مشاهدة النسخة كاملة : الخدمة المدنية .. كلاكيت للمره المليون
عثمان جلالة
28-08-2010, 01:31 PM
كنا يا سادتي الكرام ... نشرب في البركه ... وهي آخر الفناجين في جلسة قهوتنا العامره والتي تجمع الاسرة ... والجيران .. والحبان .. كان يوما جميلا .. مزدانا بإحتفال اسرتي البسيطه بعودتي من الغربه ... ولكن كان أسعدنا جميعا .. الوالد رحمة الله عليه .. وما زاد سعادته في ذلك اليوم .. هو أنه كان يوم صرف الرواتب للعاملين بالحقل الصحي في مركز صحي أم تريبات قبل أن يتحول لمستشفى ريفي ... وقد لاحظت سعادته الغامره فبادرته بالسؤال:
عليك الله يا أبوي .. المرتب دا أسي محتاج ليهو ؟؟ هديل أولادك والحمد لله إشتغلوا .. ومصاريفك بتجيك لحدي عندك ... أنا لو منك أطلب المعاش!!
قال لي الله يرحمو ... يا ولدي مرتبنا البسيط دا هو العاشنا الزمن ده كلو .. وقراكم ... ونحنا بلدنا خدمناها لأكتر من أربعين سنه وعارفين الأجر البناخدو ما قدر العمل .. لكن كلو في سبيل الوطن يهون.
قاطع حديثنا هذا صوت باب الشارع يفتح ليدخل عمنا أحمد المفوض بجمع مرتبات كل العاملين في الحقل الصحي بأم تريبات .. ليفاجئنا وهو يقول بحزن عاااااااارم موجها كلامه لأبي : قااااااااالو ما عندك مرتب لأنهم نزلوك المعاااااااااش !!!!!!
لي عوده:mad:
مدنيّة
28-08-2010, 10:34 PM
منتظرين العودة ياابوها
----------------
ربنا يرحم الوالد ويسكنه فسيح جناته
naz_imam
29-08-2010, 12:35 AM
عشا البايتات كيفنك انشاء الله كويس .............. وينك يااخوي رمضان دساك من اولوا كدا يعني الاسبوع الجاي نفتش ليك في ميدان المولد
بدرالدين أحمد موسى
29-08-2010, 11:54 PM
قااااااااالو ما عندك مرتب لأنهم نزلوك المعاااااااااش !!!!!!
بهذه البساطة .... ؟؟؟؟؟؟
عثمان جلالة
30-08-2010, 09:29 AM
ملخص ما جاء في الحلقة السابقة:
تحولت جلستنا السعيدة إلى حزن عميق بعد الخبر الذي ساقه عم أحمد لنا بأن الوالد يرحمه الله لن يصرف له مرتب شهره الذي أكمله عملا وأملا وانتظارا .... وبدون سابق انذار ... تم إنزاله إلى المعاش ... دون خطاب شكر أو شهادة تقدير ... عن أربعين سنة قضاها وأفنى فيها زهرة شبابه خدمة للوطن.
حاولت أنا أن ألطف الجو ... حاولت أن أكفكف من دمعات الوالد التي غالبته ونزلت أمامنا ... وتعهدت له بأن أذهب صباح اليوم التالي إلى رئاسة محلية جنوب الجزيرة بود مدني لأنه بالتأكيد هنالك خطأ ما .. حتى نحن في الغربة في بلد نحمل فيها إقامات يتم إخطارك في حالة الاستغناء عن خدماتك أو فصلك من العمل بخطاب قبل شهرين من تاريخ الفصل.
