المساعد الشخصي الرقمي

مشاهدة النسخة كاملة : مسلسل ناس نجيضون


بدرالدين أحمد موسى
11-08-2010, 01:43 AM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة الأولى

نا س نجيضون

نجيضون نموذج معاصر يعيش بيننا و ربما كان من أصحاب العلاقة من الدرجة الأولى أو الثانية أو يكون صديق أو حتى جار و ربما معرفة عابرة .

ناس نجيضون شخصيات عاصرناها فترة من الزمن بعضهم لازال ملازما لنا و البعض الآخر ربما اختفى أو أخفيناه بارادتنا. يعنى قطع ناشف .

لا أخال أى من المغتربين ليست لديه تجربة مع ناس نجيضون مع اختلاف المستوبات و لشرح صفات نجيضون سأحكى لكم فى هذه الحلقة قصة من الواقع المعاش و قصدت أن أبدأ بهذه القصة لأنها من ناس نجيضون من الدرجة الأولى .

واحد من أخوننا المغتربين انتو مابتعرفوه من الأقاليم اشترى قطعة أرض فى الخرطوم و اجتهد كثيرا فى اعمارها . و بالفعل تمكن من انجاز بيت العمر خلال 10 أعوام حرم خلالها نفسه و أسرته من الأجازات و الكثير من مباهج الحياة التى كانت فى متناول يده .

المهم صاحبنا المكلوم جاب والده ووالدته و معاهم أخوه الأصغر من الأقاليم و سكنهم فى جزء من بيت العمر . ومع مرور الأيام كبر الأخ الأصغر و تزوج و طبعا صاحبنا قام بى واجب الشيلة و الذى منه , ودارت الأيام و امتلأ البيت بى أولاد الأخ و أصبح لصاحبنا يادوبك منزلة تسعه و أولاده خلال الأجازات و طبعا هى منزلة مؤقته تعود الأمور الى مجاريها مباشرة بعد سفره . و مجاريها دى معناها يرجعوا الجماعة يتوسعوا فيها كما كانوا.

صاحبنا المسكين لازال بيحلم بالعودة و باله مرتاح انه بيته جاهز و ما ناقصه غير الفرش . و فى يوم جاءه اتصال من السودان و دار الحوار التالى :

المتصل : ياولدى والله جيراننا ديل عاوزين يبيعوا بيتهم .
صاحبنا : طيب أهه و أنا مطلوب منى أعمل شنو . أنا ما محتاج أشترى بيت.
المتصل : لازم تعمل المستحيل حتى لو تتدين ولازم تشترى البيت ده عشان تكون جمبنا .

تخيلوا هو صاحب البيت و عاوزينه يشترى بيت جاره عشان يكون جنبهم .
دى البداية و الغريق قدام .

و الى اللقاء فى الحلقة القادمة

أخوكم بدرالدين
بت مارنجان
11-08-2010, 02:46 AM
لاحول الله
غايتو ديل اتلومو شديد

لكن نقول لي اخونا المغترب المابنعرفو دة يعوضك الله في الجنة ان شاء الله

مواصلين باقي حلقات نجيضون ...
ودالعز
11-08-2010, 02:57 AM
والله دي قوة عين عجيبه بس نقول الله يجازي الانقاذ الخربت طبع الناس وعلمتهم القلع
بدرالدين أحمد موسى
11-08-2010, 10:02 AM
لاحول الله
غايتو ديل اتلومو شديد

لكن نقول لي اخونا المغترب المابنعرفو دة يعوضك الله في الجنة ان شاء الله

مواصلين باقي حلقات نجيضون ...

يسمع منك ربنا فى تلك الأيام الفاضلات . رمضان كريم يا بت مارنجان و شكرا على المرور
esmat
12-08-2010, 01:20 AM
حبيبنا بدر الدين
ربنا اعوضوا ان شاء الله كل خير
--
وفي انتظار حلقاتك
حسام التنين
12-08-2010, 01:25 AM
نجيضون ياخ ده نجض لمن اتفحم عديل كده
بنت الرفاعي
12-08-2010, 03:17 AM
سُبحان الله نفس الفكرة!!!:)

قال أحدهم يوماً:
المُغتربين شغالين لناس السودان!!!:(
بدرالدين أحمد موسى
12-08-2010, 10:27 AM
والله دي قوة عين عجيبه بس نقول الله يجازي الانقاذ الخربت طبع الناس وعلمتهم القلع

قوة عين عينى عينك و شكرا على مرورك
بدرالدين أحمد موسى
12-08-2010, 10:28 AM
حبيبنا بدر الدين
ربنا اعوضوا ان شاء الله كل خير
--
وفي انتظار حلقاتك

آمييييييييييييييين مع بركات الشهر الفضيل و تصوم و تفطر على خير
بدرالدين أحمد موسى
12-08-2010, 10:29 AM
نجيضون ياخ ده نجض لمن اتفحم عديل كده

اتفحم و بس . تصوم و تفطر على خير و شكرا على المرور .. خليك متابع
بدرالدين أحمد موسى
12-08-2010, 11:59 AM
اقتباس من مشاركة مرام

سُبحان الله نفس الفكرة!!!

قال أحدهم يوماً:
المُغتربين شغالين لناس السودان!!!

ماهو الحال من بعضه يا أخت مرام ..و ياليت أهلنا يدونا حقنا الأدبى ..!!! و للأمانة فيهم وفيهم . و نحن مركزين على عذابات ناس نجيضون .. و تصومى و تفطرى على خير
مازن الجمّال
13-08-2010, 04:06 AM
حضور ومتابعة شديدة لنجيضون
بدرالدين أحمد موسى
13-08-2010, 11:46 AM
حضور ومتابعة شديدة لنجيضون

شكرا على المتابعة و اله يكفيك ناس نجيضون .. و توصوم و تفطر على خير يا جمال !!
بدرالدين أحمد موسى
13-08-2010, 12:03 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الثانية

نجيضون و بى مهلة !!!

اهه يا جماعة كدى الليلة نديكم تجربة خفيفة لى ثلاثة من أخواننا المنجضين .

ديل بقى ثلاثة أخوان شغالين بنايين فى احدى مدن المملكة لكن ما الشرقية و ليهم 17 سنة برسلوا لى أخوهم الأصغر و برضوا هو بناء و هو الحارس البيت افتراضا بالسودان .
و طبعا الثلاثة اجتهدوا طوال 17 سنة فى تحسين المبانى و تزويج أخوانهم و أخواتهم و حتى أخوهم الصغير ده عرسوا ليه و أصبح أبو أولاد و سايق عربيه و طبعا شغله الوحيد انه حارس البيت .

يوم أخوهم الصغير ده قا ليهم انتو ليكم 17 سنة عملتوا شنو . شوفوا ناس فلان عملوا و بنوا و اشتروا عربات . انتو مابتعرفوا تلموا القروش . انتوا بس جيبونى السعودية عشان أنا أوريكم القروش بيلموها كيفن .

طبعا فلان العمل ده من ناس نجيضون المغتربين و ديل بنجيهم فى مرحلة لاحقة .

المهم أخوانه الثلاثة اشتروا ليه فيزا و صاحبنا مما جاء ماسكهم ليك . يا أخوانا طلعوا لى الأقامة دى عشان أشتغل و أوريكم القروش بيلموها كيفن . و بعد مرور شهرين تقريبا طلعت الأقامة .

اهه يا شيخنا دى الأقامة و دى هدوم الشغل بكرة بنصحيك صلاة الصبح عشان تمشى معانا الشغل على طول . صاحبنا تحمس و فى الصباح أخذ عدته و ركب مع الجماعة .
و مع البناء البلك ده الجماعة شدوا ليك القده من الصباح نزلوا صلاة الظهر . صلوا و أكلوا ليهم كبسة و دوروا فى الغرفة و مع أذان المغرب انتهوا من السقف . نزلوا و راحوا البيت استحموا و عملوا ليهم حله ضربوها و صلوا العشاء و ناموا.

تانى يوم الصباح و كالعادة صحو صاحبنا من النوم . قوم يا أخينا صلى الصبح عشان نمشى الشغل .
طبعا صاحبنا الكلام ده حار عليه قال ليهم : و الله تانى واحد يصحينى أديه بنيه فى عينه . انتو مجانين فى غرفة بتموها فى يوم واحد . و مازال صاحبنا نجيضون لكن بقى من ناس نجيضون المغتربين .

و الى اللقاء فى الحلقة القادمة

أخوكم بدرالدين
بت مارنجان
13-08-2010, 12:55 PM
والله ياخي الله يعين اخونا المغترب علي الجماعة
البياكلو بيته دة ...

لكن نصيحة لكل مغترب لو عايز يعمل شئ في السودان اهم شئ يسجل
الملكية في المحكمة وتكون موثقة ويبعد عن التوكيلات العامة ..
غايتو نصيحة يلجأ للشركات الصينية البتنفذ العقار وتسلمو جاهز كدة يضمن شغلو
ينتهي سريع ولاغفير ولاحارس
والحارس رب العالمين ياخوي :o
عوض صقير
14-08-2010, 02:19 AM
قلت لى بعد ده كلو .. قال ليهم أنتو 17 سنة إغتراب عملتو شنو ؟

حارة شديد والله ...


بالمناسبة ناس نجيضون ديل مستمتعين بالأغتراب أكثر من المغتربين ...

( تسجيل حضور ومتابعة )
معتز الريح
14-08-2010, 02:47 AM
المروقين في السودان
-----------------------
تاجر غرب .. (ضارب في سوق المواسير) ..
وأخو مغترب ..
مدنيّة
14-08-2010, 02:50 AM
غايتو دا احلي مسلسل في رمضان
نجاضة زي النجاضة
لكن الله يحمينا منها ياخ


--------------------
حضور ومتابعة
بدرالدين أحمد موسى
14-08-2010, 11:20 AM
قلت لى بعد ده كلو .. قال ليهم أنتو 17 سنة إغتراب عملتو شنو ؟

حارة شديد والله ...


بالمناسبة ناس نجيضون ديل مستمتعين بالأغتراب أكثر من المغتربين ...

( تسجيل حضور ومتابعة )

تصوم و تفطر على خير يا عوض .. حارة و بس .. الملافظ سعد و ديل عليهم ملافظ تهد جبال !!!
بدرالدين أحمد موسى
14-08-2010, 11:22 AM
والله ياخي الله يعين اخونا المغترب علي الجماعة
البياكلو بيته دة ...

لكن نصيحة لكل مغترب لو عايز يعمل شئ في السودان اهم شئ يسجل
الملكية في المحكمة وتكون موثقة ويبعد عن التوكيلات العامة ..
غايتو نصيحة يلجأ للشركات الصينية البتنفذ العقار وتسلمو جاهز كدة يضمن شغلو
ينتهي سريع ولاغفير ولاحارس
والحارس رب العالمين ياخوي :o


و الله يا بت مارنجان المغتربين حاولوا كل السبل .. لكن ناس نجيضون ديل ما بتمسكوا .. و حتشوفى قدام .. خليك متابعة .
بدرالدين أحمد موسى
14-08-2010, 11:23 AM
المروقين في السودان
-----------------------
تاجر غرب .. (ضارب في سوق المواسير) ..
وأخو مغترب ..

و انت بتقول فيها يا معتز .. قبال ما يجى العيد تسمع بيها بقت غنوة على كل لسان .. و شكرا على المرور
بدرالدين أحمد موسى
14-08-2010, 11:24 AM
غايتو دا احلي مسلسل في رمضان
نجاضة زي النجاضة
لكن الله يحمينا منها ياخ


--------------------
حضور ومتابعة

تصومى و تفطرى على خير يا مدنية .. وشكرا على الأطراء و الحضور و المتابعة
ابو عبد الرحمن
14-08-2010, 11:41 AM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الثانية

نجيضون و بى مهلة !!!


تانى يوم الصباح و كالعادة صحو صاحبنا من النوم . قوم يا أخينا صلى الصبح عشان نمشى الشغل .
طبعا صاحبنا الكلام ده حار عليه قال ليهم : و الله تانى واحد يصحينى أديه بنيه فى عينه . انتو مجانين فى غرفة بتموها فى يوم واحد . و مازال صاحبنا نجيضون لكن بقى من ناس نجيضون المغتربين .

و الى اللقاء فى الحلقة القادمة

أخوكم بدرالدين

هههههههههههههههههههههههههههههههههههه
انت عارف يا بدر الدين ( عمك ده ) قايلها زي السودان ، الغرفة
ببنوها لو خلاص بقوا شادين حيلون ، في 15 يوم ،،،،،،،،،،،
لقي هنا السعودية ( مدرسة تخريج الرجال ) وعمك ما انستر والله
متابعين والله بمزاج ،،،،،،،،،،،،،،،،،،،،،،
بدرالدين أحمد موسى
15-08-2010, 03:04 AM
هههههههههههههههههههههههههههههههههههه
انت عارف يا بدر الدين ( عمك ده ) قايلها زي السودان ، الغرفة
ببنوها لو خلاص بقوا شادين حيلون ، في 15 يوم ،،،،،،،،،،،
لقي هنا السعودية ( مدرسة تخريج الرجال ) وعمك ما انستر والله
متابعين والله بمزاج ،،،،،،،،،،،،،،،،،،،،،،


و انت بتقول فيها .. 15 يوم دى بيقضوها أعذار و مواصلات و شراب شاى ... تصوم و تفطر على خير يا أبوعابد .. و خليك متابع
مدنيّة
15-08-2010, 03:06 AM
منتظرينك اخي بدرالدين لمواصلة الابداع
بدرالدين أحمد موسى
15-08-2010, 02:21 PM
منتظرينك اخي بدرالدين لمواصلة الابداع

أكيد ان شاء الله يا مدنية . و للتذكير فقط الحلقات كل سبت و ثلاثاء . و أرجو ألا تملين الأنتظار .
بدرالدين أحمد موسى
16-08-2010, 02:10 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الثالثة

كديستكم و ثلاجتكم

قبل سنين خلت كان أحد الأخوان يعمل فى مطار الخرطوم وردية ليل . و فى ذات الليلة هبطت طائرة الخطوط البريطانية قادمة من كينيا للتزود بالوقود و بعض أعمال الصيانة العادية قبل الأقلاع الى وجهتها النهائية لندن .

