عنترة داير شنو هو ؟

[ايمن عبد الله]

عقد الدكتور كمال شداد رئيس الاتحاد العام السابق مؤتمراً صحفياً ظهر أمس بفندق روزا بارك تحدث فيه عن التطورات الأخيرة في قضية الجمعية العمومية وخطابات الفيفا وأوضح أن الوزير سدد ضربة قاضية للمادة (16) ورد على من يفتون بعدم وجود استثناء، واعتبر شداد أن القرارات التي أصدرها الوزير مؤخراً سمحت للمبعدين بالترشح وقال: لكن بعضها فيه تضارب مع قرارات الفيفا، ونوه إلى أن الوزير عقد الأزمة بدلاً من حلها، ووصف قرار إعادة الانتخابات بأنه أخطر مستند ضد السودان، وهاجم المفوضية مشيراً إلى أنها السبب في الاضطراب الذي يحدث الآن، وقال: ما يحدث عبث من المفوضية وتساءل: على أي أساس تم ترشيحي على الرغم من أنني لا أملك أورنيك ولا استمارة ولماذا قدموني رئيساً ربما أرغب في ترشيح نفسي عضواً؟ وأكد شداد أنه لم يرشح معتصم جعفر لخلافته وقال في الوقت ذاته إنه ليست لديه آراء سالبة عنه، وقال شداد: البعض ذكر أن الفيفا وافق على الإجراءات الأخيرة وإن كان ذلك صحيحاً فأين الخطاب ولماذا لا ينشرونه؟ وأضاف: هناك إخوة أعزاء قادوا خطاً وقالوا لا انتخابات بدون مفوضية فهل يتحدث النظام الأساسي عن المفوضية؟ ومضى شداد: نائب الرئيس (مركب مكنة رئيس) وذكر أن وفد الفيفا كان اتصل به واستفسره عن الانتخابات وإجراءاتها وقال: رددت عليهم أنني لا أعرف شيئاً عنها وأننا أصدرنا جدولاً والمفوضية أصدرت جدولاً آخر، وأكد شداد أنه لن يخوض الانتخابات بوجود المفوضية، ولن يرشح نفسه إلا بأورنيك ترشيح جديد.


يا اخواننا الزول ده مالو وداير شنو بالظبط كده .. فهمونا كان عارفين !!

[ايمن عبد الله]

قام التلفزيون السوداني نهار اليوم الجمعة بقطع ارسال برنامج عالم الرياضة بسبب حديث السيد عبدالمنعم عبدالعال والخاص بانتخابات اتحاد الكرة وقال مصدر من داخل التلفزيون للمشاهير ان اتصالا هاتفيا من احد المسؤولين بالدولة تسبب في انهاء البرنامج قبل موعده متهما السيد عبدالعال بالانحياز للدكتور شداد ..

[مدنيّة]

الكلام دا خليه ياايمن
انا العايزه اعرفه
القانون المخالف للوائح الفيفا دا مش قاعد من سنة 2003 وشداد رئيس للاتحاد العام ؟!
طب لية ماسعي من خلال الجمعية العومية لتعديل القانون دا عشان يسير وفقا للوائح الفيفا
لية مابنشعر بالحاجة الا بعد ما تحصل مصيبة ؟!
لية بنخلي الحاجات تتعقد بعدين نجي نغني ظلموه

[مدنيّة]

قام التلفزيون السوداني نهار اليوم الجمعة بقطع ارسال برنامج عالم الرياضة بسبب حديث السيد عبدالمنعم عبدالعال والخاص بانتخابات اتحاد الكرة وقال مصدر من داخل التلفزيون للمشاهير ان اتصالا هاتفيا من احد المسؤولين بالدولة تسبب في انهاء البرنامج قبل موعده متهما السيد عبدالعال بالانحياز للدكتور شداد ..

قمة العشوائية
لانه السيد عبدالمعنم عبدالعال ليه مطلق الحرية انه ينحاز للعايز ينحاز ليه
لماذا الحجر علي الاخرين ؟!!


---------------------
الحديث دا لو كان مسجل ، مسئولي البرنامج دا ماسمعوه قبل ما يذيعوه؟!!
ولو كان علي الهواء مباشرة تبقي حاجة مؤسفة جدا
انهم يقطعوا الحديث عشان ما عجبهم

[ايمن عبد الله]

الكلام دا خليه ياايمن
انا العايزه اعرفه
القانون المخالف للوائح الفيفا دا مش قاعد من سنة 2003 وشداد رئيس للاتحاد العام ؟!
طب لية ماسعي من خلال الجمعية العومية لتعديل القانون دا عشان يسير وفقا للوائح الفيفا
لية مابنشعر بالحاجة الا بعد ما تحصل مصيبة ؟!
لية بنخلي الحاجات تتعقد بعدين نجي نغني ظلموه

ماهي واضحة يا مدنية .. من 2003 مافي زول سأله .. وطالما هو الرئيس مافي مشكلة .. لكن تجي تشيلني من الرئاسة .. بجيب الفيفا

[ابو الامجاد]

كلام عجيب والله انت عارف يا ايمن عنترة غريب
قال امكن داير اترشح عضو طيب ما كان ممكن
قبل ما يعمل الجوطة دي القانون حدد اي زول يتم تلاتة
سنة من حقو يترشح لاي حاجة تانية غير منصب الرئيس
يعني الجقلبة دي عشان خاطر عيون منصب الرئيس

[ايمن عبد الله]

قمة العشوائية
لانه السيد عبدالمعنم عبدالعال ليه مطلق الحرية انه ينحاز للعايز ينحاز ليه
لماذا الحجر علي الاخرين ؟!!


---------------------
الحديث دا لو كان مسجل ، مسئولي البرنامج دا ماسمعوه قبل ما يذيعوه؟!!
ولو كان علي الهواء مباشرة تبقي حاجة مؤسفة جدا
انهم يقطعوا الحديث عشان ما عجبهم

غايتو الشي العارفو انه برنامج الرياضة ده زي الاخبار حقت 10 بكون على الهواء مباشرة .. مافيه اي تسجيل ..

[ابو الامجاد]

قمة العشوائية
لانه السيد عبدالمعنم عبدالعال ليه مطلق الحرية انه ينحاز للعايز ينحاز ليه
لماذا الحجر علي الاخرين ؟!!


---------------------
الحديث دا لو كان مسجل ، مسئولي البرنامج دا ماسمعوه قبل ما يذيعوه؟!!
ولو كان علي الهواء مباشرة تبقي حاجة مؤسفة جدا
انهم يقطعوا الحديث عشان ما عجبهم

الغريبة يا مدنية القانون دا هو الاترشح بيهو قبل كدا
لكن زي ما قال ايمن كان في صالحوا اتكلم كيف

[ايمن عبد الله]

كلام عجيب والله انت عارف يا ايمن عنترة غريب
قال امكن داير اترشح عضو طيب ما كان ممكن
قبل ما يعمل الجوطة دي القانون حدد اي زول يتم تلاتة
سنة من حقو يترشح لاي حاجة تانية غير منصب الرئيس
يعني الجقلبة دي عشان خاطر عيون منصب الرئيس

انا اعتقد ان كمال شداد فقد كل مؤيديه بسبب التناقض في المواقف الغريب ده ..

زي ماقلت زمان شداد زي الترابي .. وده كمان لمن كان في السلطة كان بنادي بالجهاد ضد جون قرنق .. ولمن طلع من السلطة والحكم مشى اتحالف مع الراحل جون قرنق وقال الجنوبيين اصحاب قضية واخواننا وما صاح نحاربهم مفروض نفهم قضيتهم ونحلها ..

والتناقض ده .. قضى على الترابي سياسياً .. كما سيقضي على د: شداد رياضياً .. واخلاقياً ..