ما نرد علي تلفونات يعني ولاشنووو ؟!! / توجد اشاعة [الأرشيف]

مشاهدة النسخة كاملة : ما نرد علي تلفونات يعني ولاشنووو ؟!! / توجد اشاعة

مدنيّة

15-09-2010, 05:31 AM

اتصلت علي اختي
تحذرني
من رقم بتصل علي الزول
وبعده المتلقي بيحصل ليه واحد من اتنين
اما يموت
اما يغمي عليه

-------------
ضحكت وقلت ليها دا كلام شنو دا ؟!!

مدنيّة

15-09-2010, 05:34 AM

قفلت من اختي
وقلت النفتش في النت واشوف الكلام دا منتشر ولا اختي دي جابته من وين !

ود المطامير

15-09-2010, 05:34 AM

تررررن
ترررررن
تررررن

مدنيه ردى ياخ

مدنيّة

15-09-2010, 05:35 AM

وفيات غامضة في الجنوب بسبب محادثات هاتفية مجهولة
الأربعاء, 15 سبتمبر 2010 06:50
الخرطوم: آخرلحظة

تعيش مدن الجنوب حالة رعب حقيقي بعد حدوث وفيات غامضة سببها مكالمات تلفونية مجهولة، حيث توفى أمس الأول رجل وامرأة بسوق مدينة الرنك، إضافة لوفاة ثلاثة آخرين بمدينة ملكال، بجانب وفاة ثمانية بمدينة واو. وحدثت الوفيات والتي تتكتم عليها حكومة الجنوب نتيجة الصعق بتيار كهربائي مصدره مكالمة تلفونية مجهولة عبر الهاتف الجوال، وتظهر الهواتف مكالمة من هاتف غريب يبدأ بالأرقام «426666000 +» عن طريق إحدى شركات الاتصالات اليوغندية المنتشرة في جنوب السودان.وقال شهود عيان لـ(آخرلحظة) أن الذين اصيبوا في هذه الحوادث كانوا يستخدمون شبكات الاتصالات اليوغندية للهاتف المحمول.

مدنيّة

15-09-2010, 05:38 AM

انطلقت مثل هذه الإشاعة في كثير من بلدان العالم الثالث وفي كل مرّة نفس السيناريو نجد من يرمى الأمر على الحكومة تارة وعلى شركات الاتصالات تارة أخرى رمى بعض الجاهلين الأمر مرّة بإسرائيل ومرّة بأميريكا وكل جهل فوق جهل الجاهلين

السؤال هل يمكن بث أي ذبذبات فوق الذبذبات الكهرومغنتسية المتعارف عليها بنظام gsm
الإجابة: لا يمكن

السؤال هل يمكن لرسالة نصية أن تضر بالهاتف وتتلفه؟
الإجابة: نعم هناك فايروسات يمكن نقلها للهاتف تقدوم بتدمير نظام الهاتف

السؤال: هل يمكن أن نقتل إنسان جراء تلف الهاتف

الإجابة: لا فقط يتوقف الهاتف عن العمل كما يتوقف الكمبيوتر عن العمل

السؤال: هل يمكن لتلف في الهاتف أن يقتل إنسان؟

الإجابة: نعم

حدثت بعض الحالات لتلف في بطارية الشحن إلى أن ينفجر الجهاز وقد حزرت السلطات الألمانية في التسعينات من استخدام بطاريات غير أصلية خاصّة لهواتف النوكيا آنئذ

خلاصة الكلام

الإشاعات مثل هذه عادة ما تخرج في المحيط الجاهل بتقنية الحاسوب وتقنية الاتصلات ويزيد من وهجتها وسرعة انتشارها اصحاب نظرية المؤامرة فكلما عجزوا عن وجود تفسير منطقي للإشاعة رموا بها هذه الجهة وتلك وهذا الأمر نفسه يمكن تعريفه بالإشاعة المضادة

والله المستعان

منقول

مدنيّة

15-09-2010, 05:40 AM

تررررن
ترررررن
تررررن

مدنيه ردى ياخ

تصدق ياعروة
جاني اتصال من رقم دولي مابعرفه
اترددت كتير عشان ارد عليه !!

------------
كل سنة انت والاسرة الكريمة بالف خير يارب

مدنيّة

15-09-2010, 05:41 AM

هل احنا "بنغيب" عقلنا
اول ما نسمع اشاعة
وبنستسلم ليها من غير مانفكر في امكانية انها ممكن تبقي او لا !

مدنيّة

15-09-2010, 05:42 AM

لية احنا مهئين نفسيا عشان نصدق اي حاجة ؟!!

ود المطامير

15-09-2010, 05:42 AM

صحيح بعض أجهزة الهاتف النقال تنفجر

وللأسباب المذكوره أعلاه

وإمكن من المنطلق دا إنطلقت الإشاعه

ولأ يكون واحد جاتو فاتوره كبيييييره

مدنيّة

15-09-2010, 05:43 AM

بعد بحثي في النت ولقيت الاشاعة دي منتشرة كانتشار النار في الهشيم
الشركة كلها لقيتها ماعندها سيرة الا الاشاعة دي
والكلام عن الرقم "الكارثة" دا !

مدنيّة

15-09-2010, 05:46 AM

غالبية الناس تتلقي في اتصالات او مسجات من معارفها للتحذير من الرقم دا
وعدم الرد عليه

-----------
ياربي الليلة بث شركات الاتصالات ربحت قدر شنوووو ؟!!

