ذكريات ودالمطامير مع ناس عبير والزمن الجميل

[صلاح ودالطاهر]

هذا البوست لذكريات العمده ودالمطامير اصلو الجنه ده هو وانا كنا عمد لهذا الفريق دحين وكت كنت البس جلابتي جناح ام جكو واشيل السكين في ضراعي وهو يتكشم ذي نار البصل دحين الليله انا جبتو هنا عشان يحكي لينا ذكرياتو مع ناس عبير وسرقة الحمير

[نزار حسن محمد]

[quote=صلاح ودالطاهر;511799]هذا البوست لذكريات العمده ودالمطامير اصلو الجنه ده هو وانا كنا عمد لهذا الفريق دحين وكت كنت البس جلابتي جناح ام جكو واشيل السكين في ضراعي وهو يتكشم ذي نار البصل دحين الليله انا جبتو هنا عشان يحكي لينا ذكرياتو مع ناس عبير وسرقة الحمير


هوووى ياود الطاهر قبل كل شى رجع لى جلابتى جناح ام جكو..وخلى سكينك فى ضراعك

سكين شنو يابه دي لليوم الاسود

[بت مارنجان]

عبيــــــــــر منو :confused::confused::confused:

[صلاح ودالطاهر]

عبيــــــــــر منو :confused::confused::confused:

حلو الكلام في خشم سيدو

[نزار حسن محمد]

دقيقه بث اشوف المطوفش ده سارح وين..عشان اجى افيتو هنا ونشوف عبير دى منوا

[بت مارنجان]

ياجماعة عبير منو :confused:

[نزار حسن محمد]

خلاث لقيتو حايم هناك فى فريق الحلبه والليله كمان لابس بنطلون جنز احمر وقميص بنفسجى تريفيرا

[أحمد عمر ( MOODY )]

العمدة ود الطاهر

الجنا دا ... ينطط في البوستات زي الأرنب
إلاّ لمان يجي بي جاي ... يرّفع إضنينو و يشنِّق نخرتو
زي الشاف ليهو شَرَك

ظنيتو راقد ليهو فوق راي ... غايتو لغاية العِصير إن غِلب فوقو أبوسفروووووووق
ياني الجِبوتو ليكم في مُخلاية

[ود المطامير]

[quote=صلاح ودالطاهر;511799]هذا البوست لذكريات العمده ودالمطامير اصلو الجنه ده هو وانا كنا عمد لهذا الفريق دحين وكت كنت البس جلابتي جناح ام جكو واشيل السكين في ضراعي وهو يتكشم ذي نار البصل دحين الليله انا جبتو هنا عشان يحكي لينا ذكرياتو مع ناس عبير وسرقة الحمير

يا فرده
مالك داير تجيب لى هوا ؟ هع هع هع

هسى الناس دول كلهم عارفنى مسكين والغنمايه تأكل عشاى
هسى يقولوا على شنو ؟

والله يا عمدتنا الحبيب .. أيام كنا معاً على رأس النفاج كانت أيام جميله

مواضيع ملطوشه من غير ذكر المصدر ( نهى زندقى )
وحات الله اليومين دول فى العام ومحلات تانيه نسخ ولصق جد

والله يا فرده مشكور على الأغنيه الجميله

الحبيب .. أول شئ شفّر الموضوع دا طيب من الزوار .. عشان لو بت المطامير حقتى قصّت دربى
تتوه .. أصلو أخوك جعوليه منى سااا ى إشتريت ليها لاب توب .. L g .. وحات الخوّه لخلخ جيبى وبقاهو ذى جيب .. أبوسفروق .. يوم يطلع من سوق الدهب

أهااا .. لوعاوز حكاياتى مع ناس عبير .. أنده لى شيخك .. اللى بعرفنى يشوفنى وما يعرفنى
هع هع هع

[ود المطامير]

[quote=صلاح ودالطاهر;511799]هذا البوست لذكريات العمده ودالمطامير اصلو الجنه ده هو وانا كنا عمد لهذا الفريق دحين وكت كنت البس جلابتي جناح ام جكو واشيل السكين في ضراعي وهو يتكشم ذي نار البصل دحين الليله انا جبتو هنا عشان يحكي لينا ذكرياتو مع ناس عبير وسرقة الحمير


