أنها حتشيل الكاس ..
والأسبان استحقو النتيجة وبالفعل كانت المباراه تحتمل أكتر من هدف لهم ..
ولكن ربك ستر .. وياهو المانيا بتتغلب واحد في أسوأ حالتها
كعبين ناس أبو أربعة ..
هههههههههههههههههههههههههههههههه
والمانيا الدخلتها في صاحب البوست شوف عين
ما بتمرق بالهين ..
---------------------------------------------

[الجندي المجهول]

والله خلعتني انا قريتها ( الواطي ) ههههههههههههههههههههههه
على العموم ابشرك يا جندي انا من ما عرفت الكورة بكره الكورة
المبرمجة ،،، يعني زي كورة المانيا و انجلترا ،، احس فيها الرتابة
والملل ، بص خانة العب الكورة في الجهه الشمال اعكس هدف ،،،
معروفة وباينة ،،، ولذلك بالامس كان سهلاً على مدرب الاسبان
قرات المباراة من قبل بدايتها وحصل معه الفوز المستحق والمفروض
اكون خمسة اهداف وكذلك الكورة الانجليرية والايطالية ،، اما المتعة
والاثارة في البرازيل الارجنتين الاسبان ،، لانها الكورة الشاملة
الفاتحة الغير مبرمجة ،،، الممتعة ،،، هاردلك اخونا الفخيم ،،
لا تحزن اذكر مصابك في البرازيل فان خروجها اكبر مصيبة في عام
2010 م ،،،،،،،،،،،،،،،

انا عارفك راقي وفنان من يومك
يا حريف ........... عشان كدا كتبت الله اعلم ،،،،

يا فنان خلينا مع امريكا الجنوبية والكورة الاسبانية ( ونقاطع ) تشجيع مدنية لانو بودي وين ( انت عارف طبعاً )

[الجندي المجهول]

مدينة ازيك
بسلم ساى اسى انا جبت سيرة كج ولا حاجة

مرتضى التوم يا وش السعد

[الجندي المجهول]

انا مما شفت العلم في بروفايل أحمد علقم
عرفت الموضوع بايظ ..
بعدين المانيا ديل العالم كلو كان متأكد أنها حتشيل الكاس ..
والأسبان استحقو النتيجة وبالفعل كانت المباراه تحتمل أكتر من هدف لهم ..
ولكن ربك ستر .. وياهو المانيا بتتغلب واحد في أسوأ حالتها
كعبين ناس أبو أربعة ..
هههههههههههههههههههههههههههههههه
والمانيا الدخلتها في صاحب البوست شوف عين
ما بتمرق بالهين ..
---------------------------------------------

حرام عليك ياخ ود علقم مالو ( هسع ) انت عارف السبب مين وما تدخل ( الحبيب علقم ) في الحتة دي باختصار لانه وش السعد وحاول شوف ( السبب وين)

تخريمة : البدورو بتسميهو سعيد والما بتدورو بتحرش ليهو الكلبة

يا ود علقم ولا يهمك واثقين منك يا مدهش ( انحنا عارفين العصلجة وين) بس معتز بتاع ناسات وبيعتمد في تقييم الاشياء على العلاقات الشخصية ( انت علاقتك معاهو ما كويسة ولا شنو)
وابشرك معتز بيكيل بمكيالين واحد لي وليك واحد لي ناس ( سد كج بار ) طبعا عرافني قاصد منو (عكس الريح)

[ahmed algam]

يعني يا الجندي عشان احمد علقم اتصل عليك يوم هزيمة مارضونا خلا طلعته برة الرصة "الكُج" ؟؟!!!! ههههههههههههههههههههههه

------------------
اها تعال النوريك
انا التشجيع خلييييييييييييييييييييييييته واعلنت الكلام دا صراااااااااااااحة وهنا في الرياضة للجميع

-----------------
الكج الالمان جد جد هو احمد علقم لانه علق العلم بتاع المانيا
يعني كج فااااااااااهم وبمزاج وباصرار وترصد

--------------------
والنزيدك من الشعر بيت يا الجندي
ورد الينا من مصادر "موثوقة" انه احمد دا الاول كان بشجع فرنسا & ايطاليا ولحقهم امات طه من بدري بدري
وبعدها قبل علي البقية الباقية الي ان اجهز علي المانيا
------------------
غايتو يااحمد العملتها في المانيا نجار في خشب ما يعملها




مدنية والله لكن عملتيهااااااا


ظااااااااهرة

انتي امس قالوا مشجعة الالمان في سرك سااااااي


الكج الالمان


هو الاخطبوط بوووووووول




http://www.youtube.com/watch?v=W2FXeEqAXHQ