الفطور الساعة 10 والشاي الساعة 11 والجرائد الساعة 12 والساعة 1 إنسحاب تكتيكي

[عبد المنعم فتحي]

من أكبر الأسباب ( المخليانا ) الطيش
الفطور بتاع الساعة عشرة ده

عندما تذهب لأي مؤسسة حكومية لإنجاز معاملة
تبدأ المسرحية بتأخير الموظف
المشهد الثاني : تصرفات إستفزازية لإحتقار صاحب المعاملة لعلمهم بأن صاحب المعاملة مضطر
المشهد الثالث : الساعة عشرة جاء موعد الفطور
صحن الفول المدنكل يشق الصفوف شقاً ويخد الأرض خداً
المشهد الثالث : إقفال الأبواب والشبابيك بإحكام حتى يتسنى لهم تناول الفطور
مدة الفطور تتراوح ما بين الساعة إلى الساعة والنصف
أما كباية الشاي فلا تحتاج إلا لنصف ساعة فقط تتخللها نظرات حادة من جهة الموظف لصاحب المعاملة المسكين

بصراحة يا جماعة ما في حاجة ( معطلانا ) غير فطور الساعة عشرة ده و الباكورد الفي نص الميدان

[ود نقد]

عارف يا اخ عبد المنعم
كلامك دى كله صاح الحاجة الانا الى الان ما فاهمة الباكورد المن النص دى فهمو شنو وبودينا وينا ام انه عزر لكبتن مازدا ( صاحب التلاتة تلاتات )

[معتز الريح]

حبيبنا عبدالمنعم ..
كمان ما تنسى مفعول الفول الساعة 12 ..
----------------------
ناسين أن من أخذ الآجر حاسبه الله بالعمل ..

[عبد المنعم فتحي]

عارف يا اخ عبد المنعم
كلامك دى كله صاح الحاجة الانا الى الان ما فاهمة الباكورد المن النص دى فهمو شنو وبودينا وينا ام انه عزر لكبتن مازدا ( صاحب التلاتة تلاتات )

الحبيب ود نقد
حياك الله

تعرف يا ود نقد مشكلة الكرة السودانية كبيرة جداً
عشرين جريدة في الفاضي
و الفكي قال 2 / صفر
المقشاشة - التحكيم فاشل
و نحنا الأسسنا الإتحاد الإفريقي
و نحنا العلمنا ناس الخليج كرة القدم

[عبد المنعم فتحي]

حبيبنا عبدالمنعم ..
كمان ما تنسى مفعول الفول الساعة 12 ..
----------------------
ناسين أن من أخذ الآجر حاسبه الله بالعمل ..


حبيبنا معتز
حياك الله

مشكلتنا هي السكوت على مثل هذه الممارسات

[الجندي المجهول]

حبيبنا عبد المنعم فتحي تحياتي ،،
ازيد من الشعر بيت
كمان في مجاملات كدا غريبة وانا عن نفسي بعتبرها ( كسير تلج) خاصة اذا كانت داخل ساعات العمل الرسمية (الدوام) وهي عندما تحضر ( والدة او عمة او خالة ) اي مدير من المدراءء او الموظفين الكبار من الحج او العمرة او حتى (مصر) ..... لماذ يذهب الموظفين اثناء ساعاتالعمل الرسمية ( ياخي ما تمشوا بعد ) الشغل ولا بعد الشغل (مشغولين)

انا على قناعة تامة ( بان الادارة عندنا في السودان ) = صفر كبير

وكله بيضحك على كله

اجيك من الاخر ( السودان لا يوجد به وجيع) نقطة سطر جديد

[محمد الجزولى]

