والله نحنا طيبين طيبه

[ود المطامير]

مره كنا ماشين السودان إجازه أنا وأبوى وعمّى
فى صالة مطار أبوظبى .. جا واحد وقال لعمّى
السيرمس دى فيها حقنة سكرى للوالده وضرورى تصلها اليوم وأهلى بلاقوك فى المطار
ممكن تشيلها معاك ؟ عمّى بشهامة البلد وناس البلد
قال ليهو .. جيبها وأدينى العنوان لو لأى ظروف ما جوا المطار والله أمشى ليهم قبال بيتى ولو فى كريمه
وشالها .. وصاحب الحقنه ضرب لأخوه فى السودان وأعطاه إسم عمى وميعاد وصول الطائره ووصلنا مطار الخرطوم .. وفى البوابه واحد كان بيسأل كل قادم .. إنت فلان ؟ إنت فلان ؟
وعتر فى عمّى وسأله ... إنت فلان ؟ قال ليهو أيوه
قال ليهو وينى الحقنه ؟
عمّى ختّ يدينو فوق راسو وقال ليهو .. على الطلاق نسيتها فى السوق الحر حق مطار أبوظبى
إحنا طيبين لكن وغايتو وإنما وحيثما وكدا

[zahid]

عمك عم السرور ياخوي.

[معتز الريح]

انا جابني العنوان ..
عارفني محل طيبين دي بتلب ليك ..
------------------------
لكن والله حركة الدواء دي الناس بقت تستغلها ..
قابلت واحد زميل في المطار من فترة ..
حكى لي موقف غريب
جاهو واحد قال ليهو عندي دواء مستعجل
ولافي الدواء لفه غريبة ..
وقال ليهو المريض على شفا الموت ..
اخدت تلفوناتو وودعو
اها صاحبي قلبو أكلو
فتح اللفه لقاهم موبايلات ..
--------------------------
عمك ده يكون نسى الموبايل ..
قال دواء قال ..

[ود المطامير]

عمك عم السرور ياخوي.
هع هع هع هع
هع هع هع
هع هع
هع

[الجندي المجهول]

عمل الخير جميل ،، ولكن لا بد من التأكد والحرص الشديد

لانه بسبب هذه الطيبة واحد (سوداني) ظل حبيس بريمان قرابة ( التسعة شهور) يعني سنة حكومة عديل ........


والقصة انه برضو تم اعطائه ( لفة ) وبداخلها مخدرات وهو لا يدري ....... ومعروفة باقي القصة وربنا نجدو بسبب انه الشخص الذي قام باعطائه اللفة كان اصلاً مراقب من المباحث ( ولكن حبيبنا دا تم ) حبسه حتى يتأكدوا من انه ليس له علاقة بتلك الشبكة ( 9 شهور الناس شغالة معاهوا تحقيق) مع اعتراف الطرف الثاني بانه لا علاقة للرجل بهم ولكنه (القانون)
لذلك لا بد من فحص الشئ قبل استلامه مهما كان الاسباب ( ولا اعتقد ان فيها احراج) او تدعو للخجل .....

تخريمة : انا في مطار جدة وبفطرتي (التي لا اشك فيها) اطلاقاً شايف ليك مرة وراجل واقفين بعيد وبعد شوية الراجل دفر لي المرة (وشايلة معاها كيس مليان دهب ) وبالتحديد قوايش وطلبت مني بكل (زوق اشيل ليها الدهب ) بس اوصلو معاي مطار الخرطوم ( بالفم المليان) ومن غير تردد اعتذرت ومع اني ايدي كان فاضية إلا من شنطة صغيرة ..... وحاولت تحنس لكن حسمتها على طول ومن غير تردد ( افرض الدهب دا مسروق هسع وعليه بلاغ في الشرطة .... (وبرضوا القروش ممكن تكون مزورة )
عشان كدا الحرص دا زيو مافي ابداً ....... والدقسة فيها اللحسة .......

مع اللفة : كمان الايام دي في مطار جدة في حنك بايخ جدا تجي توصل ليك زول ولا تكون مسافر تلقى شباب شايلين ( لابتوبات) ويقول ليك لي اخوي او اختى بتقرأ بي هناك ونفس الاشخاص موجودين يومياً ( تجارة) وكدا انا عرفت فيهم واحد وقلت ليهو (المعايش جبارة بس اعمل حسابك) مباحث هنا زاتها لو شافتك لافي كتير بتجيب خبرك مع انه اللاب توب ما فيهو شي وجديد ولكن ( ظهوره في شاشات المطار يومياً بصورة دورية ) وهو لا يعمل في المطار تدعو اجهزة لامن للشك والريبة ......

الحذر الحذر الحذر

نيصحة مني ليكم يا ناس السعودية (كان لقيت زول بغض النظر عن جنسيته راجل او مرة واشرو ليك عشان ما توصلهم معاك) تكون دي دقست عمرك والله ...

وبرجع ليكم وبرضوا بحكي ليكم قصة بهذا الشكل والمضمون ,,,,,

[ود المطامير]

انا جابني العنوان ..
عارفني محل طيبين دي بتلب ليك ..
------------------------
لكن والله حركة الدواء دي الناس بقت تستغلها ..
قابلت واحد زميل في المطار من فترة ..
حكى لي موقف غريب
جاهو واحد قال ليهو عندي دواء مستعجل
ولافي الدواء لفه غريبة ..
وقال ليهو المريض على شفا الموت ..
اخدت تلفوناتو وودعو
اها صاحبي قلبو أكلو
فتح اللفه لقاهم موبايلات ..
--------------------------
عمك ده يكون نسى الموبايل ..
قال دواء قال ..
أررووووووووووووك زارتنا البركه والله

كيفك ومشتااااااقين والله

والله يا الحبيب حكاية الموبايلات فى صالات المطار يا حولا

مره فى واحد إستغل اللى بيستغلوا الناس فى حكاية الموبايلات

قاعد كدا فى الصاله واجاتو واحده من النوع اللى يحاكى القمر وبدلال وغنج سألته لو كان مسافر
قال ليها .. أيوه وقالت ليهو عندى أبعه موبايلات وود عمّى شغال فى المطار لو عندك أى شئ بخلصو ليك مجان
صاحبنا وافق وبعد شويه قال ليها أستنينى جم شنطتى دى ماشى الحمام
وزاغ بالموبايلات وبعدما الطائره قامت صاحبتنا إكتشفت المقلب والشنطه طلعت فاضيه

[معتز الريح]

أررووووووووووووك زارتنا البركه والله
كيفك ومشتااااااقين والله
والله يا الحبيب حكاية الموبايلات فى صالات المطار يا حولا
مره فى واحد إستغل اللى بيستغلوا الناس فى حكاية الموبايلات
قاعد كدا فى الصاله واجاتو واحده من النوع اللى يحاكى القمر وبدلال وغنج سألته لو كان مسافر
قال ليها .. أيوه وقالت ليهو عندى أبعه موبايلات وود عمّى شغال فى المطار لو عندك أى شئ بخلصو ليك مجان
صاحبنا وافق وبعد شويه قال ليها أستنينى جم شنطتى دى ماشى الحمام
وزاغ بالموبايلات وبعدما الطائره قامت صاحبتنا إكتشفت المقلب والشنطه طلعت فاضيه

يا مانديلا .. والله ليك وحشه ..
والمنتدى اليومين ديل يفرح (عيني بارده)
وده بتواجدكم ونشاطكم مع الجميع ..
---------------------------------
كل ما يحكي لي رضا (السالم)
لمان كان رافض يدخل .. وانت اتصلت تحنسوا
وانت ليك يومين يادوووب رجعت ..
والله أموووووووت من الضحك ..
--------------------------------
ياخ والله فيك الخير ..

[ود المطامير]

حبيبنا الجندى الحبيب

والله ما قصرت تب ومنتظرين باقى القصص بشووق

تعرف ؟ قبل سنه أم عمرو ووليداتها كانو مسافرين السودان .. أنزلتهم أمام بوابة صالة المطار
ومشيت وقفت العربيه فى الموقف .. جيت راجع أكان ألقى ليك واحده تساعد فى أم عمرو وتشيل وترص فى الشنط فى عربية الدفع حقت المطار .. قلت فى نفسى إمكن بعرفها .. المهم وقفت معانا وتشيل وتناول وتساعد .. وفى الصاله الداخليه وبعدما خلصنا كل شئ .. سألتها .. اللى كانت معاك دى منو دى ؟ قالت لى ما بعرفها .. إستغربت .. قامت أم عمرو قالت لى .. هى أدتنى تلاته موبايلات إتنين ختهم فى الشنطه اللى مشت فى السير وواحد هنى فى شنطة يدى

جرّيت ليك فى أم عمرو نور زعل لمّا قعدت تتراجف وسمعتها ألف كلمه وكلمه
المهم .. أم عمرو عندها ود أخوها شغال فى المطار لاقاها عند سلم الطائره وفى الصاله جاها واحد وقال ليها أنا يوسف .. يوسف دا اللى مرسلين ليهو الموبايلات طوالى أدتو اللى فشنطتها وقالت ليهو التانين فى الشنط

مافى ربع ساعه تانى جاها واحد وقال ليها أنا يوسف ود أخوها إستغرب وسأله إنتو كم يوسف وبعد لحظات جو ناس المباحث من كل جهه وساقوهم مكتب شرطة المطار

فى النهايه تأكدوا إنو أم عمرو على نياتها وقبضو داك ..

لأنه كما قلت إشتبهوا فيه لأنه يومياً بجى صالة المطار
والموبايلين التانين لسه موجودين لأننا لسه ماعرفين نوديهم وين

طيبين ... لكن مرات الطيبه بتودى التوج

[نزار حسن محمد]

غايتو ياود المطامير خجلت لعمك تب ...
غايتو ناس المطامير لو شافهالبوست بتاعك ده الا تسكن فى رفاعه

[ود المطامير]

يا مانديلا .. والله ليك وحشه ..
والمنتدى اليومين ديل يفرح (عيني بارده)
وده بتواجدكم ونشاطكم مع الجميع ..
---------------------------------
كل ما يحكي لي رضا (السالم)
لمان كان رافض يدخل .. وانت اتصلت تحنسوا
وانت ليك يومين يادوووب رجعت ..
والله أموووووووت من الضحك ..
--------------------------------
ياخ والله فيك الخير ..

