isamzaki1978
30-08-2010, 10:51 AM
صاحب الابتسامة الدائمة والوجه البشوش رجل الإحسان والصدقات لقوله صلى الله عليه وسلم :( تَبَسُّمُكَ فِي وَجْهِ أَخِيكَ لَكَ صَدَقَةٌ وَأَمْرُكَ بِالْمَعْرُوفِ وَنَهْيُكَ عَنْ الْمُنْكَرِ صَدَقَةٌ وَإِرْشَادُكَ الرَّجُلَ فِي أَرْضِ الضَّلَالِ لَكَ صَدَقَةٌ وَبَصَرُكَ لِلرَّجُلِ الرَّدِيءِ الْبَصَرِ لَكَ صَدَقَةٌ وَإِمَاطَتُكَ الْحَجَرَ وَالشَّوْكَةَ وَالْعَظْمَ عَنْ الطَّرِيقِ لَكَ صَدَقَةٌ وَإِفْرَاغُكَ مِنْ دَلْوِكَ فِي دَلْوِ أَخِيكَ لَكَ صَدَقَةٌ ) ."سنن الترمذي" ، وكان عندما يدرسنا القراما تكون امثلته بمها حتى عرف بها
"خالد مها" ، ولما سألته يوما عن مها هل هى الحب الأول ؟ قال مها دى أنا لم أقولها الطلبة فى الحصة النائمين بصحو والسارحين بالشباك بجو راجعين وابتسامة كبيرة على الشطار ولما ادرس البنات تبقى مها هيثم ، طبعا ياعصام هيثم حى المطار ما هيثم الخلاء وقبل القراما كان بدرسنا
A smile costs nothing ,but gives much, it takes but a moment, but the memory of it sometimes lasts forever ,a smile creates happiness in the home , fosters good will in business .
والمشكلة نحن عارفين الكلام دا لكن ما قاعدين نطبقة زى حديث علامات المنافق حافظنو من الابتدائي والى الدراسات العليا والدكتوراه واى زول يسمعو ليك قال صلى الله علية وسلم ) آيَةُ الْمُنَافِقِ ثَلَاثٌ إِذَا حَدَّثَ كَذَبَ وَإِذَا وَعَدَ أَخْلَفَ وَإِذَا اؤْتُمِنَ خَانَ ) ."البخاري" ، لكن الواحد يجيك ويقول ليك حنكتو .. وشريتو ... قميص هو ولا بنطلون، طيب الغسلو منو كان انت شريتو ، وكان أستاذنا الجليل المعز احمد صابر يقول السودانيين ديل كلهم مفروض يقلعو منهم الساعات لابسنها وجاه ساى ومافى زول مهتم بالزمن وعاملنها نكته اسمع يا سان نتلاقى بعدين الساعة أربعة تمام ، مية مية يا فردة ، اسمع ارجاني لحدى خمسة ونص ما معروفة المواصلات "طبعا دى الشماعة" ، مافى مشكلة يا فردة بس أنت تجى، أقول ليك لحدى سبعة لو ماجيتك أمشى ،وتجى عاوز امانه من زول يقولك تعال لى بكرة ولمن تجيه بكرة يقول ليك انا ما قول ليك تعال لى بكرة وبكرة ما جا ويتلفت على الجمبو ويقول ليه دقستو ، ما عارف هو الداقس ، وتبقى زول كويس يقولوا ليك دا فاكيها فى روحه
إذا ما لم يفدك العلم خيرا
فخير منه أن لو قد جهلتا
وإن ألقاك فهمك في مهاوٍ
فليتك ثم ليتك ما فهمتا
والله يسعادة المستشار نحن رغم الأساتذة الإجلاء ديل لا عرفنا عربى ولا انجليزي لسة بنكتب لكن لاكن والانجليزي دا خليهو ساى زى ما بقولوا الجماعة بطنك يوجعني ،يعنى طلعنا بى قد القفه لا علم لا فهم
ماسكين العصاية من نصها نعرف من كل علم سطر وزمان قالوا الجهل ثلاثة ان لا تعرف شيئاً وان لا تعرف جيدا وان تعرف ما ليس يجب ان تعرف ، والشفوت بمسكو العلم ويجضموه لمن يعرف حاجة يعنى من آى تو زت ،لكن نحن الحاجات العارفينها ما بنعمل بيها وقالوا العلم يحفظ بالعمل ويبقى دوركم يا سعادة المستشار لازم تعملو لينا قوانين صارمة وسمعت انو فى بعض الدول الكذاب يحاسب مثل السارق قالوا لان السارق يسرق مالك والكذاب يسرق عقلك ونحن دايرين قوانين زى دى لمن واحد يشرك تمشى تفتح فيه بلاغ طوالى فى القسم
ونواصل فى الهترشة الجاية...
"خالد مها" ، ولما سألته يوما عن مها هل هى الحب الأول ؟ قال مها دى أنا لم أقولها الطلبة فى الحصة النائمين بصحو والسارحين بالشباك بجو راجعين وابتسامة كبيرة على الشطار ولما ادرس البنات تبقى مها هيثم ، طبعا ياعصام هيثم حى المطار ما هيثم الخلاء وقبل القراما كان بدرسنا
A smile costs nothing ,but gives much, it takes but a moment, but the memory of it sometimes lasts forever ,a smile creates happiness in the home , fosters good will in business .
والمشكلة نحن عارفين الكلام دا لكن ما قاعدين نطبقة زى حديث علامات المنافق حافظنو من الابتدائي والى الدراسات العليا والدكتوراه واى زول يسمعو ليك قال صلى الله علية وسلم ) آيَةُ الْمُنَافِقِ ثَلَاثٌ إِذَا حَدَّثَ كَذَبَ وَإِذَا وَعَدَ أَخْلَفَ وَإِذَا اؤْتُمِنَ خَانَ ) ."البخاري" ، لكن الواحد يجيك ويقول ليك حنكتو .. وشريتو ... قميص هو ولا بنطلون، طيب الغسلو منو كان انت شريتو ، وكان أستاذنا الجليل المعز احمد صابر يقول السودانيين ديل كلهم مفروض يقلعو منهم الساعات لابسنها وجاه ساى ومافى زول مهتم بالزمن وعاملنها نكته اسمع يا سان نتلاقى بعدين الساعة أربعة تمام ، مية مية يا فردة ، اسمع ارجاني لحدى خمسة ونص ما معروفة المواصلات "طبعا دى الشماعة" ، مافى مشكلة يا فردة بس أنت تجى، أقول ليك لحدى سبعة لو ماجيتك أمشى ،وتجى عاوز امانه من زول يقولك تعال لى بكرة ولمن تجيه بكرة يقول ليك انا ما قول ليك تعال لى بكرة وبكرة ما جا ويتلفت على الجمبو ويقول ليه دقستو ، ما عارف هو الداقس ، وتبقى زول كويس يقولوا ليك دا فاكيها فى روحه
إذا ما لم يفدك العلم خيرا
فخير منه أن لو قد جهلتا
وإن ألقاك فهمك في مهاوٍ
فليتك ثم ليتك ما فهمتا
والله يسعادة المستشار نحن رغم الأساتذة الإجلاء ديل لا عرفنا عربى ولا انجليزي لسة بنكتب لكن لاكن والانجليزي دا خليهو ساى زى ما بقولوا الجماعة بطنك يوجعني ،يعنى طلعنا بى قد القفه لا علم لا فهم
ماسكين العصاية من نصها نعرف من كل علم سطر وزمان قالوا الجهل ثلاثة ان لا تعرف شيئاً وان لا تعرف جيدا وان تعرف ما ليس يجب ان تعرف ، والشفوت بمسكو العلم ويجضموه لمن يعرف حاجة يعنى من آى تو زت ،لكن نحن الحاجات العارفينها ما بنعمل بيها وقالوا العلم يحفظ بالعمل ويبقى دوركم يا سعادة المستشار لازم تعملو لينا قوانين صارمة وسمعت انو فى بعض الدول الكذاب يحاسب مثل السارق قالوا لان السارق يسرق مالك والكذاب يسرق عقلك ونحن دايرين قوانين زى دى لمن واحد يشرك تمشى تفتح فيه بلاغ طوالى فى القسم
ونواصل فى الهترشة الجاية...