كملة حكايتو بالجنى

[اسلام فرح]

قول للأمل عاود حياتي وظلله

طابت جروحي وصارت خطوطه مزيفه

اغشى الفرح وشيل منو فال احلى المنى

هل في الغرام ابواب سعاده ممكنه

هل لي نصيب اقدر اهوى واعيش في هنى

درب الغرام فات وباعد في الخطى

ورحلة غرامي بقت ضياع للازمنه

انا ما خلاص قلبي تعلل وانحنى

ياريت تعود لي نسمات حب قديم راح وانتهى

روح زمان بعدة خطاه الازمنه

يا حب خلاص دربك كمل ودع خطاي والازمنه

لكن بلاك القى السعاده الكنت قايلك شايله

ننسى الي كان ونعود صغار نجدع همومنا وندفنه

يا ريت كمان اقدر اباعد في الزمان وانهيها قصة كم سنه

اصل الحبيب قطع الطريق ونساها قصة حبنا

شاف عش جديد وكملة حكايتو بالجنى

[محب]

اسلام فرح كلماتك جميلة مثل الصباح المليان دعاش مع غيمة
انت وحدك حروفك تتبعثر في سماء منتدانا لترسم لوحة واجهتاها الامل مضمونها الحب
بروزها صفاء النفس
معاني تخرج من تلك اللوحة تأخذ لب من يقف امامها فيتاملها ثم يرحل حاملا من مضونها اجمل المعاني



دمت بود

[اسلام فرح]

اسلام فرح كلماتك جميلة مثل الصباح المليان دعاش مع غيمة
انت وحدك حروفك تتبعثر في سماء منتدانا لترسم لوحة واجهتاها الامل مضمونها الحب
بروزها صفاء النفس
معاني تخرج من تلك اللوحة تأخذ لب من يقف امامها فيتاملها ثم يرحل حاملا من مضونها اجمل المعاني



دمت بود

الاخ محب اشتق الى زيارتك لكلماتي
وكلماتك الرقيقه الرائع التي تشعرني بالغبطه
اشكرك جزيل الشكر والود موصول بيننا ان شاء الله