المساعد الشخصي الرقمي

مشاهدة النسخة كاملة : الشانزليزيه


الجندي المجهول
06-09-2010, 10:59 PM
احبتي الكرام ،،،

لم اقصد ذلك القصر او ذلك الشارع بفرنسا بل قصدت حلويات الشانزليزيه بشارع سنكات جبرونا .....

اجتر الذكريات ..... وحكايات تطول ثم تطول ....

ولكن ما زال ذلك الطعم الرائع مواصل بنفس البدايات ( طعم الدهشة)


وحتى هذه اللحظات اتذكر دعايتها في التلفزيون ....

حلويات الشانزليزيه ما زالت بنفس الالق الجميل والطعم الذي لا يقاوم (عمي كان بشيلها معاهو الخرطوم ) وكان بشيل كمية من الكيلوهات حتى شكيت في ان عمي يتاجر بها ( لو لا اعلم تمام العلم بانه يمتلك مغلق في عمارة على دنقلا بالخرطوم) لقلت انه فتح فرع في شارع الحرية .... للحلويات ..

حتى هذه اللحظات ماشاء الله تواصل بنفس طعم البداية ( وامكن احلى ) ويا زمن وقف شوية ....
زمن .....

زمن جميل وحلويات اجمل

طلب صغير : ممكن زول يرسل لينا في جدة صينية باسطة من الشانزليزيه

بختك يا نزار حسن ،،،،،،،،، وما زال مسلسل الابري يواصل حلقاته في متعة ( ودهشة) وانتظار طويل يكسوه الامل ( بالفرج)
ابراهيم
06-09-2010, 11:16 PM
دسكو ....

رمضان كريم يا حبيب
امبارح فطرنا شلة من الشباب وبعد شبعنا الونسة جابت الباسطة وما ادراك ما الباسطة

المهم انا استلمت الموضوع على حسابي

وبديت احكي ليهم عن حلويات سلا وبساس وبسام ومكاوي والشانزيلزيه

وحقيقة عن تجربة انا مريت على باسطات كتيرة كان في السودان او غيره

فباسطة مدني غير من ناحية طعم وشكل وطقوس

يا سلام ياخ كان في داعي للشحتفة يا دسكو
ابو لوزة
06-09-2010, 11:17 PM
الجندي شنو في جاء عمرة وجاب ليك
معاهو كيلو باسطة ولا كيف يعني نجي
ناخذ نصيبنا منها
مدنيّة
06-09-2010, 11:53 PM
بختك يا نزار حسن ،،،،،،،،،

نزار حسن مالو يا الجندي ؟؟!! "وش مندهش"

------------------
الله يدي العافية للي كان السبب http://www.sudaneseonline.com/db/attention/200_4e.gif
الجندي المجهول
07-09-2010, 12:43 AM
دسكو ....

رمضان كريم يا حبيب
امبارح فطرنا شلة من الشباب وبعد شبعنا الونسة جابت الباسطة وما ادراك ما الباسطة

المهم انا استلمت الموضوع على حسابي

وبديت احكي ليهم عن حلويات سلا وبساس وبسام ومكاوي والشانزيلزيه

وحقيقة عن تجربة انا مريت على باسطات كتيرة كان في السودان او غيره

فباسطة مدني غير من ناحية طعم وشكل وطقوس

يا سلام ياخ كان في داعي للشحتفة يا دسكو

الحبيب ،، مشتااقين والله

يا سلام وما تنسى حلويات الشيماء وزينة وسفنكس وبلح الشام البسيمة والهريسة
غايتو ..... كلام تاني

كانت النكهة جميلة كجمال اهل المدينة ...

تخريمة : تتذكر الباسطة البتتباع بي المتر (السوق الصغير)
الجندي المجهول
07-09-2010, 12:44 AM
الجندي شنو في جاء عمرة وجاب ليك
معاهو كيلو باسطة ولا كيف يعني نجي
ناخذ نصيبنا منها

ابو لوزة حبيبنا مشتاااقين

وقبل يومن انتظرناك لكن ( بخلت علينا بالحضور)
اسمع متذكر حلويات الدرجة ( سوق الدرجة)

اسمع لو في زول جاي ياخ ان شاء الله ( ربع كيلو)
الجندي المجهول
07-09-2010, 12:47 AM
نزار حسن مالو يا الجندي ؟؟!! "وش مندهش"

------------------
الله يدي العافية للي كان السبب http://www.sudaneseonline.com/db/attention/200_4e.gif



