التيمان والضهــــــــب فى الاهلية

[amino]

قام اصدقائى بدعوتى لزيارتهم فى جامعة الاهلية بودمدنى,اخوكم ماصدق قام رتب اموروا لليوم الموعود لانوا لى شهور من اتخرجت وفارقت الجامعات والضهب والقرقرة ,المهم اولا جريت سلك لى على صاحبى اسمعك ياعمك عندى برنامجى كدة وكدة وعشان الجنصصة لازم نخش فى حلاقة وكدة ,وبعد تعب وتحانيس اخوكم اظبط وخش لى فى بنطلون وقميص وبقى مارق على الجامعة,وللمعلومية اولى مرة اخش جامعة الاهلية وعموما علاقتى ضعيفة بجامعات ودمدنى,وخشيت وباقى لى الاشكال غريبة وجاية مستحمية ونظيفة لدرجة الجو كان جميل حسيت من النظافة الحاصلة انو ا الجو سخن شديد,والحاجة الغريبة الجامعة كلها لابسة جزم اسبورت واستغربت وسالت انتوا بصرفوا جزم اسبورت مع التسجيل وكمان النظارة فكرت انوا اعمل لى طبلية نظارات اى واحد لابس نظارة وامشى اتوضى واتونس يغير فيرموا ومايعرفوا مشى وين يعنى الواحد بغير نظارتوا كذا مرة وهو ماعارف, المهم عالم عايش فى دنيا تانية,,

[amino]

نجى لى موضوعنا الاساسى اخوكم كان قاعد فى مظلة برة مع الكافتريا,بعد شوية جوا الشخصيين المابخفوا على متباريين زى حجارة البطارية ماشيين وراء بعض,اخوكم بقى اتذكر الجماعة ديل شفتهم وين؟ومع مدخل الكافتريا واحد من التيمان(مجتبى) والظاهر لزوم الجنصصة طلع سجارة وعلى الطاير قبل تخش على خشموا ولعها اخوكم انبهر بالموقف!!قلت الزول دا خلاص يكون فنان بعرفواولا ممثل معروف,قمتا جارى على الكافتريا! اصحابى لمن استغربوا الزول دا مالوا,خشيت لقيت مافى اى اثر لبهرجة وكدة,جيت راجع اتشمشر واسال الاثنين الخشوا هسى ديل بتعرفوهم؟

[amino]

الحاجة الخايف منها لحدى هسى يكونوا مادفعوا حق الجبنة؟؟؟ قالوا لى ديل التيمان,رديت عليهم التيمان!بس ديل بتاعيين منتديات ودمدنى ووقعتوا معاى,قمت سقتا معاى واحد من اصحابى وفهمتوا الوضع وقلتا ليهوا حاطبق فيهم منظر,جيت خاشى الكافتريا لقيتم ليك واقفيين مع بتاع شاى فى طرف الكافتريا,ومعاهم حاجتيين نظيفات شديد(سمحات)واى واحد اقرقر فى اتجاة وراجى جبنتوا ويدلبوا ساى اخر دليبات,وقفتا مسافة وبعد شوية دقيت على كتف مجتبى:اسمع عايز جبنة؟عاين لى كدة مسافة من الجزمة اللابسا لحدى القطعية والدقن المظبطات والظاهر عجبتوا القطعية بس ماقالها,وبعد رددتها ليهوا كذا مرة اخيرا ورافة بحالى قام ادانى كباية الجبنة والظاهر عليهوا ضارباهوا المغسة وماقادر اتكلم عشان الجكسوية المعاهوا واخوكم مستغل فرص وبهناك مصطفى ولاهاميهوا يكضب ساى وحاضن كفتيرة الشاى شكيت انوا الكشك بتاعوا هو جوا الكشك والجكسوية برا,بعد شوية بعد ضقتا الجبنة وضمنتا سكرا ظابط قلتا اول حاجة منو مجتبى ومنو مصطفى,اصحابك ولاعايزين يورونى!! البركة فى الجكسوية العرفتنى بيهم,بعد شوية رافتا بحالهم قلتا ليهم معاكم اخوكم امينو من ضل النيمة,مجتبى ولا بتلفت للكلام (انتوا ناس المشاكل) لاحول ولاقوة الا بالله كدى استهدى يازول مشاكل شنو؟؟واخباركم؟؟وين موقعكم الان؟قال نحن خلاص بقينا معلميين وفارقنا المنتديات فيس بوك وبس وقريبا,www.altimanbook.co ,وبعد شوية حسيت بانوا عندهم حنك ماتموا ودعتهم ومشيت ,,

[amino]

الحاجة الخايف منها لحدى هسى يكونوا مادفعوا حق الجبنة؟؟؟ ;);););)

[ود المطامير]

وأنا أقول الحبايب دول مشو وين ؟
أتاريهم ضاربين الجبنه والشاى مع الحنان

تسلم حبيبنا .. والله فيك الخير طمنتنا عليهم

[ود المطامير]

والله يا الحبيب
شوقنا ليهم بلا حدود

تحياتنا ليهم عبرك أينما كانوا

[بنت الرفاعي]

:dضهبكم عينة. ;)

[التيمان]

ههههههههههههههههههههههههاي
اخوي اللزيز خلف الله يااا
ماطي الموضوع وفاضحنا وشاطر عينا في المنتدي
استرنا يااخ
سيجار وجبنه وجكس هسي سااي مرام دي لو عايزه تحب واحد فينا لاوزت ..
وانا هسي معجب بب بت نفاش لو قرت موضوع جدعه السيجاره والتوليعه الفي الجو دي
بتغير رايهاا -- اللهم لاحسد --
يا اصلي لبشتنا لبش وحيث الجكاسي الزول مابشوف تاني
ع وزن
الراجل بميه مره لكن ان جات المره الله مع الميه راجل :)
لكن وزنتك زاتها كانت رهيبه
وما تخاف الجبنه حقها مدفوع
انت ماشفتني طلعته الورق ابو خمسين ده قلت عايز جبنه
لو قعده شويه كنت عايز تفطر صح :)
لكن يا اصلي نتمني منك الزياره مره اخري ..
في اوقات اروع واحسن من كده
تحياتي ليك
مجتبي
دندق
\

[amino]

وأنا أقول الحبايب دول مشو وين ؟
أتاريهم ضاربين الجبنه والشاى مع الحنان

تسلم حبيبنا .. والله فيك الخير طمنتنا عليهم

هلا ودالمطامير,والله اصحابك عايشين جو مية المية....
وافكارهم الاخيرة التيمان بوك دوت كوم مفكر والله افردهم...
الجماعة ديل خطريين ماتشوفهم لمن يقوموا ويكونوا ماشين الجامعة كلها تقيف:):):)...

تخريمة:
غايتوا فى الاهلية تب عوجة مابتجيهم ضاربيين الحنان,,,

[amino]

:dضهبكم يالتيمان عينة. ;)


ديل الثلاثة واحلى شفاتة ....
وانا اقول مدنى دى مالا بقت ...

[amino]

ههههههههههههههههههههههههاي
اخوي اللزيز خلف الله يااا
ماطي الموضوع وفاضحنا وشاطر عينا في المنتدي
استرنا يااخ
سيجار وجبنه وجكس هسي سااي مرام دي لو عايزه تحب واحد فينا لاوزت ..
وانا هسي معجب بب بت نفاش لو قرت موضوع جدعه السيجاره والتوليعه الفي الجو دي
بتغير رايهاا -- اللهم لاحسد --
يا اصلي لبشتنا لبش وحيث الجكاسي الزول مابشوف تاني
ع وزن
الراجل بميه مره لكن ان جات المره الله مع الميه راجل :)
لكن وزنتك زاتها كانت رهيبه
وما تخاف الجبنه حقها مدفوع
انت ماشفتني طلعته الورق ابو خمسين ده قلت عايز جبنه
لو قعده شويه كنت عايز تفطر صح :)
لكن يا اصلي نتمني منك الزياره مره اخري ..
في اوقات اروع واحسن من كده
تحياتي ليك
مجتبي
دندق
\

هههههههههههههههه مجتبى يالذيذ صباح زى الجو الحاصل الان...
وانتوا لو خايفيين من الفضايح عاد فى داعى لى جنس الجنصصات والحركات دى..
والله ان سالت سؤالقلتا ليهم التيمان ديل عربيتهم شنو؟؟ همر ولا مرسيديس؟؟..
عشان المشية وجدعة السيجارة ناقصة مفاتيح الهمر...
وبررررررررررررررررى يسمنى واخربنى اكان شفتا لى ورقة ام الف....
ومرام لومكسرة اصلا,وجات شافتك فى الاهلية والجدعات الاتانى بالاسعاف وكمان بنت نفاش....
والله يالتيمان جد فرصة سعيدة ...
ونتمنى انها تتكرر فى القريب...

عااااااااجل::

لكن ماتقول لى الجكــــــــــــــــــــــــس المعاك مافى كلام...
والله اخوك كسروا وكان عايز اخرم ليك لكن تقول شنو ...الجاى احلـــــــــــــى...



الترجمة

هههههههههههههههه مجتبى يالذيذ صباح زى الجو الحاصل الان...
وانتوا لو خايفيين من الفضايح عاد فى داعى لى جنس الجنصصات والحركات دى..
والله ان سالت سؤالقلتا ليهم التيمان ديل عربيتهم شنو؟؟ همر ولا مرسيديس؟؟..
عشان المشية وجدعة السيجارة ناقصة مفاتيح الهمر...
وبررررررررررررررررى يسمنى واخربنى اكان شفتا لى ورقة ام الف....
ومرام لومكسرة اصلا,وجات شافتك فى الاهلية والجدعات الاتانى بالاسعاف وكمان بنت نفاش....
والله يالتيمان جد فرصة سعيدة ...
ونتمنى انها تتكرر فى القريب...

عااااااااجل::

لكن ماتقول لى الجكــــــــــــــــــــــــس المعاك مافى كلام...
والله اخوك كسروا وكان عايز اخرم ليك لكن تقول شنو ...الجاى احلـــــــــــــى...

[التيمان]

هههههاي اللهم لا حسد يااخ
انت زول بتاع تكبيرات تصدق
بتجيب الهوي
اعمل لفيت

واخبار ناس هناي شنو عليك الله