و كان على متن الطائرة بعض الحيوانات الأليفة صاحبة الجواز و اللى أمها راضية عنها . ناس المصارين البيض. و كما هو الحال تم انزال جميع القفاص حفاظا على تلك الأروح من الأختناق . و من ضمن الحيوانات الأليفة كديسة مبغبغة ظريفه و لطيفة نزلوها بى قفص مميز و قفل مخصوص .

أخونا من لقافته شاف الكديسه مرخمة من اعياء السفر ربما . و افتكر الكديسة جيعانة جرى فتش لبن مالقاهو . اشترى ليه شاى بى لبن من الكفتريا بتاعة المطار و جابه للكديسة . أول مافتح البات الكديسة مرقت و كتلت ليك ساحة المطار.
صاحبنا جرى ليك ورا الكديسة من مدرج لى مدرج لحد السور . و من تحت السور لقت ليها فتحة و ما أكثر الفتحات بالسلك . ومن هناك برى عدل .

صاحبنا رجع و ماعارف يتصرف كيف . فى طريق العودة لقى ليك كديسة جربانة ضارباها السخانة و خايفة من أنور المطار . ما عاين فى اللون و لا الحجم . لفح ليك الكديسة و ياقفص جاك القدرك . قشط ليك الكديسة فى القفص و شرب ليك شاى الكديسة الهاربة و كمل ورديته . و أول ما انتهت أعمال الصيانة . المينافيست بى وين و ارفع . كديسة . كلب . عصفور كنارى . كل الحيوانات الأليفة رجعت مكانها و أقلعت الطائرة بأمان .
وصلت مطار لندن و كديستنا الجربانة ضربتها ليك الكندشة و أكل أولاد الذوات ما نفع معاها . نزلوا ليك الأقفاص و على الحجر الصحى لقو ليك عندها بهقة كبيره حول العين . و العظام مرضرضة و الضهر مظعوط و سمعها بقى ضعيف و العيون مابتفتح و الضنب قصر وحاجات أجارك الله يعنى حالتها حالة .

و فى المطار من الصباح التلكسات دورت بين الخرطوم و لندن . كديستكم ... ما كديستنا .. ياها كديستكم . ما يا ها كديستنا .. و أصحابنا بى جاى .. يا أخوننا تصدقوا النصارى و تكضبونا نحن . على الطلاق ياها كديستم . و مازال الخواجة منجض و كديسته منجضة و نجيضون فى شغله . و قيدت القضية ضد مجهول .

أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .
و قيدت القضية ضد مجهول و أنا لحقت نجاض الخواجة .

و الى لقاءفى حلقة قادمة .
ود المطامير
16-08-2010, 02:29 PM
والله يا الحبيب أحلى مسلسل

تلقى هسى كديستنا فى لندن إتبنتها خواجيه عجوز وضاربه الهمبريب

وتلقى تلاجتك الهوامير يضربوا منها المحمر والمجمر

حضور ومتابعه لصيقه يا الحبيب كتر كتر
بدرالدين أحمد موسى
17-08-2010, 11:05 AM
والله يا الحبيب أحلى مسلسل

تلقى هسى كديستنا فى لندن إتبنتها خواجيه عجوز وضاربه الهمبريب

وتلقى تلاجتك الهوامير يضربوا منها المحمر والمجمر

حضور ومتابعه لصيقه يا الحبيب كتر كتر

قطع شك ثلاجتى فى مكان آخر غير بيتنا .!!
لكن تعرف ياود المطامير , لما كنت شغال فى مريديان الخرطوم واحد من الضيوف نسى ليه (كلبة صغيرة ) الله يعز القارئين . أخونا بتاع البار فاروق الطيب شالها معاه البيت حفاظا على الأرواح . سبعة يوم بيشيل ليها الأكل من الفندق . و كل يوم بيجيبها معاه .. طبعا ضربها ليك حرنا العجيب داك . فى اليوم الثامن جاء فاروق وحده . و نعينا تلك الكلبة المسكينة .
كديستنا فى لندن يكونوا حسنو بيها النسل !!!!!!!!!!!!
محمد الجزولى
17-08-2010, 12:19 PM
الحبيب بدر الدين
حضور ومتابعه باستمتاع
وفعلا ده المسلسل الوحيد المتابعو فى رمضان
تحياتى واحترامى
المكاشفى
17-08-2010, 06:16 PM
الحبيب والله امتاع
واصل بدون نجاطه
باقى نحن بى حرالبلددى
منجضين وشداد منجضنا
وضارباه جنس نجاضه خليها ساى
esmat
18-08-2010, 12:16 AM
كان ضمو لي كديسة الخواجية على التلاجة البديل كان شوية كدا اتصلحت
الله غالب عادي الحاجات لما تجي طالعة من المطار شكلها ومقاسها بتغير
الجو ليهو اثر ياخ
مدناوية
18-08-2010, 12:50 AM
[U]
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .
و قيدت القضية ضد مجهول و أنا لحقت نجاض الخواجة .

و الى لقاءفى حلقة قادمة .







الجاتك في تلاجتك سامحتك ...



مسلسل راااائع ...


متابعين ..
بدرالدين أحمد موسى
18-08-2010, 01:13 AM
الحبيب بدر الدين
حضور ومتابعه باستمتاع
وفعلا ده المسلسل الوحيد المتابعو فى رمضان
تحياتى واحترامى

أتمنى لك متابعة طيبة و تصوم و تفطر على خير ياود الجزولى
بدرالدين أحمد موسى
18-08-2010, 10:03 AM
الحبيب والله امتاع
واصل بدون نجاطه
باقى نحن بى حرالبلددى
منجضين وشداد منجضنا
وضارباه جنس نجاضه خليها ساى


والله يا المكاشفى أخوى كمال كنكاش ده كمان نجاضه براهو ..و لا زال مستمرا .. تصوم و تفطر على خير
مدنيّة
18-08-2010, 10:28 AM
التلاجة حمي خفيفة يابدرالدين
البركة في البيت البنيته ههههههههههههههههه
بدرالدين أحمد موسى
18-08-2010, 01:36 PM
كان ضمو لي كديسة الخواجية على التلاجة البديل كان شوية كدا اتصلحت
الله غالب عادي الحاجات لما تجي طالعة من المطار شكلها ومقاسها بتغير
الجو ليهو اثر ياخ
هى كان بقت على الجو بنقول ظروف مناخية . الكلام فى الظروف الثانية . و تصوم و تفطر على خير يا عصمت
nehroo
18-08-2010, 02:42 PM
يا الحبيب بدرو
إنت المسلسل ده فاكيه مجان ساااي ؟؟
خلينا نطقطق ليك الجماعة

لو نزلته على الشاشة حتمن بتخرت ناس قدور في رمضان ده
بس شوف ليك ضحكة زي حقته هههههههههااي
المكاشفى
18-08-2010, 02:57 PM
والله يانهرو مابتخلى السمسره كلو كلو
هاك دى حقى وحق الحريم الحايمات هنا
مدنيه ومرام ماتدفعن
ماتنجضنا يانهرو
يلا جيب باقى خمسين ج
بدرالدين أحمد موسى
18-08-2010, 11:52 PM
الجاتك في تلاجتك سامحتك ...



مسلسل راااائع ...


متابعين ..

مش كدة يا مدناوية . تصومى و تفطرى على خير . و شكرا على المتابعة
بدرالدين أحمد موسى
19-08-2010, 01:56 PM
التلاجة حمي خفيفة يابدرالدين
البركة في البيت البنيته ههههههههههههههههه




و الله أنا خايف يوم ألقى بقى طابق واحد و يقولوا لى يا ها كديستكم
عادل على
19-08-2010, 02:47 PM
أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .


البدر يا أخوى أنت زعلان على الكديسة الرطبت ولا الثلاجة الأنكمشت بفعل التخزين

الجاتك فى ثلاجتك سامحتك

أمكن يكون يكون أمتحان ربانى يا نجيضون فى النجاض المنجضو للجماعة ......................

عقبال أخونا نهرو ....................... الجماعة لسان حالهم يقول نجضوتنا يا ناس نجيضون

واصل يا حبيب فى مسلسلك الرائع لكن بقول ليك نجيضون ساكن معانا ونجضنا قبلك

الله يسامح ناس نجيضون و يهديهم .
نزار حسن محمد
19-08-2010, 04:03 PM
بدر الدين احمد موسى...
من اى كوكب اتيتا لنا ايها المعطون بالابداع والادب الساخر
حقيقه انى فى غاية السعاده
لن اعلق كتير
لانى خطيت طوبتى هنا
وهدى صنقيره
بدرالدين أحمد موسى
20-08-2010, 09:14 AM
يا الحبيب بدرو
إنت المسلسل ده فاكيه مجان ساااي ؟؟
خلينا نطقطق ليك الجماعة

لو نزلته على الشاشة حتمن بتخرت ناس قدور في رمضان ده
بس شوف ليك ضحكة زي حقته هههههههههااي

quote=المكاشفى;521373]والله يانهرو مابتخلى السمسره كلو كلو
هاك دى حقى وحق الحريم الحايمات هنا
مدنيه ومرام ماتدفعن
ماتنجضنا يانهرو
يلا جيب باقى خمسين ج[/quote]

لا تعليق يا شيخ نهرو
بدرالدين أحمد موسى
20-08-2010, 09:17 AM
أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .


البدر يا أخوى أنت زعلان على الكديسة الرطبت ولا الثلاجة الأنكمشت بفعل التخزين

الجاتك فى ثلاجتك سامحتك

أمكن يكون يكون أمتحان ربانى يا نجيضون فى النجاض المنجضو للجماعة ......................

عقبال أخونا نهرو ....................... الجماعة لسان حالهم يقول نجضوتنا يا ناس نجيضون

واصل يا حبيب فى مسلسلك الرائع لكن بقول ليك نجيضون ساكن معانا ونجضنا قبلك

الله يسامح ناس نجيضون و يهديهم .

غايتو الألغاز اللى فاهمينها أنا و نهرو وبعض القراء دى خليها مستورة . و لسه ما شافوا حاجة
بدرالدين أحمد موسى
20-08-2010, 09:18 AM
بدر الدين احمد موسى...
من اى كوكب اتيتا لنا ايها المعطون بالابداع والادب الساخر
حقيقه انى فى غاية السعاده
لن اعلق كتير
لانى خطيت طوبتى هنا
وهدى صنقيره

حبابك ألف يا أبوحسن
سواااح
20-08-2010, 09:19 AM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الثالثة

كديستكم و ثلاجتكم

قبل سنين خلت كان أحد الأخوان يعمل فى مطار الخرطوم وردية ليل . و فى ذات الليلة هبطت طائرة الخطوط البريطانية قادمة من كينيا للتزود بالوقود و بعض أعمال الصيانة العادية قبل الأقلاع الى وجهتها النهائية لندن .

و كان على متن الطائرة بعض الحيوانات الأليفة صاحبة الجواز و اللى أمها راضية عنها . ناس المصارين البيض. و كما هو الحال تم انزال جميع القفاص حفاظا على تلك الأروح من الأختناق . و من ضمن الحيوانات الأليفة كديسة مبغبغة ظريفه و لطيفة نزلوها بى قفص مميز و قفل مخصوص .

أخونا من لقافته شاف الكديسه مرخمة من اعياء السفر ربما . و افتكر الكديسة جيعانة جرى فتش لبن مالقاهو . اشترى ليه شاى بى لبن من الكفتريا بتاعة المطار و جابه للكديسة . أول مافتح البات الكديسة مرقت و كتلت ليك ساحة المطار.
صاحبنا جرى ليك ورا الكديسة من مدرج لى مدرج لحد السور . و من تحت السور لقت ليها فتحة و ما أكثر الفتحات بالسلك . ومن هناك برى عدل .

صاحبنا رجع و ماعارف يتصرف كيف . فى طريق العودة لقى ليك كديسة جربانة ضارباها السخانة و خايفة من أنور المطار . ما عاين فى اللون و لا الحجم . لفح ليك الكديسة و ياقفص جاك القدرك . قشط ليك الكديسة فى القفص و شرب ليك شاى الكديسة الهاربة و كمل ورديته . و أول ما انتهت أعمال الصيانة . المينافيست بى وين و ارفع . كديسة . كلب . عصفور كنارى . كل الحيوانات الأليفة رجعت مكانها و أقلعت الطائرة بأمان .
وصلت مطار لندن و كديستنا الجربانة ضربتها ليك الكندشة و أكل أولاد الذوات ما نفع معاها . نزلوا ليك الأقفاص و على الحجر الصحى لقو ليك عندها بهقة كبيره حول العين . و العظام مرضرضة و الضهر مظعوط و سمعها بقى ضعيف و العيون مابتفتح و الضنب قصر وحاجات أجارك الله يعنى حالتها حالة .

و فى المطار من الصباح التلكسات دورت بين الخرطوم و لندن . كديستكم ... ما كديستنا .. ياها كديستكم . ما يا ها كديستنا .. و أصحابنا بى جاى .. يا أخوننا تصدقوا النصارى و تكضبونا نحن . على الطلاق ياها كديستم . و مازال الخواجة منجض و كديسته منجضة و نجيضون فى شغله . و قيدت القضية ضد مجهول .

