عبر صالة كبار الزوار بمطار الخرطوم الدولي تهريب طفلة (محظورة) إلى براغ [الأرشيف]

مشاهدة النسخة كاملة : عبر صالة كبار الزوار بمطار الخرطوم الدولي تهريب طفلة (محظورة) إلى براغ

الجندي المجهول

07-09-2010, 10:23 PM

تفاصيل هذه القضية أشبه بفيلم سينمائي لجيمس بوند.. ترتيبات وسيناريوهات كثيرة سبقت أغرب عملية تهريب بشرية شهدتها البلاد، ضحيتها طفلة في الثامنة، سودانية الأب تشيكية الأم كانت تقيم مع والديها بأحد أحياء العاصمة، وتدرس بالصف الثالث أساس باحدى المدارس الخاصة ولكن يبدو ان الأم التشيكية كانت تفضل العيش في (براغ) مع والدتها التشيكية الجنسية وطفلتها ، وذلك ضد رغبة الأب الذي قرر تربية طفلته بالسودان على تعاليم الدين الاسلامي والاخلاق السودانية ولذلك قام بحظر سفر طفلته من مغادرة البلاد إلا بإذنه وموافقته بينما ترك الخيار مفتوحاً لزوجته للسفر الى العاصمة (براغ) شهرياً لزيارة والدتها ولكن بدون الطفلة.
وبعد أن إطمأن الأب الى اجراءات حظر سفر طفلته غادر الى المملكة العربية السعودية لاداء العمرة، فانتهزت زوجته فرصة غيابه خارج البلاد، وقامت وبمساعدة بعض الأفراد، بتهريب الطفلة(المحظورة) وغادرت البلاد عبر صالة كبار الزوار الى القاهرة ومنها الى (براغ) .. اقتحمت كل الابواب، واجتازت كل الضوابط والاجراءات بمطار الخرطوم الدولي وتسللت بطفلتها خارج البلاد عبر (صالة كبار الزوار) رغم أن الطفلة محظورة من السفر بواسطة احدى المحاكم بالخرطوم بصورة الى القوائم بالجوازات ، ومدير عام الجوازات وصورة ثالثة من الحظر لجوازات الاجانب، ورغماً عن ذلك تم تهريب الطفلة (المحظورة) بواسطة والدتها التشيكية ومساعدة آخرين، وسط دهشة واستغراب الأب.. (وستقوم صحيفة الراي العام بكشف المزيد عن هذه القضية في الايام القادمة)

منقووووووووووووووووول

تخريمة : بالنسبة لي مطار الخرطوم من الناحية (المظهر والانضباط) زي (سوق ام دفسوا) او سوق الجمعة او سوق ليبيا مع احترامي ( لسوق ليبيا) ..

ضربة جزاء : بلا شك طالما ان الطفلة محظورة ومع ذلك خرجت فهذا يعني ان هنالك تقصير أو ( رشوة) وان بعض الظن اثم ولكن الموضوع واضح وبين ولا يحتاج لذكاء ،،،، والشئ المحير بصالة كبار الزوار ( ههههه) وسلم لي على ( براغ)

بصراحة المطار محتاج إلى إعادة صياغة من اول وجديد من كل النواحي ،،

والسودان في حدقات العيون ،،،،،،، والقومة ليك يا وطني

مدنيّة

07-09-2010, 10:32 PM

الاول النسال سؤال
الام كيف سافرت عبر صالة كبار الزوار ؟!!
يعني حسب مابعرف
انه الصالة دي ما بتتبفح لاي زول
ولا اي زول بيقدر يسافر عبرها

--------------------
الجندي بحس في كتير من تعاليقك بتشاؤم كبير جدا
ومابتدي اي مساحة للتفاءول
خلي عندك امل "ولا بلاش امل دي :mad: "
خلي عندك نظرة تفاولية لغدٍ افضل
----------------
همسة : مالك الليلة لابس الطاقية ؟!! :cool:

moh_alnour

07-09-2010, 11:46 PM

الجندي بحس في كتير من تعاليقك بتشاؤم كبير جدا و ما بتدي أي مساحة للتفاءول

أما أنا فأحس في مواضيع الجندي بأنه لا ينظر دائما ً إلى النصف الممتليء من الكوب
فكل مواضيعه الأخيرة تتحدث عن جوانب سلبية فقط و قصور في جهة ما و كأن الصورة بهذه القتامة
أو كأن الحال في البلاد ليس فيه بعض الإشراقات التي يمكن التحدث عنها
كما أن أغلب الموضوعات منقولة مع إضافة بعض التعليقات التي يكون فيها شيء
من الظلم و الإجحاق
في حق بعض الجهات الخدمية بالبلاد ( هذا من وجهة نظري الخاصة )
رفقا ً أخي الجندي فما هكذا تورد الإبل و ما كان هذا ديدنك في الكتابة و طرح الموضوعات بالمنتدى
أحتراماتي

الجندي المجهول

08-09-2010, 12:05 AM

تحياتي ،، اخي محمد النور واختي مدنية

قول الحق وليس إلا ......

اذا قول الحق جريمة ... فانا مجرم واذا كان غير ذلك ..... فدعوني اقول الحق ولو في ابسط صوره ...

معليش .. شابكني تفاؤول وتشاؤوم والنظر إلى النصف المملوء من الكوب ،، يعني لما نشوف غلط ما نتكلم ولا شنو ؟

حقيقة لا احب ان امارس سياسية دفن الرؤوس في الرمال

عذراً اخي محمد النور قد ذكرت (ما كان هذا ديدنك في الكتابة و طرح الموضوعات بالمنتدى ) ... شكلك ما متابع ماذا اكتب بالعكس كل كتاباتي تأخذ هذا الطابع من النقد البناء والقصد منه (الرجوع للحق) لان ليس هناك كبير على النقد خاصة اذا كان الامر يتعلق بالسودان ( لان السودان وطن للجميع) وليس ملك لاحد ..

تخريمة : عفواً اخي محمد النور واختي مدنية ( مشاركتكم غير موفقة )

انا اظهرت السلبيات عسى ولعل ان يمر هذا البوست باحد المسؤولين ليتم تدارك الامر والاهتمام بكافة النواحي بالمطار من ( مظهر وامن وانضباط وخدمة) لانه واجهة البلاد واتمنى ( لبلدي السودان) الرفعة والتقدم ...

اما اذا عاوزننا نمارس سياسية ( كسير التلج ) والشكر الما في محله فهذه (البضاعة ) لا توجد في دكاني ( شوفوا تاجر غيري)

ولا يصح إلا الصحيح ،،، ولا اخاف في قول الحق لومة لائم .....

تخريمة : ارجو النظر إلى السلبيات وطرحها وكيفية معالجتها ،،، يعني يجب مواجهة المشكلة لحلها .... وانا طرحت مشكلة تعتبر ثغرة ( امنية كبيرة) لانه الذي اخرج (طفلة) يمكن ان يدخل (ارهابي ) وهذا اضعف الايمان ...

في الاخر نكتب ونشجب وندين (محبةًَ) في السودان ذلك الوطن العالي الشامخ ....

ولا اكتب لانني انتمى لحزب ولا انتمي لجماعة معارضة (حر ) الحمد لله (مغترب في بلاد الله ) وساكي اكل عيشي لا مرشح لوزارة ولا محافظة مواطن في حال نفسه ولكنه ( يعشق وطنه ) ويتمناه ان يكون (الاول) في كل شئ واذا كانت في ذلك جريمة او مخالفة ( فخبروني بها) ،،، في الصحيح نسال الله التوفيق ،، وفي الخطأ نكتب ونكتب ونكتب وندين إلا ان يستقيم الظل المعوج ( شاء البعض ام ابى) ...
مع خالص الود والتحايا ،،،

مدنيّة

08-09-2010, 12:16 AM

الجندي المجهول

08-09-2010, 12:24 AM

هدي من روعك يا محمد الامين يااخوي
مافي زول قاليك انك بتنتمي لحزب ساسي او خلافه
او ما تقول الحق
او ما تنتقد
او تمارس سياسة كسير التلج
لكن لا ضير من قليل من التفاؤل "من وجه نظري المتواضعة"

------------------
عموما لك عميق اسفي علي مشاركتي الغير موفقة
لكن والله القصد منها كان ان اجعلك تنظرة بنظرة تفاؤلية لبكرة ليس الا

--------------------
اكرر عميق اسفي يامحمد
ولك العتبي حتي ترضي

-----------------
غايتو اتاري رمضان دا حااااااار خلا :cool:

والله انا اكتر زول متفائل ودائماً عندي عطبرة اسف قصدي (امل)

ولكن هذا النصف الذي تتحدثون عنه (لم تظهر له ملامح حتى الان)
عن نفسي والله والله اتمنى ان ينصلح الحال ( اقلاها) اقدر ارجع السودان واقعد مع ( امي وابوي )

والله والحمد لله الذي جعل في ( قلبي) حرارة قلب تجاه هذا البلد (وافخر) بها وافاخر الحمد لله (ووجعتي ) على الوطن دي لو وزعوها (على المسؤولين) صدقيني (جمال ولدك ) الله يطول في عمرو من كيه جيه ون وحتى ما يتخرج من كلية الطب (بيقرا مجان)

بس المسكلة حرارة قلب مافي .....

زول عاوز يخدم البلد مافي .......

ورمضان كريم ....

اولا واخير (محبة السودان) تمتلك كل المساحات عندي لذلك لن ارضى بغير (الجميل الصحيح الاحسن) فلا تلوموني في حبي في بلد

ويشهد الله النقد من اجل البناء والتصحيح والرجوع للحق ............

وطنى السودان احب مكان ......

مدنيّة

08-09-2010, 12:33 AM

ويشهد الله النقد من اجل البناء والتصحيح والرجوع للحق ............

وطنى السودان احب مكان ......

عارف يا الجندي
انا مسكت من كلامك الحتة دي
لاني وااااااااااااااااااااثقة جدا
انه حرارة قلبك دي عشان السودان لس الا

-------------------
لكن اها تعال النتكلم معك بلغة تانية
هسي انت مش بتشجع المريخ دا ، رغم هزائمه المتكررة
وطول جدا مدفق لينا موية وشنا قدام الاخوة الاعداء؟!

اها خليته وقلت النشوف لي شغلة غيره ؟!
ماممكن طبعا
عارف لية؟
لانه الحب والعشق دا
مابتخلي بهزيمة ولا بيجي بانتصار
دي حاجة بتنمو مع الانسان وبتكبر معه

-----------------
كلنا بنأمل انه بكرة يكون احلي
وجمال وحمزة يقروا بالمجان واول ما يخلصوا قرايتهم يلقوا شغل في تخصصاتهم اول ما يستلموا شهادتهم
مش يقعدوا بالسنين يفتشوا ومايلقوا ليهم وظيفة

--------------------
حال البلد فعلا محزن
لكن يامحمد يااخوي خلينا نعيش بفهم بكرة احلي
ويااااااااااااارب ببركة الشهر الكريم دا
بكرة يكون احلي علي سودانا

--------------------
دع مساحة لمحمد الامين "المتفائل" يتحرك من خلالها

"لو سمحت لي بالجملة دي ومااعتبرتها مشاركة غير موفقة ، ثمح" :cool:
-----------------
همسة :
همستي الاولي مارديت عليها
والهمسة التانية
جبت هدوم العيد لحمزة ولا عامل رايح "باعتبارك اول عيد وانت اب وكدا" :)

الجندي المجهول

08-09-2010, 12:45 AM

عارف يا الجندي
انا مسكت من كلامك الحتة دي
لاني وااااااااااااااااااااثقة جدا
انه حرارة قلبك دي عشان السودان لس الا

-------------------
لكن اها تعال النتكلم معك بلغة تانية
هسي انت مش بتشجع المريخ دا ، رغم هزائمه المتكررة
وطول جدا مدفق لينا موية وشنا قدام الاخوة الاعداء؟!

اها خليته وقلت النشوف لي شغلة غيره ؟!
ماممكن طبعا
عارف لية؟
لانه الحب والعشق دا
مابتخلي بهزيمة ولا بيجي بانتصار
دي حاجة بتنمو مع الانسان وبتكبر معه

-----------------
كلنا بنأمل انه بكرة يكون احلي
وجمال وحمزة يقروا بالمجان واول ما يخلصوا قرايتهم يلقوا شغل في تخصصاتهم اول ما يستلموا شهادتهم
مش يقعدوا بالسنين يفتشوا ومايلقوا ليهم وظيفة

--------------------
حال البلد فعلا محزن
لكن يامحمد يااخوي خلينا نعيش بفهم بكرة احلي
ويااااااااااااارب ببركة الشهر الكريم دا
بكرة يكون احلي علي سودانا

--------------------
دع مساحة لمحمد الامين "المتفائل" يتحرك من خلالها

"لو سمحت لي بالجملة دي ومااعتبرتها مشاركة غير موفقة ، ثمح" :cool:
-----------------
همسة :
همستي الاولي مارديت عليها
والهمسة التانية
جبت هدوم العيد لحمزة ولا عامل رايح "باعتبارك اول عيد وانت اب وكدا" :)

جبتي التايهة ...
انا بشجع المريخ وهو غالب وهو مهزوم

عند الفوز اصفق وعند الهزيمة بنظر وبشوف الهزيمة وين وخاصة (الايام دي في لاعبين ) لا يستحقون ارتداء هذا الشعار ) وكذلك في مسؤولين في الحكومة ادائهم ضعيف يجلسون في تلك المناصب بحكم (الولاء فقط) وليس المؤهل .. وانت وانا وكل السودان نعرف هذا الشئ جيدا ....
مثلما نتمنى ان يأتي المريخ بلاعبين ( اشداء) وعندهم حرارة قلب تجاه النادي نتمنى ان تأتي الحكومة بمسؤولين (اصحاب وجعة) حتى يعملوا من اجل (السودان)

تخريمة : المريخ (يشبه السودان الان ) والله انت خطيرة وشرحت الموضوع براك وبقيتيهو ساهل جداً

سؤال : في بالك موسى الزومة = بيساوي منو في الحكومة ( زول طرف شمال وكدا) ....

غايتو الاتنين عاوزين ( شطب)

مع خالص التحايا ،،، وكل عام وانت بخير وعيد سعيد .....

مع اللفة : يعني لما المريخ يتغلب وازعل ما ( اقول الحقيقة ) واقول فلان لعبه لا يشبه المريخ ..... ولا اقول لا خليهو امكن يتعلم

السودان والمريخ (يحتاجان) وجيع وقلبه حار ( وكدا انا بتفق معاك) ونقول بكرة احلى باذن الله ،،،

تخريمة : حمزه قال عاوز ابري ( ما عاوز هدوم عيد)

بنت الرفاعي

08-09-2010, 12:52 AM

الاول النسال سؤال
الام كيف سافرت عبر صالة كبار الزوار ؟!!
يعني حسب مابعرف
انه الصالة دي ما بتتفتح لاي زول
ولا اي زول بيقدر يسافر عبرها

سؤال وجيه، ولكن من يستطيع الإجابة عليه؟؟
أو بالأصح من سيعترف بالأمر؟؟:confused::(

الله يهون، ويحفظك يا وطن.

مدنيّة

08-09-2010, 12:53 AM

تخريمة : المريخ (يشبه السودان الان ) والله انت خطيرة وشرحت الموضوع براك وبقيتيهو ساهل جداً

انت قايل شنو يا الجندي ؟!
الحب والعشق هو المحرك الاساسي لحرورية القلب
عشان كدا جبت ليك التائهة
لاني واثقة انك بتعشق السودان
ولا تقبل به الا منتصرا

مع اللفة : يعني لما المريخ يتغلب وازعل ما ( اقول الحقيقة ) واقول فلان لعبه لا يشبه المريخ ..... ولا اقول لا خليهو امكن يتعلم

لو ما انتقدت المريخ وهو مهزوم ما ح تشعر بالسعادة معه وهو منتصر يا محمد يااخوي
ننتقد المريخ
وننتقد الحكومة
وننتقد كل شئ سلبي بنشوفه
لكن برضو بنخلي عندنا "يااخونا مافي بديل لكلمة امل دي؟! ههههههههههههههه" امل في بكرة انه يكون احلي

السودان والمريخ (يحتاجان) وجيع وقلبه حار ( وكدا انا بتفق معاك) ونقول بكرة احلى باذن الله ،،،

حرورية القلب مطلوبة
والتفاءل برضو مطلوب يامحمد
عشان يساعد علي الحرورية دي

تخريمة : حمزه قال عاوز ابري ( ما عاوز هدوم عيد)

رد التخريمة
مبااااااااااااااااااالغة تبعا حمزة http://www.sudaneseonline.com/db/attention/200_4e.gif
الله يدي العافية للي كان السبب و"استل ناو" هو السبب
لكن خلا هاااااااااانت باذن الله

مدنيّة

08-09-2010, 12:55 AM

سؤال وجيه، ولكن من يستطيع الإجابة عليه؟؟
أو بالأصح من سيعترف بالأمر؟؟:confused::(

الله يهون، ويحفظك يا وطن.

دا اول سؤال ممكن يوصل لنهاية القضية دي يامرام "وش المحقق كونان"

-------------------
كل سنة وانتي طيبة ياحبيبة

الجندي المجهول

08-09-2010, 01:10 AM

سؤال وجيه، ولكن من يستطيع الإجابة عليه؟؟
أو بالأصح من سيعترف بالأمر؟؟:confused::(

الله يهون، ويحفظك يا وطن.

بتنا مرام صباح الخير ،،،

قبل ما ارد على المشاركة ،،، طبعاً انحنا مسلمين والحمد لله

وبكل تأكيد ليس من صفات المسلم الكذب او النفاق

ارجع للموضوع ..
بكل اسف تجدين المسؤول عندنا ( ياتي بمبررات) لا تنطبق مع الواقع واشياء من الخيال ولا (يعترف) بالخطا ويمارس سياسة دفن الرؤوس في الرمال ..

عكس الدول الاخري (الغير مسلمة)
المسؤول عندما يخطي ،،،
بيعمل مؤتمر صحفي

يعترف بالخطأ
يقدم استقالته

اها انحنا الاتنين ديل ما عندنا مع اننا ( مسلمين)

لا بنعترف بالخطأ لا بنستقيل !!!!!

ويامرام انا وانت كتير مننا لو ما عاجبنا ( النقع البحر او نضرب راسنا في الحيطة)

اها جيتك وجب ليك معاي (الزيدة) عشان ما تفتشي لي مسؤول يجي يعترف ليك بالخطأ

تخريمة : حتى المسؤول العندنا البخفق او لا ينجح فيما اوكل إليه من مهام ( تتم ترقيته وإلى منصب اكبر) وهذه من روائع الفن العجيب في السودان ) تغلط تترقى ،،، تمشى عديل ( الصالح العام راجيك)

واضحكي معاي تضحك معاك الدنيا وبكرة احلى زي ما قالت ( عمتنا) ونسال الله ان يولي القوي الامين امورنا وامور المسلمين امين يا رب العالمين ،،،

بنت الرفاعي

08-09-2010, 02:31 AM

دا اول سؤال ممكن يوصل لنهاية القضية دي يامرام "وش المحقق كونان"

-------------------
كل سنة وانتي طيبة ياحبيبة

بالتأكيد، لكن المشكلة في قانون أعمل نائم و التغطية والتستر و.......إلخ
إن شاء الله تطلع الحقائق والناس تفهم الحاصل.

-------------------------

وأنت طيبة وبألف خير.:)

محمود (أبو وضاح)

08-09-2010, 02:57 AM

انتو نسيتو خروج الصحفية لبنى حسين ولا شنو ؟؟؟
هناك الكثير والمثير والخطر !!!
رجل أعمال مشهور عليه شكاوى وأحكام متلتلة خرج من مطار الخرطوم ويعيش حاليا خارج السودان فى بحبوحة من النعيم ، بينما ضحاياه لازالوا بالسجون .

ايمن عبد الله

08-09-2010, 05:14 AM

سلام وتحياتي للجميع وكل سنة وانتم طيبين ..

يا جماعة ليه ما نقول ان الامر وراهو سفارة بلادها التشيكية .. والشي المعروف ان السودانيين يتعاملو ببلادة مع الاجانب يعني ممكن اي حد شغال في السفارة يضيف البنت في جواز سفره او يطلع ليها جواز جديد ويصطحبها .. واكاد اجزم ان الموظف السوداني في كاونتر الجوازات .. لا دقق ولا شاف ولا عمل اي شي واكيد بكل ثقة واطمئنان دق ليهم exit في جوازاتهم .. وهو قايل نفسه كده خدم البلد واحترم ضيوف البلد .. للاسف نحن ما عندنا اي نظام للتحكم في مثل هذه الاشياء .. ولو في نظام كان ممكن يكون في بيانات للطفلة متى دخلت السودان ومن هي .. عن طريق البصمة أو (بصمة العين) كما هو الحال في كل مطارات الدنيا ولو كان لها اي بيانات .. سابقة .. وعند الخروج تغيرت البيانات .. سيكون سهلاً جداً الكشف عن مثل هذه الحالات ..

هذه هي القضية التي رفعها أهلها وتحدث الاعلام عنها ... فاشتهرت وعرف الناس بها ...

ولكن ترى كم من طفل وطفلة سافروا بأوراق مزورة من غير موافقة الوالد ؟ كثير من النساء المطلقات اللائي اتيحت لهم الفرصة للزواج مرة اخرى وكان لهم اطفال من الزواج الاول يرتكبون مثل هذه الجرائم الخاصة بالتزوير حتى تستطيع الزوجة ان تصطحب معها ابنها او ابنتها الى خارج السودان مكان اقامة زوجها الجديد ..

وانا ليست هذه هي المرة الاولى التي اسمع بها عن مثل هذه القصة .. ولن تكون الاخيرة ..

moh_alnour

08-09-2010, 11:28 AM

تخريمة : عفوا ً أخي محمد النور و أختي مدنية ( مشاركتكم غير موفقة )

هل لأن مشاركاتانا فيها إختلاف مع وجهة نظرك و عدم تطابق مع رأيك أصبحت غير موفقة أخي الجندي ؟
فليتسع صدرك للنقد طالما أنك ترفع شعار ( النقد البناء ) و تُشهد الله على ذلك ، فالمنتدى مساحة للرأي و الرأي الآخر
حرارة قلب : كل سنة و إنت طيب و ربنا يحقق كل أمانيك و يخلي ليك حمزاوي بيه

نزار حسن محمد

08-09-2010, 03:31 PM

مع احترامى لكل الاراء ولكنى اجد ان الاخ محمد الامين الجندى المجهول معه الف حق فى كل كلمه كتبها

الباشا السوداني

09-09-2010, 09:40 AM

مع احترامى لكل الاراء ولكنى اجد ان الاخ محمد الامين الجندى المجهول معه الف حق فى كل كلمه كتبها

دة الكلام
لمتين ماسكين في الكوب المليان كان ما شفنا الفاضي بنعرف الملان كيف وكان ما شفنا السالب ما بنعرف الايجابي

الجندي المجهول

15-09-2010, 03:50 AM

هل لأن مشاركاتانا فيها إختلاف مع وجهة نظرك و عدم تطابق مع رأيك أصبحت غير موفقة أخي الجندي ؟
فليتسع صدرك للنقد طالما أنك ترفع شعار ( النقد البناء ) و تُشهد الله على ذلك ، فالمنتدى مساحة للرأي و الرأي الآخر
حرارة قلب : كل سنة و إنت طيب و ربنا يحقق كل أمانيك و يخلي ليك حمزاوي بيه

يا الحبيب لو انت اختلفت معاي في لب الموضوع اطلاقاً ما عندي مشكلة لكنك اردت ان تحدد ( لي في اي مواضيع اكتب) !!! عفواً اخي وصديقي محمد النور (انا فقط احدد في اي المواضيع اكتب) طالما انها تتماشى مع قوانين المنتدى ولا تخدش الحياء اوالذوق العام وتتماشي مع الدين الاسلامي ولا تمس العقائد لا من قريب ولا من بعيد ....
وساكتب في السلبيات حتى تصبح ايجابيات ولا اعتقد ان في ذلك عيباً وحتى ( الرئيس نفسه) في خطاب جماهيري (طالب ) الناس بان يكون (مراءة) للمسؤول وكشف عيوبه حتى يتم تصحيحها ( واخيراً ) لا ننسى الحادثة التي قال فيها سيدنا عمر ابن الخطاب( اصابت امرأة واخطأ عمر)

تخريمة : نكتب عن السلبيات حتى يتم تلافيها وتتقدم البلد كي ينعم السودان بالرخاء والامن والامان
اما الايجابيات فالدولة اعتقد انها كفيلة بان الشخص الذي ينجز ( اكيد لها نظام حوافز) مع ان هذا هو واجبهم وليس فضل على السودان ... أو على شعبه ...،، اتمنى ان تكون وصلتك وجهة نظري ... مع وافر التقدير والمحبة ....

الجندي المجهول

15-09-2010, 03:55 AM

http://i56.tinypic.com/e7cokl.jpg

http://i56.tinypic.com/e7cokl.jpg

http://i56.tinypic.com/e7cokl.jpg

انا بحب
http://i56.tinypic.com/e7cokl.jpg

http://i56.tinypic.com/e7cokl.jpg

http://i56.tinypic.com/e7cokl.jpg

عثمان جلالة

15-09-2010, 04:01 AM

وساكتب في السلبيات حتى تصبح ايجابيات ولا اعتقد ان في ذلك عيباً وحتى ( الرئيس نفسه) في خطاب جماهيري (طالب ) الناس بان يكون (مراءة) للمسؤول وكشف عيوبه حتى يتم تصحيحها ( واخيراً ) لا ننسى الحادثة التي قال فيها سيدنا عمر ابن الخطاب( اصابت امرأة واخطأ عمر)

تخريمة : نكتب عن السلبيات حتى يتم تلافيها وتتقدم البلد كي ينعم السودان بالرخاء والامن والامان
اما الايجابيات فالدولة اعتقد انها كفيلة بان الشخص الذي ينجز ( اكيد لها نظام حوافز) مع ان هذا هو واجبهم وليس فضل على السودان ... أو على شعبه ...،، اتمنى ان تكون وصلتك وجهة نظري ... مع وافر التقدير والمحبة ....

أتفق معك تماما يا جندينا ... سلمت يداااااااااك:)

ود المطامير

15-09-2010, 05:23 AM

أتفق معك تماما يا جندينا ... سلمت يداااااااااك:)
وأنا كمان ذى عثمان ;)

يا جندينا

هم خلاص كملوا كل شئ بقو يهربو بشر

يا حولا

ود المطامير

15-09-2010, 05:24 AM

ايمن عبد الله

15-09-2010, 05:46 AM

هع هع هع مطاميرو .. انت بتحب الرمادي ولا الاحمر ؟

ود المطامير

15-09-2010, 06:12 AM

هع هع هع مطاميرو .. انت بتحب الرمادي ولا الاحمر ؟
أنا ذى أخوى وحبيب قلبى الجندى دا

وبباريهو على طول الخط
يا بقانى النائب الأول
يا هع هع هع

moh_alnour

15-09-2010, 09:49 PM

يا الحبيب لو إنت أختلفت معاي في لب الموضوع إطلاقا ً ما عندي مشكلة لكنك أردت أن تحدد ( لي في أي مواضيع أكتب ) !!!

الحبيب أبو حمزة
لم أقصد إطلاقا ً أن أحدد لك مسار للكتابة أو خارطة طريق للموضوعات التي تتناولها فهذه حرية شخصية كفلها لك المنتدى
بل هي مجرد ملاحظة لاحظتها في ( كتاباتك ) في الفترة الأخيرة و هي أنك ( تأتي ) بموضوعات منقولة من مواقع
تتحدث عن السلبيات و القصور في جهة ما ، مما يُعطي إنطباع بأن الصورة و الأوضاع بهذا السوء في كل المرافق
و هذا ما قصدته بعبارة ( النصف الفارغ و النصف الممتلئ من الكوب ) و لم يكن دافعي في ذلك الدفاع عن جهة ما أو إنتمائي لجهة ما
و أنا كُنت دقيق في حديثي عندما تجنبت التعليق على ( لب الموضوع ) أي الخبر لقناعتي بأنه قابل للتصديق و ربما يكون فيه بعض المبالغة من قِبل الجهة التي نشرته
رغم إندهاشي من أن عملية التهريب تمت عبر صالة ( كبار الزوار ) و التي من أسمها لا تُفتح إلا لكبار الزوار كما هو باين من أسمها
إلا إذا قام بتهريبها السفير التشيكي نفسه و هذا ما يتنافى مع كل المواثيق و أعراف العمل الدبلماسي السائد بين الدول

أنا أضيف يمكن بي ( كرت شحن ) تشتري زمة عسكري في السودان ( ليس كلهم ولكن معظمهم )
ويا حبذا لو بقى من ( موباتل ) أو سوداني أو حتى أريبا ( كله ماشي )

أخي الجندي
جميل أن ننتقد بموضوعية الأوضاع السالبة في المجتمع من وجهة نظرنا الخاصة ( لذلك وضعت لك كلمة كتاباتك أعلاه بين قوسين )
أنا كعضو في المنتدى أتمنى أن أقرأ كتابات الجندي و نقده و نبض قلمه من زاوية نظره هو ، و ليس ترديد أو نقل ما يكتبه و يقوله الأخرين
أخي الجندي النقد الموضوعي لا يكون بمثل هذه العبارات حتى و لو كانت تلك حقيقة يعرفها القاصي و الداني و الصغير قبل الكبير
و لا يكون بتسفيه مشاركات الأخرين ولا يكون بإتهامهم بأنهم يكتبون لإنتماء سياسي ولا يكون بتزكية النفس
كما ورد في حديثك في هذا البوست و الذي أكثرت فيه من عبارات ( الأنا ) مثل ( أنا أكتر زول متفائل )
و ( الحمد لله الذي جعل في قلبي حرارة قلب تجاه هذا البلد و أفخر بها و أفاخر الحمد لله
و وجعتي على الوطن دي لو وزعوها (على المسؤولين ) صدقيني ( جمال ولدك ) الله يطول في عمرو من كيه جيه ون وحتى ما يتخرج من كلية الطب ( بيقرا مجان )
أخي الجندي كلنا نعشق و نهوى و نتمنى لهذا السودان أن يكون في المقدمة دوما ً و أن يكون في الصدارة في كافة المناحي
أقدر لك حماسك و غيرتك على البلد و لكن أكرر ما هكذا تورد الإبل ( فالأناة و الحلم ) صفات يحبها الله و رسوله
مجددا ً مرفق أحتراماتي ( دي بتاعت مدنية طبعا ً ) :p

الجندي المجهول

15-09-2010, 10:06 PM

الحبيب أبو حمزة
لم أقصد إطلاقا ً أن أحدد لك مسار للكتابة أو خارطة طريق للموضوعات التي تتناولها فهذه حرية شخصية كفلها لك المنتدى
بل هي مجرد ملاحظة لاحظتها في ( كتاباتك ) في الفترة الأخيرة و هي أنك ( تأتي ) بموضوعات منقولة من مواقع
تتحدث عن السلبيات و القصور في جهة ما ، مما يُعطي إنطباع بأن الصورة و الأوضاع بهذا السوء في كل المرافق
و هذا ما قصدته بعبارة ( النصف الفارغ و النصف الممتلئ من الكوب ) و لم يكن دافعي في ذلك الدفاع عن جهة ما أو إنتمائي لجهة ما
و أنا كُنت دقيق في حديثي عندما تجنبت التعليق على ( لب الموضوع ) أي الخبر لقناعتي بأنه قابل للتصديق و ربما يكون فيه بعض المبالغة من قِبل الجهة التي نشرته
رغم إندهاشي من أن عملية التهريب تمت عبر صالة ( كبار الزوار ) و التي من أسمها لا تُفتح إلا لكبار الزوار كما هو باين من أسمها
إلا إذا قام بتهريبها السفير التشيكي نفسه و هذا ما يتنافى مع كل المواثيق و أعراف العمل الدبلماسي السائد بين الدول

أخي الجندي
جميل أن ننتقد بموضوعية الأوضاع السالبة في المجتمع من وجهة نظرنا الخاصة ( لذلك وضعت لك كلمة كتاباتك أعلاه بين قوسين )
أنا كعضو في المنتدى أتمنى أن أقرأ كتابات الجندي و نقده و نبض قلمه من زاوية نظره هو ، و ليس ترديد أو نقل ما يكتبه و يقوله الأخرين
أخي الجندي النقد الموضوعي لا يكون بمثل هذه العبارات حتى و لو كانت تلك حقيقة يعرفها القاصي و الداني و الصغير قبل الكبير
و لا يكون بتسفيه مشاركات الأخرين ولا يكون بإتهامهم بأنهم يكتبون لإنتماء سياسي ولا يكون بتزكية النفس
كما ورد في حديثك في هذا البوست و الذي أكثرت فيه من عبارات ( الأنا ) مثل ( أنا أكتر زول متفائل )
و ( الحمد لله الذي جعل في قلبي حرارة قلب تجاه هذا البلد و أفخر بها و أفاخر الحمد لله
و وجعتي على الوطن دي لو وزعوها (على المسؤولين ) صدقيني ( جمال ولدك ) الله يطول في عمرو من كيه جيه ون وحتى ما يتخرج من كلية الطب ( بيقرا مجان )
أخي الجندي كلنا نعشق و نهوى و نتمنى لهذا السودان أن يكون في المقدمة دوما ً و أن يكون في الصدارة في كافة المناحي
أقدر لك حماسك و غيرتك على البلد و لكن أكرر ما هكذا تورد الإبل ( فالأناة و الحلم ) صفات يحبها الله و رسوله
مجددا ً مرفق أحتراماتي ( دي بتاعت مدنية طبعا ً ) :p

الحبيب ابو النور

بغض النظر ،،،،

الحمد لله ان القاصي والداني (كما اسلفت) يعرف تلك الحقائق وانا اكتبها عن قصد حتى تصل مباشرة للمسؤول ويعرف ان هنالك متابعين للاحداث (ابشرك ) موقع مدني من المواقع المشهورة والتي يداوم كثير من المسؤولين لزيارة الموقع وتفقد المواد المكتوبة فيه ... لذلك نلجأ للجرأة في الكتابة حتى تصل المعلومة ( للمسؤولين) واولاً واخيراً الهم الاول ( السودان ) نريده ان ينعم بالرخاء والامن والتعليم والصحة ولا (شئ غير ذلك) فالحمد الله الذي انعم علينا بنعمة الاسلام والعقل والصحة والعافية ،،،

وبغض النظر ،،، سيدنا عمر بن الخطاب رضي الله عنه وكل الصحابة رضوان الله عليهم ( كانوا يفرحون عندما يأتي إليهم اي فرد من افراد الامة) ويدلي برأيه في موضوع يخص مصلحة المسلمين ،،، واذكرك بالمقولة الشهيرة ( اصابت امرأة وأخطا عمر) ومرة ثانية وثالثة اكررها لك ( السيد الرئيس) بنفسه وفي خطاب جماهيري طالب بان يكون المواطن (صالح) بمعنى عندما يرى الخطأ ( يتحدث) ويلجأ للمسؤولين لذلك اعتقد ان الكشف عن السلبيات ( اهم من التحدث ) عن الايجابيات بسبب :
1/ الايجابيات التي نتحدث عنها هي من صميم العمل سواء بناء جامعة او مستشفى او تشييد كوبري لان هذا هو ( صميم واجبهم ) والايجابيات تتحدث عن ( نفسها)
2/ السلبيات تحتاج من ( يظهرها) ومن يتحدث عنها حتى ( يتم ) تلافيها والقضاء عليها وتحويلها إلى ايجابيات ،، لذلك عندما نتحدث او نكتب يكون همنا الاول والاخير هو (السودان ) لاننا لا نرضى إلا ان يكون هو ( الطليعة والاول) في كل شئ وخاصة انه والحمد لله لا ينقصنا ( شئ) وانت سيد (العارفين في الحتة دي) كبر المساحة والاراضي الخصبة والثروات المختلفة ( بترولية معدنية حيوانية سمكية ) النيل وبقية الانهار والغابات لذلك نتحدث كل هذه الثروات ولا زلنا نجلس في المربع الاول وكثير من الدول اقل مننا ( في كل شئ) وتفوقنا في كل شئ ( عيب والله) لازم نعمل ( بضمير ) ونجتهد ونعمل بقلب حار ( وان لا ندفن رؤوسنا في الرمال ) ونضع السودان في حدقات العيون ( ولا مجال لكرسي او لحزب ) وتقديمه على مصلحة الوطن ....

لانه كله زائل وإلى زوال ( وسيبقى الوطن مساحة تسع الجميع )

مع وافر التحية والاحترام والتقدير ،،،،،،

تخريمة : السودان وبس

سواااح

15-09-2010, 11:57 PM

عزيزي الجندي ..
الامر ليس مريحاً وليس فيه اي تباشير
وفعلا من اخرج طفلة بامكانه ادخال ان يدخل ما يشاء
ومطار الخرطوم رغم التحديثات التي ادخلت عليه
الا انه يعج بالفوضي والقذارة ولا يصلح واجهة للبلد
والبلد كعموم تعج بالسلبيات من كل الانواع
ولكن هناك اشياء يمكن التغاضي او التساهل معها
بينما هناك اخري لا يجب ان ندعها تمر مرور الكرام

الجندي المجهول

16-09-2010, 12:05 AM

moh_alnour

16-09-2010, 01:11 AM

الحمد لله أن القاصي و الداني ( كما أسلفت ) يعرف تلك الحقائق و أنا أكتبها عن قصد حتى تصل مباشرة للمسؤول و يعرف أن هنالك متابعين للأحداث

الحمد لله الذي يُحمد في السراء و الضراء
أخي الجندي تجدني دائما ً دقيق في إختيار عباراتي عندما أكتب عن موضوع جاد
فأنا قلت ( حتى و لو كانت تلك حقيقة يعرفها القاصي و الداني و الصغير قبل الكبير )
و لم أجزم بأنها حقيقة يعرفها القاصي و الداني ، فلو حدث معي مثل هذا الموقف شخصيا ً لقلت ذلك بملء فاهي
و لكن و لكي لا أوخذ بجريرة أحد فأنا أتحفظ على مثل تلك الأقوال و لا أتداولها بين الناس
و أخيرا ً و لأن كل ٌ زائل و المآل إلى زول يبقى الود و التقدير بيننا و إن أختلفنا في وجهات النظر

معتز الريح

16-09-2010, 01:43 AM

الحمد لله الذي يُحمد في السراء و الضراء
أخي الجندي تجدني دائما ً دقيق في إختيار عباراتي عندما أكتب عن موضوع جاد
فأنا قلت ( حتى و لو كانت تلك حقيقة يعرفها القاصي و الداني و الصغير قبل الكبير )
و لم أجزم بأنها حقيقة يعرفها القاصي و الداني ، فلو حدث معي مثل هذا الموقف شخصيا ً لقلت ذلك بملء فاهي
و لكن و لكي لا أوخذ بجريرة أحد فأنا أتحفظ على مثل تلك الأقوال و لا أتداولها بين الناس
و أخيرا ً و لأن كل ٌ زائل و المآل إلى زول يبقى الود و التقدير بيننا و إن أختلفنا في وجهات النظر

تخريمة مباشرة ..
ود النور .. عليك الله حن شوية ..
وبراحة على حبيبنا ده ..

ضياء الدين احمد

16-09-2010, 03:09 PM

والله يا جندي انا مطار الخرطوم ده اتلدغت منو سنة 1998 عامل لي حظر لي زول شايل مني اربعة مليون ونص الوكت داك ناوي اغترب
واجي اعرس وامآل كبيييييييييييييييييييره المهم زولنا طلع من المطار وانا التراب ملأ خشمي!!!!!

ايمن عبد الله

17-09-2010, 02:35 PM

كلنا لها ..

اللدغة حصلت وانتهت ..

الجندي المجهول

17-09-2010, 08:35 PM

تخريمة مباشرة ..
ود النور .. عليك الله حن شوية ..
وبراحة على حبيبنا ده ..

يا اخوي قول بسم الله (براحة في شنو) له وجهة نظر ولي وجهة نظر ( والاخوة الاعضاء موجودين) والحمد لله كثير منهم أيد وجهة نظري (التي أضحت لا تخفى على أحد ) ...

تخريمة مباشرة : التعب بجي لما الحقيقة تغيب ،،،، عشان كدا ابشرك والحمد لله ( ما في أي تعب ) ....