تشوف أحمد فى السوق .. ماتعرف فاطنة فى البيت !!! [الأرشيف]

مشاهدة النسخة كاملة : تشوف أحمد فى السوق .. ماتعرف فاطنة فى البيت !!!

بدرالدين أحمد موسى

06-08-2010, 10:03 AM

تتابع التلفزيون و غيره من وسائل الأعلام المكتوبة تسمع العجب .. تشاهد الواقع تصاب بالأحباط لمان تقول أخير أهاجر!!!
يطلع ليك مسئول يقول ليك البلد لديها فائض من العملة الصعبة .. تمشى البنوك و الصرافات يقولوا ليك الكوته خلصت . و كمان جابت ليها تسليم بالمطار.

يطلع ليك واحد يقول ليك الأستعدادات للخريف مؤمنة 100 % .. تجى المطرة ما تعرف تمشى فى الشارع .. تجى تنوم .. الضفادع تعمل ليك صداع نصفى .

يطلع ليك واحد يقول ليك وفرنا عدد كم ما بعرف ليك وظيفة .. تنزل تركب ليك ركشة و تنزل ليك من ركشة تلقا السواقين كلهم خريجين

يطلع ليك واحد يقول ليك العلاج مجانى .. يرقدوك مستشفى يقولوا ليك جيب السرير و الملاية و المخدة و طبعا الحقن و الدرب و الدواء

يطلع ليك واحد يقول ليك مجانية التعليم .. تودى ولدك المدرسة يقولوا ليك دايرين حق الحصص و الجير و الطباشير
يطلع ليك واحد يقول ليك عندنا فائض فى السكر .. تمشى الدكان السكر زاتو ما تلقاهو

يطلع ليك واحد يقول ليك سعر الفرخة 9 جنيه و نص .. تمشى الفرارجى تلقاها بى 18 جنيه . ده لو لقيتها .

يعنى بس كاميرا خفية

سلمي ابوالكيلك

06-08-2010, 10:42 AM

داء حال الناس في السودان عدم علاج وامراض ماعارفنها بتجي من وين وغلا معيشة بشكل فظيع واحلي ما اخترتا الوطائف وعدم العمل

ABUZAID

06-08-2010, 11:58 AM

الاخ الغالي
بدر الدين احمد موسى

كل الود
لا تستغرب
انت في السودان

معتز الريح

08-08-2010, 12:59 AM

للأسف .. ده كلو حاصل ..

ايمن عبد الله

08-08-2010, 01:13 AM

حصل يا بدر الدين مشيت ليك مع زول عيان عنده تأمين صحي ...كدي امشي وشوف طلبات الدكاترة والممرضين والفراشات .. وبعد ده كله قالو تامين صحي

محمود (أبو وضاح)

08-08-2010, 08:06 PM

العزيز بدرالدين

تحياتى وأشواقى ،،،،

الحال ياهو نفس الحال ، والمعاناة صراحة جوه وبره ، أمور كثيرة تغيرت طعما ولونا ووجعا ،،
نأمل أن ينصلح الحال وتتحسن الأحوال ويجنبنا الأهوال والاهمال ويصدقنا الأقوال خاصة من السياسيين هذه الأيام الذين يبيعون لنا الهواء الفاسد والخبر الفاسد والغناء الهابط والفاسد أيضا.

،،، أبوالكيلك،،،،،

مدناوية

08-08-2010, 09:17 PM

بكل أسف ..

ياهو دا السودان ...

روبش

08-08-2010, 09:50 PM

اخونا بدرالدين اقول احسن لا تسأل لا تمشي ولا تشوف ولا تسمع ولو مرضت لا قدر الله اتعالج بالبلدي

اقول :::: اخفض رأسك انت سوداني

أبوريلان

08-08-2010, 09:58 PM

والله يا بدر الدين حال ما أُحبطنا بقينا ما بنسأل لأنو ده حال السودان .

بدرالدين أحمد موسى

11-08-2010, 12:53 AM

يا اخوانا انتو ما ملاحظين انى ماقلت السودان . لكن انتو بذكاءكم عرفتوا . شكرا عل المرور و الله يصلح الحال

ودالعز

11-08-2010, 02:45 AM

والله دا كلو كوم ويقول ليك الحكومه ارسلت اعانه لي تشاد ومره لي باكستان والله دا زاتو البوبار في بيت الايجار

تقبلو مروري

بدرالدين أحمد موسى

11-08-2010, 12:30 PM

والله دا كلو كوم ويقول ليك الحكومه ارسلت اعانه لي تشاد ومره لي باكستان والله دا زاتو البوبار في بيت الايجار

تقبلو مروري

المسأة فى نفس الأتجاه .. اعلام أكبر من المساهمة . و يا عالم اللى حاصل فى باكستان شنو ..

حسام التنين

12-08-2010, 01:18 AM

حسام التنين

12-08-2010, 01:19 AM

يا اخوانا انتو ما ملاحظين انى ماقلت السودان . لكن انتو بذكاءكم عرفتوا . شكرا عل المرور و الله يصلح الحال

ياحبة الموضوع ماداير ذكاء

بدرالدين أحمد موسى

12-08-2010, 02:05 PM

الحاجة الغربية

في مستشفي الخرطوم مشيت اقلع ضرس

المسجل قال لي جيب جنيهين

وكتب لي ورقة مواداني بنج وقال لي امشي الشباك

مشيت الشبالك قال لي 15 جنيه

اديتوا الـ15 جنيها اداني قلفزات وحقنة و تاني جاجة كده

قلت معناها لمن اخش اقلعوا لي الضرس تاني بشيلوا مني

بالطريقة دى يا تنينانا نعمل ليك كشف عشان تقلع ضرسك . و يسموها لينا مبادرات مجتمعية و يجونا فى الأفتتاح !!!!!!!!!