المساعد الشخصي الرقمي

مشاهدة النسخة كاملة : فى الضواحى وطرف المدائن



نزار حسن محمد
11-07-2010, 08:59 PM
فى الضواحى وطرف المدائن ..

احبابنا اهل البيت الكبير ..ما احلى ساعات اللقاء وفى ست المدائن عند الملتقى انا ود الصول ود الماذون ودكتور جمال الماحى منتظرين نشوفكم والعين تشوف العين واليد تسالمه انشاءالله نتلاقى ونتسالم ودقنا المطره ..
نبيل حمدتو ،واحمد علقم ،ومدنيه ، ومدناويه ، وبت مارنجان ،شدو حيلكم انحنا فى طرفكم فى الايام المقبله
وفى انتظار كل الطيور المهاجر ..واهل ست المدائن للتنسيق ولكل عائد للوطن الرجاء الاتصال بود الصول لناس مدنى ولناس الخرطوم ..مدنيه ..وسوف يكون اللقاء متلفز على الهواء مباشرة

abomazeen
11-07-2010, 09:33 PM
توصل بالسلامة يا أبو النيز ....

ما تخلي الموضوع ده للسنة الجاية

وخاصة انو اللقاء ح يكون على الهواء ومتلفز

abomazeen
11-07-2010, 09:36 PM
فى الضواحى وطرف المدائن ..

احبابنا اهل البيت الكبير ..ما احلى ساعات اللقاء وفى ست المدائن عند الملتقى انا ود الصول ود الماذون ودكتور جمال الماحى منتظرين نشوفكم والعين تشوف العين واليد تسالمه انشاءالله نتلاقى ونتسالم ودقنا المطره ..
نبيل حمدتو ،واحمد علقم ،ومدنيه ، ومدناويه ، وبت مارنجان ،شدو حيلكم انحنا فى طرفكم فى الايام المقبله
وفى انتظار كل الطيور المهاجر ..واهل ست المدائن للتنسيق ولكل عائد للوطن الرجاء الاتصال بود الصول لناس مدنى ولناس الخرطوم ..مدنيه ..وسوف يكون اللقاء متلفز على الهواء مباشرة




عاوزيين نظهر في النقل المتلفز ده

نزار حسن محمد
11-07-2010, 09:48 PM
توصل بالسلامة يا أبو النيز ....

ما تخلي الموضوع ده للسنة الجاية

وخاصة انو اللقاء ح يكون على الهواء ومتلفز



اخى الغالى ابو مازن ..
ما عندك اى مشكله السنه الجايه لو ربنا احيانا برضوا بنكون بهناك
والتلفزه حصرياً على قناة ود الصول الفضائيه ..:)

نزار حسن محمد
11-07-2010, 09:50 PM
عاوزيين نظهر في النقل المتلفز ده



ادخل على الاسكاى بى هههههه

روبش
11-07-2010, 09:51 PM
والله يا نزار الواحد حاسدكم عديل كده على هذا التلاقي .. ووين ... في مدني الرائعة
بس ما تنسونا من الذكرى العطرة .. اهم حاجة يا نزار الصور

اقول :::: عمتي عندها خلفية عن هذا التلاقي .... انا خايف عليكم من (........)

نزار حسن محمد
11-07-2010, 09:51 PM
ياخوانا اى واحد مسافر اسجل اسمه هنا ولو عنده رقم تلفون بالسودان اكون 100%

نزار حسن محمد
11-07-2010, 09:56 PM
والله يا نزار الواحد حاسدكم عديل كده على هذا التلاقي .. ووين ... في مدني الرائعة
بس ما تنسونا من الذكرى العطرة .. اهم حاجة يا نزار الصور

اقول :::: عمتي عندها خلفية عن هذا التلاقي .... انا خايف عليكم من (........)

