وقفو امايحدث من عمال مستشفى جراحة الاطفال التعليمى الجديد

[مبارك الجنيد]

نحن نفتخر بمدينة ودمدنى وبانسان مدينة ودمدنى نموت عندما نرى تصرف لايليق بنزاهة انسان ودمدنى لذلك سوف احكى لكم ماحصل ووحدكم احكموا.
والله العظيم لايوجد داخل المستشفى متحصل يحمل ايصال (15) بل تتحصلة احدى موظفات التخدير وكلكم يعلم مطاطية هذا الاجراء.
كذلك تتميز المستشفى بمدير طبى لا إنسانية لة ويتعامل مع المرضى بفوقية ونحن نعلم لماذا اوجدت وظيفة المدير الطبى .
لى اخ صغير مريض لم يقصر الاطباء فى الاعتناء بة لكن بعد العمليةعلما وللمعلومية المستشفى لا يتوفر فية البنج الموضعى .خرج اخى من العملية فى بنج كامل وعمليتة كانت لا تحتاج لذلك .المهم بعد ان بدأ يفوق نتفاجا بحنان تلك المرتدية الزى الاخضر لتقول لى هل معك تأمين فقلت لا قالت هنالك رسوم عملية (30) جنية .لأتفاجا بانها لا تحمل ايصال ومن الممكن ان تصبح الثلاثون عشرون او اى شى تخيلو .لكن عندما طلبت بايصال قامت الدنيا ولم تقعد اذهب انا لأورد الرسوم الى داخل مستشفى الاطفال واترك مريضى وحدة .ثم امنع بعد ذلك من ادخال وسيلة لتنقلة من المستشفى فأضطر الى حملة على كتفى حتى خارج المستشفى ماذنبة ارحمونا يرحمكم الله والله لا اغفرها لهم امام الله موعدنا واموالنا التى ياخذونها رشوة اوسموها كما شأتم حرام عليهم والله بينى وبينهم وانا مستعد لأن اقف امام اى انسان فى الولاية .بالله ياولينا .ياوزير الصحة انتم سوف تسألون عنهم تلك المناصب لا يشبهونها هؤلا ارحموا من فى الارض يرحمكم من فى السماء .ودمدنى مليئة بمن هم انظف من اؤلئك يخلصون ويرضون يالقليل سيدى .بينى وبينكم ربى

[مبارك الجنيد]

اتمنى يقرا الكلام دة زول مسؤل ويهتما بيهو من باب الاستطلاع ويدى نفسو عشرة دقايق وامشى المستشفى عشان اتاكد من ده رغم المنظر الكويس من برة بزات يوم العيادات المحولة عشان يشوف البتعمل فى الخلق الهو مفروض انو جاى عشانم .

[مدنيّة]

غريبة حكاية قروش تتدفع من غير ايصالات دي يامبارك !!

ربنا يشفي اخوك وكل مرضي المسلمين
ويلطف بنا جميعا

[الزبير محمد عبدالفضيل]

كل شيء بيحصل داخل المستشفي بس اهم شي يكون جيبكككك مليان فلوس وبعد دفع الفلوس يكون مريضك من أعداد الاموات نسأل الله السلامه من هذا

المستشفي العجيب

[اعز مكان]

حسبى الله ونعم الوكيل

[مبارك الجنيد]

غريبة حكاية قروش تتدفع من غير ايصالات دي يامبارك !!

ربنا يشفي اخوك وكل مرضي المسلمين
ويلطف بنا جميعا

شكرا مدنية على مرورك لكن الوضع يحتاج لوقفة صلبة ضد هذه الكوادر التى لن تقدم شى

[مبارك الجنيد]

كل شيء بيحصل داخل المستشفي بس اهم شي يكون جيبكككك مليان فلوس وبعد دفع الفلوس يكون مريضك من أعداد الاموات نسأل الله السلامه من هذا

المستشفي العجيب

شكرا لمرورك ايها الغالى لكن ماهو الحل برايك (المواطن يحتاجك ويحتاج للجميع اعينوننا)

[مبارك الجنيد]

حسبى الله ونعم الوكيل

حسبى الله ونعم الوكيل (حقوقنا الله قادر على استردادها لن نغفرها لهم ) شكرا لمرورك عزيزى

[بابكر]

إذا كان حال مستسفياتنا هكذا فعلى الدنيا السلام
والله المستعان

والله عندما خرجنا تركناها بخير
سبحان الله

[مبارك الجنيد]

الغالى بابكر ماصار الان فى هذه البلاد فوق تخيلك

[abomazeen]

أخي الكريم مبارك الجنيد ... ما ذكرته ينطبق لموقف حصل معي
حتى أصبحت مثل هذه الأمور اشبه بالمواقف العادية
نسأل الله السلامة وحسن الجري ... آميين

[الجندي المجهول]

غريبة حكاية قروش تتدفع من غير ايصالات دي يامبارك !!

ربنا يشفي اخوك وكل مرضي المسلمين
ويلطف بنا جميعا

عمتنا صباح الخير ،،
ما غريب إلا الشيطان ،،،،،

تخريمة : ايصال شنو عليك الله انت جادة ما شارع مدني الخرطوم وكل شوارع السودان والجبايات الموجودة فيها (حكايتها) معروفة وفاحت ولم يحرك احد أي ساكن ...
بس اقول ..
يمهل ولا يهمل ...