عزيزي عبد المنعم
الشعب السوداني بطبيعته شعب اجتماعي وحبوب ويحب المجاملات كثيرا وهذه ميزه جميله جدا تحسب له ولكن لابد أن نفصل بين المجاملات والعمل
المصيبة الكبرى إننا كشعب لا نجيد فصل الكيمان ونخلط كل شيء مع بعضه
من أهم أسباب تدنى الخدمة المدنية هو التسيب في العمل والذي يأخذ صور وأشكال عدة منها ( حصة الفطور ) التي رسخت في أذهاننا من أولى روضه واستمرت معنا حتى الثانوي فاستصحبناهاا معنا في دولاب العمل
اذكر ونحن في المدارس الابتدائية والمتوسطه وحتى الثانوية كان هنالك ( فسحة فطور ) معتمده ومجازة تتوقف فيها الدراسة لمدة ساعة ونصف نرجع بعدها وقد ( دفسنا ) بطوننا وأصابنا الخمول وعدم الفهم
بعد كل هذا الغرس أصبح من الصعب جدا تنازل الفرد السوداني عن ( فسحة الفطور هذه) والتي أدت لتخلفنا في الخدمة المدنية
الموضوع محتاج لقرار ادراى شجاع لإلغاء توقف العمل بسبب تناول وجبة الفطور وان كان لابد فليوزعوا الأدوار كل نصف ساعة يخرج شخص للفطور
هذا الموضوع مهم فعلا اخى عبد المنعم أتمنى أن يتواصل فيه النقاش حتى نصل لحلول

[مدنيّة]

مشكلتنا بالجد بنضيع الزمن في ما لا طائل منه

[الجندي المجهول]

مشكلتنا بالجد بنضيع الزمن في ما لا طائل منه

الموضوع ما عاوز ليهو اجتهاد اختي مدنية فالمسؤولين في الدولة هم المنوط بهم ( مراقبة ) الآداء لمعاقبة المقصر ليأتي من هو ( ينجز) من اراد ان يضيع زمنه في ( شركته الخاصة) فهو حر حتى ان شاء الله يحرقها بي جاز ( ولكن ) مؤسسات الدولة العامة ( ناس الري الهامل ومروراً بكل الوزارات فهي ملك للشعب ولكل السودانين فمن اراد ( ان يضيع زمنه في زيارة ام المدير اثناء الدوام او عمته او اخته ) عليه ان يتنحي وبلاش كسير تلج وتضيع زمن الدولة فيما لا طائل منه ( برجع وبكل قوة بقول الدولة ) ممثلة في المسؤولين ( الحكوميين) هم الذين يسمحون يهذا التسيب ،، يعني لو الواحد اتقرص واتخصم منو ) واتشددوا معاهو في الخروج والجلوس مع ستات الشاي في البرندات والخروج مع الاهل والاصدقاء في اللاشئ تاني بيقصر او بيسمح بالزيارة

المسؤولين في الدولة خاصة في الحصور والانصراف ومتابعة العمل اثناء الدوام وتفقد الموظفين (هذه معدومة) اصلاً لذلك ( عندما اقول ان الادارة في السودان = صفر كبير ( اعرف ماذا اقصد ) ....

الادارة عندنا زيرووووو وووهم كبير
ولا علاقة لنا بعلم الادارة التي بشأنها ان تساهم في تنمية الدول واستنهاض الهمم وتحفيز الشعوب للأرتقاء نحو الافضل ...

انحنا المسؤولين في الدولة جنهم احتفالات ( بيبسي ، كيك ، فول مدمس ، شاي ، قهوة ، مياه صحة ) وبعد كدا تجيك الفاتورة 2 مليار ( بس الله في )

[بنت الرفاعي]

بالتأكيد التسيُّب والتأخُر في معاملات المواطن، وعدم الإلتزام بالعمل مُشكلة تحتاج للحل، والفطور يجب أن يُحدّد زمنه، لا أن يكون لمدة طويلة(ساعة ونص!! :eek: أصلو شنو؟؟)
فهم بالتأكيد يحتاجون لزمن يفطرون فيه (زيادة طاقة وحبّة راحة:rolleyes:)، لكن يكون بتقييد أو زمن محدد كما قلت سابقاً، ومن يتسيَّب يُعاقب (بالخصم من الراتب مثلاً)، وفي نفس الوقت ما يمشوا كلّهم مرّة واحدة، لازم يكون في تنظيم، يعني مثلاً في المستشفيات، ممنوع يكون القسم فاضي، لازم تمشي مجموعة للفطور، وبعد ما المجموعة الأولى ترجع وتستلم، تمشي المجموعة الثانية، والزمن محدد نصف ساعة فقط.

فإذا الإدارات والمؤسسات الأخرى طبَّقت ما يُطبَّق في المستشفيات أكيد حيكون مافي مجال للتأخر والتسيُّب الحاصل حالياً.

الله يهون

[عبد المنعم فتحي]

حبيبنا عبد المنعم فتحي تحياتي ،،
ازيد من الشعر بيت
كمان في مجاملات كدا غريبة وانا عن نفسي بعتبرها ( كسير تلج) خاصة اذا كانت داخل ساعات العمل الرسمية (الدوام) وهي عندما تحضر ( والدة او عمة او خالة ) اي مدير من المدراءء او الموظفين الكبار من الحج او العمرة او حتى (مصر) ..... لماذ يذهب الموظفين اثناء ساعاتالعمل الرسمية ( ياخي ما تمشوا بعد ) الشغل ولا بعد الشغل (مشغولين)

انا على قناعة تامة ( بان الادارة عندنا في السودان ) = صفر كبير

وكله بيضحك على كله

اجيك من الاخر ( السودان لا يوجد به وجيع) نقطة سطر جديد



الحبيب الجندي المجهول
لك التحية

حال السودان يُفسره توقيعك الجميل
كلما يحاول المواطن السير إلى الأمام يتم إرجاعه و إحباطه
لكن العاجبني في توقيعك إنو الراجل ما إستسلم ... كلما يرجعوا يجي تاني

[عبد المنعم فتحي]

عزيزي عبد المنعم
الشعب السوداني بطبيعته شعب اجتماعي وحبوب ويحب المجاملات كثيرا وهذه ميزه جميله جدا تحسب له ولكن لابد أن نفصل بين المجاملات والعمل
المصيبة الكبرى إننا كشعب لا نجيد فصل الكيمان ونخلط كل شيء مع بعضه
من أهم أسباب تدنى الخدمة المدنية هو التسيب في العمل والذي يأخذ صور وأشكال عدة منها ( حصة الفطور ) التي رسخت في أذهاننا من أولى روضه واستمرت معنا حتى الثانوي فاستصحبناهاا معنا في دولاب العمل
اذكر ونحن في المدارس الابتدائية والمتوسطه وحتى الثانوية كان هنالك ( فسحة فطور ) معتمده ومجازة تتوقف فيها الدراسة لمدة ساعة ونصف نرجع بعدها وقد ( دفسنا ) بطوننا وأصابنا الخمول وعدم الفهم
بعد كل هذا الغرس أصبح من الصعب جدا تنازل الفرد السوداني عن ( فسحة الفطور هذه) والتي أدت لتخلفنا في الخدمة المدنية
الموضوع محتاج لقرار ادراى شجاع لإلغاء توقف العمل بسبب تناول وجبة الفطور وان كان لابد فليوزعوا الأدوار كل نصف ساعة يخرج شخص للفطور
هذا الموضوع مهم فعلا اخى عبد المنعم أتمنى أن يتواصل فيه النقاش حتى نصل لحلول

الأخ العزيز محمد الجزولي
حياك الله

فطور الساعة عشرة ده من العادات الضارة
والحل يكمن في تغير وقت الفطور للساعة سبعة مثلاً
الدنيا كلها بتفطر قبل الدوام الرسمي إلا الشعب السوداني

بصراحة فطور الساعة عشرة ده أخطر من ختان الإناث

[عبد المنعم فتحي]

مشكلتنا بالجد بنضيع الزمن في ما لا طائل منه

الأخت الكريمة مدنية

شكراً لمرورك الجميل
أكتر زمن ضائع في بيوت العزاء
بعد ما يقوم الواحد بأداء واجب العزاء
يا الكرسي جاك بلا
تلاتة ساعات ما تفكو
والأسئلة المعتادة
المرحوم مالو ؟ وكان بشتكي من شنو ؟

[ود المطامير]

والله يا الحبيب صدقت

فى إجازتى الأخيره دى
مشيت رفاعه أطلّع رخصة السواقه
ناس المرور .. بعد الإجراءات قالوا لى أمشى أعمل فحص للنظر فى المستشفى
وكان معاى خالى ( أصغر منى ... هع هع هع )

أها مشيت المستشفى وسألت عن مكان فحص النظر وقالوا لى هناك ومشيت هناك وما لقيت حد
سألت واحد وقال لى .. دا مشى يفطر فى السوق .. كانت الساعه 10 ولحد الساعه 12 ما جا