شرقت شمس اليوم التاني ... وكنا حداشر ونوباويه .. أقصد .. ذهبت مع شروق شمس اليوم التالي لمحلية جنوب الجزيرة .. حيث أكد لي الأخوة هناك صحة الخبر ... ولما سألتهم عن قانون العمل في الخدمة المدنية والذي يحتم عليهم اخطار الموظف أو العامل بمده .. ولأن الوالد كان قد أتم عمله كالمعتاد في الشهر الماضي .. وهو يستحق راتبه .. أعتذروا لي مشكورين عن الخطأ غير المقصود ... وعللوا هذا الخطأ ... بفقدانهم للملف الوظيفي للوالد يرحمه الله ....... نعم كان الملف مفقودا في دواليبهم لمدة عامين .... وكتر خيرهم هم اعتبروا فترة العامين التي كان الملف مفقودا فيها .. فترة عمل بالمشاهرة .. وعليه يطبق نظام المعاش في لحظته .. وأقصد هنا لحظة ظهور الملف والتي صادفت آخر الشهر ؟؟؟؟!!!!! ... عجبي.:mad::mad:
عثمان جلالة
30-08-2010, 09:34 AM
منتظرين العودة ياابوها
----------------
ربنا يرحم الوالد ويسكنه فسيح جناته
منوره يا أم جمال ... وطبيعي إنك تكوني أول المشاركين في البوست ... لأنو أهلنا قالوا كان شفت أخوك حلقو ليهو صلعه بل راسك :) ... مع تمنياتي أن لا يكون حالكم في الخدمه المدنيه ... كما كان لوالدي ولجيل كامل عانى ومااااااااااااا زااااااااااااااال يعاني
آآآآآآآآآآآآآآآآآآآآآآآآآآآمين
سواااح
30-08-2010, 09:38 AM
صديقي .. جلالة
للوالد الرحمة والمغفرة ..
ولكن صديقي ..
عيش كتير .. تشوف اكتر.
عثمان جلالة
30-08-2010, 09:47 AM
عشا البايتات كيفنك انشاء الله كويس .............. وينك يااخوي رمضان دساك من اولوا كدا يعني الاسبوع الجاي نفتش ليك في ميدان المولد
أبو ريم ست الحريم ... كيفنك والوليدات ... وتصوموا وتفطروا على خير ياااارب ... نعمل شنو ؟؟ شغلنا في رمضان كتير شويه .. لكن كالعاده مشتاقين والله .. وبركة إلهي وجاهي نتلاقى سوا في ميدان المولد سوا في بلد الحنان :):)
عثمان جلالة
30-08-2010, 09:53 AM
قااااااااالو ما عندك مرتب لأنهم نزلوك المعاااااااااش !!!!!!
بهذه البساطة .... ؟؟؟؟؟؟
الزول الحكاي ود البلد الصميم تحياتي ... تصدق ؟؟؟ لانو الملف كان رايح!!!!! ... ما راعو لشعور واحساس شيخ ستيني ؟؟؟ ... منتهى الاحباط .... كتر خيرك يا أصيل نورت البوست:)
عثمان جلالة
30-08-2010, 09:56 AM
صديقي .. جلالة
للوالد الرحمة والمغفرة ..
ولكن صديقي ..
عيش كتير .. تشوف اكتر.
حبيبنا سوااح تصوم وتفطر ع الخير .... آآآآآمين .. وفعلا تعيش كتير تشوف كتير .. ولسه تابع معاي فصول الروايه الحزينه دي
لك الود،،،
بنت الرفاعي
31-08-2010, 07:10 AM
الله يرحمه ويدخله فسيح جناته.
لكن يا أخوي عثمان حتى وإذا كان الملف ضاع، وبغض النظر عن مدة عمله (وبما أنهم ما احترموا الزمن اللي قضاه معاهم)، وعلى حسب كلامك اشتغل الشهر كلو، كان المفروض على الأقل يصرفوا لهُ مُرتب الشهر اللي قضاه معاهم!:eek::confused:
الله يعين.
سواااح
05-09-2010, 02:48 AM
حبيبنا سوااح تصوم وتفطر ع الخير .... آآآآآمين .. وفعلا تعيش كتير تشوف كتير .. ولسه تابع معاي فصول الروايه الحزينه دي
لك الود،،،
في انتظارك يا حبيبي ...
وين انت يا عثمان ؟؟
عثمان جلالة
14-09-2010, 09:38 PM
الله يرحمه ويدخله فسيح جناته.
لكن يا أخوي عثمان حتى وإذا كان الملف ضاع، وبغض النظر عن مدة عمله (وبما أنهم ما احترموا الزمن اللي قضاه معاهم)، وعلى حسب كلامك اشتغل الشهر كلو، كان المفروض على الأقل يصرفوا لهُ مُرتب الشهر اللي قضاه معاهم!:eek::confused:
الله يعين.
وده الحصل فعلا يا مرام ولكن بعد حجه طويله ومرافعات .. وبعد ده كلو رفضوا صرف المرتب في وقتو وأصروا إنو يضيفوا قيمتو للمعاش عشان يأكدوا غلطهم (مرتين) .. كل سنه وإنت طيبه ... والله يعين ع قولك
عثمان جلالة
14-09-2010, 09:40 PM
في انتظارك يا حبيبي ...