أهه أنا يوم بعد ما تميت البيت اشتريت لى ثلاجة كلفانيتور 24 قدم بيضاء زى اللبن بتاع الكديسة . و رحت شاحنها بالطيارة شد كرتونة و دفعت عليها الجمارك و نزلوها الجماعة جزاهم الله خير فى غرفة بالبيت الجديد . ما ثلاجة جديدة بى كرتونتها . لازم نحافظ عليها و كل ما أمشى اجازة لازم أتأكد من وجود الثلاجة و خصوصا الكرتونة ما يكون فى كمان زول شرطها تقوم الثلاجة تصدى .
بعد سنه و نص مشيت اجازة عشان أطلع الأجهزة الكهربائية و أكمل فرش البيت . أروح فاتح ليك كرتونة الثلاجة و ألقى ليك ثلاجة 10 قدم لونها أصفر باهت لا يسر الناظرين و فوق ده كله قديمة . جريت لى ناس الجمارك قلت ليهم ياجماعة الظاهر فى خطأ فى التسليم . الكرتونه ياها . و المقاس و البضاعة ثلاجة لكن مواصفاتها بتختلف .

و طبعا الباقى انتو عارفينة .. قالوا ليها يازول ياها كديستكم . قصدى ثلاجتكم .
و قيدت القضية ضد مجهول و أنا لحقت نجاض الخواجة .

و الى لقاءفى حلقة قادمة .


هي لكن يا بدر الدين

ناس الجمارك ديل يحاسبوك بعد سنة ونص على شنو ؟؟
الاميره
20-08-2010, 09:56 AM
الاخ/ بدر الدين احمد موسى
رمضان كريم
متابعين حكاوى الغربه والمنجضين ..وحقيقه .ياريت تتغير العادات ويرجع الحال لى زمن المحنه الطيبه والناس الامينه ..ممكن دا يحصل..


لنا قريبه زوجها فى الغربه امن ليهم بيت..بس عندو اخوانو فى العاصمة..واحد متزوج وآخر يدرس فى الجامعه..


والبيت كبير وفيه دكان كمان..المهم قسمو البيت واجروه..واجروالدكان..وللاسف اخوهم المقترب المسكين بره القسمه دى..لحدى ما الطالب اشتغل وكمان اتزوج..والمتزوج بنى بيت..يعنى بقوا افلح من المغترب ...وآخرته قاموا اجروا البيت كلو ..ولما المغترب حب يرجع اولادو للاستقرار مالقى بيتو واضطر يرجع بى عيالو من جديد للغربه..
بدرالدين أحمد موسى
20-08-2010, 01:22 PM
هي لكن يا بدر الدين

ناس الجمارك ديل يحاسبوك بعد سنة ونص على شنو ؟؟

كلام منطقى .. لكن ما عندهم الفهم ده . ديل حدهم كديسة الخواجة .تصوم و تفطر على خير !!!
بدرالدين أحمد موسى
20-08-2010, 01:26 PM
الاخ/ بدر الدين احمد موسى
رمضان كريم
متابعين حكاوى الغربه والمنجضين ..وحقيقه .ياريت تتغير العادات ويرجع الحال لى زمن المحنه الطيبه والناس الامينه ..ممكن دا يحصل..


لنا قريبه زوجها فى الغربه امن ليهم بيت..بس عندو اخوانو فى العاصمة..واحد متزوج وآخر يدرس فى الجامعه..


والبيت كبير وفيه دكان كمان..المهم قسمو البيت واجروه..واجروالدكان..وللاسف اخوهم المقترب المسكين بره القسمه دى..لحدى ما الطالب اشتغل وكمان اتزوج..والمتزوج بنى بيت..يعنى بقوا افلح من المغترب ...وآخرته قاموا اجروا البيت كلو ..ولما المغترب حب يرجع اولادو للاستقرار مالقى بيتو واضطر يرجع بى عيالو من جديد للغربه..

و طبعا حتى الأيجار ما بيدوهو ليه !!!
بدرالدين أحمد موسى
20-08-2010, 01:29 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة الرابعة

قطع ناشف

فى نموذج من ناس نجيضون بيفرض نفسه على الأحداث و ده موضوع حلقتنا اليوم .

واحد من أخوننا المنجضين انتهى من بناء بيت العمر و فكر يرسل ليه هايس عشان مصاريف الأولاد . رسل الهايس و دفع الجمارك و كده . و مشى السودان اجازة و اتفق مع واحد سواق بالنسبة . و قال ليه كل يوم تجيب الأيراد و تديه للمره .

أخو المره تطوعا بقى يستلم الأيراد و يحاسب السواق و لما يحصل عطل يبقى سيد الموضوع . ودوا العربية الميكانيكى . جيبوا قطع الغيار . ودوا العربية المغسلة . و الكلام ده تم ليه سنه بالحالة دى و طبعا متوصى بى رقبته من الأيراد .

بعد سنة رجع صاحبنا فى اجازته السنوية . أخو المره قال ليه يا فلان ياخى أنا لى سنه متابع العربيه دى و مراقب السواق و بقوم بكل المستلزمات المطلوبه . أهه يا أخوى أنا عايزك تعمل لى مرتب .

صاحبنا اكتفى بالنجاض السابق و قال ليه شوف يا أخينا . أنت كنت طول السنه الفاتت منصب نفسك مسئول من العربيه دى و قاعت تبرشت من الأيراد و أنا عارف و ساكت . لكن يا أخوى من الليله دى العربيه دى كان لقيتها مقلوبة ما تقيف ترفعها .

و ده نموذج نجيضون اللى قطعوه معاه ناشف .
مرت الأيام و عاد صاحبنا فى اجازة و فى يوم من الأيام مشى الموقف سأل من السواق . قالوا ليهو طلع مشوار حفلة مدنى . و طبعا حفلة مدنى بى 400 ألف جنيه . آخر اليوم جاء السواق و جاب ليهو50 ألف قال ليهوا الليلة نص اليوم راح مع الميكانيكى لأصلاح الفرامل . صاحبى قال ليهو خلى لى العربية يومين تلاته أنا عندى بيها مشاوير خاصة . و تانى يوم من الصباح نزل الشارع بى نفسه . ماجات الساعة 11 الا وكان عامل 60 ألف و مع نهاية اليوم ارتفع الأيراد الى 180 ألف .
تانى يوم الصباح وهو واقف فى الموقف جاهو الكمسنجى قال يا أخوى فلان وين . قال ليهوا فلان مسافر و أنا سايق مكانه . قال ليهو طيب ما كلفك بى قروش الصندوق . قال ليهو صندوق شنو . قال ليهو يا أخى الراجل ده داخل معانا فى صندوق الخته فيهو 5 ألف يوميا و هو داخل بى صرفتين و الكمسارى بى صرفة . ضرب للسواق تليفون قال ليهوا يا أخينا مافى داعى تجى تستلم العربية لأنو أنا قررت أوقفها . السواق قال ليهو والله كنت عارفك من وشك ده . و لا يهمك يا أخينا أنا هسه سايق روزا بتاعت واحد مغترب استلمتها من الكرين و أنضف من عربيتك دى 100 مرة. الله فكانا من الهكرة بتاعتك دى .

و الى اللقاء فى الحلقة القادمة .

أخوكم بدرالدين
بدرالدين أحمد موسى
20-08-2010, 01:30 PM
skip for correction
عادل على
20-08-2010, 02:31 PM
بدر الدين أسمح لينا نشارك ناس نجيضون ديل لانو كل واحد فينا مر بتجارب نجيضون


القصة يا حبيب واحد أخونا بعد ما أضناهو البعاد قرر يتزوج و كان خاطب واحدة فى السودان وهو فى بلد الغربة و بداء مشوار مساسكت الكفيل عشان الأجازة و الكفيل يماطل الشهر الجاي و البعده المهم الجماعة هناك أصابهم الملل و دخل الشك قلوبهم بكثرت تغير مواعيد الزواج ....

أخيرا صاحبنا قرر يؤكل صاحبه و زميله فى العمل لأكمال مراسم الزواج بالوكالة ......

صاحبنا دخل السوق و هاك تظبطات فى الشيلة .. الملابس أشكال و العطور و كل لوازم الشيلة

و بعد دا كله مصاريف الزواج ...

صاحبنا الوكيل سافر بالسلامة و معه آمال العريس و تطلعاته لأكمال الزواج

صاحبنا وصل السودان و بعد مطايبت الأهل وبعد كم يوم ذهب لأهل العروس و شاف العروس لقاها حاجة شرط

هنا صاحبنا استكثر البت الحلوة دى على صاحبه ..... و دخل الوسواس و الشيطان بينهم .

الجماعة سألوه كيف عريسنا .... صاحبك بدون تردد قال ليهم و الله الراجل دا ما عايز العروس دى و دا السبب
الخلاهو ما يجى السودان .. الجماعة دخلوا فى حالة نفسية . قال ليهم ولا يهمكم أنا سداد يعنى العريس

و صاحبنا ما كضب خبر بالشيلة المرسلة و مصاريف الزواج المرسلة تمم مراسيم زواجه من خطيبة صاحبه .

و بعد دا كلو أصطحب العروس معاهو للأقامة حيث يعمل . و صاحبنا داك ما جايب خبر لانو الجماعة من الزعل قطعو الأتصالات معاهو .

أتصل على صاحبه يخبره بموعد حضوره و صاحبه أنتظره فى المطار و عند الوصول حصل ما حصل .....

و بعد دا فتحت قضايا و بلاوى

مصائب المغترين كثيرة الله يحفظنا و أيكم


و رمضان كريم
أحمد عمر ( MOODY )
20-08-2010, 09:58 PM
الأخ العزيز / بدر الدين

يكفينا فخراً أن ننتمي معك لهذا المكان
و نمتلئ حتى الثمالة بروعة قصصك الواقعية ... و النجاض الشديد
و نفيض شوقاً للمنجضون في الأرض كل سبت و ثلاثاء

شكراً لك .. على هذه المساحات الجميلة
سواااح
20-08-2010, 10:49 PM
عزيزي بدر الدين ..
انها حكايا من واقع الحياة
تروي فواصل من لدغات البشر
فالبعض شرب السم
والاخر وجد الترياق
شكراً .. كثيراً
مدناوية
21-08-2010, 01:09 AM
بدر الدين أسمح لينا نشارك ناس نجيضون ديل لانو كل واحد فينا مر بتجارب نجيضون


القصة يا حبيب واحد أخونا بعد ما أضناهو البعاد قرر يتزوج و كان خاطب واحدة فى السودان وهو فى بلد الغربة و بداء مشوار مساسكت الكفيل عشان الأجازة و الكفيل يماطل الشهر الجاي و البعده المهم الجماعة هناك أصابهم الملل و دخل الشك قلوبهم بكثرت تغير مواعيد الزواج ....

أخيرا صاحبنا قرر يؤكل صاحبه و زميله فى العمل لأكمال مراسم الزواج بالوكالة ......

صاحبنا دخل السوق و هاك تظبطات فى الشيلة .. الملابس أشكال و العطور و كل لوازم الشيلة

و بعد دا كله مصاريف الزواج ...

صاحبنا الوكيل سافر بالسلامة و معه آمال العريس و تطلعاته لأكمال الزواج

صاحبنا وصل السودان و بعد مطايبت الأهل وبعد كم يوم ذهب لأهل العروس و شاف العروس لقاها حاجة شرط

هنا صاحبنا استكثر البت الحلوة دى على صاحبه ..... و دخل الوسواس و الشيطان بينهم .

الجماعة سألوه كيف عريسنا .... صاحبك بدون تردد قال ليهم و الله الراجل دا ما عايز العروس دى و دا السبب
الخلاهو ما يجى السودان .. الجماعة دخلوا فى حالة نفسية . قال ليهم ولا يهمكم أنا سداد يعنى العريس

و صاحبنا ما كضب خبر بالشيلة المرسلة و مصاريف الزواج المرسلة تمم مراسيم زواجه من خطيبة صاحبه .

و بعد دا كلو أصطحب العروس معاهو للأقامة حيث يعمل . و صاحبنا داك ما جايب خبر لانو الجماعة من الزعل قطعو الأتصالات معاهو .

أتصل على صاحبه يخبره بموعد حضوره و صاحبه أنتظره فى المطار و عند الوصول حصل ما حصل .....

و بعد دا فتحت قضايا و بلاوى

مصائب المغترين كثيرة الله يحفظنا و أيكم


و رمضان كريم






معقولة بس في ناس كدا ؟؟!!!!!!
ahmed algam
21-08-2010, 03:05 AM
النجيضون


سلام عليكم
مدنيّة
21-08-2010, 05:00 AM
فتلت الصفحة بالمشاركة الاولي يابدر
ياريت لو عدلتها عشان قرأتها تكون ساهلة


-----------------
لسة ماقريت برجع بعدين باذن الله


---------------
شكرا بدر
بدرالدين أحمد موسى
21-08-2010, 12:15 PM
بدر الدين أسمح لينا نشارك ناس نجيضون ديل لانو كل واحد فينا مر بتجارب نجيضون


القصة يا حبيب واحد أخونا بعد ما أضناهو البعاد قرر يتزوج و كان خاطب واحدة فى السودان وهو فى بلد الغربة و بداء مشوار مساسكت الكفيل عشان الأجازة و الكفيل يماطل الشهر الجاي و البعده المهم الجماعة هناك أصابهم الملل و دخل الشك قلوبهم بكثرت تغير مواعيد الزواج ....

أخيرا صاحبنا قرر يؤكل صاحبه و زميله فى العمل لأكمال مراسم الزواج بالوكالة ......

صاحبنا دخل السوق و هاك تظبطات فى الشيلة .. الملابس أشكال و العطور و كل لوازم الشيلة

و بعد دا كله مصاريف الزواج ...

صاحبنا الوكيل سافر بالسلامة و معه آمال العريس و تطلعاته لأكمال الزواج

صاحبنا وصل السودان و بعد مطايبت الأهل وبعد كم يوم ذهب لأهل العروس و شاف العروس لقاها حاجة شرط

هنا صاحبنا استكثر البت الحلوة دى على صاحبه ..... و دخل الوسواس و الشيطان بينهم .

الجماعة سألوه كيف عريسنا .... صاحبك بدون تردد قال ليهم و الله الراجل دا ما عايز العروس دى و دا السبب
الخلاهو ما يجى السودان .. الجماعة دخلوا فى حالة نفسية . قال ليهم ولا يهمكم أنا سداد يعنى العريس

و صاحبنا ما كضب خبر بالشيلة المرسلة و مصاريف الزواج المرسلة تمم مراسيم زواجه من خطيبة صاحبه .

و بعد دا كلو أصطحب العروس معاهو للأقامة حيث يعمل . و صاحبنا داك ما جايب خبر لانو الجماعة من الزعل قطعو الأتصالات معاهو .

أتصل على صاحبه يخبره بموعد حضوره و صاحبه أنتظره فى المطار و عند الوصول حصل ما حصل .....

و بعد دا فتحت قضايا و بلاوى

مصائب المغترين كثيرة الله يحفظنا و أيكم


و رمضان كريم

و نحن لاقينك وين .. زى بيتك .. لكن صاحبك خطييييير
بدرالدين أحمد موسى
21-08-2010, 12:17 PM
الأخ العزيز / بدر الدين

يكفينا فخراً أن ننتمي معك لهذا المكان
و نمتلئ حتى الثمالة بروعة قصصك الواقعية ... و النجاض الشديد
و نفيض شوقاً للمنجضون في الأرض كل سبت و ثلاثاء

شكراً لك .. على هذه المساحات الجميلة

الشكر موصول ليك يا أبوحميد و تصوم و تفطر على خير
بدرالدين أحمد موسى
21-08-2010, 12:18 PM
عزيزي بدر الدين ..
انها حكايا من واقع الحياة
تروي فواصل من لدغات البشر
فالبعض شرب السم
والاخر وجد الترياق
شكراً .. كثيراً

تعبير راقى يا سواح و تصوم و تفطر على خير
بدرالدين أحمد موسى
21-08-2010, 12:19 PM
النجيضون


سلام عليكم

نسأل الله الرحمة للوالدة و أن يسكنها فسيح جناته مع الشهداء و الصديقين
بدرالدين أحمد موسى
21-08-2010, 12:21 PM
فتلت الصفحة بالمشاركة الاولي يابدر
ياريت لو عدلتها عشان قرأتها تكون ساهلة


-----------------
لسة ماقريت برجع بعدين باذن الله


---------------
شكرا بدر



لو فهمتك صح يا مدنية جرى التعديل .. مستنين رجعتك ..
و الشكر موصول
ahmed algam
21-08-2010, 01:57 PM
نسأل الله الرحمة للوالدة و أن يسكنها فسيح جناته مع الشهداء و الصديقين



اللهم امين يارب
مدنيّة
21-08-2010, 10:44 PM
عجبني والله الزوج الحسم اخو زوجته دا وقطعه معه نااااااااااااشف

----------------
صراحة بستغرب من نوعية الناس اللي بالشكل دا

---------------
معليش يابدر لكن الصفحة مازالت عريضة جدا الزول ما بيقدر يقرأها كلها "المشاركة الاولي في هذه الصفحة"
احتمال الكوتيشن الجبته دا
او غير خط المشاركة عشان تبقي زيها وزي بقية المشاركات ساهلة في القرأة

----------------
تقبل شكري
esmat
21-08-2010, 11:46 PM
متابعين ومنجضون في الارض
تابع

---
مدنية شنو البلد دي مافيها مشرفين ولا شنو ولا صايمين
غايتو
اقول ليك شي خلي المدير المالي اعدل ياخ (وش ميت من الضحك)
حسام التنين
22-08-2010, 12:08 AM
الله اكون في العون

والحمد





"مشاركة مكررة"
حسام التنين
22-08-2010, 12:09 AM
البشوف مصائب الناس تهون عليه مصيبتة وصدق من قال ان دائما هناك من هو اسواء منك صاح يامدنية
wad alballal
22-08-2010, 12:30 AM
مازلنا منتظرين باقي الحلقات وهدي تتفنا في الواطة
مدنيّة
22-08-2010, 12:55 AM
اقول ليك شي خلي المدير المالي اعدل ياخ (وش ميت من الضحك)

http://www.sudaneseonline.com/db/attention/100_Balloons.gif
بدرالدين أحمد موسى
22-08-2010, 02:00 AM
عجبني والله الزوج الحسم اخو زوجته دا وقطعه معه نااااااااااااشف

----------------
صراحة بستغرب من نوعية الناس اللي بالشكل دا

---------------
معليش يابدر لكن الصفحة مازالت عريضة جدا الزول ما بيقدر يقرأها كلها "المشاركة الاولي في هذه الصفحة"
احتمال الكوتيشن الجبته دا
او غير خط المشاركة عشان تبقي زيها وزي بقية المشاركات ساهلة في القرأة

----------------
تقبل شكري

مش كده بالله .. لكن ما تستغربى مع ناس نجيضون !!!
مدنيّة
22-08-2010, 02:26 AM
الاسوأ خليه ياحسام
عاين للافضل
عشان يبقي ليك قدوة
ود المطامير
22-08-2010, 07:16 AM
فى الصميم والله يا الحبيب

واحد صاحبنا إشترى حافله وأداها سواق

بعد سنه مشى إجازه وإنتظره السواق فى المطار بالحافله

بعد يومين حاسب السواق على إيراد السنه

فوجد صحابنا صاحب الحافله إنو مطلوب

والغريب فى بنود الدين بند يقول

( خمسين ألف مشوار صاحب الحافله من المطار للمطامير ) ;)
عوض صقير
22-08-2010, 09:51 PM
فى الصميم والله يا الحبيب

واحد صاحبنا إشترى حافله وأداها سواق

بعد سنه مشى إجازه وإنتظره السواق فى المطار بالحافله

بعد يومين حاسب السواق على إيراد السنه

فوجد صحابنا صاحب الحافله إنو مطلوب

والغريب فى بنود الدين بند يقول

( خمسين ألف مشوار صاحب الحافله من المطار للمطامير ) ;)

عروة .. الجاتك فى حافلتك سامحتك .....

تخريمة : السواق ده بكون داخل بى خمسة صرفات .....
بدرالدين أحمد موسى
22-08-2010, 10:22 PM
متابعين ومنجضون في الارض
تابع



شكرا على المرور و تصوم و تفطر على خير عصمت
بدرالدين أحمد موسى
22-08-2010, 10:24 PM
البشوف مصائب الناس تهون عليه مصيبتة وصدق من قال ان دائما هناك من هو اسواء منك صاح

باين عليك معذب .. الله يكون فى العون
بدرالدين أحمد موسى
22-08-2010, 10:27 PM
مازلنا منتظرين باقي الحلقات وهدي تتفنا في الواطة

يا ود البلال تزورنى ألف وحبابك ألف .. و تصوم و تفطر على خير
بدرالدين أحمد موسى
22-08-2010, 10:30 PM
ف

بعد يومين حاسب السواق على إيراد السنه

فوجد صحابنا صاحب الحافله إنو مطلوب

) ;)

ان شاء الله بس ديونه تكون خفيفة . مايكون عاوز ليه كشف .
بنت الرفاعي
23-08-2010, 12:09 AM
الله يعين المُنَجَّضِّين بيحننوا!!
تعرفوا المُشكلة في أنو المُنجِّضِّين، بيفتكروا أنو حلاص الشخص ده وبما أنو مُغترب، أكيد مُرتاح على الآخر (ماعارفين هو علشان يرتاح بيتعب!!)، التقول عندو بئر ملانة دولارات كل يوم بيسحب منها!!!!:confused::eek::(
الله المُستعان!!!

أخونا بدر الدين نتمنى تعمل 3 حلقات في الأسبوع بدل 2.:)
بدرالدين أحمد موسى
23-08-2010, 01:34 PM
الله يعين المُنَجَّضِّين بيحننوا!!
تعرفوا المُشكلة في أنو المُنجِّضِّين، بيفتكروا أنو حلاص الشخص ده وبما أنو مُغترب، أكيد مُرتاح على الآخر (ماعارفين هو علشان يرتاح بيتعب!!)، التقول عندو بئر ملانة دولارات كل يوم بيسحب منها!!!!:confused::eek::(
الله المُستعان!!!

أخونا بدر الدين نتمنى تعمل 3 حلقات في الأسبوع بدل 2.:)



و المصيبة الأكبر يا مرام يقولوا ليك مغترب كام سنة سويت شنو ؟؟؟
ممكن يكون 3 حلقات أو أكثر يا مرام و ده بيتوقف على ظروف الأعضاء ... و ليس هناك ما يمنع
بدرالدين أحمد موسى
23-08-2010, 01:37 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة الخامسة

الحلم الضائع

الأستاذ د.محمد عبدالله الريح فى كتاباته الساخرة كتب عن المغترب الذى بنى بيتا جميلا بأحدى مناطق العاصمة المثلثة . و لأنه كان مولعا بالزراعة
فقد قام بتنسيق حديقة جميلة أمام المنزل تتوسطها شجرة نيم ظليلية .
و بعد فترة اغتراب امتدت لعشرات السنين عاد الى الوطن و أقام فى داره الرائعة . وقد كان يصحو من نومه و يتناول شاى الصباح فى ظل الشجرة .
ينادوهو للفطور يدخل يفطر و يرجع ضل الشجرة . ينادوه للغداء يتغدى و يرجع ضل الشجرة ينادوه للعشاء يدخل يتعشى و ينوم .
أهه زى ماقال أستاذنا محمد عبداله الريح لما انت عاوز تقعد فى الشارع كان فى لزوم للشلهته ما كان تزرع ليك شجرة من زمان و ترجع .

انا بقى بعد مااشتريت الواطة و معاها حوالى 3 قطع أراضى احتياط لليوم الأسود عملت توكيل لى واحد من الجماعة من ذوى العلاقة من الدرجة
الثانية . و اجتهدت شديد لحد ما بنيت البيت و أثثته بالكامل . و تزامن الأمر مع العودة الطوعية أو القسرية لأنه الأولاد بقوا على أبواب الجامعة . لكن عملت حسابى .
مشيت مع الأولاد عشان أرتب أمورهم ثم أعود منفردا للعمل لمدة سنة أنهى بعدها التزاماتى التعاقدية لأرجع نهائيا للأستقرار ببيت الأحلام . هكذا كان القرار جماعيا
و استندت على ال3 أراضى الأحتياطى قلت أبيعهم و أكمل الطابق الثانى للايجار و أشترى لى دفار يمسك باب المعيشة .

هل تصدقوا لما سألت الوكيل عن الاراضى عشان نعرضها و نشوف جابت كم قال لى و الله يا أخوى أنا بعتهم من زمااان لأنى احتجت لقروش لما غيرت عربيتى و رممت البيت ( يقصد بيته ) معقول أنا ما كلمتك !!
قال لى الكلام ده ببرود و هو بيشرب فى الشاى وخالف رجل فى رجل و كأنه لم يفعل سوى الصواب . ما أخفيكم طبعا ما أقدر أشتكيه و لا أقاضيه لأسباب انسانية و أسرية و اكتفيت بالضغط و السكر و غيره من أمراض العصر عافاكم الله .
و عدت أدراجى لمواصلة عذابات الأغتراب و مازال القطر طويل والأولاد مابين الثانويات و الجامعات اللى بقت بالشئ الفلانى.

أهه أنا هسى شجرة و د الريح مالقيتها .

و الى لقاء فى حلقة قادمة
سواااح
23-08-2010, 02:50 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة الخامسة

الحلم الضائع

الأستاذ د.محمد عبدالله الريح فى كتاباته الساخرة كتب عن المغترب الذى بنى بيتا جميلا بأحدى مناطق العاصمة المثلثة . و لأنه كان مولعا بالزراعة
فقد قام بتنسيق حديقة جميلة أمام المنزل تتوسطها شجرة نيم ظليلية .
و بعد فترة اغتراب امتدت لعشرات السنين عاد الى الوطن و أقام فى داره الرائعة . وقد كان يصحو من نومه و يتناول شاى الصباح فى ظل الشجرة .
ينادوهو للفطور يدخل يفطر و يرجع ضل الشجرة . ينادوه للغداء يتغدى و يرجع ضل الشجرة ينادوه للعشاء يدخل يتعشى و ينوم .
أهه زى ماقال أستاذنا محمد عبداله الريح لما انت عاوز تقعد فى الشارع كان فى لزوم للشلهته ما كان تزرع ليك شجرة من زمان و ترجع .

انا بقى بعد مااشتريت الواطة و معاها حوالى 3 قطع أراضى احتياط لليوم الأسود عملت توكيل لى واحد من الجماعة من ذوى العلاقة من الدرجة
الثانية . و اجتهدت شديد لحد ما بنيت البيت و أثثته بالكامل . و تزامن الأمر مع العودة الطوعية أو القسرية لأنه الأولاد بقوا على أبواب الجامعة . لكن عملت حسابى .
مشيت مع الأولاد عشان أرتب أمورهم ثم أعود منفردا للعمل لمدة سنة أنهى بعدها التزاماتى التعاقدية لأرجع نهائيا للأستقرار ببيت الأحلام . هكذا كان القرار جماعيا
و استندت على ال3 أراضى الأحتياطى قلت أبيعهم و أكمل الطابق الثانى للايجار و أشترى لى دفار يمسك باب المعيشة .

هل تصدقوا لما سألت الوكيل عن الاراضى عشان نعرضها و نشوف جابت كم قال لى و الله يا أخوى أنا بعتهم من زمااان لأنى احتجت لقروش لما غيرت عربيتى و رممت البيت ( يقصد بيته ) معقول أنا ما كلمتك !!
قال لى الكلام ده ببرود و هو بيشرب فى الشاى وخالف رجل فى رجل و كأنه لم يفعل سوى الصواب . ما أخفيكم طبعا ما أقدر أشتكيه و لا أقاضيه لأسباب انسانية و أسرية و اكتفيت بالضغط و السكر و غيره من أمراض العصر عافاكم الله .
و عدت أدراجى لمواصلة عذابات الأغتراب و مازال القطر طويل والأولاد مابين الثانويات و الجامعات اللى بقت بالشئ الفلانى.

أهه أنا هسى شجرة و د الريح مالقيتها .

و الى لقاء فى حلقة قادمة




النئ .. للنار

الزمن ده روحك بس

ضمااااان نهائي مافي
مدنيّة
23-08-2010, 10:12 PM
هل تصدقوا لما سألت الوكيل عن الاراضى عشان نعرضها و نشوف جابت كم قال لى و الله يا أخوى أنا بعتهم من زمااان لأنى احتجت لقروش لما غيرت عربيتى و رممت البيت ( يقصد بيته ) معقول أنا ما كلمتك !!




انت جادي في الكلام دا يابدر ولا دا حبكة درامية وقصة خيالية؟؟!!!!!!!!!!!!!!
بدرالدين أحمد موسى
23-08-2010, 11:15 PM
النئ .. للنار

الزمن ده روحك بس

ضمااااان نهائي مافي

ضمان نهائى .. نهى .. فى خروج نهائى !!!!!!
بدرالدين أحمد موسى
23-08-2010, 11:17 PM
انت جادي في الكلام دا يابدر ولا دا حبكة درامية وقصة خيالية؟؟!!!!!!!!!!!!!!

لا و الله يا مدنية .. القصة حقيقية و ابطالها بيننا ..
بنت الرفاعي
23-08-2010, 11:22 PM
انت جادي في الكلام دا يابدر ولا دا حبكة درامية وقصة خيالية؟؟!!!!!!!!!!!!!!

والله يا أختي في قصص تحسيها خُرافية، لكن مع الأسف بتكون واقع وعاشه واكتوى به أحد المُغتربين، (الظاهر إنك ما بتسمعي بمآسي بعض المُغتربين).:rolleyes:

الله يهون.
مدناوية
23-08-2010, 11:28 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة الخامسة

الحلم الضائع

الأستاذ د.محمد عبدالله الريح فى كتاباته الساخرة كتب عن المغترب الذى بنى بيتا جميلا بأحدى مناطق العاصمة المثلثة . و لأنه كان مولعا بالزراعة
فقد قام بتنسيق حديقة جميلة أمام المنزل تتوسطها شجرة نيم ظليلية .
و بعد فترة اغتراب امتدت لعشرات السنين عاد الى الوطن و أقام فى داره الرائعة . وقد كان يصحو من نومه و يتناول شاى الصباح فى ظل الشجرة .
ينادوهو للفطور يدخل يفطر و يرجع ضل الشجرة . ينادوه للغداء يتغدى و يرجع ضل الشجرة ينادوه للعشاء يدخل يتعشى و ينوم .
أهه زى ماقال أستاذنا محمد عبداله الريح لما انت عاوز تقعد فى الشارع كان فى لزوم للشلهته ما كان تزرع ليك شجرة من زمان و ترجع .

انا بقى بعد مااشتريت الواطة و معاها حوالى 3 قطع أراضى احتياط لليوم الأسود عملت توكيل لى واحد من الجماعة من ذوى العلاقة من الدرجة
الثانية . و اجتهدت شديد لحد ما بنيت البيت و أثثته بالكامل . و تزامن الأمر مع العودة الطوعية أو القسرية لأنه الأولاد بقوا على أبواب الجامعة . لكن عملت حسابى .
مشيت مع الأولاد عشان أرتب أمورهم ثم أعود منفردا للعمل لمدة سنة أنهى بعدها التزاماتى التعاقدية لأرجع نهائيا للأستقرار ببيت الأحلام . هكذا كان القرار جماعيا
و استندت على ال3 أراضى الأحتياطى قلت أبيعهم و أكمل الطابق الثانى للايجار و أشترى لى دفار يمسك باب المعيشة .

هل تصدقوا لما سألت الوكيل عن الاراضى عشان نعرضها و نشوف جابت كم قال لى و الله يا أخوى أنا بعتهم من زمااان لأنى احتجت لقروش لما غيرت عربيتى و رممت البيت ( يقصد بيته ) معقول أنا ما كلمتك !!
قال لى الكلام ده ببرود و هو بيشرب فى الشاى وخالف رجل فى رجل و كأنه لم يفعل سوى الصواب . ما أخفيكم طبعا ما أقدر أشتكيه و لا أقاضيه لأسباب انسانية و أسرية و اكتفيت بالضغط و السكر و غيره من أمراض العصر عافاكم الله .
و عدت أدراجى لمواصلة عذابات الأغتراب و مازال القطر طويل والأولاد مابين الثانويات و الجامعات اللى بقت بالشئ الفلانى.

أهه أنا هسى شجرة و د الريح مالقيتها .

و الى لقاء فى حلقة قادمة






على قولة حبوبة ..

سِمعنا وسِلمنا ...



لكن يا أخوانا الدنيا دي الحصل فيها شنو؟؟

الناس نفوسها إتبدلت .. أكل الحرام بقى أبسط من بسيط ..

والقلوب ماتت .. ألف رحمة ونور عليها ..

ياربي تحفظنا .. وتحفظ الأمة الإسلامية أجمعين ...
مدنيّة
23-08-2010, 11:33 PM
لا و الله يا مدنية .. القصة حقيقية و ابطالها بيننا ..


والله يا أختي في قصص تحسيها خُرافية، لكن مع الأسف بتكون واقع وعاشه واكتوى به أحد المُغتربين، (الظاهر إنك ما بتسمعي بمآسي بعض المُغتربين).:rolleyes:

الله يهون.

لاحول ولا قوة الا بالله العلي العظيم
عوض صقير
23-08-2010, 11:54 PM
دى نجاضة لمن غلط .. يا بدر الدين

الله يكون فى عون كل المنجضين ..
ahmed algam
24-08-2010, 12:35 AM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة الخامسة

الحلم الضائع

الأستاذ د.محمد عبدالله الريح فى كتاباته الساخرة كتب عن المغترب الذى بنى بيتا جميلا بأحدى مناطق العاصمة المثلثة . و لأنه كان مولعا بالزراعة
فقد قام بتنسيق حديقة جميلة أمام المنزل تتوسطها شجرة نيم ظليلية .
و بعد فترة اغتراب امتدت لعشرات السنين عاد الى الوطن و أقام فى داره الرائعة . وقد كان يصحو من نومه و يتناول شاى الصباح فى ظل الشجرة .
ينادوهو للفطور يدخل يفطر و يرجع ضل الشجرة . ينادوه للغداء يتغدى و يرجع ضل الشجرة ينادوه للعشاء يدخل يتعشى و ينوم .
أهه زى ماقال أستاذنا محمد عبداله الريح لما انت عاوز تقعد فى الشارع كان فى لزوم للشلهته ما كان تزرع ليك شجرة من زمان و ترجع .

انا بقى بعد مااشتريت الواطة و معاها حوالى 3 قطع أراضى احتياط لليوم الأسود عملت توكيل لى واحد من الجماعة من ذوى العلاقة من الدرجة
الثانية . و اجتهدت شديد لحد ما بنيت البيت و أثثته بالكامل . و تزامن الأمر مع العودة الطوعية أو القسرية لأنه الأولاد بقوا على أبواب الجامعة . لكن عملت حسابى .
مشيت مع الأولاد عشان أرتب أمورهم ثم أعود منفردا للعمل لمدة سنة أنهى بعدها التزاماتى التعاقدية لأرجع نهائيا للأستقرار ببيت الأحلام . هكذا كان القرار جماعيا
و استندت على ال3 أراضى الأحتياطى قلت أبيعهم و أكمل الطابق الثانى للايجار و أشترى لى دفار يمسك باب المعيشة .

هل تصدقوا لما سألت الوكيل عن الاراضى عشان نعرضها و نشوف جابت كم قال لى و الله يا أخوى أنا بعتهم من زمااان لأنى احتجت لقروش لما غيرت عربيتى و رممت البيت ( يقصد بيته ) معقول أنا ما كلمتك !!
قال لى الكلام ده ببرود و هو بيشرب فى الشاى وخالف رجل فى رجل و كأنه لم يفعل سوى الصواب . ما أخفيكم طبعا ما أقدر أشتكيه و لا أقاضيه لأسباب انسانية و أسرية و اكتفيت بالضغط و السكر و غيره من أمراض العصر عافاكم الله .
و عدت أدراجى لمواصلة عذابات الأغتراب و مازال القطر طويل والأولاد مابين الثانويات و الجامعات اللى بقت بالشئ الفلانى.

أهه أنا هسى شجرة و د الريح مالقيتها .

و الى لقاء فى حلقة قادمة



لا حول الله

بالجد دا بقي الحلم الضائع

وهوفي ناس كده
بدرالدين أحمد موسى
24-08-2010, 12:35 PM
والله يا أختي في قصص تحسيها خُرافية، لكن مع الأسف بتكون واقع وعاشه واكتوى به أحد المُغتربين، (الظاهر إنك ما بتسمعي بمآسي بعض المُغتربين).:rolleyes:

الله يهون.

صدقت يا مرام .. و يا أخوننا نحن لسه فى البداية
بدرالدين أحمد موسى
24-08-2010, 12:36 PM
على قولة حبوبة ..

سِمعنا وسِلمنا ...



لكن يا أخوانا الدنيا دي الحصل فيها شنو؟؟

الناس نفوسها إتبدلت .. أكل الحرام بقى أبسط من بسيط ..

والقلوب ماتت .. ألف رحمة ونور عليها ..

ياربي تحفظنا .. وتحفظ الأمة الإسلامية أجمعين ...



كل ما سبق ذكره أعلاه صحيح يا مدناوية
آميييين
بدرالدين أحمد موسى
24-08-2010, 12:37 PM
لاحول ولا قوة الا بالله العلي العظيم

لاحول ولا قوة الا بالله العظيم
بدرالدين أحمد موسى
24-08-2010, 12:38 PM
دى نجاضة لمن غلط .. يا بدر الدين

الله يكون فى عون كل المنجضين ..

كان الله فى عون المنجضين و الله يهدى ناس نجيضون
بدرالدين أحمد موسى
24-08-2010, 12:39 PM
لا حول الله

بالجد دا بقي الحلم الضائع

وهوفي ناس كده

فى ناس أكعب من كده يا ودعلقم
مدنيّة
24-08-2010, 10:27 PM
بدر صباحك مبارك

بثني الاقتراح الطلب منك زيادة جرعات النجاض دي لتلاتة اسبوعيا
خلينا نتنور
شكلنا كدا ماعايشين في الدنيا دي
moh_alnour
25-08-2010, 11:49 PM
و الله يا بدر الدين في زمن تبدلت فيه الأشياء شكلا ً و معنا ً أصبحنا لا نستغرب حدوث أي شيء من أقرب شخص
فليس الذئب يأكل لحم الذئب و يأكل بعضنا بعضا ً ( نجاضا )
واصل يا باشا فالحكاوي رغم غرابتها إلا أنها أصبحت من أحداث الواقع التي لا يمكن تكذيبها
نسأل الله السلامة و العافية
همسة : أها يا مدنية بعد القصص دي لسه برضو شاعرة بالحقد الطبقي تجاه المنجّضين في الأرض أقصد المغتربين :cool:
مدنيّة
26-08-2010, 12:05 AM
همسة : أها يا مدنية بعد القصص دي لسه برضو شاعرة بالحقد الطبقي تجاه المنجّضين في الأرض أقصد المغتربين :cool:




عارف ياود الجاك
انا مستغربة جدا من الحكايات دي وبيني وبينك ما قادرة استوعبها
الحقد خليته "مؤقتا" :cool:
حاليا شعوري تجاهكم حزن من اجلكم ومن اللي بيعملوه فيكم "بعض" المقربيين ليكم

صراحة حاجة مؤسفة
بدرالدين أحمد موسى
26-08-2010, 01:02 PM
بدر صباحك مبارك

بثني الاقتراح الطلب منك زيادة جرعات النجاض دي لتلاتة اسبوعيا
خلينا نتنور
شكلنا كدا ماعايشين في الدنيا دي

كده بقيتو اثنين .. يعنى اقتراح دستورى . ان شاااااااااء الله . بعد العيد .
بدرالدين أحمد موسى
26-08-2010, 01:04 PM
و الله يا بدر الدين في زمن تبدلت فيه الأشياء شكلا ً و معنا ً أصبحنا لا نستغرب حدوث أي شيء من أقرب شخص
فليس الذئب يأكل لحم الذئب و يأكل بعضنا بعضا ً ( نجاضا )
واصل يا باشا فالحكاوي رغم غرابتها إلا أنها أصبحت من أحداث الواقع التي لا يمكن تكذيبها
نسأل الله السلامة و العافية
همسة : أها يا مدنية بعد القصص دي لسه برضو شاعرة بالحقد الطبقي تجاه المنجّضين في الأرض أقصد المغتربين :cool:


زمن الأستغراب ولى يا حبيب .. و ناس جدة أدرى
بدرالدين أحمد موسى
26-08-2010, 01:06 PM
عارف ياود الجاك
انا مستغربة جدا من الحكايات دي وبيني وبينك ما قادرة استوعبها
الحقد خليته "مؤقتا" :cool:
حاليا شعوري تجاهكم حزن من اجلكم ومن اللي بيعملوه فيكم "بعض" المقربيين ليكم

صراحة حاجة مؤسفة


الحقد !!! ؟؟كبيرة .. و يا ود الجاك .. مدنية ما أظنها كده ..
خالد 000 ابقرجة
27-08-2010, 03:27 AM
ياااااااااااااااااا خلف الله 000 ما نجضتنا 000
خالد 000 ابقرجة
27-08-2010, 03:48 AM
بدر الدين (نجاض ) 000
عارف الإسم ده لو انتشر في المنتدي عاوز حقي ناشف 000
ان شاء الله كان التلاجة إياها 000

أجمل حاجة في المسلسل ده الخلفيات الموسيقية البتسبق الأحداث 000
وأجمل خلفية موسيقية بتاعة حساس محمد حساس والراجل بتاع الشدرا 000

بس يا بدر الدين ياخي عاوزين لينا حلقات بتاعة نجاض عكسي 000

يعني في نجاض شديد من بعض المغتربين للناس القاعدين هناك 000
خاصة مغتربين ما بعد حرب الخليج ( زينا ديل ) 000
الجو بعد ما دول الإغتراب بدت تقحط علي المغتربين 000
وبقت أوضاعم يا دووووب قدر المصاريف وضرايب المغتربين 000

زي واحد صاحبنا 000
وواحد صاحبنا دي ما ليها أي علاقة بي واحدة صاحبتي بتاعة مدنية ديكي 000

أها زولك مغترب من إياهم 000
المنجضم الكفيل 000
ومنجضاهم السفارة بالرسوم والضرايب 000
وقعد منجض ليهو خمستاشر سنة ما رجع البلد 000
وما متابع الغلا الحاصل هناك 000
ولا عارف الناس عايشين كيف 000
من ما اغترب بحول ليهو تلتماية ريال كل شهر 000
أياما كانت بتمشي الحال 000
وشغال منجض ليك الناس علي حسها 000

*** عليكم الله من تحويل الشهر ودوا لي أولادي شوال سكر 000

*** عليكم الله من تحويل الشهر أدفعوا لي العوايد بتاعة دكاني الفي السوق 000

*** عليكم الله من تحويل الشهر جيبوا جير لي أوضة أبوي 000

ولمن واحد من أخوانو اضرب ليهو اقول ليهو عملنا صيانة لي بيت الوالد ولا الحاجة عملنا ليها عملية حول نصيبك من المنصرفات 000

إنط ليهم في حلقومم 000 هسسسسسسسسسسي دي قبال إسبوعين ما حولتا ليكم التلتماية ريال 000

أها صاحبنا ربنا فتحا عليهو 000
وبعد عمرن طويل قدر سدد قروش الإقامة للمكتب 000
ويدوووب دفع الضرايب والزكاة والذي منو 000
ورسوم الجواز الإلكتروني 000
وتذكرة سودانير ختاها ليك في الجيب الفووووق 000
وكدي يا بلد جاك مغترب 000

وأول يوم من الصباح بدرييييي 0000
قام دغش 000
وسأل الجماعة في البيت عن الحاجات البتكفيهم الشهر كووولوا 000

كتبوا ليهو لستة من 18 بند مع الرأفة 000

ومشي السوق فكا ليهو تلتماية ريال 000
وبينو وبين نفسو أنو حا اديهم درس في إدارة الشئون المنزلية 000

وبدأ اللستة 000

1- خمسة كيلو ضأن 000 وفي العربية 000
2- شوال سكر صغيروني 000 وفي العربية 000
3- كيلة بصل 000
4- ما لحق إقراها 000

لأنو القروش كملت 000

رجع بالرااااحة البيت ختا الحاجات ديكي 000

وشرب الشاي 000

قام أدا أخوهو 300 ريال 000

قال ليهو ده شنو 000

قال ليهو دي المصاريف البرسلا كل شهر 000

طيب والحاجات الجبتها دي 000

قال ليهو ياخي معقول دي بس حاجات جبتها ساكت كدة 000

وتاني يوم علي المغتربين 000

والضرايب 000
والزكاة 000
ودمغة الشهيد 000
ورسوم الفضائية 000
ودعم الدفاع الشعبي 000

وعيييييييييييييييييك 000

ومع شاي المغرب 000
طبخ ليهو مكالمة مع واحد من اصحابو المغتربين 000
وعمل فيها أنو في شغل ضرووووري طالبينو ليهو لازم اقطع الإجازة 000
وعلي المطار 000

ولمن خلاس وزن عفشو 000

أخوهو من صالة الوداع لقاهو بنادي فيهو 000

في شنو يا مغترب 000

أديني خمسة وتلاتين ألف قالوا في رسوم مغادرة 000

ومن اليوم داكا اتأدب 000

ولي الليلة أي طلب تحويل من السودان بحول وهو ساااااكت 000

ود الإزيقا 000

وجايك تاني بي حلقات نجاض عكسي
بدرالدين أحمد موسى
27-08-2010, 12:21 PM
بدر الدين (نجاض ) 000
عارف الإسم ده لو انتشر في المنتدي عاوز حقي ناشف 000
ان شاء الله كان التلاجة إياها 000

أجمل حاجة في المسلسل ده الخلفيات الموسيقية البتسبق الأحداث 000
وأجمل خلفية موسيقية بتاعة حساس محمد حساس والراجل بتاع الشدرا 000

بس يا بدر الدين ياخي عاوزين لينا حلقات بتاعة نجاض عكسي 000

يعني في نجاض شديد من بعض المغتربين للناس القاعدين هناك 000
خاصة مغتربين ما بعد حرب الخليج ( زينا ديل ) 000
الجو بعد ما دول الإغتراب بدت تقحط علي المغتربين 000
وبقت أوضاعم يا دووووب قدر المصاريف وضرايب المغتربين 000

زي واحد صاحبنا 000
وواحد صاحبنا دي ما ليها أي علاقة بي واحدة صاحبتي بتاعة مدنية ديكي 000

أها زولك مغترب من إياهم 000
المنجضم الكفيل 000
ومنجضاهم السفارة بالرسوم والضرايب 000
وقعد منجض ليهو خمستاشر سنة ما رجع البلد 000
وما متابع الغلا الحاصل هناك 000
ولا عارف الناس عايشين كيف 000
من ما اغترب بحول ليهو تلتماية ريال كل شهر 000
أياما كانت بتمشي الحال 000
وشغال منجض ليك الناس علي حسها 000

*** عليكم الله من تحويل الشهر ودوا لي أولادي شوال سكر 000

*** عليكم الله من تحويل الشهر أدفعوا لي العوايد بتاعة دكاني الفي السوق 000

*** عليكم الله من تحويل الشهر جيبوا جير لي أوضة أبوي 000

ولمن واحد من أخوانو اضرب ليهو اقول ليهو عملنا صيانة لي بيت الوالد ولا الحاجة عملنا ليها عملية حول نصيبك من المنصرفات 000

إنط ليهم في حلقومم 000 هسسسسسسسسسسي دي قبال إسبوعين ما حولتا ليكم التلتماية ريال 000

أها صاحبنا ربنا فتحا عليهو 000
وبعد عمرن طويل قدر سدد قروش الإقامة للمكتب 000
ويدوووب دفع الضرايب والزكاة والذي منو 000
ورسوم الجواز الإلكتروني 000
وتذكرة سودانير ختاها ليك في الجيب الفووووق 000
وكدي يا بلد جاك مغترب 000

وأول يوم من الصباح بدرييييي 0000
قام دغش 000
وسأل الجماعة في البيت عن الحاجات البتكفيهم الشهر كووولوا 000

كتبوا ليهو لستة من 18 بند مع الرأفة 000

ومشي السوق فكا ليهو تلتماية ريال 000
وبينو وبين نفسو أنو حا اديهم درس في إدارة الشئون المنزلية 000

وبدأ اللستة 000

1- خمسة كيلو ضأن 000 وفي العربية 000
2- شوال سكر صغيروني 000 وفي العربية 000
3- كيلة بصل 000
4- ما لحق إقراها 000

لأنو القروش كملت 000

رجع بالرااااحة البيت ختا الحاجات ديكي 000

وشرب الشاي 000

قام أدا أخوهو 300 ريال 000

قال ليهو ده شنو 000

قال ليهو دي المصاريف البرسلا كل شهر 000

طيب والحاجات الجبتها دي 000

قال ليهو ياخي معقول دي بس حاجات جبتها ساكت كدة 000

وتاني يوم علي المغتربين 000

والضرايب 000
والزكاة 000
ودمغة الشهيد 000
ورسوم الفضائية 000
ودعم الدفاع الشعبي 000

وعيييييييييييييييييك 000

ومع شاي المغرب 000
طبخ ليهو مكالمة مع واحد من اصحابو المغتربين 000
وعمل فيها أنو في شغل ضرووووري طالبينو ليهو لازم اقطع الإجازة 000
وعلي المطار 000

ولمن خلاس وزن عفشو 000

أخوهو من صالة الوداع لقاهو بنادي فيهو 000

في شنو يا مغترب 000

أديني خمسة وتلاتين ألف قالوا في رسوم مغادرة 000

ومن اليوم داكا اتأدب 000

ولي الليلة أي طلب تحويل من السودان بحول وهو ساااااكت 000

ود الإزيقا 000

وجايك تاني بي حلقات نجاض عكسي

تعرف يا ود ابقرجة .. نتفق .. واحد يفلق و التانى يداوى .. اعتبر البوست بوستك .. و تصوم و تفطر على خير
بدرالدين أحمد موسى
27-08-2010, 12:23 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة السادسة

لاسلكى نجيضون

مرات تكون ماشى فى الشارع فى أمان الله يلاقيك واحد يسلم عليك سلام معرفة . و ينك يا أخينا . من ديك و عيك .. وبعد ما تسالمه و تطايبه و تقوم بواجب الضيافة كيفما يكون الحال . يفارقك لا انت تذكرته ولا هو عرفك على نفسه . الغريبة انك بتكون محرج شديد و تبقى كل الأحتمالات مفتوحة .
مرة كنا قاعدين فى البيت ومعاى جماعة من أخواننا الرياضيين جاتنى رسالة غريبة عجيبة من جوال فى السودان مفادها ( رسل لى 100 ضرورى لمصاريف الجامعة ) التوقيع حسن

أصدقكم القول أنا مابعرف لى واحد اسمه حسن فى الجامعة . المهم اتشاورت مع الجماعة المعاى فى موضوع الرسالة .

واحد قال لى كدى أضرب ليه أعرف حسن ده منو و الميه دى شنو 100 ريال و لا دولار و لاشيك سياحى ولا 100 ألف جنيه .

الثانى قال لى ياخى أنساه , ده بكون مرسل رسالة بالخطأ . قلت ليه ياخى الرسالة بى اسمى .
الثالث قال لى عندك منو فى الجامعة يمكن يكون محتاج للقروش . قلت ليه أنا ماعندى زول فى الجامعة .
الرابع قال لى ياخى أرسل ليه رسالة قول ليه المبلغ 100 ألف جنيه ولا 100 ريال .

أخذت بى رأى أخينا ده و رسلت ليه رسالة قلت ليه 100 ألف جنيه ( طبعا بالقديم ) . رد على بالأنجليزى و بسرعة شديدة ( نعم ) .

عرفنا المبلغ بقينا فى حسن ده منو و بعد نقاش مستفيض وصلنا لأنو طالما ماعرفناه نحول ليه القروش و نوجهه لى واحد من ناس البيت وده خيار أقل تكلفة من المكالمات . و بالفعل كان قاعد معانا واحد من ناس تحويلات العملة أديته القروش و قلت ليه تحولها لى أخوى الصغير فى البيت . و رسلت رسالة لى أخوى قلت ليه بيجيك واحد اسمه حسن أديه ال 100 ألف و رسلت نسخة لى حسن .

و لازال صاحب الرسالة مجهولا على الأقل بالنسبة لى .

و الى لقاء فى حلقة قادمة .
أحمد عمر ( MOODY )
27-08-2010, 08:14 PM
ود الإزيقا 000





يا بدر الدين ... أسمح لي أتلّب ليك في البوست بتاعك
و أنجّضو ليك شوية

أبقرجة ... أديني فرصة أنجض ليك مشاركتك

تخريمة : ما بين الأخوان بالرضاعة ود الإزيقا أبقرجة و بت أُم زقدة شيكو
مساحات لطالما إفتقدناها ... مبارك عليكم الشهر الكريم
و مبروك علينا شوفة حروفكم ... فلا تحرمونا هذا الإبداع المعتّق
بدرالدين أحمد موسى
27-08-2010, 11:08 PM
يا بدر الدين ... أسمح لي أتلّب ليك في البوست بتاعك
و أنجّضو ليك شوية

أبقرجة ... أديني فرصة أنجض ليك مشاركتك

تخريمة : ما بين الأخوان بالرضاعة ود الإزيقا أبقرجة و بت أُم زقدة شيكو
مساحات لطالما إفتقدناها ... مبارك عليكم الشهر الكريم
و مبروك علينا شوفة حروفكم ... فلا تحرمونا هذا الإبداع المعتّق

و.. ابن الزربونة و ماشاكلها ... !!! و شكرا على الدعم الفنى
مدنيّة
28-08-2010, 01:31 AM
كده بقيتو اثنين .. يعنى اقتراح دستورى . ان شاااااااااء الله . بعد العيد .

إن شاء الله
شكرا بدر

--------------
متتظرينك احنا
مدنيّة
28-08-2010, 01:35 AM
الحقد !!! ؟؟كبيرة .. و يا ود الجاك .. مدنية ما أظنها كده ..

ود الجاك ماتشوه لي صورتي ياخ http://www.sudaneseonline.com/db/attention/140_News.gif


------------------
فعلا يا بدر انا ماكدا "وش نهااااااااااائي ما حاقد"
مدنيّة
28-08-2010, 01:44 AM
و لازال صاحب الرسالة مجهولا على الأقل بالنسبة لى .




ربنا يجعلها في ميزان حسناتك
moh_alnour
28-08-2010, 01:58 AM
الحقد !!! ؟؟ كبيرة .. و يا ود الجاك .. مدنية ما أظنها كده ..

مالك يا بدر الدين مكتر لي علامات التعجب و الإستفهام ؟
ما كبيرة ولا حاجة أدخل على الروابط دي شوف الحقد الطبقي بتاع مدنية :p
أضغط هنا – و شاهد بوست غايتو أنتو يا المغتربين بري منكم (http://wadmadani.com/vb/showthread.php?16842-غايتو-انتو-يا-المغتربين-بري-منكم-!!!&highlight=/)
أضغط هنا – و شاهد بوست أنا و صاحبتي يوجد ( حق طبقي ) (http://wadmadani.com/vb/showthread.php?24534-انا-وصاحبتي-يوجد-حقد-طبقي&highlight=/)
طبعا ً يا بدر الدين مدنية عندها حنك ( عندي صاحبتي ) و لو مغالطني أقرأ مشاركة خالد أبقرجة
طبعا ً مدنية شغالة في محل ما شاء الله تبارك الله يعمل نفسيات و عندها كورلا موديل 2008م ربنا يزيد و يبارك
و أنا شخصيا ً قلتا ليها شوفي لي وظيفة معاكم عشان أعمل خروج نهائي من اللامة العواطلية دي :o
في نجاضة أكتر من كدا يا خلف الله أقصد يا بدر الدين ؟
مدنيّة
28-08-2010, 02:05 AM
مالك يا بدر الدين مكتر لي علامات التعجب و الإستفهام ؟
ما كبيرة ولا حاجة أدخل على الروابط دي شوف الحقد الطبقي بتاع مدنية :p
أضغط هنا – و شاهد بوست غايتو أنتو يا المغتربين بري منكم (http://wadmadani.com/vb/showthread.php?16842-غايتو-انتو-يا-المغتربين-بري-منكم-!!!&highlight=/)
أضغط هنا – و شاهد بوست أنا و صاحبتي يوجد ( حق طبقي ) (http://wadmadani.com/vb/showthread.php?24534-انا-وصاحبتي-يوجد-حقد-طبقي&highlight=/)
طبعا ً يا بدر الدين مدنية عندها حنك ( عندي صاحبتي ) و لو مغالطني أقرأ مشاركة خالد أبقرجة
طبعا ً مدنية شغالة في محل ما شاء الله تبارك الله يعمل نفسيات و عندها كورلا موديل 2008م ربنا يزيد و يبارك
و أنا شخصيا ً قلتا ليها شوفي لي وظيفة معاكم عشان أعمل خروج نهائي من اللامة العواطلية دي :o
في نجاضة أكتر من كدا يا خلف الله أقصد يا بدر الدين ؟

غايتو ياود الجاك
نهاااااااائي ما بسالك
بدر دا جانا جديد ياخ
في داعي هسي لدق الصفائح ؟! هههههههههههههههههههههههههههههههههه


---------------------
الله يديك العافية ياود الجاك
بدرالدين أحمد موسى
28-08-2010, 02:28 AM
مالك يا بدر الدين مكتر لي علامات التعجب و الإستفهام ؟
ما كبيرة ولا حاجة أدخل على الروابط دي شوف الحقد الطبقي بتاع مدنية :p
أضغط هنا – و شاهد بوست غايتو أنتو يا المغتربين بري منكم (http://wadmadani.com/vb/showthread.php?16842-غايتو-انتو-يا-المغتربين-بري-منكم-!!!&highlight=/)
أضغط هنا – و شاهد بوست أنا و صاحبتي يوجد ( حق طبقي ) (http://wadmadani.com/vb/showthread.php?24534-انا-وصاحبتي-يوجد-حقد-طبقي&highlight=/)
طبعا ً يا بدر الدين مدنية عندها حنك ( عندي صاحبتي ) و لو مغالطني أقرأ مشاركة خالد أبقرجة
طبعا ً مدنية شغالة في محل ما شاء الله تبارك الله يعمل نفسيات و عندها كورلا موديل 2008م ربنا يزيد و يبارك
و أنا شخصيا ً قلتا ليها شوفي لي وظيفة معاكم عشان أعمل خروج نهائي من اللامة العواطلية دي :o
في نجاضة أكتر من كدا يا خلف الله أقصد يا بدر الدين ؟

شوف أنا خشيت على واحد من البوستات و بأضحك لحد ماقربت أفطر ... واحد من أصحابنا قال لى الأبتسامة بتجرح الصيام و الضحك فى رواية الشيخ القرمندلى بيفطر ..
عشان كده عاوز أقرأ البوستين ديل بى مزاج بعد المغرب ...
لكن الشمارات عندك !!!
بدرالدين أحمد موسى
30-08-2010, 10:32 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .


الحلقة السابعة

ديون هالكة !!

عندما قدمنا من أرض الجدود لم يكن معنا الكثير أو ليس معنا شئ على الأطلاق و بنفس القدر لم يكن علينا شئ من آفة الديون . يحضرنى أحد الأخوان عندما قدم من السودان فى احدى الأجازات كان معه 5000 ( خمسة آلاف ريال ) فى مطار جده . اشترى منها باكو سجاير بينسون بخمسون ريالا . فتح الباكو وطلع منه علبة . فتح العلبة و دخن منها سيجارة ثم ركب الطائرة متوجها الى الدمام . لما وصل الدمام طلع العلبة وشرب منها سيجارة تانية . أقله أحد الأخوان كما هى عادتنا و أسرته من المطار الى البيت . فتح الدولاب وضع باقى ال 5000 آلاف و باقى الباكو وباقى السجاير اللى فى العلبة . يعنى دخل بيته و هو يملك 5000 ريال الا باكو بينسون ناقس سيجارتين .

عندما حان موعد الأجازة بعد عام لم يجد باقى 5000 و لاباقى الباكو ولا باقى العلبة المفتوحة .
اليوم أى مغترب أمضى 10 سنوات فأكثر لديه من الديون ما يحبط أى محاولة جادة للعودة و عشان كده كثير ما قادرين يرجعوا البلد .

نحن 5 أخوان . أنا و أخوى الأكبر مغتربين بالسعودية و الثلاثة الباقين بالسودان فكرنا فى مشروع العصر اللى يحقق الأستقرار للجميع . و قررنا اقامة مشروع طموح يحقق لنا حلم العودة و الأستقرار فى غضون 3 سنوات . و بعد دراسة مستفيضة وصلنا الى التجارة فى قطع غيار السيارات بالسودان . و حسبنا التمويل و وجدناه يفوق قدراتنا مجتمعين . و أخيرا قررنا الأستدانة من النظام المصرفى و تمويل هذا المشروع الطموح . و بالفعل أخذنا قرض كبير من أحد البنوك باسمى على أن يقوم أخى الأكبر بتحويل نصيبه من سداد القرض شهريا لحسابى .

حولنا المبلغ و افتتحنا واحد من أكبر محلات قطع الغيار فى موقع ممتاز فى قلب المنطقة الصناعية الخرطوم مسكناها للأخوين الكبار . و فاضت معانا شوية قروش اشترينا بيها أتوبيس نقل ركاب نقل داخلى عشان مصاريف البيت وده سلمناه لأخونا الأصغر بحيث خلال ال3 أعوام نكون انتهينا من السلفة و ملكنا المحل بأرباحه و نرتاح من الغربة .
مامرت 4 شهور الا كان الأخوين الكبار كل واحد راكب عربية خاصة و الأخ الأصغر راكب بوكس و يوم مغير الكمسارى و يوم مغير السواق يعنى مع الجلابية و الشال . باختصار شديد بعد سنتسن لا لقينا المحل و لا البضاعة و لا الأتوبيس . و ما بتعرف العله ين . مره يقولوا ليك الضرائب . ومره يقولوا ليك دولار الجمارك . ومره يقولوا ليك الضرائب و العوائد . و الغريب أصلوا مافى واحد قال نحن كنا بنصرف رأس المال و الربح . سوء الأدارة . الأسراف . و الأغرب أن السيارات الخاصة ما راحت مع الطوشة .

و طبعا نحن لازلنا بنسدد للبنك و مازلنا جارين القطر و الحمد لله

و الى لقاءفى حلقة قادمة .
moh_alnour
31-08-2010, 11:30 AM
عادي بالمراعي ( دي حقت ناس الشهادات العربية )
عادي بالزبادي ( دي حقت ناس مدنية ناس الحقد الطبقي ) :p
واصل بلا فواصل يا بدر الدين و مافي داعي للشحتفة عشان ما نقول ليك نجضتنا و عذبتنا يا بدر الدين :cool:
عثمان جلالة
31-08-2010, 11:55 AM
نجضتنا والله يا بدر الدين :):)

فعلا .... ماااااااااااافي زول بحس بـ جمرتك الواطي عليها .. لأنها بتحرق الواطيها ... شكرا لهذا البوست الدسم .. والفيهو الكتير من العبر والتجارب ... رغم مرارتها .. ولكن حتما ستفيد كتر خيرك يا أصيل:)
ود المطامير
31-08-2010, 12:24 PM
زماااان واحد فى السعوديه أرسل مبلغ كبير لأخيه فى السودان
علشان يبنى له بيت فى قطعة أرض يمتلكها فى المطامير

صاحبنا مشى الخرطوم وإستلم القروش
وفى جلسة سمر عرف إنو فى بيت فى أم درمان الثوره الحاره الخامسه بيت ناصيه للبيع
سأل عن سعره ووجد أن المبلغ اللى معاهو أكتر من سعر البيت وطوالى فى يومين إشتراهو
وعمل له صيانه وإشترى بعض العفش

وأخوه متابعه بالجوابات .. جواب يطير بسؤال ___ أهااا ... البيت وصل وين ؟

وجواب يطير بالرد ____ خلاص قربنا نعرش

فتره طويله جواب طاير السودان وجواب كاسح شايل الرد

وبعد فتره جا أخوه من السعوديه بأولاده وإستقبلهم فى المطار
وقال لهم هسى الدنيا ليل أنا عندى صاحبى هو فى السعوديه بيتو فاضى نمشى نبيت فيهو وبكره إن شاء الله دغشا بدرى نمشى المطامير . وفعلاً مشو البيت وأعجبت زوجة أخوه ببيت صاحب أخو زوجها وقالت ليهو زول عندو بيت ذى دا قاعد فى السعوديه لشنو ؟

وفى الصباح تحركو على المطامير
عند دخول البكسى المطامير أخوه عاين لواطاته عاوز يشوف بيتو
أكان شاف ليك واطاتو خلا ساى , حدب بس وقلبو إنقبض , وقال فى سرو
_ التقول على واطاتى أصبحت
كتلها فى حنانو ولكن تعابير وشو كانت ظاهره .. المهم ..
وصلو البيت وصاحبنا يسلام فى الناس وهو سرحان فى واطاتو

وزوجته يارب تنفرد بزوجها ولمت ليك فيهو

الواطه فااضيه .. أخوك ودّى القروش وين ؟ كُر على وأوب على .. هسى أنا ووليداتى نقعد وين وسكلى جد

بالليل أخوه إنفرد بيهو هو وزجته وسألوه

_ شفنا الواطه فاضيه .. مالك ما بنيت البيت ؟ خير إن شاء الله ؟

سكت فتره من الزمن وقال ليهم

_ البيت اللى بيّتو فيهو فى أم درمان حقكم .. إشتريتو ليكم بقروشكم وهادى الأوراق , لقيتو لقطه
وقلت لنفسى بيت فى أم درمان ولا عشره فى المطامير

فكاد أن يُغمى عليهما .

( معليش يا حبيبنا ... يدى أكلتنى ما قدرت أمسكها ;)
بدرالدين أحمد موسى
31-08-2010, 01:00 PM
عادي بالمراعي ( دي حقت ناس الشهادات العربية )
عادي بالزبادي ( دي حقت ناس مدنية ناس الحقد الطبقي ) :p
واصل بلا فواصل يا بدر الدين و مافي داعي للشحتفة عشان ما نقول ليك نجضتنا و عذبتنا يا بدر الدين :cool:

الله ما يغتيك من النجاض و العذاب و الشحتفة
بدرالدين أحمد موسى
31-08-2010, 01:03 PM
نجضتنا والله يا بدر الدين :):)

فعلا .... ماااااااااااافي زول بحس بـ جمرتك الواطي عليها .. لأنها بتحرق الواطيها ... شكرا لهذا البوست الدسم .. والفيهو الكتير من العبر والتجارب ... رغم مرارتها .. ولكن حتما ستفيد كتر خيرك يا أصيل:)

على قولك الجمرة بتحرق الواطيها ... تصدق مكلف أخوانى بى متابعة طباعة ورقة و تسليمها للقاضى فى جلسة وراثة .. الجلسة كانت اليوم و ما عملوا الوريقة دى !!! و تأجلت القضية الى جلسة 15 سبتمبر ..
بدرالدين أحمد موسى
31-08-2010, 01:04 PM
زماااان واحد فى السعوديه أرسل مبلغ كبير لأخيه فى السودان
علشان يبنى له بيت فى قطعة أرض يمتلكها فى المطامير

صاحبنا مشى الخرطوم وإستلم القروش
وفى جلسة سمر عرف إنو فى بيت فى أم درمان الثوره الحاره الخامسه بيت ناصيه للبيع
سأل عن سعره ووجد أن المبلغ اللى معاهو أكتر من سعر البيت وطوالى فى يومين إشتراهو
وعمل له صيانه وإشترى بعض العفش

وأخوه متابعه بالجوابات .. جواب يطير بسؤال ___ أهااا ... البيت وصل وين ؟

وجواب يطير بالرد ____ خلاص قربنا نعرش

فتره طويله جواب طاير السودان وجواب كاسح شايل الرد

وبعد فتره جا أخوه من السعوديه بأولاده وإستقبلهم فى المطار
وقال لهم هسى الدنيا ليل أنا عندى صاحبى هو فى السعوديه بيتو فاضى نمشى نبيت فيهو وبكره إن شاء الله دغشا بدرى نمشى المطامير . وفعلاً مشو البيت وأعجبت زوجة أخوه ببيت صاحب أخو زوجها وقالت ليهو زول عندو بيت ذى دا قاعد فى السعوديه لشنو ؟

وفى الصباح تحركو على المطامير
عند دخول البكسى المطامير أخوه عاين لواطاته عاوز يشوف بيتو
أكان شاف ليك واطاتو خلا ساى , حدب بس وقلبو إنقبض , وقال فى سرو
_ التقول على واطاتى أصبحت
كتلها فى حنانو ولكن تعابير وشو كانت ظاهره .. المهم ..
وصلو البيت وصاحبنا يسلام فى الناس وهو سرحان فى واطاتو

وزوجته يارب تنفرد بزوجها ولمت ليك فيهو

الواطه فااضيه .. أخوك ودّى القروش وين ؟ كُر على وأوب على .. هسى أنا ووليداتى نقعد وين وسكلى جد

بالليل أخوه إنفرد بيهو هو وزجته وسألوه

_ شفنا الواطه فاضيه .. مالك ما بنيت البيت ؟ خير إن شاء الله ؟

سكت فتره من الزمن وقال ليهم

_ البيت اللى بيّتو فيهو فى أم درمان حقكم .. إشتريتو ليكم بقروشكم وهادى الأوراق , لقيتو لقطه
وقلت لنفسى بيت فى أم درمان ولا عشره فى المطامير

فكاد أن يُغمى عليهما .

( معليش يا حبيبنا ... يدى أكلتنى ما قدرت أمسكها ;)

دحين ده ما الأسمو نجاض حبيبك يا ود المطامير .. كدى شوف لى واطه عندكم ..
بدرالدين أحمد موسى
03-09-2010, 01:21 PM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة الثامنة

نجيضون ومنجضون (1)

يقابلك بأناقة ظاهرة و رزانة لا تخطئهاالعين لو طلب بنتك للزواج لا تمانع . يندس بين جميع طبقات المجتمع ليستمع الى ما يدور من حوار . وهبه الله ذاكرة مميزة مكنته من حفظ الأسماء و مواقعهم فى المجتمع بدرجة مذهلة . يملك قدرا من الذكاء و الدهاء و لحن القول ما يقنع به أعتى القضاة ببراءته من جرم مشهود و دون أن يترك لك أى فرصة لاعادة التفكير . عيبه الوحيد أنه استغل كل هذه المواهب فى الأتجاه الخاطئ .
و أنا على مكتبى فى منتصف الدوام من يوم الأربعاء رن الجوال و جاءنى صوت رزين من خلال الهاتف لم أملك أمامه الا أن أحسن الأصغاء . ذكر لى أنه جاء من خارج مدينة الدمام و اجتر من ذاكرته سيل من أسماء نجوم المجتمع من حيث أتى . و أبلغنى أنه الآن بالدمام و أن الأخوان من حيث أتى أبلغوه أن يتصل بى للتعارف و كذا .

حقيقة لم أشك لحظة بكلامه خصوصا و أنه ذكر أسماء نعرفها جيدا و تربطنا بهم علائق و لا تشوبهم أى شائبة . أين أنت الآن و أنا سوف آتيك فورا . و بالفعل خلال أقل من نصف ساعة كنت وجها لوجه مع الرجل الأنيق . و أخذته مباشرة الى مركز تجمع السودانيين فى ذلك الوقت و عرفته على مجموعة من الوجوه الخيرة و التى لها اسهامات بارزة فى المجتمع كثير منهم أعضاء بهذا المنتدى و يعلمون ما أقول . و أقمنا له مأدبة غداء فورية و قدمته للمجموعة على أنه من القطاع الفلانى و ده طبعا بحكم ما ذكره من أسماء نجوم المجتمع من حيث أتى .
بعدها أخذته حيث يقيم بأحد الفنادق و أبلغنى بأنه قد نقل من حيث أتى الى الدمام و أنه قد استأجر شقة و أن عفشه فى الطريق و أنه يقيم الآن بالفندق لحين وصول العفش . و لما أوصلته الى الفندق طلب منى بعض المال لأنه البنوك مغلقة الآن على أن يعيده لى يوم السبت . أما عن الجوال فقد أعطانى الرقم و ذكر لى بأن الجوال قد نسيه حيث أتى و جاى مع العفش .

المهم بكل حسن النية الذى توافر لدى حينها أعطيته ما أراد و لم أكلف نفسى حتى الأتصال بأى ممن ذكرهم من حيث أتى لثقتى الكبيرة فيهم و فى علاقاتهم .

فى اليوم التالى اتصل بى أحد الأخوة الأعزاء و قال لى لقد قابلت فلانا ( يقصد صاحبنا ) و ذكر لى انه قابلك و لذلك حبيت أحذرك من الرجل و لو طلب منك قروش أوعه تغلط و تديه . قلت ليه يا أخى شكرا على الأفادة لكن تكلمنى بعد الفاس وقع فى الرأس . و للتأكد من وقع الفاس على الراس اتصلت برقم جوال صاحبنا و جاءنى الرد اليقين ( أن الرقم المطلوب غير موجود بالخدمة )
حينها ايقنت أننى قد تعرضت لعملية ( سموها انتم ) غير مسبوقة و حرصت فى نفس اليوم أن أنقل هذا التحذير الى كل من قابلنى خصوصا من تعرف عليهم بعلمى حتى لا يتكرر معهم ما حدث معى . و لكن هيهات فلم أستطع تغطية كل المعارف بالتحذير ووقع اثنان منهم فى المحظور .

1/ الأول صلاح . ( ما صلاح قلاووظ و ما حأوريكم منو ) جاءه صاحبنا و ردد عليه اسطوانة المعارف و عندما علم منطقته بالسودان اجتروا ذكريات المدرسة مع انهم لم يكونوا زملاء و لكن هذا يعرف ابن عم الثانى أو أخوه و هكذا . صاحبنا لم يتردد و طلب منه مبلغ بسيط على أن يعيده له بعد يومين . و قبل ما يعدوا اليومين و تحديدا فى اليوم الثانى اتصل بيه صاحبنا و قال ليه يا أخى أنا فى داخل كبينه و قطع معاى الأتصال مع السودان عاوز لى بطاقة زجول بى 100 ريال و باتصل بيك بعد شويه لأخذ الرقم . أخونا صلاح بحسن نية مشى البقالة و جاب البطاقة و أعطاهالرقم . و دور على نجيضون .

2/ الثانى حسين ( ما حسين عباس و ما حأوريكم منو) ذهب اليه صاحبنا فى عقر داره ( يعنى مكتبه ) بالدمام يوم الخميس و البنوك مغلقة و تعرف عليه ذاكرا مجموعة من الأسماء التى يعرفها حسين من أصدقاءه . ثم أخرج نجيضون من محفظته مبلغا من المال كله فئة الخمسمائة ريال أخبرهـ أن هذا المال يحتاجه لتسوية بعض متعلقات شركته و أنه يحتاج مبلغ كذا و سيعيده يوم السبت ( برضه !!!! ) . طبيعى أن يقوم أخونا حسين بالأستجابة لطلب الأنيق . و بالرغم من أنه لم يكن يملك المبلغ فى ذلك الوقت فان ذلك لم يمنعه من استلافه من زملائه بالمكتب و ده المزعل حسين .

طبعا صاحبنا أخد المبلغ و فص ملح و ذاب .
كان هذا الجزء الأول . فى الجزء الثانى سوف نتعرف على دراما استعادة المال بالكامل و المفارقة أنو نجضنا ناس نجيضون . ومن هنا جاء عنوان الحلقة .

و الى لقاء فى الجزء الثانى من الحلقة .
moh_alnour
05-09-2010, 11:25 PM
اللهم لا تبلينا و لا تمحينا
برضو نقول نماذج موجودة في الغربة تعكس صورة سالبة عن المغترب السوداني
واصل يا بدر الدين بلا فواصل و بطل النجاض بتاعك دا :mad:
بدرالدين أحمد موسى
08-09-2010, 09:39 AM
اللهم لا تبلينا و لا تمحينا
برضو نقول نماذج موجودة في الغربة تعكس صورة سالبة عن المغترب السوداني
واصل يا بدر الدين بلا فواصل و بطل النجاض بتاعك دا :mad:

مع الأسف .. صورة سالبة
بدرالدين أحمد موسى
08-09-2010, 09:41 AM
ننوه الى أن احداث الحلقات قد تتشابه مع تجارب مماثلة لبعض القراء كما ان الأسماء الواردة فى جميع الحلقات ليست بالضرورة متطابقة مع الواقع بالرغم من أن الروايات جميعها مقتبسة من تجارب حقيقية .
جميع الحقوق محفوظة .

الحلقة التاسعة

نجيضون ومنجضون (2)

قلنا فى الحلقة الماضية أن ثلاثتنا تعرضنا لنجاض ناس نجيضون . و على مدى فترة ليست بالقصير كنا نجتر تلك المأساه . حسين كان أكثرنا غضبا لا لفقدان المال و لكن عز عليه أن يستغفل بهذا الشكل . صلاح كان ماخد المسألة عادية يمكن من كثر النجاض . أما أنا فقد كنت أشعر بالذنب كلما التقيت حسين أو صلاح لأننى لم أحذرهم قبل فوات الأوان .
مع مرور الزمن شخصيا نسيت الموضوع و اعتبرت المسألة مال مقطوع منه النصيب . لكن حسين ماقدر ينسى بل اجتهد كثيرا حتى وصل الى صاحبنا و لا حقه حتى استرد كامل ماله و مال صلاح و جزء بسيط من أموالى . و لم يعجز و استمر فى ملاحقة صاحبنا .
بداية النهاية
و فى يوم اتصل بى الأخ حسين و قال لى عاوزك ضرورى تجينى فى البيت . مشيت ليه على الموعد لقيت معاه صلاح و أحد الأخوان قال ليه نمشى الخبر الآن. أنا لقيت الراجل و عرفته قاعد قى شقة مفروشة و منتظر ليه واحد جاى ياخده لى شغل .أنا اتفقت مع الراجل مايمشى ليه لحد مانقول ليه . نحن نداهمه قبل مايصله الراجل . و اتفقنا على سيناريو معين و مشينا لى الرجل.
تنفيذ الخطة
و بالفعل ركبنا فى عربية حسين و صلنا الخبر و دقينا عليه باب الشقة . أول مافتح الباب زى الصبت فيهو مطرة . ما متوقع يلقى الضحايا الثلاثة مع بعض . المهم أنا ربطت ليك وش كلب و أديته كلام كان قالوا لى قولوا تانى مابقدر . الراجل طبعا ما قدر يبرر عملته و بعد نقاش مستفيض الجماعة قالوا ناخد جوازه و نديك ليه لحد مايجيب القروش . قلت ليهم ياجماعة انتو عاقلين . أولا أنا ما كفيله عشان أشيل جوازه و بعدين أنا ماصدقت لميت فيه أخليهوأرجع أفتش ليه تانى . أنا حاجة من اتنين . يا يدينى قروشى هسه أو أقفله لحد ما يدفع .

بعد مداولات أنا ماطرف فيها اتفقوا يكتبوا ورقة انه الراجل ملتزم يجيب القروش لى حسين و حسين يحتفظ بالجواز لحد ما يجيب القروش ووقعوا عليها شهود . قلت ليهم ياجماعة أودنى قروشى انتو و انتظروا القروش المتوبة فى الورقة دى و الراجل لما يجيب ليكم القروش شيلوها انتو . طبعا الكلام ده ماحصل و فى النهاية شالوا الجواز و الورقة و مشينا .
نجاض ناس نجيضون
الراجل بعد ده عذب ليك حسين بالمكالمات طبعا عاوز الجواز. وحسين صامد . يا القروش يا مافى جواز . تصدقوا حسين مسك الجواز عنده لحد ما الراجل اقامته انتهت . المهم صاحبنا جاته حواله قدر قروشى من حيث أتى . قام اتصل بى حسين قال ليه يا أخى أنا جاتنى حوالة و محتاج الجواز عشان أصرف الحواله و أديك قروشك . حسين قال ليه مافى أى مشكلة نتلاقى فى البنك . و فعلا تانى يوم من الصباح اتلاقو فى البنك و كان منظر عجيب غريب .
الأنتصار على نجيضون
تخيلوا منظر اثنين واقفين فى الصف حسين و صاحبنا لأستلام حواله واحده. حسين ماسك الجوازو حالف ما يديه ليه و الراجل ماشى بى يديه . وصلوا الشباك موظف البنك طلب الأثبات . قدمه حسين . الموظف بعد المطابقة أعاد الجواز . طوالى حسين استلم ليك الجواز . موظف البنك وضع الفلوس حسين مد ليك يده استلم القروش حسبهم لقاهم قدر قروشى و سلم صاحبنا الجواز وكل حى مشى لى حالو.

كان هذه المره الوحيدة اللى نجضنا فيها واحد من ناس نجيضون ليتها تشفع .

و الى لقاءفى حلقة قادمة .
أحمد عمر ( MOODY )
20-09-2010, 08:50 PM
الرائع / بدر الدين .. كل عام و أنت بكل خير
أمّا بعد

يا بدر الدين ... نجضّتنا


و الوعد إنو بعد العيد .. تبقى تلاتة حلقات في الإسبوع
بنت الرفاعي
20-09-2010, 09:41 PM
الرائع / بدر الدين .. كل عام و أنت بكل خير



أمّا بعد


يا بدر الدين ... نجضّتنا




و الوعد إنو بعد العيد .. تبقى تلاتة حلقات في الإسبوع


إن شاء الله يكون بخير.:)

وبما أن آخر حلقة كانت قبل العيد، وعلى حسب الكلام أعلاه (تبقى 3 حلقات في الأسبوع) حيكون ناقص إلى الآن 5 حلقات.:)
بدرالدين أحمد موسى
23-09-2010, 01:57 PM
إن شاء الله يكون بخير.:)

وبما أن آخر حلقة كانت قبل العيد، وعلى حسب الكلام أعلاه (تبقى 3 حلقات في الأسبوع) حيكون ناقص إلى الآن 5 حلقات.:)

شكرا يا مرام على السؤال .. و أنا ما ناسى وعدى .. و لكن بعض الظروف التى أحسب أنها قد زالت ..و عدنا و العود ان شاء الله أحمد .. و سوف تكون الحلقات أيام السبت و الأثنين و الأربعاء . و حتى لا نثقل على صفحات البوست سوف يحمل عنوان نا س نجيضون (2) مع استمرار حلقات خربشات من الواقع الخيالى فى شكل حلقات منفصلة كل خميس