هع هع هع هع
والله يا ود الريح ( ريده لله فى الله )

رضا دا .. خلانى أحب المطر والناس اللى بترقص تحت المطر

إنت الخير كلو
ولك فى النفس مكانه ساميه وعاليه

[ود المطامير]

يا شباب فى أمان الله
البنطون بيضرب لى فى البورى

نشوفكم السبت
إن شاء الله

[صلاح ودالطاهر]

تعرف يا مطاميرو اولا ودالريح ده الجابو هنا شنو عارف بس شاف كلمة طيبه لانو هو طيب فبيحب كل طيب حكاية نحن طيبين اسكت ساي وحاتك مره كنت في ليبيا اها قالو لي اخوك جاي مشيت انتظرتو في موقف البصات اها ما جاء لقيت واحد من ناس الحصاحيصا جاي كرت اها قلت نستأجر في واسوقو معي البيت المهم قال لي معي اتنين مصرين عائزين فندق قريب اها الكلام ده كان حوالي الساعه واحدي صباحا المهم اخوك ماشي قدامهم عامل تفتيحه اها بعد مسافه كان الشرطه تجي تقول لي وين هويتك وكت عائز الطلع الهوية كان في جيبي قروش المحل الشغال فيهو ماظهرن بس ظهرن قروش مصريه كانت عندي اها اول سؤال انت شغال شنو وكنت جاي من السودان لي كم شهر فقلت ليهم معلم وانا ماكنت عارف انو كلمة معلم في ليبيا لها معنى تاني قال لي معلم وانا بكل فم مليان قلت ايوه ياخوي عينك ما تشوف الا النور نكت المسدس من جيبو وشال القريشات المصريه بعني انت معلم عمله قالت ليهو يازول لا قال لي كمان بتكضب طيب المصرين الماشين وراك دي شنو التلفت لقيت السوداني جايب معهو كم مصري اها الراجل العسكري شال القريشات وعبه المسدس وقال لي شايف الشارع ده قلت ليهو ايوه قال لي اجري كما جريت المسدسه ده في راسك وحاتك جريت جنس جري موسي احمد جوده ما جرى زيو وكت رجعت البيت اخوي الكبير قال لي تستاهل احمد ربك جاءت علي كده عامل فيها السفير السوداني

[الجابرابى]

نعم الحزر مطلوب والطيبه الكثيره العندنا دى بضيعنا مع النفوس الضعيفه

[عثمان جلالة]

ههههههههههه مطاميرو يا حبيب .. العم ما عندك لكن ... كدي عمك خلو .. إنت ما معاهو وشايف كل حاجه .. كان عمك نسى إنت المنسيااك شنو :o:o

أنا غايتو كان علي ما بغلت عمك ...بغلتك إنت ههههههههههه ... تسلم يا حبيب

[ود المطامير]

غايتو ياود المطامير خجلت لعمك تب ...
غايتو ناس المطامير لو شافهالبوست بتاعك ده الا تسكن فى رفاعه
هع هع هع
رفاعه على العين والرأس لكن حى المنيره مالو ؟ هع هع هع

[ود المطامير]

تعرف يا مطاميرو اولا ودالريح ده الجابو هنا شنو عارف بس شاف كلمة طيبه لانو هو طيب فبيحب كل طيب حكاية نحن طيبين اسكت ساي وحاتك مره كنت في ليبيا اها قالو لي اخوك جاي مشيت انتظرتو في موقف البصات اها ما جاء لقيت واحد من ناس الحصاحيصا جاي كرت اها قلت نستأجر في واسوقو معي البيت المهم قال لي معي اتنين مصرين عائزين فندق قريب اها الكلام ده كان حوالي الساعه واحدي صباحا المهم اخوك ماشي قدامهم عامل تفتيحه اها بعد مسافه كان الشرطه تجي تقول لي وين هويتك وكت عائز الطلع الهوية كان في جيبي قروش المحل الشغال فيهو ماظهرن بس ظهرن قروش مصريه كانت عندي اها اول سؤال انت شغال شنو وكنت جاي من السودان لي كم شهر فقلت ليهم معلم وانا ماكنت عارف انو كلمة معلم في ليبيا لها معنى تاني قال لي معلم وانا بكل فم مليان قلت ايوه ياخوي عينك ما تشوف الا النور نكت المسدس من جيبو وشال القريشات المصريه بعني انت معلم عمله قالت ليهو يازول لا قال لي كمان بتكضب طيب المصرين الماشين وراك دي شنو التلفت لقيت السوداني جايب معهو كم مصري اها الراجل العسكري شال القريشات وعبه المسدس وقال لي شايف الشارع ده قلت ليهو ايوه قال لي اجري كما جريت المسدسه ده في راسك وحاتك جريت جنس جري موسي احمد جوده ما جرى زيو وكت رجعت البيت اخوي الكبير قال لي تستاهل احمد ربك جاءت علي كده عامل فيها السفير السوداني


شكيت محنك يا فرده .. قلت كبيت البيرنق ؟

هع هع هع

والله يا الحبيب .. طيبتنا دى مرات بتجيب المشاكل

لكن نعمل شنو ؟ راضعنها رضاعه

[ود المطامير]

ههههههههههه مطاميرو يا حبيب .. العم ما عندك لكن ... كدي عمك خلو .. إنت ما معاهو وشايف كل حاجه .. كان عمك نسى إنت المنسيااك شنو :o:o

أنا غايتو كان علي ما بغلت عمك ...بغلتك إنت ههههههههههه ... تسلم يا حبيب
الهمباتى النبيل

والله فرحت بشوفتك هنى

يا الحبيب .. الوقت داك أخوك كان شباب ( هع هع )

وشغال لفّيت سااااى مع الحِسان

هع هع هع هع

تسلم حبيبنا

[ود المطامير]

ههههههههههه مطاميرو يا حبيب .. العم ما عندك لكن ... كدي عمك خلو .. إنت ما معاهو وشايف كل حاجه .. كان عمك نسى إنت المنسيااك شنو :o:o

أنا غايتو كان علي ما بغلت عمك ...بغلتك إنت ههههههههههه ... تسلم يا حبيب
الحبيب
والله ياخى إشتقنا للنم

ما تعمل لينا ركن خاص خلينا نتجدع فيهو

[ود المطامير]

_ ود المطامير .. كيفك ياخى والوليدات ؟
_ الحمد ليك يارب .. كلنا بخير
_ طيب معليش يعنى , والله عاوز سيارتك أمشى بيها أبوظبى الأولاد عاوزين يشتروا حاجات
_ حاضر وهاك المفتاح

بعد تلاته ساعات

_ ألو .. السلام عليكم
_ وعليكم السلام يا ود المطامير .. أسمعنى ياخى معليش السياره تعطلت فى نص المشوار
وواقفه عند الكيلو 125 إتجاه أبوظبى وأنا زمنى ضيّق وركبت تاكسى ومشيت
_ خير يا زول

وتانى يوم تركت عملى وطلعت من الجزيره ومشيت للسياره وطلبت سيارة تحميل وأقرب مدينه صناعيه ( مصفح ) على بعد 100 كيلو وقعدت فى الورشه تلاته أيام

ولحد اليوم صاحبى ولا ضرب تلفون وسألنى الحصل شنو ؟

[ود المطامير]

سودانى
من بلادى الحبيبه.. زول سمح فى أى شئ
وهو ماشى من دبى لأبوظبى والدنيا حر ورطوبه شديده جداً
وفى الشارع أشّر له باكستانى وبنغالى وأركبهما معه

بعد فتره حصل لهم حادث .. الباكستانى .. إنكسرت رجله

والبنغالى جاته شوية رضوض

وفى محضر الشرطه قال الباكستانى .. سودانى نفر زين هو يريد يسوّى مساعده والله أراد حصل حادث أنا مايريد شئ

قال البنغالى .. أنا فى مشكله هنى وهنى وهنى يريد خمسه ألف درهم

غايتو .. بعد تحانيس رضى بألفين

[ود المطامير]

مره إستلفت سيارة صديق ومشيت بيها دبى لحضور سباق الخيل
وبالمناسبه سباقات الخيول فى دبى عباره عن مهرجانات سودانيه صرفه

والله لو ( الحبيب رضا ) جا حضر سباق هنى تانى يوم يطلع لينا بمية بوست

أهااا .. سيارة صاحبى كوريلا قديمه .. بطرف ملعقه تقدر تفتح الباب وتدورها بالملعقه ذاتها
وإنتهى السباق , ومشيت الموقف وركبنا أنا وأصحابى ومسكنا شارع أبوظبى
على مشارف أبوظبى أوقفتنا دورية مرور .. طلبوا منى الملكيه ورخصة السواقه
أديتهم الرخصه والملكيه .. شافوها كدا وقالوا لى أنزل ونزلت
قالوا لى شوف الرقم اللى فى الملكيه واللى على السياره واحد وكانت المفاجأه

الملكيه غير والسياره غير .. قالوا لى فى تعميم على السياره دى .. مسروقه من مضمار ند الشبا لسباقات الخيول بدبى .. وطبعاً أخوكم اللى معاهو كملت .. عاينت للسياره وقلت ليهم
أنا فعلاً كنت فى السباق وسائق سيارة صديقى تشبه السياره دى بس تقول تيمان
ودا يعنى السياره اللى كنت سائقها موجوده بموقف السباق وأنا سقت دى بالغلط
يعنى ما إنتبهت وفتحت معاى وكدا
الضابط قال لى دقيقه .. قام إتكلم بالجهاز وتم ربطه بالدوريه حقت دبى المتواجده بموقف المضمار

وسألهم لو فى سياره كوريلا رقم كدا كدا بيضاء اللون بالموقف .. عاينو كدا وشافوها وتأكدوا من الرقم وقالوا .. أيوه .. والحمد لله طلع صاحب السياره سودانى ومقيم فى أبوظبى

أها .. ناس الشرطه عرفو اللبس اللى حصل

قمت قلت ليهم أدوا رقم تلفونى لصاحب السياره ولما يجى أبوظبى يضرب لى

المهم إتفقنا أنا وصاحب السياره نتلاقى تانى يوم فى أبوظبى لأن الوقت كان متأخر 2 بعد منتصف الليل

قام الضابط قال لى .. والله إنتو السودانيين طيبين خلاص

[ود المطامير]

مره لاقانى كديس
عاين لى وعاينت ليهو ولا إشتغلت بيهو
قام قال لى
إنت يا ود المطامير بقيت طيب خلاااااص:d:d:d

[أبونبيل]

ود المطامير كيف حالك

قصص وحكايات من الواقع ظريفه وخفيفه وشيقه ودمها خفيف زى كاتبها

انت احكى ونحن نتابع

ود المطامير وين وعدك لى ؟؟؟

[ود المطامير]

مره
كان فى سودانى يعمل مع هندى وواحد من الدول العربيه
فى تنظيف زجاج بنايه على علو الطابق 10
فجأه إنقطعت حبال الصندوق المتحرك اللى هم فيه ما عدا حبل واحد ( حبال سلك )

المهم .. بقوا مدلدلين والناس إتجمهروا وأيديهم على قلوبهم لحد ما جات فرق الإنقاذ ورفعوا ليهم سلم سيارة المطافى
وكان مقصّر شويه .. صاحبنا اللى من الجنسيه العربيه نط أول واحد

والسودانى ساعد الهندى اللى كان يتراجف من الخوف لحد ما سلمه لرجل الإنقاذ عند رأس السلم

وبعداك نزل هو

وتم منحه شهادة تقدير وشجاعه ( وطيبه )

[ود المطامير]

ود المطامير كيف حالك

قصص وحكايات من الواقع ظريفه وخفيفه وشيقه ودمها خفيف زى كاتبها

انت احكى ونحن نتابع

ود المطامير وين وعدك لى ؟؟؟

الله .. الله

أبو الحكومه ذاتو زارنا ؟
والله دى دايره ليها خروف

والله يسعدنى ويشرفنى جداً جداً حضورك الغالى هنى

عمّنا العزيز
والله دى شهاده أفتخر بها
ووسام فاخر على صدرى

والوعد قائم بإذن الله

وغالباً آخر الإسبوع دا بإذن الله

بالجد أسعدتنى جداً

[ود المطامير]

القصه المشهوره التى تناقلتها الجرايد
سودانى مقيم فى السعوديه
دخل المستشفى , قام قال للدكتور هاك الورقه دى أول سودانى يلاقيك أديها ليهو

الدكتور شال الورقه وعاين ليها ووجدها كلها طلبات .. معجون وصابون وفرشة أسنان وكدا
إستغرب وقال يجرب .. بعد الدوام .. لاقى سودانى وكلمو وأداهو الورقه

قال ليك تانى يوم الدكتور جا العنبر لقاهو فُل سودانين والأكياس ما تدى الدرب
قالوا الزول الشال الورقه معاهو فى السكن سودانين كتار والأعمى شال المكسر

تختلف الروايات .. لكن فى النهايه .. طيبه جد

[ود المطامير]

مره ود أبرق كان راكى فى فرع وقرييييييب منى
وفنيت فيهو حجر النبله وجلّيتو .. أكان مدّ لى رقيبتو كدا وقال لى
_ ود المطامير .. بقيت طيب متين ؟ عارفك جلّيتنى متعمد
دا عمّى هو طاير جبتو الواطه

[ود المطامير]

مره
والمرات كتيره

طلعت من أم درمان ماشى الخرطوم
أشّرت لى واحده ووقفت ليها وركبت وسألتها مشايه وين وكان مكانها فى طريقى
وهى موظفه
ولحدما وصلنا مكان ما هى عاوزه .. لا كلمه ولا يحزنون

نزلت وسألتنى قبل أن تذهب
عليك الله يا أخوى إتا ما بتجى كل يوم بالشارع دا فى نفس الوقت ؟
قلت ليها لا لكن لشنو ؟
قالت لى عشان إنت طيب طيبه
إبتسمت وشتت

[أبونبيل]

تسب سوادني وكان الجواب شعرا

تقول لسوداني بسيط يا أسود ... فيكتب قصيده وينشرها



السلام عليكم ورحمة الله وبركاته


أعجبتني هذه القصة التي وصلتنى فى بريدى,تحمل في طياتها قصيدة معبرة وأحببت نقلها لكم

تقول القصة :

كنت أسكن في إحدى المدن السعوديه ، وفي يوم من الأيام وأنا بالمحل مع زوجتي ،

جاءت إمرأة الى ( الكاشير ) وأبت نفسها أن يتقدمها هذا الاسود ، فقالت له بلهجتهم

(( وخريالأسود ) ، بتشديد الخاء وكسرها ، وترجمتها بالسوداني .