مشرفنا الهمام روبش الفنان..حتماً سياتى يوم ونلتقى
ونحن بصدد تكوين دار للمنتدى مثله مثل دار القضاء ..والاطباء ..والمهندسين ..الخ

عمتك ..ما بتقصر ..من غير علم بتقوم بالازم ... وعلاجه ساهل الواحد البس طاقيه صفراء وعمه حمراء:mad:

مهيد ود السفاح
11-07-2010, 10:04 PM
بالسلامه ان شاء الله
ودائماً ملمومين وفي فرح متواصل
وبالجد الواحد يحسدكم عدييييييل كده

واتمنى لكم اسعد الاوقات
بس ركزوا شديد على حتة التلفزه دي
وخلونا نفرح معاكم

مدنيّة
11-07-2010, 10:07 PM
<object width="480" height="385"><param name="movie" value="http://www.youtube.com/v/4QCil7mSAhI&amp;hl=en_US&amp;fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/4QCil7mSAhI&amp;hl=en_US&amp;fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

مدنيّة
11-07-2010, 10:09 PM
ياود حسن
تصلونا بالف سلامة يارب
وتلقونا واقفين ليكم في المتار بالكيتة
ولا نامت اعين الحاقدين اللي ليهم الرمااااااااااااااد

مايسة
11-07-2010, 10:16 PM
بالسلامة يا ابو سفروووق

واجازة سعيدة وهانئة يا رب :)

أشرف صلاح السعيد
11-07-2010, 10:21 PM
سلام أبو سفروووق ..
صاحبتك السلامة إلى أرض الناس الحنان و إلى ست المدائن ..
الوصية فى الذمة سلام لكل ناس بلدى وناس مدنى ..

ود المطامير
11-07-2010, 10:24 PM
أبوسفرووووووووووووق يا خاين
مالك ماكلمتنى

خلاص سوقنى معاك إن شاء الله كارقو

نزار حسن محمد
11-07-2010, 10:31 PM
بالسلامه ان شاء الله
ودائماً ملمومين وفي فرح متواصل
وبالجد الواحد يحسدكم عدييييييل كده

واتمنى لكم اسعد الاوقات
بس ركزوا شديد على حتة التلفزه دي
وخلونا نفرح معاكم
مهيد ود السفاح شخصياً ..وين انت يالحبيب طولته ما بنته وانا فى شتياق ياحبيبى وين انت
والله ياود السفاح اتمنى ان يجمع الله شمل كل الحبايب بارض المحنه وقلب الجزيره فى اسعد الاوقات
ارقد قفه الوصيه فى الذمه سنقوم بالتلفزه بس الله يسترنا من ناس التشويش على القنوات الفضائيه
والارضيه ...
لك الود ياغالى

نزار حسن محمد
11-07-2010, 10:33 PM
<object width="480" height="385"><param name="movie" value="http://www.youtube.com/v/4QCil7mSAhI&amp;hl=en_US&amp;fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/4QCil7mSAhI&amp;hl=en_US&amp;fs=1" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

مدنيه ..ده شنوا ده ((مشاركه سئيه ما شايف حاجه :mad:))

نزار حسن محمد
11-07-2010, 10:37 PM
ياود حسن
تصلونا بالف سلامة يارب
وتلقونا واقفين ليكم في المتار بالكيتة
ولا نامت اعين الحاقدين اللي ليهم الرمااااااااااااااد

انتى تتباركى ما تتشاركى ..يا الاصيله زى الشعاع تدخل روكيبنا واوضنا ..
الرسول فيك مشتهى لى فسيخ بشطه قبانيت وبصل كسلا مع اول مطره
ثمح ..ااااى حلبى عدددديل...اقصد هلالابى على السكين...

النويري
11-07-2010, 10:39 PM
مدنيه ..ده شنوا ده ((مشاركه سئيه ما شايف حاجه :mad:))

مدنية والله كلك زوق ربنا يرحم الأستاذ مصطفى بكل ما قدم لهذا الوطن وحبيبنا نزار نتمنى ليك إجازة سعيدة مع الحبايب وتصل بالسلامة إنشاء الله

سروية
11-07-2010, 10:40 PM
العزيز نزار لمة فرح في العافية ان شاء الله

تجو بي الف سلااامة اجازة سعيدي وبخيتي ;);)

وان شاء الله نشاركم اللمة

نزار حسن محمد
11-07-2010, 10:41 PM
بالسلامة يا ابو سفروووق

واجازة سعيدة وهانئة يا رب :)

ام البنات الزايده فى البنوت حلا...
جايب لك بناتى وامهم
ومسافر جوبا براى خلنى براى
شفتى كيف جعلتى ولا ما جعلتى

abomazeen
11-07-2010, 10:42 PM
اقول :::: عمتي عندها خلفية عن هذا التلاقي .... انا خايف عليكم من (........)