هوووى ياود الطاهر قبل كل شى رجع لى جلابتى جناح ام جكو..وخلى سكينك فى ضراعك

سكين شنو يابه دي لليوم الاسود

دقيقه يا الحبيب
إنت شيل السكين وخلّى الجلابيه

عندى بيها مشوار

[ود المطامير]

عبيــــــــــر منو :confused::confused::confused:
أهاااااا دا الخايف منو
ناس الشمارات جو طايرين
غايتو يا ود الطاهر بورّطك معاى

هع هع هع

[ود المطامير]

دقيقه بث اشوف المطوفش ده سارح وين..عشان اجى افيتو هنا ونشوف عبير دى منوا
والله يا الحبيب لحظتها كنت بحاول أدخل وش الكتاب ( فيس بوك )

وحاتك غلبنى كلو كلو أتعامل معاهو .. لكن بفكر أتسعين بصديق ( التيمان ) حبايبى خطرللى

[ود المطامير]

ياجماعة عبير منو :confused:
تاااااااانى ؟

يا بتنا أعمامك دول خرّفو
بقو يهضربو ساااااى

[ود المطامير]

العمدة ود الطاهر

الجنا دا ... ينطط في البوستات زي الأرنب
إلاّ لمان يجي بي جاي ... يرّفع إضنينو و يشنِّق نخرتو
زي الشاف ليهو شَرَك

ظنيتو راقد ليهو فوق راي ... غايتو لغاية العِصير إن غِلب فوقو أبوسفروووووووق
ياني الجِبوتو ليكم في مُخلاية
شكيت محنك كتلتنى بالضحك

هسى بجر ليك سلك

[ابوالنور]

يا فرده
مالك داير تجيب لى هوا ؟ هع هع هع
أهااا .. لوعاوز حكاياتى مع ناس عبير .. أنده لى شيخك .. اللى بعرفنى يشوفنى وما يعرفنى[/color][/size]
هع هع هع

اها يا ود المتامير قول

[مايسة]

تاااااااانى ؟

يا بتنا أعمامك دول خرّفو
بقو يهضربو ساااااى


انداح انداح

ما تخاف - انت قدام النمر ما خفته :cool:

[ود المطامير]

المطامير

أجمل مافى المطامير إنها واقعه على الضِفّه الشرقيه للنيل الأزرق

يفصلها من البحر الجناين والجروف والبُقر .. بضم الباء .. بتعرفوها ؟ ليس لدينا شريط متحرك للترجمه
الرجاء الإستعانه بصديق .

أهاا .. تخيلوا بيئة المطامير .. بحر وجناين وجروف وبُقر وغابه من ورائها , و من أمامها .. البلدات .. العيش والسمبر والرهو والقديليات وأم مابديع والحِديّات

ومابين النيل وملحقاته الجميله والبلدات وتوابعها الرائعه كانت نشأتى

طبيعه ساحره سكبت أجمل سنين عمرى فيها مع العصافير المُغرّده .. الفراشات الملوّنه

فراش وورود وأزاهر ودُعاش من خلفها ومن أمامها .. عيدان شايله قناديل تتمايل مع النسيم العليل

وأهلى الطيبين منشرين رجال ونسوان أولاد وناس عبير


أحلى شئ فى المطامير .. ناس عبير .. ورود حيّه تتمايل .. دُرر منثور يلمع
يبهرج .. وحات الله يفتلن القلب ..

ونبدأ ... لكن لو جاتنى عوجه يا ود الطاهر بنط ليك فى رقبتك طيب ؟

[نزار حسن محمد]

الليله ..انا ..براه

[صلاح ودالطاهر]

وأهلى الطيبين منشرين رجال ونسوان أولاد وناس عبير


أحلى شئ فى المطامير .. ناس عبير .. ورود حيّه تتمايل .. دُرر منثور يلمع
يبهرج .. وحات الله يفتلن القلب ..

ونبدأ ... لكن لو جاتنى عوجه يا ود الطاهر بنط ليك فى رقبتك طيب ؟

يا سلام عليك يا ود امي انداح ذي ما قالت ليك خالتك ميسو اها شيل شيلتك بت عمي ام عمرو مدستره ما بيحلك الا ومعك عم دهب

[ود المطامير]

اها يا ود المتامير قول
والله يا حبيبنا
القول سمح وساهل لكن الكلام بعد القول

والله مشتااااااقين

[ود المطامير]

انداح انداح

ما تخاف - انت قدام النمر ما خفته :cool:

هع هع هع

اهااااا ... جبتى هبّابتك وجيتى ؟

[ود المطامير]

الليله ..انا ..براه

بره وين

والله أكان أغطس بيك

[ود المطامير]

يا سلام عليك يا ود امي انداح ذي ما قالت ليك خالتك ميسو اها شيل شيلتك بت عمي ام عمرو مدستره ما بيحلك الا ومعك عم دهب

أهااا ... يعنى ورّطتونى ؟

خلاص بقلب الموضوع حبى لأم عمرو

وحاتك تجى هنى تفرش لى الطريق ورود من الميناء لحد البيت

هع هع هع

عم دهب دا بجرجرو ليك معاى
أصبر لى بس

[بت مارنجان]

ياخوانا عبير لقيتوها ؟؟؟؟


ياود المطامير : انت شخص ارهابي وبتقتل ارواح من وين بتجيب الاحاسيس لي
ناس عبير دي :mad:

[راشد ود الجيلي]

اها يا ود المتامير قول
والله يا ابو النور طلعت اي كلام اه العضوية نشطها لي صديقي ابوبكر dhl قعدتك دي زكرني سنة 63 كنا بنقعدها انا وشرحبيل

[ود المطامير]

ياخوانا عبير لقيتوها ؟؟؟؟


ياود المطامير : انت شخص ارهابي وبتقتل ارواح من وين بتجيب الاحاسيس لي
ناس عبير دي :mad:

يا حولا

أهااا .. النوريك ..
جدى لأبوى يوم إتوفت حبوبتنا ( الله يرحمهم ) طوى فراشه وبقى ينوم على حبل العنقريب أكتر من شهر
قام جاهو الشريف عبدالله ( الله يرحمه ) وحلف عليهو يفرد لحافه

قام أبوى الله يطوّل لى فى عمره ورث الحِتّه دى ..

مره أبوى جا من السودان من الإجازه وأنا هنى ... وكان عندو باقى عمله سودانيه
وكان مرسّل مصاريف لأمى وكتب تلاته جوابات .. واحد ليها والإتنين لأخوى وأختى

وقسّم القروش السودانيه عليهم وكل واحد ختّ ليهو فى جوابو نصيبه

أنا قلت ليهو .. إنت أمى مرسل ليها مصاريفها والمبلغ اللى ختيتو لأمى فى جوابها كان تقسمو على أخوانى

قال لى .. العشره جنيه دى أمك ح تشوفها أكتر من العشرين ألف حقات المصاريف

وجا الرد فيما بعد من أمى .. وآمنت إنو نحنا ناس ريّادين بالحييييييييييييييل هع هع هع

أهااا ... أنا ورثت أحاسيس جدى على مشاعر أبوى .. وطلعت أريد منهم الإتنين

شنو ليك عليك الله ؟

[ود المطامير]

والله يا ابو النور طلعت اي كلام اه العضوية نشطها لي صديقي ابوبكر dhl قعدتك دي زكرني سنة 63 كنا بنقعدها انا وشرحبيل
مرحب أخونا راشد
شرفتنا والله

[الجندي المجهول]

حكاية عبير مع ود المطامير
عبير رشحت البشير
ود المطامير قريب المرحوم الزبير
عبير ابوها تاجر كبير
ود المطامير طموحو ابدا ما كان صغير
ود المطامير زولاً جد خطير
زول متواضع وما تستغربوا لو شفتوهو في يوم سايق حمير
عبير ،،،،، يا عروس الامير
يا بت مارنجان عرفتي عبير
ام تاه بك المطاف فتوقفت عن ال( النفير)
عبير دي رحلة عمر وشوق وشعور
ود المطامير والجزيرة والامبراطور
عبير بيتنا وبت مارنجان بتنا لكن عبير
بالجد يا ود المطامير لقيتك خطييييييير
عرفتي يا بت مارنجان مين عبير
قولي وما تخافي سرك في بير
ود المطامير احتار مرة يصنقر ومرة يتكوم في السرير
ميرود والحمة تحكي قصة زول عشق الاسير
مكمدات ما تنفع ولا حتى بندول مصحول بي (كوز) عصير
ود المطامير ورحلة عبير غناها ابو اللمين زمن الاساطير
انت ما بهجة مشاعر انت ما رحلة عبير
انت ما ياكا الحنين انت ما ياكا الامير
وكيف نسيبك وانت نورت البلد ،،،، يا عبير ،،

تخريمة :

[ود المطامير]

فى البدايه .. عبير ... ليست بنت معيّنه وإنما رمز لكل بنات المطامير وفريقنا خاصه

وبنات جليلنا كانن سمحات سماحة القمره فى الصيف .. حلوات لدرجة تمهل أقيف
وأجمل شئ فيهن جمال طبيعى صاااافى ونقى .. لا بودره ولا ظلال جفون ولا روج ولا يحزنون
بالكُحل الطبيعى تلمع عيونهن الواسعه ببريق يأخذ الألباب
و ولمّا أصفّر ليها تلتفت و الضفاير تتطاير مع إلتفاتات الجيد النضير .. وتبتسم ( الدنيا يا ناس تنقسم )

إبتسامه تجعل القلب يكاد يهد الضلوع .. والأنفاس تتهدج وتكون مسموعه .. والأيادى ترتعش ..
والجبين يُندّى .. وتستمر هى فى الطريق وأنا فى طريق
وأنط فى الهوا فوووق .. فرحان بالهديه الرائعه .. إبتسامه بريئه من زهره يانعه من حيّنا

وبنات حيّنا وأحىىىىىىىىى أنا .. وسنه يا أنا ..

فى الصباح الباكر أشيل كُتبى قاصد المدرسه وأتكّى .. رجل ورا ورجل قدام وأستنّى
السمحات وهن مارقات بنات الثانويه العامه .. ( الطاشرات سُكر نبات ) الفستان حيمورى وبنطلون أبيض
والضمير أبيض ... شوف سااااى من بعيد لبعيد .. فيها شئ ؟ أعمل شنو بطبعى زول فنان أهوى الجمال
وما أره أمامى لوحه طبيعيه خلابه , وأنا أحب الرسم .. وخطوط الطول والعرض وتمازج الألوان

وفى نهاية اليوم المدرسى ( ومدرستهم جمب مدرستنا ) أشيل كُتبى وأتكّى
رجل ورا ورجل قدام وأستنّى .. السمحات وهن راجعات
ومابين الذهاب والرجوع .. أنا جالس على مقعدى مُتّكى على دُرجى وأسرح ... أسرح ... وأسرح
يدخل مدرس العربى ويطلع قال شنو ؟ مُش عارف .. وأرى السبوره مليانه كتابه وأنخلع
دى ملوها كتابه متين ؟ والأستاذ دا جا وطلع متين ؟ يكون جا لمّا سرحت مع إشراقه وأنا وهى
وسط الجروف وأحواض والبصل الأخضر وشتلات الليمون والمنقه نغنّى وندردق على أحواض الجرجير ولا شيرو خان وسرى ديفى

[ود المطامير]

حكاية عبير مع ود المطامير
عبير رشحت البشير
ود المطامير قريب المرحوم الزبير
عبير ابوها تاجر كبير
ود المطامير طموحو ابدا ما كان صغير
ود المطامير زولاً جد خطير
زول متواضع وما تستغربوا لو شفتوهو في يوم سايق حمير
عبير ،،،،، يا عروس الامير
يا بت مارنجان عرفتي عبير
ام تاه بك المطاف فتوقفت عن ال( النفير)
عبير دي رحلة عمر وشوق وشعور
ود المطامير والجزيرة والامبراطور
عبير بيتنا وبت مارنجان بتنا لكن عبير
بالجد يا ود المطامير لقيتك خطييييييير
عرفتي يا بت مارنجان مين عبير
قولي وما تخافي سرك في بير
ود المطامير احتار مرة يصنقر ومرة يتكوم في السرير
ميرود والحمة تحكي قصة زول عشق الاسير
مكمدات ما تنفع ولا حتى بندول مصحول بي (كوز) عصير
ود المطامير ورحلة عبير غناها ابو اللمين زمن الاساطير
انت ما بهجة مشاعر انت ما رحلة عبير
انت ما ياكا الحنين انت ما ياكا الامير
وكيف نسيبك وانت نورت البلد ،،،، يا عبير ،،

تخريمة :
والله يا الحبيب
إبداااااااااااااع
رهييييييييب وصدقنى والله طبعتها

وح أرد ليك عليها هسى دى

لكن لقيتك يا فرده إنت اللى خطيييييييير

[أحمد عمر ( MOODY )]

المطامير

أجمل مافى المطامير إنها واقعه على الضِفّه الشرقيه للنيل الأزرق

يفصلها من البحر الجناين والجروف والبُقر .. بضم الباء .. بتعرفوها ؟ ليس لدينا شريط متحرك للترجمه
الرجاء الإستعانه بصديق .

أهاا .. تخيلوا بيئة المطامير .. بحر وجناين وجروف وبُقر وغابه من ورائها , و من أمامها .. البلدات .. العيش والسمبر والرهو والقديليات وأم مابديع والحِديّات

ومابين النيل وملحقاته الجميله والبلدات وتوابعها الرائعه كانت نشأتى

طبيعه ساحره سكبت أجمل سنين عمرى فيها مع العصافير المُغرّده .. الفراشات الملوّنه

فراش وورود وأزاهر ودُعاش من خلفها ومن أمامها .. عيدان شايله قناديل تتمايل مع النسيم العليل

وأهلى الطيبين منشرين رجال ونسوان أولاد وناس عبير


أحلى شئ فى المطامير .. ناس عبير .. ورود حيّه تتمايل .. دُرر منثور يلمع
يبهرج .. وحات الله يفتلن القلب ..

ونبدأ ... لكن لو جاتنى عوجه يا ود الطاهر بنط ليك فى رقبتك طيب ؟




أُمّممممك ..... الشرك قبض
اللّيلة دي .... كِتِل زول
اللّيلة يا ود المطامير ... وااااااااااااااا فليلّك
و يااااااااااااااااا حليلّك


مشقاقة : يا اخوي إنت سلكك ده جارّيهو المنطقة الغربية كلّها

[ود المطامير]

أُمّممممك ..... الشرك قبض
اللّيلة دي .... كِتِل زول
اللّيلة يا ود المطامير ... وااااااااااااااا فليلّك
و يااااااااااااااااا حليلّك


مشقاقة : يا اخوي إنت سلكك ده جارّيهو المنطقة الغربية كلّها
هووووووووى مالك داير تخوفنى ؟
أكب الزوغه يعنى ؟

[المسافر]

هذا البوست لذكريات العمده ودالمطامير اصلو الجنه ده هو وانا كنا عمد لهذا الفريق دحين وكت كنت البس جلابتي جناح ام جكو واشيل السكين في ضراعي وهو يتكشم ذي نار البصل دحين الليله انا جبتو هنا عشان يحكي لينا ذكرياتو مع ناس عبير وسرقة الحمير



و
د الطاهر أخوي
كيفنك

يا أخوي ما اسمها ( عبير )
اسمها ( التاية ) ما تلخبط ساي

[ود المطامير]

و
د الطاهر أخوي
كيفنك

يا أخوي ما اسمها ( عبير )
اسمها ( التاية ) ما تلخبط ساي

دا إنت العاقل ؟
هع هع هع

[أحمد عمر ( MOODY )]

هووووووووى مالك داير تخوفنى ؟
أكب الزوغه يعنى ؟




تكب الزوغة بعد شنو ... ؟
العُمدة ود الطاهر شرّك ليك ... و الشرك قبض
أعمل حسابك الأيام دي الواطة حااااارة ... و السّخانة فوووووق

[منتهى]

لكن يا ود المطامير....... لقيتك خططططططططططططططططططير

[عزالدين]

انداح انداح

ما تخاف - انت قدام النمر ما خفته :cool:

النمر عاااااااااااااادى ممكن يقد سلك ويكب البيرق لكن الكلام النمر القاعد فى البيت يكب البيرق يجرى وين؟

[ابووضاح]

هيع هيع هيييييييييييييييييييييييييييع
وايضاً كذلك ثم لو
امانه الليلة ماااااااااااااااااااااااا وقع راجل
المفراكة والكنش يا ام عمرو
كمان جابت ليها عبير
هيع هيييييييييييييييييييييييييييع