ابووضاح
04-08-2010, 05:21 AM
<center>فيفي عبده في شارع 1</center>[font=times new roman][size=4]والجماعة منتظرنها تجي بالمطار.. وللاحتياط كده قفلوا ليك طريق شريان الشمال.. وراقبوا الحدود من بورتسودان لحدي حلايب.. والعيون مترصدة بحيرة ناصر.. حلفا كلها لغموها.. الطيارات من صن أير لي سودانير.. أي أير في الدنيا تابعوا.. صالة الوصول متر متر فتشوها.. فيفي دي لو جات ما تدخل.. مساكين قايلنها جاية بالمطار.. تتريب.. رب.. جاتهم بالفاكس!!
شارع واحد كلو وقف على قلب رجل واحد.. وكراع (فيفي) الشمال بس لما ظهرت القلوب دي كلها رجفت.. ما قلتوا نوبة؟؟ وقلتوا ما بتجي..
تجي ولا نجي في مطار أبو ظبي..
أها.. فيفي من جات الناس كلها بقت بتحبها.. المعاها والما معاها بقي معاها.. الا الوزير.. قال يا أنا أطير يا فيفي تطير!!
وما بنطير برانا.. كراسي تطير معانا.. الجماعة ما مع الطيران..
الوزير أصدر أوامر شديدة اللهجة للمفوض.. أوعى تدوا تصريح لي حفلة.. العرس خلاص انتهى.. المفوض قال: أنا شخصيا ماً بدي تصريح لكن الحفلة كان قامت بتفرج والله.
ناس التحكيمية فيهم واحد قال أنا عندي ملاحظات فنية على أداء فيفي!
فيفي ما شغالة ليك بالجماعة الشغلة.. قالت أنا جاية عندي أسبوعين فقط لا غير.. حفلة واحدة بعملها في الأسبوعين ديل.. الحفلة تكون مفتوحة.. ما في زول يمنعوه ما يحضرها من أصغر زول لي أكبر زول.. العايز يجي بالبنطلون على كيفو والعايز يجي بالبنطون على كيفو والعايز يجي بالعربية على كيفو والعايز يجي بالجلابية على كيفو.. بابنا مفتوح لا بنعرف قانون 2003 ولا بنعرف مفوضية.. الحفلة لي الصباح ومن غير استثناء كمان!!
ما شغالة ليك بالجماعة الشغلة..
فيفي عملت ليها بروفة للحفلة في نمرة 2 مبالغة.. الجماهير الجات البروفة أكتر من الجات عرس يوم 26!
فيفي جات لابسة ليك لبس غريب.. فستان خلى عيون النسوان تزغلل.. من فوق لابسة أحمر محمد أحمد !! ومن تحت لابسة ضيييق.. متزمت أبو القاسم.. ونصها رابطاهو بالنعمان حسن!!
الغنية الأولى كانت رايقة طبعاً.. فات الأوان.. واللي انكتب على جبينه الليلة بان.. جماعتك الكبار قاموا بشروا في الدكتور.. دكتور منو يا خالد ؟ ما دكتور شداد يعني حيكون معتصم.. معصتم كان بعاين بي الرقراق !!! الخيمة كان فيها فتحات صغيرة صغيرة ناس مجدي وأسامة ومعتصم يعاينوا ساكت ما دخلوا جوة !!
الغنية التانية برضو فيها شيء من الهدوء.. مسكين البدأ يأمل.. أملو يغلبو تحقيقو.. والعاشق الجفا المعشوق وا سهرو ونشاف ريقو الليلة.. الشماسة الوراء.. قعدوا (يكوركو) وا سهرو ونشاف ريقو.. وا وا و ا سهرو ونشاف ريقو الليلة وااااا سهرو..
ومن الغنية التالتة عينك ماتشوف الا النور.. وتقوم بينا العربية تودينا للفيفا.. العربية العربية.. العربية العربية.. وهي يا رمزا الله يا رمزا .. الفكي عيسى في (الحصاحيصا).. وانتي بتموتي لو جيتي بي (توتي) ونحن ما بنوم نادوا ناس (أمدوم) هي يا رمزا الله يا رمزا.. الحجة والتوبة من درب سوبا.. وانتو ما عارفين شارع (الكاملين) هي هي هي هييييي .. والحت بدأ!!
حتت ليك (الكاملين) دي حت.. ما خلت ليك فيها (طاعن ولا مطعون) في واحد انفعل شديد.. قال اجلدوني بالسوط.. قالوا ليهو يا اخونا نحن سوط ما عندنا.. بالقانون الدولي بس!!
الفيفا عملت بروفتها وخلت الما بعرف غنا يغني والما بعرف يرقص يرقص والما بعرف قانون يعرف والبعيد عن العالم يبقى قريب.. وقرب تعال ما تبتعد قرب تعال ما تبتعد..
الحفلة الكبيرة خلال أسبوعين.. العايز يحضر مرحب بيهو.. الما عايز يشوف ليهو هدوم تقيلة عشان التجميد!!
[b][font=times new roman][size=4]منققققققققققققققققول من جريدة الصدي ( الصحفي خالد عزالدين )
شارع واحد كلو وقف على قلب رجل واحد.. وكراع (فيفي) الشمال بس لما ظهرت القلوب دي كلها رجفت.. ما قلتوا نوبة؟؟ وقلتوا ما بتجي..
تجي ولا نجي في مطار أبو ظبي..
أها.. فيفي من جات الناس كلها بقت بتحبها.. المعاها والما معاها بقي معاها.. الا الوزير.. قال يا أنا أطير يا فيفي تطير!!
وما بنطير برانا.. كراسي تطير معانا.. الجماعة ما مع الطيران..
الوزير أصدر أوامر شديدة اللهجة للمفوض.. أوعى تدوا تصريح لي حفلة.. العرس خلاص انتهى.. المفوض قال: أنا شخصيا ماً بدي تصريح لكن الحفلة كان قامت بتفرج والله.
ناس التحكيمية فيهم واحد قال أنا عندي ملاحظات فنية على أداء فيفي!
فيفي ما شغالة ليك بالجماعة الشغلة.. قالت أنا جاية عندي أسبوعين فقط لا غير.. حفلة واحدة بعملها في الأسبوعين ديل.. الحفلة تكون مفتوحة.. ما في زول يمنعوه ما يحضرها من أصغر زول لي أكبر زول.. العايز يجي بالبنطلون على كيفو والعايز يجي بالبنطون على كيفو والعايز يجي بالعربية على كيفو والعايز يجي بالجلابية على كيفو.. بابنا مفتوح لا بنعرف قانون 2003 ولا بنعرف مفوضية.. الحفلة لي الصباح ومن غير استثناء كمان!!
ما شغالة ليك بالجماعة الشغلة..
فيفي عملت ليها بروفة للحفلة في نمرة 2 مبالغة.. الجماهير الجات البروفة أكتر من الجات عرس يوم 26!
فيفي جات لابسة ليك لبس غريب.. فستان خلى عيون النسوان تزغلل.. من فوق لابسة أحمر محمد أحمد !! ومن تحت لابسة ضيييق.. متزمت أبو القاسم.. ونصها رابطاهو بالنعمان حسن!!
الغنية الأولى كانت رايقة طبعاً.. فات الأوان.. واللي انكتب على جبينه الليلة بان.. جماعتك الكبار قاموا بشروا في الدكتور.. دكتور منو يا خالد ؟ ما دكتور شداد يعني حيكون معتصم.. معصتم كان بعاين بي الرقراق !!! الخيمة كان فيها فتحات صغيرة صغيرة ناس مجدي وأسامة ومعتصم يعاينوا ساكت ما دخلوا جوة !!
الغنية التانية برضو فيها شيء من الهدوء.. مسكين البدأ يأمل.. أملو يغلبو تحقيقو.. والعاشق الجفا المعشوق وا سهرو ونشاف ريقو الليلة.. الشماسة الوراء.. قعدوا (يكوركو) وا سهرو ونشاف ريقو.. وا وا و ا سهرو ونشاف ريقو الليلة وااااا سهرو..
ومن الغنية التالتة عينك ماتشوف الا النور.. وتقوم بينا العربية تودينا للفيفا.. العربية العربية.. العربية العربية.. وهي يا رمزا الله يا رمزا .. الفكي عيسى في (الحصاحيصا).. وانتي بتموتي لو جيتي بي (توتي) ونحن ما بنوم نادوا ناس (أمدوم) هي يا رمزا الله يا رمزا.. الحجة والتوبة من درب سوبا.. وانتو ما عارفين شارع (الكاملين) هي هي هي هييييي .. والحت بدأ!!
حتت ليك (الكاملين) دي حت.. ما خلت ليك فيها (طاعن ولا مطعون) في واحد انفعل شديد.. قال اجلدوني بالسوط.. قالوا ليهو يا اخونا نحن سوط ما عندنا.. بالقانون الدولي بس!!
الفيفا عملت بروفتها وخلت الما بعرف غنا يغني والما بعرف يرقص يرقص والما بعرف قانون يعرف والبعيد عن العالم يبقى قريب.. وقرب تعال ما تبتعد قرب تعال ما تبتعد..
الحفلة الكبيرة خلال أسبوعين.. العايز يحضر مرحب بيهو.. الما عايز يشوف ليهو هدوم تقيلة عشان التجميد!!
[b][font=times new roman][size=4]منققققققققققققققققول من جريدة الصدي ( الصحفي خالد عزالدين )