ملك النفاج .. عبر الماضي والحاضر ..

[ايمن عبد الله]

عشان تعرفو النفاجيين ما بنسو .. انا كنت نفاج قديم .. ما تشوفو ودمدني العطاء دي ..

انا حنيت للماضي ..

عندي ليكم مسابقة النشوف ملك النفاج منو ..

قال مطاميروووو قال ..

مطامير شنو ..

يلا ركزو معاي النشوف مطامير شنو ..

التاريخ يا مطاميرووو التاريخ لا يرحم ..

هيييييييييي دي دعوة للجمال .. وجمال المنتدى في الماضي تعالو نتبحر في الماضي عبر مواضيع عديدة ..

اتمنى مشاركة واسعة ...




شوفو اللطشة دي .. أضغط هنا (http://wadmadani.com/368/showthread.php?t=37361) ..


وكمان موضوع مايسة .. الاوف لاين .. اها .. أضغطو هنا (http://wadmadani.com/368/showthread.php?t=35619)..

مطعم بت مارنجان قبل اقلع منها التصديق .. اضغطو مالو (http://wadmadani.com/368/showthread.php?t=32396)

كمان جابت ليها بوليس .. وناصر عمر دبيب .. البضغط هنا (http://wadmadani.com/368/showthread.php?t=34076) بنقفل ..

اها دي لي ود المطامير لمن كان مرتزقة ..هع هع هع .. هيييع ..عيدية البوست .. كان داير اضغط هنا (http://wadmadani.com/368/showthread.php?t=19582) ..

لاحظو ود المطامير كان (Senior Member) هع هع هع .. لانه متمرد ..

اها جينا للبوست الكان معلم في وقتها ..

طبعا بعد ما عملت معلم وشلت السوق من بت مارنجان اسست الكافتريا ونجحت .. والله رغم التحاف الكان بين شيكو شقاري وبت مارنجان والمرتزقة المعاهم برضو ما نجحو في انهم يقتلو سوقنا .. الكافتريا كانت في وقت جاذبة .. جدا جدا بقيادة ميادة والحمر التانين ..

كان دايرين تشوفو الحاصل زمان اضغطو هنا (http://wadmadani.com/368/showthread.php?t=33640)

اها ده بوست الرائع ابو رانيا .. قاصد بيهو ناس عديل كده .. وبدأ بي شنو تعالو شوفوووو واضغطو هنا .. (http://wadmadani.com/368/showthread.php?t=35407)


بكرة بتم الباقي والحوار المثير بين الماضي والحاضر .. في منتدانا طبعا ..

[ابوالنور]

مابين البرلمه والسنيرة خليكم قربين
اعداد وتقديم ايمن عبدالله
والعيد مبارك عليكم جت

[ايمن عبد الله]

مابين البرلمه والسنيرة خليكم قربين
اعداد وتقديم ايمن عبدالله
والعيد مبارك عليكم جت

أبو النور انت حي .. ؟

ما بين البرلمة والسنيرة .. زي البيني وبين ود المطامير .. ود المطامير ما برلوم .. خلي ينكر .. هو كان اتوسطنا ليهو كان رجع يا ابو النور ..

والله كان لقيت لي لمة في جتارك ده .. أحححححححححححححي اكسره في رويسك ...

[ود المطامير]

يا فرده

مشتااااااقين

وعيدكم مبارك ليكم كلكم

والله يا فرده دا شغل ذى الورد

كدى النجيب بنبرى

[مايسة]

أيام فعلا

الا ليت ايام الشباب يعود :cool::p

[ايمن عبد الله]

يا فرده

مشتااااااقين

وعيدكم مبارك ليكم كلكم

والله يا فرده دا شغل ذى الورد

كدى النجيب بنبرى


جيبو وتعال .. انا قاعد ليك في الواطة دي .. وجيب معاك ابورانيا .. وألحم البمبر كويس .. عشان ما ينكسر اصلك اليومين دي وزنك شايفو زايد ..

[ايمن عبد الله]

أيام فعلا

الا ليت ايام الشباب يعود :cool::p


عليك الله يا ميسو مش ايام سمحة .. ياحليلا .. لكن اهو نحن فيها .. تعالوا نرجعها ونرجع الاحلى منها ...


وكل سنة وانتي طيبة .. وربنا يحقق امانيك ان شاء الله ..

[ود المطامير]

جيبو وتعال .. انا قاعد ليك في الواطة دي .. وجيب معاك ابورانيا .. وألحم البمبر كويس .. عشان ما ينكسر اصلك اليومين دي وزنك شايفو زايد ..
هع هع هع

والله إنت الصاداق

[ايمن عبد الله]

قلبك مات يا مطاميروو .. بقيت تسمن .. هع هع هع هيييييييييييييع .. دي ناقصة التيمان بس ..

[ود المطامير]

قلبك مات يا مطاميروو .. بقيت تسمن .. هع هع هع هيييييييييييييع .. دي ناقصة التيمان بس ..
والله يا الحبيب

زولا ليهو من السودان 13 سنه تفتكر عندو قلب ؟

التيمان والله شوقنا ليهم بحر

تحياتنا ليهم أينما كانو

[ود المطامير]

عندي ليكم مسابقة النشوف ملك النفاج منو ..

قال مطاميروووو قال ..

مطامير شنو ..

..[/COLOR][/SIZE][/B][/FONT]
كبرنا وعقلنا ياخ ;)

[مايسة]

عليك الله يا ميسو مش ايام سمحة .. ياحليلا .. لكن اهو نحن فيها .. تعالوا نرجعها ونرجع الاحلى منها ...


وكل سنة وانتي طيبة .. وربنا يحقق امانيك ان شاء الله ..


وانت طيب - وشكرا ليك
بس الايام ما بترجع - لكن ممكن نقول
بكره احلى أكيد


والله يا الحبيب

زولا ليهو من السودان 13 سنه تفتكر عندو قلب ؟

التيمان والله شوقنا ليهم بحر

تحياتنا ليهم أينما كانو


سجمي يا ود المطامير - 13 سنة
انت معناتو خللته عديل - وبقيت مواااااطن - اخدته الجنسية والجواااز ولا لسى:cool::p

[ود المطامير]

وانت طيب - وشكرا ليك
بس الايام ما بترجع - لكن ممكن نقول
بكره احلى أكيد




سجمي يا ود المطامير - 13 سنة
انت معناتو خللته عديل - وبقيت مواااااطن - اخدته الجنسية والجواااز ولا لسى:cool::p
عرضوهن على جنسيه وجواز

وقمت برمت شنبى وعاينت بعيد وقلت ليهم

بلادى وإن جارت على ;)

[مايسة]

عرضوهن على جنسيه وجواز

وقمت برمت شنبى وعاينت بعيد وقلت ليهم

بلادى وإن جارت على ;)


كان تاخدها يااخ

هسه كان بقيت لينا ضهر :p:cool:

[ود المطامير]

كان تاخدها يااخ

هسه كان بقيت لينا ضهر :p:cool:
هسى مافى مشكله

إقامه ___ 7 ألف درهم
فيزا زياره ___ 3 ألف درهم
تعين فى الدوائر الحكوميه _____ 5 ألأف درهم

ولدينا الكثير من العروض

تلفوناتنا 999

[مايسة]

هسى مافى مشكله

إقامه ___ 7 ألف درهم
فيزا زياره ___ 3 ألف درهم
تعين فى الدوائر الحكوميه _____ 5 ألأف درهم

ولدينا الكثير من العروض

تلفوناتنا 999


اسعارك ولا كدا لكن

خلاص بنتفق :cool::p

[أحمد عمر ( MOODY )]

تصدِّق يا أبو أسيل ... النفاج ده مدرسة
فيهو بوستات شدّة ما حيوية
ما تقدر غير تتابع من بعيد بي إعجاب
يعني مثلاً البوست بتاع النيمة
ياخ ده كمّلت لي فيهو كرتونة بناطلين
زحيح في ضل النيمة ... و لمّان تجوع تمشي مطعم بت مارنجان
أها لمان تكمّل قراية المشاركات
تلقى في صفحتين .. نزلو زيادة
تقول أمشي و أجي .. تلقاهو مرق في فريق فوق

[مدناوية]

أنا جيت يا جماعة ..

[ايمن عبد الله]

كبرنا وعقلنا ياخ ;)


كان عقلت كان شلت الجنسية والجواز .. وكان غيرت رقمك ابو تلاتة تسعات ده ..

[ايمن عبد الله]

وانت طيب - وشكرا ليك
بس الايام ما بترجع - لكن ممكن نقول
بكره احلى أكيد




سجمي يا ود المطامير - 13 سنة
انت معناتو خللته عديل - وبقيت مواااااطن - اخدته الجنسية والجواااز ولا لسى:cool::p


يعطيك الف عافية يا مايسة .. واكيد بكرة احلى ..

ود المطامير ده ما تشوفي كده .. واسطة كبيرة عندكم .. ياخ ده شنبو ساي جواز سفر .. هع هع هع ..

[ايمن عبد الله]

تصدِّق يا أبو أسيل ... النفاج ده مدرسة
فيهو بوستات شدّة ما حيوية
ما تقدر غير تتابع من بعيد بي إعجاب
يعني مثلاً البوست بتاع النيمة
ياخ ده كمّلت لي فيهو كرتونة بناطلين
زحيح في ضل النيمة ... و لمّان تجوع تمشي مطعم بت مارنجان
أها لمان تكمّل قراية المشاركات
تلقى في صفحتين .. نزلو زيادة
تقول أمشي و أجي .. تلقاهو مرق في فريق فوق


كلامك صحيح والله يا مودي ..

النيمة دي زرعها العاقب وشرد .. وقعد يلقط في الاجر حق الظل حقها ده ..

وهسة ود المطامير قال الا ازرع ليهو فكوسة جنبها شفت الحسادة دي كيف هع هع هع ..

ولو ابحرت في المنتدى القديم والله تلقى بوستات رائعة بشكل .. يا سلاااااااام ...

[ايمن عبد الله]

أنا جيت يا جماعة ..

ألف مرحب بيك يا مدناوية .. والنفاج نفاجك ..

لكن اتأخرتي شديد ..

[ود المطامير]

يعطيك الف عافية يا مايسة .. واكيد بكرة احلى ..

ود المطامير ده ما تشوفي كده .. واسطة كبيرة عندكم .. ياخ ده شنبو ساي جواز سفر .. هع هع هع ..
عشان تاااااامنو ;)

[ايمن عبد الله]

عشان تاااااامنو ;)

نحن مآمنين .. يا مطاميرووو ..


هسة كمان جابت ليها تأمين صحي :confused::confused:

[ود المطامير]

نحن مآمنين .. يا مطاميرووو ..


هسة كمان جابت ليها تأمين صحي :confused::confused:
شفتك فى الثقافى
ماشاء الله تبارك الله

عينى بااااره

نضمى بالطريقه الصاح

[ايمن عبد الله]

شفتك فى الثقافى
ماشاء الله تبارك الله

عينى بااااره

نضمى بالطريقه الصاح

عجبتك الخرطفات دي يا مطاميروو ..

كدي النكثر ليك منها كان عجبتك ..

[ود المطامير]

عجبتك الخرطفات دي يا مطاميروو ..

كدي النكثر ليك منها كان عجبتك ..
أى عليك الله
أصلو الكلام الدقاق دا برد الروح

وأخوك فارضين عليهو حظر هناك ;)

قالوا لى تجى تعاين سااااى وتشتت حنكك دا ما تفتحو ;)

[ايمن عبد الله]

لالا يا مطاميروو كان كده النخش ليك واسطة يخلوك تخطرف معانا شوية .. وانت حنكك سنين يا مطاميرو .. من دربي ده ماشي لود الجزولي نجيب قرين كارد

[ود المطامير]

لالا يا مطاميروو كان كده النخش ليك واسطة يخلوك تخطرف معانا شوية .. وانت حنكك سنين يا مطاميرو .. من دربي ده ماشي لود الجزولي نجيب قرين كارد
تمام يا فرده

ودينى هناك وما عليك

[أحمد عمر ( MOODY )]

لالا يا مطاميروو كان كده النخش ليك واسطة يخلوك تخطرف معانا شوية .. وانت حنكك سنين يا مطاميرو .. من دربي ده ماشي لود الجزولي نجيب قرين كارد


لا يا أيمن لا
عليك الله .. لا
الدنيا عيد ياخ ... مالك علينا

[ود المطامير]

لا يا أيمن لا
عليك الله .. لا
الدنيا عيد ياخ ... مالك علينا
لا بترحمو ولا بتخلوا الرحمه تنزل ;)

[ايمن عبد الله]

لا يا أيمن لا
عليك الله .. لا
الدنيا عيد ياخ ... مالك علينا


النبي وصى على سابع جار ..

[أحمد عمر ( MOODY )]

النبي وصى على سابع جار ..


صلّى الله عليه وسلّم
طيّب ياخ .. ناس الثقافي ما جيرانك
المساكين ديل مالك عليهم

[مدناوية]

ألف مرحب بيك يا مدناوية .. والنفاج نفاجك ..

لكن اتأخرتي شديد ..






بس البص فاتني يااااخ ..


جيت كداري ...:o

[ايمن عبد الله]

صلّى الله عليه وسلّم
طيّب ياخ .. ناس الثقافي ما جيرانك
المساكين ديل مالك عليهم

أللهم صلى عليه وسلم ..

اليومين دي انا ثقافي بس .. مطاميروو زول حبوب .. وكان طعنتو قشة .. انا ما برضى ..

[بت مارنجان]

اها الملك منو والملكة ؟؟؟


ابو رانيا في السودان أستقر وجابو ليهو بنية :o:o

[ود المطامير]

أللهم صلى عليه وسلم ..

اليومين دي انا ثقافي بس .. مطاميروو زول حبوب .. وكان طعنتو قشة .. انا ما برضى ..
الما عندو أخو يعمل ليهو أخو

[أحمد عمر ( MOODY )]

أللهم صلى عليه وسلم ..

اليومين دي انا ثقافي بس .. مطاميروو زول حبوب .. وكان طعنتو قشة .. انا ما برضى ..


يا أبو أسيل .. كان جيت للحق
أنا ذااااااااااااااااااتي ما برضى













في القشّة

[أحمد عمر ( MOODY )]

الما عندو أخو يعمل ليهو أخو



نحنا ذاتو تطير عيشتنا
يختفي أبو عبد الرّحمن .. يتوسّط ليك أبو أسيل
:p:o:o:o:p

يا اخوانّا إنتو أبو عبد الرّحمن لسّه مُعيّد

[ايمن عبد الله]

يا أبو أسيل .. كان جيت للحق
أنا ذااااااااااااااااااتي ما برضى
في القشّة


هع هع هع ..

ده مطاميرو ياخ ..

[ايمن عبد الله]

اها الملك منو والملكة ؟؟؟


ابو رانيا في السودان أستقر وجابو ليهو بنية :o:o


مرحبتين بت مارنجان ..

الملكة ملكة القلوب .. :D:o;)

والملك لسة دايرين نشوف .. امكن مطاميرووو ..

ابو رانيا والله بالغ عديل ما في اي حد عارف الكلام ده ..

مبرووك البنية وان شاء الله تربى في عزو .. وجعلها الله من نساء الاسلام الصالحات ..

[ايمن عبد الله]

اطلع فوق يا بوستي العزيز

[بنت الرفاعي]

كل التحايا لكل من كان هنا يوماً، وأبعدته ظروف الحياة.:)

[ايمن عبد الله]

كل التحايا لكل من كان هنا يوماً، وأبعدته ظروف الحياة.:)


حياك الله يا مرام .. شكراً للمرور الكريم ..