مدنيّة

15-09-2010, 05:54 AM

الاتصالات السودانية نفت هذا الخبر جملة وتفصيلا

---------------
الهئية القومية للاتصالات: لم تحدث وفيات بسبب اتصالات هاتفية

الخرطوم في 15/9/2020م (سونا) - اوضح المهندس بابكر ابراهيم الترابي مدير ادارة خدمات الاتصال بالهيئة القومية للاتصالات السودانية عدم صحة الشائعات التي تدور حول حدوث وفيات او اصابات عبر الاتصال بالهاتف السيار في كل من واو وملكال والرنك وكادقلي

وفي تصريح لسونا اكد انه ثبت علميا عدم امكانية حدوث مثل هذه الحوادث عبر الهاتف السيار وأن الهاتف السيار له مواصفات عالمية وتقنية تحول دون ذلك و وصف هذه الشائعات بانها مدعاة للسخرية

من جهتها اجرت (سونا) اتصالا بالمناطق المذكورة واكد المهندس عبد المنعم عمر مدير ادارة الاتصالات بالانابة بوزراة الاعلام والاتصالات بولاية غرب بحر الغزال عدم تلقيهم بلاغات بهذا الشأن مشيراً الى ان هذه الشائعة ربما يقصد منها ترويع المواطنين بالجنوب

وذكر د. جيمس أوكيلو مرجان مدير مستشفى واو التعليمي ان المستشفى لم تستقبل حالات ينطبق عليها ما ذكر

وفي ولاية اعالي النيل نفى السيد شول سايمون وكيل الشئون البرلمانية بالولاية ان هذه الشائعة ليس لها اساس من الصحة في كل من ملكال والرنك

سرت الشائعة امس وخرجت بعض الصحف اليوم تحمل رقم هاتف سيار قالت ان المكالمات المعنية صدرت منه

ايمن عبد الله

15-09-2010, 06:08 AM

السؤال هل يمكن بث أي ذبذبات فوق الذبذبات الكهرومغنتسية المتعارف عليها بنظام gsm
الإجابة: لا يمكن

السؤال هل يمكن لرسالة نصية أن تضر بالهاتف وتتلفه؟
الإجابة: نعم هناك فايروسات يمكن نقلها للهاتف تقدوم بتدمير نظام الهاتف

مدنية في الكلام عندك الف حق ..

ودي حاجة متعارف عليها ..

لكن حتى الرسالة بتكون معروفة لي زول مستخدم قديم للجوال .. وما بتجي من رقم .. تجيك بلوتوث .. وما بتجيك غصب عنك انت بتكون قبلت الارسال والاستقبال .. وممكن تتلف الجهاز ..

لو كان من الهواتف المتطورة عادي يتفرمط ويرجع يشتغل .. بس بفقد البيانات المسجلة في سجل الارقام والرسائل برضو بتروح .. مع زوال الاعدادات الخاصة بنوع النغمة وكده .. باختصار بتخلي الهاتف كأنوا اشتريتوا اليوم ..

يمكن حلها بضرب الرقم *#7370# .. قد تأتي الجملة البرمجية دي معكوسة .. المطلوب نجمة مربع سبعة ثلاثة سبعين ثم المربع يطلب الهاتف ان تأكد له انك تريد تهيئة الجهاز .. ثم تدخل الرقم السري .. مفروض لو ما غيرته من قبل يكون في النوكيا 12345 والاجهزة الصينية 0000 او من واحد لي اربعة ..

لكن كونه انه جهاز يضرب .. وينفجر الا اكون عيب مصنعي .. لكن لو موبايل سوي ما بسويها ياخ سيدو اكون قعد ثلاثة شهور اجمع اجي انفجر ليهو كده ..

الناس الساكنين جنب الاميات .. اعملوا حسابكم لمن الكهرباء تقطع .. قد تجي فجأ وتضر في كل اجهزة المنزل ..

ردوا ساي مافي مكالمة كتلت ليها زول ..

ود المطامير

15-09-2010, 06:14 AM

ردوا ساي مافي مكالمة كتلت ليها زول ..
لو الكتل باللتفون

شهر بس الناس تكمل جت

ايمن عبد الله

15-09-2010, 06:16 AM

يا جماعة في حاجات ما بتخش العقل .. بدخلوها الناس في أنفسهم ساااي والمرتزقة الاعلاميين بتاعين السبق الصحفي هم البخلعوا الناس ..

والله يا جماعة الكلام ده انا ما اخد مني ولا جزء من الثانية عشان اعرف انه كلام فاضي .. و ما ممكن يحصل ..

وبرضوا قبل كده رغم انني ما طبيب .. لكن كنت بضحك على h1n1 وعمرو كله ما ركب في الرأس ولا صدقته خالص لغاية ما هسة قالو راح ولاشفت زول عندو ولا شفت زول كتلو المرض ده .. رغم الهالة الاعلامية .. الكبيرة

الواحد يحكم عقله .. ويخلي ايمانوا بالله كبير ..

ايمن عبد الله

15-09-2010, 06:17 AM

لو الكتل باللتفون

شهر بس الناس تكمل جت

وانت كان قفلت تلفونك يا مطاميرووو صاح ..

مدنيّة

15-09-2010, 06:32 AM

http://i52.tinypic.com/6dslg8.png

مدنيّة

15-09-2010, 06:40 AM

صحيح بعض أجهزة الهاتف النقال تنفجر

وللأسباب المذكوره أعلاه

وإمكن من المنطلق دا إنطلقت الإشاعه

ولأ يكون واحد جاتو فاتوره كبيييييره

عروة
رقم تلفونك كم ؟!! http://www.sudaneseonline.com/db/attention/200_4e.gif

مدنيّة

15-09-2010, 06:44 AM

ردوا ساي مافي مكالمة كتلت ليها زول ..

انت عارف ياايمن
انا الري اكشن بتاعي اول مااختي قالت لي الكلام دا قعدت اضحك
لكن تاني بعد ما لقيت الاشاعة دي منتشرة جدا
انا زاتي جاني هلع من التلفون

-----------
السؤال لية احنا* ممكن نصدق اي كلام يتقال لينا !؟
مع انه الكلام لو مسكته علميا ومنطقيا بتلقاه مستحيييييييييييل اددددددددديل كدا

* احنا دي = الغالبية العظمي من الشعب السوداني المتعلم قبل الامي

ود المطامير

15-09-2010, 06:55 AM

تصدق ياعروة
جاني اتصال من رقم دولي مابعرفه
اترددت كتير عشان ارد عليه !!

