ود المطامير
25-07-2010, 10:53 PM
_ التايه .. أقيفى .. أقيفى يا بت أمى
_ مالك يا السُره ؟ ماشايفانى مستعجله لاحقه الراعى
_ أصبرى الغنم ملحوقات , جايبه ليك شمار حارقنى وحمانى النوم
_ شمار شنو دا الجايباهو لى قبلما الشمس تطلع ؟ بسم الله الرحمن الرحيم
وشوشت السُره للتايه فى أذنها لأكثر من ربع ساعه , كان وجهها يتلوّن بكل ألوان الطيف مع كل همسه , بعدها صاحت التايه بأعلى صوتها
_ ها جنااااا هووى تعال لحق الغنم ديل للراعى
ورجعت إلى منزلها وغبار قدميها يسبقها وهى تتمتم
والله ما بخليها .. التصبر لى , الحاقده .. الحاسده .. وال وال وال , شتائم متلاحقه تخرج من فمّها كالرصاص , بعد نصف ساعه كانت التايه تطرق باب منزل السُره التى إستقبلتها بالترحاب
_ أهاا .. يا السُره ياختى ديل الخمسه جنيهات أرح ( للشيخ ) القاعد فى ديوانكم داك نخليهو يعمل لى عمل لبت حجيلان الجاتكم أمس بالليل تتلبد بالحيط ذى الغنمايه الضاربها مطره وعملت لى عمل .
ودخلتا الديوان وقام الشيخ بعمل اللازم وتطبيق كل أمنيات التايه التى تتمنى أن تصيب بت حجيلان
يعوج خشيمها .. يلولو كريعاتها .. ولدها المغترب ينساها .. بتها ما تعرس .. راجلها يطلقها ..
وذهبت لمنزلها فرحه وعلى ثقه أن بت حجيلان يوم أو يومين ( ح تتكعوج )
عند المغيب .. كانت السُره تطرق باب بت حجيلان
إستقبلتها بترحاب ومع فنجان القهوه وشوشت لها فى أذنها أكثر من ربع الساعه
وكان وجه بت حجيلان يتلوّن بكل ألوان الطيف
_ السره ياختى قومى أرح للشيخ , أمانة الله ما بخليها ..التصبر لى التايه .. الحاسده .. الحاقده وال وال وال
_ أجى يا بت حجيلان !! أمشى معاك كيفن ؟ هسى كان شافتنا ؟ أنا بسبقك وإنتى ألحقينى
وفى الديوان كانت بت حجيلان توصى فى الشيخ يكسر ليها التايه حتّه حتّه
وعلى هذا المنوال كانت السُره تغزل خيوط الفتنه بين نساء الحى من أجل كسب مادى
ومع الأيام كان لابد لنار الفتنه أن تحرق اليابس والأخضر
وكان يوم .. حينما تفجرت براكين الغضب المدفونه فى النفوس , ود أم بلونه تعارك مع ود الرساله
ونشبت حرب كلاميه بين المرأتين فى الشارع على مسمع من أهل الحى
_ إنتى يا بتاعة الكتابه , كل يوم تمشى بيت ناس السره كاتبه ليك واحده
_ أنا ولأ إنتى ؟ قريشات راجل كملتيها كلها ليهو .. كسر لى فلانه وطشش لى خطيب بت فلانه
_ أنا ؟ إنتى عاد ما بديتيها والسره تشهد
_ السره ؟ الله يخليها لى جات كلمتنى فوق بيتى
وإنكشف المستور وبانت الحقيقه
فى ديوان كبير الحى تم عقد إجتماع بين رجال الحى وكان قرارهم
طرد الشيخ من القريه بلا عوده
ونفى السره إلى أهلها فى إحدى القرى البعيده .
توقف البكسى أمام منزل السره وبينما كان الشيخ يهم بالركوب
كنا نحن الأطفال نرميه بالحجاره ونصيح به
_ خرّاب البيوت .. خرّاب البيوت
_ مالك يا السُره ؟ ماشايفانى مستعجله لاحقه الراعى
_ أصبرى الغنم ملحوقات , جايبه ليك شمار حارقنى وحمانى النوم
_ شمار شنو دا الجايباهو لى قبلما الشمس تطلع ؟ بسم الله الرحمن الرحيم
وشوشت السُره للتايه فى أذنها لأكثر من ربع ساعه , كان وجهها يتلوّن بكل ألوان الطيف مع كل همسه , بعدها صاحت التايه بأعلى صوتها
_ ها جنااااا هووى تعال لحق الغنم ديل للراعى
ورجعت إلى منزلها وغبار قدميها يسبقها وهى تتمتم
والله ما بخليها .. التصبر لى , الحاقده .. الحاسده .. وال وال وال , شتائم متلاحقه تخرج من فمّها كالرصاص , بعد نصف ساعه كانت التايه تطرق باب منزل السُره التى إستقبلتها بالترحاب
_ أهاا .. يا السُره ياختى ديل الخمسه جنيهات أرح ( للشيخ ) القاعد فى ديوانكم داك نخليهو يعمل لى عمل لبت حجيلان الجاتكم أمس بالليل تتلبد بالحيط ذى الغنمايه الضاربها مطره وعملت لى عمل .
ودخلتا الديوان وقام الشيخ بعمل اللازم وتطبيق كل أمنيات التايه التى تتمنى أن تصيب بت حجيلان
يعوج خشيمها .. يلولو كريعاتها .. ولدها المغترب ينساها .. بتها ما تعرس .. راجلها يطلقها ..
وذهبت لمنزلها فرحه وعلى ثقه أن بت حجيلان يوم أو يومين ( ح تتكعوج )
عند المغيب .. كانت السُره تطرق باب بت حجيلان
إستقبلتها بترحاب ومع فنجان القهوه وشوشت لها فى أذنها أكثر من ربع الساعه
وكان وجه بت حجيلان يتلوّن بكل ألوان الطيف
_ السره ياختى قومى أرح للشيخ , أمانة الله ما بخليها ..التصبر لى التايه .. الحاسده .. الحاقده وال وال وال
_ أجى يا بت حجيلان !! أمشى معاك كيفن ؟ هسى كان شافتنا ؟ أنا بسبقك وإنتى ألحقينى
وفى الديوان كانت بت حجيلان توصى فى الشيخ يكسر ليها التايه حتّه حتّه
وعلى هذا المنوال كانت السُره تغزل خيوط الفتنه بين نساء الحى من أجل كسب مادى
ومع الأيام كان لابد لنار الفتنه أن تحرق اليابس والأخضر
وكان يوم .. حينما تفجرت براكين الغضب المدفونه فى النفوس , ود أم بلونه تعارك مع ود الرساله
ونشبت حرب كلاميه بين المرأتين فى الشارع على مسمع من أهل الحى
_ إنتى يا بتاعة الكتابه , كل يوم تمشى بيت ناس السره كاتبه ليك واحده
_ أنا ولأ إنتى ؟ قريشات راجل كملتيها كلها ليهو .. كسر لى فلانه وطشش لى خطيب بت فلانه
_ أنا ؟ إنتى عاد ما بديتيها والسره تشهد
_ السره ؟ الله يخليها لى جات كلمتنى فوق بيتى
وإنكشف المستور وبانت الحقيقه
فى ديوان كبير الحى تم عقد إجتماع بين رجال الحى وكان قرارهم
طرد الشيخ من القريه بلا عوده
ونفى السره إلى أهلها فى إحدى القرى البعيده .
توقف البكسى أمام منزل السره وبينما كان الشيخ يهم بالركوب
كنا نحن الأطفال نرميه بالحجاره ونصيح به
_ خرّاب البيوت .. خرّاب البيوت