ألو .. علي ؟؟؟ !!! [الأرشيف] - منتديات ودمدني

معتز الريح

16-07-2010, 11:54 PM

ويأتيك الرد من الجانب الآخر ..
لا ما علي والله شكلك غلطان ..
فتعتذر سريعاً وتضغط No ..
وتتنفس الصعداء ..
--------------------
علي يا كبير ؟؟ ..

معتز الريح

16-07-2010, 11:56 PM

مشكلة أنت تتصل على شخص ..
ويرد عليك شخص تاني يفاجئك ..
مشكلة عويصة تحتاج لبرود أعصاب وسرعة بديهة ..
------------------------------
صاحب (علي) يتمتع بها تماماً ..

معتز الريح

16-07-2010, 11:57 PM

إذا كان الاتصال من هاتف ثابت لهاتف ثابت ..
أخف وطأه وأقل ضرراً ..
وما حتدخل في حتة علي ولا عوضين ..
فما عليك إلا أن تقفل الخط ..

ABUZAID

16-07-2010, 11:58 PM

يمكن الشبكة مزحومة

ويمكن . . .
الخط شبك
كوستي وربك

ويمكن . . .
غلطان المرحوم

معتز الريح

16-07-2010, 11:59 PM

لا يفوت على فطنة الجميع أنو المتصل ما طالب علي ولا يعرف من هو علي ..
ولكنها زوغة والسلام ..

رضا حسن محمد

17-07-2010, 12:00 AM

المتصلين عليهو من الجنس اللطيف ولا الخشن مجرد سوال

معتز الريح

17-07-2010, 12:00 AM

يمكن الشبكة مزحومة

ويمكن . . .
الخط شبك
كوستي وربك

ويمكن . . .
غلطان المرحوم

غلطان علي يا حبيب ..
الأدانا تلفون غلط ..

معتز الريح

17-07-2010, 12:01 AM

المتصلين عليهو من الجنس اللطيف ولا الخشن مجرد سوال

يا أبو الروض أنا أثق تماماً في فطنتك ..

رضا حسن محمد

17-07-2010, 12:02 AM

دى دايرة واحد يتاع مخابرات عديل كدة
مش دايرة برودة اعصاب وسرعة بديهة

رضا حسن محمد

17-07-2010, 12:03 AM

يمكن على غير رقمو
يمكن نسى ويمكن ظروف المدرسة

ABUZAID

17-07-2010, 12:04 AM

لا يفوت على فطنة الجميع أنو المتصل ما طالب علي ولا يعرف من هو علي ..
ولكنها زوغة والسلام ..

اهلنا في الغرب بقولو

( الزول بونسه غرده )

يعني . . .

الزول بيونسو غرضو

لو سقت ليه اي موضوع . . .
ما بيهتم ولا بينتبه معاك

لانو مشغول بغرض معين
اللي لو اتكلمت معاه فيه حتونسوا
وحينتبه معاك ويصغي لكلامك

صاحبك ده شكلو ما لقى غرضو

رضا حسن محمد

17-07-2010, 12:04 AM

يا أبو الروض أنا أثق تماماً في فطنتك ..

المتصل رقمو مسجل عند المتصليين عليهو ولا لا
تفرق كتير وتمر بى من غير سلام

ABUZAID

17-07-2010, 12:06 AM

سين كويسشن

الاتصال دولي وللا محلي ؟ ؟ ؟

ابوالنور

17-07-2010, 12:06 AM

انت يا دابك خشيت المرحلة ديت

طبعا المرحلة الجاية يا ود الريح انك تكون بتتكلم مع عباس وفجعتن تلقي خشي عليك عباس تاني
ووووووو

معتز الريح

17-07-2010, 12:06 AM

يا ابو الروض ..
قصة واقعية ..
-------------
واحد شقي اتعرف على واحده وادتو تلفون بيتهم ..
وسمع بيها عاملة عملية .. وسمع كمان أنو أبوها نار ..
وعايز يتصل عليها ..
فدردق أحد أصحابو وأداهو الرقم وقال ليهو أنت بس اتصل ..
فاتصل رد عليهو أبوها فقال ليهو أديني فلانة ..
فالأبو دردقو قال ليهو أنت منو
قال ليهو أنا زميلها في الجامعة ..
فكال له كمية من الشتائم منها ما يكتب ومنا ما لا يكتب ..
وقال ليهو أنا بتي يادوب داخلة الثانوي ..

معتز الريح

17-07-2010, 12:08 AM

دى دايرة واحد يتاع مخابرات عديل كدة
مش دايرة برودة اعصاب وسرعة بديهة

هههههههههههههههههههههههه
والله صاحب علي شكلو متمرس ..
لكن ليه؟؟؟؟

معتز الريح

17-07-2010, 12:09 AM

يمكن على غير رقمو
يمكن نسى ويمكن ظروف المدرسة

أبو الروض كل الحاجات ممكنة ..
الماممكن تلفون زول يرد عليهو زول تاني دي كيف؟
والله ولا حلوة ..

معتز الريح

17-07-2010, 12:10 AM

صاحبك ده شكلو ما لقى غرضو

للأسف والله ..
لو لقاهو ما كان تعبنا وجينا عملنا بوست ..

معتز الريح

17-07-2010, 12:12 AM

وتمر بى من غير سلام

إن شاء الله ياخ تمر بسلام ..
عشان خاطر علي ..
---------------------
حسه الشلاقة من المتصل ولا من الرد على تلفون ما حقو ؟؟

معتز الريح

17-07-2010, 12:13 AM

سين كويسشن

الاتصال دولي وللا محلي ؟ ؟ ؟

ممكن أعمل رايح؟؟؟

ABUZAID

17-07-2010, 12:16 AM

ممكن أعمل رايح؟؟؟

زيادة رصيد وكده

معتز الريح

17-07-2010, 12:17 AM

انت يا دابك خشيت المرحلة ديت

أبو النور ياحبيب ..
أنا ياخ صاحب (صاحب) علي ..
ما خشيت المرحلة لسه لكن في الطريق ..

طبعا المرحلة الجاية يا ود الريح انك تكون بتتكلم مع عباس وفجعتن تلقي خشي عليك عباس تاني

بس إن شاء الله عباس يكون طيب .. زي علي ..

معتز الريح

17-07-2010, 12:19 AM

زيادة رصيد وكده

يا حبيب .. هو البلد دي فيها علي ؟؟؟

مدنيّة

17-07-2010, 12:23 AM

في شنو يااخوانا
وعلي دا منووووو ؟؟
فهمونا اي حاجة ياخ

ابوالنور

17-07-2010, 12:30 AM

في شنو يااخوانا
وعلي دا منووووو ؟؟
فهمونا اي حاجة ياخ

بس اصلي وعليك علي افهمك ليه بضبانتو

ABUZAID

17-07-2010, 12:46 AM

في شنو يااخوانا
وعلي دا منووووو ؟؟
فهمونا اي حاجة ياخ

ألو . . . مدنية ؟ ؟ ؟

مدناوية

17-07-2010, 01:04 AM

يا جماعة لميتو في علي .. ولا لسة ؟؟

معتز الريح

17-07-2010, 01:07 AM

في شنو يااخوانا
وعلي دا منووووو ؟؟
فهمونا اي حاجة ياخ

يا مدنية ياخ ..
زول يتصل عليك يرد عليهو زول تاني ..
وبس ..

معتز الريح

17-07-2010, 01:08 AM

بس اصلي وعليك علي افهمك ليه بضبانتو

التلفون معاك .. يا علي

معتز الريح

17-07-2010, 01:10 AM

ألو . . . مدنية ؟ ؟ ؟

ههههههههههههههههههههههههههه
اتخيل يرد عليك بعلها .. وأنت ما بتعرفو ..
تقول ليهو أديني منو؟؟؟

معتز الريح

17-07-2010, 01:14 AM

يا جماعة لميتو في علي .. ولا لسة ؟؟

يا بت جيرانا ..
علي ده لو حرسناهو للسنة الجاية ما بظهر ..
والشلاقة كما الرشاقة ما كويسة ..
والواحد وقت ما بقدر أخير يروق في علبو ..
------------------------------
حكمة اليوم ..
تدور عمر تلقى علي ..

سروية

17-07-2010, 01:21 AM

يامدنية انا زااتي ماافهمتة اي شيي ياااخ:rolleyes::rolleyes:

كويث اني مابراي :cool::cool:

معتز الريح

17-07-2010, 01:37 AM

يامدنية انا زااتي ماافهمتة اي شيي ياااخ:rolleyes::rolleyes:
كويث اني مابراي :cool::cool:

سروية ..
زميل .. هاتف زميلتو ..
جاهو صوت ما انثوي ..
أها يعمل شنو ..
الإجابة .. يقول ألو ... علي ؟؟ ..
-----------------------------
البوست نوّر ..

عوض صقير

17-07-2010, 02:07 AM

لا يفوت على فطنة الجميع أنو المتصل ما طالب علي ولا يعرف من هو علي ..
ولكنها زوغة والسلام ..

المشكلة يا ود الريح .. مرات الطرف الثانى بكون عارف اللعبة ,, ويقوم يقول ليك أأأأأأأأى أنا على ! وما بديك أى فرصة تزوغ ... ( غايتو أنت وحظك ) ..

معتز الريح

17-07-2010, 02:12 AM

المشكلة يا ود الريح .. مرات الطرف الثانى بكون عارف اللعبة ,, ويقوم يقول ليك أأأأأأأأى أنا على ! وما بديك أى فرصة تزوغ ... ( غايتو أنت وحظك ) ..

والله يا حبيب برضو حصلت ..
تقوم ديهو اسم الأب طوالي ..
لو قال ليك آآي ..
قول ليهو عملت لي شنو في الدين العليك ؟؟؟
----------------------------------
وللضمان كده .. علي المقدم ..
ههههههههههههههههههههههه
---------------------------------
لكن في ذمتك ما شينة؟؟ ..
--------------------------------
والله سعادة بوجودك هنا ..
وللضمان علي الأصلي طيب ومكمل الطيبة ..

صلاح ودالطاهر

17-07-2010, 02:19 AM

اخير هو بيرد لكن كعب البيقفل جوالو وهو مطلوب قريشات ويقول ليك شبكة في البيت تعبانه اها كانت تعبانه ما يودوها المستشفي قال علي قال لا احسن كباكه

esmat

17-07-2010, 02:24 AM

ألو . . . مدنية ؟ ؟ ؟

وعليكم السلام والرحمة
عايز منو ..... !

esmat

17-07-2010, 02:26 AM

انت ياود الريح ما بتوب

ABUZAID

17-07-2010, 03:09 AM

وعليكم السلام والرحمة
عايز منو ..... !
<DIV id=cdiv style="BACKGROUND-COLOR: Pink"> 

معليش . . .
شكلو الرقم غلط

انا طالب . . .
ناس الخدمة المدنية

مش . . .
 <marquee bgcolor="#0000FF" style="color: #FFFFFF">
ناس الخدمة العسكرية
</marquee>

ابوالنور

17-07-2010, 03:15 AM

سروية ..

الإجابة .. يقول ألو ... علي ؟؟ ..
-----------------------------
البوست نوّر ..

اذن ومن هذا المنطلق علي ده زميل منتديات

أبوريلان

17-07-2010, 03:17 AM

er]ما فيها حاجة ياود الريح أمكن الحالة واحدة
بعدين فضل الظهر ده إلا في العربات

moh_alnour

17-07-2010, 03:58 AM

سروية .. زميل .. هاتف زميلتو .. جاهو صوت ما أنثوي .. أها يعمل شنو

تبعا ً يا ود الريح حنك ( عندكم حمام للبيع ) ما بنفع في الموقف دا
ممكن يقول عايز تحويل رصيد ( برضو رأي ) ، باقي ليك بخارجوا الحنك دا يا ود الريح ؟
جبجبة : أنا يا علي دايراك تجي ، دايراك تجي في المطار القديم ، أقصد في مطار أبو ظبي :cool:

أشرف صلاح السعيد

17-07-2010, 03:58 AM

يا معتز ما لقيتك تفتيحة جد ..
كيفتنى تدى اسم الأبو و تدخل وراو بسؤال الدين ؟؟..
أها لو ردت الأم المخارجة كيف ؟؟..
ألو علوية و لا كيف ؟؟..

عثمان جلالة

17-07-2010, 04:01 AM

معتز الريح

17-07-2010, 06:46 AM

اخير هو بيرد لكن كعب البيقفل جوالو وهو مطلوب قريشات
ويقول ليك شبكة في البيت تعبانه اها كانت تعبانه ما يودوها المستشفي ق
ال علي قال لا احسن كباكه

ود الطاهر يا عمده ..
أنت مجرب ياخ .. عارفني براءه ..
-------------------
وبعدين صاحب علي ده انت بتعرفوا كويس ..
صغرنا وصغر نفسو ..
--------------------
أخير صاحب علي .. من الراجيك ..

معتز الريح

17-07-2010, 07:57 AM

وعليكم السلام والرحمة
عايز منو ..... !

أبوزيد ما حريف ..
يخلي الباص يجي من هناك .. بعد داك يحدد ..
يا قال ألو .. علي .. يا كمان لقى ست الناس ..

عماد عبدالشكور

17-07-2010, 10:54 AM

المتصل عايز علي ولا علية ؟
مجرد سؤال برئ وكدا

عوض صقير

17-07-2010, 08:23 PM

والله يا حبيب برضو حصلت ..
تقوم ديهو اسم الأب طوالي ..
لو قال ليك آآي ..
قول ليهو عملت لي شنو في الدين العليك ؟؟؟
----------------------------------
وللضمان كده .. علي المقدم ..
ههههههههههههههههههههههه
---------------------------------
لكن في ذمتك ما شينة؟؟ ..
--------------------------------
والله سعادة بوجودك هنا ..
وللضمان علي الأصلي طيب ومكمل الطيبة ..

سعيد أنا والله بطلتكم الراقية ...... وزى ما بقول أخونا عصام حسين ( الطيبة تفوتك تتكسر ) ....

معتز الريح

17-07-2010, 10:37 PM

انت ياود الريح ما بتوب

والله في دي غلبتني التوبة ..
الله بس يهدينا ويهدي أبومازن معاي ..
أما رضا قنعان من خيراً فيهو ..

معتز الريح

17-07-2010, 10:39 PM

<DIV id=cdiv style="BACKGROUND-COLOR: Pink"> 

معليش . . .
شكلو الرقم غلط
انا طالب . . .
ناس الخدمة المدنية
مش . . .
 <marquee bgcolor="#0000FF" style="color: #FFFFFF">
ناس الخدمة العسكرية
</marquee>

كان ديل كان ديل ..
الاتنين طيبين ..
لكن ناس الخدمة المدنية ..
إلا تجهز مخرجك من بدري ..
أمكن يردوا عليك أولياء الأمور ..

معتز الريح

17-07-2010, 10:40 PM

اذن ومن هذا المنطلق علي ده زميل منتديات

وحاتك يا ود النور علي ده ولا بعرفوا ..
زميل المنتديات صاحب علي ..
طبعاً ما محتاج أذكر صفاتو عينة شليق وخفيف و...

معتز الريح

17-07-2010, 10:42 PM

er]ما فيها حاجة ياود الريح أمكن الحالة واحدة
بعدين فضل الظهر ده إلا في العربات

هههههههههههههههههههههه
ياخ علي زي نانسي ..
أنت قايل الزول ده ضرب لناس عرض الأزياء ديلك ولا شنو ..
---------------------
أها دي ولا ينفع فيها فضل ظهر ولا فضل مكالمة ..

معتز الريح

17-07-2010, 10:45 PM

تبعا ً يا ود الريح حنك ( عندكم حمام للبيع ) ما بنفع في الموقف دا
ممكن يقول عايز تحويل رصيد ( برضو رأي ) ، باقي ليك بخارجوا الحنك دا يا ود الريح ؟
جبجبة : أنا يا علي دايراك تجي ، دايراك تجي في المطار القديم ، أقصد في مطار أبو ظبي :cool:

غايتو حنكوا خارجوا .. باعتبار المتلقي حسن النية ..
لكن أنا شاكي يكون صاحبك باعوهو ودي توزيعة ..
باعتبار الجديد شديد ..
هههههههههههههههههههههههههههه
المنتدى ده الله يدينا خيرو ..

معتز الريح

17-07-2010, 10:48 PM

أها لو ردت الأم المخارجة كيف ؟؟..
ألو علوية و لا كيف ؟؟..

أنت قايلها ما حصلت ؟؟؟
والأم صوتها زي صوت (الطيبة) ..
وصاحبنا خشى شمال ..
والباقي بوريك ليهو بالخاص ..
---------------------------
والشقي تعتر ليهو أم (الطيبة)

أحمد عمر ( MOODY )

17-07-2010, 11:02 PM

تبعا ً يا ود الريح حنك ( عندكم حمام للبيع ) ما بنفع في الموقف دا
ممكن يقول عايز تحويل رصيد ( برضو رأي ) ، باقي ليك بخارجوا الحنك دا يا ود الريح ؟
جبجبة : أنا يا علي دايراك تجي ، دايراك تجي في المطار القديم ، أقصد في مطار أبو ظبي :cool:

ود النور ... و الله العظيم مشتاقين و عارف روحي متلوّم معاك
لكن الدنيا أعذار ... بلاقيك في الخاص

بس بلنتي صغنوووووني : إفراج مؤقت ... ولّلا إطلاق سراح مشروط
البلنتي الزيّ الضيّعو أسمواه : صاحبك ده يغييييييييب و يجينا بي كُبّة
غايتو الله يستر ... أصلو متعوووووووووووّد من يقرّب رمضان
هاك يلّلا قون بيول : منوّرِين

أحمد عمر ( MOODY )

17-07-2010, 11:08 PM

غايتو حنكوا خارجوا .. باعتبار المتلقي حسن النية ..
لكن أنا شاكي يكون صاحبك باعوهو ودي توزيعة ..
باعتبار الجديد شديد ..
هههههههههههههههههههههههههههه
المنتدى ده الله يدينا خيرو ..

المنتدى هيّن .... الله يدّينا خيرك إنت
و بالعدم ... يكفَينا شرّ مِحنك

أبو ساطع : مشتاقين

روبش

18-07-2010, 12:42 AM

ويأتيك الرد من الجانب الآخر ..
لا ما علي والله شكلك غلطان ..
فتعتذر سريعاً وتضغط No ..
وتتنفس الصعداء ..
--------------------
علي يا كبير ؟؟ ..

في زول قال ليك اضرب الاربعة تلاته .. الرجفه لزومها شنو

تخريمه :::: خوفي منك يا ود الريح يكون الرفع ليك السماعه الفي بالي ( ما علي )

معتز الريح

18-07-2010, 01:41 AM

تعرف يا علي .. أقصد يا ود الريح
قبل يومين كده ... إتصل علي رقم غريب .. وفتحت الخط أهلا وسهلا .. جاني من الطرف الآخر صوت ملقوف كده
قال لي : ياااااااخي أنا اشتريت الشريحه دي الآن .. جديده لنج يعني أول ما دخلتها في التلفون ظهر لي رقمك دا قلت أشوفو ده منو ؟؟؟ :mad::confused:
ههههههههههههه ضحكت وقلت ليهو أنا يا سيدي الرقم الـ لامن تتصل عليهو .. بتتفعل خاصية الاتصال في تلفونك :o:p
يعني أقول ليهو شنو زي دا ؟؟ :o:o:)
شكرا يا علي هههههههههه:):)

عثمان أخوي .. حظك زي صاحب علي ..
مره أنا متصل على ابوي ربنا يديهو العافية ..
وكان في مشكلة خطوط في السودان ..
تتصل على رقم يطلع ليك زول تاني ..
البنية صوتها طيييييييب ..
اها قلت ليها أنا متصل على أبوي ..
لكن بركة السمعنا صوتك ..

معتز الريح

18-07-2010, 01:43 AM

المتصل عايز علي ولا علية ؟
مجرد سؤال برئ وكدا

رغم أنو سؤالك يخلو من البراءة لكن برد ليك ..
المتصل عايز منو بظهر بعد ألو المتصل عليهو
لو صوت ضكر .. بيقول عايز علي ..
لو صوت طيب .. ده المطلوب إثباته ..

معتز الريح

18-07-2010, 01:45 AM

وزى ما بقول أخونا عصام حسين ( الطيبة تفوتك تتكسر ) ....