------------
كل سنة انت والاسرة الكريمة بالف خير يارب
هع هع هع
وإنتى وكل الأسره الكريمه بخير وعافيه

ahmed algam

15-09-2010, 07:06 AM

مدنيّة

15-09-2010, 07:08 AM

هع هع هع
وإنتى وكل الأسره الكريمه بخير وعافيه

ياعروة
قلت ليك رقم تلفونك كم
شنو عملتها لي
هع هع هع

ماقلتوا نوبة !
كمان معك رقم تلفون مكتب ايمن دا بالله
عشان ما يزوغ لو قلنا الموبايل
النشوف العقل دا حده وين ؟

ايمن عبد الله

15-09-2010, 07:10 AM

انت عارف ياايمن
انا الري اكشن بتاعي اول مااختي قالت لي الكلام دا قعدت اضحك
لكن تاني بعد ما لقيت الاشاعة دي منتشرة جدا
انا زاتي جاني هلع من التلفون

-----------
السؤال لية احنا* ممكن نصدق اي كلام يتقال لينا !؟
مع انه الكلام لو مسكته علميا ومنطقيا بتلقاه مستحيييييييييييل اددددددددديل كدا

* احنا دي = الغالبية العظمي من الشعب السوداني المتعلم قبل الامي

والله يا مدنية ده ولا داير لي كلام ..

هع هع هع ..

المكالمة بتكتل .. والمس كول بعمل شلل نصفي .. والرسالة .. بتعمل وجع كرعين وامكن رطوبة مزمنة ..

والعجب بليس كول مي .. بتعمي الزول .. الامي .. هع هع هع ..

بالحبر السري ..
اسمعي ما عندك رقم عروة .. رسلي لي بالدس .. خلينا نخلص منو كرهنا .. خلف الله ده ..

ايمن عبد الله

15-09-2010, 07:13 AM

ياعروة
قلت ليك رقم تلفونك كم
شنو عملتها لي
هع هع هع

ماقلتوا نوبة !
كمان معك رقم تلفون مكتب ايمن دا بالله
عشان ما يزوغ لو قلنا الموبايل
النشوف العقل دا حده وين ؟

هع هع هعين .. عشرين هع ..

شفت الرد ده بعد داك ..

انا قايلك عارفة رقم عروة ..

انا قال ليك بخاف .. رقمي تلاتة اتناشرات ادي الرقم لي اليوغندي ده خلي اتصل الجني ..

ود المطامير

15-09-2010, 07:15 AM

ياعروة
قلت ليك رقم تلفونك كم
شنو عملتها لي
هع هع هع

ماقلتوا نوبة !
كمان معك رقم تلفون مكتب ايمن دا بالله
عشان ما يزوغ لو قلنا الموبايل
النشوف العقل دا حده وين ؟
هع هع هع
هوووووى رقمى 999

بالمناسبه ... كل المنتديات السودانيه .. شغاله فى الموضوع دا
_______________

دا واحد من منتدى سودانى

( اتصل على شخص زهجان من زوجتو وقال لي مما سمعت الخبر شغلت شرائحي القديمة والجديدة وراجي الرقم (426666000 +) يضرب عشان اقول لزوجتي شوفي دا منو يا حبيبتي وصحابنا املوا كبير في انتظار المكالمة. )

ود المطامير

15-09-2010, 07:18 AM

حقيقة انا من الصباح سمعت هذة الاشاعة

بس كنت مستغرب من الكلام دا

اجيك زول اقول ليك اوع ترد علي رقم كلو اربعات

او كلو ستات لانو بعد ماترد بتقع ميت طوالي

كلام غريب

من قبيل في واحد بيرن لي

بس اخوكم ملاوذ سااااكت

يارب ارد ولا ماارد
لا لا لا ما ترد يا حبيبنا

الشر بره وبعيد

ود المطامير

15-09-2010, 07:21 AM

"]]اسمعي ما عندك رقم عروة .. رسلي لي بالدس .. خلينا نخلص منو كرهنا .. خلف الله ده ..[/COLOR][/SIZE][/FONT][/B]
كضاااااااااب
والله لو طعنتنى شوكه ساى

دمعتك تنزل ;)

ايمن عبد الله

15-09-2010, 07:26 AM

او كلو ستات لانو بعد ماترد بتقع ميت طوالي

كلام غريب

لا لا الستات بقتلنك .. اوعك ترد .. والله الليلة جنس مقالب ... هع هع هع ..

ما عندك رقم سادومبا يااااخ ..

كان ما عندك اديني رقم وارغوو .. خلينا نخلص من المواسير دي ..هع هع هع ..

بت أم درمان

15-09-2010, 07:28 AM

ايمن عبد الله

15-09-2010, 07:31 AM

كضاااااااااب
والله لو طعنتنى شوكه ساى

دمعتك تنزل ;)

ابكي الشوية دي يا مطاميرووو ..

بت أم درمان

15-09-2010, 07:32 AM

هع هع هع ..

المكالمة بتكتل .. والمس كول بعمل شلل نصفي .. والرسالة .. بتعمل وجع كرعين وامكن رطوبة مزمنة ..

والعجب بليس كول مي .. بتعمي الزول .. الامي .. هع هع هع ..

[/COLOR][/SIZE][/FONT][/B]

احذروا.....
الزول دا له علاقة بالناس ديل البكتلو عبر الاتصال
عنده كل المعلومات
ملاحظين !

ايمن عبد الله

15-09-2010, 07:35 AM

يا سلاااام لو كل الناس بقوا عاقلين زي عروة وايمن كدا
ويقولو دا كلام فاضي
يا سلاااام اذا بقى الكلام دا جد جد وما اشاعة
يا سلاااام معناها الارض ح تفضى من اي كائن بشري
لان اي زول يكره زول بسسس ح يعمل ليهو اتصال ويتخلص منو
وخلي امريكا واسرائيل يموتو قهر بس
لانهم ما ح يلقو شي يتسلو بيهو
يا سلاااااام !!!:o

بت امدر ..

كل سنة وانتي طيبة .. وان شاء الله الاماني تزداد وتحقق .. كل عام وانتي .. بخير ..

قلتي لي رقمك كم .. اوع تكوني غيرتي الرقم القديم ابو اتناشر .. وتسعة وتسعين داك ..

عارفك خاشة بالدس .. كان ما كلمت مايسة .. انتي واحدة من بوستات مايسة حق الاوف لاين ..هع هع هع ..

تحياتي ..

ايمن عبد الله

15-09-2010, 07:38 AM

احذروا.....
الزول دا له علاقة بالناس ديل البكتلو عبر الاتصال
عنده كل المعلومات
ملاحظين !

عارفة كان لميت في رقمك ..الجديد ..

بس اعمل ليك ضو كول ..

ضو كول في التصنيف .. يعني نص المس كول ..

بس يا بت امدر اسوي ليك ضو كول .. كان ماجاتك ملاريا ..

ود المطامير

15-09-2010, 07:53 AM

ود المطامير

15-09-2010, 07:55 AM

عارفة كان لميت في رقمك ..الجديد ..

بس اعمل ليك ضو كول ..

ضو كول في التصنيف .. يعني نص المس كول ..

بس يا بت امدر اسوي ليك ضو كول .. كان ماجاتك ملاريا ..
كدى يا فرده
أعمل لأخوك كول بس
النشوف بتجينى حُمّه

بت أم درمان

15-09-2010, 08:27 AM

بت امدر ..

كل سنة وانتي طيبة .. وان شاء الله الاماني تزداد وتحقق .. كل عام وانتي .. بخير ..

قلتي لي رقمك كم .. اوع تكوني غيرتي الرقم القديم ابو اتناشر .. وتسعة وتسعين داك ..

عارفك خاشة بالدس .. كان ما كلمت مايسة .. انتي واحدة من بوستات مايسة حق الاوف لاين ..هع هع هع ..

تحياتي ..

كل سنة وانت بكل خير واسيل بخير واخوانها وامهم

رقمي طبعا غيرته
غيرته زماااااان
كله اربعات وستات ههههه

بت أم درمان

15-09-2010, 08:29 AM

عارفة كان لميت في رقمك ..الجديد ..

بس اعمل ليك ضو كول ..

ضو كول في التصنيف .. يعني نص المس كول ..

بس يا بت امدر اسوي ليك ضو كول .. كان ماجاتك ملاريا ..

الحمدلله اذا بقت على الملاريا هييييييينة
بس قلت ليك رقمي غيرته
بقى كله اربعات و شريحتي تبع شركة اوغندية

بت أم درمان

15-09-2010, 08:31 AM

عاوزين يبيعو الصواريخ بتمن التراب ;)

ارح نغشهم ونشتري منهم ;)

ايمن عبد الله

15-09-2010, 09:14 AM

شلاقة مني دقيت الرقم .. وانا انا انا انا انا انا

الان مرحوم ..

ما بهزل والله جد ..

الرقم ده صاحبو عربي .. بالكل نهي ..

ده كان رد من اساسوا ..

قال كهرباء قال ..

هو نحن كان ما شغالين هاي تيشن ..

بت مارنجان

15-09-2010, 09:27 AM

أجي يابري
"علي قولت رضا"

وهسي نرد ولا نعمل نايمين
غايتو الواحد بيكورن برة الشبكة ماعارف اي شئ :confused:

أبونبيل

15-09-2010, 11:25 AM

ضبابية حول حقيقته والجهات الأمنية تؤكد انه إشاعة مدوية

الرقم القاتل يفزع السودانيين ويلحق الخسائر الفادحة بشركات الاتصالات

الرقم القاتل أفزع السودان بأكمله اليوم

الخرطوم - الوئام

احترس لا ترد على هذا الرقم سوف يقتلك ...سوف يصيبك بالشلل التام... انه فيروس خطير ...على اتصال بالقمر الصناعي... يدمر من يقف في طريقه، هذه العبارات ترددت اليوم بوضوح على الساحة السودانية وأفزعت المواطنين الذين عزفوا عن الرد حتى على المكالمات الشخصية والحقوا خسائر فادحة للغاية بشبكات الهاتف الجوال الأربع في السودان بما فيها الشركة السودانية للاتصالات.

تفاصيل الواقعة المثيرة تشير إلى أن إشاعة مدوية قد تناقلتها السنة المواطنين وكتبت عنها احدي الصحف تؤكد أن هناك رقما مجهولاً "0043666000" يتصل على أي مواطن وعند الرد عليه يقوم بضخ كمية من الفيروسات على إذن المتلقي فيودي بحياته في الحال أو يصيبه بالشلل التام، لأنه على حد القول على اتصال بالقمر الصناعي.

وقد تضررت من جراء ذلك شبكة "mtn" التي تكبدت خسائر فادحة بالإضافة إلى شركة زين بالسودان،فيما لم تتضح بعد معالم الخسارة النهائية لشركة سوداتل للاتصالات السودانية المشغلة لشبكة سوداني للاتصالات بالإضافة إلى كنار الإماراتية.

مصدر أمني أكد خلال اتصال مع "الوئام" عصر اليوم أن الأمر لا يخرج عن نطاق الإثارة والفرقعة الإعلامية التي أدت بدورها لإحداث إشاعة في جميع أنحاء السودان ، مشيرا إلى أن جميع مراكز الشرطة في البلاد لم تسجل أي بلاغ بهذا الخصوص.

وعلى الرغم من أن الأمر وحسب تأكيدات المصدر الأمني لا يخرج من نطاق الإشاعة إلا أن المواطنين أكدوا "للوئام" انه حقيقة واقعية ، وتفاجئوا بوجوده على هواتفهم المحمولة، الأمر الذي يدعو بدوره للتساؤل الواضح حول الجهة التي تبث مثل هذه الأرقام إلى هواتف المواطنين والهدف منها.

مدنيّة

15-09-2010, 09:03 PM

مدنيّة

15-09-2010, 09:06 PM

حقيقة انا من الصباح سمعت هذة الاشاعة

بس كنت مستغرب من الكلام دا

اجيك زول اقول ليك اوع ترد علي رقم كلو اربعات

او كلو ستات لانو بعد ماترد بتقع ميت طوالي

كلام غريب

من قبيل في واحد بيرن لي

بس اخوكم ملاوذ سااااكت

يارب ارد ولا ماارد

يادابها وقعت ليك يااحمد ! http://www.sudaneseonline.com/db/attention/200_4e.gif

-----------
لاوز يااخوي لاوز
ماسمعت المثل التايلندي بيقول
من لاوزم سلم ؟! :cool:

الجندي المجهول

15-09-2010, 09:14 PM

ما هي دي اكبر مصيبة في السودان

تصديق الاشعات ،،،،،

غايتو الله يسهل الامر ،،،،،

ونحن بصراحة نريد تصديق مثل هذه الاحاجي زي (الغول والبعاتي والسحار) كلنا نريد تصديقها باردتنا ولم يجبرنا احد على تصديقها

تخريمة :
ود المطامير اعمل حسابك الجزيرة فيها بعاتي وسحار وغول

محمد الجزولى

15-09-2010, 09:21 PM

الاشاعه اصبحت علم يدرس وذلك لتأثيرها القوى جدا فى المجتمعات وقد يطلق الاشاعه جهه على اعلي درجه من التخصص لقياده الراى العام وتحقيق هدف معين بشكل مدروس بعناية فائقة ومخطط له بعد المعرفه الكامله باتجاهات الراى العام المتعددة ، ويقوم بدراسة اثر الاشاعه ورد فعل الجمهور تجاهها ،
اكيد ان هنالك غرض ما وراء هذه الاشاعه وخاصة انها تتحدث عن حدوثها فى الجنوب
الغريبه يا مدنيه ان اشاعه كهذه تماما حدثت فى اليمن فى العام 2007 وفى مصر فى العام 2009 وكلها عن مكالمات قاتله وفى كينيا وفى باكستان وتبين فى الاخر انها مجرد اشاعات
المفروض ان هيئة الاتصالات تقوم بالتحرى والبحث عن مصدر هذه الارقام ومن الذى يرسلها ويتخيل حاجه زى دى ما صعبة فى ظل التطور الهائل والتقنيات الحديثه فى مجال الاتصالات

أحمد عمر ( MOODY )

15-09-2010, 10:23 PM

سواااح

15-09-2010, 11:27 PM

http://i52.tinypic.com/6dslg8.png

ده جبتيهو من وين ؟؟

باص متاخر ..
كل سنة وانتي طيبة.

بدر الدين محمد

16-09-2010, 12:46 AM

مدنية من تاني يوم ما بترد على تلفوني الـ 12100

مايسة

16-09-2010, 02:22 AM

مدنية

اتزكرته - موضوع البعاتي داك - والرماااد

ياخ احنا شعب مسكين بشكل - :(

مدنيّة

16-09-2010, 02:39 AM

والعجب بليس كول مي .. بتعمي الزول .. الامي .. هع هع هع ..
[/COLOR][/SIZE][/FONT][/B]

http://www.sudaneseonline.com/db/attention/200_4e.gif

مدنيّة

16-09-2010, 02:41 AM

انا قال ليك بخاف .. رقمي تلاتة اتناشرات ادي الرقم لي اليوغندي ده خلي اتصل الجني ..

شكلك قنعااااااان ياايمن http://www.sudaneseonline.com/db/attention/200_4e.gif

مدنيّة

16-09-2010, 02:43 AM

هع هع هع
هوووووى رقمى 999

بالمناسبه ... كل المنتديات السودانيه .. شغاله فى الموضوع دا
_______________

دا واحد من منتدى سودانى

( اتصل على شخص زهجان من زوجتو وقال لي مما سمعت الخبر شغلت شرائحي القديمة والجديدة وراجي الرقم (426666000 +) يضرب عشان اقول لزوجتي شوفي دا منو يا حبيبتي وصحابنا املوا كبير في انتظار المكالمة. )

ياخ دا والله بالغ جنس بوليغ http://www.sudaneseonline.com/db/attention/200_4e.gif

------------------
عايز يطبق المثل اليوغسلافي
مصئب قوم عند قوم فوائد ههههههههههههههههههه

مدنيّة

16-09-2010, 02:49 AM

مدنيّة

16-09-2010, 02:51 AM

كدى يا فرده
أعمل لأخوك كول بس
النشوف بتجينى حُمّه

http://www.sudaneseonline.com/db/attention/200_4e.gif

مدنيّة

16-09-2010, 02:53 AM

شلاقة مني دقيت الرقم .. وانا انا انا انا انا انا

الان مرحوم ..

ما بهزل والله جد ..

الرقم ده صاحبو عربي .. بالكل نهي ..

ده كان رد من اساسوا ..

قال كهرباء قال ..

هو نحن كان ما شغالين هاي تيشن ..

ياايمن ياخ دقيت شنو ؟ّ!

قالوا اي زول دق الرقم دا بلقاه ماااااااااااافي
الرقم دا ياخ بدق ما بدقوا عليه http://www.sudaneseonline.com/db/attention/200_4e.gif

مدنيّة

16-09-2010, 02:58 AM

أجي يابري
"علي قولت رضا"

وهسي نرد ولا نعمل نايمين
غايتو الواحد بيكورن برة الشبكة ماعارف اي شئ :confused:

يااختي انتي قاعدة وين ؟!!
امس الخرتوم دي هاااااااائجة التقول فيا انقلاب

------------
للضمان كدا يابنوتة اي رقم مابتعرفيه ماتردي عليه
البتعرفيه زاتوووووووووو اتغابي فيه العرفة لغاية لما تضح الرؤية

-------------
امبارح بدق علي اختي من تلفون المكتب
مليون دقة لما انا فترت ماقالت لي بتقولي في شنو
تقولي تردي ! http://www.sudaneseonline.com/db/attention/200_4e.gif

ايمن عبد الله

16-09-2010, 05:14 AM

ياايمن ياخ دقيت شنو ؟ّ!

قالوا اي زول دق الرقم دا بلقاه ماااااااااااافي
الرقم دا ياخ بدق ما بدقوا عليه http://www.sudaneseonline.com/db/attention/200_4e.gif

دقيت عليهو من هنا .. بجيك جرس .. مرة رد ما بتكلم عربي .. ولا انجليزي .. امكن سواحلي .. وزول مهجوم التقول مطارد نفسو قايم ..