ضربة جزاء : يوجد كتاب بخصوص من يتولى اي امر من امور المسلمين وكذلك فيه جزئية تتحدث عن اكل المال الحرام (والله لو الواحد قرأ هذا الكتاب) لما اكل جنيه واحد حرام ولا حول ولا قوة إلا بالله ...

[مدنيّة]

عمتنا صباح الخير ،،
ما غريب إلا الشيطان ،،،،،

تخريمة : ايصال شنو عليك الله انت جادة ما شارع مدني الخرطوم وكل شوارع السودان والجبايات الموجودة فيها (حكايتها) معروفة وفاحت ولم يحرك احد أي ساكن ...
بس اقول ..
يمهل ولا يهمل ...

ضربة جزاء : يوجد كتاب بخصوص من يتولى اي امر من امور المسلمين وكذلك فيه جزئية تتحدث عن اكل المال الحرام (والله لو الواحد قرأ هذا الكتاب) لما اكل جنيه واحد حرام ولا حول ولا قوة إلا بالله ...

صباحك مبارك يا الجندي
ياخ طريق مدني الخرطوم قروشه بالايصالات
لانك لو قطعته مثلا في سوبا وانت داخل مدني ح تبرزه عشان ما تقطع ايصال جديد
ولا قصدك شنو ؟؟ باقي رمضان دخل في العضم من يوم 29 شعبان

[ahmed algam]

لاحول ولا قوة الابالله


صحي مستشفي ودمدني التعليمي يحتاج الي الكثير من الاصلاحات

حتي الاطباء المتواجدين فية غير اكفاء وانا اقولها غير اكفاء (غير مؤهلين )

لان في وحدة العناية المكثفة شهدت احد المواقف

مريضة تحتاج الي اوكسجين فالطبيبة المتواجده ماعارفة كيف تركب جهاز الاوكسجين


http://center.jeddahbikers.com/uploads/jb12829975741.jpg (http://pic.jeddahbikers.com/)


والمريضة محتاجة للاوكسجين وكانت في غيبوبة

لاحول الله يارب فارقة المريضة الحياة بعد جهد جهيد

من بعض الاطباء ( الطيب المناوب )

ولكن لاجدوي


نسال الله لها الرحمة والمغفرة

[خالد أحمد الصول]

أسفي أخي الجنيد لتأخري بالرد عليك
و أقول لك أنني قد أخذت ما كتبت و سوف اتوجه بها الي السيد مدير المستشفي
و المدير الطبي لاضعها بين يديه و اتيك بالمفيد

[أبوريتاج]

يا ريت لو تتابع معهم اخ خالد الصول ،، مع اني على اعتقاد جازم بأن الحال حا يكون نفس الحال .. ولي تجربة مريرة معهم العام الماضي مع ابنتي والتي كانت مصابه بإلتهاب شديد .. وربك ستر .. حسبنا الله ونعم الوكيل فيهم جميعاً من المدير وحتى الغفير ..

[مبارك الجنيد]

أسفي أخي الجنيد لتأخري بالرد عليك
و أقول لك أنني قد أخذت ما كتبت و سوف اتوجه بها الي السيد مدير المستشفي
و المدير الطبي لاضعها بين يديه و اتيك بالمفيد

شكرا والدى خالد وانا مستعد لأى شى اتمنى منك فقط المتابعة

[مبارك الجنيد]

اصلو الامور دى مامفروض تكون عادية ومفروض نجاهد فيهم عديل دى ارواحنا ومرات بتكون اعز مانملك والسكوت مابنفع نحنا البنغير الحال انا وانتا وكل الشعب بالتكاتف ضد الحاجات الماطبيعية دى
أخي الكريم مبارك الجنيد ... ما ذكرته ينطبق لموقف حصل معي
حتى أصبحت مثل هذه الأمور اشبه بالمواقف العادية
نسأل الله السلامة وحسن الجري ... آميين


صلو الامور دى مامفروض تكون عادية ومفروض نجاهد فيهم عديل دى ارواحنا ومرات بتكون اعز مانملك والسكوت مابنفع نحنا البنغير الحال انا وانتا وكل الشعب بالتكاتف ضد الحاجات الماطبيعية دى

[مبارك الجنيد]

شكرا ابو رتاج لمرورك

[مبارك الجنيد]

يلا نغير ونبدا بالصوت العالى لا محسوبية فى مثل هذة المهن ولا مجاملات

[خالد أحمد الصول]

لظروف العمل الممل و ظروفي الشخصية القاهرة لم أتمكن من مقابلة د. فيصل عبد الجليل نق مدير المستشفي ولا د. أسامه جلي المدير الطبي
أعزرني لكن لن أنسي هذا الوضوع ابدا

[mahagoub]

وين وزارة الصحه ووين الوالى ما ينزل من قصره العالى ويتفقد الرعيه
ولا بقى الموضوع عكسى تتفقد الرعيه الراعى
لا بد من المحاسبه ولا ارواح الناس بقت ارخص من التراب
وين رئيس الدوله ؟؟؟

[ودالعز]

شفى الله مريضك الاخ ودالجنيد ومرضانا وبالفعل الاطباء عباره عن جزارين يطالبون بحقوقهم ويتركون حق المريض

وبالنسبة لوزير الصحه او الوالي ديل اتركوهم للخالق ربنا ينتقم منهم

[أبوريتاج]

[QUOTE=
وبالنسبة لوزير الصحه او الوالي ديل اتركوهم للخالق ربنا ينتقم منهم[/QUOTE]

يسمع منك ربنا يا ود العز ....