القطر قام

[zahid]

أكله حلوه حلوه ....الاكله منو ؟

[نزار حسن محمد]

أكله حلوه حلوه ....الاكله منو ؟

ياشيخ زاهد ..ده كلام شنوا ..انت يازول ما بتاع القطر قام ..
هسى لو قلت الفته ام توم كنا بنقول عادى ما فوقكا حاجه
علا القطر قام ..وكدكدت العضام ..انت ما لك فيها

[zahid]

علا القطر قام ..وكدكدت العضام ..انت ما لك فيها

هع هع هع هيييع ....والله يا اب سفروق القطر قام دي فيها جنس عضام.

[روبش]

يا زاهد العجيبه إنها طاعمه

اقول :::: رمضان لسه ما جاء التشهي شنو

[zahid]

يا زاهد العجيبه إنها طاعمه

اقول :::: رمضان لسه ما جاء التشهي شنو

والله ياروبش اسكت ساي...نحن هنا من أكل الدجاج والكبسة لما طلع لينا ريش...والله الواحد مشتهي العضام دي ورحوا انسلت وراها.

[ود المطامير]

القطر قام

تردم كل حاجه فى الحلّه
وتخليها على نار هاديه

وتقوم بعد داك تكفكف يد الجلابه
وعينك ما تشوف إلا النور

[zahid]

القطر قام

تردم كل حاجه فى الحلّه
وتخليها على نار هاديه

وتقوم بعد داك تكفكف يد الجلابه
وعينك ما تشوف إلا النور

يازوووول...أهلنا العذابه زمان ظهروا...طبعاً يا ودالمطامير القطر قام دي البظبطه صاح ما النسوان البظبطه صاح سواق القندران والمساعد بتاعوا عشان دي شغل سفريات وخطوط سريعة.

[ود المطامير]

يازوووول...أهلنا العذابه زمان ظهروا...طبعاً يا ودالمطامير القطر قام دي البظبطه صاح ما النسوان البظبطه صاح سواق القندران والمساعد بتاعوا عشان دي شغل سفريات وخطوط سريعة.

والله كلامك صاح يا الحبيب

مره وديت سيارتى للصيانه فى مدينة مصفح اللى تبعد مننا 280 كيلو متر
فى الشارع الدولى اللى بودينى بيتنا وقفت ووقف لى سودانى سايق شاحنه وماشى السعوديه
بعد مشوار طويل قال لى رأيك شنو نقيف فى الموقف دااااك ونعمل لينا حلّه نتغدى بيها
قلت ليهو خير وبركه
ووقفنا .. وفتح دولاب الزواده يازول بتلاجتها .. وطلع البابور حق الهواء داك طوالى إتذكرت المطامير

المهم .. عملنا القطر قام وضربنا ضرب بالطريقه الصاح

ولسه طعمها فى لسانى
الله يديهو العافيه أينما كان ذلك السودانى الجميل الذى رافقته لثلاث ساعات فى الطريق الدولى

[naz_imam]

الحبيب زاهد والله الجوع امهر طباخ في الدنيا

احكي ليك قصة جميلة مرت علي وكت كنا طلبة في شبة القارة الهندية وبالتحديد عام 1991 لما ظهر مرض الطاعون واعلنوا عنو اها انقطعت علاقتنا بالعالم الخارجي ومافي طيران بجي الهند ولا بمرق منها وقفت التحويلات والفلس ضربنا ليك يامان واعلنا حالة التقشف لاعلي الدرجات وبعد مرور اربعين يوم اعلنا افلاسنا التام ولا ريال واحد. وماعندنا غير الصبر ومنتظرين فرج رب العالمين اها يالحبيب قعدنا اربعة ايام متواصلة علي الموية بس اليوم الخامس بقينا مابنتكلم مع بعض علشان نوفر الطاقة المتبقية اها واحد من الشباب بفتش في هدوموا لقي ليه خمسه روبيات هندية أي مايعادل نص ريال سعودي شلناها وجرينا علي المخبر واشترينا بيها كلها رغيف حوالي العشر حبات وقتها وجينا البيت كأنو شايلين خروف اها قام التنظير ناكل العيش دا بي شنو ؟؟؟ قام اخوك فتح درج المطبخ لقيت ليك باقي العدس البترمي من الكيس داك في قعر الدرج لميتو ليك كولو بي وسخو جاب ليه مليت يد كدي وكبيتو ليك في الحله واديتو ليك موية وحاتك يالغالي ماشاف شي تاني غير الملح وقعد يغلي بعد انتهي عاينت ليه كدا مويه صفراء كدي لا لامي شوربة لا لامي موية المهم قطعنا العيش بي اخر نفس واديناه الموية الصفراء والشباب جاهزين للمعركة شلت الصحن ومارق عليهم عتر لي شي جم باب المطبخ وصاااااخ الصحن اشتت في الصاله كلها مافي اي خيارات قمت خميت ليك البوش عيشه عيشة بي ترابوا ورملتو وجيت للشباب وسخان جنس وسخ اها الشباب ابو ياكلوا الوسخ دا اخوك قعد في الواطة وبديت اكل والله ماكملت لقمتين كان الشباب كلهم نزلوا وتسمع كرج واحد لاك حجر وتسمع تف تف واحد بزغ رملة لكن والله احلي اكله اكلتها في حياتي بعد صيام تام لمدة خمسه ايام وبرضوا تقول لي القطر قام

[zahid]

الحبيب زاهد والله الجوع امهر طباخ في الدنيا

احكي ليك قصة جميلة مرت علي وكت كنا طلبة في شبة القارة الهندية وبالتحديد عام 1991 لما ظهر مرض الطاعون واعلنوا عنو اها انقطعت علاقتنا بالعالم الخارجي ومافي طيران بجي الهند ولا بمرق منها وقفت التحويلات والفلس ضربنا ليك يامان واعلنا حالة التقشف لاعلي الدرجات وبعد مرور اربعين يوم اعلنا افلاسنا التام ولا ريال واحد. وماعندنا غير الصبر ومنتظرين فرج رب العالمين اها يالحبيب قعدنا اربعة ايام متواصلة علي الموية بس اليوم الخامس بقينا مابنتكلم مع بعض علشان نوفر الطاقة المتبقية اها واحد من الشباب بفتش في هدوموا لقي ليه خمسه روبيات هندية أي مايعادل نص ريال سعودي شلناها وجرينا علي المخبر واشترينا بيها كلها رغيف حوالي العشر حبات وقتها وجينا البيت كأنو شايلين خروف اها قام التنظير ناكل العيش دا بي شنو ؟؟؟ قام اخوك فتح درج المطبخ لقيت ليك باقي العدس البترمي من الكيس داك في قعر الدرج لميتو ليك كولو بي وسخو جاب ليه مليت يد كدي وكبيتو ليك في الحله واديتو ليك موية وحاتك يالغالي ماشاف شي تاني غير الملح وقعد يغلي بعد انتهي عاينت ليه كدا مويه صفراء كدي لا لامي شوربة لا لامي موية المهم قطعنا العيش بي اخر نفس واديناه الموية الصفراء والشباب جاهزين للمعركة شلت الصحن ومارق عليهم عتر لي شي جم باب المطبخ وصاااااخ الصحن اشتت في الصاله كلها مافي اي خيارات قمت خميت ليك البوش عيشه عيشة بي ترابوا ورملتو وجيت للشباب وسخان جنس وسخ اها الشباب ابو ياكلوا الوسخ دا اخوك قعد في الواطة وبديت اكل والله ماكملت لقمتين كان الشباب كلهم نزلوا وتسمع كرج واحد لاك حجر وتسمع تف تف واحد بزغ رملة لكن والله احلي اكله اكلتها في حياتي بعد صيام تام لمدة خمسه ايام وبرضوا تقول لي القطر قام


والله اصحابك ديل طيبين طيبة والله انا لو كنت محلهم كان جبت ليك الموساد الاسرائيلي.

[مدناوية]

جوعتونا يا جماعة ،،،