لكن دق يا مدنية .. جاء فيو جرس كم مرة ..

moh_alnour

16-09-2010, 08:58 AM

يا عروة قلت ليك رقم تلفونك كم شنو عملتها لي هع هع هع ما قلتوا نوبة !
كمان معك رقم تلفون مكتب أيمن دا بالله عشان ما يزوغ لو قلنا الموبايل النشوف العقل دا حده وين ؟

عروة : 00971507919379 ، أيمن عبد الله : 00966562140100 أو 00966534505515
النشوف العقل دا حدو وين ؟ كان ما يكونوا غيروهم بعد الإشاعة دي :p

( إتصل على شخص زهجان من زوجتو و قال لي مما سمعت الخبر شغلت شرائحي القديمة والجديدة وراجي الرقم (426666000 +) يضرب
عشان أقول لزوجتي شوفي دا منو يا حبيبتي و صحابنا أملوا كبير في إنتظار المكالمة )

:p :p :p
الله يجازي محنك يا ود المطامير ، بالله الناس دي ممغوسة و صابرة للدرجة دي :p

أبونبيل

16-09-2010, 11:26 AM

“مكالمات الموت” في السودان شائعة

الخرطوم - عماد حسن:

لم تسر شائعة بسرعة فائقة في السودان مثلما حدثت لشائعة “الشحنة الكهربائية القاتلة عبر الجوال”، ربما لأن وسيلة الانتشار هي نفسها عنوان الشائعة، فقد تبادل السودانيون، أمس، تحذيرات جدية من استقبال مكالمة بأرقام معينة تودي فوراً بحياة مستقبلها أو إصابته بالشلل على أقل تقدير، نتيجة شحنة كهربائية تحملها المكالمة .

ودفعت الشائعة بعض المؤسسات والبنوك إلى تحذير منسوبيها عبر الإذاعة الداخلية ومكبرات الصوت، ورغم سرعة إصدار الهيئة القومية للاتصالات بياناً لنفي الأمر، مستخدمة وسائل الإعلام، ورسائل الجوال النصية، إلا أن الشائعة نالت نصيباً من الاهتمام والخوف والتوجس، حيث اغلق كثيرون جوالاتهم، واضطر البعض إلى عدم الرد على أية مكالمة تحمل أرقاماً لا يعرفونها .

واستندت الشائعة على خبر في صحيفة محلية يقول إن مدن الجنوب تعيش حالة رعب بعد حدوث وفيات غامضة سببها مكالمات تليفونية مجهولة، حيث توفي رجل وامرأة بسوق مدينة الرنك، إضافة لوفاة ثلاثة آخرين بمدينة ملكال، بجانب وفاة ثمانية بمدينة واو . وحدثت الوفيات والتي تتكتم عليها حكومة الجنوب نتيجة الصعق بتيار كهربائي مصدره مكالمة تليفونية مجهولة عبر الهاتف الجوال .

وأوضحت الهيئة القومية للاتصالات أن ما أشيع عن وجود مكالمات هاتفية تؤدي الى حالات وفاة غامضة تناقلته بعض وسائل الإعلام عن مصادر مجهولة وغير موثوقة، كما أنه لم يثبت حتى الآن وقوع أي حالة فعلياً . وأضافت أن معايير ومواصفات تقنية الهاتف النقال بالبلاد تتطابق مع المعايير المحددة دولياً، وتقع في النطاق الآمن من حيث الإشعاعات الكهرومغناطيسية والذي يستحيل معه فنياً حدوث مثل تلك الظاهرة، وأشارت الهيئة إلى أن الأرقام المذكورة مجهولة الهوية والمصدر ولا تتسق والخطط الترقيمية المحلية والعالمية، فضلاً عن أن هذه الشائعة تواترت وغزت دولاً مجاورة من قبل وتم دحضها . وطمأنت الهيئة المواطنين انطلاقاً من مسؤوليتها ككيان منظم لقطاع الاتصالات بالبلاد وحرصها على أمن وسلامة المواطنين وعلى سلامة وتأمين الشبكات العاملة، ومطابقة الأجهزة والتراكيب والتقنيات للمعايير والمواصفات الدولية والمحلية المعتمدة .

http://www.alkhaleej.ae/portal/0a0b5a8f-241d-416a-a0f3-815684523e23.aspx

ايمن عبد الله

16-09-2010, 03:43 PM

00966562140100

الرقم اها طلع حطا

ahmed alasmer

16-09-2010, 04:13 PM

دي اشاعات ساي وناسنا اصلا خوافين وناس شمارات

ايمن عبد الله

17-09-2010, 12:23 AM

دي اشاعات ساي وناسنا اصلا خوافين وناس شمارات

الف مرحب بيك يا احمد .. معانا ..

بنت الرفاعي

17-09-2010, 08:35 AM

:d:d:d:d:d:d:d:d

مُباااااااااااااااااالغة:d
(ناس هناي وهناي وديلك لسّة على وجه الأرض؟ مافي زول إتصل فيهم؟؟);)

المُشكلة أنو أكثر من يروج لهذه الإشاعات من المُتعلمين!!!:(

دي ما قريبة من قصة الناس اللي من نيجيريا؟؟!!!:(

أبونبيل

18-09-2010, 12:27 AM

صحيفة آخر لحظة ولغز الإتصال القاتل ...