الجندي تعال كمل باقي الكلام ( محل النقاط ) دي زولتك ...؟

ود المطامير
11-07-2010, 10:45 PM
مدنيه ..ده شنوا ده ((مشاركه سئيه ما شايف حاجه :mad:))

الكُبر حصل يا فرده ولأ شنو ؟
هع هع هع

نزار حسن محمد
11-07-2010, 10:46 PM
سلام أبو سفروووق ..
صاحبتك السلامة إلى أرض الناس الحنان و إلى ست المدائن ..
الوصية فى الذمة سلام لكل ناس بلدى وناس مدنى ..

ياسلام عليك انت يارقى ..الاستاذ والاديب اشرف صلاح السعيد ياخى متين ياروحى نتلاقى
تسلم ياغالى ..والوصيه فى الذمة سوف اسلم عليهم واتمنى ان لو كان فمى فى يدى
عشان اقول ليهم اشرف صلاح بسلم عليكم فرداً ..فرداً..
لك الود والاشواق

نزار حسن محمد
11-07-2010, 10:58 PM
أبوسفرووووووووووووق يا خاين
مالك ماكلمتنى

خلاص سوقنى معاك إن شاء الله كارقو

ود المطامير ..ياخى عارضك ده غلب الفلاتى..
كدى امشى صلى ركعتين وانوى وخلى الباقى على
وما عندك اى مشكله عندى جلابيه جناح ام جكو طالبه
من ود الطاهر عام اول بث انت جيب الطاقيه والمذيع الشيطان بتاعك
وانتظرنى فى مطار الشارقة

مايسة
11-07-2010, 10:59 PM
ام البنات الزايده فى البنوت حلا...
جايب لك بناتى وامهم
ومسافر جوبا براى خلنى براى
شفتى كيف جعلتى ولا ما جعلتى


سجمي

البنات وامهم يشرفوني - هو انا لاقياهم وين

وانت بطل جوبا دي - قال مسافر جوبا قال


تخريمة : تحياتنا ليها كتتير كتتير :)

مايسة
11-07-2010, 11:02 PM
أبوسفرووووووووووووق يا خاين
مالك ماكلمتنى

خلاص سوقنى معاك إن شاء الله كارقو


انت يا ود اختي غايتو

مشكلتك مشكلة

اي زول ناازل متعنقل ليهو في عفشو

انزل يااخ :cool:

نزار حسن محمد
11-07-2010, 11:05 PM
مدنية والله كلك زوق ربنا يرحم الأستاذ مصطفى بكل ما قدم لهذا الوطن وحبيبنا نزار نتمنى ليك إجازة سعيدة مع الحبايب وتصل بالسلامة إنشاء الله

العزيز الغالى النويرى ..الله ينور عليك تعرف انا قاعد فى المكتب والوزاره بتحجب الفيديو هسى لو ما كلامك ده اخوك كان مسطح ..الله ايدك الصحه والعافيه ..وارقد قفه من مدنى حسناء الجزيره وغادتها ساكون مراسلكم الدائم مع تغطيه اعلاميه شامله
مع وجود ود علقم والطاقم الفنى للتلفزه الحيه ..
لك الود والاشواق

ود المطامير
11-07-2010, 11:08 PM
انت يا ود اختي غايتو



مشكلتك مشكلة


اي زول ناازل متعنقل ليهو في عفشو



انزل يااخ :cool:

هع هع هع هع

لكن يا خالتو .. أبوسفروق دا
ما شاء الله .. ماشاء الله .. ماشاء الله

سافر السودان خرتمية مره وأنا لى 13 سنه بس

وكمان كان فيها كم سفريه على حساب الوزاره وركلزه فى الهيلتون

ولا قال النخم المسكين دا معاى إن شاء الله طرف كرسى

ود المطامير
11-07-2010, 11:11 PM
ام البنات الزايده فى البنوت حلا...
جايب لك بناتى وامهم
ومسافر جوبا براى خلنى براى
شفتى كيف جعلتى ولا ما جعلتى

هيييييييييييع جعلتى وبس ؟
دا تلقاك نزّلت رف كامل من دكان الدهب
هع هع هع

ود المطامير
11-07-2010, 11:13 PM
ود المطامير ..ياخى عارضك ده غلب الفلاتى..
كدى امشى صلى ركعتين وانوى وخلى الباقى على
وما عندك اى مشكله عندى جلابيه جناح ام جكو طالبه
من ود الطاهر عام اول بث انت جيب الطاقيه والمذيع الشيطان بتاعك
وانتظرنى فى مطار الشارقة
شكيت محن محنك
كتلتنى بالضحك

نزار حسن محمد
11-07-2010, 11:13 PM
العزيز نزار لمة فرح في العافية ان شاء الله

تجو بي الف سلااامة اجازة سعيدي وبخيتي ;);)

وان شاء الله نشاركم اللمة

دكتورتنا سروية..تصلى بالسلامه انشاءالله ..وتقضى اجازه سعيدة بين الاهل والاحباب
وتنططى فى المطره وتعيدى الذكريات..قولى امين
دام لنا ولاؤك ودام لك ولاؤنا ودامت لنا الجزيره الطيبه التى تجمع ابناؤها فى حضنها
منتظرنك فى بيت ناس مدنيه بتاع مدنى ثمح

مايسة
11-07-2010, 11:13 PM
هيييييييييييع جعلتى وبس ؟
دا تلقاك نزّلت رف كامل من دكان الدهب
هع هع هع


ما تخلي الراجل في حااالو

ما ينزل

عقبااالك انت كمان تنزل :p:cool:

نزار حسن محمد
11-07-2010, 11:20 PM
الجندي تعال كمل باقي الكلام ( محل النقاط ) دي زولتك ...؟


اها يالجندى تعال ساكت يا بوى
ابو مازن ده لو مسك موضوع ما بخلى لو تنطيط
والعجيبه لو مزاجه رايق ..غايتو يحلك الحله بله

نزار حسن محمد
11-07-2010, 11:26 PM
الكُبر حصل يا فرده ولأ شنو ؟
هع هع هع

الله اجازى الوزاره ..جانى البوست فاضى ..وخلنى اطول لسانى ..
اما الكبر من ناحية حصل ..فهو حصل ..عاد بنهرب منه وين مخير الله
بتى قالت لى زمان كنا بنسرح لك شعرك بالمشط
هسى يابابا المشط بقى امشى فى الفاضى

عثمان جلالة
11-07-2010, 11:28 PM
أبو البنيات الزايد حنيه ... تحية حب صباحيه

وتصلوا في سلام وأمان ... زي نسمه خريفيه

ههههههههههههههههههههههههههههه


ود المطامير .. قال ليك نتقابل في مطار الشارقه هع هع هع

ويا مدنيه أوعك تغلطي تجيبي ليهم الكيته .. نزار وبنياتو ديل حناكيش ياااااااخ ما زينا نحنا ناس كيتا ساكت .. ديل لازم تجيبي ليهم "ياني" .. وكات غلبت حيله جيبي ليهم حافظ عبد الرحمن ... موسيقى حالمه أثناء نزولهم من سلم الطيارة

تصلوا بالسلامة يا حبيب .. وسلم لي على الناس وبالذات "سوق العيش" :o:o:o

نزار حسن محمد
12-07-2010, 12:00 AM
أبو البنيات الزايد حنيه ... تحية حب صباحيه

وتصلوا في سلام وأمان ... زي نسمه خريفيه

ههههههههههههههههههههههههههههه


ود المطامير .. قال ليك نتقابل في مطار الشارقه هع هع هع

ويا مدنيه أوعك تغلطي تجيبي ليهم الكيته .. نزار وبنياتو ديل حناكيش ياااااااخ ما زينا نحنا ناس كيتا ساكت .. ديل لازم تجيبي ليهم "ياني" .. وكات غلبت حيله جيبي ليهم حافظ عبد الرحمن ... موسيقى حالمه أثناء نزولهم من سلم الطيارة