ههههههه

نزار حسن ،،،، بختو هو في الامارات ( جاتو تقريباً) والعهدة على الراوي ( 6 كيلو ) انا قلت يا ربي نزار دا في الامارات ولا في كاب الجداد)


استفسار : يا ربي رسلها ليهو ( سامر حسن ) ولا ( جلال)

على كل حال اتمنى ان تكون المعاملة بالمثل حتى لو ( ناقص واحد كيلو)
تغريدا
07-09-2010, 12:53 AM
[quote=الجندي المجهول;526595]ابو لوزة حبيبنا مشتاااقين

وقبل يومن انتظرناك لكن ( بخلت علينا بالحضور)
اسمع متذكر حلويات الدرجة ( سوق الدرجة)

اسمع لو في زول جاي ياخ ان شاء الله ( ربع كيلو)

************************************************** ****

زى السامعة لى الدرجة وسوق الدرجة
بالله كان هناك فى محل حلويات ...............سبحان الله
أبقى للمميز فى رقبته خلاص قرب أجى

كل سنة والجميع بخير
الجندي المجهول
07-09-2010, 12:59 AM
[quote=الجندي المجهول;526595]ابو لوزة حبيبنا مشتاااقين

وقبل يومن انتظرناك لكن ( بخلت علينا بالحضور)
اسمع متذكر حلويات الدرجة ( سوق الدرجة)

اسمع لو في زول جاي ياخ ان شاء الله ( ربع كيلو)

************************************************** ****

زى السامعة لى الدرجة وسوق الدرجة
بالله كان هناك فى محل حلويات ...............سبحان الله
أبقى للمميز فى رقبته خلاص قرب أجى

كل سنة والجميع بخير

هلا بتنا تغريد عبد العظيم ،،،،

الميز قرب يجي وياريت زولاً يرسل معاهو كيلو) بس

غايتو يا تغريد ( انحنا ) منتظرين كيلو الباسطة بتاعك يجينا مع المميز وغلفيهو كويس واكتبي عليهو قابل للكسر ....
يسلم للجندي ( يد بيد) وشكراً
تغريدا
07-09-2010, 01:09 AM
[QUOTE=الجندي المجهول;526604][quote=تغريد عبد العظيم;526601]

هلا بتنا تغريد عبد العظيم ،،،،

الميز قرب يجي وياريت زولاً يرسل معاهو كيلو) بس

غايتو يا تغريد ( انحنا ) منتظرين كيلو الباسطة بتاعك يجينا مع المميز وغلفيهو كويس واكتبي عليهو قابل للكسر ....
يسلم للجندي ( يد بيد) وشكراً


أبشر بالخير
بس كدى انلم فى المميزدايرنها باسطة كيف؟
يعنى مشكلة ولاصنف واحد
ابو لوزة
07-09-2010, 01:19 AM
تعرف ياجندي ذكرتني
ايام الصباء كنا نجلس في الدرجة
عند عفيفي عند بيت ناس امام
وكنا مجموعة كلنا في عمر واحد تقريبا
ماعدا صاحبك معاذ شريف اكبر بشوية
وكان معاذ يقول لينا نمشي نشتري باسطة
ايش رايكم واي واحد يدفع نصيبة ونمش كلنا
كان عشرة كان اكتر نمشي حلويات مكاوي
ويا مكاوي جاك بلا نشتري كمية من الكيلو وات
ومعاذ يقول لينا نحن ما نمش بالباسطة دي الدرجة
لانو بياكلوها مننا واحسن شي ناكلها قبلنا هنا انت عارف وين
علي القضيب في السكة الحديد وبعدين ظلام شديد ومعاذ
مالي خشمو ومالي يدو ونحن ما شايفين شي وبعد شوية
ما نحصل في الصندوق اي حاجة وبعد ما نبداء في التحرك الي
الدرجة صاحبك يطلع الكيس من وين انا ما عارف والكيس مليان
باسطة اتاري صاحبك لقمة في خشمو والتانية في يدو والتالة في الكيس
والله ايام جملية ياتري بتجي
زي الايام دي تاني
mohd saeed magazoub
07-09-2010, 01:22 AM
والله ذكرتنا ايام المتوسطة ومدرسة الاهلية ( أ ) كنا بعد نهاية اليوم نمشي الى الشانزلزية ( الشالو ه نزل بيه )

كما كانا نقولها ايام المدرسة وكنا نعمل شيرنق وناكل الباسطة نص النهار ونشرب الموية من الازيار

الباررررررررررررردة الجنب المحل تحت الشجرة الظليلة والله ايام .......
ابو عبد الرحمن
07-09-2010, 06:00 AM
احبتي الكرام ،،،

لم اقصد ذلك القصر او ذلك الشارع بفرنسا بل قصدت حلويات الشانزليزيه بشارع سنكات جبرونا .....

اجتر الذكريات ..... وحكايات تطول ثم تطول ....

ولكن ما زال ذلك الطعم الرائع مواصل بنفس البدايات ( طعم الدهشة)


وحتى هذه اللحظات اتذكر دعايتها في التلفزيون ....

حلويات الشانزليزيه ما زالت بنفس الالق الجميل والطعم الذي لا يقاوم (عمي كان بشيلها معاهو الخرطوم ) وكان بشيل كمية من الكيلوهات حتى شكيت في ان عمي يتاجر بها ( لو لا اعلم تمام العلم بانه يمتلك مغلق في عمارة على دنقلا بالخرطوم) لقلت انه فتح فرع في شارع الحرية .... للحلويات ..

حتى هذه اللحظات ماشاء الله تواصل بنفس طعم البداية ( وامكن احلى ) ويا زمن وقف شوية ....
زمن .....

زمن جميل وحلويات اجمل

طلب صغير : ممكن زول يرسل لينا في جدة صينية باسطة من الشانزليزيه

بختك يا نزار حسن ،،،،،،،،، وما زال مسلسل الابري يواصل حلقاته في متعة ( ودهشة) وانتظار طويل يكسوه الامل ( بالفرج)

انت تعاب نفسك مالك ( يا ابو حمزة ) كلم المميز صاحبك اجيب ليك
معاهو ،،، ولا نكلمو ليك نحن ؟؟؟؟؟
ايمن عبد الله
07-09-2010, 06:18 PM
هسة يا الجندي خلي رمضان ينتهي ونكمل اليومين ديل على خير ونعيد وبعد داك رايك شنو نمشي خميس وجمعة .. نتعشى عند التاج طعمية ولا اشرف طعمية .. ونقطع الزلط عدل على الشانزليزيه .. اها معاي ولامع التانين .. ؟
الجندي المجهول
07-09-2010, 09:59 PM
تعرف ياجندي ذكرتني
ايام الصباء كنا نجلس في الدرجة
عند عفيفي عند بيت ناس امام
وكنا مجموعة كلنا في عمر واحد تقريبا
ماعدا صاحبك معاذ شريف اكبر بشوية
وكان معاذ يقول لينا نمشي نشتري باسطة
ايش رايكم واي واحد يدفع نصيبة ونمش كلنا
كان عشرة كان اكتر نمشي حلويات مكاوي
ويا مكاوي جاك بلا نشتري كمية من الكيلو وات
ومعاذ يقول لينا نحن ما نمش بالباسطة دي الدرجة
لانو بياكلوها مننا واحسن شي ناكلها قبلنا هنا انت عارف وين
علي القضيب في السكة الحديد وبعدين ظلام شديد ومعاذ
مالي خشمو ومالي يدو ونحن ما شايفين شي وبعد شوية
ما نحصل في الصندوق اي حاجة وبعد ما نبداء في التحرك الي
الدرجة صاحبك يطلع الكيس من وين انا ما عارف والكيس مليان
باسطة اتاري صاحبك لقمة في خشمو والتانية في يدو والتالة في الكيس
والله ايام جملية ياتري بتجي
زي الايام دي تاني

والله يا ابو لوزة ذكرتني ايام زمان وبالمناسبة معاذ شريف دا جنو باسطة حتى معانا انحنا كان بعمل الحركات الزول دا ( هسع ) ي سكاكا (برد ساكت) وتلقاهو بيتذكر في ايام الباسطة ساكت ،،،

قلت لي امام دفعتك ،،انت قصدك امام حسن الامام ( ههههه)
الجندي المجهول
07-09-2010, 10:01 PM
والله ذكرتنا ايام المتوسطة ومدرسة الاهلية ( أ ) كنا بعد نهاية اليوم نمشي الى الشانزلزية ( الشالو ه نزل بيه )

كما كانا نقولها ايام المدرسة وكنا نعمل شيرنق وناكل الباسطة نص النهار ونشرب الموية من الازيار

الباررررررررررررردة الجنب المحل تحت الشجرة الظليلة والله ايام .......

انت ايامكم ما جميلة وحلوة زي طباعكم

يا سلام على الزير التحت الشجرة ،، انت برضو الزير دا ( شاقي في ضلعة)

تخرمة : يا حبيب لو ربنا سهل ويوم اتقابلنا في السودان انا عازمك
الجندي المجهول
07-09-2010, 10:03 PM
انت تعاب نفسك مالك ( يا ابو حمزة ) كلم المميز صاحبك اجيب ليك
معاهو ،،، ولا نكلمو ليك نحن ؟؟؟؟؟

حبيبنا ابو عبد الرحمن
انت عارفني انا ما طماع ( باسطة + المميز) الاتنين ما بجن خليهو هو يصلنا بالسلامة دي عندنابالباسطة كلها -- اسف -- قصدي ( بالدنيا كلها )

تخريمة : لكن البسكويت احلى من الباسطة ،،،، وسفرك بقينا نشوفوا حلم حلم ....
الجندي المجهول
07-09-2010, 10:07 PM
هسة يا الجندي خلي رمضان ينتهي ونكمل اليومين ديل على خير ونعيد وبعد داك رايك شنو نمشي خميس وجمعة .. نتعشى عند التاج طعمية ولا اشرف طعمية .. ونقطع الزلط عدل على الشانزليزيه .. اها معاي ولامع التانين .. ؟

حبيبنا معقولة بس

اكيد معاك وللابد ،،،،،،
mohd saeed magazoub
07-09-2010, 10:39 PM
شكرا يالجندي على العزومة وربنا يجمعنا في ساعة خير
أبوريلان
08-09-2010, 01:44 AM
الجندي أنت ونزار حكايتكم شنو يعني لازم تجرحوا لينا صيامنا
واحد أجيب لينا في ناس بركة أكشن وآدم شية مع الصور
الدايره تتكلم وأنت تجي تجيب لينا في سيرة الباسطة ،
صدقت يالجندي باسطة الشانزلزية غير ، تعرف يالجندي
لو وضعتها في الثلاجة لي تاني يوم وأكلتها
حاجة كده ماتخلص ، ربنا يصبرنا حتي الإجازة ، بس البوست
بتاعك ده في واحد لو مر عليه ممكن يقطع دراستو
ويرجع من أمريكا ، الله يستر .
كل عام وأنت والأولاد وكل المرور هنا بخير .
محمود (أبو وضاح)
08-09-2010, 03:03 AM
يا الجندى ،،
ماشفتوا كمان باسطة بقاشة حلوانى الخواجة على شارع الجمهورية أمام بنك الوحدة سابقا بالقرب من مكتبة حاج مضوى سابقا وساعات ريمون اليونانى ، حاجة رهيبة مع الآيسكريم ..
يا حليل مدنى زمان ..
الذى أذكره تماما أنه فى موسم الصيف كانت إدارة الدفاع المدنى (المطافئ) تقوم برش الشوارع بالسوق الكبير للتبريد على البشر ومكافحة السحائى ،،
حضرتو الزمن دا !!!!
ahmed algam
11-09-2010, 11:54 AM
http://center.jeddahbikers.com/uploads/jb12842383691.jpg (http://pic.jeddahbikers.com/)



http://center.jeddahbikers.com/uploads/jb12842383692.jpg (http://pic.jeddahbikers.com/)



http://center.jeddahbikers.com/uploads/jb12842384051.jpg (http://pic.jeddahbikers.com/)



http://center.jeddahbikers.com/uploads/jb12842384052.jpg (http://pic.jeddahbikers.com/)



http://center.jeddahbikers.com/uploads/jb12842384053.jpg (http://pic.jeddahbikers.com/)




http://center.jeddahbikers.com/uploads/jb12842384054.jpg (http://pic.jeddahbikers.com/)



http://center.jeddahbikers.com/uploads/jb12842384055.jpg (http://pic.jeddahbikers.com/)
ahmed algam
11-09-2010, 11:56 AM
http://center.jeddahbikers.com/uploads/jb12842385381.jpg (http://pic.jeddahbikers.com/)



http://center.jeddahbikers.com/uploads/jb12842385382.jpg (http://pic.jeddahbikers.com/)



http://center.jeddahbikers.com/uploads/jb12842385383.jpg (http://pic.jeddahbikers.com/)



http://center.jeddahbikers.com/uploads/jb12842385384.jpg (http://pic.jeddahbikers.com/)
ahmed algam
11-09-2010, 11:57 AM
http://center.jeddahbikers.com/uploads/jb12842386381.jpg (http://pic.jeddahbikers.com/)
ايمن عبد الله
11-09-2010, 01:21 PM
شكيت محنك يا ود علقم ..

عملتوها بايخة زي ناس اولمبيك خريبكة ..

طيب ما كان تصور لي اشرف طعمية .. وتتجه خطوتين وراء لي ناس التاج طعمية وتصور لينا كوارع ..

وبكرة تمشي لي بركة بتاع الاقاشي ..
ahmed algam
12-09-2010, 07:50 AM
شكيت محنك يا ود علقم ..

عملتوها بايخة زي ناس اولمبيك خريبكة ..

طيب ما كان تصور لي اشرف طعمية .. وتتجه خطوتين وراء لي ناس التاج طعمية وتصور لينا كوارع ..

وبكرة تمشي لي بركة بتاع الاقاشي ..




حاضر ياايمن انت تأمر
ود المطامير
12-09-2010, 08:17 PM
أى والله يا الحبيب ( مشتااااقين )

وبالمناسبه حلاوه لكوم فى ولأ إتلحست ؟
ايمن عبد الله
13-09-2010, 08:21 AM
أى والله يا الحبيب ( مشتااااقين )

وبالمناسبه حلاوه لكوم فى ولأ إتلحست ؟


والله انت قديم قدم .. ايييييييك .. والله صحي ليك 13 سنة ..

بتعرف حلاوة حلي وحلاوة قصب يا مطاميرووو .. ولا دي نسيتها ؟
ود المطامير
13-09-2010, 09:14 AM
والله انت قديم قدم .. ايييييييك .. والله صحي ليك 13 سنة ..

بتعرف حلاوة حلي وحلاوة قصب يا مطاميرووو .. ولا دي نسيتها ؟
يطرشنى ;););)
عزيز عيسى
13-09-2010, 09:46 AM
عارف يا الجندي المجهول يا ديسكو أو كما قال
سيد القوم حبيبنا برهوته رضي الله عنه وأرضاه..
كنت أنا وشقيقي الأكبر في زيارة لبيت ناس حبيب الكل
نبيل حمدتو.. طبعا إلتقينا بوالده الأستاذ عصام حمدتو
(أبونبيل) وباقي أخوانه وجيرانهم في الحي..
الكلام دا كان في نهاية عام 2007 عند زيارتي لمدني..
أها يا حبيب بعد ما خرجنا منهم عيني وقعت على محل
مكتوب عليه شنزليزيه.. قمت وقفت أخوي وطوالي نزلت..
قال لي يازول ماشي وين؟
قلت ليهو: معقولة أجي ماري بجنب محلات الشنزليزيه
وما إشتري باسطة؟.. ثم ثانيا المحل دا كان في السوق
هناك الجابو هنا شنو؟
لكن كلامكم صحيح.. باسطة شانزليزيه ما تأكلها وهي
طازجة.. ختها في الثلاجة وتعال تاني يوم أكلها..
حاجة ما تخلص.
والله زمان يا شنزليزيه.
هو منو في مدني ما بحب باسطة شنزليزيه؟!!.
ايمن عبد الله
13-09-2010, 10:20 AM
تحياتنا اخونا عزير ..

المحل ده اتخايل لي من ما قام ياهو مكانوا شارع سنكات جبرونا ..

لكن كان في حلواني .. في شارع الجمهورية بي اسم اقرب لي قصر الشانزليزيه او حاجة زي كده ..

لكن الشانزليزيه الاصلي مكانه شارع سنكات جبرونا من ما قام .. في الثمانينات وكانت دعايتو معروفة .. الشانزليزيه يا اصيل .. اقتباساً من لحن الاغنية المشهورة مستحيل عن حبك اميل ..


والله اعلم ..
نزار احمد كوارتي
13-09-2010, 10:38 AM
والله يا شباب إتزكرته لي مقلب جميل عملتو في واحد
أخونا من أولاد حي الثوره الله يطراه بالخير
كنا راكبين سنكات جبرونا وجينا ليك بي قدام الشانزلزيه
والريحه ما تديك الدرب وصاحبك قام يتمطق ومادي رقبتو
الفي جيبنا كلو ما تم حق ربع الكيلو دي يحلوها كيف؟
قمته فكرته ليك كده وقلته ليه تعرف يا معلم ننزل نشتري لينا نص ربع
يعني بي عربي الرياضيات كده تمن كيلو ودقستو ليك قلته ليه عااااادي انا طوالي قعد أشتري نص ربع
صاحبك وقف ليك العربيه ونزلنا قمته قلته ليه انا بنتظرك بره أمشي جيبو وتعال
دخلتو كده جات ليك حافلة عمك علي كباكا وركبته ليك وانا ميت من الضحك
صاحبك طردو ليك جنس طرده وجا مارق لا لمه فيني لا لمه في الباسطه
هههههههههههههههه والله أيام يا زمان