طوالى قلت لخالى أرح دا هسى لو جا أنا هسى من الجوع عويناتى الإتنين ما بجيبو 2 من 6

ورجعت المطامير وجيت تانى يوم

[نزار حسن محمد]

بوست رائع كصاحبه ..
الرائع عبد المنعم ..ليس هناك ما اضيفه بعد مداخلات الاخوان
ولكن اعجبت جداً بهذا الطرح ...
مزيداً من الابداع اخى عبد المنعم

[مايسة]

السلام عليكم اخ - عبد المنعم

والتحية لكل المتداخلين

عااادة غريبة جدا - عندنا فى السودان فعلا

وعلى قول الجماعة - الفاطرين ليها شنو اصلا

تعرف في بعض الدول التانية - مافي حاجة اسمها فطور زاتو - عندهم بس بريك بسيط للصلاة وخلاص

بالذات في الجهات الحكومية والدوائر - والمصالح العامة - تفطر في مكانك وانت شغال -
دوامك دا 8 ساعات تخلصها غصبا عنك - وتمشي بعديها الدايرو تعملو

أرجع واقول كبعض المتداخلين انو احنا ادارتنا فشنك في السودان
وشغلنا زاااتو فشنك ساااي -

تخريمة : عن لسان واااحدة شغالة في مصلحة حكومية في السودان قالت لي احنا بنضيع وقتنا كلو في الفطور والشاي - والونسة والقطيعة - ربنا يهون بس

[عبد المنعم فتحي]

والله يا الحبيب صدقت

فى إجازتى الأخيره دى
مشيت رفاعه أطلّع رخصة السواقه
ناس المرور .. بعد الإجراءات قالوا لى أمشى أعمل فحص للنظر فى المستشفى
وكان معاى خالى ( أصغر منى ... هع هع هع )

أها مشيت المستشفى وسألت عن مكان فحص النظر وقالوا لى هناك ومشيت هناك وما لقيت حد
سألت واحد وقال لى .. دا مشى يفطر فى السوق .. كانت الساعه 10 ولحد الساعه 12 ما جا

طوالى قلت لخالى أرح دا هسى لو جا أنا هسى من الجوع عويناتى الإتنين ما بجيبو 2 من 6

ورجعت المطامير وجيت تانى يوم


حبيبنا الرائع ود المطامير

في إصطلاح إسمو ( مسح الشنب )
إمورك ما بتمشي إلا تمسح للمسؤول شنبو

[عبد المنعم فتحي]

بوست رائع كصاحبه ..
الرائع عبد المنعم ..ليس هناك ما اضيفه بعد مداخلات الاخوان
ولكن اعجبت جداً بهذا الطرح ...
مزيداً من الابداع اخى عبد المنعم

أستاذنا وحبيبنا نزار
تكفينا إطلالتك الرائعة

[عبد المنعم فتحي]

السلام عليكم اخ - عبد المنعم

والتحية لكل المتداخلين

عااادة غريبة جدا - عندنا فى السودان فعلا

وعلى قول الجماعة - الفاطرين ليها شنو اصلا

تعرف في بعض الدول التانية - مافي حاجة اسمها فطور زاتو - عندهم بس بريك بسيط للصلاة وخلاص

بالذات في الجهات الحكومية والدوائر - والمصالح العامة - تفطر في مكانك وانت شغال -
دوامك دا 8 ساعات تخلصها غصبا عنك - وتمشي بعديها الدايرو تعملو

أرجع واقول كبعض المتداخلين انو احنا ادارتنا فشنك في السودان
وشغلنا زاااتو فشنك ساااي -

تخريمة : عن لسان واااحدة شغالة في مصلحة حكومية في السودان قالت لي احنا بنضيع وقتنا كلو في الفطور والشاي - والونسة والقطيعة - ربنا يهون بس

الأخت مايسة
حياك الله


تعرفي المسألة أكبر من فطور عشرة ده
مرات الواحد يكون واقف صف طويل جداً والموظف يمَشِّي واحد من الصف وسبعة بي جوة
ولو إعترضت حقك راح .. تسكت بس