احلام وكوابيس دعوة للنقاش رئيس جهاز السودانيين العاملين بالخارج والمنصب الجديد

[elfatih]

في يوم حار من ايام شهر رمضان المبارك استيقظت اتصبب عرقا لقد رايت في المنام وانا اسدد الضرائب في القنصلية في جدة ضريبة جديدة لنج نزلت مع تعيين الامين العام امين خزينة لنادي الهلال العاصمي طبعا مع الاحتفاظ بالوظيفة القديمة .
ياترى هل سيتحقق هذا الحلم الكابوس يامغتربين ؟

[ابو لوزة]

كل سنة وانت طيب
انت احلم وبس واحلامك اوامر
ومن غير حلم كل يوم الجماعة ديل يفرضوا ضريبة جديدة

[elfatih]

طبعا الضريبة دي حتكون باسم حركي مثل دمغة الجريح والفضائية السودانية وهلم جرا نعيش ونشوف

[نزار احمد كوارتي]

ههههههههه
وهو قالو ليك المحترفين ديل سااااااكت كده
ما لاذم يكون في ليهم ضريبه وللا شنو

[محمود (أبو وضاح)]

كيف يوفق (سعادته) أو (معاليه) بين هذين المنصبين إذا كانت هموم المغتربين ومشاكلهم لازالت بل وتتفاقم من فترة لأخرى وهى مرحلة على مختلف التعيينات التى تمت بالجهاز ، بل ولم توفر لهاالحلول التى وعدوا بتذليلها أو مجابهتها أو التى بشروا بها هؤلاء ومنهم كرار التهامى ، وعلى سبيل المثال مئات الآلاف الموجودين بالسجون بمشاكل ثانوية كان ينبغى للدولة أو الجهاز الذى يمثلهم الوقوف على حلحلتها مع جهات الاختصاص وهى فى الغالب الأعم تمثل ظلم الكفيل للمكفول ، ثانيا ماذا فعل الجهاز وحتى تاريخه نحو شعار العودة العكسية خاصة وأن معظم الدول المضيفة للعمالة المهاجرة بدأت تتململ من وجود العمالة المقيمة (وهو تعبير نرتاح له كثيرا) بدلا من العمالة الأجنبية ؟

[خالد أحمد الصول]

إن كانت قيادتهم مثل كورتهم فعلي الدنيا السلام
و أن كانت ضرائبهم مثل مايدفعون في المحترفين فعلي المغترب السلام

[نزار احمد كوارتي]

إن كانت قيادتهم مثل كورتهم فعلي الدنيا السلام
و أن كانت ضرائبهم مثل مايدفعون في المحترفين فعلي المغترب السلام
الرائع ود الصول أبشرك من هسي علي الدنيا السلام
وأبشرك من زماااااان علي المغترب ألف سلام
ومني ليك آلاف السلام
بعيداً عن هنا:-
بيني وبينك غيبتك بي غادي ما طالت؟
نحن راجينك زي هلال العيد إنشالله المانع خير؟
مع كل الود

[سواااح]

خليهو يا عديلة ..

النومة .. بتريحو شوية.

[عوض صقير]

من الأفضل للمدعو كرار التهامى التفرغ لمالية نادى الهلال لأنها تتناسب وميوله ...

وترك إدارة المغتربين لمن يستحقها فعلاً وقولاً .....

[مدنيّة]

الفاتح اتعشي تاني قبل ما تنوم
عشان ما تطير النوم من عيون المغتربين ديل

[mahagoub]

في يوم حار من ايام شهر رمضان المبارك استيقظت اتصبب عرقا لقد رايت في المنام وانا اسدد الضرائب في القنصلية في جدة ضريبة جديدة لنج نزلت مع تعيين الامين العام امين خزينة لنادي الهلال العاصمي طبعا مع الاحتفاظ بالوظيفة القديمة .
ياترى هل سيتحقق هذا الحلم الكابوس يامغتربين ؟

فال الله ولا حلمك هى ناقصه