الطيبة تفوتكم أنت وودعمتي ده تمشي وين ..
بعدين الجميل في الموضوع ..
أنو الواحد بلاقيكم محل الطيبين ..

معتز الريح

18-07-2010, 01:48 AM

صاحبك ده يغييييييييب و يجينا بي كُبّة
غايتو الله يستر ... أصلو متعوووووووووووّد من يقرّب رمضان

جارنا ومهندسنا مودي ..
لي زمن صايم من المواضيع ..
لكن دي غلبتني أمسكها ..
والله ما حكوا لي .. شوف عين وسمع أضان ..

معتز الريح

18-07-2010, 01:49 AM

المنتدى هيّن .... الله يدّينا خيرك إنت
و بالعدم ... يكفَينا شرّ مِحنك
أبو ساطع : مشتاقين

ههههههههههههههههههه ..
طيب يا مودي بردها ليك ..

بالأكتر يا زعيم ..

معتز الريح

18-07-2010, 01:51 AM

في زول قال ليك اضرب الاربعة تلاته .. الرجفه لزومها شنو

تخريمه :::: خوفي منك يا ود الريح يكون الرفع ليك السماعه الفي بالي ( ما علي )

والله شكلو من اللهفة ..
الأزرار كلها رقم واحد ..
الرفع لي السماعة أول حرف من أسمو (ع)
وياهو الفي بالك ..
--------------------
ما سمعت المغني قال .. يالماحاسه بي ما شاعرة بي حالي ..
لكن ما معاي حق؟؟

بنت الرفاعي

18-07-2010, 01:56 AM

جارنا ومهندسنا مودي ..
لي زمن صايم من المواضيع ..
لكن دي غلبتني أمسكها ..
والله ما حكوا لي .. شوف عين وسمع أضان ..

:D:D:D:D
هو ذاتو يعملها واضحة قدام الناس مالو؟؟؟:rolleyes:
:D :D :D

معتز الريح

18-07-2010, 01:59 AM

:D:D:D:D
هو ذاتو يعملها واضحة قدام الناس مالو؟؟؟:rolleyes:
:D :D :D

ههههههههههههههههههههههه
الحب وحش .. أظنو ما انتبه ..
-----------------------------
منورة وسعيد بطلتك ..

بنت الرفاعي

18-07-2010, 02:19 AM

ههههههههههههههههههههههه
الحب وحش .. أظنو ما انتبه ..
-----------------------------
منورة وسعيد بطلتك ..

:D:D:D:D
هاك الحب ده!!!!:confused::rolleyes::D:D
خلاص بعد البوست ده تاني حينتبه انتباه شديد.:rolleyes::cool:
-----------------------------
النور نوركم.:)

صلاح ودالطاهر

18-07-2010, 06:15 AM

تعرف يا ود الريح بدور في عمك قوقل لقيت واحد بيتصل عائز عمك علي بتعرفو

معتز الريح

18-07-2010, 06:34 AM

:D:D:D:D
هاك الحب ده!!!!:confused::rolleyes::D:D
خلاص بعد البوست ده تاني حينتبه انتباه شديد.:rolleyes::cool:
-----------------------------
النور نوركم.:)

يا مرام .. صاحب علي ده شليق ..
وانتباهة واحده ما عندو .. وتاني بقع ..
---------------------------
مشكورة يا ست الناس ..

معتز الريح

18-07-2010, 06:36 AM

تعرف يا ود الريح بدور في عمك قوقل لقيت واحد بيتصل عائز عمك علي بتعرفو

يا ود الطاهر زولك ده هنا قبل ما يتعرف على علي ..
تشوفوا هنا تقول ده الخميني ..

الجندي المجهول

31-10-2011, 08:37 PM

ويأتيك الرد من الجانب الآخر ..
لا ما علي والله شكلك غلطان ..
فتعتذر سريعاً وتضغط No ..
وتتنفس الصعداء ..
--------------------
علي يا كبير ؟؟ ..

علي دا منو انا قدر ما اقول اسألك انسى (التقول الموضوع دا محوط)

تخريمة : لكن بالجد مولانا (ابداع عديل كدا) بالذات لمان حكى القصة بتاعت ( هييييييييي يااااااااااااا) ياخ انا من الصباح بضحك برااااااااي