تصلوا بالسلامة يا حبيب .. وسلم لي على الناس وبالذات "سوق العيش" :o:o:o

ابو الرجال سيد المطموره ود جلاله

تعرف عندى بتى رنيم لسانه سليط اسال منها مدنيه قبل فتره رحلتهم لساكن فى ابراج الامارات وبينى وبينك السكان على مستوى ..قامت البنيه قالت لى اسمع يابابا اختى عزه دى من يوم الليله مافى واحد اناديهاباسم عزه قلت ليها ليه انشاءالله خير قالت لى يابابا نحن ساكنين فى الابراج عشان كده اختى عزه دى اسمها نانى ..وحاتك ياغالى بقيت انادى عزه ولا تتلفت لى اقول يانانى اكان تتلفت
شفت الزمن بقى كيف يابوى ..

نزار حسن محمد
12-07-2010, 12:11 AM
ما تخلي الراجل في حااالو

ما ينزل

عقبااالك انت كمان تنزل :p:cool:

مايسه ...غايتو ا المثل البقول ((مرمى الله تجى ترفعه بجيب خبرك)) ده منطبق على ود المطامير
زمان قال عنده عارض هسى بقى الشيطان قاعد ليه فى اضانو وكمان بغنى ليه..
مفارق وين مخلنى بعد ولفته قلبى عليك

بنت الرفاعي
12-07-2010, 12:25 AM
ماشاءالله
تصل بالسلامة إن شاءالله
وتكون الإجازة سعيدة وحلوة
وتلاقي كل الأعضاء هناك.
وإن شاءالله عقبالنا :)

نزار حسن محمد
12-07-2010, 01:13 AM
ماشاءالله
تصل بالسلامة إن شاءالله
وتكون الإجازة سعيدة وحلوة
وتلاقي كل الأعضاء هناك.
وإن شاءالله عقبالنا :)

هيا الدكتوره انتى ما جايه ... الشكيه لبدن قويه ..
انشاءالله ربنا يسهله عليك محل ما تقبلى ..
وبأذن الله سنقوم بتغطيه اعلاميه مباشره
بث ما تغيرى الريموت ..وخليك قريبه

محمد الجزولى
12-07-2010, 03:20 AM
ابو الرجال سيد المطموره ود جلاله

تعرف عندى بتى رنيم لسانه سليط اسال منها مدنيه قبل فتره رحلتهم لساكن فى ابراج الامارات وبينى وبينك السكان على مستوى ..قامت البنيه قالت لى اسمع يابابا اختى عزه دى من يوم الليله مافى واحد اناديهاباسم عزه قلت ليها ليه انشاءالله خير قالت لى يابابا نحن ساكنين فى الابراج عشان كده اختى عزه دى اسمها نانى ..وحاتك ياغالى بقيت انادى عزه ولا تتلفت لى اقول يانانى اكان تتلفت
شفت الزمن بقى كيف يابوى ..

هههههههههههه
والله حلوه يا ابو نانى ( عاد بعد ده الا تكسر السفروق ده )
تصل بالسلامه اخى نزار وكان مسافر اليوم ح تلقانى قدامك فى مطار الشارقه باذن الله

ود المطامير
12-07-2010, 05:32 AM
ما تخلي الراجل في حااالو

ما ينزل

عقبااالك انت كمان تنزل :p:cool:
الشر بره وبعيد يا خالتو

ود المطامير
12-07-2010, 05:33 AM
مايسه ...غايتو ا المثل البقول ((مرمى الله تجى ترفعه بجيب خبرك)) ده منطبق على ود المطامير
زمان قال عنده عارض هسى بقى الشيطان قاعد ليه فى اضانو وكمان بغنى ليه..
مفارق وين مخلنى بعد ولفته قلبى عليك

هع هع هع

تعرف إذاعتى نقلت لى كأس العالم كلو على الهوا مباشره
ومجان كمان

ود المطامير
12-07-2010, 05:44 AM
ود المطامير .. قال ليك نتقابل في مطار الشارقه هع هع هع

:o:o:o
تعرف يا الحبيب ؟
زمان مشيت مطار الشارقه عشان ألاقى حبيبنا الله يطراه بالخير .. مزونى .. كان جائ من الهند ترانزيت
ولاقيناهو أنا ونزار .. بعدما غادر الحبيب مزونى قلت لنزار عاوز أمشى بشارع الإمارات

هو شارع بمر خارج مدينة الشارقه ودبى وطبعاً كان قصدى أصل للوليدات بسرعه وخاصه كانت الساعه 10 بالليل .. وقدامى أكتر من 500 كيلو متر
يقوم عمك يقول لى وبشهامة أهل البلد .. أبشر بس تعال وراى من نصل الجسر بعمل ليك إشاره
تقوم تركب الشارع اللى عليهو الإشاره
ووصلنا الجسر وعمل لى إشاره يمين ومعاها كنتاك يعنى مع السلامه
وركبت الشارع وكان عكس وجهتى تماماً وأخوك راشى بالطريقه الصاح
أكان ألقى ليك نفسى بين جبال رأس الخيمه

غايتو .. إشارة عمك وصلتنى للوليدات تانى يوم الساعه 9 صباحاً
تفتكر تانى بلاقيهو فى مطار الشارقه ؟ هع هع هع

سروية
12-07-2010, 10:38 PM
دكتورتنا سروية..تصلى بالسلامه انشاءالله ..وتقضى اجازه سعيدة بين الاهل والاحباب
وتنططى فى المطره وتعيدى الذكريات..قولى امين
دام لنا ولاؤك ودام لك ولاؤنا ودامت لنا الجزيره الطيبه التى تجمع ابناؤها فى حضنها
منتظرنك فى بيت ناس مدنيه بتاع مدنى ثمح


هي يااانزاار يا اخوي انت شايف لي شوفة ولا شنو اغترب وكدا :rolleyes::rolleyes:

انا قاااعدة في مدني دي ومتوهطة

اسعل مدنية ياااخ

تجو انتو بي الف سلاامة

وان شاء الله نلاقيكم

نزار حسن محمد
13-07-2010, 09:05 PM
هي يااانزاار يا اخوي انت شايف لي شوفة ولا شنو اغترب وكدا :rolleyes::rolleyes:

انا قاااعدة في مدني دي ومتوهطة

اسعل مدنية ياااخ

تجو انتو بي الف سلاامة

وان شاء الله نلاقيكم

اكان كدى ياسرويه حضرى البياض ساكت وحاة شيخى ابوقنايا
اغترابك شايفه تحت عينى ..عاد شيخى ابوقنايا كمان بكذب

ود المطامير
13-07-2010, 09:55 PM
هي يااانزاار يا اخوي انت شايف لي شوفة ولا شنو اغترب وكدا :rolleyes::rolleyes:

انا قاااعدة في مدني دي ومتوهطة

اسعل مدنية ياااخ

تجو انتو بي الف سلاامة

وان شاء الله نلاقيكم
معليش يا دكتورتنا

اليومين دول فى الإمارات السخانه ألف

والدهب غاااااااااالى

مايسة
13-07-2010, 10:09 PM
معليش يا دكتورتنا

اليومين دول فى الإمارات السخانه ألف

والدهب غاااااااااالى


وانت عرفته كيف انو غاااااااالي

لو ما مشيت هناااك تنزل من الرفوف

عجبني ليك :cool::p

نزار حسن محمد
13-07-2010, 10:11 PM
معليش يا دكتورتنا

اليومين دول فى الإمارات السخانه ألف

والدهب غاااااااااالى

لاحوله ..الهما اكفينا شر العوارض هووووى ياود المطامير شيل عارضك ده من هنا بالله دخلتك للبوست طالبوا منى ااخر اجازتى ..يازول اخطانى الله يهديك بجيب لك معاى تمباك واقاشى اها تانى بدور منى شى

نزار حسن محمد
13-07-2010, 10:13 PM
وانت عرفته كيف انو غاااااااالي

لو ما مشيت هناااك تنزل من الرفوف

عجبني ليك :cool::p

الله ينصر دينك ياستاذه مايسه

بت مارنجان
13-07-2010, 10:55 PM
نزار حسن توصل بالسلامة ان شاء الله
والبلد تنور بي وجودك ...

اها بمناسبة الدهب ان شاء الله غويشة ماتنسانا :o

بنت الرفاعي
13-07-2010, 11:52 PM
هيا الدكتوره انتى ما جايه ... الشكيه لبدن قويه ..
انشاءالله ربنا يسهله عليك محل ما تقبلى ..
:(شفت كيف؟؟:(
آميييين وجمعاً يارب.

وبأذن الله سنقوم بتغطيه اعلاميه مباشره
بث ما تغيرى الريموت ..وخليك قريبه
يا ليت والله، مافي طريقة تغيير إن شاءالله.:rolleyes::)

بالمناسبة: أخونا رضا مسافر ولّا غير رأيه؟؟!!

نزار حسن محمد
14-07-2010, 10:48 PM
يا ليت والله، مافي طريقة تغيير إن شاءالله.:rolleyes::)

بالمناسبة: أخونا رضا مسافر ولّا غير رأيه؟؟!!

دكتورتنا المصحح اللغوى ..غايتو انا براه القاموس العربى ..والنظر بقى مجلى حرف بشوفه وحرف بطلع اوت
رضا ستف عفشه تب ..وجاى جرى للمطر ...مابقدر على فراق ارض المحنه ..

نزار حسن محمد
30-03-2011, 12:09 AM
وكانت لنا ايام ..من الارشيف

خالد أحمد الصول
30-03-2011, 10:57 PM
بعد جفاف السنين و نفض الاوراق و اللون الاصفر الباهت ... ستزهر ورودي وتخضر أوراقي و ينتصب عودي فأكون رائعا حتي يغازلني الناس في الشوارع ... راجنك ترد لينا روحنا

أحمد عبدالله
31-03-2011, 08:02 PM
الا ستاذ نزار حسن محمد اتمنى لك اجازه سعيده بين الاهل والاصدقاء وبين اعضاء المنتدى الطبيون الذين عشت معهم اسعد ايام عمري التحيه ليك وانت في احضان ودمدنى ست المدائن وتحياتي للاسره الكريمه وتحيه خاصه الى للبنات العسولات رنيم وعزه معليش كل مره انسى قصدي (ناني العسسل) البت شهاده عربيه وكده ده شغل زاتو ربي يخليهم ليك..

أحمد عبدالله
31-03-2011, 08:11 PM
ابو الرجال سيد المطموره ود جلاله

تعرف عندى بتى رنيم لسانه سليط اسال منها مدنيه قبل فتره رحلتهم لساكن فى ابراج الامارات وبينى وبينك السكان على مستوى ..قامت البنيه قالت لى اسمع يابابا اختى عزه دى من يوم الليله مافى واحد اناديهاباسم عزه قلت ليها ليه انشاءالله خير قالت لى يابابا نحن ساكنين فى الابراج عشان كده اختى عزه دى اسمها نانى ..وحاتك ياغالى بقيت انادى عزه ولا تتلفت لى اقول يانانى اكان تتلفت
شفت الزمن بقى كيف يابوى ..

[]هههههههههههههههههههههههههاي رنيم ياعسسل ربي يديك العافيه وسلمي لي على عزة معليش نسيت قصدي ناني نزار محمد حسن ثمح ياعسوله ان شاء الله مدنى تنفع معاك يا رنيم ماتقولي لي بابا تاني يوم نحن راجعين الابراج لانو في مدنى في برج واحد اسمو برج الجزيره والتاني اسمو برج العمال ومش معروف متين ينتهي..؟؟؟؟
ربي يحفظها ان شاء الله[/b]

بدر الدين محمد
04-04-2011, 05:22 AM
لازم نشوفك تلفوني متوفر عند ناس الخرطوم

بحيرى
04-04-2011, 06:48 AM
وكانت لنا ايام ..من الارشيف


يا حليلك
وحليل ايامك !!!