isamzaki1978
07-09-2010, 06:00 AM
الجن بداوا كعب الاندراوة
خميسك لو تبيع قميصك ،الساعة ألان ساعة مواعيد كتابة الهترشات فالليلة الخميس وأنا ما خميس ، ذهبو ناس خميس لملاقاة الأحباب أو النصف الأخر وأنا هنا مازلت ابحث عن النصف الأول لأسطر لك عزيزي هترشات من النوع أبو كديس وكديس واحد من اصحابى الكنت بلعب معاهم وقالو لى ما تلعب مهاهم عشان البلعب مع الكدايس بخربشنو والببارى الجداد بودى الكوشة والكوشة فى الحفلة والحفلة كلها اضربني بى مسدسك املانى انا رصاص وانا قلم الرصاص بتاعى سنو انكسرت ، والبقعد مع الطير بطيرن يخلنو، هسة كلو طار مشى الشجرة . وأنت يا مهترش لى ما عندك نص تانى ، نص تانى زمان أنا وانس صاحبى سكنا مع عمك كبير وكان زول ظريف ما بطلب طلب مباشر يعنى يقول ليك كان فى واحد ماشى المطبخ يجيب لى معه موية ويقوم انس صاحبى يمشى يجيب الموية وطبعا مهترش زول دغيل كانو اطرش ما سامع حاجة ومرة جا ابن اختة وسكن معانا وكان بدأ دراسه فى واحدة من الدول الاروبية لكن مشكلته كتر من الابرى بتاع عمك محجوب ، فكان انس يسأل عمك هو هسة ببحث عن شغل ولا عاوز يكمل دراسه هنا فى السودان فاجابة عمك هو هسة ببحث عن نفسه "زى كدا" وزى ما قال لى صاحبى الما جن الزمن دا ما عاقل وطبعا أخوك فرصة زى دى ما بضيعها ادقس يعنى واكون ما عاقل، هسة قبل كم يوم ماشفت عم محجوب بتكلم كيف عن حنان سكاليب هسه عليك الله زى دا مابجنن وهناى وهناية دا زاتو الجنن عبد القادر وهى هناية زات ما دقست ادقس انا ، لما سالوها عن هناى والشاكوش الادتو ليو قالت ليهم يا اخوان انا جانى عريس وانا عاوزه اجوز ما المسلسلة يعنى انا دايره اعرس والعريس ما بتفوت عندو بيت وعربية وقروش وشغال مهندس وكمان عندو خبرة طويل وانا قعدت وفكرت لقيت ما عندى حاجة ولا آمل غير هناى واذا استثمرت الفرصة دى بعد سنتين تلاتة بكون عندى رصيد فى البنك وعربية وبيت والعرسان بيكون كتار وأنا اختار وهناى خلو ساى لاعلم لافهم كل خميس يجبنى حبيبى مفلس ويوم يكون مقندل نمشى قدر ظروفك ويقول لى نبنى عشنا قشة قشة هو قايلنى انا طيرة .
والله يا مهترش انت زى ما قال عمك محجوب " الجن باداواء كعب الاندراوة" وانت بتاعتك دى اندراوه عديل كدا ، يا اخى انت ما ناقش انت زول بليد انت زاتو انا ما مفروض اقعد معاك انت ما سمعت ؟؟؟ لمن قال "لا توجد عبقرية الا اذا كانت ممزوجة بشى من جنون" انت قايل الناس القاعدين فى التجانى الماحى مجانين يا بليد ديل كلهم ناس مفتحين ومما شدت ما مفتحين مولودين فى مستشفى العيون ، وأنت ذكرتني أول أمس موش ود المطامير كان عامل عزومة وعازم كل الشفوت ناس ود النور ود البلال وعمك محجوب واحددين مقمتين زيك كدا انا ما بعرفم وهيصة وضبايح أنت ما عارف مشكلة ود المطامير مع الزول النزل معاهو الحاجات بتاعت العزومة والشأل معاهو شوال السكر عشان يكتر الابرى.. الحلها ليو منو ، ما حلها ليو هناى المجنون داك وجانى يضحك قلت ليو مالك يا جنو قال لى مشيت لقيت واحد زميل عامل مشكله مع ود المطامير وقلت ليهم يا أخوانا باركوها فى شنو ود المطامير قال لى الزول دا قلت ليهو شيل معاى الحاجات دى قال لي تدينى شنو قلت ليو ولا حاجه وهسة متعبط فينى وقال لازم أنا اديو الولاحاجة القلتها ليو ، يا خى هسه دى مشكلة اسمع يا زميل انت حسابك علىّ خلاص يا ود المطامير انت امش جهز العزومة عاوزين لينا شبعه بالطريق الصاح وانت يا زميل شايف الحجر داك ؟ آى ،امش ارفعو تلقى تحتو حسابك ،اه لقيت شنو؟ ولا حاجة ،خلاص شيلا امش ،
نواصل فى الهترشة الجاية
خميسك لو تبيع قميصك ،الساعة ألان ساعة مواعيد كتابة الهترشات فالليلة الخميس وأنا ما خميس ، ذهبو ناس خميس لملاقاة الأحباب أو النصف الأخر وأنا هنا مازلت ابحث عن النصف الأول لأسطر لك عزيزي هترشات من النوع أبو كديس وكديس واحد من اصحابى الكنت بلعب معاهم وقالو لى ما تلعب مهاهم عشان البلعب مع الكدايس بخربشنو والببارى الجداد بودى الكوشة والكوشة فى الحفلة والحفلة كلها اضربني بى مسدسك املانى انا رصاص وانا قلم الرصاص بتاعى سنو انكسرت ، والبقعد مع الطير بطيرن يخلنو، هسة كلو طار مشى الشجرة . وأنت يا مهترش لى ما عندك نص تانى ، نص تانى زمان أنا وانس صاحبى سكنا مع عمك كبير وكان زول ظريف ما بطلب طلب مباشر يعنى يقول ليك كان فى واحد ماشى المطبخ يجيب لى معه موية ويقوم انس صاحبى يمشى يجيب الموية وطبعا مهترش زول دغيل كانو اطرش ما سامع حاجة ومرة جا ابن اختة وسكن معانا وكان بدأ دراسه فى واحدة من الدول الاروبية لكن مشكلته كتر من الابرى بتاع عمك محجوب ، فكان انس يسأل عمك هو هسة ببحث عن شغل ولا عاوز يكمل دراسه هنا فى السودان فاجابة عمك هو هسة ببحث عن نفسه "زى كدا" وزى ما قال لى صاحبى الما جن الزمن دا ما عاقل وطبعا أخوك فرصة زى دى ما بضيعها ادقس يعنى واكون ما عاقل، هسة قبل كم يوم ماشفت عم محجوب بتكلم كيف عن حنان سكاليب هسه عليك الله زى دا مابجنن وهناى وهناية دا زاتو الجنن عبد القادر وهى هناية زات ما دقست ادقس انا ، لما سالوها عن هناى والشاكوش الادتو ليو قالت ليهم يا اخوان انا جانى عريس وانا عاوزه اجوز ما المسلسلة يعنى انا دايره اعرس والعريس ما بتفوت عندو بيت وعربية وقروش وشغال مهندس وكمان عندو خبرة طويل وانا قعدت وفكرت لقيت ما عندى حاجة ولا آمل غير هناى واذا استثمرت الفرصة دى بعد سنتين تلاتة بكون عندى رصيد فى البنك وعربية وبيت والعرسان بيكون كتار وأنا اختار وهناى خلو ساى لاعلم لافهم كل خميس يجبنى حبيبى مفلس ويوم يكون مقندل نمشى قدر ظروفك ويقول لى نبنى عشنا قشة قشة هو قايلنى انا طيرة .
والله يا مهترش انت زى ما قال عمك محجوب " الجن باداواء كعب الاندراوة" وانت بتاعتك دى اندراوه عديل كدا ، يا اخى انت ما ناقش انت زول بليد انت زاتو انا ما مفروض اقعد معاك انت ما سمعت ؟؟؟ لمن قال "لا توجد عبقرية الا اذا كانت ممزوجة بشى من جنون" انت قايل الناس القاعدين فى التجانى الماحى مجانين يا بليد ديل كلهم ناس مفتحين ومما شدت ما مفتحين مولودين فى مستشفى العيون ، وأنت ذكرتني أول أمس موش ود المطامير كان عامل عزومة وعازم كل الشفوت ناس ود النور ود البلال وعمك محجوب واحددين مقمتين زيك كدا انا ما بعرفم وهيصة وضبايح أنت ما عارف مشكلة ود المطامير مع الزول النزل معاهو الحاجات بتاعت العزومة والشأل معاهو شوال السكر عشان يكتر الابرى.. الحلها ليو منو ، ما حلها ليو هناى المجنون داك وجانى يضحك قلت ليو مالك يا جنو قال لى مشيت لقيت واحد زميل عامل مشكله مع ود المطامير وقلت ليهم يا أخوانا باركوها فى شنو ود المطامير قال لى الزول دا قلت ليهو شيل معاى الحاجات دى قال لي تدينى شنو قلت ليو ولا حاجه وهسة متعبط فينى وقال لازم أنا اديو الولاحاجة القلتها ليو ، يا خى هسه دى مشكلة اسمع يا زميل انت حسابك علىّ خلاص يا ود المطامير انت امش جهز العزومة عاوزين لينا شبعه بالطريق الصاح وانت يا زميل شايف الحجر داك ؟ آى ،امش ارفعو تلقى تحتو حسابك ،اه لقيت شنو؟ ولا حاجة ،خلاص شيلا امش ،
نواصل فى الهترشة الجاية