للما بعرفو السعوديه (( زح يا عبد )) فتفاجأ بهذا الاحراج أمام جميع المشترين ( والذين بالطبع أغلبهم رجال يسكتون حين تظهر امرأة لتشغل جميع حواسهم الاخرى ابتداءا من العين )، وسط ذهول الجميع قال لها:

(( أسود؟؟أسود ؟؟ الاسود ساترك يا مرا !!! ) ويقصد اللبس الاسود اى العبائه .

أخبرني ذاك الرجل السوداني واضح البساطة والكدح والأصالة والذي يبلغ ما يقارب الخمسين أن هذا أقصى ما استطاع قوله لحظتها والمرارة في قلبه من منظره أمام الناااس ، وبكل أسف كانت زوجته بعيدة عن الموقف فلم تتكفل بالرد على بيضاء الجلد هذه بما يليق ( او لا يليق ) مر الموقف مع اندهاشها من رده .

عاد الى البيت وبدأ كتابة هذه القصيدة ، والتي أفلح لاحقا في أيصالها لهذه المرأة عبر ( الشغال أو البشكار ) الهندي بتاعهم ، ثم بعث بها الى احدى المجلات العربية ( لا اذكر اسم المجله ) فقلت له هل انشرها لك كاملة هنا ؟ فقال لابأس على ألا تسبب له بمشكلة ، فهو ليس بخبير كما يبدو بدروب الانترنت وهذه هي القصيدة

قالت لي ياأسود - رجعت للوراء
حنطي لونهاااا وبشرتي سمراء
مغرورة شكلها تحب الطاعة والولاء
السواد هو الوطن في القارة السمراء
سوادي هبة خالقي وأحس بارضاء
لوني شرف لي وللكعبة كساء
للرجــال مميز للشوارب واللحاء
سوادي في العيون زينة وبدونه عماء
لوني شهامة ورجولة ما به ما يساء
سوادي خيام بادية لعروبة كرماء
تعلمين لوني للمرأة ستر وجمال وغطاء
سوادي على كل راس أمنية النساء
وإن كان شعرك أبيض تشترين لوني بسخاء
وبعدما تضعينه تعودين شباباً للوراء
تقولين أســـود ؟؟؟
تقولين أســـود ؟؟؟
وكل من يزور الكعبة يقبل لوني بانحناء
السواد هو صندوق سر لرحلات الفضاء
السواد هو بترول مبدل صحاريك لواحة خضراء
لولا السواد ما سطع نجم ولا ظهر بدر في السماء
السواد هو لون بلال المؤذن لخير الأنبياء
لولا السواد لا سكون ولا سكينة بل تعب وابتلاء
تقولين أســـود ؟؟؟
تقولين لي أسود ؟؟؟
والسواد فيه التهجد والقيام والسجود والرجاء
فيه الركوع والخشوع والتضرع لاستجاية الدعاء
فيه ذهاب نبينا من مكة للأقصى ليلة الاسراء
لو ضاع السواد منا علينا أن نستغفر ونجهش بالبكاء

عــــزيزتي

تأملي الزرع والضرع وسر حياتنا في سحابة سوداء
اسمعيني والله انتي مريضة بداء الكبرياء
أنصتي لنصيحتي يا مرا و لوصفة الدواء
عليك بحبة مباركة من لوني مع جرعة من ماء
أنا لست مازحاً وستنعمي والله بالصحة والشفاء
سامحيني يا مغروره لكل حرف جاء وكلمة هجاء
وكل ما ذكرت هو حلم في غفوة ليل أسود أو مساء
لا أسود ولا أبيض بيننا في شرعنا سواء

كلنا من خلق الله الواحد نعود لآدم وأمنا حواء

"إن أكرمكم عند الله أتقاكم


هذه عينه من طيبتنا

[ود المطامير]

عمّنا العزيز .. أبونبيل

لك منّا كل المحبّه والإحترام
ويسعدنا ويشرفنا هذا الإثراء الثر

والله فعلاً قصيده معبّره وأبلغ رد
وأتمنى أن تكون تلك المرأه قد عرفت قيمة لون بشرتنا

عمنا العزيز

نرجو منك المزيد

[mahagoub]

مره كنا ماشين السودان إجازه أنا وأبوى وعمّى
فى صالة مطار أبوظبى .. جا واحد وقال لعمّى
السيرمس دى فيها حقنة سكرى للوالده وضرورى تصلها اليوم وأهلى بلاقوك فى المطار
ممكن تشيلها معاك ؟ عمّى بشهامة البلد وناس البلد
قال ليهو .. جيبها وأدينى العنوان لو لأى ظروف ما جوا المطار والله أمشى ليهم قبال بيتى ولو فى كريمه
وشالها .. وصاحب الحقنه ضرب لأخوه فى السودان وأعطاه إسم عمى وميعاد وصول الطائره ووصلنا مطار الخرطوم .. وفى البوابه واحد كان بيسأل كل قادم .. إنت فلان ؟ إنت فلان ؟
وعتر فى عمّى وسأله ... إنت فلان ؟ قال ليهو أيوه
قال ليهو وينى الحقنه ؟
عمّى ختّ يدينو فوق راسو وقال ليهو .. على الطلاق نسيتها فى السوق الحر حق مطار أبوظبى
إحنا طيبين لكن وغايتو وإنما وحيثما وكدا

انت يا اخوى العيله كلها زايقه
الحارس ليكم البيوت منو ؟؟

[ود المطامير]

انت يا اخوى العيله كلها زايقه
الحارس ليكم البيوت منو ؟؟
البنغالى
;););)

[أبونبيل]

من ايميلاتى

حكاوي عن المغترب السوداني ومراحل نموه من القرد إلى ###### الحر



الاغتراب... والمغتربون عالم تاني... المغترب يشيل شنطتو ويشرّق... قاصد ديار الزيت... يمشي هناك عشان ياخد لو سنتين تلاتة ويعرس ويشتري بيت وعربية... ويجي راجع يقعد عند اهلو... لكن يلقى نفسو ورط في الغربة... والزمن يجري بهنا وبهناك... مغتربين الخليج... ولقوانين دول القّطرة والعقال... يلقى نفسو لا هو خليجي ولا هو سوداني... يلقى نفسو حاجة كدا ما معروفة شنو... هناك لاهو مواطن عشان يقعد ويتوهّط سمح... وهنا يلقى نفسو مواطن مع وقف التنفيذ... ضايع... بين الاتنين يضيع هو... مغتربين السعودية حاجة تانية... حاجة تجنن الما يجن... خليط من الشعور بالدونية وشعور بالفوقية في وقت واحد... شعور بالدونية للبلاقيهو من الغربة... وبالفوقية لانو كان لما يرجع هنا بيتعامل كانو حاجة تانية وزول فريد في نوعو... يحيط به الناس من كل جانب... واول ما يفلس ويعلّم الله يبدو يسالوهو انت راجع متين؟... عشان يمشي يخم ويجي تاني... هذا المخلوق المغترب في حياته يمر باربع مراحل رئيسية هي المرحلة القردية... ثم المرحلة الحمارية... ثم المرحلة القُرادية... هذا المراحل لها التأثير في تكوينو الوجداني وسلوكو....

المرحلة القردية

تبدأ هذه المرحلة اول ما يبدا المغترب في اجراءات السفر... يبدا يحس انه اصبح جزءا من فصيلة المغتربين... ويتصرف على هذا الاساس... واول ما يقول بسم الله ويخت كراعو في قفص اغترابو... يبدا يحاكي من سبقوهو في الاغتراب... .يبدا يفكر يشتري عربية... ثم ستالايت في اوضتو براهو... ثم المتزوج يفكر يجيب مرتو بهناك ويقعد يجهز في البيت من العفش زي الجماعة القبالو بالضبط... من غرف نوم وعرف جلوس وسراير وموكيت وملايات امريكية وايطالية ولو في ملايات امم متحدة يشتريها زي الكبار والقدرو من المغتربين... ثم يبدأ في التوالد... التوالد هناك يتم في موسم معلوم ومعروف حسب خبرتي يتم اغلبه في فترة الشتاء اما فترة الصيف فهي للاجازات والعُمرة لمن لم يستطيع للاجازة سبيلا حكمة ربنا قعدت في منطقة حضرت فيها موسم توالد في اسبوع واحد كان هناك خمسة ولادات ضكور... والخمسة أي واحد فيهم ابوهو سماهو محمد ودا كان نتيجة تأثير المرحلة القردية... وقد حباني الله بان اتعرف على احد المغتربين في السعودية عندو تلاتة من الابناء يحملون اسم محمد... محمد سادة.. ثم محمد المامون..ثم محمد الامين... واقترحت عليه مساعدة مني في حل ازمة الاسامي ان يسمي الولد الجايي محمد وردي... ولو انزنق والحكاية جرت وورت معاهو يسمي البعدو محمد فرفور... العجيبة انو اسمو هو براهو محمد عثمان... المرحلة القردية مرحلة قصيرة الامد... والغربة والشغل وجهاز المغتربين وضرايبو والكفيل ما بيخلو أي مغترب يستمتع بهذه المرحلة... لهذا نجد ان المخلوق المغترب يدخل في المرحلة الحمارية سريع جدا...

المرحلة الحمارية

تتميز هذه المرحلة بالسكون والهدوء و الطاعة العمياء... وهي اطول مرحلة من مراحل تطور المغترب... ويكون المغترب فيها حمار شغل... البيت الشغل وبالعكس... ويكون عارف من تشرق الشمش هو الليلة حيسوي شنو... وقد استفاد بعض الكفلاء من هذه المرحلة ومميزاتها الحمارية... بان يطلبوا من المخلوق المغترب... ان يشتغل أي حاجة في أي وقت... ويقوم هذا المخلوق بالعمل بهمة عالية ونفس راضية ورضى عنها... كما ان بعض الذكيات من نسوان المغتربين استفادت من هذه المرحلة والطاعة بان كانت تطلب من بعلها كل ما تتمناهو وهو ما بيقول لا... يتمنى المغترب السعودي في هذه المرحلة بان ينادوهو بابي فلان... ابو محمد.. ابو عادل... ابو فاطنة... ابو نفيسة... ابو كديسة... كما وانه تبدو عليه ملامح تقالة الدم... . بدءا من الدقن المشغنفة.. وانتهاء بالنكت البايخة التي لو استمعت لواحدة منها تقوم عليهو تعضيهو في نص قنقونو ولما تمشي البيت تقفل عليك اوضة وتقعد تبكي لمن الله يغفر ليك تبكي عشان بياخة النكتة وعشان ربنا ابتلاك ببلوة وهي عظيمة الا على الخاشعين... ايضا قد حباني الله باحد النكتنجية من مغتربي المرحلة الحمارية... يحكي النكتة ويضحك فيها هو لحدي ما دموعو تجري... حتى لو حكاها عشرين مرة في الدقيقة... وكنت لما اشوفو جايي علي اسال الله سبحانه وتعالى ان يلزمني الصبر الجميل والسلوان... وان يجعل استماعي الى نكته في ميزان حسناتي... ويتميز مغترب المرحلة الحمارية بدقة وسرعة تحويل قيمة الريال الى العملة السودانية مرورا بالدولار... تتم هذه العمليات بسرعة جدا في راسو... ويديك نتيجة تحويل أي مبلغ بكل دقة وامانة حتى الكسور ما يخليها... ايضا مغترب المرحلة الحمارية يكون شغوف جدا ومعجب جدا بكفيلو... يقعد وسط الناس ولو بيتكلمو في الكورة ينط هو ويقول يا زول ها والله الكفيل كفيلي انا... وبس... ثم يحكي عن احترامو ليهو وكيف بيتعامل معاهو مع انك تكون واثقا تمام الثقة انو نضمو دا كلو اماني... واضغاث احلام... ثم تبدأ بوادر انتهاء المرحلة الحمارية تلوح في الافق وتظهر بوادر المرحلة القرادية... بان يبدأ المغترب يفكر في البديل في حالة الاستغناء عنه... والبديل داخل بلد الاغتراب.. وتظهر عليه القرادية جلية عندما يستغنى عنه فعلا...

المرحلة القُرادية

وهي مرحلة قد تطول وتقصر حسب عمر المغترب... المصّر ان يكون قُرادة للنهاية... وهي تتميز بان يقوم المغترب بالتشبث بالشغل والبقاء اطول فترة في بلد الاغتراب... يرفدوهو من شغل يشعبط في شغل تاني... يسفروهو يكون شال معاهو فيزا ويرجع تاني.. يكشوهو يرجع عُمرة او حج ويكسر ركبة هناك... لاحظت ان هذه المرحلة ليست حكرا على السوداني... ايضا هناك القراد المصري والقراد الهندي والقراد الباكستاني... ما يميز القراد السوداني انه يتكاثر ويتوالد في العائل وهو ياخد فترة طويله متشعبط في الهدف... عكس القراد المصري الذي يكون فترة تطفله قصيرة لكنها مجزية ومضرة حد الضرر ما يقيف لو حد...

المرحلة ال######ية الاستثنائية او مرحلة ###### الحر

وهي استثنائية لانها تتم خارج بلد الاغتراب وداخل السودان... المخلوق المغترب يقرر ان يرجع الي السودان... مصدقا نضم الحكومة في التلفزيون بان المغتربين يرجعوا والبلد محتاجة لخبراتهم وان السودان احسن بلد ممكن الواحد يستثمر اموالو فيهو... ثم تبدأ رحلة الجري... لو عندو بيت قاعد يبني فيهو يقعد يتجارا عليهو وقتو كلو ورا لواري الطوب والاسمنت... وبعد كدا يقعد يتجارا.. ثم يبدا الجري في السهلة عشان يعرف البلد والناس بتسوي في شنو؟... ويشتغل شنو؟ يجري كما يجري ###### الحر يجري عشان يشوف مدارس وجامعات لي وليداتو... ثم يستمرئ الجري قد يكون اشد عدوا من ###### الحر زاتو... ثم ... ثم بعد فترة يمشي الحج للمرة الاخيرة ثم يعمل عمليه بروستاتا... ثم يتوفاهو الله الى رحمته

**************


حتى فى غربتنا ياود المطامير نحنا ناس طيبين

[ود المطامير]

عمّنا الحبيب

والله هذا المقال تشخيص دقيق لحلنا

لكن الحمد لله ركّز على ناس ( السعوديه ) ;)

أبوى زمان جا هنى وقال بس يقعد سنه واحده ويرجع نهائ يفتح دكان فى المطامير

ورجع وفتح دكان فى المطامير لكن بعد 28 سنه غربه
وما رجع بخاطرو لا بل أنهيت خدماته لبلوغه سن ال 60

هع هع هع

[mahagoub]

البنغالى
;););)

ده رسلتوا من السعوديه ولا .........