وين انت يا عثمان ؟؟
هههههههه سواااح يا حبيب مش إتلاقينا في جده غير؟؟ أها إنتا الوين؟؟ وصلت الرياض ولا لسه :):)
عدنا والعود أحمد إن شاء الله لعكس هذه الصورة المحزنه
moh_alnour
14-09-2010, 10:34 PM
حبيبنا جلالة حمدا ً لله على سلامة وصولكم إلى مدينة الرياض
و الرحمة و المغفرة للوالد و جعل الله سعيه و عمله في ميزان حسناته
و الرحمة و المغفرة للخدمة العامة السودانية و التي كانت مضرب مثل في الإنضباط و النظام
فى هذا الزمن .. تـُف يا دنيا .. تـُف
يا العَبِد الشقي
ما أتعوّدْ شكي
لكن الكفاف فوقك منتكي
حالك ما بتسـُر
إِلِّا كمان فى ناس فايتاك بى الصبُر
ساكنين بى الإيجار .. لا طين .. لا تمُر
و واحدين بى الإيجار .. ما لاقين جُحُر
سِلعـتُمْ الضُراع .. و العرق اليخُر
عمال المدن
كلاّت المواني
الغُبُش التعاني
بحّارة السُفُن
حشّاشة القصوب
لقاطّة القطن
الجالبة الحبال
الفِطن الفُرُن
الشغلانتو نار
والجو كيف سُخُن
عيشُنْ كمّهو .. و ديشُن هان قَدُر
عثمان جلالة
15-09-2010, 12:39 AM
حبيبنا جلالة حمدا ً لله على سلامة وصولكم إلى مدينة الرياض
و الرحمة و المغفرة للوالد و جعل الله سعيه و عمله في ميزان حسناته
و الرحمة و المغفرة للخدمة العامة السودانية و التي كانت مضرب مثل في الإنضباط و النظام
فى هذا الزمن .. تـُف يا دنيا .. تـُف
يا العَبِد الشقي
ما أتعوّدْ شكي
لكن الكفاف فوقك منتكي
حالك ما بتسـُر
إِلِّا كمان فى ناس فايتاك بى الصبُر
ساكنين بى الإيجار .. لا طين .. لا تمُر
و واحدين بى الإيجار .. ما لاقين جُحُر
سِلعـتُمْ الضُراع .. و العرق اليخُر
عمال المدن
كلاّت المواني
الغُبُش التعاني
بحّارة السُفُن
حشّاشة القصوب
لقاطّة القطن
الجالبة الحبال
الفِطن الفُرُن
الشغلانتو نار
والجو كيف سُخُن
عيشُنْ كمّهو .. و ديشُن هان قَدُر
ود الجاك .. تحياتي والله يقبل حمدك .. كان لي عظيم الشرف بأن ألتقيك أنت والشباب نجوم منتديات ود مدني في جده .. فشكرا للقاء وشكرا للحظات الجميله التي جلسنا فيها وتجاذبنا أطراف الحديث.
أنت خير من يحدثنا عن الخدمة المدنية في السودان لأنك عملت فيها ردحا من الزمن .. أجمل ما في الموضوع يا حبيب إنك فارقتها وإنت شاب ... قبل ما هم ينهوا مسيرتك العمليه بطريقه دراميه زي الحصلت للوالد.
لك الود،،،
عثمان جلالة
15-09-2010, 12:44 AM
خلاصة القول : لكل أجل كتاب كما لكل عامل أو موظف وقت يغادر بعده العمل ... ولكن المطلوب شكر هؤلاء على ما قدموه للبلد والناس .. وتقديرهم بأبسط الطرق .. يعني كان بكون أجمل لو جا خطاب شكر للوالد وفيهو تقدير لسيرة خدمتو .. وإعلامه بنهاية خدمته بشكل حضاري ... والمطلوب برضو إنو يكون المبلغ الذي يتحصل عليه المعاشي على قدر عطائه موش ملاليم ... وكأنها عطيه وليست حق.
ساحكي لكم تجربتي الخاصة في الخدمة المدنية .. والتي ولله الحمد لم يكن عمرها سوى أشهر قليلة.
عثمان جلالة
15-09-2010, 01:15 AM
بعد تخرجي من الجامعة في أواخر العام 1996م .. بدأت أنا وزملائي الخريجين رحلة البحث الشاقة عن عمل ... كنا نصحو من نومنا في السابعة صباحا كل يوم .. نضع خطة الرحلة .. والإمكانيات المادية المتاحه وحق الفطور والمواصلات .. ومظهرنا الخارجي .. لم نترك شركة أو مؤسسة أو وزارة كانت فيها إعلانات لوظائف .. إلا و دخلنا المعاينات .. ولكن دائما كانت النتيجة محبطه ... لأننا نفاجأ بموظفين مختارين لم يدخلو أصلا معنا أية معاينات ؟؟؟ .... بجو من وين ؟؟؟ الله أعلم :rolleyes::confused:
وبعد ثلاثة أشهر من الجري بدون فائده .. سمعنا أن هنالك مؤسسة نشر كبرى تطلب مناديب مبيعات .. قلت للشباب المعاي .. قصة نمشي نخش المعاينة ونتعب ونجاوب الاسئلة .. ونجي نلقى المعينين ناس ما شفناهم معانا دي ما بتنفع .. وأنا ح أشتغل في المؤسسة دي بطريقة مختلفة :confused:
طبعن ما صرحت بالطريقه أصلا لي زول
وطوااااااااااالي تاني يوم ... وعلي راحتي بعد ما فطرت مشيت علي المؤسسة .. ما مشيت لإدارة شئون الموظفين :confused: ... طواااااااالي مكتب المدير العام :o... لقيت السكرتيرة برا .. كنت لابس بنطلون جينز وفنيله سوداء بأكمام .. ونظارة شمسيه سوداء .. النوع البغطي نص الوش داك .. بس جيمس بوند هههههههه ... سألتها : السيد المدير موجود؟
قالت لي: إنت منو؟؟
قلت ليها : أنا عندي ليهو رسالة خاصة من العميد "........" :rolleyes:
قالت لي دقيقة .. أتفضل أقعد .....
دخلت المكتب .. وجات راجعه بسرعه .. وقالت لي أتفضل
دخلت علي السيد المدير ... لقيتو واقف منتظرني .. وبصراحة حياني بشهامة .. واستقبلني استقبال الفاتحين ... وما قعد في كرسي مكتبو .... قعد في جنبي في كراسي الزوار ... وبالصدفه كان عندي كرت قريبنا العميد .......... بعد السلام والاحترام والبيبسي والشاي .. والفول المدمس والبلح (من باب نحلي من مانزرع وكده) :):)
قلت ليهو ... أنا مرسل ليك من سيادتو عشان أشتغل معاكم هنا .. لو محتاج تكلمو يشرح ليك أتفضل دا تلفونو في الكرت.
قال لي: إنت وسيادتو علي العين والراس .. وأعتبر نفسك من بكره موظف معانا هنا ... وهاك الورقه دي لمدير العمليات عشان تستلم وظيفتك ... وبعدها تمشي لمدير شئون الموظفين عشان توقع العقد.
في عشره دقائق أتعينت في المؤسسة ... وفي عشرين دقيقة بعدها كنت موقع العقد علي راتب ثابت 20.000 جنيه سوداني مع البدلات ... ده غير نسبة المبيعات.
وفي ساعتين بس أنهيت مشوار أكثر من أربعة شهور من البحث عن عمل.
حتى أستقلت من المؤسسة بمحض إرادتي بعد حصولي على تأشيرة عمل بالمملكة العربية السعودية .. وما زلت كلما تذكرت هذا الموقف أضحك ... أراد الله أن أعين نفسي بنفسي .. وأراد الله أنو ما قام المدير إتصل علي سيادتو عشان أطلع كضاب .... وأراد الله عشان أسرتي المحتاجه لمرتبي البسيط إنو أكذب كذبه بيضا ... وتنجح في أستقراري في أصعب الأوقات التي يمر بها الخريج بعد تخرجه من الجامعة.
مدنيّة
15-09-2010, 02:38 AM
بعد تخرجي من الجامعة في أواخر العام 1996م ..
يا راااااااااااجل http://www.sudaneseonline.com/db/attention/200_4e.gif
--------------
كل سنة انت والاسرة الكريمة بالف خير يارب
عثمان جلالة
15-09-2010, 02:57 AM
يا راااااااااااجل http://www.sudaneseonline.com/db/attention/200_4e.gif
--------------
كل سنة انت والاسرة الكريمة بالف خير يارب
صغير وجاهل صاااح؟؟:):)
عارفه الـ خرجنا منو؟؟ اللواء الزبير محمد صالح الله يرحمو لحدي أسي عندي صورة ليهو وهو بسلمني الشهادة ... نفس اليوم الإتوفى فيهو الراحل المقيم مصطفى سيد أحمد ... عليك الله ما إتخرجنا وسط الأحزان نحنا :)
moh_alnour
15-09-2010, 03:17 AM
و لكن دائما ً كانت النتيجة محبطة لأننا نفاجأ بموظفين مختارين لم يدخلو أصلا معنا أية معاينات ؟؟؟
بجو من وين ؟؟؟ الله أعلم
أول إنت بأ ( باللهجة المصرية ) زي ما قال عادل إمام في مسرحية شاهد ما شافش حاجة
تفحيطة : لكن يا جلالة ما قايلك بيّاع كدا ، طوااااااالي بعت أصحابك الكانوا بفطروا و بجروا معاك من الصباح :p
عثمان جلالة
15-09-2010, 03:28 AM
أول إنت بأ ( باللهجة المصرية ) زي ما قال عادل إمام في مسرحية شاهد ما شافش حاجة
تفحيطة : لكن يا جلالة ما قايلك بيّاع كدا ، طوااااااالي بعت أصحابك الكانوا بفطروا و بجروا معاك من الصباح :p
ههههههههههههه .. يا حبيب كان لازم أعمل كده لأنو لو الشباب عرفو الطريقه كان حاولو يطبقوها كلهم وفي الحاله دي المدير ح يكشف الحكايه :rolleyes::):)
ود المطامير
15-09-2010, 05:26 AM
يا الحبيب
رسل ( الكرت )
أخوك محتاج ليهو شويه ;)
عثمان جلالة
19-09-2010, 12:33 AM
يا الحبيب
رسل ( الكرت )
أخوك محتاج ليهو شويه ;)
:):):rolleyes::rolleyes::o
كان أديتني عموله مش أجيب ليك الكرت ؟؟ أجيب سيد الكرت زااااااااتو هههههههههه
تسلم يا حبيب:)
أحمد عمر ( MOODY )
19-09-2010, 01:50 AM
يا جلالة .. يا اخوي
كُل سنة وإنت طيّب .. و يدّيك الفي مرادك
إلا الخدمة المدنية .. لِحقت الرّقدوا
يااا موظف نايم في المكتب ما بتحرّك إلا تحرِّكوا بي حركة تحت التربيزة
يااا واحد حريف ضاربا موزة .. قالب بالأمجاد وبجي يصرف الماهية آخر الشهر
عثمان جلالة
20-09-2010, 12:36 AM
يا جلالة .. يا اخوي
كُل سنة وإنت طيّب .. و يدّيك الفي مرادك
إلا الخدمة المدنية .. لِحقت الرّقدوا
يااا موظف نايم في المكتب ما بتحرّك إلا تحرِّكوا بي حركة تحت التربيزة
يااا واحد حريف ضاربا موزة .. قالب بالأمجاد وبجي يصرف الماهية آخر الشهر
ربنا يصلح الحال يا حبيب ما شفت شاعرنا قال شنو؟؟
العندو دين مابسرق البلد
العبادو موحدين
العندو دين ما ببني قصرو العالي
فوق جُوع الغلابة المسلمين
العندو دين ما بسمي أعدء البلد
جند الوطن الحادبين
العندو دين ما بسمي من قال الحقيقة
المُرة خونة ومارقين
أحمد عمر ( MOODY )
20-09-2010, 01:56 AM
ربنا يصلح الحال يا حبيب ما شفت شاعرنا قال شنو؟؟
العندو دين مابسرق البلد
العبادو موحدين
العندو دين ما ببني قصرو العالي
فوق جُوع الغلابة المسلمين
العندو دين ما بسمي أعدء البلد
جند الوطن الحادبين
العندو دين ما بسمي من قال الحقيقة
المُرة خونة ومارقين
يا جلالة .. الناس ( إلاّ مَنْ رحم ربّي )
شالوا الدّين من قلوبهم و عقولهم .. و عملوهو لوحات في الحِيّطْ
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir