يسري الياس
20-08-2010, 11:27 AM
سلامات يا يمة
وكيف الحال
اخبار الناس
نديانة ومبسوطة
ولا الراديو
صبح كضاب
بيمسي على الناس الرايقة
وما بغشا اهلنا الطيبين
سمعت الكيلو
حق اللحمة صبح عشرين
صح يا يمة ولا صبح طرشان
الا صحي
(مستوره الحال) ذي قولتك
ولا كلام
كيفك يا ست الكل
وكيفنا شلوخك
(كبرن) ...
كانك تضحكي وتناغمي
بالحييييييل ..
مشتاقلك يمة كتير
ولي جارتك سيدة
(حبيبة الروح) زي قولتك
كيفن الناس في الحلة
بيسالو مني
ولا نسونا خلاص ..
يا يمة عارف قرشات الجن
الانا مرسالم (ما بسون شي)
لاكن يا يمة (نسوي شنو)
(غُربةً فقرة)
ما بتستر حال
نسيت ايمة
كان كلمتي الضو
(يزبل) ضهر البيت لانو
اصحاب الراديو
(قالو خريفا جايي شديد)
وانا قلبي عليكم يمة
اها
انا حاكلم
نور الدين ود عمي الطاهر
يقراهوعليك
اصلا هو زول قاري الكتاب
وبعرف يقرا الخط الشين
اها يمة
ودعتك الله
وكيف الحال
اخبار الناس
نديانة ومبسوطة
ولا الراديو
صبح كضاب
بيمسي على الناس الرايقة
وما بغشا اهلنا الطيبين
سمعت الكيلو
حق اللحمة صبح عشرين
صح يا يمة ولا صبح طرشان
الا صحي
(مستوره الحال) ذي قولتك
ولا كلام
كيفك يا ست الكل
وكيفنا شلوخك
(كبرن) ...
كانك تضحكي وتناغمي
بالحييييييل ..
مشتاقلك يمة كتير
ولي جارتك سيدة
(حبيبة الروح) زي قولتك
كيفن الناس في الحلة
بيسالو مني
ولا نسونا خلاص ..
يا يمة عارف قرشات الجن
الانا مرسالم (ما بسون شي)
لاكن يا يمة (نسوي شنو)
(غُربةً فقرة)
ما بتستر حال
نسيت ايمة
كان كلمتي الضو
(يزبل) ضهر البيت لانو
اصحاب الراديو
(قالو خريفا جايي شديد)
وانا قلبي عليكم يمة
اها
انا حاكلم
نور الدين ود عمي الطاهر
يقراهوعليك
اصلا هو زول قاري الكتاب
وبعرف يقرا الخط الشين
اها يمة
ودعتك الله