ليس على الإنسان أن يختار نهايته بالذات في بلد مثل السودان ، والسبب في ذلك لأن هناك أكثر من طريقة للموت ، بالأمس غرق مركب نهري أمام جزيرة توتي تحت سمع وبصر إخوتنا في القصر الرئاسي، وحوادث الطرق تحصد العشرات في كل يوم ، لكن أن تنتهي حياة الإنسان بمكالمة هاتفية فهذه كارثة لا تنقص السودانيين ، فمثلاً ، مستشفى مدني تخصص في بتر الأعضاء لأنه لا يملك وسائل الفحص المبكر لرصد الورم الخبيث ، فسلاح الإشاعة يستطيع أن ينمو ويتمدد في هذه الأيام ، صحيفة آخر لحظة رصدت الخبر بعد أن ترددت في نشره عدة مرات ، لكن بعد تسارع سقوط الضحايا توكلت على الله ونشرته في صحفتها الأولى وتحت عنوان يجير الرعب المخلوط بالإثارة ، لأنها بالفعل – كما زعمت - رصدت حالات وفاة في الجنوب وفي دارفور ، ويبدو أن مدير تحرير الصحيفة نسى مناطق مهمة مثل جبال النوبا والأنقسنا والنيل الأزرق ، فيبدو أن صاحب الإشاعة قد وجه التحذير لمناطق محددة من دون كل مناطق السودان ، فنجت خرطوم عبد الرحمن الخضر من كل شر وسوء ، فأصبحت مثل مدينتي مكة والمدينة بعد خروج المسيح الدجال ، بأسلوب فلم the ring خرج الخبر ، وهو فلم رعب يحكي عن قصة مكالمة قاتلة ، فإذا رفعت سماعة الهاتف سوف تسمع شخصاً يقول لك أن موتك سوف يحين بعد أسبوع ، فالذي نسخ الخبر في صحيفة آخر لحظة يبدو أنه تأثر بمجريات هذا الفلم لكنه وقع في خطأ فاتح ، أنه سمح لنفسه بالحديث عن مصدر المكالمة المجهولة ، هي الولايات المتحدة مرة ، وهي يوغندة في الجانب الآخر من ضفة النهر ، والمستهدفون ليسوا من شريحة تنظيم القاعدة أو أعداء أمريكا ، بل هم مواطنين غير معروفين حتى لدى الصحيفة ، لكن رأي الصحيفة أتفق أنهم من الجنوب ودارفور ، بل حتى أسماء هؤلاء الضحايا الذين ماتوا بسبب هذه المكالمات غير معروفة ، ولا يوجد رأي طبي يؤكد مزاعم الصحيفة ولا حتى شهادات ذويهم أو المستشفيات التي عالجت حالتهم .

لكن الغرض من الإشاعة واضح وجلي وهو خلق بلبلة في الجنوب بشتى السبل ، فقبل أيام قرأت عن تمرد قام به رئيس برلمان الجنوب السيد/رياك مشار ، وسوف يستمر الحال في ذلك أمام ضعف وسائل الإعلام التي تملكها الحركة الشعبية ، ومن المتوقع سرد المزيد من الإشاعات ، سوف يتم التركيز على نشر الخلافات أو حتى تعرض بعض الحركة الشعبية للإغتيال ، فكل من صحيفة آخر لحظة والأهرام والرأي العام مجتمعةً ورثت عرش الإنتباهة التي كان يديرها تيري جونز الإنقاذ والعنصري الطيب مصطفى ، وفي ندوة عُقدت قبل ايام دعا الصحفي الهندي عزالدين إلى " ثأرات " يوم ثلاثاء دامي مثل الذي حدث في أغسطس من عام 2005 بعد رحيل الدكتور جون قرنق ، وفي ذلك اليوم تم الفتك بالجنوبيين الآمنين وترويعهم ، فالهندي عزالدين يدعو لسيناريوهات ما بعد الإنفصال ، فهي سيناريوهات مرعبة مثل التي حدثت بين التوتسي والهوتو في رواندا ، فهو مثلاً دعا لترحيل كل المواطنين من أصول جنوبية من شمال السودان ، فمثل هؤلاء يراهنون على ردة فعل سلبية من أهل الجنوب تساعد في إلغاء الإستفتاء ، فالسبب من إطلاق إشاعة الأمس يدخل في نفس المسعى ، وحتى نفي شركة الإتصالات السودانية والذي صدر من دون توقيع لم يهدئ من روع الناس ، والسبب لأن الإشاعة أنتقلت للخرطوم ، وبعض الناس رفض إستخدام الجوال وبعضهم رفض إستقبال أي مكالمة من هاتف يظهر أرقام مكررة ، وليس المطلوب هو نفي الخبر أو تقديم إعتذار تقوم به هذه الصحيفة لقرائها ، بل المطلوب محاسبتها قانونياً لأنها أحدثت بلبلة بين الناس ، وما قامت به لا يدخل في باب حرية إطلاق السبق الصحفي ، بل الغرض كان سياسياً وموجهاً من الدرجة الأولى .

سارة عيسي
سودانايل

ابراهيم

18-09-2010, 12:35 AM

عشان كدة الحاجة ابت ترد على يوم العيد

الله لا كسب يوغندا

مدنيّة

18-09-2010, 12:40 AM

شكرا عمو عصام علي "رفد" البوست بكل الاخبار الخاصة بالحدث من الصحف او المواقع الاسفيرية

--------------
كل سنة انت والاسرة الكريمة بالف خير يارب
والقابلة كدا نبيل عريس في بيته يارب

مدنيّة

18-09-2010, 12:43 AM

مدنيّة

18-09-2010, 12:49 AM

المفروض ان هيئة الاتصالات تقوم بالتحرى والبحث عن مصدر هذه الارقام ومن الذى يرسلها ويتخيل حاجه زى دى ما صعبة فى ظل التطور الهائل والتقنيات الحديثه فى مجال الاتصالات

جزولي كل سنة وانت طيب وكل اسرتك يارب
-----------
عارف من ضمن الحاجات الخلتني احب مسلسل 24 التكنولوجيا العالية اللي بيظهرها المسلسل دا
في التعامل مع كل الاجهزة الحديثة في عالمنا اليوم

ياخ احنا بعيدين جنس بُعد

مدنيّة

18-09-2010, 01:00 AM

يا جماعة الخير.. أول حاجة
كل عام والجميع بألف خير و عافية
تاني حاجة .. و دي الأهم
عارفين الأسوأ من الإشاعة دي شنو ..؟
و التأثير الأكثر ضرراً من خسائرشركات الإتصالات ..؟

إنزلاق وسائل الإعلام في الترويج لمثل هذه السخافات
و الأدهى والأمر .. تأكيد الشهود العيان

و ما زلنا نطالب بحرّية الصحافة .. و ننسى أن الكلمة أمانة

وانت وكل اسرتك بالف خير يارب

-----------
الصحافة يااحمد للاسف الشديد "استثمار"
عشان كدا عايزة توزع وتربح عبر اي خبر الا من رحم ربي

------------
زعلت جدا في اليوم التاني للاشاعة دي
مستضيفين واحد مابعرفه هو منو
لكن اول مابدأ يتكلم
كلامه كان عن خسائر شركات الاتصال في هذا اليوم !
ياخ ما تخسر لو خسرت
الاولي كان الكلام عن خسائر الشركات ولا محاولة إدخال الطمأنينة لقلوب الناس !
بعدين هي شركات الاتصال دي خسرت كيف عايزة افهم انا
لو كان اي زول بيجيه مليون اتصال و مسج من اصحابه ومعارفه للتحذير من الرد علي الارقام دي
وفي العادة الزول ما بيكون بيستقبل كميات الاتصال دي والمسجات !

ود المطامير

18-09-2010, 01:04 AM

عروة : 00971507919379 ، أيمن عبد الله : 00966562140100 أو 00966534505515
النشوف العقل دا حدو وين ؟ كان ما يكونوا غيروهم بعد الإشاعة دي :p

:p :p :p
الله يجازي محنك يا ود المطامير ، بالله الناس دي ممغوسة و صابرة للدرجة دي :p
حبيبنا محمد

جبت رقمى ورقم الكاشف أخوى

علشان مدنيه تعملنا حقل تجارب ;)

مدنيّة

18-09-2010, 01:06 AM

حبيبنا محمد

جبت رقمى ورقم الكاشف أخوى

علشان مدنيه تعملنا حقل تجارب ;)

ياعروة
انا لقيت الغتاتة العند ود الجاك
عند عصمت مافي ياخ http://www.sudaneseonline.com/db/attention/200_4e.gif

--------------
عصمت للضمان كدا كلامي مزاحا ، ثمح

مدنيّة

18-09-2010, 01:08 AM

ده جبتيهو من وين ؟؟

باص متاخر ..
كل سنة وانتي طيبة.

من النت دا ياسواح

------------
رد الباص
وانت وكل اسرتك بالف خير
ويخلي ليك بنياتك ويفرحك بيهم يارب

مدنيّة

18-09-2010, 01:34 AM

مدنية من تاني يوم ما بترد على تلفوني الـ 12100

انا هينة يا استاذ بدرالدين
"قالوا" سعادتو امير قفل الموبايل ادددددددددددددديل كدا
التقول هو وائل http://www.sudaneseonline.com/db/attention/200_4e.gif

مدنيّة

18-09-2010, 01:57 AM

مدنية

اتزكرته - موضوع البعاتي داك - والرماااد

ياخ احنا شعب مسكين بشكل - :(

يعني ياميسو عايزة تقنعيني انه البعاتي ماااافي ؟!

فعلا شعب مسكين جدا احنا :(

-------------
بالنسبة للكلمة الفوق دي اعد وكدا ، ثمح http://www.sudaneseonline.com/db/attention/200_4e.gif

moh_alnour

18-09-2010, 02:40 AM

عشان كدة الحاجة أبت ترد على يوم العيد ، الله لا كسب يوغندا

أعمل إعادة إتصال في الضحية يا جار منكن مع اللخمة و اللحمة ترد عليك :p

يا عروة أنا لقيت الغتاتة العند ود الجاك عند عصمت مافي ياخ http://www.sudaneseonline.com/db/attention/200_4e.gif

أنا عاااااارف أرقامم عندك بث قلتا زيادة الخير خيرين و أهو برضو نعمل تجربة و نقول التجربة خير برهان :p

عبدالحفيظ

18-09-2010, 04:43 AM

و الله احكى ليكم مقلب عملو فينى صديقنا اسعد العباس
كنت جالس معاهو فى الكشافة و فتحنا الموضوع دة بعد 5 دقائق قال لى ادينى تلفونك
غير اسمو من اسعد ل004466 ودة الرقم القالو حسب الاشاعة
بعد دقيقة مسكل لى فى رفمى و ظهر لى الرقمم بدل اسمو و بالخلعة ما عاينتة للرقم التحت و رميت التلفون و قلته ليو نمشي القسم و هو يضحك
و بعد شوية قال لي دة رقمى انا
جزيت محنك يا ابو السعود

مايسة

18-09-2010, 07:07 AM

يعني ياميسو عايزة تقنعيني انه البعاتي ماااافي ؟!

فعلا شعب مسكين جدا احنا :(

-------------
بالنسبة للكلمة الفوق دي اعد وكدا ، ثمح http://www.sudaneseonline.com/db/attention/200_4e.gif

غايتو - تاني الواحد حا يفتح القااموس قبل ما يكتب ليهو حرف
كرهتونا اللغة العربية وما يجاورها زااتو - قلبنا أجنبي ياخ

الله يسامحك يا مرااااام :cool:

تخريمة : شفتي ليك بعاااتي الله يسالك انت قبل كدا :p

ايمن عبد الله

18-09-2010, 07:50 AM

يعني ياميسو عايزة تقنعيني انه البعاتي ماااافي ؟!

فعلا شعب مسكين جدا احنا :(

http://www.sudaneseonline.com/db/attention/200_4e.gif

بعاتي شنو .. زي الايدز .. اقنعيني انتي انو في ..

بنت الرفاعي

18-09-2010, 07:58 AM

غايتو - تاني الواحد حا يفتح القااموس قبل ما يكتب ليهو حرف

كرهتونا اللغة العربية وما يجاورها زااتو - قلبنا أجنبي ياخ

الله يسامحك يا مرااااام :cool:

تخريمة : شفتي ليك بعاااتي الله يسالك انت قبل كدا :p

:rolleyes: :D :D ;)

اللهم آمين:)
بالنسبة للكلمة أعلاه بالغتِ في فتح قاموس لها!!!:rolleyes:;):cool: