ناس × الخاطر

[شبارقة]

لفترة ليست بالقصيرة، و عندما كان البال خالياً والمزاج صافياً كقطرات الطل في صباح غائم بعد ليل مطير كنا هنا ، وكان المنتدى جزءاً منا ،،
كان بيتنا ، و أفراده أهلنا واخواننا ـ ولا يزالون ـ و لكن تعجبت من نفسي بعد أن أشغلتني هذه البسيطة عن الكثير من الاهتمامات التى كانت تشكل حيزاً ليس باليسير في سالف سنين حياتي ... و من ضمن هذه الاهتمامات هذ المنتدى ...
وعلى الرغم من الايغال في مشاكل و مشاغل الحياة ، أجد الكثير من الاقلام التي أحبها لا تزال تفرد من مدادها رقعة مقدرة في جنبات هذا المنتدى الرائع ....
أشتاق اليكم جميعاً ، و أحبكم جميعاً ، فعسى أن يجود الزمن بوافر ساعات أفرد لنفسي راحة وسعة ودعة في واحة منتديات ودمدني ....
رمضان كريم و كل عام وانتم بخير ...

[معتز الريح]

وفي اشتياق لك حبيبنا شبارقة .. وفاقدنك ..
وعشمانين فيك ..

[خالد 000 ابقرجة]

لفترة ليست بالقصيرة، و عندما كان البال خالياً والمزاج صافياً كقطرات الطل في صباح غائم بعد ليل مطير كنا هنا ، وكان المنتدى جزءاً منا ،،
كان بيتنا ، و أفراده أهلنا واخواننا ـ ولا يزالون ـ و لكن تعجبت من نفسي بعد أن أشغلتني هذه البسيطة عن الكثير من الاهتمامات التى كانت تشكل حيزاً ليس باليسير في سالف سنين حياتي ... و من ضمن هذه الاهتمامات هذ المنتدى ...
وعلى الرغم من الايغال في مشاكل و مشاغل الحياة ، أجد الكثير من الاقلام التي أحبها لا تزال تفرد من مدادها رقعة مقدرة في جنبات هذا المنتدى الرائع ....
أشتاق اليكم جميعاً ، و أحبكم جميعاً ، فعسى أن يجود الزمن بوافر ساعات أفرد لنفسي راحة وسعة ودعة في واحة منتديات ودمدني ....
رمضان كريم و كل عام وانتم بخير ...


شبارقة الجميل 000
جئنا الي هنا يحملنا الإسم المحبب ود مدني 000
ولم نكن نحلم الا بريحة البلد 000
لكننا وجدناكم أمامنا 000
تنثرون الدرر 000
وتنسجون الضحك 000
في نفس الساعة التي تفندون فيها وجيعة الوطن 000
أذكر حينما جئت حديثاً خلال تسجيلنا الأول (قبال ما يطش المنتدي )
أتيت وليس بجعبتي سوي رتبة (عضو جديد ) 000
كانت مجادعاتك الدارجية هي بداية مشاركاتي 000
وكنت أرتادها و (علي خفيييييف ) 000
اليوم علمت أن المنتدي أضحي بالفعل لكل منا أناسا بالخاطر 000
بكل تأكيد أنت أولهم 000
وهنيئاً لنا عودة قلمك الرشيق 000

[abomazeen]

بعد فرقة وغياب طول قليبنا الحب ما إتحول

جينا ورجعنا ليكم عايدين وحبكم أقوي من أول



والله تاني ح نعيش متعة الحرف والكلمة ...
الليلة دي الفرحة ما بتسعنا يا حبيب

[ود المطامير]

شبارقه حبيبنا ... رفيق الدرب

رمضان كريم

والله مشتااااقين أيها المحامى الأديب الصحفى

والله .. مكانتك فى نفوسنا ساميه

والله دى أجمل لحظه مع لحظات فرحة الإفطار

[مدنيّة]

شبارقة كل سنة وانت شبارقة

-------------------
لكن ياشبارقة النسالك سؤال
دائما في حالة تجي تنزل بوست وماترجع ترد علينا

ياريت لو ترجع لسابق عهدك ونشاطك في المنتدي

[مدناوية]

شبارقة كل سنة وانت شبارقة

-------------------
لكن ياشبارقة النسالك سؤال
دائما في حالة تجي تنزل بوست وماترجع ترد علينا

ياريت لو ترجع لسابق عهدك ونشاطك في المنتدي






مدووون .. تفتكري شبارقة بعد الغيبة دي كلها ..

يكون سجل كم شريط لغاية هسي؟؟؟
:cool::cool:

[مدناوية]

شبارقة .. بركة الشفناك طيب أبوي ..

ورمضان كريم .. وكل سنة وإنت طيب ..

بس زي ما قالت ليك مدنية .. ما تجي تنزل لينا بوست .. وتفوت تخلينا ..

[شبارقة]

وفي اشتياق لك حبيبنا شبارقة .. وفاقدنك ..
وعشمانين فيك ..

ود الريح يا أنيق الحرف ... أشكر مرورك ، لك التحية و خالص الود ...
وان شاء الله راجعين ...

[شبارقة]

شبارقة الجميل 000
جئنا الي هنا يحملنا الإسم المحبب ود مدني 000
ولم نكن نحلم الا بريحة البلد 000
لكننا وجدناكم أمامنا 000
تنثرون الدرر 000
وتنسجون الضحك 000
في نفس الساعة التي تفندون فيها وجيعة الوطن 000
أذكر حينما جئت حديثاً خلال تسجيلنا الأول (قبال ما يطش المنتدي )
أتيت وليس بجعبتي سوي رتبة (عضو جديد ) 000
كانت مجادعاتك الدارجية هي بداية مشاركاتي 000
وكنت أرتادها و (علي خفيييييف ) 000
اليوم علمت أن المنتدي أضحي بالفعل لكل منا أناسا بالخاطر 000
بكل تأكيد أنت أولهم 000
وهنيئاً لنا عودة قلمك الرشيق 000

ود أبقرجة ....
الشاعر المرهف ذو الحرف الرنان و الجرس الرائع ...
سعدت بتواجدك في هذه المساحة ، وقادم اليك في الثقافي بإذن الله .. دعني أغافل مشاغلي و آتيك على حين غرة ...

[شبارقة]

بعد فرقة وغياب طول قليبنا الحب ما إتحول

جينا ورجعنا ليكم عايدين وحبكم أقوي من أول



والله تاني ح نعيش متعة الحرف والكلمة ...
الليلة دي الفرحة ما بتسعنا يا حبيب




abomazeen الزول الرائع ...
بي هناك نعاين ليك زي هلال رمضان ، و منتظرنك برضو تكون معانا زي ما انت هنا ...
ما تنسانا ...
كل الود ....

[شبارقة]

شبارقه حبيبنا ... رفيق الدرب

رمضان كريم

ود المطامير ، الغزالال ، الخرابل ...
انت لسه حي ؟؟؟
هع هع هع
رمضان كريم وكل سنة وانت طيب وشديد ، و تكون كبرت كده وخليت فجيخ الكدسة.





والله مشتااااقين أيها المحامى الأديب الصحفى



بالاكتر والله ، لكن جدعاتك ما بتخليها ، محامي عرفناها ، أديب سميناها رضينا ، صحفي ؟ غايتو بتقنبلا قنبله!!!




والله .. مكانتك فى نفوسنا ساميه

والله دى أجمل لحظه مع لحظات فرحة الإفطار

هع هع هع
افطار شهي ، عارفك بطنك مغلباك ، و الاكل بفرحك تب ...

دمت و أسرتك الكريمة بخير وعافية ..

[شبارقة]

شبارقة كل سنة وانت شبارقة

-------------------
لكن ياشبارقة النسالك سؤال
دائما في حالة تجي تنزل بوست وماترجع ترد علينا

ياريت لو ترجع لسابق عهدك ونشاطك في المنتدي

وكل سنة وانتي مدون ...

أها اجابة السعال :
دي حالة نفسية اسمها متلازمة استقراء الذواكر لمعرفة أنماط الاشتياق الدفين في حنايا وخلجات أعضاء المنتدى مع اختلاس هنيهات غفلة الزمن و وإلهاء مشاغل الحياة لبرهة من الزمن لرمي المقاطع و الأحرف ... و من ثم العودة لاجترار ما تم بثه سابقاً ...

أوعى تقولي ما فاهمة حاجة !!!
و يااااااريت نرجع ...
باقات ورود ...

[شبارقة]

مدووون .. تفتكري شبارقة بعد الغيبة دي كلها ..

يكون سجل كم شريط لغاية هسي؟؟؟
:cool::cool:



مدناوية دي المرة المليون أقول ليك دا ما أنا ، أنا زول تاني ما عندي علاقة بالغنا ...

[شبارقة]

شبارقة .. بركة الشفناك طيب أبوي ..

ورمضان كريم .. وكل سنة وإنت طيب ..

بس زي ما قالت ليك مدنية .. ما تجي تنزل لينا بوست .. وتفوت تخلينا ..



حبااااااااااااااااااب أمي ..
وكل سنة وانتي طيبة يا عشاي ...
أها جيت راجع ..

[المكاشفى]

البركه فى الشوفه يا ولدنا
كبرتها خلاص مننا
وتجينا للطل والخاطر
لكن مقبوله منك ياطلب ياخوى
العيد مبارك عليك

[المكاشفى]

شبارقة كل سنة وانت شبارقة

ياريت لو ترجع لسابق عهدك ونشاطك في المنتدي

تدفعوا كم ؟؟؟؟
ما محترف ياخ من الشبارقه فى مدنى
زى النفطى كدى
اخ يامدون من الوهم الجميل

[عثمان جلالة]

حبيبنا شبارقه مشتاقين يااااااااااااخ

ويا سلااااااااااام علي طلاتك دي ... الزي فتحة الباب علي وليداتك وغتغتهم وهم نايمين ... وزي غتغتة الزير ب غتايتو والتأكد من إنو مليان وبنز :) .... وزي رحلتنا اليوميه في الغربه قبل النوم للحله .. نتفقدها بيت بيت، زقاق زقاق ونفاج نفاج .... ههههه الشوق بحر يا حبيب:):):)

[بنت الرفاعي]

أخونا شبارقة كل عام وأنت بألف خير،
وكما قال الأخوة نتمنى رجوعك كسابق عهدك.:)

[شبارقة]

البركه فى الشوفه يا ولدنا
كبرتها خلاص مننا
وتجينا للطل والخاطر
لكن مقبوله منك ياطلب ياخوى
العيد مبارك عليك

وين يا كشة حبيبنا ...
مبروك الفلكسواجن (القعونجة) ..
أنا بجي اشوف العقاب (الديرة) ، و أرجع ...
كيفك يا يابا ! طيب؟؟
و العيد علينا وعليك يتبارك ، و العفو ..

[شبارقة]

تدفعوا كم ؟؟؟؟
ما محترف ياخ من الشبارقه فى مدنى
زى النفطى كدى
اخ يامدون من الوهم الجميل


يا خوي ، أنا مجان سااااااااااااي ، ان شاء الله بعد دا يقبلونا ....

[شبارقة]

حبيبنا شبارقه مشتاقين يااااااااااااخ

ويا سلااااااااااام علي طلاتك دي ... الزي فتحة الباب علي وليداتك وغتغتهم وهم نايمين ... وزي غتغتة الزير ب غتايتو والتأكد من إنو مليان وبنز :) .... وزي رحلتنا اليوميه في الغربه قبل النوم للحله .. نتفقدها بيت بيت، زقاق زقاق ونفاج نفاج .... ههههه الشوق بحر يا حبيب:):):)

عصمان ، كيف حالك وكل سنة وانت طيب ...
صدقت والله ، الدنيا دي شن فيها غير المطايبه و المسالمه ، و بل الخاطر بي قولة (ها ناس سلام ، و عوافي ، و كيف اصبحتو وكيف قيلتو ) !!

[شبارقة]

أخونا شبارقة كل عام وأنت بألف خير،
وكما قال الأخوة نتمنى رجوعك كسابق عهدك.:)

اختي مرام ... لك التحية ،، وكل عام وانت في تمام الصحة وكمال العافية ..
كذلك أتمنى ذلك ..
كل الود ..

[ابراهيم]

شبارقة
يا جميل انت برضو عندك مملكة في الخاطر

شنو ياخ من اكتشافك بتاع اللبانة والبصلة وبقيت رقراق

اخر الكلام مشتاقين