عم التوم ... راجل بـرلوم

[محمد الجزولى]

عم التوم راجل بسيط.. يعيش يومه ما بين ضحكاته المجلجله .. ولهو اطفاله المحبب وما بين كتبه التي يعشقها ويعاملها كأطفاله <O:p



كل همه هو مشاهدة مباراة كرة قدم او مسلسل خليجى ثم ينام قرير العين هانيها<O:p



مضت به الحياة هكذا حتى أفاق ذات صباح على طرق خفيف بباب منزله.. قام مسرعا ليفتح الباب حتى لا يؤدى استمرار الطرق إلى إيقاظ بقية أهل البيت



فتح الباب ليجد نفسه أمام بنتان تلبس أحداهما بلوزه صفراء واسكيرت اسود وقد غطت نصف شعرها بطرحه هي اقرب إلى اللون الرمادي وبجانبها فتاه أخرى ترتدي بنطلونا من الجينز وقميصا ابيض اللون وقد تركت الحرية لطرحتها لتستقر كيفما شاءت في رأسها ووقف غير بعيد عنهم شاب يبدو انه تخطى الثلاثين بسنه او سنتان وفى يده عدة أوراق ثبتت بقلم في وسطهم <O:p



عم التوم : وعليكم السلام ورحمة الله تعالى وبركاته خير يا أخوانا <O:p



ردت إحدى الفتيات:



* خير يا عمو.. نحن ناس الاستبيان تبع وزارة التخطيط بي نعمل في استبيان وعاوزين منك بعض المعلومات <O:p



* لكن يا بتي استبيانكم ده خايفنو يسوح ولا شنو.. ما تخلوها تصبح شويه <O:p



* معليش يا عم بس لأنو ورانا شغل كثير<O:p



* طيب اتفضلوا يا اخوانا... ادخلوا لي جوه <O:p



زاد فضلك يا حاج... أخيرا نطق ذلك الشاب بينما ولجوا جميعا عتبة باب الحوش إلى داخل الصالون .....<O:p
...........

[محمد الجزولى]

* طيب يا عم بسم الله نبدأ
* اتفضلى يابتى
* اسمك وعدد أفراد أسرتك وأعمارهم...
..............................
* طبيعة عملك شنو يا حاج
....................
* تشتغل كم ساعة في اليوم
....................
* عندك قرايب في الخرطوم يا حاج
.....................
* رأيك شنو في الحب
................
* وتعدد الزوجات
* الليل بمثل ليك شنو.....
* عندك ميول أدبيه
كل هذا وعم التوم يجاوب باندياح كامل وقد وجد ضالته في الاسئله الاخيره فسرح بنظره بعيدا واخذ يلقى على مسامعهم قصائد إدريس جماع ونزار قباني بينما كان ذلك الشاب يلقى نظره سريعة على أرجاء المنزل وبعد ساعة ونصف من الحديث رفعت تلك الفتاه قلمها معلنة انتهاء الاستبيان لينتبه عمنا التوم لنفسه قائلا
معليش يا جماعه... بريتكم بالشعر لكن ما قلتي لي... الاسئله دي علاقتها بالاستبيان شنو ؟؟؟؟
كيف يا عمو.. دي من صميم الاستبيان وبكره إن شاء الله ح تقرأ في الجرايد نتيجة الاستبيان ده...
تمام يا بتي لكن قلتي لي انتو تابعين لي ياتو وزارة ؟؟؟
وزراة التخطيط يا عمو ...
خرج ثلاثتهم بينما توجه عم التوم الى داخل المنزل لتبدأ رحلة حياة جديدة من العمل والمدارس وتوصيل الزوجه إلى مكان عملها...
في المساء عاد عم التوم إلى منزله وبصحبته زوجته وأولاده الثلاثة
ليجد المنزل خاويا على عروشه وورقه مثبته بعناية في الحائط مكتوبا عليها
( مع تحيات وزارة التخطيط )
اها يا إخوانا تانى ما نفتح أبوابنا ولا شنو ؟؟؟؟؟

[بنت الرفاعي]

دي طريقة جديدة؟؟:eek::confused::(
بعد ده إذا كان في تعداد أو أشياء تدعو لجمع إستبيانات، يكون كل شخص منهم يحمل إثباتات موقعة ومختومة من الجهة التابع لها، (بالرغم من أن أمثال هؤلاء اللصوص، ممكن بكل بساطة يزوِّروا الإثباتات ويستخدموها برضو)!!:(

و

القانون لا يحمي المُغفلين والغافلين، وحالياً أصبح لا يحمي المساكين ولو إلى حين!!!:(

[مدناوية]

في الحالة دي تخت ليهم كراسي قدام الباب ..

وتضيفهم في الشارع .. للضمان وكدا يعني ..

[مايسة]

سبحان الله

غايتو فنون جميلة حلوة خلاص :(

صفاء النية اخي محمد الجزولي مشكلة في مجتمعنا هذا

- يا اما تكون (تفتيحة) بلغة العامة - عشان حقك ما يتاخد منك -

- او تكون (كيشة) برضو بالعامية - فيتاخد حقك قدام عينك -

لك التحية واحتراماتي

تخريمة : مشكور والثقافي منور باسيادو :)

[abomazeen]

ود الجزولي يا نجم عجبتني القصة دي كتيير
لكن الردود لحــدي هســي مبااالغة شديـد
كلو في الصميبم مية المية ما عندي شك

[سواااح]

يعني صباح يوم السبت نلف العمة ونمشي على الجندي المجهول

وازيك يا اخونا .. نحنا ناس السفارة؟؟

[محمد الجزولى]

دي طريقة جديدة؟؟:eek::confused::(
بعد ده إذا كان في تعداد أو أشياء تدعو لجمع إستبيانات، يكون كل شخص منهم يحمل إثباتات موقعة ومختومة من الجهة التابع لها، (بالرغم من أن أمثال هؤلاء اللصوص، ممكن بكل بساطة يزوِّروا الإثباتات ويستخدموها برضو)!!:(

و

القانون لا يحمي المُغفلين والغافلين، وحالياً أصبح لا يحمي المساكين ولو إلى حين!!!:(
الكرم وصفا النيه اختى مرام كانو عنوان كل بيت
تلقى الباب ( متاكى ) وكل عابر سبيل يجد ضالته داخل البيت
يستريح ويأكل وياخد ليهو نومه كمان وبعدين يشوف مصلحتو
اسى الحذر اصبح سيد الموقف
تحياتى دكتوره مرام
وشكرا لمرورك الجميل

[محمد الجزولى]

في الحالة دي تخت ليهم كراسي قدام الباب ..

وتضيفهم في الشارع .. للضمان وكدا يعني ..

والله يا مدناوية سوف يجدون الف طريقه وطريقه لتنفيذ مآربهم
وبعدين اكيد سوف تأبى نفوسنا الا القيام بالواجب
فالكرم عادة مأصله فينا
تحياتى اختى الكريمه مدناوية على مرورك الجميل

[محمد الجزولى]

سبحان الله

غايتو فنون جميلة حلوة خلاص :(

صفاء النية اخي محمد الجزولي مشكلة في مجتمعنا هذا

- يا اما تكون (تفتيحة) بلغة العامة - عشان حقك ما يتاخد منك -

- او تكون (كيشة) برضو بالعامية - فيتاخد حقك قدام عينك -

لك التحية واحتراماتي

تخريمة : مشكور والثقافي منور باسيادو :)

فعلا معادله صعبة اختى مايسة
اما ان تتعامل بكل ثقة وتفترض حسن النيه لدى الاخر فيضيع حقك
واما ان تفترض سوء النيه وتتعامل على هذا الاساس
اصبحنا نرى قصص الزمن الماضى عن الكرم والشهامه كانها اساطير
اسى باب البيت مقفول 24 ساعه
وفى ناس عاملين كاميرا فى الباب
وكان جاء غريب طرق باب بيتكم اول حاجه تعمله تطلع ليهو بره وتجر وراك الباب
غايتو الزمن بقى صعب شديد
شكرا لكى اختى مايسة على مرورك الجميل
رد التخريمه : فى انتظار تنوريهو تانى ياخى

[محمد الجزولى]

ود الجزولي يا نجم عجبتني القصة دي كتيير
لكن الردود لحــدي هســي مبااالغة شديـد
كلو في الصميبم مية المية ما عندي شك



الجميل ابو مازن
عيونك هى من جّمل ما قرأت
وشكرا على كلامك الرائع يا وريف
ولحسن حظى كل من علق على البوست حتى الان صاحب رأى وفكر سديد
لذلك جاءت ردودهم فى الصميم
شكرا يا حبيب على مرورك الجميل

[محمد الجزولى]

يعني صباح يوم السبت نلف العمة ونمشي على الجندي المجهول

وازيك يا اخونا .. نحنا ناس السفارة؟؟

هههههههههه
يا سواح ياخى كلمة السفارة دى بس بى تخلى الواحد يجفل
قول ليهو نحن ناس الهلال وشوف الجندى ح يسوى شنو
تحياتى اخى سواح
وشكرا لمرورك الجميل

[أشرف صلاح السعيد]

الجميل ود الجزولى و الجميع سلام ..
هو عم التوم و لا حاج عبداللطيف " عكلتا و كدا" ..
أصفر بأسود دا إتحاد مدنى .. و جينز أكيد أزرق و أبيض دا الهلال .. الولد كان لابس شنو ؟؟.. لبس حكام " خفة وكدا" ..
نجى للجد ..
إنه زمان كثيرا هم ما يدعون لإغتيال الكرم و الشهامة وكل الجمال فيه ..
حاج التوم إجتر كل مدوزنات جماع و قبانى و تضرع مزهوا امام الشابتين و الشاب فوق البيعة .. برأيى أستكان للإستبيان طائعا رغم غرابته و بعد الشعر عن التخطيط ووزارته و لكنه آثر قضاء لحاظ ماتعة أيا كان الإستبيان غرضه .. فمؤكد من يقرأ لجماع و قبانى ليس بالساذج و لا الموغل فى البلاهة ..
الجريمة عناصرها شابتين حسناوتين و شاب للحماية و التخطيط و مدخل مفتاحه الإغراء .. و عم التوم أكل الطعم مستدعيا أيام الشباب..
تعيش و تاخد غيرا يا عمو ..

[ود نقد]

عم التوم موجود في كل افراد الشعب السوداني ( شوفو البيت الكبير ما نضف الباقي فيهو شنو )

[محمد الجزولى]

الجميل ود الجزولى و الجميع سلام ..
هو عم التوم و لا حاج عبداللطيف " عكلتا و كدا" ..


هههههههه
تم التعديل يا ابو الشوش
فى الاول كان اسمو عم عبد اللطيف
لكن غيرنا اسمو لزوم الغافيه وكده
راجع ليك تانى

[محمد الجزولى]

حاج التوم إجتر كل مدوزنات جماع و قبانى و تضرع مزهوا امام الشابتين و الشاب فوق البيعة .. برأيى أستكان للإستبيان طائعا رغم غرابته و بعد الشعر عن التخطيط ووزارته و لكنه آثر قضاء لحاظ ماتعة أيا كان الإستبيان غرضه .. فمؤكد من يقرأ لجماع و قبانى ليس بالساذج و لا الموغل فى البلاهة ..
الجريمة عناصرها شابتين حسناوتين و شاب للحماية و التخطيط و مدخل مفتاحه الإغراء .. و عم التوم أكل الطعم مستدعيا أيام الشباب..
تعيش و تاخد غيرا يا عمو ..


عم التوم راجل مسكون بالابداع والطيبه والشهامه
بحلم بى وطن حدوده الحب والتكافل
بفرح بى جيت الناس لى بيتو .. وبزعل لما بابو يتقفل
احساسو مرهف زى ادريس جماع وزى قبانى
عشمو يلاقى الناس و الفى قلبها على لسانها
لكن يا اخوى اشرف عمك التوم لقى التخطيط عاوز تخطيط
والحرص عاوز تشك فى كل الناس
شفت كيف يا ابو الشوش عم التوم كيف راجل برلوم
اسعدنى تواجدك جدا الحبيب اشرف
ولك غاية الشكر والاحترام

[محمد الجزولى]

عم التوم موجود في كل افراد الشعب السوداني ( شوفو البيت الكبير ما نضف الباقي فيهو شنو )

الجميل ود نقد
اؤيد كلامك بشده
عم التوم موجود فينا كلنا
بساطتنا ... وطيبتنا ...
وحبنا للناس
لكن دائما ما نصدم لما نلقى الناس بتخطط بخبث لاغتيال بسمتنا
وبساطتنا
تشكر الحبيب ود نقد على مرورك الجميل